129 · GMLW-000217

'PHAGS PA RAB TU ZHI BA RNAM PAR NGES PA'I CHO 'PHRUL GYI TING NGE 'DZIN ZHES BYA BA THEG PA CHEN PO'I MDO

נושאי-מדףSubjects:

נושאיםTopics:Deep Concentrationthe Greater WayEnlightenmentGivingHeapsJoyous EffortKarmaMoralityNirvanaSufferinga Mental Afflictionignorancethe Buddhathe True Nature

נמצא בfound inCollection of Sutras (Sūtra)$$

מספר טוהוקוTohoku numberToh 129 · Sutra

מהדורהrecensionDerge

כותרת בסנסקריטSanskrit titleA'ARYA PRA SH'ANA TA BI NA SHTZA YA PR'A TI H'ARYA N'A MA SA M'A DHI MA H'A Y'A NA S'U TRA

כניעה לhomage toSANGS RGYAS DANG BYANG CHUB SEMS DPA' THAMS CAD

הפנדיטה ההודיIndian panditaDZI NA MI TRA

הלוצאווה הטיבטיTibetan lotsawaBANDE YE SHES SDES

פוליוfolios275b–334a

צורהformprose

מצב תרגוםtranslationno English of the text

כיסוי המילון לכותרתdictionary coverage of the title62%

ז'אנרgenreRoot Texta sutra of the Greater Way with the full frame

מקום החיבורplace of compositionVulture Peakthe Buddha is at Rajgir on the Vulture's Peak with twelve hundred and fifty monks

אנשים ומקומותpeople and places namedJinamitra · Danashila · Yeshe Dethe colophon names the imperial team

רמת קושיleveladvanced scholastic

הכותרת אומתה מול הטקסטtitle verified against the textyesSanskrit and Tibetan title lines both match the filename, and the closing repeats it

הקבציםThe files

KL00129E_'PHAGS PA RAB TU ZHI BA RNAM PAR NGES PA'I CHO 'PHRUL GYI TING NGE 'DZIN ZHES BYA BA THEG PA CHEN PO'I MDO_+.txt/10. MDO MANG_Collection of Sutras (Sūtra)$$/VOL 9 (TA)

הטקסטThe text

טיבטיתTibetanKL00129E_'PHAGS PA RAB TU ZHI BA RNAM PAR NGES PA'I CHO 'PHRUL GYI TING NGE 'DZIN ZHES BYA BA THEG PA CHEN PO'I MDO_+.txt137,721 תוויםcharacters

275b

,,RGYA GAR SKAD DU, A'ARYA PRA SH'ANA TA BI NA SHTZA YA PR'A TI H'ARYA N'A MA SA M'A DHI MA H'A Y'A NA S'U TRA, BOD SKAD DU, 'PHAGS PA RAB TU ZHI BA RNAM PAR NGES PA'I CHO 'PHRUL GYI TING NGE 'DZIN ZHES BYA BA THEG PA CHEN PO'I MDO, BAM PO DANG PO, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS RGYAL PO'I KHAB NA BYA RGOD KYI PHUNG PO'I RI LA DGE SLONG STONG NYIS BRGYA LNGA BCU'I DGE SLONG GI DGE 'DUN CHEN PO DANG, SANGS RGYAS KYI ZHING BYE BA PHRAG BCU'I RDUL PHRA RAB KYI RDUL SNYED KYI BYANG CHUB SEMS DPA' DANG THABS GCIG TU BZHUGS PA LA 'DI LTA STE, BYANG CHUB SEMS DPA' 'JAM DPAL GZHON NUR GYUR BA DANG , SPYAN RAS GZIGS DBANG PHYUG DANG, SMAN GYI RGYAL PO DANG, SMAN YANG DAG BYUNG DANG, SMAN MNGON BSGRAGS DBYANGS RGYAL PO DANG, LAG NA PADMA DANG, NYI MA'I 'OD DANG, RDUL MED RNAM PAR GNON DANG, NGAN SONG SPONG DANG, YE SHES BLA MA'I YE SHES LDAN DANG, RIN CHEN BLA MA'I YE SHES LDAN DANG, SEMS CAN GYI SKAD SHES PA'I YE SHES LDAN DANG,

276a

, ,ME TOG BLA MA'I YE SHES LDAN DANG, ZLA BA'I BLA MA'I YE SHES LDAN DANG, DRI MA MED PA'I BLA MA'I YE SHES LDAN DANG, RDO RJE BLA MA'I YE SHES LDAN DANG, RDUL MED BLA MA'I YE SHES LDAN DANG, RNAM PAR SNANG BYED BLA MA'I YE SHES LDAN DANG, SKAR MA'I RGYAL MTSAN DANG, RIN PO CHE'I RGYAL MTSAN DANG, LHUN PO'I RGYAL MTSAN DANG, CHAGS MED RGYAL MTSAN DANG, ME TOG RGYAL MTSAN DANG, DRI MA MED PA'I RGYAL MTSAN DANG, NYI MA'I RGYAL MTSAN DANG, MDZES PA'I RGYAL MTSAN DANG, RDUL BRAL RGYAL MTSAN DANG, RNAM PAR SNANG BYED RGYAL MTSAN DANG, SA'I GZI BRJID DANG, RIN CHEN GZI BRJID DANG, BLO GROS CHEN PO'I GZI BRJID DANG, YE SHES RDO RJE'I GZI BRJID DANG, DRI MA MED PA'I GZI RDZID DANG, NYI MA'I GZI BRJID DANG, BSOD NAMS RI BO'I GZI BRJID DANG, YE SHES SNANG BA'I GZI BRJID DANG, MTSUNGS MED DPAL GYI GZI BRJID DANG, SA'I SNYING PO DANG, NAM MKHA'I SNYING PO DANG, RIN PO CHE'I SNYING PO DANG, PADMA'I SNYING PO DANG, NYI MA'I SNYING PO DANG, YON TAN RNAM PAR DAG PA'I SNYING PO DANG, CHOS KYI PHYAG RGYA'I SNYING PO DANG, RNAM PAR SNANG BYED KYI SNYING PO DANG, LTE BA'I SNYING PO DANG, PADMA'I DPAL GYI SNYING PO DANG, NYI MA'I MIG DANG, RNAM PAR DAG PA DRI MA MED PA'I MIG DANG, RNAM

276b

PAR SANGS PA'I MIG DANG, CHAGS PA MED PA'I MIG DANG, KUN TU LTA BA'I MIG DANG, SHIN TU RNO BA'I MIG DANG, RDO RJE'I MIG DANG, RIN PO CHE'I MIG DANG, NAM MKHA'I MIG DANG, KUN NAS MIG DANG, LHA'I COD PAN DANG, CHOS KYI DBYINGS SNANG BA'I NOR BU'I COD PAN DANG, BYANG CHUB KYI SNYING PO'I CONG PAN DANG, RNAM PAR SNANG BYED COD PAN DANG, SANGS RGYAS THAMS CAD BYUNG BA'I SNYING PO'I COD PAN DANG, 'JIG RTEN GYI KHAMS THAMS CAD LAS MNGON PAR 'PHAGS PA'I COD PAN DANG, DUS THAMS CAD DU MNGON PAR 'PHAGS PA'I COD PAN DANG, KUN TU RNAM PAR SNANG BYED COD PAN DANG, ZIL GYIS MI NON PA'I COD PAN DANG, CHOS THAMS CAD KYI SNYING PO DE BZHIN GSHEGS PA'I SENG GE'I KHRI 'DZIN PA'I COD PAN DANG, KUN NAS CHOS KYI DBYINGS NAM MKHA' SNANG BA'I COD PAN DANG, TSANGS PA'I DBANG PO'I GTZUG PHUD DANG, KLU'I DBANG PO'I GTZUG PHUD DANG, SANGS RGYAS 'PHRUL BA THAMS CAD SNANG BA'I GTZUG PHUD DANG, BYANG CHUB KYI SNYING PO'I GTZUG PHUD DANG, SMON LAM RGYA MTSO THAMS CAD KYI DBYANGS NOR BU RIN CHEN RGYAL PO'I GTZUG PHUD DANG, DUS GSUM THAMS CAD KUN NAS DBYANGS KYI GTZUG PHUD DANG, DE BZHIN GSHEGS PA THAMS CAD RNAM PAR 'PHRUL PA'I SNANG BA'I RGYAL MTSAN NOR BU'I RGYAL PO NOR BU RIN PO CHE'I DRA BAS BRES PA'I

277a

, ,GTZUG PHUD DANG, DE BZHIN GSHEGS PA THAMS CAD KYI CHOS KYI 'KHOR LO DBYANGS KYI GTZUG PHUD DANG, DE BZHIN GSHEGS PA THAMS CAD KYI 'OD KYI DKYIL 'KHOR RAB TU GTONG BA NOR BU RIN PO CHE MNGON PAR BSGRAGS PA'I GTZUG PHUD DANG, NAM MKHA'I DBYINGS THAMS CAD DBYER MED PA RNAM PAR SHES PA'I NOR BU RIN PO CHES BRGYAN PA'I GTZUG PUD DANG, 'OD CHEN DANG, DRI MA MED PA'I 'OD DANG, RIN PO CHE'I 'OD DANG, RDUL DANG BRAL PA'I 'OD DANG, SNANG BA'I 'OD DANG, CHOS KYI 'OD DANG, ZHI BA'I 'OD DANG, NYI MA'I 'OD DANG, RNAM PAR 'PHRUL PA'I 'OD DANG, LHA'I 'OD DANG, BSOD NAMS 'OD DANG, BSOD NAMS KYI TOG DANG, YE SHES KYI RTOG DANG, CHOS KYI TOG DANG, MNGON PAR SHES PA'I TOG DANG, 'OD KYI TOG DANG, ME TOG GI RTOG DANG, NOR BU'I TOG DANG, SANGS RGYAS KYI TOG DANG, TSANGS PA'I TOG DANG, KUN NAS SNANG BA'I TOG DANG, TSANGS PA'I DBYANGS DANG, SA'I SGRA DBYANGS DANG, RGYA MTSO DBYANGS DANG, 'JIG RTEN DBANG PO'I DBYANGS DANG, RI DBANG RGYAL PO RDOB PA'I DBYANGS DANG, CHOS KYI DBYINGS THAMS CAD RGYAS PAR 'GENGS PA'I DBYANGS DANG, CHOS RGYA MTSO THAMS CAD BSGRAGS PA'I DBYANGS DANG, RGYA MTSO'I DKYIL 'KHOR THAMS CAD RAB TU KLONGS PA'I DBYANGS DANG,

277b

SNYING RJE CHEN PO'I TSUL GYI 'BRUG SGRA BSGRAGS PA'I DBYANGS DANG, 'GRO BA SDUG BSNGAL BA THAMS CAD DBUGS 'BYIN PA'I DBYANGS DANG, CHOS 'PHAGS DANG, KHYAD PAR 'PHAGS DANG, YE SHES 'PHAGS DANG, BSOD NAMS RI RAB 'PHAGS DANG, YON TAN BSOD NAMS 'PHAGS DANG, GRAGS PA 'PHAGS DANG, KUN NAS SNANG BA 'PHAGS DANG, BYAMS PA CHEN PO 'PHAGS DANG, YE SHES 'BYUNG BA 'PHAGS DANG, DE BZHIN GSHEGS PA'I RUS RIGS 'PHAGS DANG, SNANG BA'I DPAL DANG, MCHOG GI DPAL DANG, YANG DAG 'PHAGS PA'I DPAL DANG, RNAM PAR SNANG BYED DPAL DANG, ZLA BA'I DPAL DANG, TSOGS KYI DPAL DANG, NAM MKHA'I DPAL DANG, RIN PO CHE'I DPAL DANG, RTOG GI DPAL DANG, YE SHES DPAL DANG, S'A LA'I DBANG PO'I RGYAL PO DANG, 'GRO BA'I DBANG PO'I RGYAL PO DANG, TSANGS PA'I DBANG PO'I RGYAL PO DANG, RI'I DBANG PO'I RGYAL PO DANG, MI G-YO BA'I DBANG PO'I RGYAL PO DANG, KHYU MCHOG GI DBANG PO'I RGYAL PO DANG, BLO MCHOG GI DBANG PO'I RGYAL PO DANG, RAB TU ZHI BA'I NGA RO DANG, CHAGS MED NGA RO DANG, SA DBYANGS NGA RO DANG, RGYA MTSO 'BRUG BSGRAGS NGA RO DANG, SNGON GYI SMON LAM GYIS BSKUL BA'I NGA RO DANG, RGYA MTSO'I DKYIL 'KHOR SGRA'I NGA RO DANG, YE SHES LHUN PO'I DANG, NAM MKHA'I BLO DANG, DRI MA MED PA'I BLO DANG, CHAGS PA MED PA'I BLO

278a

, ,DANG, RNAM PAR SANGS PA'I BLO DANG, DUS GSUM SNANG BA'I BLO DANG, RLABS PO CHE'I BLO DANG, RIN PO CHE'I BLO DANG, YANGS PA'I BLO DANG, KUN TU LTA BA'I BLO DANG, BYANG CHUB SEMS DPA' SEMS DPA' CHEN PO CHOS KYI DBYINGS KYI TSUL SNANG BA'I BLO DANG, DE DAG LA SOGS PA SANGS RGYAS KYI ZHING BYE BA PHRAG BCU'I RDUL PHRA RAB KYI RDUL SNYED KYI BYANG CHUB SEMS DPA' SEMS DPA' CHEN PO THAMS CAD KYANG PHYIR MI LDOG PA NAM MKHA'I DBYINGS LTAR TSAD MED PA'I CHOS DANG LDAN PA, CHOS KYI DBYINGS SGRIB PA MED PA MNYAM PAR GNAS PA DANG LDAN PA, YANG DAG PA'I MTHA' DANG CHOS KYI DBYINGS MNYAM PA NYID DANG LDAN PA, LAS LAS KUN TU 'BYUNG BA'I RNAM PAR SMIN PA JI LTA BA BZHIN DU MOS PA , RGYU LAS KUN TU 'BYUNG BA'I 'BRAS BU JI LTA BA BZHIN DU MOS PA, RGYA'I 'BUR 'BYUNG BA LTA BU'I CHOS THAMS CAD MNYAM PA NYID DU SHES PA DANG LDAN PA, MIG YOR DANG GZUGS BRNYAN LTAR SNANG BA'I CHOS MNYAM PA NYID DANG LDAN PA, SGRA SKAD RNAM PAR RIG PA, BRAG CA DANG MTSUNGS PA'I CHOS THAMS CAD DANG LDAN PA SHA STAG GO ,THAMS CAD KYANG RNAM PAR THAR PA BSAM GYIS MI KHYAB PA'I TING NGE 'DZIN THOB PA, DPA' BAR 'GRO BA'I TING NGE 'DZIN THOB PA, SANGS RGYAS KYI SKU'I KHA DOG MTHA' YAS PA, YONGS SU GRUB PA

278b

SGRUB PA'I GZUNGS LA RAB TU GNAS PA, SKRA TZAM GYI KHYON GCIG LA SANGS RGYAS KYI ZHING THAMS CAD KUN TU STON PA LA MKHAS PA, SKRA TZAM GYI KHYON GCIG LA 'CHI 'PHO DANG, SKYE BA DANG, TSE DANG, MNGON PAR 'BYUNG BA DANG, DKA' BA SPYOD PA STON PA DANG, BYANG CHUB KYI SNYING POR 'GRO BA DANG, MNGON PAR RDZOGS PAR BYANG CHUB PA DANG, CHOS KYI 'KHOR LO RAB TU SKOR BA DANG, YONGS SU MYA NGAN LAS 'DAS PA CHEN PO KUN TU STON PA, PHYOGS BCU'I 'JIG RTEN GYI KHAMS THAMS CAD SKYIL MO KRUNG GCIG GIS RGYAS PAR 'GENGS PA'I YE SHES DANG, LDAN PA, ZHING THAMS CAD KYI RGYAN ZHING GCIG TU KUN TU STON PA'I YE SHES DANG LDAN PA, ,ZHING GCIG GI RGYAN BKOD PA ZHING THAMS CAD DU STON PA DANG LDAN PA, PHYOGS BCU'I 'JIG RTEN GYI KHAMS THAMS CAD KYI DE BZHIN GSHEGS PA THAMS CAD KYI 'KHOR DE BZHIN GSHEGS PA GCIG GI 'KHOR DU STON PA, DE BZHIN GSHEGS PA GCIG GI 'KHOR DE BZHIN GSHEGS PA THAMS CAD KYI 'KHOR DU STON PA; CHOS THAMS CAD MTHA' DANG DBUS MED PAR STON PA LA MKHAS PA, CHOS THAMS CAD MTHA' YAS PA'I MTHAR GYUR PA, MTHA' DANG DBUS MED PA SGYU MA'I DRA BA LTA BUR RAB TU STON PA, BSKAL PA MTHA' YAS MU MED PAR SEMS CAN THAMS CAD THA DAD PA MED PAR KUN TU STON PA, SEMS CAN THAMS CAD KYI LUS RANG GI LUS SU BYIN GYIS RLOB PA'I MOS PA'

279a

, ,'JUG PA LA MKHAS PA, SANGS RGYAS THAMS CAD KYI SKU SKU GCIG TU MOS PA 'JUG PA LA MKHAS PA, SANGS RGYAS GCIG GI SKU SANGS RGYAS MA LUS PA THAMS CAD KYI SKUR 'JUG PAR SEMS CAN GZHAN LA KUN TU STON PAR MKHAS PA, PHYOGS BCU'I 'JIG RTEN GYI KHAMS THAMS CAD RANG GI LUS KUN TU STON PA LA MKHAS PA, DUS GSUM THAMS CAD CHOS KYI SKU GCIG GIS KHYAB PAR SEMS CAN LA KUN TU STON PA, LUS GCIG GI TING NGE 'DZIN LA SNYOMS PAR ZHUGS LA LUS MTHA' YAS PA LAS LDANG BAR SEMS CAN LA KUN TU STON PA, LUS GCIG GIS MNGON PAR RDZOGS PAR BYANG CHUB LA SEMS CAN THAMS CAD SNYED KYI LUS KUN TU STON PA, SEMS CAN THAMS CAD KYI LUS SEMS CAN GCIG GI LUS SU KUN TU STON PA, SEMS CAN GCIG GI LUS SEMS CAN THAMS CAD KYI LUS SU KUN TU STON PA, SEMS CAN GYI LUS CHOS KYI SKUR KUN TU STON PA, CHOS KYI SKU SEMS CAN GYI LUS SU STON PA, BYANG CHUB SEMS DPA' THAMS CAD KYI SMON LAM RANG GI SMON LAM DU BYIN GYIS RLOB PA LA MKHAS PA, BYANG CHUB SEMS DPA' RNAMS LA SANGS RGYAS THAMS CAD MNGON PAR RDZOGS PAR BYANG CHUB PA DANG, SMON LAM DANG, STOBS DANG, MNGON PAR RDZOGS PAR BYANG CHUB PA KUN TU STON PA, YONGS SU SMIN PA'I

279b

SEMS CAN LA 'DUL BA JI LTA BU BZHIN DU BLA NA MED PA YANG DAG PAR RDZOGS PA'I BYANG CHUB KUN TU STON PA, BSKAL PA BGRANGS PA THAMS CAD DU SMON LAM GYI RGYUN MI GCOD PA, RNAM PAR SHES PA'I LUS LAS BSKYOD NAS YE SHES KYI SKU LA 'JOG PAR DBANG BYED PAR SEMS CAN GYI TSOGS THAMS CAD LA KUN TU STON PA, RANG GI LUS KYI RGYUN BCAD NAS SEMS CAN GYI TSOGS GZHAN GYI SMON LAM YONGS SU RDZOGS PAR BYED PAR KUN TU STON PA, SEMS CAN THAMS CAD YONGS SU SMIN PAR BYED PA'I SMON LAM LA 'JUG PA, 'JIG RTEN GYI KHAMS GCIG NA BSKAL PA BGRANGS PA THAMS CAD DU BYANG CHUB SEMS DPA'I SPYOD PA RGYUN MI GCOD PA MNGON PAR RDZOGS PAR BYANG CHUB PAR SMON LAM BTAB PA'I STOBS KYIS SKRA TZAM GYI KHYON GCIG LA SANGS RGYAS KYI ZHING THAMS CAD RGYAS PAR 'GENGS PA'I 'JIG RTEN GYI KHAMS BRJOD DU MED PA KUN TU STON PA, 'JIG RTEN GYI KHAMS GCIG TU LUS DU MA KUN TU STON PA, CHOS KYI TSIG GCIG BRJOD PAS CHOS KYI DBYINGS MA LUS PAR RGYAS PAR 'GENGS PA'I CHOS KYI SPRIN CHEN PO LAS BYUNG BA'I BDUD RTZI'I KHU BA'I CHAR BA 'BEBS LA, RIG PA DANG RNAM PAR GROL BA'I GLOG PHYUNG ZHING YANG DAG PA DE KHO NA'I 'BRUG BSGRAGS PAS SEMS CAN GYI KHAMS THAMS CAD TSIM PAR BYED CING SMON LAM CHEN PO YONGS SU RDZOGS PAR BYED PAR KUN TU STON PA,

280a

, ,BSAM GTAN DANG, RNAM PAR THAR PA DANG, MNGON PAR SHES PA DANG, RIG PA DANG YE SHES LA 'JUG PAR SPYOD YUL BA, SEMS BSKYED PA GCIG GIS PHYOGS BCU'I 'JIG RTEN GYI KHAMS RAB 'BYAMS THAMS CAD DU 'GRO BA'I SKYE BA THAMS CAD DU SKYES PA'I SEMS CAN THAMS CAD KYI LUS KUN TU STON PA, RANG GI SEMS SHES PA DANG GZHAN GYI SEMS SHES PA CHAGS PA MED PAS, SEMS CAN GCIG DANG SEMS CAN THAMS CAD KYI SEMS KYI SPYOD PA DANG G-YO BA SHES PA LA MKHAS PA, DE BZHIN GSHEGS PA'I STOBS BCU LA SKAD CIG GCIG GIS 'JUG PA'I YE SHES LA MKHAS PA, DUS GSUM DU GTOGS PA THAMS CAD KYI GRANGS LA CHAGS PA MED PA'I YE SHES LA 'JUG PA, SEMS CAN GZHAN GYI RGYUD LA YANG DAG PAR THOB PAR BYED PA'I YE SHES LA MKHAS PA, SEMS KYI SKAD CIG SEMS KYI SKAD CIG LA PHYOGS BCU'I 'JIG RTEN GYI KHAMS RAB 'BYAMS THAMS CAD DU SEMS CAN THAMS CAD LA MNGON PAR RDZOGS PAR BYANG CHUB PA KUN TU STON PA LA MKHAS PA, SEMS CAN GCIG GI 'DU SHES KYIS SEMS CAN MA LUS PA THAMS CAD KYI LAS KYI BYA BA LA MNGON SUM DU 'JUG PA'I YE SHES LA MKHAS PA, SEMS CAN GCIG GI SGRA SKAD KYIS SEMS CAN THAMS CAD KYI SKAD LA 'JUG PAR STON PA'I YE SHES LA MKHAS PA, LUS

280b

GCIG LA DMIGS LA SEMS CAN THAMS CAD KYI LUS LA DMIGS PAR KUN TU STON PA LA MKHAS PA, DE BZHIN GSHEGS PA GCIG GI 'KHOR GYI DKYIL 'KHOR DU 'JUG LA DE BZHIN GSHEGS PA THAMS CAD KYI 'KHOR GYI DKYIL 'KHOR NA CHOS STON PA KUN TU 'DZIN PA LA MKHAS PA SHA STAG GO ,THAMS CAD KYANG GZUNGS THAMS CAD THOB PA, SHIN TU RNAM PAR NGES PA'I SPOBS PA STON CING SEMS CAN GYI KHAMS THAMS CAD KYI DBANG PO 'DZIN PAR 'JUG PA LA MKHAS PA, SEMS CAN GCIG GI SEMS LA DMIGS PAS BRJOD DU MED PA'I RGYUD DU BYANG CHUB RNAM PAR 'TSANG RGYA ZHING SEMS CAN THAMS CAD KYI SEMS LA 'JUG PA'I YE SHES LA MKHAS PA, SKAD CIG GIS 'JIG RTEN GYI KHAMS THAMS CAD DU GO BAR BYED CING SEMS CAN THAMS CAD KYI BSAM PA'I RIM PA SHES LA SEMS CAN GZHAN GYI RGYUD LA YANG DAG PAR THOB PAR BYED PA'I YE SHES LA MKHAS PA, SNGON GYI MTHA'I MU'I BSKAL PA MTHA' YAS PA'I 'GRO BA THAMS CAD KYI SEMS BSAM GYIS MI KHYAB PA RJES SU DRAN PA LA 'JUG PAS LAS DANG, BYA BA DANG, 'BRAS BU RNAM PAR SMIN PA JI LTA BA BZHIN DU MNGON SUM DU SEMS CAN LA STON CING SEMS CAN LA SHES PAR BYED PA LA MKHAS PA, 'JIG RTEN GYI KHAMS THAMS CAD BRGYAN PA LA MKHAS PA, 'JIG RTEN GYI KHAMS THAMS CAD KUN TU 'JUG

281a

, ,PA LA MKHAS PA, SANGS RGYAS DANG BYANG CHUB SEMS DPA' THAMS CAD KYI SMON LAM DANG BDAG GI SPYOD PA DANG SMON LAM YANG DAG PAR SKYED CING CHOS KYI SNANG BA RAB TU GTONG BA LA MKHAS PA, RDUL PHRA RAB KYI RDUL GCIG LA BSKAL PA DANG 'JIG RTEN GYI KHAMS BRJOD DU MED PA LA 'JUG PA LA MKHAS PA, RDUL PHRA RAB KYI RDUL GCIG LA 'JIG RTEN GYI KHAMS THAMS CAD KYI TSAD TZAM GYIS SANGS RGYAS KYI ZHING GCIG KUN TU STON PA LA MKHAS PA, MTSO CHEN PO RGYA MTSO'I CHU'I PHUNG PO THAMS CAD SPU'I KHUNG BU GCIG TU BCUG STE, CHOS KYI DBYINGS KYI TSAD TZAM GYI 'JIG RTEN GYI KHAMS THAMS CAD DU 'GRO'ANG SEMS CAN RNAMS LA GNOD PA MED PA LA MKHAS PA, 'JIG RTEN GYI KHAMS BRJOD DU MED PA RANG GI LUS SU 'JUG CING SEMS CAN GYI BYA BA THAMS CAD KUN TU STON PA LA MKHAS PA, KHOR YUG DANG, KHOR YUG CHEN PO DANG, RI CHEN PO GZHAN GRANGS MED CING BSAM GYIS MI KHYAB LA MTSUNGS PA MED CING GZHAL DU MED DE, TSAD MED LA BRJOD DU MED PA'I YANG BRJOD DU MED PA DAG SPU'I KHUNG BU GCIG TU BCUG STE, CHOS KYI DBYINGS KYI TSAD TZAM GYIS 'JIG RTEN GYI KHAMS THAMS CAD DU 'GRO'ANG SEMS CAN RNAMS SKRAG PAR MI 'GYUR BA LA MKHAS PA, BSKAL PA BRJOD DU MED PA'I YANG BRJOD DU

281b

MED PA BSKAL PA GCIG TU BYIN GYIS RLOB CING, BSKAL PA GCIG KYANG 'JIG PA DANG 'CHAGS PA'I BSKAL PA BRJOD DU MED PA'I YANG BRJOD DU MED PAR KUN TU STON PA LA MKHAS PA, 'DUL BA JI LTA BA BZHIN DU SEMS CAN THAMS CAD LA 'JIG RTEN GYI KHAMS THAMS CAD CHUS 'JIG PA DANG, MES 'JIG PA DANG, RLUNG GIS 'JIG PAR KUN TU STON PA LA MKHAS PA, 'JIG RTEN GYI KHAMS GRANGS MED BSAM GYIS MI KHYAB PA RKANG PA'I MTHE BOS MNAN KYANG SEMS CAN LA GNOD PA MED PAR MKHAS PA SHA STAG GO ,THAMS CAD KYANG CHOS KYI SPRIN GYIS THOB PA PHYOGS BCU'I 'JIG RTEN GYI KHAMS THAMS CAD KYI SEMS CAN RNAMS LA 'DUL BA JI LTA BA BZHIN DU 'TSE BA DANG BCAS PA DANG, GNOD PA DANG BCAS PA DANG, MU GE'I MYA NGAN CHEN PO BYIN GYIS RLOB PA KUN TU STON PA LA MKHAS PA, SEMS CAN GZHAN LA RNAM PAR 'TSE BA MED PA MNGON PAR SHES PA SANGS RGYAS MI BZHUGS PA'I 'JIG RTEN GYI KHAMS SU SANGS RGYAS 'BYUNG BAR KUN TU STON PA SHA STAG STE, BZANG SKYONG LA SOGS PA BYANG CHUB SEMS DPA' LNGA BRGYA THAMS CAD KYANG PHYIR MI LDOG PA SHA STAG GO ,YANG DE'I TSE YANGS PA CAN GYI GRONG KHYER CHEN PO NAS LI TZTSA B'I GZHON NU DKON MCHOG 'BYUNG GNAS ZHES BYA BA LI TZTSA B'I GZHON NU NYI KHRI CHIG STONG GIS YONGS SU BSKOR TE MDUN DU BDAR NAS LHAN CIG TU BYA RGOD KYI PHUNG PO'I RIG

282a

, ,LA BA DER SONG STE PHYIN PA DANG, BCOM LDAN 'DAS KYI ZHABS LA MGO POS PHYAG BTZAL TE, G-YAS PHYOGS LOGS SU 'DUG NAS THAMS CAD KYANG MIG MI 'DZUM PAR BCOM LDAN 'DAS LA BLTA ZHING 'KHOD PAR GYUR TO, ,GA Y'A'I GRONG KHYER CHEN PO NAS KHYIM BDAG SNGO SANGS CAN ZHES BYA BA DGE BSNYEN LNGA BRGYAS YONGS SU BSKOR TE MDUN DU BDAR NAS BCOM LDAN 'DAS GA LA BA DER SONG STE PHYIN NAS, BCOM LDAN 'DAS KYI ZHABS LA MGO BOS PHYAG BTZAL TE MIG MI 'DZUM PAR BCOM LDAN 'DAS LA BLTA ZHING PHYOGS GCIG TU 'DUG GO ,KHYIM BDAG BZANG SKYONG YANG KHYIM BDAG LNGA STONG GIS YONGS SU BSKOR TE MDUN DU BDAR NAS BCOM LDAN 'DAS GA LA BA DER SONG STE PHYIN NAS, BCOM LDAN 'DAS KYI ZHABS LA MGO BOS PHYAG BTZAL TE PHYOGS GCIG TU 'DUG NAS THAMS CAD KYANG MIG MI 'DZUM PAR BCOM LDAN 'DAS LA BLTA ZHING 'KHOD PAR GYUR TO, ,KHYIM BDAG LEGS SBYIN YANG KHYIM BDAG LNGA STONG GIS YONGS SU BSKOR NAS BCOM LDAN 'DAS GA LA BA DER SONG STE PHYIN NAS, BCOM LDAN 'DAS KYI ZHABS LA MGO BOS PHYAG BTZAL TE, PHYOGS GCIG TU 'DUG NAS THAMS CAD MIG MI 'DZUM PAR BCOM LDAN 'DAS LA BLTA ZHING 'KHOD PAR GYUR TO, ,KHYIM BDAG DED DPON BZANG

282b

PO'ANG G-YOG MANG PO DANG BCOM LDAN 'DAS GA LA BA DER SONG STE PHYIN NAS, BCOM LDAN 'DAS KYI ZHABS LA MGO POS PHYAG BTZAL TE PHYOGS GCIG TU 'DUG NAS, BCOM LDAN 'DAS LA MIG MI 'DZUM PAR BLTA ZHING 'DUG GO ,TZAM PA'I GRONG KHYER CHEN PO NAS KYANG TSONG DPON GYI BU LAG BZANG TSONG DPON GYI BU BRGYAD KHRI BZHI STONG GIS YONGS SU BSKOR TE MDUN DU BDAR NAS BCOM LDAN 'DAS GA BA DER SONG STE PHYIN NAS, BCOM LDAN 'DAS KYI ZHABS LA MGO BOS PHYAG BTZAL TE PHYOGS GCIG TU 'DUG NAS BCOM LDAN 'DAS LA MIG MI 'DZUM PAR BLTA ZHING 'DUG GO ,BRAM ZE'I KHYE'U MES BYIN YANG BRAM ZE'I KHYE'U LNGA BRGYAS YONGS SU BSKOR TE MDUN DU BDAR NAS BCOM LDAN 'DAS GA LA BA DER SONG STE PHYIN PA DANG, BCOM LDAN 'DAS KYI ZHABS LA MGO BOS PHYAG BTZAL TE PHYOGS GCIG TU 'DUG NAS THAMS CAD KYANG BCOM LDAN 'DAS LA MIG MI 'DZUM PAR BLTA ZHING 'KHOD PAR GYUR TO, ,BRAM ZE'I KHYE'U DGA' BA'I ZLA BA'ANG G-YOG BRAM ZE'I KHYE'U LNGA BRGYA DANG BCOM LDAN 'DAS GA LA BA DER SONG STE PHYIN PA DANG, BCOM LDAN 'DAS KYI ZHABS LA MGO BOS PHYAG BTZAL TE PHYOGS GCIG TU 'DUG NAS BCOM LDAN 'DAS LA MIG MI 'DZUM PAR BLTA ZHING 'DUG GO ,LUS 'PHAGS MO'I BU YUL MA GA DHA'I RGYAL PO MA SKYES DGRA'ANG SROG CHAGS LNGA

283a

, ,STONG GIS YONGS SU BSKOR TE MDUN DU BDAR NAS GLANG PO'I DBANG PO NOR SKYONG LA ZHON TE BCOM LDAN 'DAS GA LA BA DER SONG NAS DE BZHON DU RUNG BA'I SA JI TZAM PA DE TZAM DU NOR SKYONG LA ZHON TE, KHANG BU BRTZEGS MAR SONG NAS BZHON PA LAS BABS TE RKANG GIS BYA RGOD KYI PHUNG PO'I RI LA 'DZEGS NAS, BCOM LDAN 'DAS GA LA BA DER SONG STE PHYIN PA DANG, BCOM LDAN 'DAS KYI ZHABS LA MGO BOS PHYAG BTZAL TE, SROG CHAGS LNGA STONG DANG LHAN CIG TU PHYOGS GCIG TU 'DUG NAS BCOM LDAN 'DAS LA MIG MI 'DZUM PAR BLTA ZHING 'DUG GO ,GRONG KHYER CHEN PO W'A RA nA S'I NAS TSONG DPON GYI BU YUL 'KHOR BZANG PO ZHES BYA BA'ANG TSONG DPON GYI BU LNGA BRGYAS YONGS SU BSKOR TE MDUN DU BDAR NAS BCOM LDAN 'DAS GA LA BA DER SONG STE PHYIN PA DANG, BCOM LDAN 'DAS KYI ZHABS LA MGO BOS PHYAG BTZAL TE PHYOGS GCIG TU 'DUG NAS BCOM LDAN 'DAS LA MIG MI 'DZUM PAR BLTA ZHING 'DUG GO ,LHA'I DBANG PO BRGYA BYIN DANG, MI MJED KYI BDAG PO TSANGS PA DANG, 'JIG RTEN SKYONG BA BZHI DANG, LHA'I BU DBANG PHYUG CHEN PO DANG, LHA'I BU ZLA BA DANG, LHA'I BU SHIN TU RNAM PAR GNON SEMS DANG, LHA'I BU MTSAN BZANG DANG, LHA'I BU GZHAN YANG BSAM GYIS MI KHYAB, MTSUNGS

283b

PA MED, GZHAL DU MED, DPAG TU MED, TSAD MED PA DAG LHA'I BU RE RE LA'ANG G-YOG LHA'I BU BYE BA KHRAG KHRIG PHRAG BRGYA STONG DANG BCOM LDAN 'DAS GA LA BA DER SONG STE LHAGS NAS LHA'I BU RE RES KYANG BCOM LDAN 'DAS LA TSUL DANG MTHUN PA'I MCHOD PA BSAM GYIS MI KHYAB PA BYAS TE, PHYOGS GCIG TU 'DUG NAS THAMS CAD KYANG BCOM LDAN 'DAS LA MIG MI 'DZUM PAR BLTA ZHING 'KHOD PAR GYUR TO, ,YANG DE'I TSE BCOM LDAN 'DAS SPU'I KHUNG BU RE RE DANG, DPE BYAD BZANG PO DANG, MTSAN RE RE NAS KYANG SANGS RGYAS KYI ZHING BCU'I RDUL PHRA RAB KYI RDUL SNYED KYI 'OD PHYUNG STE, 'OD ZER DE RE RES KYANG PHYAGS BCU'I PHYOGS RE RER SANGS RGYAS KYI ZHING BYE BA PHRAG BCU'I RDUL PHRA RAB KYI RDUL SNYED KYI 'JIG RTEN GYI KHAMS SNANG BA CHEN POS KHYAB PAR BYAS SO, ,'JIG RTEN GYI KHAMS RE RE NAS KYANG BYANG CHUB SEMS DPA' BYE BA KHRAG KHRIG BRGYA STONG GRANGS MED PA 'ONGS TE, BYANG CHUB SEMS DPA' RE RE'ANG RIN PO CHE'I KHANG PA BRTZEGS PA CHEN PO NANG RGYA RA DPAG TSAD BYE BA BRGYA STONG YOD PA, RIN PO CHE'I KHA KHYER GYIS BSKOR BA'I NOR BU DANG, MU TIG DANG, RIN PO CHE'I LNGA LDIS MDZES PAR BYAS PA, RGYAL MTSAN DANG, BA DAN BSGRENG PA'I NANG NA GNAS SHING LHA'I BU MO BYE BA KHRAG KHRIG BRGYA STONG GRANGS MED BSAM GYIS MI KHYAB PAS YONGS SU BSKOR NAS BCOM LDAN

284a

, ,'DAS GA LA BA DER SONG STE PHYIN NAS, LHA'I ME TOG GI SPRIN DANG, RIN PO CHE'I SPRIN DANG, NA BZA'I SPRIN DANG, TZANDAN SPRUL GYI SNYING PO DANG, AA GA RU DANG, SPOS KYI SBRIN DANG, LHA'I ROL MO DANG, PHEG RDOB DANG, GLU'I SPRIN 'JIG RTEN GYI KHAMS KYI TSAD TZAM GTOR NAS PHYOGS GCIG TU 'KHOD DE BCOM LDAN 'DAS LA MIG MI 'DZUM PAR BLTA ZHING 'KHOD PAR GYUR TO, ,YANG DE'I TSE NA STONG GSUM GYI STONG CHEN PO'I 'JIG RTEN GYI KHAMS 'DI THA NA SKRA'I RTZE MO'I CHA SHAS KYI PHYOGS TZAM YANG LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE CHEN PO DANG, BRGYA BYIN DANG, TSANGS PA DANG, 'JIG RTEN SKYONG BA DANG, MI DANG, MI MA YIN PA DANG, BYANG CHUB SEMS DPA' RGYA CHE BA RGYA CHE BDAG GIS MA KHEBS PAR GYUR PA MED DO, ,YANG DE'I TSE BYANG CHUB SEMS DPA' BZANG SKYONG ZHES BYA BA BSTAN LAS LANGS TE, BLA GOS PHRAG PA GCIG TU GZAR NAS PUS MO G-YAS PA'I LHA NGAS LA BTZUGS NAS BCOM LDAN 'DAS GA LA BA DE LOGS SU THAL MO SBYAR BA BTUD NAS, BCOM LDAN 'DAS LA 'DI SKAD CES GSOL TO, ,GAL TE ZHUS NAS ZHU BA LUNG BSTAN PA'I SLAD DU BCOM LDAN 'DAS KYIS BDAG LA SKABS PHYE NA, BCOM LDAN 'DAS DE BZHIN GSHEGS

284b

PA DGRA BCOM PA YANG DAG PAR RDZOGS PA'I SANGS RGYAS LA BDAG PHYOGS 'GA' ZHIG ZHU'O, ,DE SKAD CES GSOL PA DANG, BCOM LDAN 'DAS KYIS BYANG CHUB SEMS DPA' BZANG SKYONG LA 'DI SKAD CES BKA' STZAL TO, ,BZANG SKYONG, KHYOD CI DANG CI 'DOD PA DRIS SHIG DANG, NGAS DRIS PA DE DANG DE'I LUNG BSTAN PAS KHYOD KYI SEMS RANGS PAR BYA'O, ,DE SKAD CES BKA' STZAL PA DANG, BCOM LDAN 'DAS LA BYANG CHUB SEMS DPA' BZANG SKYONG GIS 'DI SKAD CES GSOL TO, ,BCOM LDAN 'DAS, GNAS GANG DANG, SPYOD PA JI LTA BU DANG, TSUL JI LTA BU DANG, KHYAD PAR JI LTA BU DANG, DGE BA'I RTZA BA JI LTA BU DANG, BRTZON 'GRUS JI LTA BU DANG, RAB TU ZHI BA JI LTA BU DANG, YE SHES LA MKHAS PA JI LTA BU DANG, DRAN PA JI LTA BA DANG, RTOGS PA JI LTA BU DANG, BLO GROS JI LTA BU DANG, KHREL MCHIS PA JI LTA BU DANG, MOS PA JI LTA BU DANG, GO CHA JI LTA BUS BYANG CHUB SEMS DPA' SEMS DPA' CHEN PO BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG STE, BLA NA MED PA YANG DAG PAR RDZOGS PA'I BYANG CHUB LAS MI NYAMS SHING YONGS SU MI NYAMS PA LAGS, JI LTAR NA DE BZHIN GSHEGS PA'I SPYOD PAS BYUNG BA LAGS, JI LTAR NA DE BZHIN GSHEGS PA'I YE SHES LA BRTZON 'GRUS SBYANGS PA LAGS, JI LTAR NA SHES RAB CHE BA LAGS, JI LTAR NA YE SHES CHEN PO LA MKHAS

285a

, ,PA LAGS, JI LTAR NA TSUL KHRIMS RNAM PAR DAG PA LAGS, JI LTAR NA JI LTAR THOS PA'I CHOS RNAMS MI BSKYUD PAS DRAN PA DANG LDAN PA LAGS, JI LTAR NA DGE BA'I RTZA BA JI LTAR BGYIS PA BZHIN DU SKYES PAS TSE RABS DRAN PA LAGS, JI LTAR NA SEMS CAN GZHAN LA SKUL BAS SNGON GYI GNAS PA LA MKHAS PA LAGS, JI LTAR NA DBANG PO'I KHYAD PAR LA MKHAS PAS BLO DANG LDAN PA LAGS, JI LTAR NA MTSAN DANG LDAN PA LAGS, JI LTAR NA SANGS RGYAS LA BLTA BA DANG, CHOS NYAN PA DANG, DGE 'DUN LA BSNYEN BKUR BGYID PA DANG MI 'BRAL BA LAGS, JI LTAR NA 'JIG RTEN GYI KHAMS GZHAN NA BZHUGS PA'I SANGS RGYAS BCOM LDAN 'DAS RNAMS MTHONG ZHING, 'JIG RTEN GYI KHAMS MTHA' YAS MU MA MCHIS PAR DE DAG GI CHOS KYANG THOS LA, THAMS CAD KYANG KUN TU 'DZIN, ,KUN CHUB PAR BGYID, GZHAN LA'ANG RGYA CHER YANG DAG PAR RAB TU STON PA LAGS, JI LTAR NA MI DGE BA'I RTZA BA THAMS CAD SREG PAS ME LCE LTA BU LAGS, JI LTAR NA CHOS DKAR PO THAMS CAD KHONG DU CHUD PAS ZLA BA LTA BU LAGS JI LTAR NA MA RIG PA'I MUN PA THAMS CAD SEL BAS NYI MA LTA BU LAGS, JI LTAR NA DGE BA'I RTZA BA THAMS CAD KYIS 'PHAGS PAS RI BO'I DBANG PO'I RGYAL PO LTA BU LAGS,

285b

JI LTAR NA 'THAB MO LA BZOD PA MI PHYED PAS RDO RJE LTA BU LAGS, JI LTAR NA LHUN PO BRTZEGS PA DANG MTSUNGS SHING 'DRA BAS MI 'JIGS PA THOB PA LAGS, JI LTAR NA SPOBS PA THOGS PA MA MCHIS PAS DBYANGS SHIN TU YONGS SU DAG PA LAGS, JI LTAR NA TSIG THAMS CAD RAB TU DBYE BA RNAM PAR NGES PA LA MKHAS PAS THOS PA MANG BA LAGS, JI LTAR NA KHRO GNYER MA MCHIS LA BZHIN 'DZUM ZHING SHIN TU GSAL BA LAGS, JI LTAR NA 'JIG RTEN GYI CHOS THAMS CAD KYIS MA GOS PA LAGS, JI LTAR NA 'JIG RTEN GYI KHAMS MTHA' YAS PA DBYANGS KYIS GO BAR BGYID, JI LTAR NA 'JIG RTEN GYI KHAMS MTHA' YAS MU MA MCHIS PA SPU'I KHUNG BU GCIG TU STZAL KYANG SEMS CAN RNAMS KYIS BDAG CAG GANG DU MCHIS PA'ANG MA 'TSAL LA, BGYID PA DE'ANG MA 'TSAL, JI LTAR NA SEMS CAN YONGS SU SMIN PAR BGYID PAS PHYOGS BCU'I DE BZHIN GSHEGS PA THAMS CAD KYI 'KHOR GYI DKYIL 'KHOR RNAMS NA'ANG KUN TU GDA' LA, GNAS NAS YANG MI G-YO, JI LTAR NA SKRA TZAM GYI KHYON GCIG LA DGA' LDAN GYI GNAS NAS GNAS PA DANG, 'CHI 'PHO BA DANG, MNGAL DU 'JUG PA DANG, BTZAS PA DANG, MNGON PAR 'BYUNG BA DANG, DKA' BA SPYOD PA LA SPYOD PA DANG, BYANG CHUB KYI SNYING POR MCHI BA DANG, BDUD LAS RGYAL BA DANG, CHOS KYI 'KHOR

286a

, ,LO RAB TU BSKOR BA DANG, ,YONGS SU MYA NGAN LAS 'DAS PA CHEN PO KUN TU STON CING BSTAN PA GNAS PAR KUN TU BSTAN PA'ANG STON, JI LTAR NA SEMS KYI SKAD CIG GCIG GIS SEMS CAN THAMS CAD KYI SEMS KYI SPYOD PA RAB TU 'TSAL BA LAGS, DE SKAD CES GSOL BA DANG, BCOM LDAN 'DAS KYIS BYANG CHUB SEMS DPA' BZANG SKYONG LA 'DI SKAD CES BKA' STZAL TO, ,BZANG SKYONG, LEGS SO, ,LEGS SO, ,BZANG SKYONG, KHYOD 'DI LTAR SKYE BO MANG PO LA PHAN PA DANG SKYE BO MANG PO LA BDE BA'I PHYIR ZHUGS SHING; 'JIG RTEN LA SNYING BRTZE BA DANG, LHA DANG MI'I SKYE BO PHAL PO CHE'I DON DANG, PHAN PA DANG BDE BA'I PHYIR 'DI LTAR KHYOD SNYING RJE CHEN PO DANG LDAN ZHING, BZANG SKYONG, KHYOD DE BZHIN GSHEGS PA LA DON 'DI 'DRI BAR SEMS PA NI, BZANG SKYONG, KHYOD YANG LEGS SO, ,BZANG SKYONG, DE'I PHYIR LEGS PAR RAB TU NYON LA YID LA ZUNGS SHIG DANG, NGAS BSHAD DO; ;BYANG CHUB SEMS DPA' BZANG SKYONG GIS BCOM LDAN 'DAS LA LEGS SO ZHES GSOL TE, BCOM LDAN 'DAS KYI LTAR NYAN PA DANG, BCOM LDAN 'DAS KYIS 'DI SKAD CES BKA' STZAL TO, ,BZANG SKYONG, BYANG CHUB SEMS DPA'I SPYOD PA SANGS RGYAS KYIS RAB TU ZHI BA RNAM PAR NGES PA'I CHO 'PHRUL ZHES BYA BA'I TING NGE 'DZIN YOD DE, ,DE LA GNAS

286b

PA'I BYANG CHUB SEMS DPA' SEMS DPA' CHEN PO NI YON TAN GYI KHYAD PAR 'DI DAG DANG GZHAN RNAMS KYANG 'THOB BO, ,BZANG SKYONG, RAB TU ZHI BA RNAM PAR NGES PA'I CHO 'PHRUL ZHES BYA BA'I TING NGE 'DZIN GANG ZHE NA, 'DI LTA STE, CHOS THAMS CAD YANG DAG PA JI LTA BA BZHIN DU KHONG DU CHUD PA DANG, MTSAN NYID RAB TU RTOGS PA DANG, PHYIN CI LOG GI MTSAN NYID YANG DAG PAR 'JOMS PA DANG, BDAG GI BAG CHAGS KYIS YONGS SU MI 'DZIN PA DANG, GZHAN MI DMIGS PA DANG, SROG LA RLOM SEMS MED PA DANG, 'KHOR BA LA MI 'JUG PA DANG; DNGOS PO YONGS SU SHES PA DANG, ZHI GNAS BSGOM PA DANG, LHAG MTHONG MNGON SUM DU BYED PA DANG, SEMS GNAS PA DANG, DRAN PA MI G-YENG BA DANG, RTOG PA DANG, DPYOD PA NYE BAR ZHI BA DANG, DGE BA'I PHYOGS LA YANG DAG PAR BSTEN PA DANG, MI DGE BA'I PHYOGS SEL BA DANG, 'DOD CHAGS DANG, ZHE SDANG DANG, GTI MUG RAB TU ZHI BA DANG, MA RIG PA SEL BA DANG, RIG PA LA YANG DAG PAR BSTEN PA DANG, RGYA YONGS SU SHES PA DANG, LTA BA YANG DAG PAR 'JOMS PA DANG, RNAM PAR SHES PA DANG BRAL BA DANG, YE SHES 'BYUNG BA DANG, SRED PA ZAD PA DANG, DGA' BA'I 'DOD CHAGS SPONG BA DANG, SANGS RGYAS LA GCIG TU NGES PA DANG, CHOS LA NEM NUR MED PA DANG, DGE 'DUN LA RNAM

287a

, ,PAR MI RTOG PA DANG, MI 'BYED PA'I TSIG DANG MTHUN PAR SDUMS BYED PA DANG, DBEN PA LA GZHOL PA DANG, BKA' BLO BDE BA DANG, MU COR DU MI SMRA BA DANG, ZANG ZING MED PA DANG, KHA NA MA THO BA SPONG BA DANG, SDIG PA THAMS CAD MI BYED PA DANG, 'BRAL BA MDUN DU BYED PA DANG, 'DU BA MI BYED PA DANG, 'JIG RTEN GYI YA MTSAN LA MNGON PAR DGA' BA MED PA DANG, 'KHOR BA LA NYES DMIGS SU LTA BA DANG, MYA NGAN LAS 'DAS PA LA PHAN YON DU LTA BA DANG, LHAG PA'I BSAM PAS YONGS SU MYA NGAN LAS 'DAS PA'I DBYINGS 'DOD PA DANG, G-YO MED PA DANG, GYA GYU MED PA DANG, SGYU MED PA DANG, TSUL 'CHOS PA MED PA DANG, KHA GSAG MED PA DANG, GZHOG SLONGS MED PA DANG, THOB KYIS 'JAL BA MED PA DANG, RNYED PA DANG BKUR STI YONGS SU SPONG BA DANG, BRTZON 'GRUS BRTZAMS PA DANG, SHIN TU BZOD PA DANG, LE LO MED PA DANG, SGRIB PA SPONG BA DANG, DGE BA BCU'I LAS KYI LAM DANG LDAN PA DANG, TSUL KHRIMS KYI PHUNG PO SKYON MED PA DANG, TING NGE 'DZIN GYI PHUNG PO LAS MI G-YO BA DANG; TING NGE 'DZIN DANG SNYOMS PAR 'JUG PA RNAMS LA MI GNAS PA DANG, PHA ROL TU PHYIN PA YONGS SU RDZOGS PAR BYED PAS MI NGOMS PA DANG, BSAM GTAN DANG ,

287b

RNAM PAR THAR PA DANG, TING NGE 'DZIN DANG, SNYOMS PAR 'JUG PAS RNAM PAR 'PHRUL PA DANG, RDZU 'PHRUL GYI RKANG PAS JI LTAR 'DOD PA BZHIN DU RNAM PAR RTZEN PA DANG, THAMS CAD MKHYEN PA'I YE SHES LA DBANG SGYUR BA DANG, BLO THA DAD PA MED PA DANG, BEMS PO MA YIN PA DANG, MI 'ON MI LKUGS PA DANG, GZHAN GYI DRING LA MI 'JOG PA DANG, KUN NAS MNAR SEMS KYI DNGOS PO RNAM PAR SPONG BA DANG, SKYES BU DAM PA'I GNAS THOB PA DANG, SKYES BU NGAN PA LA MI LTA BA DANG, BYIS PA RNAMS RNAM PAR SPONG BA DANG, MKHAS PA DANG 'GROGS PA DANG, DRAN PA'I STOBS BSKYED PA DANG, YE SHES KYI STOBS BSKYED PA DANG, KHYIM PA DANG RAB TU BYUNG BA RNAMS DANG MI 'DRE BA DANG, DBEN PA LA GNAS PA DANG, STONG PA NYID DANG; MTSAN MA MED PA DANG, SMON PA MED PA DANG, CHOS RNAMS LA BZOD PA DANG, CHOS THAMS CAD JI LTA BA BZHIN DU RAB TU RTOGS PA STE, 'DI NI, BZANG SKYONG, RAB TU ZHI BA RNAM PAR NGES PA'I CHO 'PHRUL ZHES BYA BA'I TING NGE 'DZIN CES BYA BA STE, TING NGE 'DZIN 'DI LA SLOB PA'I BYANG CHUB SEMS DPA' NI CHOS THAMS CAD LA SGRIB PA MED PAS SHES PA 'THOB BO, ,BZANG SKYONG, GZHAN YANG RAB TU ZHI BA RNAM PAR NGES PA'I CHO 'PHRUL GYI TING NGE 'DZIN CES BYA BA NI 'DI LTA STE, CHOS THAMS CAD MNYAM PA NYID DU SHES PA DANG, TSIG

288a

, ,THAMS CAD LA MTSAMS SBYAR BAR SHES PA DANG, KHYIM GYI DNGOS PO YONGS SU GTONG BA DANG, KHAMS GSUM LA MNGON PAR MI DGA' BA DANG, SEMS MA ZHUM PA DANG, CHOS THAMS CAD LA MNGON PAR MA ZHEN PA DANG, DAM PA'I CHOS YONGS SU 'DZIN PA DANG, CHOS SBED PA DANG, LAS KYI RNAM PAR SMIN PA LA YID CHES PA DANG 'DUL BA LA MKHAS PA DANG, RTZOD PA NYE BAR ZHI BA DANG, 'THAB PA MED PA DANG, 'GYED PA MED PA DANG, BZOD PA YANG DAG PAR 'DZIN PA DANG, RTOGS PA YANG DAG PAR 'DZIN PA DANG, RTOGS PA MNYAM PA NYID DANG, CHOS NYID RAB TU DBYE BA LA MKHAS PA DANG, CHOS GTAN LA DBAB PA LA MKHAS PA DANG, CHOS KYI TSIG LA MKHAS PA DANG; CHOS KYI TSIG RAB TU DBYE BA SHES PA DANG, SNGON GYI MTHA' SHES PA DANG, PHYI MA'I MTHA' SHES PA DANG, DA LTAR BYUNG BA SHES PA DANG, DUS GSUM MNYAM PA NYID DU SHES PA DANG, 'KHOR GSUM YONGS SU DAG PA SHES PA DANG, LUS KYI GNAS SHES PA DANG, SEMS KYI GNAS SHES PA DANG, SPYOD LAM SRUNG BA SHES PA DANG, LAS RNAM PAR DAG PA DANG, SGRIB PA LAS SHIN TU 'DA' BA DANG, PHUNG PO YONGS SU SHES PA DANG, KHAMS MNYAM PA NYID DU SHES PA DANG, SKYE MCHED SEL BA DANG,

288b

SRID PA SPONG BA DANG, MI SKYE BA'I BZOD PA'I BYA BA 'JUG PA DANG, RGYU STON PA DANG, LAS DANG 'BRAS BU CHUD MI GZON PA DANG, CHOS MTHONG BA DANG, LAM SGOM PA DANG, DE BZHIN GSHEGS PA RNAMS DANG PHRAD PA DANG, SHES RAB RNO BA DANG, TSIG RAB TU DBYE BA SHES PA DANG, SGRA YONGS SU SHES PA DANG, MCHOG TU DGA' BA THOB PA DANG, CHOS KYI DGA' BA RJES SU MYONG BA DANG, DRANG BA DANG, MNYEN PA DANG, DANG BDE BA DANG, KHRO GNYER MED PA DANG, DES PA DANG, 'GROGS NA BDE BA DANG, TSIG 'JAM PA DANG, GSONG POR SMRA BA DANG, TSUR SHOG LEGS PAR 'ONGS SO ZHES SMRA BA DANG, SNYOM LAS MED PA DANG, BLA MA LA GUS PA DANG, BLA MA LA SRI ZHU CHE BA DANG, SKYE BA LA MI DGA' BA DANG, CHOS DKAR POS MI NGOMS PA DANG, 'TSO BA RNAM PAR DAG PA DANG, DGON PA'I GNAS MI GTONG BA DANG, SA RNAM PAR 'JOG PA DANG, DRAN PA CHUD MI GZON PA DANG, PHUNG PO LA MKHAS PA DANG, KHAMS LA MKHAS PA DANG, SKYE MCHED LA MKHAS PA DANG, MNGON PAR SHES PA MNGON DU BYA BA LA 'JUG PA DANG, NYON MONGS PA SEL BA DANG, BAG CHAGS KYI MTSAMS SBYOR BA YANG DAG PAR 'JOMS PA DANG, KHYAD PAR DU 'GRO BA DANG, SGOM PA'I RGYU MTHUN PA DANG, LTUNG BA LAS 'BYIN PA LA MKHAS PA DANG, KUN NAS DKRIS PA RNAM PAR GNON PA DANG, BAG

289a

, ,LA NYAL BA SPONG BA DANG, SRID PA LAS SHIN TU 'DA' BA DANG, TSE RABS DRAN PA DANG, LAS KYI RNAM PAR SMIN PA LA THE TSOM MED PA DANG, LAS LA SEMS PA DANG, SKYE BA LA YID MI RTON PA DANG, LAS MNGON PAR 'DU MI BYED PA DANG, NANG GI SKYE MCHED YID LA MI BYED PA DANG, PHYI'I SKYE MCHED RNAMS LA KUN TU MI RGYU BA DANG, BDAG LA MI BSTOD PA DANG, GZHAN LA MI SMOD PA DANG, MI DGA' BA LA MI ZHEN PA DANG, SO SO'I SKYE BO LA YID MI RTON PA DANG, TSUL KHRIMS KYI RGYU MTHUN PA DANG, BSNYEN PAR DKA' BA DANG, GZI BRJID CHE BA DANG, BDAG SHES PA DANG, NYAMS PA MED PA DANG, SPYOD LAM PHUN SUM TSOGS PA LA GNAS PA DANG, GNOD SEMS MED PA DANG, TSIG MI BRLANG BA DANG, GZHAN LA MI GNOD PA DANG, MDZA' BO RJES SU SRUNG BA DANG, RNAM PAR MI 'TSE BA'I NGANG TSUL DANG LDAN PA DANG, SEMS CAN LA GNOD PA MI BYED PA DANG, TSIG 'JAM PA DANG, KHAMS GSUM PA LA MI GNAS PA DANG, GSANG BA'I TSIG RNAMS SRUNG BA DANG, CHOS THAMS CAD LA STONG PA NYID DANG MTHUN PAR BZOD PA DANG, THAMS CAD MKHYEN PA'I YE SHES LA SHIN TU 'DUN PA DANG, YE SHES GSAL BA DANG, TSUL KHRIMS BRTAN PA DANG, SNYOMS PAR 'JUG PA LA 'JUG PA DANG,

289b

GCIG PUR DGA' BA DANG, CUNG ZAD SHES PAS CHOG PAR MI 'DZIN PA DANG, SEMS ZHUM PA MED PA DANG, LTA BAR GYUR PA RNAM PAR SPONG BA DANG, GZUNGS THOB PA DANG, YE SHES THOB PA DANG, GNAS DANG GNAS MA YIN PA LA NAN TAN BYED PA DANG, GTAN TSIGS DANG RIGS PA DANG TSUL GYI SGOR GYUR PA DANG, 'DOMS PA DANG, RJES SU STON PA DANG, SPYOD PA MTHUN PAR BZOD PA DANG, BZOD PA'I SA DANG LDAN PA DANG, MI BZOD PA MED PA DANG, YE SHES KYI SA DANG LDAN PA DANG, MI SHES PA SPONG BA DANG, YE SHES LA GNAS PA DANG, RNAL 'BYOR PA'I SA DANG, BYANG CHUB SEMS DPA'I SPYOD YUL BA DANG, CHOS THAMS CAD GYI NGO BO NYID KHONG DU CHUD CING RAB TU RTOGS PA SHES PA DANG, SEMS NGES PAR SEMS PA DANG, SKYE BAR NYID MTSAMS MI SBYOR BA DANG, NYID MTSAMS MI SBYOR BA SHES PA DANG, KHUR BOR BA DANG, DE BZHIN GSHEGS PA'I YE SHES DANG, 'DOD CHAGS SPONG BA DANG, ZHE SDANG DANG BRAL BA DANG, GTI MUG SPONG BA DANG, RNAL 'BYOR LA BRTZON PA DANG, MI RIGS PA DANG BRAL BA DANG, DGE BA'I CHOS LA 'DUN PA DANG, LHAG PA'I BSAM PA LA NAN TAN BYED PA DANG, MTSAN MO MI NYAL BA DANG, SPONG BA MI GTONG BA DANG, CHOS DKAR PO RNAMS KUN TU BSRUNG BA DANG, DGE BA'I RTZA BA STON DU 'GRO BA DANG, THABS LA MKHAS PA SHES PA DANG, MTSAN MA SPONG BA

290a

, ,DANG; 'DU SHES LAS LDOG PA DANG, MDO SDE MNGON PAR SGRUB PA DANG, 'DUL BA LA MKHAS PA DANG, BDEN PA LA RNAM PAR NGES PA DANG, RNAM PAR GROL BA LA MNGON SUM DU BYA BA LA 'JUG PA DANG, TSIG GCIG TU NGES PA DANG, GTZIGS PAR SMRA BA DANG, YE SHES JI LTA BA BZHIN DU MTHONG BA DANG, THOS PA YONGS SU 'TSOL BA DANG, YE SHES KYIS MI NGOMS PA DANG, SEMS YONGS SU DAG PA DANG, LUS YONGS SU DAG PA DANG, NGAG YONGS SU DAG PA DANG, DOGS PA MED PA'I TSIG DANG, STONG PA NYID LA KUN TU BRTEN PA DANG, MTSAN MA MED PA LA BRTEN PA DANG, SMON PA MED PA NGO BO NYID KYIS MI DMIGS PAR SHES PA DANG, MI 'JIGS PA THOB PA DANG, SDUG BSNGAL BA RNAMS LA MI BRNYAS PA DANG, DE DAG LA NOR SBYIN PA DANG, DBUL PA RNAMS LA KHYAD DU MI GSOD PA DANG, TSUL KHRIMS 'CHAL PA RNAMS LA SNYING BRTZE ZHING SNYING RJE BA'I BLO DANG, NA BA DANG, PHAN PA'I DNGOS PO DANG LDAN PA DANG, CHOS KYIS PHAN 'DOGS PA DANG, ZANG ZING YONGS SU GTONG BA DANG, TSUL KHRIMS DANG LDAN PA LA G-YO MED PAR BSTAN PA DANG, BDOG PA THAMS CAD YONGS SU GTONG BA DANG, LHAG PA'I BSAM PAS MGRON DU GNYER BA DANG, JI SKAD SMRAS PA BZHIN DU BYED PA DANG, PHYIR ZHING BRTZON PA

290b

DANG; BSTI STANG BYAS PAS DGA' BA MYONG BA DANG, DPE SHES PA DANG, SNGON BYUNG BA LA MKHAS PA DANG, MING DANG BRDAR BRTAGS PA LA 'JUG PA SHES PA DANG, BTAGS PA KUN TU 'JOMS PA DANG, BKUR STI BYED PA LA MNGON PAR DGA' BA MED PA DANG, BKUR STI MI BYED PA LA BTANG SNYOMS SU BYED PA DANG, RNYED PA DON DU MI GNYER BA DANG, MA RNYED PAS SRO SHI BAR MI 'GYUR BA DANG, GRAGS PA LA MNGON PAR 'DOD PA MED PA DANG, MA GRAGS PA LA KHONG KHRO BA MED PA DANG, BSNGAGS PA LA RJES SU CHAGS PA MED PA DANG, SMAD PA LA SPA GONG BAR MI 'GYUR BA DANG, BDE BA LA MNGON PAR MI CHAGS PA DANG, SDUG BSNGAL GYIS MI SKYO BA DANG, 'DU BYED KUN TU MI 'DZIN PA DANG, YANG DAG PA'I BSNGAGS PA LA MI CHAGS PA DANG, YANG DAG PA MA YIN PA'I BRJOD PA DANG DU LEN PA DANG, SPYOD YUL MA YIN PA RNAM PAR SPONG BA DANG, SPYOD YUL LA 'JUG PA DANG, CHO GA PHUN SUM TSOGS PA DANG, MI TSUL BA RNAM PAR SPONG BA DANG, SEMS CAN GYI DGE BA'I RTZA BA CHUNG DU LA MI SMOD PA DANG, BSTAN PA KUN TU SRUNG BA DANG, SMRA BA NYUNG BA DANG, MNYEN PA DANG, SKABS KYI TSIG LA MKHAS PA DANG, PHYIR RGOL BA TSAR GCOD PA DANG, DUS SU 'GRO BA DANG, SPYOD LAM BRTAGS PA MA YIN PA DANG, SPYOD LAM MDZES PA DANG, DON DANG DON MA YIN PA SHES PA LA MKHAS PA

291a

, ,DANG, 'JIG RTEN SHES PA DANG, BSTAN BCOS SHES PA DANG, GSAL BAR SMRA BA DANG, LAG RKYONG BA DANG, SEMS SHIN TU 'DZIN PA DANG, KHREL YOD PA DANG, NGO TSA SHES PA DANG, MI DGE BA'I SEMS LA SMOD PA DANG, SBYANGS PA'I YON TAN MI GTONG BA DANG, SPYOD PA YANG DAG PAR 'DZIN PA DANG, MDZES PAR KUN TU RGYU BA DANG, BLA MA LA LDANG BA DANG, STAN 'DING BA DANG, NGA RGYAL TSAR GCOD PA DANG, SEMS YANG DAG PAR 'DZIN PA DANG, DON RAB TU RTOGS PA SHES PA DANG, YE SHES BSKYED PA DANG, MI SHES PA DANG BRAL BA DANG, SEMS LA 'JUG SHES PA DANG, SEMS KYI NGO BO NYID KHONG DU CHUD CING SHES PA DANG, BSGRUB PA DANG MI BSGRUB PA SGRUB PA LA MKHAS PA'I YE SHES DANG LDAN PA DANG, SEMS CAN THAMS CAD KYI SKAD SHES PA DANG, NGES PA'I TSIG RNAM PAR GZHAG PA SHES PA DANG, DON RNAM PAR NGES PA SHES PA DANG, DON MA YIN PA RNAM PAR SPONG BA DANG, BSAM GTAN RNAMS SGRUB PA DANG, DE DAG GI RO MYONG BAR MI BYED PA DANG, SEMS CAN THAMS CAD KYI SEMS LA RNAM PAR LTA ZHING SO SOR RTOG PA DANG, SEMS CAN GYI DBANG PO MCHOG DANG MCHOG MA YIN PA SHES PA DANG, GNAS DANG GNAS MA YIN PA LA RNAM PAR LTA BA DANG, LAS THAMS CAD

291b

'BYED PA DANG, LAS DANG RNAM PAR SMIN PA MED PA LA 'JUG PA SHES PA DANG, MOS PA SNA TSOGS LA 'JUG PA DANG, BRJED NGAS PA MED PA DANG, KHAMS SNA TSOGS DANG, KHAMS DU MA MNGON SUM DU GYUR PA DANG, RDO RJE LTA BU'I TING NGE 'DZIN KUN TU MTHONG BA DANG, TSANGS PA'I DBYANGS KYIS TING NGE 'DZIN LA RNAM PAR RTZEN PA DANG, TING NGE 'DZIN DANG, SNYOMS PAR 'JUG PA THAMS CAD GCIG PA DANG, MING MED PA DANG, SNGON GYI GNAS RJES SU DRAN PA SHES PA DANG, KUN TU 'GRO BA'I LAM SHES PAS LTA BA DANG, ZAG PA ZAD PA DANG, SPONG BA DUS GCIG TU THOB PA SHES PA DANG, LHA'I MIG THOGS PA MED PAS LTA BA DANG, GZUGS THAMS CAD KUN TU STON PAS RNAM PAR RTZEN PA DANG, GZUGS DANG, GZUGS MED PA MNYAM PA NYID DU 'JUG PA SHES PA DANG, DBYANGS KYI YAN LAG GI TSUL GYI GZUNGS LA 'JUG PA SHES PA DANG, SKAD THAMS CAD BRAG CA'I SKAD DANG MTSUNGS PA NYID DU SHES PA DANG, CI RIGS PAR CHOS STON PA DANG, SEMS CAN THAMS CAD LA LEGS PAR BSHAD PAS TSIM PAR BYED PA DANG, DBANG PO RJE BA SHES PA DANG, DUS DANG, DUS MA YIN PAR RNAM PAR LTA BA DANG, YANG DAG PA'I MTHA' DANG RJES SU 'JUG PA SHES PA DANG, 'BRAS BU YOD PA'I CHOS STON PA DANG, PHA ROL TU PHYIN PA THAMS CAD YONGS SU RDZOGS PA DANG,

292a

, ,SEMS CAN THAMS CAD YONGS SU 'DZIN PA DANG, TSAR GCOD PA MKHAS PAR SHES PA DANG, BRTAGS PA MA YIN PA'I SPYOD LAM DANG LDAN PA DANG, CHOS KYI DBYINGS 'DRES PA MED PAR YANG DAG PAR 'DU BA LA 'JUG PA SHES PA DANG, RTOG PA DANG, RNAM PAR RTOG PA DANG, YONGS SU RTOG PA THAMS CAD YANG DAG PAR 'JOMS PA DANG, SKAD CIG GIS DE BZHIN GSHEGS PA THAMS CAD KYI ZHABS DRUNG DU LUS STON PA DANG, 'JIG RTEN GYI KHAMS THAMS CAD DU MIG YOR LTA BU'I LUS RNAM PAR 'PHRUL PA DANG, DE BZHIN GSHEGS PA THAMS CAD KYI CHOS THAMS CAD BSTAN PA KUN TU 'DZIN CING BRJED PA MED PA DANG, THEG PA CHEN PO LAS MI NYAMS PA DANG, THEG PA THAMS CAD KYI NGES PAR 'BYUNG BA STON PA LA MKHAS PA DANG DKON MCHOG GSUM GYI RIGS YANG DAG PAR 'DZIN PA DANG, SKYE BA'I GNAS THAMS CAD DU BYA BA CI RIGS PAR KUN TU STON PA DANG, PHYI MA'I MTHA'I BSKAL PA BYE BAR GO CHA GYON KYANG YONGS SU MI SKYO BA DANG, SEMS CAN THAMS CAD YONGS SU SMIN PAR BYED BA LA MKHAS PAR SHES PA DANG, DBYANGS KYI YAN LAG THAMS CAD MNGON PAR BSGRUB PA SHES PA DANG, BSKAL PA GCIG BSKAL PA GRANGS MED PA LA 'JUG PA SHES PA DANG, CHOS THAMS CAD LA MNGON PAR 'BYUNG BA'I GNAS SHES PA DANG, ZHING THAMS CAD YANG DAG

292b

PAR 'DU BA LA 'JUG PA SHES PA DANG, BSKAL PA GRANGS MED PA BSKAL PA GCIG LA 'JUG PA SHES PA DANG, ZHING GCIG ZHING THAMS CAD DU STON PA SHES PA DANG, SEMS CAN GCIG GI LUS LA SEMS CAN THAMS CAD KYI LUS YANG DAG PAR 'DU BA LA 'JUG PA SHES PA DANG, SKRA TZAM GYI KHYON GCIG LA SANGS RGYAS KYI ZHING BSAM GYIS MI KHYAB PA 'JUG PA SHES PA DANG, RANG GI LUS KYI SPU'I KHUNG BU'I PHYOGS GCIG TU 'JIG RTEN GYI KHAMS GRANGS MED BSAM GYIS MI KHYAB GZHAL DU MED PA 'JUG PA SHES PA DANG, SANGS RGYAS KYI ZHING THAMS CAD NAM MKHA' DANG MTSUNGS PA NYID DU KHONG DU CHUD CING SHES PA DANG, RANG GI LUS KYI SANGS RGYAS KYI ZHING MA LUS PA THAMS CAD RGYAS PAR DGANG BA SHES PA DANG, CHOS THAMS CAD MTSAN NYID MED PAR RTOGS PAR SHES PA LA MKHAS PAR SHES PA DANG, LUS THAMS CAD LA LUS 'JUG PA SHES PA DANG, SKAD CIG BRJOD PAS SKAD THAMS CAD NGES PAR SGROG PA SHES PA DANG, THABS MKHAS PA THAMS CAD KYI TSUL RTOGS PAR SHES PA DANG, TSIG GCIG LAS BRTZAMS TE BSKAL PA BYE BA GRANGS MED BSAM GYIS MI KHYAB GZHAL DU MED PA STON PA SHES PA DANG, SPOBS PA RGYUN MI CHAD PA DANG, SGRUB PA DANG MI SGRUB PA SHES PA LA RNAM PAR DPYOD PA DANG, PHRUGS DANG, CHA DANG, SNREL ZHI'I 'BYED PA BSTAN PA SHES

293a

, ,PA DANG, THABS DANG, SHES RAB CHEN PO'I 'OD ZER RAB TU GTONG BA SHES PA DANG, BDUD KYI LAM THAMS CAD LAS SHIN TU 'DA' BA SHES PA DANG, LUS DANG, NGAG DANG, YID KYI LAS KYI SNGON DU YE SHES 'GRO BA DANG, SO SO YANG DAG PAR RIG PA BZHIS SEMS CAN GYI KHAMS THAMS CAD TSIM PAR BYED CING, BSOD NAMS MNGON PAR 'DU BYED PAS RDZU 'PHRUL THOB PA DANG, CHOS KYI DBYINGS THAMS CAD DU RNAM PAR 'PHRUL PA KUN TU STON PA DANG, 'JIG RTEN GYI KHAMS THAMS CAD KYI SEMS CAN RNAMS KYI BRJOD PA KHONG DU CHUD PA DANG, PHYOGS BCU'I 'JIG RTEN GYI KHAMS THAMS CAD KYI SEMS CAN THAMS CAD BSDU BA'I DNGOS PO BZHIS SDUD PA DANG, SGYU MA LTA BU'I CHOS SGRUB PA LA THE TSOM MED PA DANG, YO BYAD LA DBANG THOB PA DANG, SKYE BA THAMS CAD LA DBANG THOB PA YONGS SU RDZOGS PA DANG, TSUL KHRIMS 'CHAL BA DANG, TSUL KHRIMS DANG LDAN PA MTSUNGS PA SBYIN PA'I GNAS SU SEMS PA SHES PA DANG, SEMS CAN THAMS CAD KYI BSAM PA CHOS DANG LDAN PA YONGS SU RDZOGS PAR BYED PA DANG, PHYOGS BCU'I 'JIG RTEN GYI KHAMS THAMS CAD SPU'I KHUNG BU GCIG GI 'OD ZER GYI DRA BAS KHEBS PAR BYED PA DANG, BYANG CHUB SEMS DPA' THAMS CAD KYI GSANG BA THOB PA DANG, MTSO CHEN PO RGYA MTSO'I

293b

GTING TSOD YANGS PA SHES PA DANG, PHYOGS BCU'I 'JIG RTEN GYI KHAMS THAMS CAD DU 'OD ZER CHEN PO'I DRA BA RAB TU GTONG BA SHES PA DANG, SEMS DANG, CHU DANG, ME DANG, RLUNG DANG MNYAM PA DANG, DE BZHIN GSHEGS PA'I SA LA 'JUG PA SHES PA DANG, TSIG DANG, NGES PA'I TSIG BSTAN PA THAMS CAD LA CHOS KYI 'KHOR LO SKOR BA DANG, MA BSTAN PAR RANG GIS BZOD PA THOB PA SHES PA DANG, SPU'I KHUNG BU GCIG NAS PHYOGS BCU'I 'JIG RTEN GYI KHAMS THAMS CAD DU RGYA MTSO'I CHU'I PHUNG PO RAB TU 'THOR BA SHES SHING SEMS CAN LA CHUS GNOD PA'ANG MED PA DANG, SEMS RIN PO CHE LTA BU DANG, NYON MONGS PA'I DRI MA THAMS CAD SEL BA SHES PA DANG, DGE BA'I RTZA BA DANG, BSOD NAMS TSAD MED PA GSOG PA DUS GSUM DU YONGS SU BSNGO BA LA MKHAS PA'I CHO GA SHES PA DANG, SANGS RGYAS KYI CHOS THAMS CAD MNGON PAR RDZOGS PAR BYANG CHUB PAS DBUGS 'BYIN PA 'THOB PA DANG, SEMS CAN THAMS CAD KYI SEMS KYI SPYOD PA SPRUL PA'I BYIN GYI RLABS SHES PA DANG, SANGS RGYAS KYI SPYOD YUL THAMS CAD LA 'JUG PA SHES PA DANG, RANG GI SMON LAM RGYUN MI GCOD CING SEMS CAN NYE BAR 'DZIN PA'I SPYOD PA'I BYIN GYIS BRLAB PA KUN TU STON PA SHES PA DANG, DE BZHIN GSHEGS PA'I YE SHES LA RNAM PAR LTA BA MNGON SUM DU SHES PA DANG, DE BZHIN GSHEGS

294a

, ,PA'I GSANG BA LA 'JUG PA SHES PA DANG, SEMS ZHI ZHING RAB TU ZHI LA NYE BAR ZHI BA DANG, 'DUL BA JI LTA BA BZHIN DU SEMS CAN THAMS CAD LA DGA' BA DANG, RTZE BA DANG, LONGS SPYOD THAMS CAD KUN TU BSTAN PA SHES PA DANG, THOS PA TSAD MED PA 'DZIN PA YANG DAG PAR RDZOGS PA DANG, THOS PA THAMS CAD KYIS MI NGOMS SHING MI CHOG LA RGYUN MI GCOD PA DANG, CHOS THAMS CAD MI DMIGS PA DANG, 'JIG RTEN GYI BYA BA DANG, TSUL SNA TSOGS LA 'JUG PA DANG, 'JIG RTEN GYI CHOS THAMS CAD KYIS MI GOS PA DANG, 'DUL BA JI LTA BA BZHIN DU SEMS CAN YONGS SU SMIN PAR BYED PA DANG, LKUGS PA, RNA BA MI GSANG BA, GRUM PO, BLUN PO, 'ON PA, LONG BA THAMS CAD LA SPYOD LAM KUN TU STON PA DANG, BSKAL PA GRANGS MED PA SE GO LA GCIG GTOGS PA SRID DU BYIN GYIS RLOB CING CHOS STON PA SHES PA DANG, BRGYA BYIN DANG, TSANGS PA DANG, 'JIG RTEN SKYONG BA ZIL GYIS MNAN PA'I PHYIR LAG NA RDO RJE BRGYA STONG GRANGS MED BSAM GYIS MI KHYAB GZHAL DU MED DPAG TU MED TSAD MED PA PHYI BZHIN 'BRANG BA DANG, SEMS CAN YONGS SU SMIN PAR BYA BA'I PHYIR DBUL PO DANG, SDUG PHONGS PA BYIN GYIS RLOB PA DANG, SANGS RGYAS THAMS CAD KYI BYANG CHUB RANG 'BYUNG GI YE SHES LA LTA BA

294b

MNGON SUM DU SHES PA DANG, NYAN THOS DANG, RANG SANGS RGYAS THAMS CAD KYI SPYOD LAM KUN TU STON PA DANG, PHYOGS BCU'I 'JIG RTEN GYI KHAMS THAMS CAD DU PHYIR MI LDOG PA'I CHOS KYI 'KHOR LO SKOR BAR BYIN GYIS RLOB PA SHES PA DANG, SEMS CAN THAMS CAD YONGS SU SMIN PAR BYA BA'I PHYIR 'JIG RTEN GYI KHAMS GRANGS MED CING BSAM GYIS MI KHYAB PA MTSUNGS PA MED GZHAL DU MED DE, TSAD MED PA'I RDUL PHRA RAB KYI RDUL SNYED KYI BSKAL PA BYE BA KHRAG KHRIG BRGYA STONG DAG SEMS KYI SKAD CIG GCIG LA BSTAN PA THOGS PA MED PA SHES PA DANG, NYAN THOS DANG, RANG SANGS RGYAS THAMS CAD KYI KHA DOG DANG, SPYOD LAM BSKAL PAR KUN TU STON PA DANG, SEMS CAN YONGS SU SMIN PAR BYA BA'I PHYIR BYANG CHUB SEMS DPA'I SPYOD PA THAMS CAD RGYUN MI GCOD PA DANG, BSAM GTAN MKHA' KHYAB PA LA BSAM GTAN BYED PA DANG, SEMS CAN YONGS SU SMIN PAR BYA BA'I PHYIR 'KHOR LHA'I BU MO GLU LEN CING ROL MO'I DBYANGS SGRA DANG, SIL SNYAN SNA TSOGS DANG, PHEG RDOB DANG, GLU DBYANGS LEN PA BYE BA KHRAG KHRIG BRGYA STONG DAG DANG, 'JIG RTEN GYI KHAMS RAB 'BYAMS THAMS CAD DU DE BZHIN GSHEGS PA THAMS CAD KYI 'KHOR GYI DKYIL 'KHOR DU 'GRO BA SHES PA DANG, GNAS GANG NAS KYANG G-YO BA MED PA LA DE BZHIN GSHEGS PA

295a

, ,THAMS CAD LA BLTA ZHING BSNYEN BKUR BYA BA DANG, MCHOD PA'I LAS RGYUN MI GCOD PA SHES PA DANG, SEMS CAN MTHA' YAS PA YONGS SU SMIN PAR BYA BA'I PHYIR MTHONG BA DANG, THOS PA DON YOD PA 'DOD CING GNAS PA DANG, SEMS CAN YONGS SU SMIN PA RNAMS JI LTA BA BZHIN DU 'DUL BA'I PHYIR SEMS KYI SKAD CIG LA DGA' LDAN GNAS NA GNAS PA DANG, 'CHI 'PHO BA DANG, SKYE BA DANG, MNGON PAR 'BYUNG BA DANG, DKA' BA SPYOD PA KUN TU STON PA DANG, BYANG CHUB KYI SNYING POR 'GRO BA DANG, BDUD 'DUL BA KUN TU STON PA DANG, MNGON PAR RDZOGS PAR BYANG CHUB PA DANG, CHOS KYI 'KHOR LO RAB TU SKOR BA DANG, YONGS SU MYA NGAN LAS 'DAS PA CHEN PO KUN TU STON PA NAS JI TZAM DU DAM PA'I CHOS GNAS PA DANG, NUB PA'I BAR PHYOGS BCU THAMS CAD KYI RDUL PHRA RAB KYI RDUL SNYED DAG KUN TU STON PA'ANG SHES LA, SHIN TU MNGON PAR RDZOGS PAR YANG 'TSANG MI RGYA BA STE, BZANG SKYONG, 'DI NI RAB TU ZHI BA RNAM PAR NGES PA'I CHO 'PHRUL GYI TING NGE 'DZIN CES BYA'O,, ,,BAM PO GNYIS PA; BZANG SKYONG, TING NGE 'DZIN 'DI'I YONGS SU SBYANGS PA BYA BA GANG ZHE NA, BZANG SKYONG, CHOS GANG YANG KUN TU MI 'DZIN PA, MI 'DOR BA, MI 'JOG PA, 'DU BYED THAMS

295b

CAD RAB TU ZHI BA, CHOS THAMS CAD JI LTA BA BZHIN DU KHONG DU CHUD PA, CHOS THAMS CAD KYI MNYAM PA NYID LA 'JUG PA, CHOS THAMS CAD LA MI RTOG PA, RNAM PAR MI RTOG PA , RNAM PAR MI SGRUB PA, KUN NAS MI SLONG BA, MI SKYED PA, RTOG PA DANG, RNAM PAR RTOG PA DANG, KUN TU RTOG PA YANG DAG PAR GCOD PA, SEMS KYI DMIGS PA YID LA MI BYED PA; RNAM PAR SHES PA YANG DAG PAR GCOD PA, 'DOD CHAGS DANG, ZHE SDANG DANG, GTI MUG YANG DAG PAR GCOD PA, MTHA' DANG, MTHA' MED PA YID LA MI BYED PA, YID LA BYED PA YANG DAG PAR GCOD PA, PHUNG PO DANG, KHAMS DANG, SKYE MCHED KYI RANG BZHIN SHES PA, DRAN PA DANG, BLO GROS DANG, MOS PA DANG, RTOG PA DANG, NGO TSA SHES PA DANG, SPYOD PA DANG, CHO GA DANG, SPYOD YUL LA NAN TAN DU BYED CING GNAS PA, NYON MONGS PA MED PA'I SA DANG LDAN PA, ZHI BA'I SA DANG LDAN PA, SPROS PA THAMS CAD YANG DAG PAR GCOD PA, BYANG CHUB SEMS DPA'I BSLAB PA THAMS CAD DANG, DE BZHIN GSHEGS PA'I SPYOD YUL THAMS CAD DANG, YON TAN THAMS CAD YONGS SU 'GRUB PA 'DI NI, BZANG SKYONG, TING NGE 'DZIN 'DI'I YONGS SU SBYANG BA BYA'O, ,BZANG SKYONG, BYANG CHUB SEMS DPA' NI CHOS LA SEMS SHING CHOS DPYOD PA YIN TE, DES NI DE BZHIN GSHEGS PA CHOS KYI SKUR YANG YANG DAG PAR

296a

, ,RJES SU MI MTHONG NA CHOS KYI SKU LAS GZHAN DU DMIGS PA LTA CI SMOS, BZANG SKYONG, 'DI LA BYANG CHUB SEMS DPA' 'DI LTAR SO SOR BRTAG PAR BYA STE; DE BZHIN GSHEGS PA ZHES BYA BA'I TSIG 'DI'I DON JI LTA BU, CI GZUGS DE BZHIN GSHEGS PA YIN NAM, 'ON TE GZUGS LAS GZHAN ZHIG DE BZHIN GSHEGS PA YIN SNYAM DU DE LTAR DPYOD PA LA MKHAS PAR BYA'O, ,DE 'DI LTAR SO SOR RTOG STE, GZUGS KYANG DE BZHIN GSHEGS PA MA YIN LA, GZUGS LAS GZHAN PA'ANG MA YIN NO; ;DE CI'I PHYIR ZHE NA, GZUGS NI BEMS PO G-YO BA MED PA, DPYOD PA MED PA, RTZVA DANG, RTZIG PA DANG, SHING DANG, BONG BA DANG, MIG YOR LTA BUR NGAN PA, DBU BA RDES PA LTA BU YIN ZHING, 'BYUNG BA CHEN PO BZHI PHAN TSUN NAS BSDUS PA NI GZUGS ZHES BYA'O, ,GZUGS NI RTEN CING 'BREL PA LAS 'BYUNG NGO, ,GANG RTEN CING 'BREL PAR 'BYUNG BA DE MI RTAG PA'O, ,GANG MI RTAG PA DE SDUG BSNGAL BA'O, ,GANG SDUG BSNGAL BA DE BDAG MED PA'O, ,GANG BDAG MED PA DE RANG BZHIN MED PA'O, ,GANG RANG BZHIN MED PA DE SNANG BA MED PA'O, , GANG SNANG BA MED PA DE YANG DAG PA MA YIN, GANG YANG DAG PA MA YIN PA DE RDZUN PA SLU BA'I CHOS SO, ,GANG RDZUN PA SLU PA'I CHOS DE MI BDEN PA'O, ,GANG MI BDEN PA DE DE BZHIN

296b

NYID MA YIN NO, ,GANG DE BZHIN NYID MA YIN PA DE DE BZHIN GSHEGS PA MA YIN NO, ,DE BZHIN GSHEGS PA NI BDEN PA, YANG DAG PA DE BZHIN NYID, MA NOR BA DE BZHIN NYID, GZHAN MA YIN PA DE BZHIN NYID, MA LOG PA, BDEN PA SMRA BA, YANG DAG PA SMRA BA, SHES PA SMRA BA, YE SHES KYI MTSON CHA CAN, YE SHES MTHA' YAS PA DANG LDAN PA, THAMS CAD MKHYEN PA, THAMS CAD GZIGS PA, STOBS BCU DANG LDAN PA, MI 'JIGS PA BZHI DAM PA'I PHA ROL TU PHYIN PA THOB PA, MI RTOG PA, RNAM PAR MI RTOG PA, MI GOS PA, NAM MKHA' DANG MTSUNGS PA, GRANGS KYI CHOS RNAMS KYIS MI 'GRANGS PA, MA BYAS PA, MA SKYES PA, MA 'GAGS PA, 'JUG PA MED PA, MTHA' YAS PA, GNAS MED PA, RNAM PAR MI RIG PA; RNAM PAR SHES PAR BYA BA MA YIN PA, KUN TU RGYU BA MED PA, SHIN TU DAG PA, NYON MONGS PA MED PA, MA BYUNG BA, SPYOD PA MED PA, GNAS MED PA'O SNYAM MO, ,DE 'DI LTAR SO SOR RTOG STE, GZUGS DE BZHIN GSHEGS PA MA YIN, GZUGS LAS GZHAN PA'ANG MA YIN NO, ,DE CI'I PHYIR ZHE NA, GAL TE GZUGS LAS GZHAN PA ZHIG DE BZHIN GSHEGS PA YIN NA NI NAM MKHA' YANG DE BZHIN GSHEGS PAR 'GYUR RO, ,DE CI'I PHYIR ZHE NA, NAM MKHA' NI GZUGS MED PA, BSTAN DU MED PA, THOGS PA MED PA, RNAM

297a

, ,BAR MI RIG PA, GNAS PA MED PA, GZUNG DU MED PA, GNAS MED PA, MTSAN NYID MED PA'O SNYAM MO, ,DE 'DI LTAR SO SOR RTOG STE, GAL TE GZUGS DE BZHIN GSHEGS PA MA YIN, GZUGS LAS GZHAN PA'ANG MA YIN NA, CI TSOR BA DE BZHIN GSHEGS PAR 'GYUR RAM, 'ON TE TSOR BA LAS GZHAN PA ZHIG SNYAM MO, ,DE 'DI LTAR SO SOR RTOG STE, TSOR BA DE BZHIN GSHEGS PA MA YIN, TSOR BA LAS GZHAN PA'ANG MA YIN NO, ,DE CI'I PHYIR ZHE NA, DE BZHIN GSHEGS PAS NI GANG CI TSOR YANG RUNG STE DE THAMS CAD SDUG BSNGAL BA'O, ,GANG SDUG BSNGAL BA DE RTOG PA'I MTSAN NYID DO, ,RTOG PA'I MTSAN NYID GANG YIN PA DE DE BZHIN GSHEGS PA MA YIN, TSOR BA NI CHU'I CHU BUR LTA BU'O, ,NGAN PA'O, ,RTEN CING 'BREL BAR 'BYUNG BA'O, ,REG PA 'DUS PA LAS BYUNG BA'O, ,REG PA LAS SKYES PA NI TSOR BA'O ZHES GSUNGS NA, DE BZHIN GSHEGS PA NI CHU'I CHU BUR LTA BU MA YIN, NGAN PA MA YIN, RTEN CING 'BREL BAR 'BYUNG BA MA YIN, DE BZHIN GSHEGS PA NI REG PA LAS SKYES PA MA YIN, REG PA 'DUS PA LAS BYUNG BA MA YIN, TSOR BA JI LTA BA BZHIN DU REG PA LAS SKYES PA MA YIN NO, ,DE CI'I PHYIR ZHE NA, DE BZHIN GSHEGS PA NI TSOR BA THAMS CAD 'GOG PA'I TING NGE 'DZIN LA SNYOMS

297b

PAR ZHUGS PA STE, TSOR BA DANG BRAL BA, TSOR BA THAMS CAD KYI MCHOG BRNYES PA, GDUNG BA THAMS CAD SHIN TU SBYANGS PA, NYON MONGS PA DANG, GTZE BA DANG, GNOD PA THAMS CAD SPANGS PA; MA BCINGS PA, MA GROL BA, YONGS SU MYA NGAN LAS MA 'DAS PA, MYA NGAN LAS 'DAS PA'I DBYINGS RNYOG PA MED PA'O, ,DE BZHIN GSHEGS PA NI MA SKYES PA, RNAM PAR MI RTOG PA; MI MTHONG BA, MA THOS PA, SNAM DU MED PA, MYANG DU MED PA, RIG PAR BYAR MED PA, MTSAN MAR MED PA, RNAM PAR MI REG PA, RNAM PAR SHES PAR BYA BA MA YIN PA'O SNYAM MO,, DES DE LTAR SO SOR BRTAGS NA TSOR BA DE BZHIN GSHEGS PA MA YIN, TSOR BA LAS GZHAN PA'ANG MA YIN NO, ,DE CI'I PHYIR ZHE NA, GAL TE TSOR BA LAS GZHAN ZHIG DE BZHIN GSHEGS PAR 'GYUR NA, RTZVA DANG, SHING GEL PA DANG, SMAN DANG, 'KHRI SHING DANG, NAGS TSAL THAMS CAD KYANG DE BZHIN GSHEGS PAR 'GYUR RO, ,DE CI'I PHYIR ZHE NA, RTZVA DANG, SHING GEL BA DANG, SMAN DANG, 'KHRI SHING 'DZINGS PA DANG, NAGS TSAL THAMS CAD NI TSOR BA MED PA'O SNYAM MO, ,DE 'DI LTAR SO SOR RTOG STE, GAL TE TSOR BA DE BZHIN GSHEGS PA MA MA YIN; TSOR BA LAS GZHAN PA'ANG MA YIN NA, CI 'DU SHES DE BZHIN GSHEGS PA'AM, 'ON TE 'DU SHES LAS GZHAN PA ZHIG GAM SNYAM MO, ,DE 'DI LTAR SO SOR RTOG STE, 'DU

298a

, ,SHES DE BZHIN GSHEGS PA MA YIN, 'DU SHES LAS GZHAN PA'ANG MA YIN NO, ,DE CI'I PHYIR ZHE NA, 'DU SHES NI SMIG RGYU LTA BU, MIG DANG, GZUGS DANG, SNANG BA DANG, YID LA BYED PA 'DUS PA LAS NGES PAR BYUNG BA'O, ,DE BZHIN GSHEGS PA NI 'DU SHES MA YIN TE, SMIG RGYU LTA BU MA YIN, MIG DANG, GZUGS DANG, SNANG BA DANG, YID LA BYED PA LAS NGES PAR 'BYUNG BA MA YIN, 'DU SHES JI LTA BA BZHIN DU MIG DANG, GZUGS DANG, SNANG BA DANG, YID LA BYED PA 'DUS PA LAS BYUNG BA MA YIN NO, ,DE CI'I PHYIR ZHE NA, DE BZHIN GSHEGS PA NI BSAM GYIS MI KHYAB PA, BSAM PAR BYA BA MA YIN PA, SEMS PA MED PA, SEMS PA DANG BRAL BA, SEMS MTSUNGS PA MED PA, 'GRO BAR 'JUG PA MED PA, 'ONG BAR 'JUG PA MED PA, 'GRO BA MED PA, 'GRO BA YANG DAG PAR GCOD PA, DPAG PA MA YIN PA, GCAD DU MED PA; BU GA MED PA, RDZAS MA YIN PA, THA DAD PA MA YIN PA, DBYER MED PA YANG DAG PA, RTZOM PA MED PA, BZHUGS PA MED PA, REG PAR BYAR MED PA'O SNYAM MO, ,DE 'DI LTAR SO SOR RTOG STE, 'DU SHES DE BZHIN GSHEGS PA MA YIN, 'DU SHES LAS GZHAN PA'ANG MA YIN NO, ,GAL TE 'DU SHES LAS GZHAN PA ZHIG DE BZHIN GSHEGS

298b

PAR GYUR NA NI, SHING DANG, BONG BA THAMS CAD KYANG DE BZHIN GSHEGS PAR 'GYUR RO, ,DE CI'I PHYIR ZHE NA, SHING DANG, BONG BA THAMS CAD NI 'DU SHES MED PA'O SNYAM MO, ,DE 'DI LTAR SO SOR RTOG STE, GAL TE 'DU SHES DE BZHIN GSHEGS PA MA YIN, 'DU SHES LAS GZHAN PA'ANG MA YIN NA CI 'DU BYED RNAMS DE BZHIN GSHEGS PA'AM, 'ON TE 'DU BYED RNAMS LAS GZHAN PA ZHIG GAM SNYAM MO, ,DE 'DI LTAR SO SOR RTOG STE, 'DU BYED RNAMS DE BZHIN GSHEGS PA MA YIN, 'DU BYED RNAMS LAS GZHAN PA'ANG MA YIN NO, ,DE CI'I PHYIR ZHE NA, 'DU BYED RNAMS NI DNGOS PO MED PA, RDZUN PA SLU BA'I CHOS CAN, MA RIG PA 'DUS PA LAS BYUNG BA'O, ,'DU BYED RNAMS NI MA RIG PA 'DUS PA LAS SKYES PA YIN NO, ,DE BZHIN GSHEGS PA NI DNGOS PO MED PA MA YIN, RDZUN PA MA YIN, SLU BA'I CHOS MA YIN, 'DU BYED RNAMS JI LTA BA BZHIN DU MA RIG PA 'DUS PA LAS SKYES PA MA YIN NO, ,DE CI'I PHYIR ZHE NA, DE BZHIN GSHEGS PA NI MA RIG PA 'GOG PA'I TING NGE 'DZIN LA SNYOMS PAR ZHUGS PA STE, GZUGS NA SPYOD PA'I TING NGE 'DZIN MTSAN MA BCAS PA DANG, MI G-YO BA'I TING NGE 'DZIN LAS SHIN TU 'DAS NAS 'DU SHES DANG, TSOR BA 'GOG PA NYE BAR BSGRUBS TE GNAS PA'O, ,DE BZHIN GSHEGS PA NI ZHI BA'O, ,MI SNANG

299a

, ,BA'O; ;BLTAR MI MTHONG BA'O, ,MTHA' YAS PA'O, ,SPRIN DANG MTSUNGS PA'O, ,RAB TU MA ZHI BA'O, ,RAB TU ZHI BA MA YIN PA'O, ,ZHI BA DANG BRAL BA'O, , ZHI BA MED PA'O, ,DAG PA'O, ,NYON MONGS PA MED PA'O, ,LEN PA MED PA'O, ,BYAMS PA MED PA'O, ,'KHOR BYED MED PA'O, ,'KHOR BYED DANG BRAL BA'O, ,MI GNAS PA'I TSUL GYIS GNAS PA'O, ,MDUD PA MED PA'O, ,'CHI 'PHO MED PA'O, ,'CHI 'PHO BAR MI 'GYUR BA'O, ,CHOS MA YIN PA'O, ,CHOS MA YIN PA'ANG MA YIN PA'O, ,ZHING MA YIN PA'O, , ZHING MA YIN PA'ANG MA YIN PA'O, ,MI ZAD PA'O, ,MI ZAD PA'ANG MA YIN PA'O, ,ZAD PA DANG BRAL BA'O, ,SKAD CIG PA'O, ,MI 'KHRUGS PA'O SNYAM MO, ,DE 'DI LTAR SO SOR RTOG STE, 'DU BYED RNAMS DE BZHIN GSHEGS PA MA YIN, 'DU BYED RNAMS LAS GZHAN PA'ANG MA YIN NO, ,DE CI'I PHYIR ZHE NA, GAL TE 'DU BYED RNAMS LAS GZHAN PA ZHIG DE BZHIN GSHEGS PAR GYUR NA NI, DE BZHIN GSHEGS PA DNGOS PO MED PAR 'GYUR RO, ,DE CI'I PHYIR ZHE NA, DNGOS PO MED PA NI 'DU BYED PA MA YIN PA'I PHYIR RO, ,DE 'DI LTAR SO SOR RTOG STE, GAL TE 'DU BYED RNAMS DE BZHIN GSHEGS PA MA YIN, 'DU BYED RNAMS LAS GZHAN PA'ANG MA YIN NA, CI RNAM PAR SHES PA DE BZHIN GSHEGS PAR 'GYUR RAM ,

299b

'ON TE RNAM PAR SHES PA LAS GZHAN PA ZHIG GAM SNYAM MO, ,DE 'DI LTAR SO SOR RTOG STE, RNAM PAR SHES PA DE BZHIN GSHEGS PA MA YIN, RNAM PAR SHES PA LAS GZHAN PA'ANG MA YIN NO, ,DE CI'I PHYIR ZHE NA, RNAM PAR SHES PA NI SGYU MA LTA BU, GSOB GSOG YANG DAG PA MA YIN PA, 'DU BYED 'DUS PA LAS SKYES PA, TSUL BZHIN MA YIN PA YID LA BYED PA; 'DUS PA LAS BYUNG BA YIN NO, ,DE BZHIN GSHEGS PA NI GSOB MA YIN, YANG DAG PA MA YIN PA MA YIN, TSUL BZHIN MA YIN PA YID LA BYED PA 'DUS PA LAS NGES PAR SKYES PA MA YIN; RNAM PAR SHES PA JI LTA BA BZHIN DU TSUL BZHIN MA YIN PA YID LA BYED PA 'DUS PA LAS BYUNG BA MA YIN NO, ,DE CI'I PHYIR ZHE NA, DE BZHIN GSHEGS PA NI SEMS DANG, YID DANG, RNAM PAR SHES PA DANG BRAL BA, YI GE MED PA, SGRA MED PA, YUL MED PA, DNGOS PO MED PA, SEMS MED PA, LDAN PA MA YIN PA, MI LDAN PA'ANG MA YIN PA, BLO GROS MED PA, BLO GROS MED PA'ANG MA YIN PA, RTOGS PA MED PA, RTOGS PA MED PA'ANG MA YIN PA, 'GRO BA MED PA, 'GRO BA MED PA'ANG MA YIN PA, GNYIS SU MED PA, GNYIS LTA BUR BYA BA MA YIN PA, MI 'DA' BA, MTSAN NYID MED PA, MTSAN NYID DANG BRAL BA, MTSAN NYID MA YIN PA, MA SPROS PA, SGO MA YIN PA, CHAGS PA MED PA, CHAGS PA DANG BRAL

300a

, ,BA; MTHUN PAR BYED PA, DE BZHIN NYID KYIS RAB TU PHYE BA, DE KHO NA MA YIN PA, DE KHO NA MA YIN PA'ANG MA YIN PA'O SNYAM MO, ,DE 'DI LTAR SO SOR RTOG STE; RNAM PAR SHES PA DE BZHIN GSHEGS PA MA YIN, RNAM PAR SHES PA LAS GZHAN PA'ANG MA YIN NO, ,GAL TE RNAM PAR SHES PA LAS GZHAN PA ZHIG DE BZHIN GSHEGS PAR GYUR NA NI MIG YOR YANG DE BZHIN GSHEGS PAR 'GYUR RO, ,DE CI'I PHYIR ZHE NA, MIG YOR NI RNAM PAR SHES PA MA YIN PA'I PHYIR RO, ,DE 'DI LTAR SO SOR RTOG STE, DE BZHIN GSHEGS PA NI 'DAS PA LAS MI DMIGS, MA 'ONGS PA LAS MA YIN, DA LTAR BYUNG BA LAS MI DMIGS SO, ,MI DMIGS PAS MI RTOG GO ,RNAM PAR MI RTOG GO ,MI RTOG NA SO SOR MI GNAS SO, ,SO SOR MI GNAS NA 'PHRO BAR MI BYED DO, ,MI 'PHRO NA ZHUM PAR MI 'GYUR RO, ,ZHUM PA MED NA YONGS SU GDUNG BA MED DO, ,YONGS SU GDUNG BA MED NA KUN TU GDUNG BA MED DO, ,KUN TU GDUNG BA MED NA RJES SU GDUNG BA MED DO, ,GANG RJES SU GDUNG BA MED NA DE MI GDUNG BA'O, ,GANG MI GDUNG BA DE KUN TU MI RGYUG GO ,RNAM PAR MI RGYUG GO ,GANG MI RGYUG PA DE RNAM PAR MI RGYUG GO ,RNAM PAR MI RGYUG PA DE MI NYAMS SO, ,GANG MI NYAMS PA DE RNAM PAR MI 'KHYAM MO, ,GANG RNAM PAR

300b

MI 'KHYAM PA DE 'KHYAM PA MED DO, ,GANG 'KHYAM PA MED PA DE 'KHYAM PA MA YIN PA'O, ,GANG 'KHYAM PA MA YIN PA DE RLOM SEMS MED PA'O, ,GANG RLOM SEMS MED PA DE BAG YOD PA'O, , GANG BAG YOD PA DE 'PHAGS PA'O, ,GANG 'PHAGS PA DE DGRA BCOM PA'O, ,GANG DGRA BCOM PA GANG YIN PA DE LA BDAG GI RDUL MED DO, ,SEMS CAN GYI RDUL MED DO, ,SROG GI RDUL MED DO; ;GANG ZAG GI RDUL MED DO, ,PHUNG PO'I RDUL MED DO, ,KHAMS KYI RDUL MED DO, ,SKYE MCHED KYI RDUL MED DO, ,DNGOS PO'I RDUL MED DO, ,RGYU'I RDUL MED DO, ,RKYEN GYI RDUL MED DO; ;DMIGS PA'I RDUL MED DO, ,KUN 'BYUNG BA'I RDUL MED DO, ,NGA RGYAL GYIS LHAG PAR BYED PA'I RDUL MED DO, ,TSOR BA'I RDUL MED DO, ,'DOD CHAGS KYI RDUL MED DO, ,ZHE SDANG GI RDUL MED DO, ,GTI MUG GI RDUL MED DO, ,KHRO BA'I RDUL MED DO, ,'KHON DU 'DZIN PA'I RDUL MED DO, ,NGA RGYAL GYI RDUL MED DO, ,NGA RGYAL DANG, 'CHAB PA DANG, YONGS SU GDUNG BA'I RDUL MED DO, ,NGA RGYAL DANG LHAG PA'I NGA RGYAL GYI RDUL MED DO, ,SEMS CAN DMYAL BA DANG, DUD 'GRO DANG, YI DVAGS KYI RDUL MED DO, ,GSHIN RJE'I 'JIG RTEN GYI RDUL MED DO; ;'DOD PA'I KHAMS KYI RDUL MED DO, ,GZUGS KYI KHAMS KYI RDUL MED DO, ,GZUGS MED PA'I KHAMS KYI RDUL MED DO, ,'KHOR BA'I RDUL MED DO, ,RNAM PA DE LTA

301a

, ,BUR RDUL MI DMIGS TE, GANG 'DOD CHAGS DANG BRAL ZHING RDUL MED PA DE DAG 'PHAGS PA ZHES BYA, DGRA BCOM PA ZHES BYA, GROL BA ZHES BYA , RNAM PAR GROL BA ZHES BYA, LHA'I DAM PA ZHES BYA, RTAG TU MNYAM PAR GZHAG PA ZHES BYA, SANGS RGYAS ZHES BYA STE, DE CHOS GANG LA'ANG RLOM SEMS MED DO, ,RLOM SEMS MED PA KUN NAS NYON MONGS PAR MI 'GYUR RO, ,KUN NAS NYON MONGS PA MED NA KUN TU GDUNG BA MED DO, ,KUN TU GDUNG BA MED NA RANG BZHIN THOB PAR 'GYUR RO, ,RANG BZHIN THOB NA CHOS GANG LA'ANG MI SPYOD DO, ,MI SPYOD NA 'DI LTAR, CI GZUGS BYANG CHUB MNGON PAR RDZOGS PAR 'TSANG RGYA'AM, 'ON TE TSOR BA DANG, 'DU SHES PA DANG, 'DU BYED DANG, RNAM PAR SHES PA BYANG CHUB MNGON PAR RDZOGS PAR 'TSANG RGYA'AM, SU ZHIG BYANG CHUB MNGON PAR RDZOGS PAR 'TSANG RGYA, CI PHUNG PO LNGA CHOS STON TAM, PHUNG PO LNGA NI YANG DAG PA MA YIN PA, SGYU MA LTA BU, GSOB, GSOG ,DNGOS PO MED PA, TSUL BZHIN MA YIN PA YID LA BYED PA 'DUS BA LAS BYUNG BA'O, ,CHOS KYI DBYINGS NI GSOB MA YIN, GSOG MA YIN; YANG DAG PA MA YIN PA MA YIN, TSUL BZHIN MA YIN PA YID LA BYED PA LAS BYUNG BA MA YIN, SGYU MA LTA BU MA YIN, SMIG RGYU LTA BU MA YIN, CHU ZLA LTA BU MA YIN, BRAG CA

301b

LTA BU MA YIN NA SU ZHIG CHOS 'DI STON, DE CI'I PHYIR ZHE NA, BZANG SKYONG, CHOS KYI DBYINGS NI DAG PA, BDEN PA, YANG DAG PA, GZHAN MA YIN PA, DE BZHIN NYID, MA NOR BA DE BZHIN NYID YIN NA, DE STON PA SU YIN, PHUNG PO LNGA RNAMS NI MI RTAG PA, SDUG BSNGAL BA, STONG PA, BDAG MED PA, RTEN CING 'BREL PAR BYUNG BA, NGAN PA, 'JIG PA'I CHOS CAN NO, ,BYANG CHUB NI JI LTA BA BZHIN DU SPROS PA MED DE, GZUNG DU MED PA, SGRA MED PA, MI SNANG BA, BLTAR MED PA, MTSAN MA MED PA, MTHA' YAS PA, NAM MKHA' DANG MTSUNGS PA, MNYAM PA MED PA; MI MNYAM PA DANG MNYAM PA, SEMS DANG, YID DANG, RNAM PAR SHES PA DANG BRAL BA, SGRA SKAD THAMS CAD KYI RJES SU ZHUGS PA, YUL NA MI GNAS PA, PHYOGS NA MI GNAS PA, BRTAG TU MED PA, BSTAN DU MED PA, ZHI BA, ZHI BA DANG BRAL BA, BSIL BAR GYUR PA, KUN GZHI MED PA, GNAS MED PA, 'DUS MA BYAS PA, MI SKYE BA, MI 'GOG PA; MI GNYIS PA LA GNAS PA, DE BZHIN NYID, GZHAN MA YIN PA DE BZHIN NYID, MI 'GYUR BA DE BZHIN NYID, MA 'ONGS PA DE BZHIN NYID, 'GRO BA MED PA'I DE BZHIN NYID , 'KHOR BA DANG, MYA NGAN LAS 'DAS PA MNYAM PA'O, ,BZANG SKYONG, DE BZHIN NYID NI KUN NAS NYON MONGS PA MA YIN, RNAM PAR BYANG BA MA YIN, RNAM PAR DAG PA MA YIN NO, ,DE

302a

, ,BZHIN NYID NI 'KHOR BA MA YIN, YONGS SU MYA NGAN LAS 'DAS PA MA YIN NO, ,DE BZHIN NYID NI SKYE BA MA YIN, 'GAG PA MA YIN NO, ,DE BZHIN NYID NI THA MA MA YIN, 'BRING MA YIN, MCHOG MA YIN NO, ,DE BZHIN NYID CES BYA BA NI CHOS KYI DBYINGS TE, CHOS KYI DBYINGS NI BDAG DANG, CHOS KYI NGO BO NYID KYI GNAS MA YIN, CHOS KYI RANG BZHIN GYI GNAS MA YIN, CHOS THAMS CAD KYI GNAS MA YIN TE, STONG PA NYID STONG PA NYID KYI GNAS, DON DAM PA STONG PA NYID KYI GNAS, CHEN PO STONG PA NYID KYI GNAS; MCHOG GI STONG PA NYID KYI GNAS, SHIN TU GNAS PA'I GNAS SO, ,CHOS KYI DBYINGS NI MI G-YO BA, MI GNAS PA, GNAS MED PA, RANG BZHIN MED PA, RGYU BA MED PA; BLANG BA MED PA, DOR BA MED PA, KHAS LEN PA MED PA, 'DZIN PA MED PA'O, ,GANG CHOS 'DI SHES SHING SHES PA LA'ANG RLOM SEMS MED PA DE NI CHOS KYI DBYINGS ZHES BYA'O, ,CHOS KYI DBYINGS NI SANGS RGYAS TE, SANGS RGYAS NI YANG DAG PA'I MTHA'O, ,RDUL MED PA'O, ,ZHI BA'O, ,BSIL BAR GYUR PA'O, ,MA SKYES PA'O, ,MA 'GAGS PA'O, ,PHUNG PO NI SPROS PA DANG BCAS PA STE, DE DAG LA BYANG CHUB SEMS DPA' 'DI LTAR SO SOR RTOG STE, SPROS PA DANG BCAS PA'I PHUNG PO LNGA JI LTAR BYANG CHUB MNGON PAR RDZOGS PAR 'TSANG RGYA

302b

SNYAM NAS, DE 'DI LTAR SO SOR RTOG STE, CI GZUGS BYANG CHUB MNGON PAR RDZOGS PAR 'TSANG RGYA'AM, 'ON TE TSOR BA DANG, 'DU SHES DANG, 'DU BYED DANG, RNAM PAR SHES PA BYANG CHUB MNGON PAR RDZOGS PAR 'TSANG RGYA, GZUGS NI BEMS PO, G-YO BA MED PA, SEMS PA MED PA, RTZVA DANG, RTZIG PA DANG, SHING DANG, MIG YOR LTA BU STE, DE NI BYANG CHUB MNGON PAR RDZOGS PAR 'TSANG MI RGYA'O, ,TSOR BA NI CHU'I CHU BUR LTA BU NGAN PA, REG PA, 'DUS PA LAS BYUNG BA STE, DE'ANG BYANG CHUB MNGON PAR RDZOGS PAR 'TSANG MI RGYA'O,, 'DU SHES NI SMIG RGYU LTA BU STE, MIG DANG, GZUGS DANG, SNANG BA DANG, YID LA BYED PA 'DUS PA LAS BYUNG BA STE, DE'ANG BYANG CHUB MNGON PAR RDZOGS PAR 'TSANG MI RGYA'O, , 'DU BYED RNAMS NI DNGOS PO MED PA, RDZUN PA SLU BA'I CHOS CAN, MA RIG PA 'DUS PA LAS BYUNG BA STE DE DAG KYANG BYANG CHUB MNGON PAR RDZOGS PAR 'TSANG MI RGYA'O, ,RNAM PAR SHES PA NI SGYU MA LTA BU, GSOB, GSOG ,YANG DAG PA MA YIN PA, 'DU BYED 'DUS PA LAS NGES PAR SKYES PA, TSUL BZHIN MA YIN PA YID LA BYED PA 'DUS PA LAS BYUNG BA STE , DE'ANG BYANG CHUB MNGON PAR RDZOGS PAR 'TSANG MI RGYA'O SNYAM MO, ,BZANG SKYONG, BYANG CHUB SEMS DPA' DE 'DI LTAR SO SOR RTOG STE, GAL TE PHUNG PO LNGA BYANG CHUB MNGON PAR RDZOGS

303a

, ,PAR 'TSANG MI RGYA NA, MTSAN GYIS BYANG CHUB MNGON PAR RDZOGS PAR 'TSANG RGYA'AM, CI CHOS KYIS MNGON PAR RDZOGS PAR 'TSANG RGYA'AM, 'ON TE DGE BA'I RTZA BAS SAM, DE JI LTA BU ZHIG SNYAM MO, ,DE 'DI LTAR SO SOR RTOG STE, MTSAN GYIS KYANG BYANG CHUB MNGON PAR RDZOGS PAR 'TSANG MI RGYA'O, ,GAL TE MTSAN GYIS BYANG CHUB MNGON PAR RDZOGS PAR 'TSANG RGYA BAR GYUR NA NI 'KHOR LOS BSGYUR BA'I RGYAL PO'ANG BYANG CHUB MNGON PAR RDZOGS PAR 'TSANG RGYA BAR 'GYUR RO, ,DE CI'I PHYIR ZHE NA, 'KHOR LOS BSGYUR BA'ANG MTSAN SUM CU RTZA GNYIS DANG LDAN PA'I PHYIR RO SNYAM MO, ,DE 'DI LTAR SO SOR RTOG STE, GAL TE MTSAN GYIS BYANG CHUB MNGON PAR RDZOGS PAR 'TSANG MI RGYA NA, CI CHOS KYI MNGON PAR RDZOGS PAR 'TSANG RGYA'AM SNYAM MO, ,DE 'DI SNYAM DU SEMS TE, CHOS KYIS KYANG BYANG CHUB MNGON PAR RDZOGS PAR 'TSANG MI RGYA'O, ,DE CI'I PHYIR ZHE NA, CHOS NI GZUGS MED PA, BSTAN DU MED PA, THOGS PA MED PA, RNAM PAR RIG PA MED PA, GNAS MED PA, SNANG BA MED PA, BSTAN DU MED PA, BLTAR MI MTHONG BA, MA SKYES PA , MA 'GAGS PA, NAM MKHA' DANG MTSUNGS PA STE, DE'ANG BYANG CHUB MNGON PAR RDZOGS PAR 'TSANG MI RGYA'O SNYAM MO, ,DE 'DI LTAR SO SOR RTOG STE, GAL TE CHOS KYIS BYANG CHUB

303b

MNGON PAR RDZOGS PAR 'TSANG MI RGYA NA DGE BA'I RTZA BAS BYANG CHUB MNGON PAR RDZOGS PAR 'TSANG RGYA'AM, DE JI LTA BU ZHIG SNYAM MO, ,DE 'DI SNYAM DU SEMS TE, DGE BA'I RTZA BAS KYANG BYANG CHUB MNGON PAR RDZOGS PAR 'TSANG MI RGYA'O, ,DE CI'I PHYIR ZHE NA, BYANG CHUB SEMS DPA' DGE BA'I RTZA BA BSDUS NAS BYANG CHUB KYI SNYING PO LA MI 'DUG LA, SANGS RGYAS NYID BZUNG NAS KYANG MI LDANG STE, DE RGYU GZHAN DANG, GZHAN LA SO SOR BRTAGS NA MA DMIGS PA DANG, BYANG CHUB MNGON PAR RDZOGS PAR 'TSANG RGYA BA DE SU ZHIG SNYAM MO, ,DES DE LTAR SO SOR BRTAGS NA DGE BA'I RTZA BA'ANG MA DMIGS NAS, CI DGE BA'I RTZA BA RNAMS GZUGS KYIS BSAGS PA ZHIG GAM, 'ON TE TSOR BA DANG, 'DU SHES DANG, 'DU BYED DANG, RNAM PAR SHES PAS SAM, GZUGS NI BEMS PO, G-YO BA MED PA, SEMS PA MED PA STE, DES KYANG DGE BA'I RTZA BA MA BSAGS, TSOR BA NI CHU'I CHU BUR LTA BU NGAN PA, RTEN CING 'BREL BAR BYUNG BA, REG PA 'DUS PA LAS BYUNG BA STE, DES KYANG DGE BA'I RTZA BA MA BSAGS, 'DU SHES NI SMIG RGYU LTA BU, MIG DANG, GZUGS DANG, SNANG BA DANG, YID LA BYED PA 'DUS PA LAS BYUNG BA STE; DES KYANG DGE BA'I RTZA BA MA BSAGS, 'DU BYED NI DNGOS PO MED PA, RDZUN PA SLU BA'I CHOS CAN, MA RIG PA 'DUS PA LAS BYUNG BA STE, DE DAG GIS KYANG DGE BA'I RTZA BA MA BSAGS,

304a

, ,RNAM PAR SHES PA NI SGYU MA LTA BU, GSOB, GSOG ,YANG DAG PA MA YIN PA, 'DU BYED 'DUS PA LAS NGES PAR SKYES PA, TSUL BZHIN MA YIN PA YID LA BYED PA 'DUS PA LAS BYUNG BA STE, DES KYANG DGE BA'I RTZA BA MA BSAGS SO SNYAM NAS DES DE LTAR BRTAGS PA DANG, GANG GIS DGE BA'I RTZA BA BSAGS PA DE MI DMIGS SO; ;DES DE LTAR BRTAGS NA MI DMIGS TE, MI DMIGS SO SNYAM PA'I RLOM SEMS KYANG MED DO, ,GANG BYANG CHUB KYI SNYING PO LA 'DUG PA DE'ANG MI DMIGS TE, MI DMIGS SO SNYAM PA'I RLOM SEMS KYANG MED DO, ,DES BYANG CHUB KYANG MI DMIGS TE, MI DMIGS SO SNYAM PA'I RLOM SEMS KYANG MED DO, ,'DI LA SU ZHIG MNGON PAR RDZOGS PAR 'TSANG RGYA BA DE'ANG MI DMIGS TE, MI DMIGS SO SNYAM PA'I RLOM SEMS KYANG MED DO, ,DES DE LTAR SO SOR BRTAGS NAS BYANG CHUB KYI RLOM SEMS KYANG MED, SEMS CAN GYI RLOM SEMS KYANG MED, SANGS RGYAS KYI YE SHES KYI RLOM SEMS KYANG MED PA DE, BZANG SKYONG, BLA NA MED PA YANG DAG PAR RDZOGS PA'I BYANG CHUB STE, DE CHOS GANG LA'ANG RLOM SEMS MED DO; ;DE CI'I PHYIR ZHE NA, DE CHOS GANG YANG SKYE BA'ANG MI MTHONG, 'GAG PA'ANG MI MTHONG STE, YANG DAG PA JI LTA BA BZHIN DU ZHI BA'I GNAS KHONG DU CHUD PAS DE'I PHYIR SANGS

304b

RGYAS ZHES BYA STE, DE NI RTOG PA DANG, RNAM PAR RTOG PA DANG, KUN TU RTOG PA THAMS CAD LA MI 'JUG STE, DE NI ZHI BA'O, ,BSIL BAR GYUR PA'O, ,SEMS DANG, YID DANG, RNAM PAR SHES PA DANG BRAL BA NI SANGS RGYAS ZHES BYA STE, BZANG SKYONG, 'DI NI RAB TU ZHI BA RNAM PAR NGES PA'I CHO 'PHRUL ZHES BYA BA'I TING NGE 'DZIN TO, ,BZANG SKYONG, TING NGE 'DZIN 'DI LA SLOB PA'I BYANG CHUB SEMS DPA' NI TING NGE 'DZIN THAMS CAD KYIS MNGON PAR 'BYUNG BA YIN NO, ,DE NAS BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO; ;BCOM LDAN 'DAS, GANG SANGS RGYAS BCOM LDAN 'DAS RNAMS MA SKYES, MA 'GAGS KYANG SKYE ZHING 'GAG PAR KUN TU GDA' BA DANG, YI GE GCIG KYANG MI BRJOD LA, 'KHOR BYE BA GRANGS MA MCHIS PA LA CHOS STON PAR YANG KUN TU GDA' BA'I SANGS RGYAS BCOM LDAN 'DAS RNAMS KYI THABS LA MKHAS PA NI NGO MTSAR TO, ,DE NAS BCOM LDAN 'DAS KYIS 'JAM DPAL GZHON NUR GYUR PA LA 'DI SKAD CES BKA' STZAL TO, ,'JAM DPAL, GANG YON TAN GYI SNYING PO BCU GNYIS KYIS MNGON PAR 'PHAGS PA'I SANGS RGYAS KYI ZHING DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS LA BSKAL PA SNYIGS MA'ANG KUN TU STON PA DANG, DUS SNYIGS MA DANG, SEMS CAN SNYIGS MA DANG, NYON

305a

, ,MONGS PA SNYIGS MA DANG, TSE SNYIGS MA DANG, THEG PA THA DAD PA DANG, KUN NAS NYON MONGS PA CAN GYI SANGS RGYAS KYI ZHING NYE BAR STON PA DANG, CHOS STON PA SNA TSOGS DANG, SEMS CAN YONGS SU SMIN PAR BYED PA SNA TSOGS DANG, GZHAN MU STEGS CAN GYIS DKRUGS PA'I NYON MONGS PA DANG, BDUD DANG BDUD KYI NYE BA'I NYON MONGS PA DANG, BDUD KYI LAS DANG, PHA ROL GYI DMAG TSOGS KYIS GTZO BA'I NYON MONGS PA DANG, YUL 'KHRUG PA DANG, KHRAG KHRUG DANG, CHOM PO'I NYE BA'I NYON MONGS PA DANG, KLA KLOS DKRUGS PA DANG, RKUN POS DKRUGS PA DANG, MU GES DKRUGS PA DANG, GNOD SBYIN DANG, SRIN PO DANG, YI DVAGS DANG, SHA ZA DANG, GRUL BUM DANG, LUS SRUL PO'I 'KHRUG PA'ANG KUN TU STON CING SANGS RGYAS KYI ZHING DE NA NYES PA DE DAG KYANG MED LA, DE BZHIN GSHEGS PA'I SNGON GYI DGE BA'I RTZA BA DANG, SPYOD PA DANG, SMON LAM DANG, THABS LA MKHAS PA'I STOBS KYI BYIN GYI RLABS KYIS 'DUL BA JI LTA BA BZHIN DU SEMS CAN YONGS SU SMIN PAR BYED PAS SEMS CAN RNAMS KYI BYA BA DE DAG SHES KYANG DE BZHIN GSHEGS PA NI THAMS CAD DU BTANG SNYOMS PA STE, RNAM PAR MI RTOG PA 'DI'ANG DE BZHIN GSHEGS PA'I THABS MKHAS PAR BLTA'O, ,DE SKAD CES BKA' STZAL PA DANG, BCOM LDAN

305b

'DAS LA 'JAM DPAL GZHON NUR GYUR PAS 'DI SKAD CES GSOL TO, ,SANGS RGYAS KYI ZHING DE YON TAN GYI SNYING PO GANG DAG DANG LDAN PA DANG, YON TAN GANG DANG LDAN NA SANGS RGYAS KYI ZHING DER SANGS RGYAS BCOM LDAN 'DAS RNAMS MNGON PAR RDZOGS PAR 'TSANG RGYA BA'I YON TAN GYI SNYING PO BCU GNYIS PO DE BCOM LDAN 'DAS KYIS BSHAD DU GSOL, BCOM LDAN 'DAS KYIS BKA' STZAL PA, 'JAM DPAL, SANGS RGYAS KYI ZHING DE NI BSKAL PA'I SNYING PO DANG LDAN PA YIN, DUS KYI SNYING PO DANG LDAN PA YIN, SEMS CAN GYI SNYING PO DANG LDAN PA YIN; ZHING GI SNYING PO DANG LDAN PA YIN, THEG PA'I SNYING PO DANG LDAN PA YIN, SA'I SNYING PO DANG LDAN PA YIN, SANGS RGYAS KYI ZHING DE BSTAN PA'I SNYING PO DANG LDAN PA YIN, SANGS RGYAS KYI ZHING DER GZHAN MU STEGS CAN SPYOD PA PA DANG, KUN TU RGYU DANG, GCER PU PA RNAMS MI RGYU BA YIN, SANGS RGYAS KYI ZHING DE BSAM PA DANG, LHAG PA'I BSAM PA DANG LDAN PA YIN, SANGS RGYAS KYI ZHING DE NI RANG BZHIN GYIS DKAR PO'I CHOS DANG LDAN PA'I SEMS CAN RNAMS GNAS PA YIN, SANGS RGYAS KYI ZHING DE 'PHAGS PA'I SKYE PO'I SNYING PO DANG LDAN PA YIN, SANGS RGYAS KYI ZHING DER SNGON GYI DE BZHIN GSHEGS PA RNAMS GSHEGS SHING RJES SU GSHEGS PA YIN TE, 'JAM DPAL, SANGS RGYAS KYI ZHING DE NI YON TAN GYI SNYING PO BCU GNYIS PO DE DAG

306a

, ,DANG LDAN PA YIN NO, ,DER SANGS RGYAS BCOM LDAN 'DAS RNAMS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA'O,, 'JAM DPAL, KHYOD KYIS RNAM GRANGS 'DIS KYANG NGA'I SANGS RGYAS KYI ZHING NA NYAN THOS DANG, RANG SANGS RGYAS KYI THEG PA THA DAD PA RNAM PAR GZHAG PA MED PAR RIG PAR BYA'O, ,DE CI'I PHYIR ZHE NA; THA DAD PA'I 'DU SHES DANG BRAL BA'I PHYIR RO, ,'JAM DPAL, GAL TE DE BZHIN GSHEGS PA SEMS CAN KHA CIG LA NI THEG PA CHEN PO STON, KHA CIG LA NI RANG SANGS RGYAS KYI THEG PA DANG, SEMS CAN KHA CIG LA NI NYAN THOS KYI THEG PA STON TAM, DE LTAR GYUR NA DE BZHIN GSHEGS PA SEMS YONGS SU MA DAG PAR 'GYUR, SEMS MI SNYOMS PAR 'GYUR; MNGON PAR CHAGS PAR 'GYUR, DE BZHIN GSHEGS PA NYI TSE BA'I SNYING RJE DANG LDAN PAR 'GYUR, DE BZHIN GSHEGS PA SNA TSOGS KYI 'DU SHES KYI SKYON DU LTUNG PAR 'GYUR; DE BZHIN GSHEGS PA SLOB DPON CHOS KYI DPE MKHYUD BYED PAR 'GYUR RO, ,'JAM DPAL, DE BZHIN GSHEGS PA CHOS GANG CI STON KYANG RUNG, CHOS DE DAG THAMS CAD KYANG THEG PA CHEN PO LA GZHOL BA, THEG PA CHEN PO LA 'BAB PA, THEG PA CHEN PO LA BAB PA, THAMS CAD MKHYEN PA'I YE SHES SGRUB PA, THAMS CAD MKHYEN PA'I YE SHES THOB PAR

306b

BYED PA; THAMS CAD MKHYEN PA'I YE SHES THOB PAR BYA BA'I PHYIR 'JUG PA STE, 'JAM DPAL, DE'I PHYIR SANGS RGYAS KYI ZHING DE NA THEG PA THA DAD PA RNAM PAR GZHAG PA MED DO, ,'JAM DPAL GYIS GSOL PA, BCOM LDAN 'DAS, GAL TE THEG PA THA DAD PA RNAM PAR GZHAG PA MA MCHIS NA, 'DI NI NYAN THOS KYI THEG PA'O, ,'DI NI RANG SANGS RGYAS KYI THEG PA'O, ,'DI NI THEG PA CHEN PO'O ZHES BCOM LDAN 'DAS KYIS SEMS CAN RNAMS LA THEG PA GSUM BSTAN PA DE JI LTA BU LAGS, BCOM LDAN 'DAS KYIS BKA' STZAL PA, 'JAM DPAL, THEG PA THA DAD PA ZHES BYA BA DE NI SA RNAM PAR GZHAG PA'I TSIG BLA DVAGS SO, ,'JAM DPAL, RAB 'BRING THA MA'I CHOS BSTAN PA ZHES BYA BA DE NI DE BZHIN GSHEGS PAS CHOS KYI MTSAN NYID RNAM PAR GZHAG PAR BSTAN TO, ,DE NI DE BZHIN GSHEGS PAS GANG ZAG RNAM PAR GZHAG PAR BZHAG GO ,TSOGS CHUNG DU BSAGS PA'I SEMS CAN RNAMS DANG, BSOD NAMS KYI TSOGS TSAD MED PA BSAGS PA'I SEMS CAN RNAMS YONGS SU SMIN PAR BYA BA'I PHYIR THEG PA THA DAD PAR BZHAG GI ,THEG PA NI THA DAD DU DBYER MED DO, ,DE CI'I PHYIR ZHE NA, CHOS KYI DBYINGS DBYER MED PA'I PHYIR RO, ,'JAM DPAL, THEG PA BSTAN PA ZHES BYA BA DE NI DE BZHIN GSHEGS PAS SGRIB PA MED PAR GSUNGS SO, ,'JAM DPAL, 'DI LTA STE, DPER

307a

, ,NA; 'PHONG GI SLOB DPON MKHAS PA 'PHONG SHES PA'I MCHOG GI PHA ROL TU PHYIN PA, THABS DANG, SPYOD LAM RNAM PA SNA TSOGS DANG, 'BAD PA DANG, SPYOD LAM SNA TSOGS STON CING SLOB MA LA 'PHONG SLOB KYANG 'PHONG SHES PA DE GCIG YIN PA DE BZHIN DU, 'JAM DPAL, DE BZHIN GSHEGS PA CHOS KYI 'PHONG GI SLOB DPON MKHAS PA'ANG CHOS KYI TSUL SNA TSOGS LA 'JUG PAS KHAMS DANG, BSAM PA DANG, MOS PA THA DAD PAR SEMS CAN RNAMS LA BLA NA MED PA YANG DAG PAR RDZOGS PA'I BYANG CHUB GCIG LAS THEG PA GSUM DU STON TO, ,'JAM DPAL, 'DI LTA STE, DPER NA, ME STAG CHUNG NGU YAR BA'ANG RTZVA'I RGYU DANG LDAN ZHING MCHED NA SREG PA'I BSKAL PA'I ME LTA BUR TSIG PAR NUS PAR 'GYUR RO, ,'JAM DPAL, DE BZHIN DU PHYIR MI LDOG PA'I YE SHES KYI SNANG BA'I MA STAG GCIG PO DE'ANG NYON MONGS PA THAMS CAD SREG PA'I PHYIR MTHAR GYIS MCHED CING DE BZHIN GSHEGS PA'I YE SHES CHEN PO'I SNANG BA'I BAR DU BYED NUS PAR 'GYUR RO, ,'JAM DPAL, 'DI LTA STE, DPER NA, RI DVAGS PHRA MO THAMS CAD RI DVAGS KYI RGYAL PO SENG GE RAL PA CAN GYI MDUN NA 'DUG PAR NUS PA MED DO, ,'JAM DPAL, DE BZHIN DU GZHAN MU STEGS CAN SPYOD PA PA DANG, KUN TU RGYU DANG, GCER PU PA DANG,

307b

'TSO BA CAN THAMS CAD DE BZHIN GSHEGS PA'I MDUN NA 'DUG PAR RAM, TSIG SMRA BAR NUS PA MED DE, STOBS BCU'I STOBS DANG, MI 'JIGS PA BZHIS 'JIGS PA MED PA'I SKYES BU CHEN PO'I SENG GE'I MDUN NA SGRA SGROG PAR 'GYUR BA DE LTA BU'I GNAS MED DE, SEMS CAN YONGS SU SMIN PAR BYA BA'I PHYIR DE BZHIN GSHEGS PAS BYIN GYIS BRLABS PA NI MA GTOGS SO, ,'JAM DPAL, 'DI LTA STE, DPER NA, NYI MA'I DKYIL 'KHOR SHAR PA 'OD ZER GYI DRA BA BRGYA STONG GRANGS MED PA RAB TU 'GYED PAS, SRIN BU ME KHYER THAMS CAD 'OD MED CING, LAM ME MA YIN, LHANG NGE MA YIN TE, MDZES PA MA YIN NO, ,'JAM DPAL, DE BZHIN DU DE BZHIN GSHEGS PA'I BLA NA MED PA'I YE SHES CHEN PO'I NYI MA'I DKYIL 'KHOR SHAR NAS, YE SHES CHEN PO'I 'OD ZER BRGYA STONG GRANGS MED PA RAB TU BKYE BAS, GZHAN MU STEGS CAN SPYOD PA PA DANG, KUN TU RGYU DANG, GCER BU PA LA SOGS PA THAMS CAD 'OD MED PAR 'GYUR TE, LAM ME MA YIN, LHANG NGE MA YIN ZHING, MDZES PA MA YIN PA 'DI NI DE BZHIN GSHEGS PA'I BYIN GYI BRLABS SU SHES PAR BYA'O, ,DE BZHIN GSHEGS PA'I THABS MKHAS PA'I YUL DE NI BSAM GYIS MI KHYAB STE, DES NA SANGS RGYAS KYI ZHING DER GZHAN MU STEGS CAN SPYOD PA PA DANG, KUN TU RGYU DANG, GCER BU PA

308a

, ,RNAMS KUN TU SNANG NGO, ,DE CI'I PHYIR ZHE NA, GZHAN MU STEGS CAN GYI SGO DE DAG THAMS CAD NI RNAM PAR THAR PA DANG, TING NGE 'DZIN BSAM GYIS MI KHYAB PA LA GNAS PA, SHES RAB KYI PHA ROL TU PHYIN PA LAS NGES PAR BYUNG BA, THABS MKHAS PA CHEN POS RNAM PAR RTZEN PA, SANGS RGYAS DANG, CHOS DANG, DGE 'DUN YID LA BYED PA DANG MA BRAL BA, SEMS CAN YONGS SU SMIN PAR BYED PA'I MCHOG GI PHA ROL TU SON PA STE, SEMS CAN YONGS SU SMIN PAR BYA BA'I PHYIR DE BZHIN GSHEGS PA'I BYIN GYI RLABS KYIS BYIN GYIS BRLABS PA DAG GO ,'JAM DPAL, 'DI LTA STE, DPER NA, STONG GSUM GYI STONG CHEN PO'I 'JIG RTEN GYI KHAMS KYI RDUL PHRA RAB KYI RDUL SNYED KYI SEMS CAN DE DAG SEMS CAN RE RE NAS, DZAMBU'I GLING LA DBANG BA'I RGYAL POR GYUR TE, DE DAG THAMS CAD KYIS TSIG 'DI SKAD CES BDAG CAG GIS THEG PA CHEN PO GANG LEN PA DANG, 'DZIN PA DANG, KLOG PA DANG, KUN CHUB PAR BYED PA DE SHA LAS NYI MA RE RE ZHING YANG SRANG LNGA LNGA SEN MOS GCAD PAR BYA STE, DE TSUL DE LTA BUS SROG DANG DBRAL LO ZHES SMRA BA LA , 'JAM DPAL, GAL TE BYANG CHUB SEMS DPA' DE SKAD SMRA BAS MI SKRAG ,MI DNGANG, DNGANG BAR MI 'GYUR TE, THA NA SKRAG PA'I SEMS KYANG MI SKYED, ZHUM PA MED, GONG BA

308b

MED; THE TSOM MED LA, PHYIR ZHING CHOS YONGS SU GZUNG BA LA BRTZON TE, KLOG PA DANG, KHA TON BYED PA LA BRTZON PAR 'GYUR BA'I BYANG CHUB SEMS DPA' DE NI, 'JAM DPAL, SEMS DPA' BA, SBYIN PA LA DPA' BA, TSUL KHRIMS LA DPA' BA, BZOD PA LA DPA' BA, BRTZON 'GRUS LA DPA' BA, BSAM GTAN LA DPA' BA, SHES RAB LA DPA' BA, TING NGE 'DZIN LA DPA' BA ZHES BYA'O, ,'JAM DPAL, GAL TE BYANG CHUB SEMS DPA' DE GSOD PA'I MI DE DAG LA MI KHRO ZHING, THAB DANG, ZHE SDANG GI SEMS MI BSKYED NA, 'JAM DPAL, BYANG CHUB SEMS DPA' DE NI TSANGS PA DANG MTSUNGS PA, DBANG PO DANG MTSUNGS PA, LHUN PO DANG MTSUNGS PA, MI G-YO BA, SNYING NRJE DANG LDAN PA, BYAMS PA LA GNAS PA, SEMS CAN THAMS CAD KYI BSAM PA GSO BA LA MOS PA, PHYIR MI LDOG PA'I SPYOD YUL BA, SEMS DANG MTSUNGS PA, SEMS CHU DANG MTSUNGS PA, SEMS ME DANG MTSUNGS PA, SEMS NAM MKHA' DANG MTSUNGS PA ZHES BYA STE, SEMS CAN THAMS CAD KYI 'DOD CHAGS DANG, ZHE SDANG DANG, GTI MUG DANG, THA BA SEL BA'I PHYIR ZHUGS PA'O, ,'JAM DPAL, GANG GIS GANGG'A'I KLUNG GI BYE MA SNYED KYI SANGS RGYAS RNAMS LAS SANGS RGYAS RE RE LA'ANG GANGG'A'I KLUNG GI BYE MA SNYED KYI SANGS RGYAS KYI ZHING NOR BU RIN PO CHE DBANG GI RGYAL POS RAB TU BKANG STE, DBUL

309a

, ,BA PHUL LA, DE LTAR DBUL BAS GANGG'A'I KLUNG GI BYE MA SNYED KYI BSKAL BAR DBUL BA PHUL BA BAS, 'JAM DPAL, BYANG CHUB SEMS DPA' GZHAN GANG GIS RNAM PA 'DI LTA BU'I CHOS 'DI THOS NAS, PHYOGS GCIG TU SONG STE, 'DI LTAR SEMS KYIS MNGON PAR RTOG CING 'DI LTA BU'I CHOS LA BSLAB PAR BYA'O ZHES SLOB PAR 'DOD NA , DES MA BSLABS SU ZIN KYANG BSOD NAMS CHES MANG DU SKYED DE, BYANG CHUB SEMS DPA' NOR BU RIN PO CHE DBANG GI RGYAL PO SBYIN PA'I BSOD NAMS NI DE LTA MA YIN NO, ,DE CI'I PHYIR ZHE NA, DE'I SEMS BSKYED MA THAG PA DES CHOS BZHI YONGS SU 'DZIN PA'I PHYIR TE, BZHI GANG ZHE NA, BYAMS PA YONGS SU BZUNG BA YIN, 'DAS PA DANG, MA 'ONGS PA DANG; DA LTAR BYUNG BA'I SANGS RGYAS BCOM LDAN 'DAS RNAMS KYIS BKA' DANG MI 'GAL BAR BYAS PA YIN, DE NAN TAN SNYING POR BYED PA YIN, MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BA YIN TE, CHOS BZHI PO DE DAG YONGS SU 'DZIN TO, ,GZHAN YANG CHOS BZHI YONGS SU 'DZIN TE, BZHI GANG ZHE NA, DE BZHIN GSHEGS PA'I STOBS BCU DANG, MI 'JIGS PA BZHI DANG, SO SO YANG DAG PAR RIG PA BZHI DANG, SGRIB PA MED PA'I BLO'I RNAM PAR THAR PA YONGS SU 'DZIN PA STE BZHI

309b

PO DE DAG GO ,'JAM DPAL, CHOS BZHI DANG LDAN NA BYANG CHUB SEMS DPA' SEMS DPA' CHEN PO ZHES BYA STE, BZHI GANG ZHE NA, DUS SU SBYIN PA DANG, G-YO MED CING SGYU MED PA DANG, LHAG PA'I BSAM PAS BYANG CHUB TU SEMS BSKYED PA DANG MI 'BREL BA DANG, SEMS DANG PO BSKYED PA'I BYANG CHUB SEMS DPA' LA'ANG SHIN TU GUS PA STE CHOS BZHI PO DE DAG DANG LDAN NA, BYANG CHUB SEMS DPA' SEMS DPA' CHEN PO ZHES BYA'O, ,'JAM DPAL, GAL TE BYANG CHUB SEMS DPA' LA RGYAL PO'AM, BLON PO CHEN PO GANG ZHIG 'DI SKAD CES GAL TE KHYOD SEMS CAN GCIG GI DON DU DGE BA'I RTZA BA GCIG YANG DAG PAR BSGRUBS TE, THA NA DUD 'GRO'I SKYE GNAS SU SONG BA LA ZAN CHANG GCIG TZAM SBYIN ZHING BSGRUB NA'ANG DE'I PHYIR NGAS KHYOD KYI SHA SEN MOS BTOGS TE MED PAR BYA'O ZHES ZER LA, GAL TE BYANG CHUB SEMS DPA' DE SKAD ZER BA LA MI SKRAG ,MI DNGANG, DNGANG BAR MI 'GYUR ZHING 'JIGS PA MED KYI, 'DI LTAR SEMS SKYED DE, GANGG'A'I KLUNG GI BYE MA SNYED KYI LUS KYI SHA SEN MOS BCAD DE BOR YANG BDAG SPRO BAR BYA YI, BDAG SEMS CAN GCIG GI PHYIR YANG JI TZAM DU CHUNG NGU NA'ANG DGE BA'I RTZA BA GCIG YANG DAG PAR MI BSGRUB TU MI GTANG NGO SNYAM NAS SEMS BSKYED PA GCIG PO DES BYANG CHUB SEMS DPA' DES PHYOGS BCU'I 'JIG RTEN GYI KHAMS THAMS CAD KYI RDUL SNYED

310a

, ,KYI GTAN PA MED PA'I MCHOD SBYIN ZIL GYIS GNON TO, ,PHYOGS BCU'I 'JIG RTEN GYI KHAMS THAMS CAD KYI RDUL PHRA RAB KYI RDUL SNYED KYI BYANG CHUB SEMS DPA' RNAMS KYI SBYIN PA LAS BYUNG BA'I DGE BA'I RTZA BA RNAMS KYANG ZIL GYIS GNON TE, BLA NA MED PA YANG DAG PAR RDZOGS PAR BYANG CHUB LAS PHYIR MI LDOG PAR 'GYUR RO, , GANGG'A'I KLUNG GI BYE MA SNYED KYI 'KHOR LOS BSGYUR BA'I RGYAL PO MYONG BAR 'GYUR RO, ,DE BZHIN DU GANGG'A'I KLUNG GI BYE MA SNYED KYI BRGYA BYIN DANG, TSANGS PA 'THOB CING MYONG BAR 'GYUR RO; ;DE CI'I PHYIR ZHE NA, 'JAM DPAL, BYANG CHUB SEMS DPA' GANG GIS SEMS CAN RNAMS LA SNYING RJE BSKYED NA DE SNYING RJE DANG LDAN PA'I DGE BA'I RTZA BA DES CHOS BZHI YONGS SU 'DZIN TE, BZHI GANG ZHE NA, BRTAN PA'I SEMS YONGS SU 'DZIN PA DANG, KHONG KHRO BA MED PA'I SEMS DANG, SNYING RJE CHEN PO YONGS SU 'DZIN PA DANG, PHYIN CI LOG GI SHES PA SPANGS NAS PHYIN CI MA LOG PA'I YE SHES 'THOB PA'O, ,GZHAN YANG CHOS BZHI YONGS SU 'DZIN TE, BZHI GANG ZHE NA, TSUL KHRIMS PHUN SUM TSOGS PA MCHOG YONGS SU 'DZIN TE, TSUL KHRIMS PHUN SUM TSOGS PA MCHOG DE DANG LDAN PAS BYANG CHUB SEMS DPA' LHA GZHAN LA RTON PAR MI 'GYUR BA DANG, DRAN PA PHUN

310b

SUM TSOGS PA MCHOG 'THOB STE, DRAN PA PHUN SUM TSOGS PA MCHOG DE DANG LDAN PAS BYANG CHUB SEMS DPA' SKYE BAR SKYE NA TSO RABS DRAN PAR 'GYUR BA DANG, DGE BA'I BSHES GNYEN PHUN SUM TSOGS PA MCHOG YONGS SU 'DZIN TE, DGE BA'I BSHES GNYEN PHUN SUM TSOGS PA MCHOG DE DANG LDAN PAS BYANG CHUB SEMS DPA' SANGS RGYAS 'BYUNG BA DANG 'BRAL BAR MI 'GYUR, SANGS RGYAS 'BYUNG BA DANG MI 'BRAL BA'I SANGS RGYAS KYI ZHING DU SKYE BAR 'GYUR, GAL TE SANGS RGYAS NI MA BYUNG LA DZAMBU'I GLING DU SKYES NA'ANG SKYES BU DAM PAR 'GYUR, DZAMBU'I GLING NA SBYIN PA'I GNAS GCIG PUR 'GYUR, RANG SANGS RGYAS DANG, GZHAN MNGON PAR SHES PA LNGA DANG LDAN PA DANG, 'DOD PA'I 'DOD CHAGS DANG BRAL BA DE DAG MGU BAR BYED PAR 'GYUR, DE DAG MGU BAR BYAS NAS, BSOD SNYOMS 'BUL BAR 'GYUR BA DANG, LHA RNAMS KYIS YONGS SU BZUNG BAR 'GYUR TE, NAM BAG MED PAR GYUR PA DE'I TSE'ANG GNAS GTZANG MA'I RIS KYI LHA'I BU RNAMS KYIS BSKUL BAR 'GYUR, BSKUL NAS KYANG BLA NA MED PA YANG DAG PAR RDZOGS PA'I BYANG CHUB LA BRTZON 'GRUS RTZOM PAR 'GYUR, DE'I DRAN PA CHUD MI ZA BAR 'GYUR, BYANG CHUB YANG DAG PAR 'GRUB PA'I RGYUR BRTZON 'GRUS RTZOM PAR 'GYUR RO, ,'JAM DPAL, BYANG CHUB SEMS DPA' DE

311a

, ,SEMS BSKYED PA DES RNAM PAR DAG PAR BYED PA'I CHOS LNGA YONGS SU 'DZIN TE, LNGA GANG ZHE NA, TSUL KHRIMS RNAM PAR DAG PA YONGS SU 'DZIN PA DANG, LUS RNAM PAR DAG PA DANG, MTSAN PHUN SUM TSOGS PA 'THOB PA RNAM PAR DAG PA DANG, DGE BA'I RTZA BA SBYANGS PA RNAM PAR DAG PA DANG, SANGS RGYAS LA BRTEN, CHOS LA BRTEN, DGE 'DUN LA BRTEN, BYANG CHUB SEMS DPA' LA BRTEN, BYANG CHUB TU SEMS BSKYED PA LA BRTEN PA YONGS SU 'DZIN PA YIN TE, 'JAM DPAL, RNAM PAR DAG PAR BYED PA'I CHOS DE DAG YONGS SU 'DZIN PAR 'GYUR RO, ,'JAM DPAL, RIGS KYI BU'AM, RIGS KYI BU MO GANG LA LAS DZAMBU GLING BA'I SEMS CAN THAMS CAD KYI SROG BCAD DE, DE DAG GI BDOG PA THAMS CAD PHROGS PA BAS, 'JAM DPAL, RIGS KYI BU'AM, RIGS KYI BU MO GANG GZHAN ZHIG GIS BYANG CHUB SEMS DPA' DGE BA'I RTZA BA GCIG GI SEMS BSKYED PA, THA NA DUD 'GRO'I SKYE GNAS SU SONG BA LA THA NA ZAN CHANG GCIG BYIN PA DANG LDAN PA'I DGE BA'I RTZA BA'I BAR CHAD BYAS NA, DE DE BAS CHES SDIG PA GRANGS MED PAR SKYED DO, ,DE CI'I PHYIR ZHE NA, SANGS RGYAS 'BYUNG BA SKYED PA'I DGE BA'I RTZA BA'I BAR CHAD BYED PAR GNAS PA'I PHYIR RO, ,'JAM DPAL, RIGS KYI BU'AM RIGS

311b

KYI BU MO GANG LA LA MDO SDE DKON MCHOG SANGS RGYAS KYI YE SHES SKYED PA RNAM PA 'DI LTA BU 'DI LA MOS PA'I BYANG CHUB SEMS DPA' LA SMOD CING BSNGAGS PA MA YIN PA BRJOD, 'DUM PAR MI BYED; DGE BA'I RTZA BA DANG BRAL BAR BYED DE, DGE BA'I RTZA BA LA MOS PA DANG BRAL BAR BYAD CING BAR CHAD BYED NA, DE MI DGE BA'I RTZA BA BSAGS PA DES SEMS CAN DMYAL BA CHEN PO RNAMS SU SKYE BAR 'GYUR RO, ,DE DER SKYES NAS LUS DPAG TSAD LNGA BRGYA PA 'GRUB BO, ,LUS DE LA'ANG MGO LNGA BRGYAR 'GYUR RO, ,MGO BO RE RE LA'ANG LCE LNGA RGYA LNGA BRGYAR 'GYUR RO, ,LCE RE RE LA'ANG THONG SHOL LNGA BRGYA LNGA BRGYAS RMO BAR 'GYUR TE, BSKAL PA JI SNYED CIG GIS BYANG CHUB SEMS DPA' DE BYANG CHUB MNGON PAR RDZOGS PAR 'TSANG RGYA BA DE SNYED KYI BSKAL PAR SEMS CAN DMYAL BA CHEN PO RNAMS SU SKYES NAS SDUG BSNGAL CHEN PO MYONG BAR 'GYUR RO, ,DE CI'I PHYIR ZHE NA, DE SANGS RGYAS 'BYUNG BA'I BAR CHAD BYA BAR ZHUGS PA'I PHYIR RO, ,GANG SANGS RGYAS 'BYUNG BA'I BAR CHAD BYA BA'I PHYIR ZHUGS PA DE SANGS RGYAS KYI RIGS GCOD PA'I PHYIR ZHUGS PA'O, ,CHOS KYI RIGS GCOD PA'I PHYIR ZHUGS PA'O,, DGE 'DUN GYI RIGS GCOD PA'I PHYIR ZHUGS PA'O, ,DE LHA'I RIGS GCOD PA'I PHYIR ZHUGS PA'O, ,DE TSANGS PA THAMS CAD KYI RIGS GCOD PA'I PHYIR ZHUGS PA'O, ,DE MI'I 'JIG

312a

, ,RTEN GCOD PA'I PHYIR ZHUGS PA'O, ,DE SEMS CAN THAMS CAD KYI BDE BAR SBYAR BA THAMS CAD GCOD PA'I PHYIR ZHUGS PA'O, ,'JAM DPAL; GANG LA LA BYANG CHUB SEMS DPA'I DGE BA'I RTZA BA GCOD PA'I PHYIR 'JUG PA DE LA RNAM PA DE LTA BU'I SDUG BSNGAL CHEN PO SKYE BAR 'GYUR RO, ,DE CI'I PHYIR ZHE NA, BYANG CHUB SEMS DPA' DE DAG THAMS CAD NI DGE BA'I RTZA BA'I TSOGS THAMS CAD KYIS BYANG CHUB MNGON PAR RDZOGS PAR 'TSANG RGYA'O, ,MNGON PAR RDZOGS PAR SANGS RGYAS NAS KYANG SEMS CAN RNAMS LA CHOS KYI 'KHOR LO RAB TU SKOR RO, ,CHOS THOS NAS KYANG RGYUN DU ZHUGS PAR 'GYUR, LAN GCIG PHYIR 'ONG BA DANG, PHYIR MI 'ONG BA DANG, DGRA BCOM PAR 'GYUR, RANG RGYAL BAR 'GYUR, RGYAL PO CHEN PO BZHIR 'GYUR, SUM CU RTZA GSUM DANG, 'THAB BRAL BA DANG, DGA' LDAN DANG, 'PHRUL DGA' DANG, GZHAN 'PHRUL DBANG BYED KYI LHAR 'GYUR, ZLA BA DANG, NYI MAR 'GYUR, SKAR MA DANG, RGYU SKAR DANG, TSOGS DANG, TSOGS KYI BDAG PO CHEN POR 'GYUR, DRAG PO DANG, DRAG PO CHEN POR 'GYUR, SANGS RGYAS LAS BRTEN TE, TSANGS PAR 'GYUR, TSANGS PA CHEN POR 'GYUR, TSANGS PA'I MDUN NA 'DON DU 'GYUR, 'OD CHUNG DANG, TSAD MED 'OD DANG, 'OD GSAL DANG, DGE CHUNG DANG, TSAD MED DGE DANG, DGE RGYAS PA DANG, SBRIN

312b

MED DANG, BSOD NAMS SKYES DANG, 'BRAS BU CHE DANG, MI CHE DANG, MI GDUNG DANG, GYA NOM SNANG DANG, SHIN TU MTHONG DANG, 'OG MIN GYI LHA RNAMS SU 'GYUR, SANGS RGYAS LAS BRTEN TE 'KHOR LOS BSGYUR BA'I RGYAL POR 'GYUR, STOBS KYI 'KHOR LOS BSGYUR BAR 'GYUR, RGYAL PHRAN DU 'GYUR, DRANG SRONG MNGON PAR SHES PA LNGA CAN 'JIG RTEN DU 'BYUNG BAR 'GYUR; SANGS RGYAS LAS BRTEN TE DGE BA BCU'I LAS KYI LAM 'JIG RTEN DU SNANG BAR 'GYUR, SANGS RGYAS LAS BRTEN TE MI'I 'JIG RTEN 'BYUNG BAR 'GYUR, SANGS RGYAS LAS BRTEN TE SKYID PA DANG, NOR CHE BA DANG, MDZOD MANG BA DANG, LUS SHIN TU 'JAM PAR 'GYUR, GLANG PO CHES 'GRO BAR 'GYUR, RTAS 'GRO BA DANG, DBUNG BU CHUNG GIS 'GRO BAR 'GYUR RO; ;'JAM DPAL, BYANG CHUB SEMS DPA' GANG LA LA GZHAN GYI KHYIM RNAMS SU BYANG CHUB SEMS DPA' LA PHRAG DOG DANG, SER SNA BYED NA DES DE'I TSE GZHI DE LAS 'JIGS PA CHEN PO GSUM SHES PAR BYA STE, GSUM GANG ZHE NA, SEMS CAN DMYAL BAR SKYE BA'I 'JIGS PA DANG, DMUS LONG GI 'JIGS PA DANG, YUL MTHA' 'KHOB TU SKYE BA'I 'JIGS PA DANG, 'JIGS PA GSUM MO, ,'JAM DPAL, GAL TE BYANG CHUB SEMS DPAS BSOD SNYOMS BLANGS TE, RID PA DANG, PHONGS PA DANG, SBRANG PO DANG, SLONG BA RNAMS LA BGOS

313a

, ,TE BYIN NA DE DGE BA'I RTZA BA DES TSE BRJES NAS 'KHOR LOS BSGYUR BA'I RGYAL PO RDZU 'PHRUL CHEN PO DANG LDAN PAR 'GYUR RO, ,'JAM DPAL, GAL TE BYANG CHUB SEMS DPA' KHYIM PA LA CHOS STON CING SNYING RJE BAS DON DU 'DOD, PHAN PAR 'DOD, SEMS CAN DE DAG LA BDE BA DANG, GRUB PAR 'DOD KYI RNYED PA DANG, BKUR STI DON DU MI GNYER NA DE DGE BA'I RTZA BA DES SHES RAB RNO BAR 'GYUR, 'KHOR LOS BSGYUR BA'I RGYAL PO RDZU 'PHRUL CHEN PO DANG LDAN PAR 'GYUR, BRGYA BYIN RDZU 'PHRUL CHEN PO DANG LDAN PAR 'GYUR, TSANGS PA RDZU 'PHRUL CHEN PO DANG LDAN PAR 'GYUR, MI'I DAM PA SANGS RGYAS SU 'GYUR RO, ,'JAM DPAL, GAL TE BYANG CHUB SEMS DPA' SDUG BSNGAL BA'I SEMS CAN MTHONG NA SNYING RJE SKYED CIG ,BDE BA'I SEMS CAN MTHONG NA MCHOG TU DGA' BA SKYED NA DE TSE BRJES NAS DGE BA'I RTZA BA DES LUS GSER GYI MDOG CAN DU 'GYUR RO,, ,,BAM PO GSUM PA STE THA MA, DE NAS BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO, ,BCOM LDAN 'DAS , GANG DU 'PHAGS PA'I LAM BRJOD PAR 'GYUR, BCOM LDAN 'DAS KYIS BKA' STZAL PA, 'DU BYED YOD PA LA 'PHAGS PA'I LAM BRJOD PAR 'GYUR RO, ,'PHAGS PA'I

313b

LAM YANG GNAS PA MED PA'O, ,GNAS MED PA LA RNAM PAR SHES PA GNAS PA MED DO, ,RNAM PAR SHES PA GNAS PA MED NA 'PHAGS PA'I LAM LA GNAS PA ZHES BYA'O, ,'PHAGS PA'I LAM GYI GNAS GANG YIN PA DE NI MIG GI GNAS, RNA BA'I GNAS, SNA'I GNAS, LCE'I GNAS, LUS KYI GNAS, YID KYI GNAS SO, ,DE CI'I PHYIR ZHE NA, MIG NI MIG GIS DBEN NO, , DE BZHIN DU RNA BA DANG, SNA DANG, LCE DANG, LUS DANG, YID NI YID KYIS DBEN NO, ,CIS DBEN ZHE NA, 'DAS PAS DBEN NO, ,MA 'ONGS PAS DBEN NO, ,DA LTAR BYUNG BAS DBEN NO,, MIG GI DBEN PA LA MIG GI DBEN PA YOD PA'ANG MA YIN, MED PA'ANG MA YIN NO, ,DE BZHIN DU RNA BA DANG, SNA DANG, LCE DANG, LUS DANG, YID KYI DBEN PA LA YID KYI DBEN PA YOD PA'ANG MA YIN, MED PA'ANG MA YIN NO, ,GZUGS DANG, SGRA DANG, DRI DANG, RO DANG, REG BYA DANG, CHOS KYI DBEN PA LA CHOS KYI DBEN PA YOD PA'ANG MA YIN, MED PA'ANG MA YIN NO,, DE CI'I PHYIR ZHE NA, BDAG DANG, BDAG GI DANG, RTAG PA DANG, BRTAN PA DANG, THER ZUG DANG, MI 'GYUR BA'I CHOS CAN SHIN TU DBEN PA'I PHYIR TE, STONG PA ZHES KYANG MI BRJOD, MI STONG PA ZHES KYANG MI BRJOD KYI, DE NI 'DAS PA ZHES KYANG MI BRJOD LA, 'DAS PA MA YIN PA ZHES KYANG MI BRJOD DO, ,MA 'ONGS PA ZHES KYANG MI BRJOD LA, MA 'ONGS PA MA YIN PA ZHES KYANG MI BRJOD

314a

, ,DO; ;DA LTAR BYUNG BA ZHES KYANG MI BRJOD LA, DA LTAR BYUNG BA MA YIN PA ZHES KYANG MI BRJOD DO, ,'DI NI 'DAS PA DANG, MA 'ONGS PA DANG, DA LTAR BYUNG BA ZHES KYANG MI BRJOD LA, BRJOD PA'ANG MA YIN NO, ,DE CI'I PHYIR ZHE NA, 'DI NI 'DAS PAS STONG NGO, ,MA 'ONGS PAS STONG NGO, ,DA LTAR BYUNG BAS STONG NGO, ,GANG 'DAS PAS STONG PA DANG, MA 'ONGS PAS STONG PA DANG, DA LTAR BYUNG BAS STONG PA DE NI 'DAS PAS DAG PA'O, ,MA 'ONGS PAS DAG PA'O, ,DA LTAR BYUNG BAS DAG GO ,'JAM DPAL, 'DI JI SNYAM DU SEMS , GANG GZHOM PA MA YIN PA DE GZHOM PAR NUS SAM, GSOL PA, BCOM LDAN 'DAS, DE NI MI NUS SO, ,DE CI'I SLAD DU ZHE NA, DE NI MNYAM PA LAGS TE, NAM DU'ANG MI MNYAM PAR MI 'GYUR RO, ,'JAM DPAL, DE BZHIN TE, DE BZHIN GSHEGS PAS MI MNYAM PA MED PAR CHOS BSTAN TO, ,'JAM DPAL, GANG MI MNYAM PA MED NA MI GZHOM PA'O, , GANG GZHOM PA MA YIN ZHING, MNYAM PA DE NI MI MNYAM PA MED PA'O, ,LTOS PA MED PA'O, ,'JUG PA MED PA'O, ,'GRO BA MED PA'O, ,'GRO BA YANG DAG PAR CHAD PA'O, , SHES PAR BYA BA MA YIN PA'O, ,GANG DAG GIS SHES PAR BYA BA MA YIN ZHE NA, MIG DANG, RNA BA DANG, SNA DANG, LCE DANG, LUS DANG, YID RNAMS KYIS SHES PAR BYA BA MA

314b

YIN NO; ,'DU BYED DU GYUR PA THAMS CAD KYIS SHES PAR BYA BA MA YIN NO, ,DE NI LUS KYI 'DU BYED DANG, DAG GI 'DU BYED DANG, YID KYI 'DU BYED 'GAGS PA'O, ,CI'I RGYUS 'GAG ,CI SNGON BYUNG BA LA DE DAG PHYIS 'GAGS PA ZHIG GAM, 'ON TE 'DAS PA NI ZHIG PAS 'GAGS SAM, GANG ZHIG PAS 'GAGS, DE SNGON MI SHES PA LA RAB TU GNAS PAS MI DGE BA'I LAS MNGON PAR 'DU BYED DO, ,DE SHES NAS MNGON PAR 'DU MI BYED DO, ,GANG SNGON 'PHAGS PA'I CHOS LA MA BRTEN TE, MI SHES PA LA RAB TU GNAS PAS MI DGE BA'I LAS BYED PA DE 'PHAGS PA'I LAM LA BRTEN TE, YE SHES KYIS RTOGS NAS MNGON PAR 'DU BYED DO, ,GANG YE SHES KYIS STONG PA DE STONG PA NYID DE, MIG NI YE SHES KYIS STONG NGO, ,RNA BA DANG, SNA DANG, LCE DANG, LUS DANG, YID KYANG DE BZHIN NO, ,DE CI'I PHYIR ZHE NA, YE SHES NI YE SHES KYIS STONG STE, STONG PA NYID MIG DANG, RNA BA DANG, SNA DANG, LCE DANG, LUS DANG YID DO, ,YID MI DMIGS PAS MIG MIG LA MI GNAS SO, ,DE CI'I PHYIR ZHE NA, SHIN TU MA SKYES PA'I PHYIR MIG MI GNAS TE, RNA BA DANG, SNA DANG, LCE DANG, LUS DANG, YID KYANG DE BZHIN NO, ,YID MI DMIGS PAS MIG DANG, RNA BA DANG, SNA DANG, LCE DANG, LUS DANG, YID KYANG YID LA MI GNAS SO, ,DE CI'I PHYIR ZHE NA, MIG SHIN

315a

, ,TU MA SKYES PA'I PHYIR TE, MIG DANG, RNA BA DANG, SNA DANG, LCE DANG, LUS DANG, YID KYANG MI GNAS SO, ,DE MI GNAS PAS BSIL BAR GYUR PA, DPEN PA'I SEMS KYIS GNAS SO, ,DPEN PA CI ZHE NA, 'JAM DPAL, GANG CHOS THAMS CAD MNYAM PA NYID KYI MTHA' DANG, GNYIS SU MED PA'I MTHA' DANG, YANG DAG PA'I MTHA' DANG, SHIN TU 'BYUNG BA MED PA'I MTHA' DE NI DBEN PA ZHES BYA'O, ,'JAM DPAL, DBEN PA NI SKYE BA DANG, RGA BA DANG, 'CHI BA MED DO, ,GANG LA SKYE BA DANG, RGA BA DANG, 'CHI BA MED PA DE LA SDUG BSNGAL MED DO, ,GANG LA SDUG BSNGAL MED PA DE LA SDUG BSNGAL MI 'BYUNG NGO, ,GANG LA SDUG BSNGAL MI 'BYUNG BA DE 'JIGS PA MED DO, , GANG 'JIGS PA MED PA DE SEMS DANG, RNAM PAR SHES PA DANG BRAL BA'O, ,GANG SEMS DANG, RNAM PAR SHES PA DANG BRAL BA DE NI MA SKYES MA 'GAGS PA'O, ,GANG MA SKYES PA MA 'GAGS PA DE DBEN PA STE, DE DANG, DES GNAS PAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DBEN PAR GNAS PA ZHES BYA'O, ,'JAM DPAL; DE BZHIN GSHEGS PA GNAS PA MED PA'O, ,DE BZHIN GSHEGS PAR BRTAGS PA NI BRTAGS PA MED PA'O, ,CHOS THAMS CAD MI MTHONG BA NI DE BZHIN GSHEGS

315b

PA MTHONG BA'O, ,DE BZHIN GSHEGS PA'I TSIG NI TSIG THAMS CAD LAS 'DAS PA STE, BSTAN DU MED PA'O, ,DE CI'I PHYIR ZHE NA, 'JAM DPAL, NGAS NI CHOS THAMS CAD KYI YI GE DANG, NGES PA'I TSIG GIS BSTAN PA 'GAG PA'I PHYIR CHOS STON GYI, 'JAM DPAL, DE BZHIN GSHEGS PA NI YI GE GCIG KYANG MI BRJOD DO, ,DE CI'I PHYIR ZHE NA, DE BZHIN GSHEGS PA LA SEMS KYI 'JUG PA MED DO, ,SEMS KYI LAS MED DO, ,SEMS LAS NGES PAR SEMS PA MED DO, ,SEMS KYI RGYU BA MED DO, ,SEMS YONGS SU RTOGS PA MED DO, ,SEMS KYI ZHI GNAS MED DO, ,SEMS KYI RJES SU 'BRANG BA RNAM PAR SHES PA MED DO, ,RANG GI SEMS KYI GNAS MED DO, ,GZHAN GYI SEMS KYI GNAS MED DO, ,DE BZHIN GSHEGS PA LA GZUGS DANG, TSOR BA DANG, 'DU SHES DANG, 'DU BYED DANG, RNAM PAR SHES PA LA GNAS PA'I SEMS MED DO, ,MIG DANG, RNA BA DANG, SNA DANG, LCE DANG, LUS DANG, YID LA GNAS PA'I SEMS MED DO, ,DE BZHIN GSHEGS PA LA GZUGS DANG, SGRA DANG, DRI DANG, RO DANG, REG BYA DANG, CHOS LA GNAS PA'I SEMS MED DO, ,DE CI'I PHYIR ZHE NA; 'JAM DPAL, DE BZHIN GSHEGS PA NI ZHI BA'O, ,BSIL BAR GYUR PA'O, ,RTAG TU MNYAM PAR GZHAG PA'O, ,MI SNANG BA'O, ,BLTAR MED PA'O, ,MTHA' YAS PA'O, ,

316a

, ,SPRIN DANG MTSUNGS PA'O, ,DE LTA MOD KYI 'ON KYANG SEMS CAN RNAMS SNGON DGE BA'I RTZA BA'I STOBS BSKYED PA DANG, DE BZHIN GSHEGS PA'I SNGON GYI SMON LAM DANG, SPYOD PA'I BYIN GYI RLABS KYIS DE BZHIN GSHEGS PA MTHONG NGO, ,NGES PAR SEMS SO, ,KUN TU 'DRI'O, ,GANG DAG JI LTAR DBANG PO YONGS SU SMIN PA'I SEMS CAN RNAMS DANG, GANG DAG JI LTAR 'DUL BA DE DAG GIS DE BZHIN GSHEGS PA DE LTAR GSUNG 'BYIN PAR SHES SO, ,DE CI'I PHYIR ZHE NA, DE BZHIN GSHEGS PA MA SKYES MA 'GAGS PA'I PHYIR RO, ,GANG CHOS THAMS CAD KYI RANG BZHIN MI MTHONG BA DE NI DE BZHIN GSHEGS PA MTHONG BA'O, ,GANG CHOS GANG YANG MI MTHONG BA DE NI DE BZHIN GSHEGS PA MTHONG BA'O, ,DE CI'I PHYIR ZHE NA, 'JAM DPAL, DE BZHIN GSHEGS PA NI CHOS THAMS CAD SPANGS PA STE, CHOS GANG GIS KYANG BRJOD PA'ANG MA YIN, MI BRJOD PA'ANG MA YIN NO, ,DE CI'I PHYIR ZHE NA, CHOS THAMS CAD DMIGS SU MED PA'I PHYIR RO, ,GANG CHOS THAMS CAD DANG, CHOS MA YIN PA RNAMS DANG, 'DUS BYAS RNAMS DANG, 'DUS MA BYAS PA RNAMS MI DMIGS PA DE NI DE BZHIN GSHEGS PA MTHONG BA'O, ,DE CI'I PHYIR ZHE NA, 'JAM DPAL, DE BZHIN GSHEGS PA NI CHOS THAMS

316b

CAD SPANGS PA STE, CHOS GANG YANG KHAS MI LEN TO, ,NYE BAR MI LEN TO, ,CHOS SU BTAGS PA'ANG MI 'GRO'O, ,'JAM DPAL, CHOS THAMS CAD SHIN TU 'GAG PA NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS TE, CHOS THAMS CAD YANG DAG PA JI LTA BA BZHIN DU MTHONG BA DE BZHIN GSHEGS PA MTHONG BA'O, ,DE CI'I PHYIR ZHE NA, 'JAM DPAL; DE BZHIN GSHEGS PA NI CHOS GANG GIS KYANG MTHONG BAR MI 'GRO STE, DE BZHIN GSHEGS PA DE LTAR MTHONG NA CHOS THAMS CAD NI DE BZHIN GSHEGS PA'O ZHES 'JUG PAR 'GYUR RO, ,CHOS THAMS CAD NI DE BZHIN NYID DANG, MA NOR BA DE BZHIN NYID DANG, GZHAN MA YIN PA DE BZHIN NYID DANG, MA SKYES PA DANG MA 'GAGS PA'O ZHES 'JUG PAR 'GYUR RO, ,YUL MED PA YUL DANG BRAL BA NI DE BZHIN GSHEGS PA'I YUL LO ZHES 'JUG PAR 'GYUR RO, ,'JAM DPAL, TING NGE 'DZIN 'DI LA GNAS PA'I BYANG CHUB SEMS DPA' NI SEMS GCIG GIS SEMS CAN THAMS CAD KYI SEMS KYI SPYOD PA RAB TU SHES SO, ,DE RANG GI SEMS MNYAM PA NYID KYI PHYIR SEMS CAN THAMS CAD KYI SEMS MNYAM PA NYID DU KHONG DU CHUD PAR 'GYUR RO, ,SEMS CAN THAMS CAD KYI SEMS MNYAM PA NYID KYI PHYIR RANG GI SEMS MNYAM PA NYID DU KHONG DU CHUD PAR 'GYUR RO, ,DE CI'I PHYIR

317a

, ,ZHE NA; SEMS SGYU MA LTA BU'I PHYIR RO, ,SEMS CAN THAMS CAD KYI SEMS RANG BZHIN GYIS 'OD GSAL BA'I PHYIR RO, ,DE RANG GI LUS CHOS NYID KYI PHYIR SEMS CAN THAMS CAD KYI LUS CHOS NYID DU KHONG DU CHUD PAR 'GYUR RO, ,SEMS CAN THAMS CAD KYI LUS CHOS NYID KYI PHYIR RANG GI LUS CHOS NYID DU KHONG DU CHUD PAR 'GYUR RO; ;DE CI'I PHYIR ZHE NA, LUS THAMS CAD NI GZUGS BRNYAN LTA BU'I PHYIR RANG GI LUS LA SEMS CAN THAMS CAD KYI LUS 'JUG CING YANG DAG PAR 'DU'O, ,SEMS CAN THAMS CAD KYI LUS LA'ANG RANG GI LUS RJES SU 'JUG CING YANG DAG PAR 'DU'O, ,'DUL BA JI LTA BA BZHIN DU SEMS CAN THAMS CAD KYI LUS LA SANGS RGYAS KYI SKU BYIN GYIS RLOB STE, NYAN THOS DANG, RANG SANGS RGYAS KYI THEG PA'ANG DE BZHIN NO, ,RANG GI LUS DANG, RANG GI LUS MA YIN PA DANG, ZHING GI TSOGS BYIN GYIS RLOB BO, ,DE BZHIN DU SA'I KHAMS DANG, CHU'I KHAMS DANG, ME'I KHAMS DANG, RLUNG GI KHAMS KYANG JI LTAR 'DOD PA DE BZHIN DU BYIN GYIS RLOB STE, CHU'I KHAMS DANG, SA'I KHAMS DANG, ME'I KHAMS DANG, RLUNG GI KHAMS SU BYIN GYIS RLOB BO, ,ME'I KHAMS DANG, SA'I KHAMS DANG, CHU'I KHAMS DANG, RLUNG GI KHAMS SU BYIN GYIS RLOB BO, RLUNG GI KHAMS DANG, SA'I

317b

KHAMS DANG, CHU'I KHAMS DANG, ME'I KHAMS SU BYIN GYIS RLOB BO, ,DE'I BYIN GYIS BRLABS DE NI BRGYA BYIN NAM, TSANGS PA'AM, BDUD DAM, GZHAN GANG GIS KYANG 'JIG RTEN NA CHOS DANG MTHUN PAR BSKUL BA'AM, SPYOD PAR NUS PA'I DE LTA BU'I GNAS MED DO, ,'JAM DPAL, SPYOD PA 'DI LA MOS PA'I BYANG CHUB SEMS DPA' SEMS DPA' CHEN PO'I GZUGS LA SO SO YANG DAG PAR RIG PA BZHI DANG, MNGON PAR SHES PA DRUG DANG, BYANG CHUB KYI PHYOGS KYI CHOS SUM CU RTZA BDUN DANG, BYIN GYI RLABS BZHI YANG DAG PAR 'JUG GO ,'JAM DPAL; BYANG CHUB SEMS DPA' SEMS DPA' CHEN PO'I LUS LA SO SO YANG DAG PAR RIG PA BZHI DANG, MNGON PAR SHES PA DRUG DANG, BYANG CHUB KYI PHYOGS KYI CHOS SUM CU RTZA BDUN DANG, BYIN GYI RLABS BZHI JI LTAR YANG DAG PAR 'JUG CE NA, 'JAM DPAL, GANG GZUGS MI DMIGS PA'I SHES PA DE NI DON SO SO YANG DAG PAR RIG PA'O, ,GANG DON JI LTA BA BZHIN DU RTON PA DE NI CHOS SO SO YANG DAG PAR RIG PA'O, ,GANG CHOS MI SKYE MI 'BYUNG MI 'GAG PAR RTOGS PA DE NI NGES PA'I TSIG SO SO YANG DAG PAR RIG PA'O, ,GANG NGES PA'I TSIG GIS NGES PAR RTOG PA 'DI NI SPOBS PA SO SO YANG DAG PAR RIG PA'O, ,GANG GZUGS RNAM PAR MTHONG BA NA KHAMS RNAMS DANG, SKYE MCHED RNAMS LA MIG CHAGS PA

318a

, ,MED CING SGRIB PA MED PA DE NI, DE'I MIG GI MNGON PAR SHES PA NYAMS PA MED PA'O, ,GANG GZUGS LA YI GE GCIG BRJOD PAS GZUGS KYI DON THAMS CAD THOS PA DE NI DE'I RNA BA MNGON PAR SHES PA NYAMS PA MED CING CHAGS PA MED DE SGRIB PA MED PA'O, ,GANG GZUGS LA SEMS CAN THAMS CAD KYI SEMS DANG, SEMS LAS BYUNG BA RNAMS LA CHAGS PA MED CING DBYER MED PAR SEMS KYI SPYOD PA LA 'JUG PA SHES PA DE NI DE'I PHA ROL GYI SEMS SHES PA'I MNGON PAR SHES PA NYAMS PA MED CING CHAGS PA MED DE SGRIB PA MED PA'O, ,GANG GZUGS LA SEMS CAN THAMS CAD KYI SEMS SNANG BA LA GCIG TU MNYAM PA NYID DU 'JUG PA SHES PA DE NI SNGON GYI GNAS RJES SU DRAN PA'I MNGON PAR SHES PA NYAMS PA MED CING CHAGS PA MED DE SGRIB PA MED PA'O, ,GANG GZUGS KYI SNGON DANG, PHYI MA'I MING DANG, NGES PA'I TSIG MTHA' YAS PA LA MI DMIGS PA'I TSUL KHRIMS KYIS LHAG PA'I BSAM PAS 'JUG PA DE NI DE'I RDZU 'PHRUL RNAM PAR 'PHRUL PA'I MNGON PAR SHES PA NYAMS PA MED CING LHUN GYIS GRUB STE, CHAGS PA MED CING SGRIB PA MED PA'O, ,GANG 'DAS PA DANG, MA 'ONGS PA DANG, DA LTAR BYUNG BA'I DUS LA 'DOD CHAGS MED CING 'DOD CHAGS

318b

DANG BRAL BA'I TSUL GYIS GZUGS LA 'DOD CHAGS DANG, ZHE SDANG DANG, GTI MUG GIS MI GOS PAR SHES PA DE NI DE'I ZAG PA ZAD PA'I SHES PA MNGON SUM DU BYA BA'I MNGON PAR SHES PA RNAMS PA MED CING CHAGS PA MED DE SGRIB PA MED PA'O, ,GANG MNYAM PA NYID DU SHES PA'I TSUL GYIS GZUGS LA MI SKYE, MI 'GAG, MI GNAS PAR SHES PA DE NI DE'I LUS LA LUS KYI RJES SU LTA BA'I DRAN PA NYE BAR GZHAG PA ZHES BYA'O, ,GANG MNYAM PA NYID KYI TSUL GYIS GZUGS LA MYONG BA SKYE BA MED PAR SHES PA DE NI DE'I TSOR BA LA TSOR BA'I RJES SU LTA BA'I DRAN PA NYE BAR GZHAG PA ZHES BYA'O, ,MNYAM PA NYID KYI TSUL GYIS GANG GZUGS LA DMIGS PA DE DANG DE LA SEMS MED CING SEMS YOD PA MA YIN TE, SEMS DANG BRAL BA DE NI SEMS LA SEMS KYI RJES SU LTA BA'I DRAN PA NYE BAR GZHAG PA ZHES BYA'O, ,MNYAM PA NYID DU SHES PA'I TSUL GYIS GANG SKYE MCHED BCU GNYIS LA 'DU SHES PHYIN CI LOG MED PA DANG, SEMS PHYIN CI LOG MED PA DANG, LTA BA PHYIN CI LOG MED PA DANG, GDEG PA MED PA DANG, GZHOG PA MED PA DE NI CHOS LA CHOS KYI RJES SU LTA BA'I DRAN PA NYE BAR GZHAG PA ZHES BYA'O, ,CHOS KYI DBYINGS DBYER MED PA'I TSUL GYIS GANG GZUGS LA MI SKYE BA DANG, MI 'GAG PA DANG, GNAS PA MED PAR SHES SHING, DGE BA DANG, MI DGE

319a

, ,BA'I 'DU SHES DANG, YANG MI 'DU BA DE NI SDIG PA MI DGE BA'I SEMS DANG, SEMS LAS BYUNG BA'I CHOS SKYES PA RNAMS SPANG BA'I YANG DAG PAR SPONG BA ZHES BYA'O, ,YID LA BYED PA MED PA'I TSUL GYIS GANG GZUGS LA MI SKYE BA DANG, MI 'GAG PA DANG, GNAS PA MED PAR SHES SHING, SDUG BSNGAL LAS SHIN TU MI 'DA' BA'I TSUL GYIS GDEG PA MED CING GZHAG PA MED LA, SDIG PA LA GNAS PA MED DE SPONG BA DE NI SDIG PA MI DGE BA'I CHOS MA SKYES PA RNAMS MI SKYED PA'I YANG DAG PAR SPONG BA ZHES BYA'O; ;YID LA BYED PA MED PA'I TSUL GYIS GANG GZUGS MTHONG NAS KHAMS DANG, SKYE MCHED MI SKYE BA DANG, MI 'GAG PA DANG, GNAS PA MED PAR SHES SHING CHOS KYI DBYINGS MNYAM PA NYID MI SKYE BA'I TSUL GYIS GDEG PA MED CING GZHAG PA MED LA, MI DGE BA MI DMIGS SHING, DGE BA'I CHOS MA SKYES PA RNAMS SKYED PA DE NI DGE BA'I CHOS MA SKYES PA RNAMS SKYED PA'I YANG DAG PAR SPONG BA ZHES BYA'O, ,YID LA BYED PA MED PA'I TSUL GYIS GANG GZUGS LA SKYE BA MED PA DANG, 'GAG PA MED PA DANG, GNAS PA MED PAR SHES SHING, GNAS MED PA DANG, SKYE BA MED PA DANG, 'GAG PA MED PA DANG, GNAS PA MED PA'I TSUL GYIS GDEG PA MED CING GZHAG PA MED LA, DGE BA MI DMIGS PAR DGE BA SBYOR BA DE NI DGE BA'I

319b

CHOS RNAMS GNAS PAR BYA BA YANG DAG PAR SPONG BA ZHES BYA'O, ,NYAMS PA MED PA'I TSUL GYIS GANG GZUGS LA GNAS MED CING SGRIB PA MED PAR 'DUN LA CHOS KYI DBYINGS MNYAM PA NYID KYI TSUL GYIS KHA DOG GI SNANG BA THAMS CAD KYIS GZUGS KHYAB LA, JI LTAR YONGS SU SMIN PA BZHIN DU 'DUL BAR 'DUN PA'I TING NGE 'DZIN RDZU 'PHRUL GYI RKANG PA ZHES BYA'O, , RGYUN MI CHAD PA'I TSUL DANG, PHYI MA'I MTHA'I MUR RGYUN MI GCOD PA'I TSUL DANG, GZHAG PA MED PA'I TSUL GYIS GANG GZUGS LA BLANG BA MED PA DANG, DOR BA MED PA'I BRTZON 'GRUS DANG, MNGON PAR 'DU MI BYED PA'I RDZU 'PHRUL GYIS 'DUL BA YONGS SU SMIN PA BZHIN DU 'DUL BAR SPRO BA 'DI NI CHOS NYID DBYER MED PAS BRTZON 'GRUS KYI TING NGE 'DZIN DE BZHIN GSHEGS PA'I YE SHES THOB PA MED PA'I TSUL GYIS RDZU 'PHRUL GYI RKANG PA ZHES BYA'O, ,GANG GZUGS LA SEMS MI 'DZIN CING SBYOR BA MED PAS MNYAM PA NYID DANG, DMIGS PA LAS SHIN TU 'DA' BA DANG, DE BZHIN GSHEGS PA'I YE SHES KYI PHYAG RGYA LA GNAS PA DANG, BSAM GTAN MKHA' KHYAB LA SNYOMS PAR 'JUG PA DE NI DE BZHIN GSHEGS PA'I RDZU 'PHRUL THOB PAR BYED PA'I SEMS RDZU 'PHRUL GYI RKANG PA ZHES BYA'O, ,DPYOD PA MED PA'I YE SHES KYI TSUL GYIS GZUGS LA SKYE BA MED PAR SHES PA LA GCIG TU NGES PA DANG,

320a

, ,DBYER MED PA'I TSUL GYIS MTSAN NYID THAMS CAD MTSAN NYID GCIG TU RTOGS PAR DPYOD PA DANG, DE BZHIN GSHEGS PA'I YE SHES DPYOD PAS RNAM PAR 'PHRUL PA DE NI SEMS CAN THAMS CAD KYI SEMS TSIM PAR BYED PAS DPYOD PA RDZU 'PHRUL GYI RKANG PA ZHES BYA'O, ,CHOS THAMS CAD THOB PA MED PA'I TSUL GYIS GANG GZUGS LA DMIGS PA THAMS CAD GNAS MED PAR DAD PA DANG, DBANG PO LA RTOGS PA DANG, GZUGS DANG, GZUGS MED PA MNYAM PA NYID DU GYUR PA'I CHOS RNAMS LA DAD PA DANG, DBANG PO ZHUM PA MED PAS DE BZHIN GSHEGS PA'I YE SHES LA DAD PA DE NI DAD PA'I DBANG PO ZHES BYA'O, ,GDEG PA MED PA DANG, GZHAG PA MED PA'I TSUL GYIS GANG GZUGS LA DMIGS PA THAMS CAD MGO GCIG TU GYUR PA DANG, RNAL 'BYOR GYI RGYUN MI GCOD PA DE NI BRTZON 'GRUS ZHES BYA STE, MI DMIGS PA'I TSUL GYIS DE BZHIN GSHEGS PA'I YE SHES RGYUN MI GCOD PA NI BRTZON 'GRUS KYI DBANG PO ZHES BYA'O, ,DE BZHIN GSHEGS PA'I GNAS LA DBANG PO 'JUG PA'I TSUL GYIS GANG GZUGS LA DRAN PA MED CING YID LA BYED PA MED PA'I TSUL GYIS DMIGS PA LAS SHIN TU 'DAS NAS GCIG DRAN TE, DUS GSUM MTSAN NYID GCIG TU DRAN PA DE NI DRAN PA ZHES BYA STE, SEMS CAN

320b

THAMS CAD KYI SEMS SEMS SU MTSUNGS PAS, DMIGS PA GCIG GIS SEMS CAN GYI KHAMS THAMS CAD KHYAB PA DANG, DE BZHIN GSHEGS PA MTHONG BA'I BYIN GYI RLABS DE NI DRAN PA'I DBANG PO ZHES BYA'O, ,SKYE BA MED PA DANG, 'GAG PA MED PA DANG, G-YENG BA MED PA'I TSUL GYIS GANG GZUGS LA YID LA BYED PA THAMS CAD GCIG PA DANG, GZUGS DANG, GZUGS MED PA'I TING NGE 'DZIN DMIGS PA GCIG PA DANG, MTSAN NYID THAMS CAD MTSAN NYID GCIG STE, G-YENG BA MED PA DANG, DE BZHIN GSHEGS PA'I DBANG PO LA 'JUG PA'I YE SHES DANG, RDO RJE LTA BU'I TING NGE 'DZIN THUN MONG MA YIN PA DE NI TING NGE 'DZIN CES BYA STE, TING NGE 'DZIN THAMS CAD SKYE BA MED PA'I TSUL DANG, G-YENG BA MED CING MI THUL BAS TING NGE 'DZIN GYI DBANG PO ZHES BYA'O, ,GANG GZUGS LA GNAS MED PA'I SHES RAB DANG, TING NGE 'DZIN DANG, SNYOMS PAR 'JUG PA THAMS CAD DANG, SKYE BA MED PA'I MTHAR YANG DAG PAR 'DUS PA'I SPYOD PA DANG, CHOS THAMS CAD SKYE BA MED PA LA 'JUG PA'I SHES RAB KYIS 'DUS BYAS DANG, 'DUS MA BYAS GNYIS LAS SHIN TU 'DA' BA DANG, GNYEN PO MED PA'I TSUL GYIS GZUGS DE LA GANG MTSAN NYID GCIG TU 'JUG PA DE NI SHES RAB CES BYA STE, NYI TSE BA'I SHES PAS MI THUL BA'I TSUL GYIS SHES RAB KYI DBANG PO ZHES BYA'O, ,GANG GZUGS LA [?]

321a

, ,CHAGS PA MED CING DMIGS PA MED LA MI THUL BA'I DON DANG, DAD PAS 'PHROGS PA MED PA'I DON DE NI DAD PA'I STOBS ZHES BYA'O, ,GANG GZUGS LA KUN TU 'GRO BA'I BYIN GYI BRLABS LA SPRO BA DANG, STOBS DANG, STOBS MA YIN PA'I 'DU SHES LAS SHIN TU 'DA' BA DANG, KHAMS LA DE LTAR DE BZHIN GSHEGS PA'I STOBS SU SGRUB PA DE NI BRTZON 'GRUS KYI STOBS ZHES BYA'O, ,GANG GZUGS LA RNAM PAR MI RTOG PA DANG, RNAM PAR MI SGRUB PA DANG, LHUN GYIS GRUB PA'I DRAN PA'I SHES PA DANG, SHIN TU MTHAR THUG PA LA 'JUG PA'I MCHOG DANG, YANG DAG PA'I MTHA' DANG MTSUNGS PA DANG, DE BZHIN GSHEGS PA'I CHOS KYI SKU LA DRAN PA NYE BAR 'JOG PA DANG, NYAN THOS DANG, RANG SANGS RGYAS THAMS CAD KYIS MI THUL BA'I SHES PA DE NI DRAN PA'I STOBS ZHES BYA'O, ,GANG GZUGS LA DE BZHIN GSHEGS PA'I YE SHES KYI MTHAR THUG PA DANG, CHOS KYI DBYINGS KYI LAS YANG DAG PAR SGRUB PA DANG, DE BZHIN GSHEGS PA'I TING NGE 'DZIN LHUN GYIS GRUB PA'I THOB PA DANG, PHYIN CI LOG THAMS CAD LA G-YENG BA MED PA SHES PA DE NI MI THUL BA'I PHYIR TING NGE 'DZIN GYI STOBS ZHES BYA'O, ,GANG GZUGS LA CHOS KYI DBYINGS 'KHRUGS PA MED PAR RTOG PA DANG, MTHA' DANG, MTHA' MA YIN PA GNYIS SU MED PAR RAB TU

321b

SHES PA DANG, RNAM PAR GZHAG PA'I MTHA' LA LHUN GYIS GRUB PA'I DRAN PA SHES PA DANG, GNAS PA MED PA'I DNGOS PO RAB TU SHES PA DE NI SHES RAB KYI STOBS ZHES BYA'O, ,GANG GZUGS LA GNAS MED PA'I DRAN PA MNGON DU YANG DAG PAR RTOG PA DANG, DE BZHIN GSHEGS PA'I SPYOD YUL DANG MTHUN PA DANG, SKYE BA MED PA LA ZHUGS PA RNAMS KYI DRAN PA YID LA BYED PA MED PA'I TSUL DU MNGON PAR RDZOGS PAR BYANG CHUB PA DE NI DRAN PA YANG DAG BYANG CHUB KYI YAN LAG CES BYA'O, ,GANG GZUGS LA CHOS KYI DBYINGS SU RAB TU SHES PA DANG, MI DMIGS PA'I RNAL 'BYOR GYI SHES PAS RAB TU RNAM PAR 'BYED PA LA MKHAS PA DANG, CHOS DANG, CHOS MA YIN PA GNYIS KHONG DU CHUD PA DE NI CHOS RAB TU RNAM PAR 'BYED PA YANG DAG BYANG CHUB YAN LAG CES BYA'O; ;GANG GZUGS LA RANG BZHIN GYIS CHOS KYI SKU YIN PAS MI THUL BAR MNGON DU YANG DAG PAR RTOG PA DANG, CHOS NYID MNGON PAR RDZOGS PAR BYANG CHUB PAR BYA BA'I PHYIR BRTZON 'GRUS MI 'DOR BA DE NI BRTZON 'GRUS YANG DAG BYANG CHUB KYI YAN LAG CES BYA'O, ,GANG GZUGS LA DBYER MED PAR RAB TU RNAM PAR 'BYED PA LA MKHAS PA DANG, DPYOD PA'I SHES PA DANG, LHUN GYIS GRUB PA RAB TU RNAM PAR 'BYED PA BYA BA GNAS MED PA'I SHES PA'I YANG DAG PAR 'GRUB PA DANG, SHIN TU SBYANGS PA'I TING NGE 'DZIN DANG, BTANG SNYOMS DANG, YE SHES

322a

, ,KYI DGA' BA MYONG BA'I SHES PA DE NI DGA' BA YANG DAG BYANG CHUB KYI YAN LAG CES BYA'O, ,GANG GZUGS LA DMIGS PA THAMS CAD YID LA BYED PA'I RGYUN MI GCOD PA'I SHES PA DANG, RNAM PAR GROL BA'I SKYE MCHED THAMS CAD LA DNGOS PO DANG, DNGOS PO MED PA MNYAM PA NYID DU SHES PA DE NI SHIN TU SBYANGS PA YANG DAG BYANG CHUB KYI YAN LAG CES BYA'O, ,GANG GZUGS LA RNAM PAR BLTAS NAS CHOS THAMS CAD MNYAM PA NYID DU SHES PA DANG, BYANG CHUB KYI YAN LAG SGRIB PA MED PA'I RKYEN DANG, TING NGE 'DZIN DANG, SNYOMS PAR 'JUG PA THAMS CAD GCIG TU MNGON PAR RDZOGS PAR BYANG CHUB PA DE NI TING NGE 'DZIN YANG DAG BYANG CHUB KYI YAN LAG CES BYA'O, ,GANG GZUGS LA DNGOS PO MED PA'I RANG BZHIN MNYAM PA NYID DU MNGON DU YANG DAG PAR RTOG PA DANG, GZUGS DANG, GZUGS MED PA THAMS CAD MNYAM PA NYID DANG, RAB TU 'DZIN PA DANG, RTZOD PA DANG, RNAM PAR 'BYED PA LA BTANG SNYOMS PA DANG, LHUN GYIS GRUB PA DANG, YE SHES DANG, YE SHES LA MNYAM PA NYID DANG, THOB PA'I CHOS THAMS CAD MI SKYED PA DANG, RGYU BA MED PA DANG, TING NGE 'DZIN DANG, BTANG SNYOMS SHES PA DANG, BYANG CHUB KYI YAN LAG RNAMS DANG, LAM RNAMS SKYE BA MED PA'I MTHA' DANG THOB PA RNAMS MI 'TSOL BA DE NI BTANG SNYOMS

322b

YANG DAG BYANG CHUB KYI YAN LAG CES BYA'O, ,GANG GZUGS MTHONG NAS KHAMS DANG SKYE MCHED RNAMS LA DNGOS PO MED PA'I RANG BZHIN DU MTHONG ZHING YAN LAG DANG YAN LAG MED PA'I TSUL GYIS MNYAM PA NYID DU MTHONG BA DANG, 'PHAGS PA'I LAM RNAMS LAM MED PA'I TSUL GYIS LTA BA DANG MI 'GROGS PA DANG, 'PHAGS PA'I LAM RNAMS DANG LTA BAR GYUR PA THAMS CAD MTSAN NYID MED PAR GCIG PA'I TSUL GYIS LTA BA DANG MI 'GROGS PA DANG, MI 'KHRUGS PA'I TSUL GYIS LTA BA YANG DAG PA ZHES BYA BA DANG, CHOS THAMS CAD MTHONG PA'I TSUL GYIS LTA BA ZHES BYA BA DANG, MI SKYE BA THOB PA'I TSUL GYIS LAM ZHES BYA BA'AM, MNYAM PA NYID KYI TSUL GYIS YANG DAG PA ZHES BYA BA DANG, SGRIB PA MED PA'I TSUL GYIS LTA BA ZHES BYA BA DANG, LAM DANG LAM MA YIN PA THAMS CAD LA 'JUG PA'I TSUL GYIS LAM ZHES BYA BA DE NI YANG DAG PA'I LTA BA ZHES BYA'O, ,GANG GZUGS LA RTOG PA DANG, RNAM PAR RTOG PA THAMS CAD GCIG PA STE, 'DI LTA STE, DNGOS POR MI RTOG PA DANG, DNGOS PO MED PAR MI RTOG PA DANG, CHAD PAR MI RTOG PA DANG, RTAG PAR MI RTOG PA DANG, SKYE BAR MI RTOG PA DANG, MI SKYE BAR MI RTOG PA DANG, RTOG PA DANG, MI RTOG PA LA MI RTOG PA DANG, RTOG PA MED PA DANG, RNAM PAR MI RTOG PA DANG, YANG DAG PA'I LAM LA MI RTOG PA DE NI YANG DAG PA'I RTOG

323a

, ,PA ZHES BYA'O, ,GANG GZUGS LA CHOS THAMS CAD BRJOD DU MED PA DANG, BRJOD PA MED PA DANG, DBYANGS DANG, DBYANGS MED PA MNYAM PA NYID DANG, MING MED PA DANG, MING DU BRJOD PA MED PA DANG, 'TSOL BA MED PA DANG, LAM GYI YAN LAG MA YIN PA DANG, YANG DAG PA ZHES BYA BA NGAG GI LAM THAMS CAD LA KUN TU MI RGYU ZHING MI BRJOD PA DANG, LAM ZHES BYA BA'I CHOS MA LUS PA BRJOD PA DE NI YANG DAG PA'I DAG CES BYA'O, ,GANG GZUGS LA LAS THAMS CAD KYI RANG BZHIN LA LAS MED PAR MNGON PAR ZHEN PA 'DI LTA STE; MNGON PAR 'DU BYA BA MED PA LA MNGON PAR ZHEN PA DANG, MNGON PAR 'DU BYA BA MED PA THOB PA RNAMS LA 'TSOL BA MED PA DANG, YANG DAG PA 'TSOL BA'AM, LOG PA 'TSOL BA'AM, LOG PA MA YIN PA 'TSOL BA'AM, LAS 'TSOL BA'AM, LAS MA YIN PA 'TSOL BA'AM, LAS DANG, LAS MA YIN PA THAMS CAD KHAS MI LEN PA DE NI NGES PA DANG MA NGES PA DANG, YANG DAG PA NYID DANG, LOG PA NYID DANG, DGE BA DANG, MI DGE BA DANG, LUNG DU MA BSTAN PA DANG, MI G-YO BA MNGON PAR 'DU MI BYED PA DANG, LAM DANG, LAM MA YIN PA MTHA' YAS PA SKYE BA MED PAS BSDUS PA DANG, MIG YOR LTA BU'I TSUL GYIS LAS KYI MTHA' THAMS CAD MI BYED PAS YANG DAG PA'I LAS KYI MTHA' ZHES BYA'O, ,GANG

323b

GZUGS LA KUN TU LONGS SPYOD PA DANG, KUN TU LONGS SPYOD PA MA YIN PA SHES PA DANG, DE LA GNAS PA CHOS KYI DBYINGS MNYAM PA NYID KYI TSUL GYIS YANG DAG PA DANG, LOG PA'I TSOR BA MI DMIGS PA DANG, MI DMIGS PAS 'TSO BA DANG, LAS 'JIG PA DE NI YANG DAG PA'I 'TSO BA ZHES BYA STE, YANG DAG PA ZHES BYA BA DE NI MNYAM PA NYID KYI TSIG GO ,'TSO BA ZHES BYA BA DE NI 'PHAGS PA'I CHOS 'DZIN PA'I TSIG GO ,LAM ZHES BYA BA DANG, LAM MA YIN PA ZHES BYA BA DE NI MI 'TSOL BA'I DON GYIS LAM ZHES BYA'O, ,'TSO BA DANG, 'TSO BA MA YIN PA'I 'DU SHES LA RNAM PAR MI RTOG PA'I DON GYIS 'TSO BA ZHES BYA'O, ,YANG DAG PA ZHES BYA BA DE NI MNYAM PA NYID LA GNAS PA ZHES BYA BA'I DON TE, DE NI YANG DAG PA'I 'TSO BA ZHES BYA'O, , CHOS KYI DBYINGS MNYAM PA NYID KYI TSUL GYIS GANG GZUGS LA LUS DANG, NGAG DANG, YID KYI RTZOL BA MED PA NI CHOS KYI DBYINGS LA RTZOL BA MED PA STE, YANG DAG PA ZHES BYA BA DE NI MI SKYE BA LA GNAS PA'I CHOS RNAMS BLANG BA MED PA DANG, DOR BA MED PA'I TSIG BLA DVAGS SO, ,RTZOL BA MED PA ZHES BYA BA DE NI LUS DANG, NGAG DANG, YID MI DMIGS PA'I TSIG GO ,LAM ZHES BYA BA DE NI BLANG BA MED PA DANG, DOR PA MED PA'I TSUL DANG, MI 'TSOL BA'I TSUL GYIS 'PHAGS PA'I DON 'TSOL BA STE, DE NI YANG DAG PA'I RTZOL BA ZHES

324a

, ,BYA'O; ;GANG GZUGS LA DRAN PAS MI DMIGS PA MNYAM PA NYID NI DRAN PA MED PA DRAN PA MED PA'I TSUL GYIS DRAN PA LA SBYOR BA STE, YANG DAG PA ZHES BYA BA DE NI DMIGS PA MED PA MNYAM PA NYID SGRO BTAGS PA MED PA'I TSIG GO ,DRAN PA ZHES BYA BA DE NI PHUNG PO DANG, KHAMS DANG, SKYE MCHED RJES SU DRAN PA'I TSIG GO ,STONG PA NYID RJES SU DRAN PA'I TSIG DANG; MTSAN MA MED PA DANG, SMON PA MED PA RJES SU DRAN PA'I TSIG DANG, DE LTAR DE BZHIN GSHEGS PA'I TING NGE 'DZIN LHUN GYIS GRUB PA'I RJES SU DRAN PA'I TSIG DE NI YANG DAG PA'I DRAN PA ZHES BYA'O, ,GANG GZUGS LA DBYER MED PA SHES PA NI MNYAM PA NYID DANG, TING NGE 'DZIN GYI LAS YANG DAG PAR BSGRUBS PA STE, GZUGS GANG DANG MNYAM PA TSOR PA DANG, 'DU SHES DANG, 'DU BYED DANG, RNAM PAR SHES PA'ANG DE DANG MNYAM ZHING, PHUNG PO GANG DANG MNYAM PA TING NGE 'DZIN KYANG MNYAM PAR YANG DAG PAR RJES SU MTHONG NGO, , DE BZHIN GSHEGS PA'I RIGS KYI TING NGE 'DZIN KYANG DE DANG MNYAM PAR YANG DAG PAR RJES SU MTHONG NGO, ,DE BZHIN GSHEGS PA'I RIGS KYI TING NGE 'DZIN GANG DANG MNYAM PAR YANG DAG PAR RJES SU MTHONG BA CHOS THAMS CAD KYANG DE DANG MNYAM PA YANG DAG PAR RJES SU MTHONG NGO, ,SANGS RGYAS KYI CHOS THAMS CAD GANG DANG MNYAM PAR YANG DAG PAR RJES SU

324b

MTHONG BA BYIS PA SO SO'I SKYE BO'I CHOS THAMS CAD KYANG DE DANG MNYAM PAR YANG DAG PAR RJES SU MTHONG NGO, ,BYIS PA SO SO'I SKYE BO'I CHOS THAMS CAD GANG DANG MNYAM PAR YANG DAG PAR RJES SU MTHONG BA'I TING NGE 'DZIN KYANG DE DANG MNYAM PAR YANG DAG PAR RJES SU MTHONG NGO, ,TING NGE 'DZIN GANG DANG MNYAM PA 'DAS PA'I PHUNG PO DANG, KHAMS DANG, SKYE MCHED RNAMS KYANG DE DANG MNYAM PAR YANG DAG PAR RJES SU MTHONG NGO, ,MA 'ONGS PA DANG, DA LTAR BYUNG BA'I PHUNG PO DANG, KHAMS DANG, SKYE MCHED RNAMS KYANG DE BZHIN DU YANG DAG PAR RJES SU MTHONG NGO, , PHUNG PO DANG, KHAMS DANG, SKYE MCHED RNAMS JI LTA BA BZHIN DU LAS DANG, RNAM PAR SMIN PA'ANG DE LTAR YANG DAG PAR RJES SU MTHONG STE, DUS GSUM MNYAM PA'I TING NGE 'DZIN GYI RIGS LA ZHUGS PA DE NI YANG DAG PA'I TING NGE 'DZIN CES BYA'O, ,GANG GZUGS LA DE KHO NA SHES PA DANG, DE BZHIN NYID SHES PA DE NI BDEN PA SHES PA STE, CHOS NYID KYI RANG BZHIN GANG YIN PA DE NI PHUNG PO DANG, KHAMS DANG, SKYE MCHED RNAMS KYI RANG BZHIN NO, ,CHOS NYID KYI RANG BZHIN MED PA NI PHUNG PO DANG, KHAMS DANG, SKYE MCHED KYI RANG BZHIN MED PAR BDEN PA NYID DU MOS SO, ,BYIN GYI RLABS ZHES BYA BA DE NI SLU BA MED PA'I CHOS NYID KYI TSIG BLA DVAGS SO, ,DE CI'I PHYIR ZHE NA, MI SLU BA GANG YIN PA DE NI BDEN PA'I PHYIR RO, ,DE LA GNAS PA NI YANG

325a

, ,DAG PA'I SMON LAM BRJOD PA DANG, LAS YANG DAG PAR SPYOD PA MNGON SUM DU 'GYUR TE, PHUNG PO DANG, KHAMS DANG, SKYE MCHED DE DAG LA DE BZHIN GSHEGS PA'I RNAM PAR 'PHRUL PA KUN TU STON PAR BYIN GYIS RLOB BO, ,SA'I BDEN PA NYID GANG DANG MNYAM PA CHU DANG, ME DANG, RLUNG GI BDEN PA NYID KYANG DE DANG MNYAM MO, ,NAM MKHA' DANG, CHOS DANG, SGRA DANG, MIG YOR DANG, GZUGS BRNYAN DANG, MTSAN NYID DANG BCAS PA DANG, MTSAN NYID MED PA DANG, CHAGS PA DANG BCAS PA DANG, CHAGS PA MA YIN PA DANG, BSDUS PA'I BSKAL PA DANG, RGYA CHE BA'I BSKAL PA DANG, GRANGS YOD PA'I BSKAL PA DANG, GRANGS MED PA'I BSKAL PA DANG, SANGS RGYAS DANG BCAS PA'I BSKAL PA DANG, SANGS RGYAS MI 'BYUNG BA'I BSKAL PA DANG, 'DAS PA'I BSKAL PA DANG, MA 'ONGS PA'I BSKAL PA DANG, MA 'ONGS PA DANG 'DAS PA'I BSKAL PA DANG, DA LTAR BYUNG BA DANG MA 'ONGS PA DANG 'DAS PA'I BSKAL PA DANG, 'DAS PA DANG MA 'ONGS PA DANG DA LTAR BYUNG BA'I BSKAL PA'ANG DE DANG MNYAM STE, KUN NAS NYON MONGS PA'I BSKAL PA LA RNAM PAR BYANG BA'I BSKAL PA DANG, RNAM PAR BYANG BA'I BSKAL PA LA KUN NAS NYON MONGS PA'I BSKAL PA DANG, BYIN GYI RLABS KYI BSKAL PA LA MNYAM PA NYID KYI BSKAL PA 'JUG STE, 'JUG PA SHES PA DE LA MNGON PAR ZHEN

325b

PA MED PA DE NI CHOS KYI DBYINGS BDEN PA NYID KYI PHYIR BDEN PA'I BYIN GYI RLABS ZHES BYA STE, GZUGS NYID BDEN PA'O, ,DE BZHIN DU TSOR BA DANG, 'DU SHES DANG, 'DU BYED DANG, RNAM PAR SHES PA NYID BDEN PA'O, ,DE LA GNAS PA'I BDEN PA'I NGAG GANG YIN PA DE NI BYIN GYI RLABS TE, DE NI BDEN PA'I BYIN GYI RLABS ZHES BYA'O, ,GANG MNYAM PA NYID KYI TSUL GYIS GANG GZUGS LA 'DZIN PA MED PA DANG, MCHOG TU 'DZIN PA MED PA DANG, GTONG BA DANG, DOR BA DE NI GTONG BA'I BYIN GYI RLABS ZHES BYA'O, ,GANG GZUGS LA BLANG BA MED PA DANG, DOR BA MED PA SHES PA DE NI G-YO BA DANG, 'GUL BA THAMS CAD ZHI BA'O, ,BYIN GYI RLABS ZHES BYA BA NI ZHI BA DE LA GNAS NAS KUN NAS NYON MONGS PA NI RNAM PAR BYANG BAR BYIN GYIS RLOB PA DANG; RNAM PAR BYANG BA NI KUN NAS NYON MONGS PAR BYIN GYI RLOB PA DANG, ZHI BA DE LA GNAS NAS SPYOD LAM KUN TU BSTAN PAS TSANGS PA NYE BAR ZHI BA'I SPYOD LAM CAN RNAMS KYANG 'DOD PA SKYED PA DANG, LAG NA RDO RJE'I GZUGS KUN TU BSTAN PAS MA ZHI BA'I SPYOD LAM CAN RNAMS SAM, BDUD THAMS CAD KYANG NYE BAR ZHI BA'I BYIN GYI RLABS LA MOS PAR BYED PA'O; ;NYE BAR ZHI BA'I BYIN GYI RLABS NI BYIS PA SO SO'I SKYE BO THAMS CAD SHIN TU ZHI BA DANG, NYE BAR ZHI BA DANG, RAB TU ZHI BA STE, NYE BAR ZHI BA'I BYIN GYI RLABS THOB PAR YANG DAG

326a

, ,PAR RJES SU MTHONG BA DE NI NYE BAR ZHI BA'I BYIN GYI RLABS ZHES BYA'O, ,GANG GDEG PA MED PA DANG, GZHAG PA MED PA'I TSUL GYIS GZUGS LA CHOS KYI DBYINGS DANG DBYER MED PAR SHES SHING SPROS PA DANG BRAL BA'I SHES RAB KYIS SHIN TU ZHI BA DANG, NYE BAR ZHI BA DANG, SPROS PA MED PA'I CHOS THAMS CAD PHUNG PO DANG, KHAMS DANG, SKYE MCHED THAMS CAD LA THAMS CAD MKHYEN PA NYID DU BYIN GYIS RLOB PA DE NI SHES RAB KYI BYIN GYI RLABS ZHES BYA'O, ,YANG NA BYIN GYI RLABS ZHES BYA BA DE NI THAMS CAD MKHYEN PA'I RJES SU 'GRO BA NI SHES RAB KYI GNAS TE, DE'I PHYIR BDAG GIS LUS 'DOM GANG TZAM PO 'DI LA 'JIG RTEN GDAGS PAR BYA'O, ,'JIG RTEN KUN 'BYUNG BA DANG, 'JIG RTEN 'GOG PA DANG, 'JIG RTEN 'GOG PAR 'GRO BA'I LAM DANG, THAMS CAD MKHYEN PA'I YE SHES KYI BAR YANG GDAGS PAR BYA'O SNYAM PA STE, DE NI SHES RAB KYI BYIN GYI RLABS ZHES BYA'O, ,DE NAS BCOM LDAN 'DAS LA 'JAM DPAL GZHON NUR GYUR PAS 'DI SKAD CES GSOL TO, ,BCOM LDAN 'DAS, BYANG CHUB SEMS DPA' SEMS DPA' CHEN PO RNAM PAR DAG PA'I YE SHES KYI STOBS DU ZHIG DANG LDAN NA RAB TU ZHI BA'I RNAM PAR NGES PA'I CHO 'PHRUL GYI TING NGE 'DZIN 'DI THOB, DE SKAD CES GSOL PA DANG, BCOM LDAN 'DAS KYIS 'JAM DPAL GZHON

326b

NUR GYUR PA LA 'DI SKAD CES BKA' STZAL TO, ,'JAM DPAL, BYANG CHUB SEMS DPA' SEMS DPA' CHEN PO RNAM PAR DAG PA'I YE SHES KYI STOBS SUM CU RTZA DRUG DANG LDAN NA, RAB TU ZHI BA'I RNAM PAR NGES PA'I TING NGE 'DZIN 'DI 'THOB STE, SUM CU RTZA DRUG GANG ZHE NA, 'DI LTA STE, LHAG PA'I BSAM PA RNAM PAR DAG PA'I YE SHES KYI STOBS DANG, SMON LAM RNAM PAR DAG PA'I YE SHES KYI STOBS DANG, DGE BA'I RTZA BA RNAM PAR DAG PA'I YE SHES KYI STOBS DANG, YONGS SU BSNGO BA RNAM PAR DAG PA'I YE SHES KYI STOBS DANG, THOS PA RNAM PAR DAG PA'I YE SHES KYI STOBS DANG, LAS KYI SGRIB PA RNAM PAR DAG PA'I YE SHES KYI STOBS DANG, CHO GA DANG, SPYOD YUL RNAM PAR DAG PA'I YE SHES KYI STOBS DANG, DRAN PA RNAM PAR DAG PA'I YE SHES KYI STOBS DANG, THABS LA MKHAS PA RNAM PAR DAG PA'I YE SHES KYI STOBS DANG, SEMS CAN LA DMIGS PA'I RNAM PAR DAG PA'I YE SHES KYI STOBS DANG, MTSAN MA LA DMIGS PA'I RNAM PAR DAG PA'I YE SHES KYI STOBS DANG, GTONG BA RNAM PAR DAG PA'I YE SHES KYI STOBS DANG, SEMS CAN RJES SU 'DZIN PA RNAM PAR DAG PA'I YE SHES KYI STOBS DANG, BYAMS PA CHEN PO YANG DAG PAR 'GRUB PA RNAM PAR DAG PA'I YE SHES KYI STOBS DANG, SNYING RJE CHEN PO RNAM PAR DAG PA'I YE SHES KYI

327a

, ,STOBS DANG, DGA' BA DANG, BTANG SNYOMS CHEN PO RNAM PAR DAG PA'I YE SHES KYI STOBS DANG, TSUL KHRIMS RNAM PAR DAG PA'I YE SHES KYI STOBS DANG, TSUL KHRIMS KYIS RJES SU 'DZIN PA RNAM PAR DAG PA'I YE SHES KYI STOBS DANG, BZOD PA RNAM PAR DAG PA'I YE SHES KYI STOBS DANG, BZOD PAS RJES SU 'DZIN PA RNAM PAR DAG PA'I YE SHES KYI STOBS DANG, BRTZON 'GRUS KYI BSAM PA RNAM PAR DAG PA'I YE SHES KYI STOBS DANG, BRTZON 'GRUS YANG DAG PAR LEN PA RNAM PAR DAG PA'I YE SHES KYI STOBS DANG, KHAMS LA MKHAS PA RNAM PAR DAG PA'I YE SHES KYI STOBS DANG, BSAM GTAN LA MKHAS PA RNAM PAR DAG PA'I YE SHES KYI STOBS DANG, ZHI GNAS LA MKHAS PA RNAM PAR DAG PA'I YE SHES KYI STOBS DANG, SHES RAB RNAM PAR DAG PA'I YE SHES KYI STOBS DANG, THOS PA RNAM PAR NGES PA RNAM PAR DAG PA'I YE SHES KYI STOBS DANG , 'JIG RTEN PA DANG, 'JIG RTEN LAS 'DAS PA'I RNAM PAR NGES PA RNAM PAR DAG PA'I YE SHES KYI STOBS DANG, SHES PA RNAM PAR DAG PA'I YE SHES KYI STOBS DANG, 'DUS BYAS DANG, 'DUS MA BYAS RNAM PAR DAG PA'I YE SHES KYI STOBS DANG, LHAG MTHONG LA MKHAS PA RNAM PAR DAG PA'I YE SHES KYI STOBS DANG, RIG PA DANG, RNAM PAR GROL BA RNAM PAR

327b

DAG PA'I YE SHES KYI STOBS DANG, MI SKYE BA LA BZOD PA RNAM PAR DAG PA'I YE SHES KYI STOBS DANG, MTSAN NYID MED PAR MTSAN NYID GCIG PA RNAM PAR DAG PA'I YE SHES KYI STOBS DANG, DON DAM PA DANG, KUN RDZOB RNAM PAR DAG PA'I YE SHES KYI STOBS DANG, 'DUN PA DANG, BRTZON 'GRUS TSAD MED PA RNAM PAR DAG PA'I YE SHES KYI STOBS TE, 'JAM DPAL, BYANG CHUB SEMS DPA' SEMS DPA' CHEN PO RNAM PAR DAG PA'I YE SHES KYI STOBS SUM CU RTZA DRUG PO DE DAG DANG LDAN NA RAB TU ZHI BA RNAM PAR NGES PA'I CHO 'PHRUL GYI TING NGE 'DZIN 'DI 'THOB BO, ,'JAM DPAL, YONGS SU BRTAG PA NYE BAR BZUNG STE, BYANG CHUB SEMS DPA' GANG LA LAS 'JIG RTEN GYI KHAMS BCU'I RDZUL PHRA RAB KYI RDZUL SNYED KYI BSKAL PAR PHYOGS BCU'I 'JIG RTEN GYI KHAMS THAMS CAD DU 'JIG RTEN GYI KHAMS RE RER YANG SANGS RGYAS DANG, BYANG CHUB SEMS DPA' DANG BCAS PA, NYAN THOS DANG, RANG SANGS RGYAS DANG BCAS PA GANGG'A'I KLUNG GI BYE MA SNYED RNAMS LA LHA'I ZAS DANG, LHA'I RAS BCOS BU'I NA BZA' RNAMS PHUL BA DANG, STONG GSUM GYI STONG CHEN PO'I 'JIG RTEN GYI KHAMS KYI RDAL PHRA RAB KYI RDUL SNYED KYI 'JIG RTEN GYI KHAMS RNAMS NOR BU RIN PO CHE DBANG GI RGYAL POS RAB TU BKANG STE DBUL BA PHUL BA DANG, DE BZHIN GSHEGS PA RE RE'I PHYIR YANG NOR

328a

, ,BU RIN PO CHE SNANG BA THAMS CAD YANG DAG PAR BSAGS PA'I MCHOD RTEN TSAD DZAMBU'I GLING TZAM DU YOD PA, SRID PA'I RTZE MOR THUG PA, NOR BU RIN PO CHE GLOG GI SGRON MA'I KHA KHYER GYIS YONGS SU BSKOR BA, NOR BU RIN PO CHE DBANG GI RGYAL PO'I DRA BA BRES PA, RGYAL MTSAN DANG, BA DAN SGRENG BA, TZANDAN SBRUL GYI SNYING PO'I BYUG PAS BSKUS PA, 'JIG RTEN GYI KHAMS BCU'I RDUL PHRA RAB KYI RDUL SNYED DAG BYAS TE, MCHOD RTEN RE RE LA'ANG SANGS RGYAS KYI ZHING BCU'I RDUL PHRA RAB KYI RDUL SNYED KYIS BSKAL PAR LHA'I MCHOD PA MTSUNGS PA MED PAR BYAS KYANG BYANG CHUB SEMS DPA' GZHAN GANG GIS DAD PAS TING NGE 'DZIN 'DI LA MOS NAS, THA NA DUD 'GRO'I SKYE GNAS SU SONG BA'I SEMS CAN LA ZAN CHANG GCIG TZAM BYIN NA BSOD NAMS MNGON PAR 'DU BYED PA DE LA BSOD NAMS MNGON PAR 'DU BYA BA SNGA MAS BRGYA'I CHAR YANG NYE BAR MI 'GRO'O, , STONG GI CHA DANG, BRGYA STONG GI CHA DANG, BYE BA BRGYA'I CHA DANG, BYE BA STONG GI CHA DANG, BYE BA BRGYA STONG GI CHA DANG, DPE DANG, RGYUR YANG MI BZOD DO, ,'JAM DPAL, BYANG CHUB SEMS DPA' GANG LA LA TING NGE 'DZIN 'DI LA DAD DE, PHYOGS BCU'I 'JIG RTEN GYI KHAMS THAMS CAD KYI RDUL PHRA RAB KYI RDUL SNYED KYI SANGS RGYAS BCOM LDAN 'DAS RNAMS

328b

LA BDE BAR SBYAR BA THAMS CAD KYI BSNYEN BKUR BYAS PA BAS BYANG CHUB SEMS DPA' GZHAN TING NGE 'DZIN 'DI LA MCHOG TU 'JUG NA DE DE BAS BSOD NAMS CHES GRANGS MED PAR SKYED DO, ,'JAM DPAL, BYANG CHUB SEMS DPA' GANG LA LA ZHIG GIS BSKAL PA KHRIR DKON MCHOG GSUM LA DBUL BA PHUL BA BAS BYANG CHUB SEMS DPA' GZHAN GANG GIS RAB TU ZHI BA RNAM PAR NGES PA'I CHO 'PHRUL GYI TING NGE 'DZIN 'DI'I MING THOS TE, THOS NAS KYANG THAN YUD TZAM ZHIG NYAN 'DOD PAR GYUR NA DE DE BAS SANGS RGYAS KYI YE SHES THOB PAR BYED PA'I BSOD NAMS CHES GRANGS MED PAR SKYED PAR 'GYUR RO, ,DE NAS BCOM LDAN 'DAS KYIS DE'I TSE TSIGS SU BCAD PA 'DI DAG BKA' STZAL TO, ,DRAN PA LDAN ZHING BLO GROS LDAN; ;SHES RAB LDAN PA MI 'JIGS PA, ,DE NI TSE RABS THAMS CAD DU, ,BYANG CHUB SPYAD PA SPYOD PAR 'GYUR, ,SANGS RGYAS 'BYUNG BA RAB MDZES PA, ,SKAD CIG GCIG LA MNYES BYED NA, ,GANG DAG NGAS NI SNGON BSHAD PA, ,MI KHOM BRGYAD RNAMS RNAM PAR SPONG, ,GZUGS DANG KHA DOG PHUN SUM TSOGS, ,MTSAN RNAMS KYIS KYANG LEGS PAR BRGYAN, ,MTHU STOBS DANG YANG RAB TU LDAN, ,LE LO 'DOD PAR YONG MI 'GYUR, ,SKYID CING NOR YANG CHEN POR 'GYUR, ,BSOD NAMS LDAN ZHING RDZU 'PHRUL CHE, ,'JIG RTEN SNANG BYED MTHONG

329a

, ,NAS KYANG, ,PHYI PHYIR ZHING NI MCHOD PA BYED, ,BDAG MED STONG PA THOS NAS KYANG, ,DE NI CHOS LA MI RMONGS TE, ,CHOS RNAMS JI BZHIN MKHAS PA NI, ,DAD PA MYUR DU RAB TU THOB; ,RIGS KYI MCHOG DANG MOD PA DANG, ,SKYID PA DAG TU SKYE BAR 'GYUR, ,SBYIN PA'I BDAG PO DPA' BOR 'GYUR, ,SER SNA MED CING LHUG PAR GTONG, ,GANG DAG LA LA 'DZAM GLING DU, ,KHYAD PAR 'PHAGS PA MDZES PAR RIGS, ,DER NI BRTEN PA SKYES PA DANG, ,SMAD PA'I 'GRO BA MA YIN DANG, ,SKYE BA KUN TU 'DI LTA BUR, ,KHYIM BDAG DBANG CHER GRAGS PA DANG, ,DPAL DANG GZI BRJID 'PHAGS PA YANG, ,TSUL 'DIR YI RANG SPYAD PAR 'GYUR, ,BRAM ZE S'A LA CHE 'DRA BA, ,TSUL KHRIMS LDAN DANG MANG THOS 'GYUR, ,RGYAL RIGS S'A LA CHE 'DRA BA, ,SKYID CING NOR YANG CHEN POR 'GYUR, ,BSOD NAMS MDZOD KYIS 'PHAGS PA YI, ,RGYAL PO RDZU 'PHRUL CHER 'GYUR TE, ,RGYA MTSOR BCAS DANG RIR BCAS KYI, ,SA LA CHOS KYI STON PAR 'GYUR, ,RIN CHEN BDUN GYI DBANG PHYUG CHE, ,'KHOR LOS BSGYUR BA RGYAL DBANG 'GYUR, ,RGYAL POR GNAS NAS SANGS RGYAS LA, ,PHYI PHYIR BSTI STANG BYED PAR 'GYUR, ,SHI 'PHOS NAS NI MTHO RIS 'GRO ,SANGS RGYAS BSTAN LA DAD PAR 'GYUR, ,RI RAB RTZE MO'I DBANG PHYUG PO, ,LHA YI DBANG PO BRGYA BYIN 'GYUR, ,LHA DBANG 'THAB BRAL RAB TU 'GYUR,,

329b

DE BZHIN YONGS SU DGA' LDAN 'GYUR, ,LHA DBANG RAB TU 'PHRUL BA DANG, ,DBANG BYED 'JIGS PA MED PAR 'GYUR, ,TSUL 'DIR YI RANG BYAS PA NI, ,TSANGS PA'I 'JIG RTEN TSANGS PA'I MCHOG MKHAS PA LHA RNAMS BYE BA YIS, ,MCHOD PA BYE BA'I DBANG PHYUG 'GYUR, ,GANG ZHIG MDO SDE DKON MCHOG 'DIR, ,PHYI PHYIR RJES SU YI RANG NA, ,SUS KYANG DE YI YON TAN MTHA', , BRJOD PAR NUS PA MA YIN NO, ,BYANG CHUB TU NI SEMS BSKYED NA, ,BSKAL BA BYE BA RNAMS SU YANG, ,NAM DU'ANG LONG THENG MI 'GYUR TE, ,STON PA BLA NA MED PAR 'GYUR, ,RTZVA SHING RI DANG SDONG PO DANG, ,'KHRI SHING SMAN YANG DE BZHIN TE, ,ME TOG 'BRAS LDAN LJON SHING YANG, ,GANG DU 'GRO BAR 'DUD PAR 'GYUR, ,MAR ME MDZAD NAS BZUNG NAS SU, ,BRTUL ZHUGS BZANG PO GANG 'GRO BA, ,PHYOGS BCU DAG GI 'JIG RTEN KHAMS, ,MTHA' YAS 'OD KYIS SNANG BAR BYED, ,GANG DAG 'DAS PA'I BAR DE DANG, ,GANG DAG MA 'ONGS SHING RNAMS KYI, ,ME TOG 'BRAS BU LO MA DAG ,DE DAG RNAM PAR SHES PAR NUS, ,SANGS RGYAS BYE BA PHRAG STONG DANG, ,KHRAG KHRIG PHRAG BRGYA RNAMS KYIS KYANG, ,DE DAG GI NI YON TAN MTHA', ,BRJOD PAR NUS PA MA YIN NO, ,BYANG CHUB SEMS DPA' GANG DAG NI, ,MDO 'DI PHYIR ZHING MOS BYED PA, ,DE YI BSNGAGS PA'I PHRENG BA YI, ,MTHA' MA BRJOD

330a

, ,BAR MI NUS SO, ,MDO SDE YON TAN GANG BRJOD PA, ,DE DAG THAMS CAD DE DANG LDAN, ,DE BAS RAB TU LHAG YOD DE, ,DE YI YON TAN MTHA' THUG MED; ;MI GANG DE LA DGA' BAR MI BYED CING, ,YOD PA MIN DANG BSNGAGS PA MI SMRA DANG, ,MI GANG KHROS NAS MI SNYAN SMRA BA 'AM, YANG NA DE LA 'KHRUGS PA BYED PA DAG , SEMS CAN DMYAL BAR SKYE 'GYUR TE, ,LUS NI CHEN POR GYUR NAS SU, ,DE NI SDUG BSNGAL MYONG 'GYUR TE, ,YID RAB MI BDE MA RUNG 'GYUR, ,DPAG TSAD LNGA BRGYA'I TSAD TZAM DU, ,DA YI LUS NI SKYE BAR 'GYUR, ,SDIG PA'I LAS KYIS RTAG TU YANG, ,BYE BAS BSKOR NAS ZA BAR 'GYUR, ,BSKAL PA DAG NI DU MAR YANG, ,LUS NI DPAG TSAD LNGA BRGYAR 'GYUR, ,DE LA MGO YANG LNGA BRGYA STE, ,DE LAS NYUNG BAR MI 'GYUR RO, ,MGO RNAMS RE RE DAG LA YANG, ,LNGA BRGYA'I LCE LAS MI NYUNG STE, ,LCE GCIG LA YANG THONG GSHOL NI, ,LNGA BRGYAR TSANG STE MI NYUNG BA, ,'BAR BAS DE LA RMO BYED DE, ,SKUR 'DEBS SDIG PA'I LAS KYIS SO, ,TSIG RTZUB DAG NI SMRAS PAS NA, ,SHIN TU TSA BAR SREG PAR 'GYUR, ,GANG DAG SDOM PAR MI BYED CING, ,BYANG CHUB SEMS DPA' GNOD BYED PA, ,DE NI SEMS CAN DMYAL SKYE STE, ,DUD 'GRO'I SKYE GNAS 'GRO BAR 'GYUR,,

330b

TSUL 'DI SPONG BAR BYED PA NI, ,BSKAL PA BYE BA STONG RNAMS DANG, ,BRGYA DANG KHRAG KHRIG RNAMS SU YANG, ,MNAR MED PAR NI SDUG BSNGAL RNYED, ,DE NAS SHI 'PHES RAB GDUG CING, ,SHIN TU MI BZAD SPRUL DU 'GYUR, ,BKRES SHING SKOM PAS MNGON GZIR KYANG, ,SHIN TU MI BZAD LAS RNAMS BYED, ,BZA' BA RNYED KYANG SDIG PA YIS, ,NAM YANG TSIM PAR MI 'GYUR RO, ,GAL TE DE NAS SHI 'PHOS NAS, ,MI YI NANG DU SKYE NA YANG, ,YID MI GZHUNGS SHING DMUS LONG 'GYUR, ,GNOD PAR SEMS SHING SDOM PA MED, , NYES PA'I TSIG RNAMS SMRAS NAS NI, ,'PHAGS PA MNYES PAR MI BYED PA, ,MI YI NANG NAS SHI 'PHOS NAS, ,SLAR YANG NGAN 'GROR 'GRO BAR 'GYUR, ,BSKAL PA BYE BA STONG RNAMS SU, ,NAM YANG SANGS RGYAS MTHONG MI 'GYUR, ,GANG ZHIG BYANG CHUB SEMS DPA' LA, ,GNOD PAR MI BYED RAB BSDAMS DANG, ,GANG ZHIG CHOS DANG LDAN PA YI, ,CHOS SMRA DE DAG SRUNG BYED PA, ,NGAN 'GRO RNAMS NI KUN SPANGS NAS, ,BRGYA BYIN RDZU 'PHRUL CHEN POR 'GYUR, ,TSANGS PA 'THAB BRAL DGA' LDAN DANG, ,DBANG BYED PAR YANG DE 'GYUR RO; ;GAL TE MIR NI GYUR NA YANG, ,RTAG TU 'KHOR LOS BSGYUR BAR 'GYUR, ,TSONG DPON DANG NI KHYIM BDAG 'GYUR, ,RTAG TU SKYID CING NOR CHER 'GYUR, ,JI LTAR GANGG'A'I

331a

, ,BYE SNYED KYI, ,BSKAL PA DE SNYED RTAG TU YANG, ,'JIGS MED DRAN PA PHUN SUM TSOGS, ,BDE DANG LDAN ZHING GNOD PA MED, ,TSE RABS TSE RABS PHYI PHYIR ZHING, ,RTAG TU SANGS RGYAS MCHOD PAR 'GYUR, ,BLO LDAN GANG ZHIG SANGS RGYAS LA, ,BSKAL PA DE SNYED MCHOD PA BAS, ,PHYI DUS CHOS NI 'JIG PA NA, ,GANG DAG MDO SDE 'DI 'DZIN PA, ,CHOS GANG 'JIG RTEN MGON PO YIS, ,BSTAN PA'I MDO SDE 'DI LA DES, ,NYIN ZHAG GCIG TU BZUNG BA YI, ,DE NI BSOD NAMS KHYAD PAR 'PHAGS, ,PHYOGS BCU'I SANGS RGYAS GANG BZHUGS PA, ,DE DAG KUN LA MCHOD PAR 'GYUR, ,MDO SDE 'DI 'DRA 'DZIN PA NI, ,GANG DAG MA 'ONGS SANGS RGYAS DANG, ,'DAS PA'I SANGS RGYAS GANG DAG DANG, ,DE DAG DE YIS MCHOD PAR 'GYUR, ,'JAM DPAL, BYANG CHUB SEMS DPA' GANG LA LA ZHIG RAB TU ZHI BA RNAM PAR NGES PA'I CHO 'PHRUL GYI TING NGE 'DZIN LA MOS PA'I BYANG CHUB SEMS DPA' LA GNOD SEMS DANG, THA BA DANG, KHRO BA SKYED DAM, 'DUM PAR MI BYED DAM, BRNYAS THABS GANG YANG RUNG BAS BRNYAS TE, NGAN PA'I RIGS SU SKYES PA ZHE'AM, RNYED PA CHUNG BA ZHE'AM, YID GZHUNGS PA CHUNG BA ZHE'AM, SHES RAB CHUNG BA BRNYAS SAM CI'ANG RUNG STE, TSUL KHRIMS KYI YAN LAG

331b

NYAMS PA ZHE'AM, MDOG NGAN PA ZHE'AM, GZUGS DANG MI LDAN PA ZHE'AM, GZI BRJID CHUNG BA ZHES BRNYAS SAM, THA NA YUD TZAM ZHIG KHROS TE LTA NA'ANG DE MI DGE BA'I LAS DES BSKAL PA BYE BA GRANGS MED PA TSANG PAR NGAN SONG RNAMS SU SREG PAR 'GYUR RO, ,'JAM DPAL, NGAS NI JI LTAR BYANG CHUB SEMS DPA' LA KHONG KHRO BA'I SEMS GCIG BSKYED PA LAS KHA NA MA THO BA CHE BA'I CHOS DE LTA BU GCIG KYANG MA MTHONG NGO, ,'JAM DPAL, RIGS KYI BU'AM, RIGS KYI BU MO GANG LA LAS STONG GSUM GYI STONG CHEN PO'I 'JIG RTEN GYI KHAMS KYI SEMS CAN THAMS CAD LA MTSON GYIS BTAB BAM, DBYUG PAS BRDEGS PA BAS RIGS KYI BU'AM, RIGS KYI BU MO GZHAN GANG GIS THEG PA CHEN PO LA MOS PA'I BYANG CHUB SEMS DPA' LA THA NA GNOD SEMS SAM, THA BA'AM, ZHE SDANG GI SEMS GCIG BSKYED DAM, KHROS TE BRNYAS PA'I SEMS BSKYED NA DE DE BAS SDIG PA CHES MANG DU SKYED DO, ,'JAM DPAL, BYANG CHUB SEMS DPAS BYANG CHUB SEMS DPA' LA KHONG KHRO BA'I SEMS BSKYED PA'AM, BRNYAS PA'I SEMS BSKYED PA JI TZAM PA DE SNYED KYI BSKAL PAR BYANG CHUB SEMS DPA' DES SEMS CAN DMYAL BA RNAMS SU GNAS PAR GO CHA BGO BAR BYA'O, ,'JAM DPAL, BYANG CHUB SEMS DPA' LA SKUR PA BTAB PA MA GTOGS PAR,

332a

, ,BYANG CHUB SEMS DPA' LAS GZHAN GANG GIS KYANG LOG PAR LTUNG BAR BYED MI NUS SO, ,'JAM DPAL, 'DI LTA STE, DPER NA, NOR BU RIN PO CHE RDO RJE NI RDO RJE NYID MA GTOGS PAR SHING NGAM, BONG BA'AM, DBYUG PA'AM, RDO BA'AM, MTSAN CHAS GCAG PAR MI NUS SO, ,'JAM DPAL, DE BZHIN DU BYANG CHUB SEMS DPA' YANG BYANG CHUB SEMS DPA' LA SKUR PA BTAB PA MA GTOGS PAR LAS GZHAN GYIS LOG PAR LTUNG BAR BYED MI NUS SO, ,'JAM DPAL, RIGS KYI BU'AM, RIGS KYI BU MO GANG LA LAS LHA'I BSKAL PA BYE BAR PHYOGS BCU'I 'JIG RTEN GYI KHAMS RE RER 'KHOR BZHI LA CI 'DOD PA SBYIN PA BYIN PA BAS RIGS KYI BU'AM, RIGS KYI BU MO GANG GZHAN GYIS MTHUN PAR BYA BA'I DON DU G-YOS DE BZHIN GSHEGS PA NI RTAG PA'O, ,DE BZHIN GSHEGS PA NI G-YUNG DRUNG NGO ZHES TSIG TU SMRA NA'ANG DE DE BAS CHES BSOD NAMS GRANGS MED PAR SKYED DO, ,'JAM DPAL, BYANG CHUB SEMS DPA' GANG LA LAS LHA'I LO STONG DU DKON MCHOG GSUM LA CI DGOS PA BYIN PA PAS, BYANG CHUB SEMS DPA' GANG GZHAN ZHIG THA NA SE GOL GTOGS PA SRID DU 'DU BYED THAMS CAD NI MI RTAG PA'O, ,'DU BYED THAMS CAD NI SDUG BSNGAL PA'O, ,'DU BYED THAMS CAD NI STONG PA'O, ,

332b

'DU BYED THAMS CAD NI BDAG MED PA'O, ,SNYAM DU DPYOD NA DE DE BAS BSOD NAMS CHES GRANGS MED PAR SKYED DO, ,CHOS KYI RNAM GRANGS 'DI BSHAD PA NA LHA'I BU BRGYAD STONG NI BYANG CHUB TU SEMS BSKYED DO, ,DGE SLONG MA LNGA BRGYA NI THEG PA GCIG TU YANG DAG PAR 'DU BA'I TING NGE 'DZIN THOB BO, ,BYANG CHUB SEMS DPA' STONG NYIS BRGYA NI MI SKYE BA'I CHOS LA BZOD PAR GYUR TO, ,STONG GSUM GYI STONG CHEN PO'I 'JIG RTEN GYI KHAMS 'DI RNAM PA DRUG TU RAB TU G-YOS SO, ,CHOS KYI RNAM GRANGS 'DI DANG BCOM LDAN 'DAS SH'AKYA THUB PA LA MCHOD PA'I LAS KYI PHYIR STENG GI BAR SNANG LAS LHA'I ME TOG AUTPA LA DANG, PADMA DANG, KU MU DA DANG, PADMA DKAR PO RNAMS KYI CHAR CHEN PO'ANG RAB TU BAB BO, ,TZANDAN SPRUL GYI SNYING PO'I SPOS KYI CHAR CHEN PO'ANG MNGON PAR RAB TU BAB BO, ,GOS KYI CHAR DANG, RIN PO CHE'I CHAR DANG, RGYAN GYI CHAR CHEN PO'ANG RAB TU BAB BO, ,'JIG RTEN GYI KHAMS GRANGS MED BRJOD DU MED PA'I RDUL PHRA RAB KYI RDUL SNYED KYI BYANG CHUB SEMS DPA' SEMS DPA' CHEN PO RNAMS KYIS DE'I TSE, BYANG CHUB SEMS DPA' SEMS DPA' CHEN PO RE RES KYANG PHYOGS BCU'I SANGS RGYAS KYI ZHING GI RDUL PHRA RAB KYI RDUL SNYED KYI LAG PA MNGON PAR SPRUL TE, LAG PA RE RES KYANG LHA'I 'JIG RTEN GYI KHAMS KYI TSAD MED, GRANGS MED, BSAM GYIS MI KHYAB, MTSUNGS PA MED, GZHAL

333a

, ,DU MED PA'I GDUGS KYI SPRIN DANG, RGYAL MTSAN GYI SPRIN DANG, BA DAN GYI SPRIN DANG, ME TOG GI SPRIN DANG, TZANDAN SBRUL GYI SNYING PO'I SPRIN DANG, RGYAN GYI SPRIN DANG; SENG GE'I RGYAL MTSAN ZLA BA'I SPRIN DANG, NOR BU RIN PO CHE SNANG BA THAMS CAD BSAGS PA'I SPRIN DANG, NOR BU RIN PO CHE DBANG GI RGYAL PO'I SPRIN RNAMS KYIS CHOS KYI RNAM GRANGS 'DI LA MCHOD DO, ,BCOM LDAN 'DAS SH'AKYA THUB PA LA'ANG GTOR CING MNGON PAR GTOR NAS TSIG 'DI SKAD CES, BCOM LDAN 'DAS, LEGS PAR GSUNGS SO, ,BDE BAR GSHEGS PAS LEGS PAR GSUNGS TE, CHOS KYI RNAM GRANGS 'DI 'JIG RTEN DU YUN RING DU GNAS PAR GYUR CIG CES SMRAS SO, ,SANGS RGYAS KYI ZHING BRJOD DU MED PA BYE BA PHRAG BCU'I RDUL PHRA RAB KYI RDUL SNYED KYI LHA'I BU BYE BA KHRAG KHRIG BRGYA STONG DANG, LHA'I BU MO BYE BA KHRAG KHRIG BRGYA STONG GRANGS MED BSAM GYIS MI KHYAB, GZHAL DU MED, BRJOD DU MED PA RNAMS KYIS KYANG LHA'I ME TOG MANDA RA BA DANG, MANDA RA BA CHEN PO DANG, MANYDZU SHA KA DANG, YID DGA' DANG, PA RU shA KA DANG, TA RA nI DANG, BA LA LA KI DANG, KO TA RA nI DANG, DRI MCHOG DANG, DHA NU SKA RI DE BA DANG, AUTPA LA DANG, PADMA DANG, KU MU DA DANG, PADMA DKAR PO DANG, ME TOG 'KHOR LO DANG, 'KHOR LO CHEN PO LA SOGS

333b

[?] LHA'I ME TOG GI CHAR CHEN PO RAB TU PHAB BO, ,LHA'I GOS DANG, GDUGS DANG, RGYAL MTSAN DANG, BA DAN GYI CHAR RAB TU PHAB BO, ,LHA'I TZANDA NA SPRUL GYI SNYING PO'I CHAR DANG, RIN PO CHE SPRIN GYI CHAR DANG, RGYAN GYI SPRIN GYI CHAR RAB TU PHAB BO, ,BRGYA BYIN DANG, TSANGS PA DANG, 'JIG RTEN SKYONG BA BYE BA KHRAG KHRIG BRGYA STONG BGRANG BA LAS SHIN TU 'DAS PA GRANGS MED PAS KYANG CHOS KYI RNAM GRANGS 'DI LA MCHOD PA'I LAS KYI PHYIR DZAMBU'I GLING GI TSAD TZAM GYI ME TOG GI SPRIN DANG, GOS KYI SPRIN DANG, RIN PO CHE'I SPRIN GYI CHAR RAB TU PHAB BO, , DE BZHIN DU KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE CHEN PO BYE BA KHRAG KHRIG BRGYA STONG GRANGS MED BSAM GYIS MI KHYAB, GZHAL DU MED, TSAD MED PA DAG GIS KYANG LHA'I ME TOG GI CHAR DANG, SPOS DANG, GOS DANG, RIN PO CHE'I CHAR MNGON PAR PHAB STE, LHA'I ROL MO'I DBYANGS SGRA BSAM GYIS MI KHYAB PA BYAS NAS TSIG 'DI SKAD CES, BCOM LDAN 'DAS, LEGS PAR GSUNGS SO, ,BDE BAR GSHEGS PAS LEGS PAR GSUNGS TE, KYE MA'O, , BDAG CAG GIS SNGON MA THOS PA'I CHOS KYI RNAM GRANGS 'DI THOS SO, ,KYE MA'O, ,CHOS KYI RNAM GRANGS 'DI YUN RING DU GNAS PAR GYUR CIG ,CES SMRAS SO, ,BCOM LDAN

334a

, ,'DAS KYIS DE SKAD CES BKA' STZAL NAS, 'JAM DPAL GZHON NUR GYUR PA DANG, BYANG CHUB SEMS DPA' SEMS DPA' CHEN PO TSAD MED GRANGS MED PA DAG DANG, BZANG SKYONG LA SOGS PA DGE BSNYEN STONG PHRAG DPAG TU MED PA DAG DANG, NYAN THOS CHEN PO DAG DANG, LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE CHEN PO BRGYA PHRAG GRANGS MED PA DAG YI RANGS TE, BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA RAB TU ZHI BA RNAM PAR NGES PA'I CHO 'PHRUL GYI TING NGE 'DZIN CES BYA BA THEG PA CHEN PO'I MDO RDZOGS SO,, ,,RGYA GAR GYI MKHAN PO DZI NA MI TRA DANG, D'A NA SH'I LA DANG, ZHU CHEN GYI LO TZ'A BA BANDE YE SHES SDES BSGYUR CING ZHUS TE, SKAD GSAR BCAD KYIS KYANG BCOS NAS GTAN LA PHAB PA,,