, ,RGYA GAR SKAD DU, HE BADZRA BA LIm TA BIDHI N'A MA, BOD SKAD DU, KYE'I RDO RJE ZHES BYA BA'I GTOR MA'I CHO GA ,KYE'I RDO RJE LA PHYAG 'TSAL LO, ,NAM MKHA' KUN DU RGYU GRUB PA'I, ,MKHA' 'GRO RNAMS LA RAB TU 'DUD, ,DE DANG DE YI BYA BA NI, ,GTOR MA'I CHO GA CUNG ZHIG BSHAD, ,DE LA GTOR MA RNAMS GSUM STE, ,DKYIL 'KHOR CHEN PO'I LHA RNAMS DANG, ,DE SPRUL MKHA' 'GRO MA RNAMS DANG, ,MGRON GYUR PHYOGS SKYONG RNAMS LA'O, ,DKYIL 'KHOR CHEN PO'I LHA LA NI, ,RE ZHIG BYIN GYIS BRLAB PA YANG, ,BDAG NYID 'DOD PA'I LHAR MOS PAS, ,SNOD DAG MCHOG TU GYUR PA RU, ,GTOR MA'I RDZAS NI BDUD RTZIR BSAM, ,DE BSTAN DE NYID GSUM SNGAGS BRJOD, ,YANG NA 'DOD YON LNGAR GYUR PAR, ,BSAM ZHING BYIN GYIS BRLABS SNGAGS BRJOD, ,DE RJES MDUN DU DKYIL 'KHOR BA'I, ,LHA RNAMS SKAD CIG RDOR 'DZIN BSAM, ,DE RNAMS DBUL BA'I RIM PA NI, ,AOm MA H'A BH'U TA KH'A HI, GRiHNA GRi HNA BHU NYDZA BHU NYDZA KHA KHA KH'A HI, AI DAm BI LIm TA KH'A HI, AA MRi TA R'A SA KH'A HI, K'A MA GU nI SA M'A RA SA KH'A HI, ZHES GLU BLANGS SO SO'I MTSAN DANG SBYAR BA NI, AOm HE BADZRA NE RA A'ATM'A TA AI DAm MA H'A BA LIm TA KH'A HI, DE BZHIN DU AOm BADZRA GOO R'I AI DAm MA H'A BA LIm TA KH'A HI, ZHES BYA BA LA SOGS PA BRJOD DO, ,DE LTAR TSIM ZHING MNYES GYUR NAS, ,BDAG NYID BSGRUB PA RKYEN SBYOR PA'I, , MKHA' 'GRO MA YI GTOR MA NI, ,RE ZHIG BYIN BRLABS SNGAGS DANG MTSUNGS, ,DBUL THABS BDAG NYID 'DOD LHA YI, ,MDUN DU DAM TSIG RJES DRAN NAS, ,MKHA' 'GRO MA RNAMS SKAD CIG GIS, ,THA SNYAD TSUL DU RAB GYUR NAS, ,GTOR MA'I LONGS SPYOD BYA PHYIR DANG, ,LAS DANG SGRUB LA RAB BSKUL LA, ,DE RNAMS DBUL BA'I RIM PA NI, ,LHAG MA BSDUS PA'I RIM PA LAS, ,SNGAGS 'DI GLU RU BCAS PA BRJOD, ,AOm AU TZI shtA BA LIm TA BADZRA d'A KI N'I SAm PA NI NA, BADZRA d'A AKI N'I, RATNA d'A KI N'I, PADMA d'A KI N'I, AI DAm AU TZIshtA BA LIm TA KHA KHA KH'A HI, GRi HNA GRi HNA, BHU NYDZA BHU DZNYA, PRA T'I TZTSA KH'A HI, KARMA
, ,SIDHI SAm PA NI NA SV'A H'A, DE NAS LAS DANG DNGOS GRUB PA STZOL, ,MNGON PAR 'DOD PA'I PHRIN LAS BCOL, ,MGRON GYUR 'BYUNG PO'I GTOR MA NI, ,MDUN DU CHOS 'BYUNG GRU GSUM LAS, ,STENG DANG 'OG DANG BAR DAG TU, ,CHU SKYES 'DAB BRGYAD RIM BZHIN BSAM, ,STENG DUS BON AOm GYUR LAS, ,ZLA NYI NAS GZUNG TSANGS SOGS PAR, ,MDOG DKAR RDO RJE DRIL 'DZIN PA, ,DBU LA SKU YI MTSAN MA DAG ,RANG 'DRA'I TSOGS PA BRGYAD DU BSAM, ,BAR GYI PADMA 'DAB BRGYAD LA, ,MA YI LHAR GYUR PHYOGS SKYONG BRGYAD, ,SA BON BRGYAD GYUR MDOG SNGON PO, ,RDO RJE DRIL 'CHANG RANG 'DRAR LDAN, ,DBU LA THUGS KYIS MTSAN PAR BSAM, ,'OG TU KLU BRGYAD SA LAS BYUNG, ,MDOG DMAR RDO RJE DRIL 'DZIN ZHING, ,DBU LA GSUNG GI RDO RJES MTSAN, ,RANG 'DRA DANG NI LDAN PAR BSGOM, ,DE NAS RE ZHIG BYIN BRLABS PA, ,DAM TSIG BDUD RTZI'I SNOD BCAS PA, ,RLUNG DANG ME SOGS SMIN BYED PA, ,DE RJES BDUD RTZI DANG SRES LA, ,GONG DU BRJOD PA'I LHA RNAMS KYIS, ,'OD ZER SPU GU LHA RNAMS LCES, ,LONGS SPYOD PAS NI TSIM PAR BYED, ,DE TSE ZE'U 'BRU RNAM GSUM LA, ,TSANGS DANG 'DOD LHA SA YI LHA, ,RIM PA BZHIN DU BSAM PAR BYA, ,DE YI SNGAGS BRJOD BSKUL BCAS PA, ,RDO RJE DRIL BU GSIL GSOR BYA, ,AOm AINDA, DZA MA, DZA LA, DZA KKHA, BH'U TA, B'A HIN, BA AU, RAKKHA, TZANDA, SUDZDZA, M'A DA, PAPPA, TA LA P'A T'A LA, AAttA, SAPPA SV'A H'A, AI DAm BA LIm, BHU NYDZA, DZI GHA, PHULL, DH'U PPA, M'Am SA, PIm GHA, AAm BHA, SAPPA, KADZDZA, S'A DA, KHANTI, KHU nI, PHEd, G'A DA, AOm AA K'A RO MU KHAm SARBBA DHARM'A n'Am A'A DYA NUTPANNA TV'A HA', AOm A'A: H'Um PHAt SV'A H'A, PHAN YON SNGON DU BSNGO BA NI, ,RES 'GA' GTOR MA BTANG BA DANG, ,RGYUN DU BTANG BA'I PHAN YON NI, ,RGYUD DU GSUNGS PA BZHIN BRJOD DO, ,BLA MA DAM PA'I RJES 'BRANG YID BRTAN ZHING, ,'PHRAL LA MNGON DU BYED CING BYIN RLOB PA, ,DAM PA 'GA' YIS GSOL BTAB NAS, ,MAN NGAG GZHUNG BZHIN MTHUN PAR BRIS PA YIN, ,BCOM LDAN 'DAS KYE'I RDO RJE ZHES BYA BA'I GTOR MA'I CHO GA'I RIM PA RDZOGS SO,,