, ,GTOR MA'I CHO GA BZHUGS, , #, ,DKON MCHOG GSUM LA PHYAG 'TSAL LO, ,DANG PO THOD PA'AM SNOD GANG RUNG BA'I NANG DU, GTOR MA'I PHUD BKROS LA, BSANG NAN DANG BCAS PA BLUGS LA, DE NAS
, ,BDAG NYID LHAG PA'I LHAR BSGOMS LA, GTOR MA'I STENG DU NYI MA'I DKYIL 'KHOR GYI GDAN LA H'Um MTHING GA GCIG BSAM, DE ZHU STE GTOR MA LA THIM PAS, GTOR MA'I RDZAS KYI DNGOS PO SBYANGS PAR BSAM MO, ,DE NAS YANG PADMA DMAR PO 'DAB MA BRGYAD PA'I STENG, AA DMAR PO GCIG BSAM, DE 'ONG DU ZHU STE THIM PAS, KHA DOG DMAR PO LA DANGS SHING DAG LA DRI MA MED PA, RO MCHOG DANG LDAN PAR BSGOM, DE NAS YANG ZLA BA'I DKYIL 'KHOR GYI STENG DU, AOm DKAR PO GCIG BSGOM, DE 'OD DU ZHU STE THIM PAS, DKAR LA DANG BA RO MCHOG BRGYA DANG LDAN PA'I BDUD RTZI'I RANG BZHIN DU GYUR PAR BSAM MO, ,DE NAS BDUD RTZI LAS 'OD 'PHROS PAS, DE BZHIN GSHEGS PA'I THUGS MI RTOG PA'I YE SHES KYI BDUD RTZI DANG, LHA YUL NA YOD PA'I BDUD RTZI BKUG STE, DE LA THIM PAR BSAM, DE NAS BDUD RTZI DE NYID LAS YANG 'OD 'PHROS PAS, BLA MA DAM PA DANG BCAS PA'I SANGS RGYAS DANG BYANG CHUB SEMS DPA' DANG, PHYI NANG GI CHOS SKYONG MKHA' 'GRO MA DANG BCAS PA NAM MKHA' LA BKUG LA, AOm AA K'A RO MU KHAm SARBA DHARM'A n'Am A'A DYA NUTPANNA TV'A TA AOm A'A: H'Um PHAt SV'A H'A, ZHES BRJOD PAS GTOR MA LAS 'OD 'PHROS PAS SO SO'I LCE LA REG PAS, BDUD RTZI'I BDE BA CHEN PO'I RO STOBS SHING MYONG BAR BSAM MO, ,DE NAS CHOS BSHAD PAR BYA STE, CHOS RNAMS GZUGS BRNYAN LTA BU STE, ZHES PA LA SOGS PA BYA, MKHA' 'GRO MA RNAMS LA CI 'DOD PA'I LAS BCOL LO, ,BZOD GSOL BYAS LA GSHEGS SU GSOL, RDZOGS SO,, ,,