, ,RGYA GAR SKAD DU, HE BADZRA S+YA shE KA NI SHTZA YA N'A MA, BOD SKAD DU, DGYES PA'I RDO RJE'I DBANG GTAN DBAB PA ZHES BYA BA, BCOM LDAN 'DAS DPAL HE RU KA LA PHYAG 'TSAL LO, ,DPA' BO SHES DANG SHES BYA'I BDAG ,KHYAB BDAG 'KHOR LO CAN BTUD DE, ,CHOS DBYINGS SHIN TU DRI MED PA, ,DBANG GI DE NYID MCHOG BSHAD BYA, ,'JIG RTEN CHOS LAS RNAM GROL ZHING, ,BRTZE LDAN NGA RGYAL MED PA YIS, ,SEMS CAN BSAM PA'I DBANG GIS NI, ,RGYAL BAS PHYI ROL BYA BA BSTAN, DKYIL 'KHOR RNAMS NI JI BZHIN DU, ,SU YIS YONGS SU BRTAG PAR NUS, ,RANG GIS LHAG PA'I LHA SBYOR BAS, ,GRUB PA YI NI DKYIL 'KHOR BRTAG ,DE LTAR YANG, RDUL TSON MCHOG GIS BYA BA'AM, ,YANG NA BAR MA DAG KYANG RUNG, ,RIN CHEN SNA LNGA'I RANG BZHIN PHYE, ,YANG NA 'BRAS SOGS PHYE MAS SO, ,ZHES GSUNGS SO, ,JI LTAR 'BYOR DANG RJES MTHUN PAR, , DKYIL 'KHOR DAG NI BRI BYAS LA, ,NOR DANG LDAN PAS DBANG BSKUR BYA, ,NOR MED BRIS SKU LA DBANG BSKUR, ,DKYIL 'KHOR RDZOGS NAS SNGAGS PA YIS, ,BUM PA RNAMS NI LHAG GNAS BYA, ,SLOB MAS PUS BTZUGS THAL SBYAR NAS, ,BLA MA LA NI GSOL BA GDAB, ,
'KHOR BA'I 'DAM DU BYING BA'I BDAG ,SKYABS MED KHYAB BDAG NYID KYIS SKYOBS, ,SLOB MA'I SPYI BOR LAG BZHAG NAS, ,BLA MAS SNGAGS KYIS BYIN GYIS BRLABS, ,KHRO BO'I SA BON SNYING GAR DGOD, ,DE 'BYUNG KHRO BO'I TSOGS KYIS NI, ,SLOB MA'I SDIG PA'I PHUNG PO RNAMS, , ZA BZHIN PAR NI BSAM PAR BYA, ,LAG PAS SRUNG SKUD BCINGS NAS NI, ,SO SHING YANG NI 'CHA' RU GZHUG ,RMI LAM SHES PA'I RGYU RU NI, ,KU SHA'I MAL LA NYAL DU GZHUG ,DGE DANG MI DGE CI MTHONG BA, ,DE BZHIN BLA MA LA NI BRJOD, ,MI DGE NA NI ZHI BAR BYA, ,DGE NA SHIS SO ZHES BRJOD DO, ,SDOM PA MA LUS GZUNG NA NI, ,SNGAGS KYI SKU RU BSKYED PAR BYA, ,SNGAGS KYIS BYIN BRLABS KHRAG GI NI, ,DPRAL BAR THIG LE SBYIN PAR BYA, ,DE NAS DKYIL 'KHOR MDUN 'DUG STE, ,SBYOR BDAG RANG NI 'JUG PAR BYA, ,GOS KYIS GDONG NI G-YOGS NAS SU, ,DKYIL 'KHOR DU NI GZHUG PAR BYA, ,DAD PAS DKYIL 'KHOR PHYAG BYAS TE, ,KHYAD PAR DU YANG BLA MA LA'O, ,BZA' BSRUNG DAM TSIG CI GSUNGS PA'I, ,DAM TSIG DE LA SBYIN PAR BYA, ,DE NAS BSKOR BA BYAS NAS NI, ,SBYIN PA BZHI NI RAB SBYIN BYA, ,SNGAGS KYIS MNGON BSNGAGS ME TOG TE, ,DKYIL 'KHOR BZANG LA GTOR BAR BYA, ,GANG DU ME TOG LHUNG BA YIS, ,DE YI RIGS DE SHES PAR BYA, ,SLOB MA'I GDONG G-YOGS BSAL NAS NI, ,DKYIL 'KHOR DE NYID RAB BSTAN BYA, ,PHUNG PO SKYE MCHED KHAMS RNAMS KYIS, ,RNAM DAG DE BZHIN NYID BDAG CAN, ,LHA YI RNAM PA'I SBYOR BA LA, ,BU KHYOD KYIS NI SBYAR BAR BYA, ,KUN NAS BUM PA BRGYAD PO YI, ,RANG GI RIG MA SKYES BU'I CHU, ,THUGS RJE'I RDO RJE RAB BSGOMS PAS, ,SLOB MA RDO RJE CAN DBANG BSKUR, ,RDO RJE NYI MAR RAB BSGOMS PAS, ,DE LA COD PAN SBYIN PAR BYA, ,RDO RJE'I TSIGS BCAD RAB SBYAR BA, ,THAMS CAD SNGON BZHIN SBYIN PAR BYA, ,SLOB MA'I 'JIG RTEN DBANG CHA BYAD, ,RDO RJE CHEN PO RTZE DGU PA, ,NYI SHU RTZA BRGYAD LHA LDAN PA'I, ,RDO RJE DBANG GIS DBANG BSKUR BYA, ,SANGS RGYAS RDO RJE'I DBANG GIS NI, ,DI RING KHYOD NI DBANG BSKUR TE, ,'DI DE SANGS
, ,RGYAS THAMS CAD NYID, ,RAB BSGRUB PHYIR NI RDO RJE GZUNG, ,SLOB MA RTA YI MCHOG BSGOMS TE, ,SGROL MA LHAN CIG KHA NI SBYAR, ,RDO RJE'I BDAG POS DBANG BSKUR TE, ,RDO RJE DRIL BU DKROL BAR BYA, ,NYI SHU RTZA GSUM LHA YI BDAG ,DRIL BUS KHYOD NI DBANG BSKUR RO, , AOm BADZRA AA DHI PA TI TIshthA BADZRA SA MA YA STVAm, SLOB MA RNAM SNANG MDZAD BSGOMS LA, ,SPYAN DANG LHAN CIG KHA NI SBYAR, ,RDO RJE DRIL BU MGOR BZHAG STE, ,RDO RJE MING GIS DBANG BSKUR BYA, ,AOm BADZRA SA TVA TVAm AA BHI shINYTZA MI BADZRA N'A MA AA BHI shE KA TA, KYE KHYOD RDO RJE CHE GE MO RDO RJE ZHES BYA'O, , GANG DANG GANG SNANG DE THAMS CAD, ,DE KUN SEMS KYI SPRUL PA YIN, ,CHOS RNAMS RANG BZHIN GYIS DAG PA, ,SANGS RGYAS YE SHES TSUL 'DI DANG, ,'DI NI SANGS RGYAS THAMS CAD KYI, ,RDO RJE SEMS DPA'I PHYAG NA GNAS, ,KHYOD KYIS KYANG NI RTAG TU GZUNG, ,RDO RJE SEMS DPA'I BRTUL ZHUGS BRTAN, ,AOm SARBA TA TH'A GA TA SIDDHI BADZRA SA MA YA STVAm DHA RA YA MI HI HI HI HI H'Um, SGRUB PA KUN GYI CHO GA DANG, ,BLA NA MED PA KUN GYIS MCHOD, ,DE NAS RDO RJE LAG GIS LAG ,RDO RJE BRTUL ZHUGS KHYOD LA SBYIN, ,THOG MTHA' MED PA'I SEMS DPA' NI, ,RDO RJE SEMS DPA' DGA' CHEN PO, ,KUN DU BZANG PO KUN BDAG NYID, ,RDO RJE SNYEMS PA BDAG PO'I BDAG ,SHES RAB PHA ROL PHYIN BYUNG BA, ,DRIL BU DE LA SBYIN PAR BYA, ,RDO RJE DRIL BU ZHES BYA BAS, ,SEMS CAN KUN GYI DON BYED PA, ,'DI DE SANGS RGYAS THAMS CAD KYI, , SHES RAB DBYANGS KYI RJES 'GROR GSUNGS, ,KHYOD KYIS KYANG NI RTAG TU ZUNG, ,BYANG CHUB MCHOG TU RGYAL BA BZHED, ,DBUGS DBYUNG THAMS CAD BYIN NAS NI, ,RANG NYID SH'AKYA THUB GYUR PAS, ,DE RING SLOB MA KHYOD LUNG BSTAN, ,SANGS RGYAS 'GYUR BAR GDON MI ZA, ,KHYOD NI MI 'CHI MYA NGAN MED, ,'JIGS PA DANG NI RIMS MI 'BYUNG, ,BDE CHEN THEG PA 'DI LAS NI, ,BU KHYOD NGA YIS LUNG BSTAN TO, ,RDO RJE SEMS DPA' DE BZHIN GSHEGS, ,SRID PA SHIN TU DAG BYA'I PHYIR, ,SRID PA'I NGAN 'GRO LAS NI BTON, ,KHYOD NI LUNG BSTAN BRJOD
PAR BYA, ,KHYOD NI SA STENGS MTHO RIS SU, ,DGYES PA'I RDO RJE ZHES BYA BA'I, ,DE BZHIN GSHEGS PA 'GRUB PAR 'GYUR, ,RIN CHEN DBANG GI DAM TSIG NI, ,ZHES BYA BCOM LDAN 'DAS KYIS GSUNGS, ,RIGS MCHOG LNGA LAS BYUNG BA YIS, ,RIG MA DER NI GZHUG PAR BYA, ,YANG NA GANG DE JI SNYED PA, ,DE BZHIN LO NI BCU DRUG PA'O, ,JI SRID KHU BA LDAN GYUR PAR, ,DE SRID PHYAG RGYA BSTEN PAR BYA'O, ,PHYAG RGYA'I GDONG NI DGAB PAR BYA'O, ,THABS KYI GDONG YANG DE BZHIN NO, ,DE BSTEN PA LAS GANG BYUNG PA, ,MTHE BONG SRIN LAG DAG GIS NI, ,SLOB MA'I KHAR NI DBAB PAR BYA, ,DE YIS TSIGS BCAD 'DI LTA STE, ,JI LTAR SANGS RGYAS 'PHAGS PA YIS, ,BYANG CHUB SRAS RNAMS DBANG BSKUR LTAR, ,BDAG GIS GSANG BA'I DBANG GIS NI, ,SEMS KYI RGYUN GYIS DBANG BSKUR RO, ,'DI NI GSANG BA'I DBANG NGO, ,BZHIN MDZES MIG NI YANGS PA DANG, ,LANG TSO'I GZUGS KYIS BRGYAN PA LA, ,TING 'DZIN YAN LAG GIS SKYES PA'I, ,SHES RAB SLOB MA LA GTAD BYA, ,DE LA TSIGS SU BCAD PA 'DI'O, ,LHA MO DGA' STER GNAS STER MA, ,SNA TSOGS GZUGS CAN YID DGA' MA, ,ZUNG SHIG ZUNG SHIG SEMS DPA' CHE, ,BZUNG NAS MCHOD PA RAB TU GYIS, ,RANG 'DOD LHA YI SBYOR BA DAG ,SHES RAB THABS KYI SBYOR RIG PA, ,SHIN TU SEMS NI MNYAM GZHAG PA'I, ,CHO GAS PHYAG RGYA MCHOD PAR BYA, ,SHES RAB LDAN ZHING SER SNA BRAL, ,DGA' BA'I SKAD CIG NYER LONGS SPYOD, ,BLA MA LA NI BTUD BYAS TE, ,JI LTAR NYAMS MYONG BRJOD PAR BYA, ,DGA' BA'I SKAD CIG DBYE RIG PA'I, ,STON PAS DE NAS LUNG BSTAN TE, ,SKU GSUM YONGS SU SHES PA NI, ,SHES RAB CHOS NYID BSHAD KYIS NYON, ,AE YIG CHA BYAD BZANG PO GANG, , DBUS SU WAm GYIS RNAM PAR BRGYAN, ,BDE BA THAMS CAD KYI NI GZHI, ,SANGS RGYAS RIN CHEN ZA MA RTOG ,SKAD CIG DBYE BAS PHYE BA YIS, ,DGA' BA'I SKAD CIG DER SKYE 'GYUR, ,SKAD CIG YE SHES BDE YE SHES, ,AE WAm RNAM PAR RAB TU GNAS, ,SNA TSOGS RNAM PAR SMIN
, ,PA DANG, ,RNAM NYID MTSAN NYID BRAL DE BZHIN, ,AE WAm SHES PA'I RNAL 'BYOR PAS, ,SKAD CIG BZHI LA YANG DAG 'GRO, ,SNA TSOGS RNAM PA DU MAR BSHAD, ,'KHYUD DANG 'O BYED LA SOGS PA'O, ,DE LAS BZLOG PA RNAM PAR SMIN, ,BDE BA'I YE SHES LONGS SPYOD PA'O, ,RNAM PAR NYED PAR 'GRO BAR GSUNGS, ,BDAG GIS BDE BA LONGS SPYOD DO, ,'DI GSUM LAS GZHAN MTSAN NYID BRAL, ,CHAGS DANG CHAGS BRAL RNAM PAR SPANGS, ,DANG PO DGA' BA SNA TSOGS TE, ,MCHOG TU DGA' BA RNAM PAR SMIN, ,DGA' DANG BRAL BA RNAM NYED DE, ,LHAN CIG SKYES DGA' MTSAN NYID BRAL, ,SLOB DPON GSANG BA SHES RAB DANG, ,BZHI PA DE YANG DE BZHIN NO, ,DBANG BZHI'I GRANGS KYI DBYE BA YIS, ,DGA' BA LA SOGS RIM SHES BYA, ,DE YI PHYIR NI DGA' BA RNAMS, ,BZHI YI BYE BRAG RAB TU PHYE, ,GANG PHYIR LHAN CIG SKYES RNAM BZHI, ,RDZOGS PA'I RIM PA'I PHYOGS YIN NO, ,DANG PO DGA' BA DPA' BO STE, ,MCHOG TU DGA' BA RNAL 'BYOR MA, ,SHIN TU DGA' BA MTHA' DAG NYID, ,BDE DE'I THABS KYIS THAMS CAD RIG ,CUNG ZAD DGA' BA BDE BA CHE, ,MCHOG TU DGA' BA DE BAS LHAG ,DGA' BRAL DGA' BA CHAGS BRAL YIN, ,LHAG MA LHAN CIG SKYES DGA' BA'O, ,DANG POR REG PAR 'DOD PA STE, ,GNYIS PA BDE BAR 'DOD PA'O, ,GSUM PA CHAGS PA SPANGS PA YIN, ,BZHI PA DE YIS BSGOM PAR BYA, ,MCHOG TU DGA' BA SRID PAR GSUNGS, ,DGA' DANG BRAL BAS MYA NGAN 'DAS, ,DBU MA DGA' BA TZAM NYID DE, ,LHAN CIG SKYES PAS 'DI RNAMS SPANGS, ,MKHA' MNYAM RDUL BRAL ZHI BA STE, ,DNGOS DANG DNGOS MED BDAG NYID MCHOG ,THABS DANG SHES RAB MNYAM 'DRES SHING, ,CHAGS DANG CHAGS BRAL RNAM PAR 'DRES, ,DE NYID SROG CHAGS RNAMS KYI SROG ,DE NYID MCHOG GI YI GE'O, ,KUN LA KHYAB PA'I DE NYID 'DI, ,LUS KUN LA NI RNAM PAR GNAS, ,LTE BAR GTUM MO SBAR BA YIS, ,DE BZHIN GSHEGS PA LNGA BSREGS SHING, ,SPYAN LA SOGS
PA YANG BSREGS TE, ,BSREGS PAS RI BONG CAN HAm 'BAB, ,KO L+LA AI RE TthI AA BO LA, MU MMU nI RE KAKKOL'A, GHA nA KRi PI tA HO B'ADZDZA AI, KA RU nI KI AA AI NA RO L'A, TA HIm BA LA KH'ADZDZA AI, G'A DHEm MA AA n'A BIDZDZA AI, HA LE K'A LINYDZA RA PA nI AA AI, DUNDU RA B'ADZDZI AA AI, TZA AU SA MA KA STHU RI SIHL'A, K'A SBU RA L'A AI AA AI, M'A LA AINDHA NA SH'A LINYDZA TA HIm, BHA RU KH'A AA AI, ,PHREm KHA nA KHA tA KA RANTE, SHUDDHA AA SHUDDHA NA MU NI AA AI, NI RAm SU AAm GE TZA d'A WI, TA HI DZA SA R'A WA PA nI AA AI, M'A LA AA DZE KUN DU RU P'A tA AI, dIndA MA TA HInnA B'ADZDZA AA AI, GANG PHYIR BDE CHEN THOS GNAS PAS, ,BDE CHEN 'KHOR LO PHAL CHEN PO'O, ,BDE BA GANG GIS 'DIR 'CHI BA'I, ,BDE DES BSAM GTAN ZHES SU BRJOD, ,BDE BA CHEN POR BA THOB NA, ,SNA TSOGS PA YIS SKAD CIG SPONG, ,BDE BA CHEN PO GZUNG BYA ZHES, ,SEMS DPA' CHE LA BLA MA GSUNG, ,YE SHES 'DI NI CHES PHRA ZHING, ,RDO RJE SNYING PO MKHA' DANG MTSUNGS, ,RDUL BRAL THAR PA STER ZHI BA, ,KHYOD KYI PHA NI KHYOD RANG YIN, ,SHES RAB YE SHES KYI MNGON PAR BYANG CHUB PA'O, ,CHAGS SOGS ROL MO 'DIR MA BSHAD, ,YANG BDAG MED MAS GSOL BA, DGE SLONG DGE SLONG MA RGAN PO, ,DE BZHIN MA NING LA SOGS PA'I, ,'DI RNAMS JI LTAR BYANG CHUB 'BYUR [?], ,BCOM LDAN BDAG LA BSHAD DU GSOL, ,BCOM LDAN 'DAS KYIS BKA' STZAL PA, ,JI LTAR SNGON GYI RJES 'BRANGS NAS, ,SLOB DPON GYIS NI PHUN TSOGS SBYIN, ,DGA' 'BRAL DANG PO MCHOG GI MTHA', ,DE NAS YE SHES BSTEN PAR BYA, ,RANG GI LAG PA G-YAS G-YON GYI, ,MTHE BONG SRIN LAG DAG GIS NI, ,LONGS SPYOD KYI NI DBA' RLABS GNYIS, ,RNAL 'BYOR PA YIS GNAN PAR BYA, ,DE LAS SKYES PA'I YE SHES NI, ,DPER NA GZHON NU MA CHAGS BZHIN, ,NYAMS SU MYONG BA'I YE SHES 'DI, ,TSIG GI SPYOD YUL GA LA YIN, ,DE LA THOG MTHA' DBU MA MED, ,SRID DANG MYA NGAN 'DAS PA MIN, ,BDAG MED GZHAN YANG MED PA STE, ,'DI NI MCHOG TU BDE CHEN YIN, ,
, ,DANG PO GTI MUG 'CHI BAR 'GYUR, ,MTHA' MAR 'KHOR BA'I GZUGS CAN MA, ,DBU MAR RDUL BRAL ZHI BA NI, ,KHYAB BDAG DNGOS DANG DNGOS MED ZAD, ,CHOS KYI DBYINGS KYI MNGON PAR BYANG CHUB PA'O, ,SEMS CAN MOS PA SNA TSOGS LA, ,PHAN PAR 'JUG PA'I DBYE BA YIS, ,RDO RJE 'DZIN CHEN THABS BDAG GIS, ,SGRUB THABS DU MA GSUNGS PA YIN, ,SNGAGS KYI TSUL NI RJES SBAS PA, ,LAM 'DI'AM NI GZHAN YANG RUNG, ,SHIN TU BLA MA LA GUS PA'I, ,DANG LDAN SKYES BU LA BSHAD BYA, ,RNAL 'BYOR MA'I RGYUD DGYES PA'I RDO RJE LAS BTUS PA'I DBANG RNAM PAR GTAN LA DBAB PA SLOB DPON CHEN PA DGRA LAS RGYAL BAS MDZAD PA RDZOGS SO,, ,,RGYA GAR GYI MKHAN PO SHR'I G-YA DHA RA DANG, BOD KYI LO TZ'A BA GYI JO ZLA BA'I 'OD ZER GYIS BSGYUR CING ZHUS TE GTAN LA PHAB PA'O,, ,,