121 · GMLW-000129

The Sutra entitled "Magnificent, Total Nirvana" (Ārya Mahāparinirvāṇa Sūtra)

'PHAGS PA YONGS SU MYA NGAN LAS 'DAS PA CHEN PO'I MDO
נושאי-מדףSubjects:
MDO MANGCollection of Sutras (Sūtra)$$
נושאיםTopics:Impermanence
חיי היום-יוםDaily life:daily practice
נמצא בfound inCollection of Sutras (Sūtra)$$
מספר טוהוקוTohoku numberToh 121 · Sutra
מהדורהrecensionDerge
כותרת בסנסקריטSanskrit titleA'ARYA MA H'A PA RI NI RG'A nA S'U TRA
כניעה לhomage toSANGS RGYAS DANG BYANG CHUB SEMS DPA' THAMS CAD
הפנדיטה ההודיIndian panditaKA MA LA GUPTA
הלוצאווה הטיבטיTibetan lotsawaDGE SLONG RIN CHEN BZANG POS
פוליוfolios222b–225a
צורהformprose
מצב תרגוםtranslationpartly translated
כיסוי המילון לכותרתdictionary coverage of the title100%
ז'אנרgenreRoot Texta sutra with the full frame — thus I have heard, and the world rejoiced
מקום החיבורplace of compositionKushinagarthe Buddha is in the sal grove near the great city of Kushinagar, and the time is near his final passing
אנשים ומקומותpeople and places namedKamalagupta · Rinchen Zangpothe colophon: the Indian abbot Kamalagupta with the chief editor-translator the monk Rinchen Zangpo
רמת קושיlevelentry
לחיי היום־יוםfor daily lifedaily practice
הכותרת אומתה מול הטקסטtitle verified against the textyesthe title lines match the filename — and that is exactly the problem; see the note

הקבציםThe files

KL00121E_'PHAGS PA YONGS SU MYA NGAN LAS 'DAS PA CHEN PO'I MDO_The Sutra entitled "Magnificent, Total Nirvana" (Ārya Mahāparinirvāṇa Sūtra).txt/10. MDO MANG_Collection of Sutras (Sūtra)$$/VOL 8 (NYA)

הטקסטThe text

טיבטיתTibetanKL00121E_'PHAGS PA YONGS SU MYA NGAN LAS 'DAS PA CHEN PO'I MDO_The Sutra entitled "Magnificent, Total Nirvana" (Ārya Mahāparinirvāṇa Sūtra).txt7,303 תוויםcharacters
222b

,RGYA GAR SKAD DU, A'ARYA MA H'A PA RI NI RG'A nA S'U TRA; BOD SKAD DU, 'PHAGS PA YONGS SU MYA NGAN LAS 'DAS PA CHEN PO'I MDO, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS KU SHA'I GRONG KHYER CHEN PO GYAD KYI NYE 'KHOR SHING S'A LA ZUNG GI TSAL NA DGE SLONG STONG NYIS BRGYA LNGA BCU'I DGE SLONG GI DGE 'DUN CHEN PO DANG

223a

, ,THABS CIG TU BZHUGS TE, DE PHYI MA'I DUS DANG NYE BAR GYUR PA NA DE'I TSE BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO; NGA YONGS SU MYA NGAN LAS 'DAS NAS LO BRGYA PHRAG DANG PO LA NI, BSTAN PA LA CHOS LA BLA MAR BYED PAR 'GYUR RO, ,NGA'I NYAN THOS RNAMS KYANG CHOS KYI KUN DGA' RA BA LA DGA' BA DANG LDAN PAR 'GYUR ZHING, SHES PA LA MKHAS PA DANG, SHES RAB DAM PA DANG LDAN PA'I RANG BZHIN CAN DU 'GYUR RO, ,KUN DGA' BO, YANG DE'I TSE NA RGYAL PO MYA NGAN MED CES BYA BA DZAMBU'I GLING GI DBANG PHYUG LA DBANG BYED PAR 'GYUR TE, DE NGA YONGS SU MYA NGAN LAS 'DAS PA'I SKU GDUNG GI RING BSREL GYI MCHOD RTEN RGYA CHER BYED PAR 'GYUR RO, ,KUN DGA' BO, NGA YONGS SU MYA NGAN LAS 'DAS NAS LO BRGYA PHRAG GNYIS PA LA NI, BSTAN PA LA RNAM PAR GROL BA'I SNYING PO CAN DU 'GYUR RO, ,NYAN THOS RNAMS KYANG NGA LA STON PAR RTOG CING STON PAR MKHAS PAR BYED PAR 'GYUR RO, ,KUN DGA' BO, NGA YONGS SU MYA NGAN LAS 'DAS NAS LO BRGYA PHRAG GSUM PA LA NI, BSTAN PA LA SGRUB PA SNYING POR BYED PAR 'GYUR RO, ,NGA'I NYAN THOS RNAMS KYANG GNYIS KA'I CHA LAS RNAM PAR GROL PAR 'GYUR BA'I LUS KYIS MNGON SUM DU BYED CING MTHONG BAR THOB PA DANG, SHES RAB KYIS

223b

RNAM PAR GROL BAR 'GYUR RO, ,KUN DGA' BO, NGA YONGS SU MYA NGAN LAS 'DAS NAS LO BRGYA PHRAG BZHI PA LA NI, BSTAN PA LA RNAM PAR DBEN PA SNYING POR BYED PAR 'GYUR RO, ,NGA'I NYAN THOS RNAMS KYANG NANG DU YANG DAG 'JOG LA DGA' BAR 'GYUR RO, ,KUN DGA' BO, NGA YONGS SU MYA NGAN LAS 'DAS NAS LO BRGYA PHRAG LNGA PA LA NI, BSTAN PA LA CHOS LA BLA MAR BYED PAR 'GYUR RO, ,NGA'I NYAN THOS RNAMS KYANG CHOS KYI KUN DGA' RA BA LA MNGON PAR DGA' BAR 'GYUR RO, ,KUN DGA' BO, NGA YONGS SU MYA NGAN LAS 'DAS NAS LO BRGYA PHRAG DRUG PA LA NI, BSTAN PA LA KLOG PA DANG, 'DON PA LA MNGON PAR DGA' BAR 'GYUR RO, ,NGA'I NYAN THOS RNAMS KYANG BRTZON 'GRUS RTZOM PAR 'GYUR RO, ,KUN DGA' BO, NGA YONGS SU MYA NGAN LAS 'DAS NAS LO BRGYA PHRAG BDUN PA LA NI, BSTAN PA LA MCHOD PA SNYING POR BYED PAR 'GYUR RO, ,LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE CHEN PO DANG, MI DANG, MI MA YIN PA RNAMS BSTAN PA LA BSNYEN BKUR BYED CING BLA MAR BYED PAR 'GYUR BA DANG, RJED PAR 'GYUR BA DANG, MCHOD PAR 'GYUR RO, ,NGA'I NYAN THOS RNAMS KYANG RNYED PA DANG, BKUR STI DANG, TSIGS SU BCAD PA LHUR LEN PAR 'GYUR RO, ,KUN DGA' BO, NGA YONGS SU MYA NGAN LAS

224a

, ,'DAS NAS LO BRGYA PHRAG BRGYAD PA LA NI BSTAN PA LA ZHAL TA BYED PAR 'GYUR RO, ,NGA'I NYAN THOS RNAMS KYANG PHAN TSUN GNOD PA BYED PAR 'GYUR ZHING, YI GE LA SEMS PAR LTA BA LA MKHAS PA DANG, MKHAN PO DANG SLOB DPON LA MA GUS PA DANG, SHES BZHIN MED PAR GNAS PAR 'GYUR BA DANG, SGYU DANG LDAN ZHING RANG NYID SKYES BU NGAN PA'I TSIG TU SMRA BA DANG, DGE 'DUN DANG MCHOD RTEN GYI NOR KHYIM NA GNAS PA DANG, RGYAL PO'I PHO BRANG DU BSDU BA BYAS NAS RNAM PAR 'JIG PAR BYED PAR 'BYUNG BAR 'GYUR RO; ;KUN DGA' BO, NGA YONGS SU MYA NGAN LAS 'DAS NAS LO BRGYA PHRAG DGU PA LA NI BSTAN PA LAS SNYING POR BYED PAR 'GYUR RO, ,NGA'I NYAN THOS RNAMS KYANG KHYIM GYI BYA BA'I LAS BYED PA LA BRTZON PAR 'GYUR RO, ,ZHING GI LAS KYI MTHA' LA DGA' BA DANG, NYO TSONG LA MNGON PAR DGA' BA DANG, 'DOD PA LA RAB TU 'JUG CING PHO NYAR GTONG BAS 'TSO BA SGRUB PAR 'GYUR PA DANG, LE LO CAN DU 'GYUR BA DANG, DE BZHIN GSHEGS PAS LEGS PAR BCAS PA'I BSLAB PA RNAMS SRUNG BAR MI 'GYUR RO, ,KUN DGA' BO, NGA YONGS SU MYA NGAN LAS 'DAS NAS LO STONG GIS NI BSTAN PA LA GTAM GYI SNYING POR BYED PAR 'GYUR RO, ,NGA'I NYAN THOS RNAMS KYANG GTAM SNA TSOGS LA MNGON PAR

224b

DGA' BA DANG LDAN PAR 'GYUR ZHING, GANG GI 'JIG RTEN LAS 'DAS PA'I SANGS RGYAS KYI GSUNG 'DI LTA STE, MDO'I SDE DANG, DBYANGS KYIS BSNYAD PA'I SDE DANG, LUNG DU BSTAN PA'I SDE DANG, TSIGS SU BCAD PA'I SDE DANG, CHED DU BRJOD PA'I SDE DANG, GLENG GZHI'I SDE DANG, RTOGS PA BRJOD PA'I SDE DANG, DE LTA BU BYUNG BA'I SDE DANG, SKYES PA RABS KYI SDE DANG, SHIN TU RGYAS PA'I SDE DANG, RMAD DU BYUNG BA'I SDE DANG, CHOS RNAM PAR GTAN LA DBAB PAR BSTAN PA'I SDE RNAMS SPANGS NAS SBYOR BA GZHAN DANG LDAN PAR GNAS PAR 'GYUR TE, 'DI LTA STE, RGYAL PO'I GTAM DANG, RKUN PO'I GTAM DANG, 'THAB MO'I GTAM DANG, ZAS KYI GTAM DANG, BTUNG BA'I GTAM DANG, GROGS KYI GTAM DANG, BDAG GI GTAM DANG, KHYAD PAR GYI GTAM DANG, GZHON NU'I GTAM DANG, GZHON NU MA'I GTAM DANG, GRONG KHYER GYI GTAM DANG, RGYA MTSO'I GTAM STE, DE LTA BU LA SOGS PA'I GTAM RNAMS LA NGES PAR DGA' BAR 'GYUR RO, ,DGE SBYONG DANG BRAM ZE RNAMS KYANG NGA'I DAM PA'I CHOS SPONG BAR BYED PAR 'GYUR RO, ,CHOS 'DUL PA 'DI LA BTANG SNYOMS SU BYED PAR 'GYUR RO, ,GANG DGE SLONG RNAMS DANG, DGE SLONG MA RNAMS DANG, DGE BSNYEN DANG, DGE BSNYEN MA RNAMS TE, DE DAG KYANG LUS MA BSGOMS PA DANG, TSUL KHRIMS MA BSGOMS PA DANG, SHES RAB MA BSGOMS PA

225a

, ,DANG, 'THAB PAR BYED PA DANG, MTSANG 'DRU ZHING RTZOD PAR SMRA BA LA BRTZON PAR BYED PAR 'GYUR RO, ,LHUNG BZED BZANG PO DANG, CHOS GOS BZANG POR 'GYUR ZHING LO BRGYAR BSRUNG BAR BYA BA'I PHYIR TSUL KHRIMS KYANG MYUR DU 'DOR BAR 'GYUR RO, ,'DI LTA STE, SDIG PA LA NGES PAR SEMS SHING 'DRES PAS SDIG PA DANG, YID MI BDE BA LA SOGS PAS DE BZHIN DU LO BRGYAR BSAGS PA'I DGE BA'I RTZA BA RNAMS KYANG MYUR DU 'JIG PAR BYED PAR 'GYUR RO, ,KUN DGA' BO, ,NGA YONGS SU MYA NGAN LAS 'DAS NAS LO STONG CHIG BRGYA NA DGE SLONG TSUL KHRIMS 'CHAL PA RNAMS 'BYUNG BAR 'GYUR BA NI, 'KHOR DANG, G-YOG MANG BAR 'GYUR RO, ,TSUL KHRIMS DANG LDAN PA RNAMS NI, 'KHOR NYUNG ZHING G-YOG NYUNG BAR 'GYUR RO, ,DE NAS TSE DANG LDAN PA KUN DGA' BO, ,SDUG BSNGAL BA DANG, YID MI BDE BAR GYUR NAS BCOM LDAN 'DAS LA 'DI SKAD CES GSOL TO, , BCOM LDAN 'DAS, CHOS 'DUL BA 'DI LA SNYING POR GYUR PA GANG LAGS, BCOM LDAN 'DAS KYIS BKA' STZAL PA, KUN DGA' BO, ,DRAN PA NYE BAR GZHAG PA BZHI DANG, YANG DAG PAR SPONG BA BZHI DANG, RDZU 'PHRUL GYI RKANG PA BZHI DANG, DBANG PO LNGA DANG, STOBS LNGA DANG, BYANG CHUB KYI YAN LAG BDUN DANG, 'PHAGS PA'I LAM YAN LAG BRGYAD PA

225b

DANG, ZHI GNAS DANG, LHAG MTHONG DANG, RNAM PAR THAR PA'I SGO GSUM STE, KUN DGA' BO, ,'DI DAG NI, CHOS 'DUL BA 'DI LA SNYING PO YIN NO, ,KUN DGA' BO, ,DGE SLONG TSUL KHRIMS 'CHAL PA RNAMS KYIS DGE SLONG TSUL KHRIMS DANG LDAN PA RNAMS LA GSHE ZHING MTSANG 'DRU BAR 'GYUR TE, DE DAG THAMS CAD NI, LUS DANG BRAL ZHING SHI BA'I 'OG TU NGAN 'GRO NGAN SONG DU RNAM PAR LHUNG NAS SDUG BSNGAL BAR GYUR RO, ,DE'I TSE GANG ZHIG KHRO BA MED PAR GYUR PA DE DAG THAMS CAD NI, BDE 'GRO RNAMS SU SKYE BAR 'GYUR RO, ,BCOM LDAN 'DAS KYIS DE SKAD CES BKA' STZAL NAS TSE DANG LDAN PA KUN DGA' BO DANG, DGE SLONG DE DAG DANG, THAMS CAD DANG LDAN PA'I 'KHOR DE DAG DANG, LHA DANG, MI DANG, LHA MA YIN DANG, NAM MKHA' LDING DANG, DRI ZAR BCAS PA'I 'JIG RTEN YI RANG STE BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA YONGS SU MYA NGAN LAS 'DAS PA CHEN PO'I MDO RDZOGS SO,, ,,RGYA GAR GYI MKHAN PO KA MA LA GUPTA DANG, ZHU CHEN GYI LO TZ'A BA DGE SLONG RIN CHEN BZANG POS BSGYUR,