, ,RGYA GAR SKAD DU, SAPTA TA TH'A GA TA STO TRA:, BOD SKAD DU, DE BZHIN GSHEGS PA BDUN GYI BSTOD PA, ,'JAM DPAL GZHON NUR GYUR PA LA PHYAG 'TSAL LO, ,'GRO BA'I BLA MA LHA MI 'JIG RTEN PHYIR MCHOD CING, , THUGS RJES GSAL ZHING GZHAN LA PHAN PA'I THAR PA STON, ,SRID GSUM CHU CHEN MTHAR PHYIN BDE 'GROR SON PA PO, ,DE BZHIN GSHEGS PA RNAM PAR GZIGS LA PHYAG 'TSAL LO, ,SRID PA'I RGYA MTSO MTHA' DANG PHA ROL MED PA 'DI, ,'JIG RTEN NUB CING 'DUG PA RAB TU GZIGS NAS KYANG, ,PHAN GDAGS PHYIR NI CHOS RNAMS STON PA GANG YIN PA, ,RGYAL BA GTZUG TOR MNGA' BA DE LA PHYAG 'TSAL LO, ,NYI ZLA DAG LAS 'DAS PA'I GZI BRJID MNGA' BA DES, ,YE SHES DANG NI SPYOD PA'I NGANG TSUL RNAMS LAS KYANG, ,RGYA MTSO'I 'JING LTAR GTING DPAG NUS PAR
, ,MI 'GYUR BA'I, ,SANGS RGYAS THAMS CAD SKYOB PA DE LA PHYAG 'TSAL LO, ,GANG GI GRAGS PA ZLA BA'I 'OD ZER 'DRA BA YIS, ,SA STENGS MTHA' DAG RAB TU BRGYAN PAR SNANG BA DANG, ,AU DU MB'A RA'I ME TOG BZHIN DU RMAD BYUNG BA, ,THUB DBANG CHEN PO LOG DANG SEL LA PHYAG 'TSAL LO, ,DRI MA MED CING RTAG TU PHAN PAR MDZAD PA DANG, ,CHAGS PA MED PA GANG GI DRI MA MED PA'I THUGS, ,RNAM PAR 'PHRO BAS MUN PA'I THIBS PO RAB BCOM ZHING, ,LHA YIS MCHOD PA'I GSER THUB DE LA PHYAG 'TSAL LO, ,BTZO MA'I GSER GYI PHUNG PO'I KHA DOG 'DRA BA YI; ,GZI BRJID 'BAR BA NYI MA STONG PAS LHAG PA MNGA', ,SKYI BO KUN GYIS PHYAG BYAS 'JIG RTEN MCHOG GYUR PA, ,'OD SRUNGS MTSAN GSOL GANG YIN DE LA PHYAG 'TSAL LO, ,NYI MA'I 'OD ZER MANG POS PAD+MA'I TSAL PHYE LTAR, ,GSUNG GI 'OD ZER MANG POS 'JIG RTEN SAD PAR MDZAD, , STON PA SH'AKYA THUB PA THUGS RJE SGRON MA CAN, ,MYA NGAN 'DAS STON GANG YIN DE LA PHYAG 'TSAL LO, ,GANG GI BYANG CHUB SKYE BA GCIG GIS THOGS GYUR CING, ,BYAMS PA ZHES BYA DGA' LDAN GNAM GYI GNAS NA BZHUGS, ,SA STENGS BDE BAR GSHEGS PAR 'GYUR BA GANG YIN PA, ,DE LA BDAG NI RTAG TU DAD PAS PHYAG 'TSAL LO, ,'DAS PA'I RGYAL BA BDUN PO DANG NI PHYIS GSHEGS PA, ,BRGYAD PA BYANG CHUB SEMS DPA' BDAG GIS BSTOD PA YIS, ,BSOD NAMS MTHA' YAS DPAG MED BDAG GIS GANG THOB PA, ,DES NI SEMS CAN RNAMS KYANG SKYON DANG BRAL GYUR CIG ,DE BZHIN GSHEGS PA BDUN GYI BSTOD PA RDZOGS SO,, ,,RGYA GAR GYI MKHAN PO PAD+MA KA RA WA RMA DANG, ZHU CHEN GYI LO TZ'A BA DGE SLONG RIN CHEN BZANG POS BSGYUR CING ZHUS TE GTAN LA PHAB PA,,