, ,RGYA GAR SKAD DU, SARBA TA TH'A GA TA STO TRAm, BOD SKAD DU, DE BZHIN GSHEGS PA THAMS CAD LA BSTOD PA, DKON MCHOG GSUM LA PHYAG 'TSAL LO; ,BSTAN PA 'GRO BA KUN GYI MCHOG GYUR CING, ,GZHAN DON RDZOGS MDZAD PA LA RNAM PAR MKHAS, ,NYON MONGS SBRUL CHEN KUN DU 'BYIN MDZAD PA'I, ,DE BZHIN GSHEGS PA KUN LA PHYAG 'TSAL 'DUD, ,ZAG BCAS BAG CHAGS THAMS CAD SPANGS GYUR CING, ,DON KUN DE NYID NGES PAR GZIGS MDZAD PA, ,SKYE DGU THAMS CAD DON LA BRTZON GYUR PA, ,DE BZHIN GSHEGS PA KUN LA PHYAG 'TSAL 'DUD, ,DAM CHOS RIN CHEN 'BYUNG GNAS SNOD GYUR CING, ,LAM MCHOG MYA NGAN 'DAS PA STON MDZAD LA, ,YID LA RE BA KUN DU RDZOGS MDZAD PA'I, , DE BZHIN GSHEGS PA KUN LA PHYAG 'TSAL 'DUD, ,'JIG RTEN RNAMS LA RJES BRTZER MNGON PAR GUS, ,BYAMS DANG THUGS RJE YONGS SU BSGOS GYUR CING, ,KUN DON SPYOD PA YONGS SU RDZOGS MDZAD PA'I, ,DE BZHIN GSHEGS PA KUN LA PHYAG 'TSAL 'DUD, ,KUN DON BSAM
, ,PA YONGS SU RDZOGS MDZAD PA'I, ,GDUL BYA'I PAD+MA 'BYED PA'I SPYAN DANG LDAN, ,RGYA CHEN SLOB MA DAM PA'I YON TAN BSKYED, ,DE BZHIN GSHEGS PA KUN LA PHYAG 'TSAL 'DUD, ,BSKAL PA MTHA' YAS TSOGS NI BSAGS GYUR CING, ,TSANGS DBANG LHA DBANG RNAMS KYIS PHYAG BYAS LA, ,SKU LA 'DOM GANG 'OD KYIS BRGYAN GYUR PA'I, ,DE BZHIN GSHEGS PA KUN LA PHYAG 'TSAL 'DUD, ,NYES PA'I RTZA BA MA LUS BCOM GYUR CING, ,YE SHES ME YIS DRI MA'I SHING BSREGS LA, ,SHES RAB DAM PA YONGS SU RDZOGS MDZAD PA'I, ,DE BZHIN GSHEGS PA KUN LA PHYAG 'TSAL 'DUD, ,NYON MONGS BAG CHAGS BCAS KUN RNAM BCOM ZHING, ,GRAGS PA CHEN PO KUN DU GRAGS GYUR LA, ,MTSAN MCHOG SUM CU GNYIS KYIS RNAM PAR BRGYAN, ,PAD+MA LTA BU'I SPYAN NI RAB RGYAS SHING, ,BTZO MA'I GSER GYI PHUNG PO 'DRA BA YI, ,DE BZHIN GSHEGS PA KUN LA PHYAG 'TSAL 'DUD, ,BSOD NAMS RGYA CHEN RMAD BYUNG 'DI YIS NI, ,BDAG NYID NYON MONGS BAG CHAGS BCAS 'BYIN CING, ,'KHOR BA'I NYON MONGS RGYA MTSO CHEN PO 'DIR, ,NUB PAR GYUR PA'I 'GRO BA 'DON PAR SHOG ,DE BZHIN GSHEGS PA THAMS CAD LA BSTOD PA RDZOGS SO,,