108 · GMLW-000014

'PHAGS PA LANGKAR GSHEGS PA RIN PO CHE'I MDO LAS, SANGS RGYAS THAMS CAD KYI GSUNG GI SNYING PO ZHES BYA BA'I LE'U + (n.a.)

ื ื•ืฉืื™-ืžื“ืฃSubjects:
MDO MANGCollection of Sutras (Sลซtra)$$
ื ื•ืฉืื™ืTopics:the Greater WayMindCyclic LifeDeep ConcentrationElementsEmpowermentHeapsNirvanaPatiencePerfectionsSufferingWisdoma Mental Afflictiona Spiritual Blockignorancethe True Naturethe Ultimate
ื ืžืฆื ื‘found inCollection of Sutras (Sลซtra)$$
ืžืกืคืจ ื˜ื•ื”ื•ืงื•Tohoku numberToh 108 · Sutra
ืžื”ื“ื•ืจื”recensionDerge
ื›ื ื™ืขื” ืœhomage toSANGS RGYAS DANG BYANG CHUB SEMS DPA' THAMS CAD
ื”ืœื•ืฆืื•ื•ื” ื”ื˜ื™ื‘ื˜ื™Tibetan lotsawaDGE SLONG 'GOS CHOS GRUB
ืคื•ืœื™ื•folios307a–462a
ืฆื•ืจื”formmixed
ืžืฆื‘ ืชืจื’ื•ืtranslationno English of the text
ื’ืฉื” ืžื™ื™ืงืœ ืœื™ืžื“ ืื•ืชื• ื‘Geshe Michael taught it inIllumination of the True Thought
ื›ื™ืกื•ื™ ื”ืžื™ืœื•ืŸ ืœื›ื•ืชืจืชdictionary coverage of the title70%
ื–'ืื ืจgenreRoot Texta chapter of a sutra โ€” the word of the Buddha; it opens 'DI SKAD BDAG GIS THOS PA
ืื ืฉื™ื ื•ืžืงื•ืžื•ืชpeople and places namedGo Chodrup · Wen Hvithe colophon: translated by LO TZ'A BA DGE SLONG 'GOS CHOS GRUB, on the royal command, together with the commentary made by RGYA'I SLOB DPON WEN HVI โ€” the Chinese master Wen Hui
ืจืžืช ืงื•ืฉื™levelintermediate
ื”ื›ื•ืชืจืช ืื•ืžืชื” ืžื•ืœ ื”ื˜ืงืกื˜title verified against the textyesthe opening line gives the title in full; there is no Sanskrit line, and that absence is itself the evidence โ€” see the note

ื”ืงื‘ืฆื™ืThe files

KL00108E_'PHAGS PA LANGKAR GSHEGS PA RIN PO CHE'I MDO LAS, SANGS RGYAS THAMS CAD KYI GSUNG GI SNYING PO ZHES BYA BA'I LE'U + (n.a.).txt/10. MDO MANG_Collection of Sutras (Sลซtra)$$/VOL 5 (CA)

ื”ื˜ืงืกื˜The text

ื˜ื™ื‘ื˜ื™ืชTibetanKL00108E_'PHAGS PA LANGKAR GSHEGS PA RIN PO CHE'I MDO LAS, SANGS RGYAS THAMS CAD KYI GSUNG GI SNYING PO ZHES BYA BA'I LE'U + (n.a.).txt355,139 ืชื•ื•ื™ืcharacters
307a

,,'PHAGS PA LANGKAR GSHEGS PA RIN PO CHE'I MDO LAS, SANGS RGYAS THAMS CAD KYI GSUNG GI SNYING PO ZHES BYA BA'I LE'U, BAM PO DANG PO, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS LHO PHYOGS RGYA MTSO'I 'GRAM LANGKA'I RI'I RTZE MO RIN PO CHE'I ME TOG SNA TSOGS KYIS BKOD PA NA, DGE SLONG GI DGE 'DUN CHEN PO DANG, BYANG CHUB SEMS DPA' SEMS DPA' CHEN PO'I TSOGS SANGS RGYAS KYI ZHING SNA TSOGS THA DAD PA NAS 'DUS PA DAG DANG THABS GCIG TU BZHUGS TE, BYANG CHUB SEMS DPA' SEMS DPA' CHEN PO DE DAG THAMS

307b

CAD KYANG TSAD MED PA'I TING NGE 'DZIN DANG, DBANG PO DANG, STOBS DANG, MNGON PAR SHES PAS RNAM PAR RTZEN PA SHA STAG LA, BYANG CHUB SEMS DPA' SEMS DPA' CHEN PO BLO GROS CHEN PO NI GTZO BOR GYUR TE, SANGS RGYAS THAMS CAD KYI PHYAG GIS SPYI BO NAS DBANG BSKUR BAS DBANG BSKUR BA, RANG GI SEMS SNANG BA'I SPYOD YUL GYI DON LA RAB TU MKHAS PA, SEMS CAN SNA TSOGS KYIS SEMS DANG, GZUGS SNA TSOGS DANG, 'DUL BA'I SGO TSAD MED PA RNAMS JI LTA BA BZHIN DU KUN TU STON PA, CHOS LNGA DANG, RANG BZHIN DANG, RNAM PAR SHES PA DANG, BDAG MED PA GNYIS RTOGS PAR KHONG DU CHUD PA'O, ,DE NAS BYANG CHUB SEMS DPA' BLO GROS CHEN PO, BYANG CHUB SEMS DPA' BLO GROS DANG, SANGS RGYAS KYI ZHING THAMS CAD DU RGYU BA DAG DANG LHAN CIG TU SANGS RGYAS KYI MTHUS STAN LAS LANGS TE, BLA GOS PHRAG PA GCIG TU GZAR NAS PUS MO G-YAS PA'I LHA NGA SA LA BTZUGS TE, THAL MO SBYAR TE PHYAG BTZAL NAS BCOM LDAN 'DAS LA TSIGS SU BCAD PA 'DI DAG GIS MNGON PAR BSTOD DO, ,'JIG RTEN SKYE 'JIG YONGS BRAL TE, ,NAM MKHA'I ME TOG RAB TU 'DRA, ,YE SHES YOD MED MI DMIGS KYANG, ,THUGS RJE CHEN PO RAB TU SKYE, ,CHOS RNAMS THAMS CAD SGYU MA BZHIN, ,SEMS DANG RNAM SHES YONGS SU SPANGS, ,YE SHES YOD MED MI DMIGS KYANG, ,THUGS

308a

, ,RJE CHEN PO RAB TU SKYE, ,RTAG DANG CHAD PA YONGS SPANGS PA, ,'JIG RTEN KHOR YUG RMI LAM 'DRA, ,YE SHES YOD MED MI DMIGS KYANG, ,THUGS RJE CHEN PO RAB TU SKYE, ,GANG ZAG CHOS LA BDAG MED DANG, ,NYON MONGS SHES BYA RAB MKHYEN CING, ,RTAG TU DAG CING MTSAN MED KYANG, ,THUGS RJE CHEN PO RAB TU SKYE, ,KUN LAS MYA NGAN MI 'DA' STE, ,MYA NGAN 'DAS SANGS RGYAS MI DMIGS, ,SANGS RGYAS MYA NGAN 'DA' MI DMIGS, ,BLO DANG RIG PAR BGYI DANG BRAL, ,YOD PA DANG NI MED PA'I PHYOGS, ,GNYIS PO DE DAG SHIN TU SPANGS, ,THUB PA ZHI BA'I RNAL 'BYOR PA, ,SKYE BA DAG NI RAB SPANGS PAS, ,DE NI LEN MI MNGA' ZHES BGYI, ,'DI DANG GZHAN DU RNAM PAR DAG ,DE NAS BYANG CHUB SEMS DPA' BLO GROS CHEN POS BCOM LDAN 'DAS LA TSIGS SU BCAD PA DE DAG GIS MNGON PAR BSTOD NAS RANG GI RIGS DANG MING BRJOD DE GSOL PA, BDAG MING BLO GROS CHEN PO STE, ,THEG CHEN KHONG DU CHUD PAR RTOGS, ,DENG 'DIR BRGYA RTZA BRGYAD KYI DON, ,BLA MA'I MCHOG LA ZHU BAR BGYI, ,'JIG RTEN MKHYEN PA'I SKYES MCHOG GIS, ,TSIGS BCAD DE NI GSAN PA DANG, ,'KHOR RNAMS LA NI RNAM GZIGS NAS, ,RGYAL SRAS RNAMS LA BKA' STZAL PA, ,KHYOD LA SOGS PA RGYAL SRAS RNAMS, ,CI DANG CI 'DOD DRIS

308b

SHIG DANG, ,SO SO RANG GI SPYOD YUL NI, ,NGAS NI KHYAD LA BSHAD PAR BYA, ,DE NAS BYANG CHUB SEMS DPA' SEMS DPA' CHEN PO BLO GROS CHEN PO BCOM LDAN 'DAS KYI ZHABS LA SPYI BOS GTUGS TE PHYAG BYAS NAS THAL MO SBYAR TE TSIGS SU BCAD PAS ZHU BA ZHUS PA, ,JI LTAR DRAN PA RNAM DAG 'GYUR, ,JI LTAR DRAN PA 'PHEL BAR 'GYUR, ,LTA RMONGS NOR BA JI LTA BU, ,NOR PA JI LTAR 'PHEL BAR 'GYUR, ,ZHING DU SPRUL RNAMS CI SLAD DU, ,MTSAN NYID DANG NI MU STEGS KYANG, ,MTSAN MED RIM PA JI LTA BU, ,CI SLAD MTSAN MA MED PAS BGYI, ,CI SLAD RGYAL BA'I SRAS ZHES BGYI, ,RNAM GROL GANG DU MCHI BAR 'GYUR, ,GANG LA 'CHING ZHING GANG DAG DGROL, ,BSAM GTAN SPYOD YUL JI LTA BA, ,CI SLAD THEG PA GSUM PO MCHIS, ,BDAG LA BSTAN CING BSHAD DU GSOL, ,RKYEN RNAMS GANG LAS SKYE BA LAGS, ,BYED DANG BYAS PA JI LTA BU, ,GNYIS KA THA DAD CI SLAD BSHAD, ,JI LTA BUR NA 'PHEL BA LAGS, ,GZUGS MED SNYOMS PAR 'JUG PA DANG, ,'GOG PA'I SNYOMS 'JUG JI LTA BU, ,'DU SHES 'GOG PA JI LTA BU, ,TING NGE 'DZIN LAS JI LTAR SAD, ,CI YI SLAD DU BYAS PA 'BYUNG, ,'GRO BA DANG NI LUS 'DZIN CI; ;JI LTAR RNAM RTOG SNANG BAR 'GYUR, ,SA RNAMS JI LTAR SKYE BAR 'GYUR, ,SRID GSUM 'JIG PA DE SU ZHIG ,GNAS NI GANG LAGS LUS NI CI, ,SKYE GNAS GANG DU BGROD PAR

309a

, ,'GYUR, ,RGYAL BA'I SRAS SU JI LTAR 'GYUR, ,MNGON PAR SHES DANG DBANG RNAMS DANG, ,TING 'DZIN RNAMS NI JI LTAR 'THOB, ,TING 'DZIN SEMS NI JI LTA BU, ,RGYAL BAS BDAG LA BSHAD DU GSOL, ,CI SLAD KUN GZHI ZHES BGYI LAGS, ,YID DANG RNAM SHES JI LTA BU, ,SKYE DANG 'JIG PA JI LTA BU, ,JI LTAR MTHONG NAS SLAR YANG LDOG ,JI LTA BUR NA RIGS SU 'GYUR, ,RIGS MA MCHIS DANG SEMS TZAM DANG, ,SGRO 'DOGS MTSAN NYID JI LTA BU, ,BDAG MED DON DU JI LTAR 'GYUR, ,SEMS CAN MA MCHIS JI LTA BU, ,KUN RDZOB BSHAD PA JI LTA BU, ,JI LTAR RTAG DANG CHAD PA YI, ,LTA BA RAB TU 'BYUNG MI 'GYUR, ,JI LTAR SANGS RGYAS MU STEGS DAG ,MTSAN NYID RNAMS KYIS 'GAL MI 'GYUR, ,JI LTAR MA 'ONGS DUS DAG NA, ,SDE BA THA DAD 'BYUNG BAR 'GYUR, ,JI LTAR STONG NYID RGYU CI YIS, ,JI LTAR SKAD CIG 'JIG PAR 'GYUR, ,MNGAL GYI SNYING POR JI LTAR SKYE, ,JI LTAR 'JIG RTEN GYIS MI G-YOS, ,JI LTAR SGYU MA RMI LAM 'DRA, ,DE BZHIN DRI ZA'I GRONG KHYER DANG, ,'JIG RTEN SMIG RGYU LTA BU DANG, ,CHU ZLA DANG NI 'OD DAG DANG, , BYANG CHUB YAN LAG CI SLAD GSUNGS, ,DE BZHIN BYANG CHUB PHYOGS RNAMS KYANG, ,YUL RNAMS CI SLAD 'KHRUG PAR 'GYUR, ,CI SLAD SRID PAR LTA BAR BGYID, ,JI LTAR SKYE 'GAG

309b

MA MCHIS SHING, ,'JIG RTEN NAM MKHA' ME TOG 'DRA, ,'JIG RTEN JI LTAR THUGS SU CHUD, ,CI SLAD YI GE BRAL BAR GSUNG, ,RNAM RTOG SPANGS PA DE SU LAGS, ,JI LTAR NAM MKHA' 'DRA BA LAGS, ,DE KHO NA LA DU ZHIG MCHIS, ,PHA ROL PHYIN SEMS RNAM PA DU, ,RGYU GANG GIS NI SA RNAMS SGROL, ,LEN MA MCHIS PAR SU ZHIG MCHI, ,BDAG MED RNAM GNYIS GANG ZHIG LAGS, ,SHES BYA JI LTAR RNAM PAR 'DAG ,YE SHES DAG NI RNAM PA DU, ,TSUL KHRIMS SEMS CAN NYID NI DU, ,NOR BU MU TSIG LA SOGS PA'I, ,RIGS RNAMS SU YIS RAB TU BSKYED, ,SEMS CAN RNAM PA SNA TSOGS DANG, ,BRJOD PA DAG NI SU YIS BSKYED, ,RIGS PA'I GNAS DANG BZO YI RNAMS, ,SU YIS JI LTAR RAB TU BSTAN, ,TSIGS SU BCAD PA RNAM PA DU, ,TSIG BCAD RING THUNG JI LTA BU, ,RIGS PA RNAM PA DU ZHIG MCHIS, ,CI YI SLAD DU SMRA ZHES BGYI, ,SKOM DANG ZAS RNAMS JI LTAR 'BYUNG, ,JI LTAR SRED PA'I 'DOD PA 'BYUNG, ,CI SLAD RGYAL PO ZHES BGYI LAGS, ,'KHOR LOS BSGYUR DANG RGYAL PHRAN CI, ,YUL NI JI LTAR BSRUNG BAR BGYI, ,LHA YI RIS LA RNAM PA DU; ;CI YI SLAD DU SA ZHES BGYI, ,GZA' SKAR NYI ZLA JI LTA BU, ,THAR PA DANG NI RNAL 'BYOR PA, ,DE DAG RNAM PA DU ZHIG MCHIS, ,SLOB MA RNAM PA DU ZHIG MCHIS, ,SLOB DPON

310a

, ,DU YANG JI LTAR 'GYUR, ,SANGS RGYAS RNAM PA DU ZHIG LAGS, ,SKYES PA'I RABS LA RNAM PA DU, ,BDUD DANG SLOB PA'I BYE BRAG RNAMS, ,DE DAG LA NI RNAM PA DU, ,RANG BZHIN DANG NI SEMS RNAMS KYANG, ,DE DAG LA NI DU ZHIG MCHIS, ,BTAGS PA TZAM YANG JI LTA BU, ,RGYAL BAS BDAG LA BSHAD DU GSOL, ,NAM MKHA' SPRIN RLUNG JI LTA BU, ,DRAN DANG YID GZHUNGS GSAL BA CI, ,NAGS TSAL SHING NI JI LTA BU, ,'KHRI SHING DAG NI CI LAS GYUR, ,GLANG PO RTA DANG RI DVAGS RNAMS, ,JI LTAR GZUNG DU RUNG BAR 'GYUR, ,NGAN PA'I RNAMS JI LTA BU, ,RGYU GANG GIS NI NGAN PAR 'GYUR, ,TSIG DRUG GIS NI JI LTAR BSDUS, ,'DOD CHEN PAR YANG JI LTAR 'GYUR, ,SKYES PA BDU MED MA NING RNAMS, ,DE DAG THAMS CAD CI SLAD 'BYUNG, ,RNAL 'BYOR LAS NI JI LTAR LDOG ,RNAL 'BYOR JI LTAR SKYE BAR 'GYUR, ,RNAL 'BYOR PAS NI CHOS GANG GIS, ,CI 'DRA'I GANG ZAG RNAM PAR 'JOG ,SEMS CAN 'GRO BAR SKYE BA RNAMS, MTSAN NYID MTSAN MA'I RNAM PA CI, ,PHYUG POR GYUR PA JI LTA BU, ,RGYU GANG GIS NI PHYUG POR 'GYUR, ,SH'AKYA'I RIGS NI JI LTA BU, ,CI YI RGYU YIS SH'AKYA BYUNG, ,BU RAM SHING PA JI LTAR BYUNG, ,BLA MED GTZO BOS BSHAD DU GSOL, ,YUN RING DKA' THUB DRANG SRONG GANG, ,DES NI JI LTAR RJES SU STON,,

310b

DE BZHIN GSHEGS PA ZHING RNAMS SU, ,MTSAN DANG DE BZHIN GZUGS SNA TSOGS, ,RGYAL BA'I SRAS KYIS BSKOR BA YANG, ,CI YI SLAD DU KUN NA GDA', ,CI SLAD SHA RNAMS GSOL MI MDZAD, ,CI SLAD SHA NI RAB TU BKAG ,SHA ZA'I RIGS SU SKYES PA RNAMS, ,RGYU GANG GIS NI SHA 'TSAL LAGS, ,NYI ZLA'I DBYIBS SHING JI LTA BU, ,RI RAB PADMA 'DRA BA DANG,, SENG GE MTSAN MCHOG ZHING DAG DANG, ,'JIG RTEN GZUR GNAS SPYI'U TSUGS DANG, ,DBANG PO'I DRA BA 'DRA BA DANG, ,KHA CIG RIN CHEN KUN GYI ZHING, ,DGU PO RGYUD MANG RNGA 'DRA DANG; ;ME TOG SNA TSOGS DBYIBS 'DRA DANG, ,KHA CIG NYI ZLA'I 'OD DANG BRAL, ,'DRI LA SOGS PA TSAD MA MCHIS, ,SBRUL PA'I SANGS RGYAS JI LTA BU, ,RNAM SMIN LAS BYUNG SANGS RGYAS DANG, ,DE BZHIN NYID KYI SANGS RGYAS CI, ,YE SHES SANGS RGYAS JI LTA BU, ,CI SLAD 'DOD PA'I KHAMS RNAMS SU, ,MNGON PAR RDZOGS PAR 'TSANG MI RGYA, ,CI YI SLAD DU 'OG MIN PA; ;CHAGS BRAL KHROD DU BYANG CHUB BRNYES, ,BDE GSHEGS MYA NGAN 'DAS NAS NI, ,YANG DAG BSTAN PA SU ZHIG 'DZIN, ,LHA YI STON PA JI SRID BZHUGS, ,YANG DAG CHOS NI JI SRID GNAS, ,GRUB MTHA' DANG NI LTA PA YANG, ,DE DAG LA NI RNAM PA DU, ,'DUL BA DANG NI DGE SLONG RIS, ,CI SLAD RGYU DANG RKYEN NI GANG, ,RGYAL BA'I SRAS NI DE DAG DANG, ,RANG RGYAL

311a

, ,DANG NI NYAN THOS DAG, ,RGYU GANG GIS NA 'GYUR BRGYAR 'GYUR, ,RGYU GANG GIS NI SNANG MED BRGYA, ,'JIG RTEN MNGON SHES JI LTA BU, ,'JIG RTEN 'DAS KYI'ANG JI LTA BU, ,SEMS NI SA RNAMS BDUN POR YANG, ,JI LTAR CI SLAD BDAG LA GSUNGS, ,DGE 'DUN LA NI RNAM PA DU, ,JI LTAR DGE 'DUN DBEN DU 'GYUR, ,SEMS CAN GSO BA'I BSTAN BCOS RNAMS, ,DE DAG RGYU RKYEN GANG GIS LAGS, ,CI SLAD THUB PA CHEN PO YIS, ,'OD SRUNG 'KHOR BA 'JIG DANG NI, ,GSER THUB KYANG NI NGA YIN ZHES, ,DE SKAD DU NI BKA' YANG STZAL, ,CI SLAD RTAG DANG CHAD PA DANG, ,DE BZHIN BDAG DANG BDAG MED GSUNGS, ,CI SLAD DU NI THAMS CAD DU, ,YANG DAG DON NI GSUNG MI MDZAD, ,SEMS CAN DAG GI SLAD DU YANG, ,SEMS TZAM DU NI DBYE BA MDZAD, ,CI SLAD SKYES BU NA CHUNG TSAL, ,AA RU RA DANG SKYU RU RA, ,KE LA SA DANG KHOR YUG RI, ,RDO RJE LA SOGS RI BO RNAMS, , RIN CHEN SNA TSOGS RAB BRGYAN CING, ,DRANG SRONG DRI ZAS KUN GANG BA, ,JI LTAR CI SLAD BDAG LA GSUNGS, ,BLA MED 'JIG RTEN MKHYEN PA YIS, ,THEG CHEN SGROL BA'I SGO RNAMS DANG,, SANGS RGYAS KUN GYI SNYING PO MCHOG ,DE YI TSIGS BCAD GSAN PA DANG, ,LEGS SO DRIS PA RAB TU LEGS, ,BLO GROS CHEN PO LEGS PAR NYON, ,NGAS NI DER 'DIR RIM

311b

BZHIN DU, ,KHYOD KYIS GANG DRIS BSHAD PAR BYA, ,SKYE DANG SKYE BA MED PA DANG, ,MYA NGAN 'DAS STONG SKAD CIG MA, ,RANG BZHIN MED LA 'JUG PAR 'GYUR, ,SANGS RGYAS PHA ROL PHYIN RNAMS DANG; ;RGYAL SRAS DANG NI NYAN THOS DANG, ,RANG RGYAL MU STEGS CAN RNAMS DANG, ,GZUGS MED PA YI SPYOD RNAMS DANG, ,DE BZHIN DNGOS PO SNA TSOGS RNAMS, ,RI RAB MTSO BRAN RI RNAMS DANG, ,GLING DANG ZHING DANG SA RNAMS DANG, ,GZA' SKAR NYI MA ZLA BA DANG, ,MU STEGS LHA DANG LHA MA YIN, ,RNAM THAR DBANG DANG MNGON SHES DANG, ,STOBS DANG BSAM GTAN TING NGE 'DZIN, ,'GOG DANG RDZU 'PHRUL RKANG PA DANG, ,BYANG CHUB YAN LAG LAM GYI PHYOGS, ,BSAM GTAN RNAMS DANG TSAD MED DANG, ,PHUNG PO LUS RNAMS 'GRO 'ONG DANG, ,SNYOMS PAR 'JUG DANG 'GOG PA DANG, ,TING 'DZIN LDANG SEMS BSHAD PA DANG, ,SEMS DANG YID DANG RNAM SHES DANG, ,BDAG MED PA DANG CHOS LNGA DANG, ,RANG BZHIN RTOG DANG BRTAG PA DANG; ;SNANG DANG LTA BA GNYIS PO DANG, ,THEG PA DANG NI RIGS RNAMS DANG, ,GSER DNGUL NOR BU LA SOGS DANG, ,'DOD CHEN PA DANG 'BYUNG CHEN DANG, ,DKRUGS MA DAG DANG SANGS RGYAS GCIG ,SHES DANG SHES BYA 'JUG THOB DANG, ,SEMS CAN SRID DANG MI SRID DANG, ,GLANG PO RTA DANG RI DVAGS RNAMS, ,CI YI PHYIR NA GZUNG DU RUNG, ,DPE DANG RGYU DANG GRUB

312a

, ,MTHA' DANG, ,BYED PA DANG NI BYAS PA RNAMS, ,NAGS TSAL NANG LA MNGON SHES DANG, ,SEMS CAN DE NI SNANG BA MED, ,SA RNAMS RIM GYIS 'PHO BA MED,, 'GYUR BA BRGYA PO SNANG MED BRGYA, ,GSO BA'I BSTAN BCOS BZO RNAMS DANG, ,SGYU RTZAL DANG NI RIG PA'I GNAS, ,RI BO RI RAB SA DAG DANG, ,RGYA MTSO NYI MA ZLA BA'I TSAD, ,SEMS CAN RAB 'BRING THA MA YI, ,LUS LA RDUL NI DU ZHIG YOD, ,ZHING DANG ZHING LA RDUL DU ZHIG ,GZHU DANG GZHU LA JI SNYED YOD, ,KHRU DANG GOM PA RGYANG GRAGS DANG, ,DPAG TSAD PHYED DANG DPAG TSAD LA, ,RI BONG NYI ZER SA MA DANG, ,LUG GI DANG NI NAS KYANG DU, ,BRE GANG LA NI NAS 'BRU DU, ,BRE PHYED LA YANG NAS 'BRU DU, ,BRE BO GANG DANG BCU DAG LA, ,GRANGS 'BUM DANG NI BYE BA DANG, ,DE BZHIN DU NI SHU RDOG LA, ,DE DAG GRANGS NI DU ZHIG YOD, ,RDUL PHRAN DAG NI DU ZHIG YOD, ,RDUL PHRAN DAG NI DU ZHIG LA, ,YUNGS KAR 'BRU NI GCIG TU 'GYUR, ,YUNGS KAR 'BRU NI DU ZHIG GIS, ,'OL MA SE NI GCIG TU 'GYUR, ,'OL MA SE NI DU ZHIG LA, ,MA SHA 'BRU NI GCIG TU 'GYUR, ,MA SHA DU LA NAM NI GCIG ,NAM DU LA NI SRANG DU 'GYUR, ,SPANG GCIG LA YANG ZHO DU YOD, ,RTZIS KYI RTZIS MGO 'DI LTA BUR, ,RI RAB SRANG NI DU YOD CES, ,'DI LA SOGS PA'I DRI BA'I RIGS, ,CI YI PHYIR NA DNGOS GZHAN 'DRI, ,NYAN THOS

312b

THOS DANG NI RANG RGYAL DANG, ,SANGS RGYAS RNAMS DANG RGYAL SRAS KYI, ,SKU LA RDUL PHRAN DU YOD CES, ,DE SKAD CI'I PHYIR 'DRI MI BYED, ,ME LCE LA NI RDUL PHRAN DU, ,RLUNG LA YANG NI RDUL PHRAN DU,, DBANG PO GCIG CING RDUL PHRAN DU, ,SMIN MA SPU YI BU GA DU, ,NOR SRUNG DBANG PHYUG RGYAL PO DANG, ,'KHOR LOS BSGYUR BA'I RGYAL PO YANG, ,RGYAL SRID DAG NI JI LTAR BSRUNG, ,DE DAG JI LTAR THAR BAR 'GYUR, ,TSIGS BCAD RKYANG PA JI LTAR SMRA, ,KHYOD KYIS JI LTAR ZHUS PA BZHIN, ,SEMS CAN 'KHRIG PA SNA TSOGS DANG, ,ZAS SKOM RNAM PA MANG PO DANG, ,JI LTAR SKYES BU NA CHUNG TSAL, ,RDO RJE LTA BUR SRA BA'I RI, ,JI LTAR SGYU MA RMI LAM 'DRA, ,RI DVAGS SKOM GYIS GDUNGS PA LTAR, ,JI LTAR RI BO DRANG SRONG LTA, ,DRI ZAS RAB TU BRGYAN PA DANG,, GROL BA GANG DU 'GRO BAR 'GYUR, ,BCINGS PA SU ZHIG GANG GIS 'GROL, ,BSAM GTAN PA YI YUL NI GANG, ,SPRUL PA DANG NI MU STEGS KYANG, ,CI PHYIR MED PA'I RGYU LAS BYED, , CI'I PHYIR YOD PA'I RGYU LAS BYED, ,YOD MED RGYU LAS BYED PA DANG, ,DE BZHIN YOD MED MIN PA'I RGYU, ,SNANG BA LAS NI JI LTAR LDOG ,RTOG GE JI LTAR YONGS SU 'DAG ,RTOG GE JI LTAR 'JUG PAR 'GYUR, ,BYED PA CI YIS 'JUG PAR 'GYUR, ,JI LTAR 'DU SHES GCAD PAR BYA, ,JI LTAR TING NGE 'DZIN LAS LDANG, ,SRID GSUM BCOM PA DE SU ZHIG ,GNAS

313a

, ,GANG DE YI LUS KYANG CI, ,CI PHYIR SEMS CAN MED BZHIN DU, ,BDAG YOD PAR NI RJOD PAR BYED, ,KUN RDZOB BSTAN PA JI LTA BU, ,RGYA CHER RAB TU DBYER GSOL ZHES, ,MTSAN NYID 'DRI BA CI YI PHYIR, ,BDAG MED 'DRI BA JI LTA BU, ,JI LTAR MNGAL GYI SNYING POR SKYE, ,LUS NI THA DAD SNA TSOGS DANG, ,RTAG CHAD LTA BA JI LTA BU, , JI LTAR SEMS NI MNYAM PAR 'JOG ,BRJOD DANG DE BZHIN YE SHES DANG, ,TSUL KHRIMS RIGS DANG RGYAL BA'I SRAS, ,RIGS PA DANG NI SMRA BA'ANG CI, ,SLOB DPON SLOB MA JI LTA BU, ,SEMS CAN RNAM PA SNA TSOGS DANG, ,'DI LA SOGS PA JI LTA BU, ,ZAS DANG SKOM NI JI LTA BU, ,YID GZHUNGS BDUD DANG BTAGS PA TZAM, ,SHING DANG 'KHRI SHING CI PHYIR ZHES, ,RGYAL BA'I SRAS KYIS DRI BA'I RIGS, ,ZHING RNAMS SNA TSOGS CI YI PHYIR, ,DRANG SRONG YUN RING DKA' THUB DANG, ,RIGS ZHES BYA BA JI LTA BU, ,BLA MA GANG LAS BSLAB PA BLANG, ,CI YI PHYIR NA MI DAG NGAN, ,CI YI PHYIR NA RNAL 'BYOR PA, ,'DOD PA'I KHAMS SU 'TSANG MI RGYA, ,'OG MIN DU NI GRUB PA'I MTHA', ,CI PHYIR MNGON SHES 'JIG RTEN PA, ,CI PHYIR DGE SLONG ZHES NI BRJOD, ,SPRUL PA'I SANGS RGYAS JI LTA BU, ,RNAM SMIN SANGS RGYAS JI LTA BU, ,DE BZHIN NYID KYI SANGS RGYAS GANG, ,MNYAM NYID YE

313b

SHES SANGS RGYAS DANG, ,DGE 'DUN RNAMS KYANG JI LTA BU, ,RGYAL SRAS DE BZHIN DRI BA'I RIGS, ,DGU BO RGYUD MANG ME TOG RNGA, ,ZHING DANG SNANG BA SPANGS PA DANG, ,SEMS TZAM SA NI BDUN PO DAG ,DRIS PA RNAMS NI YANG DAG NYID, ,'DI DANG GZHAN YANG RAB MANG BA'I, ,DRI BA DAG NI RGYAL SRAS DRIS, ,RE RE MTSAN NYID RAB LDAN ZHING, ,LTA BA'I NYES PA RNAM SPANGS PA, ,GRUB MTHA'I BRJOD DANG BRAL BA STE, ,NGAS NI DA 'DIR BSTAN PAR BYA, ,GO RIMS RNAM PAR BZHAG PA'I TSIG ,RGYAL BA'I SRAS KYIS LEGS PAR NYON, ,TSIG BRGYA RTZA BRGYAD 'DI DAG NI, ,SANGS RGYAS RNAMS KYIS GSUNGS BZHIN BSHAD, ,DE NAS BYANG CHUB SEMS DPA' SEMS DPA' CHEN PO BLO GROS CHEN POS BCOM LDAN 'DAS LA 'DI SKAD CES GSOL TO, ,BCOM LDAN 'DAS TSIG BRGYA RTZA BRGYAD PO DAG GANG LAGS, BCOM LDAN 'DAS KYIS BKA' STZAL PA, SKYE BA'I TSIG DANG, MI SKYE BA'I TSIG DANG, RTAG PA'I TSIG DANG; MI RTAG PA'I TSIG DANG, MTSAN NYID KYI TSIG DANG, MTSAN NYID MED PA'I TSIG DANG, GNAS PA GZHAN DU 'GYUR BA'I TSIG DANG, GNAS PA GZHAN DU 'GYUR BA MA YIN PA'I TSIG DANG, SKAD CIG PA'I TSIG DANG, SKAD CIG MA YIN PA'I TSIG DANG, RANG BZHIN GYI TSIG DANG, RANG BZHIN DANG BRAL BA'I TSIG DANG, STONG PA NYID KYI TSIG DANG, STONG PA NYID

314a

, ,MA YIN PA'I TSIG DANG, CHAD PA'I TSIG DANG, CHAD PA MA YIN PA'I TSIG DANG, SEMS KYI TSIG DANG, SEMS MA YIN PA'I TSIG DANG, MTHA'I TSIG DANG; MTHA' MA YIN PA'I TSIG DANG, DBU MA'I TSIG DANG, DBU MA MA YIN PA'I TSIG DANG, THER ZUG GI TSIG DANG, THER ZUG MA YIN PA'I TSIG DANG, RKYEN GYI TSIG DANG, RKYEN MA YIN PA'I TSIG DANG, RGYU'I TSIG DANG, RGYU MA YIN PA'I TSIG DANG, NYON MONGS PA'I TSIG DANG, NYON MONGS PA MA YIN PA'I TSIG DANG, SRED PA'I TSIG DANG, SRED PA MA YIN PA'I TSIG DANG, THABS KYI TSIG DANG, THABS MA YIN PA'I TSIG DANG, MKHAS PA'I TSIG DANG, MKHAS PA MA YIN PA'I TSIG DANG, DAG PA'I TSIG DANG, DAG PA MA YIN PA'I TSIG DANG, RIGS PA'I TSIG DANG, RIGS PA MA YIN PA'I TSIG DANG, DPE'I TSIG DANG, DPE MA YIN PA'I TSIG DANG, SLOB MA'I TSIG DANG, SLOB MA MA YIN PA'I TSIG DANG, BLA MA'I TSIG DANG, BLA MA MA YIN PA'I TSIG DANG, RIGS KYI TSIG DANG, RIGS MA YIN PA'I TSIG DANG, THEG PA GSUM GYI TSIG DANG, THEG PA GSUM MA YIN PA'I TSIG DANG, SRID PA'I TSIG DANG, SRID PA MA YIN PA'I TSIG DANG, SMON PA'I TSIG DANG, SMON PA MA YIN PA'I TSIG DANG, 'KHOR LO GSUM GYI TSIG DANG, 'KHOR LO GSUM MA YIN

314b

PA'I TSIG DANG, MTSAN MA'I TSIG DANG, MTSAN MA MA YIN PA'I TSIG DANG, YOD PA'I PHYOGS KYI TSIG DANG, ,YOD PA'I PHYOGS MA YIN PA'I TSIG DANG, GNYIS KA'I TSIG DANG, GNYIS KA MA YIN PA'I TSIG DANG, SO SO RANG GI 'PHAGS PA'I YE SHES LA DMIGS PA MTHONG BA'I CHOS LA BDE BAR GNAS PA'I TSIG DANG, MTHONG BA'I CHOS LA BDE BAR GNAS PA MA YIN PA'I TSIG DANG, ZHING GI TSIG DANG, ZHING MA YIN PA'I TSIG DANG, RDUL GYI TSIG DANG, RDUL MA YIN PA'I TSIG DANG, CHU'I TSIG DANG, CHU MA YIN PA'I TSIG DANG, GZHU'I TSIG DANG, GZHU MA YIN PA'I TSIG DANG, YANG DAG PA'I TSIG DANG, YANG DAG PA MA YIN PA'I TSIG DANG, GRANGS KYI TSIG DANG, GRANGS MA YIN PA'I TSIG DANG, RTZIS KYI TSIG DANG, RTZIS MA YIN PA'I TSIG DANG, MNGON PAR GSAL BA'I TSIG DANG, MNGON PAR GSAL BA MA YIN PA'I TSIG DANG, NAM MKHA'I TSIG DANG, NAM MKHA' MA YIN PA'I TSIG DANG, SPRIN GYI TSIG DANG; SPRIN MA YIN PA'I TSIG DANG, BZO DANG SGYU RTZAL DANG RIG PA'I GNAS KYI TSIG DANG, BZO DANG SGYU RTZAL DANG RIG PA'I GNAS MA YIN PA'I TSIG DANG, RLUNG GI TSIG DANG, RLUNG MA YIN PA'I TSIG DANG, SA'I TSIG DANG, SA MA YIN PA'I TSIG DANG, SEMS KYI TSIG DANG, SEMS MA YIN PA'I TSIG DANG, GDAGS PA'I TSIG DANG, GDAGS PA MA YIN PA'I TSIG DANG,

315a

, ,RANG BZHIN GYI TSIG DANG, RANG BZHIN MA YIN PA'I TSIG DANG, PHUNG PO'I TSIG DANG, PHUNG PO MA YIN PA'I TSIG DANG, SEMS CAN GYI TSIG DANG, SEMS CAN MA YIN PA'I TSIG DANG, BLO'I TSIG DANG, BLO MA YIN PA'I TSIG DANG, MYA NGAN LAS 'DAS PA'I TSIG DANG, MYA NGAN LAS 'DAS PA MA YIN PA'I TSIG DANG, SHES BYA'I TSIG DANG, SHES BYA MA YIN PA'I TSIG DANG, MU STEGS CAN GYI TSIG DANG, MU STEGS CAN MA YIN PA'I TSIG DANG, KHRAG KHRUG GI TSIG DANG, KHRAG KHRUG MA YIN PA'I TSIG DANG; SGYU MA'I TSIG DANG, SGYU MA MA YIN PA'I TSIG DANG, RMI LAM GYI TSIG DANG, RMI LAM MA YIN PA'I TSIG DANG, SMIG RGYU'I TSIG DANG, SMIG RGYU MA YIN PA'I TSIG DANG, GZUGS BRNYAN GYI TSIG DANG, GZUGS BRNYAN MA YIN PA'I TSIG DANG, 'KHOR LO'I TSIG DANG, 'KHOR LO MA YIN PA'I TSIG DANG, DRI ZA'I TSIG DANG, DRI ZA MA YIN PA'I TSIG DANG, LHA'I TSIG DANG, LHA MA YIN PA'I TSIG DANG, ZAS SKOM GYI TSIG DANG, ZAS SKOM MA YIN PA'I TSIG DANG, 'KHRIG PA'I TSIG DANG, 'KHRIG PA MA YIN PA'I TSIG DANG, LTA BA'I TSIG DANG; LTA BA MA YIN PA'I TSIG DANG, PHA ROL TU PHYIN PA'I TSIG DANG, PHA ROL TU PHYIN PA MA YIN PA'I TSIG DANG, TSUL KHRIMS KYI TSIG DANG, TSUL KHRIMS MA YIN PA'I TSIG

315b

DANG; NYI ZLA SKAR MA'I TSIG DANG, NYI ZLA SKAR MA MA YIN PA'I TSIG DANG, BDEN PA'I TSIG DANG, BDEN PA MA YIN PA'I TSIG DANG, 'BRAS BU'I TSIG DANG, 'BRAS BU MA YIN PA'I TSIG DANG, 'GOG PA LAS LDANG BA'I TSIG DANG, 'GOG PA LAS LDANG BA MA YIN PA'I TSIG DANG, GSO BA'I TSIG DANG, GSO BA MA YIN PA'I TSIG DANG, MTSAN NYID KYI TSIG DANG, MTSAN NYID MA YIN PA'I TSIG DANG, YAN LAG GI TSIG DANG, YAN LAG MA YIN PA'I TSIG DANG, RIG PA'I GNAS LA MKHAS PA'I TSIG DANG, RIG PA'I GNAS LA MKHAS PA MA YIN PA'I TSIG DANG, BSAM GTAN GYI TSIG DANG, BSAM GTAN MA YIN PA'I TSIG DANG, NOR BA'I TSIG DANG, NOR BA MA YIN PA'I TSIG DANG, SNANG BA'I TSIG DANG, SNANG BA MA YIN PA'I TSIG DANG, BSRUNG BA'I TSIG DANG, BSRUNG BA MA YIN PA'I TSIG DANG, RUS KYI TSIG DANG, RUS MA YIN PA'I TSIG DANG, DRANG SRONG GI TSIG DANG, DRANG SRONG MA YIN PA'I TSIG DANG, RGYAL PO'I TSIG DANG, RGYAL PO MA YIN PA'I TSIG DANG, YONGS SU GZUNG BA'I TSIG DANG, YONGS SU GZUNG BA MA YIN PA'I TSIG DANG, RIN PO CHE'I TSIG DANG, RIN PO CHE MA YIN PA'I TSIG DANG, LUNG BSTAN PA'I TSIG DANG, LUNG BSTAN PA MA YIN PA'I TSIG DANG, 'DOD CHEN PA'I TSIG DANG, 'DOD CHEN PA MA YIN PA'I TSIG DANG, PHO MO DANG MA

316a

, ,NING GI TSIG DANG, PHO MO DANG MA NING MA YIN PA'I TSIG DANG, BRO BA'I TSIG DANG, BRO BA MA YIN PA'I TSIG DANG, DNGOS PO'I TSIG DANG, DNGOS PO MA YIN PA'I TSIG DANG, LUS KYI TSIG DANG, LUS MA YIN PA'I TSIG DANG, RTOG GE'I TSIG DANG, RTOG GE MA YIN PA'I TSIG DANG, G-YO BA'I TSIG DANG, G-YO BA MA YIN PA'I TSIG DANG, DBANG PO'I TSIG DANG, DBANG PO MA YIN PA'I TSIG DANG, 'DUS BYAS KYI TSIG DANG, 'DUS BYAS MA YIN PA'I TSIG DANG, 'DUS MA BYAS KYI TSIG DANG, 'DUS MA BYAS MA YIN PA'I TSIG DANG, RGYU DANG 'BRAS BU'I TSIG DANG, RGYU DANG 'BRAS BU MA YIN PA'I TSIG DANG, 'OG MIN GYI TSIG DANG, 'OG MIN MA YIN PA'I TSIG DANG, DUS TSIGS KYI TSIG DANG, DUS TSIGS MA YIN PA'I TSIG DANG, SHING DANG SHING GEL PA DANG 'KHRI SHING GI TSIG DANG, SHING DANG SHING GEL PA DANG 'KHRI SHING MA YIN PA'I TSIG DANG, SNA TSOGS KYI TSIG DANG, SNA TSOGS MA YIN PA'I TSIG DANG, BSTAN PAS GZUNG BA'I TSIG DANG, BSTAN PAS GZUNG BA MA YIN PA'I TSIG DANG, 'DUL BA'I TSIG DANG, 'DUL BA MA YIN PA'I TSIG DANG, DGE SLONG GI TSIG DANG, DGE SLONG MA YIN PA'I TSIG DANG, GNAS KYI TSIG DANG, GNAS MA YIN PA'I TSIG DANG, YI GE'I TSIG DANG, YI GE MA YIN

316b

PA'I TSIG STE, BLO GROS CHEN PO TSIG BRGYA RTZA BRGYAD PO 'DI DAG NI SNGON GYI SANGS RGYAS RNAMS KYIS BRJOD PA YIN TE, KHYOD DANG BYANG CHUB SEMS DPA' SEMS DPA' CHEN PO RNAMS KYIS BSLAB PAR BYA'O, ,DE NAS BYANG CHUB SEMS DPA' SEMS DPA' CHEN PO BLO GROS CHEN POS BCOM LDAN 'DAS LA 'DI SKAD CES GSOL TO, ,BCOM LDAN 'DAS, RNAM PAR SHES PA RNAMS KYI SKYE BA DANG, GNAS PA DANG, 'GAG PA RNAM PA DU MCHIS, BCOM LDAN 'DAS KYIS BKA' STZAL PA, BLO GROS CHEN PO, RNAM PAR SHES PA RNAMS KYI SKYE BA DANG, GNAS PA DANG; 'GAG PA LA RNAM PA GNYIS GNYIS YOD DE, RTOG GE PA RNAMS KYIS SHES PAR BYA BA MA YIN NO, ,RNAM PAR SHES PA RNAMS KYI SKYE BA'ANG RNAM PA GNYIS TE, 'DI LTA STE, RGYUN SKYE BA DANG, MTSAN NYID SKYE BA'O, ,GNAS PA'ANG RNAM PA GNYIS TE, 'DI LTA STE, RGYUN GNAS PA DANG, MTSAN NYID GNAS PA'O, ,'GAG PA'ANG RNAM PA GNYIS TE, 'DI LTA STE, RGYUN 'GAG PA DANG, MTSAN NYID 'GAG PA'O, ,DE LA RNAM PAR SHES PA RNAMS KYI MTSAN NYID NI RNAM PA GSUM STE, 'DI LTA STE, 'JUG PA'I MTSAN NYID DANG, LAS KYI MTSAN NYID DANG, YANG DAG PA'I MTSAN NYID DO, ,BLO GROS CHEN PO, MDOR BSDUN NI RNAM PAR SHES PA GSUM YOD DO, ,RGYAS PAR BSHAD NA NI MTSAN NYID RNAM PA BRGYAD YOD

317a

, ,DE; RNAM PA GSUM PO DAG GANG ZHE NA, 'DI LTA STE, YANG DAG PA'I RNAM PAR SHES PA DANG, SNANG BA'I RNAM PAR SHES PA DANG, DNGOS PO SO SOR RNAM PAR RTOG PA'I RNAM PAR SHES PA'O, ,BLO GROS CHEN PO, DPER NA, ME LONG RAB TU GSAL BAS GZUGS BRNYAN RNAMS 'DZIN PAR BYED PA DE BZHIN DU SNANG BA'I RNAM PAR SHES PA SNANG BA'ANG DE BZHIN NO, ,BLO GROS CHEN PO, SNANG BA'I RNAM PAR SHES PA DANG, DNGOS PO SO SOR RNAM PAR RTOG PA'I RNAM PAR SHES PA DE GNYIS NI 'JIG PA DANG, MI 'JIG PA'I MTSAN NYID DE, GCIG GI RGYU GCIG GO ,BLO GROS CHEN PO, BSAM GYIS MI KHYAB PA'I BAG CHAGS YONGS SU BSGOS PA DANG, BSAM GYIS MI KHYAB PA'I YONGS SU 'GYUR BA NI SNANG BA'I RNAM PAR SHES PA'I RGYU'O, ,BLO GROS CHEN PO, YUL SNA TSOGS LEN PA DANG, THOG MA MED PA'I DUS KYI RNAM PAR RTOG PAS YONGS SU BSGOS PA NI DNGOS PO SO SOR RNAM PAR RTOG PA'I RNAM PAR SHES PA'I RGYU'O, ,BLO GROS CHEN PO, YANG DAG PA'I RNAM PAR SHES PA DE LA SGRIB PAR BYED PA YANG DAG PA MA YIN PA SNA TSOGS DANG, SPROS PA RNAMS 'GAGS PAS DBANG PO'I RNAM PAR SHES PA THAMS CAD 'GAG PAR 'GYUR TE, BLO GROS CHEN PO, 'DI NI MTSAN NYID 'GAG PA ZHES

317b

BYA'O; ;BLO GROS CHEN PO, DE LA RGYUN 'GAG PA NI MTSAMS SBYOR BA'I RGYU 'GAG PA NA RGYUN 'GAG PAR 'GYUR TE, GANG LAS 'BYUNG BA 'GAGS PA DANG, GANG LA DMIGS PAR BYA BA 'GAGS NA DES RGYUN 'GAG PAR 'GYUR RO, ,BLO GROS CHEN PO, DE CI'I PHYIR ZHE NA, DE'I GNAS YIN PA'I PHYIR RO, ,DE LA GNAS ZHES BYA BA NI THOG MA MED PA'I DUS KYI RNAM PAR RTOGS PAS YONGS SU BSGOS PA'O, ,DMIGS PA ZHES BYA BA NI 'DI LTA STE, RANG GI SEMS SNANG BA LA RNAM PAR SHES PA'I YUL DU RNAM PAR RTOG PA'O, ,BLO GROS CHEN PO, DPER NA; 'JIM PA'I GONG BU DANG, RDUL PHRA RAB NI THA DAD PA'ANG MA YIN, THA MI DAD PA'ANG MA YIN NO, ,GSER DANG RGYAN YANG DE BZHIN TE, BLO GROS CHEN PO, GAL TE 'JIM PA'I GONG BU DANG; RDUL PHRA RAB GNYIS THA DAD PA ZHIG YIN NA NI DE DAG LAS BRTZAMS PA MA YIN PAR 'GYUR NA, DE NI YANG DAG PAR DE DAG LAS BRTZAMS PAS NA DE'I PHYIR THA DAD PA MA YIN NO, , CI STE THA MI DAD NA NI 'JIM PA'I GONG BU DANG, RDUL PHRA RAB BYE BRAG MED PAR 'GYUR RO, ,DE BZHIN DU, BLO GROS CHEN PO, 'JUG PA'I RNAM PAR SHES PA RNAMS KUN GZHI RNAM PAR SHES PA YANG DAG PA'I MTSAN NYID DANG, GAL TE THA DAD PA ZHIG YIN NA KUN GZHI RNAM PAR SHES PA RGYU MA YIN PAR 'GYUR RO, ,DE STE THA DAD PA MA YIN NA NI 'JUG PA'I RNAM PAR

318a

, ,SHES PA 'GAGS NA, KUN GZHI RNAM PAR SHES PA'ANG 'GAG PAR 'GYUR BA ZHIG NA, 'DI LTAR RANG GI YANG DAG PA'I MTSAN NYID NI NGES PAR 'GAG PAR MI 'GYUR TE, DE'I PHYIR, BLO GROS CHEN PO, RNAM PAR SHES PA RNAMS KYI RANG GI YANG DAG PA'I MTSAN NYID 'GAG PA MA YIN GYI, LAS KYI MTSAN NYID 'GAG GO ,GAL TE RANG GI YANG DAG PA'I MTSAN NYID KYANG 'GAG PA YIN NA NI, KUN GZHI RNAM PAR SHES PA'ANG 'GAG PAR 'GYUR TE, BLO GROS CHEN PO, KUN GZHI RNAM PAR SHES PA 'GAG PAR 'GYUR BA YIN NA NI, MU STEGS CAN CHAD PAR SMRA BA DANG THA MI DAD PAR 'GYUR RO, ,BLO GROS CHEN PO, MU STEGS CAN DE DAG NI 'DI SKAD DU SMRA STE, 'DI LTA STE, 'DI LTAR YUL RNAMS LA 'DZIN PA 'GAG PAR GYUR NA, RNAM PAR SHES PA'I RGYUN 'GAG PAR 'GYUR RO ZHES ZER TE, GAL TE RNAM PAR SHES PA'I RGYUN 'GAG PA YIN NA NI, THOG MA MED PA'I DUS KYI RGYUN KYANG CHAD PAR 'GYUR BA'I RIGS SO, ,BLO GROS CHEN PO, MU STEGS CAN RNAMS RGYUN SKYE BA'I RGYU NI MIG GI RNAM PAR SHES PA GZUGS DANG, SNANG BA 'DUS PA LAS SKYE BA MA YIN GYI, GUD NA THA DAD PA'I RGYU YOD DO ZHES SMRA'O, ,BLO GROS CHEN PO, RGYU DE NI GTZO BO DANG, MCHOG DANG, SKYES BU DANG, DBANG

318b

PHYUG DANG, DUS DANG, RDUL PHRA MO RNAMS SO, ,GZHAN YANG, BLO GROS CHEN PO, RANG BZHIN RNAM PA BDUN YOD DO, 'DI LTA STE, 'DU BA DNGOS PO'I RANG BZHIN DANG, MTSAN NYID KYI RANG BZHIN DANG, 'BYUNG BA CHEN PO'I DNGOS PO'I RANG BZHIN DANG, RGYU'I RANG BZHIN DANG, RKYEN GYI RANG BZHIN DANG, MNGON PAR GRUB PA'I RANG BZHIN NO, ,GZHAN YANG, BLO GROS CHEN PO, DON DAM PA RNAM PA BDUN YOD DE, 'DI LTA STE, SEMS KYI SPYOD YUL DANG, SHES RAB KYI SPYOD YUL DANG, YE SHES KYI SPYOD YUL DANG, LTA BA'I SPYOD YUL DANG, LTA BA GNYIS LAS 'DAS PA'I SPYOD YUL DANG, SRAS KYI SA LAS 'DAS PA'I SPYOD YUL DANG, DE BZHIN GSHEGS PA NYID BYON PA'I SPYOD YUL TE, BLO GROS CHEN PO, 'DI DAG 'DAS PA DANG, MA 'ONGS PA DANG, DA LTAR GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI DNGOS PO'I RANG BZHIN DON DAM PA'I SNYING PO'O, ,DNGOS PO'I RANG BZHIN DON DAM PA'I SNYING PO DE DANG LDAN PAS DE BZHIN GSHEGS PA RNAMS 'JIG RTEN PA DANG, 'JIG RTEN LAS 'DAS PA DANG, 'JIG RTEN LAS 'DAS PA MCHOG GI CHOS 'PHAGS PA'I SHES RAB KYI SPYAN YONGS SU RDZOGS NAS RANG DANG SPYI'I MTSAN NYID RNAM PAR DGOD PA LA 'JUG CING JI LTA BA BZHIN DU RNAM PAR DGOD PAS MU STEGS CAN GYI SMRA BA DANG, LTA

319a

, ,BA NGAN PA DANG THUN MONG DU MI 'GYUR BA YIN NO, ,BLO GROS CHEN PO, JI LTAR NA MU STEGS CAN GYI SMRA BA DANG, LTA BA NGAN PA DANG THUN MONG MA YIN ZHE NA, 'DI LTA STE, RANG GI YUL LA RNAM PAR RTOG PA'I LTA BAR KHONG DU MA CHUD PA DANG, RANG GI RNAM PAR SHES PA'I SEMS SNANG BA TZAM DU MA RTOGS PAS, BLO GROS CHEN PO, BYIS PA SO SO'I SKYE BO RNAMS DNGOS PO DANG, DNGOS PO MED PA'I RANG BZHIN DON DAM PA LA LTA BA GNYIS SU SMRA BAR GYUR TO, ,GZHAN YANG, BLO GROS CHEN PO, RNAM PAR RTOG PA SRID PA GSUM GYI SDUG BSNGAL 'GAG PA, MI SHES PA DANG, SRED PA DANG, LAS DANG, RKYEN RNAM PAR LOG PA, RANG GI SEMS SNANG BA SGYU MA'I YUL DANG, RJES SU LTA BA RNAMS BSHAD PAR BYA'O, ,BLO GROS CHEN PO, DGE SBYONG NGAM BRAM ZE LA LA NI SA BON MED PA'AM, SA BON YOD PA'I RGYU LAS 'BRAS BU SNANG BA DANG, DNGOS PO'I DUS DANG, GNAS PA DANG, RKYEN RNAMS LAS PHUNG PO DANG, KHAMS DANG, SKYE MCHED RNAMS SKYE BA DANG, GNAS PA'AM, YANG NA SKYES NAS KYANG 'JIG PAR 'GYUR PAR 'DOD DE, BLO GROS CHEN PO, DE DAG NI RGYUN NAM, BYA BA'AM, SKYE BA'AM, SRID PA'AM, MYA NGAN LAS 'DAS PA'AM, LAM MAM, LAS SAM, 'BRAS BU'AM, BDEN PA RNAM PAR 'JIG

319b

PA'AM, CHAD PAR SMRA BAR 'GYUR RO, ,DE CI'I PHYIR ZHE NA, GANG 'DI MNGON SUM DU MI DMIGS SHING THOG MA MI MTHONG STE, DE'I CHA MA YIN PA'I PHYIR RO, ,BLO GROS CHEN PO, DPER NA, RDZA MA CHAG NAS GYO MOR GYUR PA NI RDZA MA'I BYA BA MI BYED DO, ,SA BON TSIG PA'ANG MYU GU'I BYA BA MI BYED DE, DE BZHIN DU, BLO GROS CHEN PO, PHUNG PO DANG, KHAMS DANG, SKYE MCHED KYI DNGOS PO DAG 'GAGS PA DANG, 'GAG PA DANG, 'GAG PAR 'GYUR BA NI RANG GI SEMS KYI RNAM PAR RTOG PAS MTHONG STE, RGYU MED PA'I PHYIR DE DAG NI RIM GYIS SKYE BA MED DO, ,BLO GROS CHEN PO, GAL TE SA BON MED PA'AM, SA BON YOD PA LAS RNAM PAR SHES PA RNAMS RKYEN GSUM DANG PHRAD PA LAS SKYE BA ZHIG YIN NA NI RUS SBAL LA SPU SKYE BA DANG, BYE MA LAS KYANG 'BRU MAR 'BYUNG BAR 'GYUR BA'I RIGS TE, 'O NA NI KHYOD KYI DAM BCAS PA LAS NYAMS SHING NGES PA'I DON DANG YANG 'GAL BAR 'GYUR RO, ,SA BON YOD PA DANG, SA BON MED PAR BSHAD PA LA NYES PA DE LTA BU YOD PAS BYA BA DANG LAS BYAS PA RNAMS DON MED PAR 'GYUR RO, ,BLO GROS CHEN PO, MU STEGS CAN DE DAG RKYEN GSUM PHRAD PA LAS SKYE ZHES BYA BA YANG, BYA BA DANG THABS NI RGYU DANG 'BRAS BU'I RANG GI MTSAN NYID DU YOD LA, 'DAS PA DANG, MA 'ONGS PA DANG, DA LTAR BYUNG BA NI SA BON

320a

, ,YOD PA DANG, SA BON MED PA'I MTSAN NYID DO ZHES ZER TE, DE NI SNGON GCIG NAS GCIG TU RIGS PA'I DNGOS PO BRGYUD DE 'ONGS PA RTOG GE PA'I RJES SU 'JUG CING RANG GI LTA BA'I NYES PA'I BAG CHAGS KYIS BSGOS PAS DE SKAD DU STON TE, BLO GROS CHEN PO, DE LTAR BYIS PA SO SO'I SKYE BO RNAMS LTA BA NGAN PAS ZIN PA LOG PA'I GYA GYUS RAB TU RMONGS PA DANG MYOS PA'I MI SHES PA RNAMS RDZUN DU 'DI NI THAMS CAD MKHYEN PAS BSTAN TO ZHES ZER RO, ,BLO GROS CHEN PO, GAL TE YANG DGE SBYONG NGAM; BRAM ZE GANG LA LA CHOS THAMS CAD RANG BZHIN DANG BRAL BA SPRIN DANG, MGAL ME'I 'KHOR LO DANG, DRI ZA'I GRONG KHYER DANG MTSUNGS PA DANG, MA SKYES PA SGYU MA DANG, SMIG RGYU DANG, CHU'I ZLA BA DANG, RMI LAM LTA BU DANG, NANG DANG PHYI ROL TU SEMS SNANG BA RNAM PAR RTOG PA DANG, THOG MA MED PA'I DUS KYI RNAM PAR SPROS PA RANG GI SEMS KYI RNAM PAR RTOG PA LAS LOG SHIG NA MED PA DANG, RGYU DANG RKYEN 'GAGS SHING ZAD PAR GYUR NA, RNAM PAR RTOG PA DANG BRAL BAR MTHONG BA DANG, BRJOD PA DANG, BRJOD PAR BYA BA DANG, BRTAG PA DANG, BRTAG PAR BYA BA DANG, LONGS SPYOD DANG, LUS SU KUN GZHI RNAM PAR SHES PA RNAM PAR BZHAG PA DANG, RNAM PAR SHES PA'I YUL GZUNG BA DANG, 'DZIN PA

320b

DANG; MI MTHUN PA DANG, SNANG BA MED PA'I SPYOD YUL SKYE BA DANG, GNAS PA DANG, 'JIG PA SPANGS PA DANG, RANG GI SEMS ALAS BYUNG BA TZAM DU RJES SU 'JUG CING RNAM PAR 'BYED NA, BLO GROS CHEN PO, BYANG CHUB SEMS DPA' DE DAG NI RING POR MI THOGS PAR 'KHOR BA DANG MYA NGAN LAS 'DAS PA MNYAM PA NYID DANG, SNYING RJE CHEN PO DANG, THABS LA MKHAS PA DANG, RTZOL BA MED PA'I SBYOR BA 'THOB PAR 'GYUR RO, ,BLO GROS CHEN PO, SEMS CAN GYI KHAMS DE DAG THAMS CAD SGYU MA DANG MTSUNGS PA DANG, RGYU DANG RKYEN LA MI BRTZON PA DANG, PHYI NANG GI YUL LAS RNAM PAR DBEN PA DANG, SEMS LAS PHYI ROL TU MI MTHONG BAS RIM GYIS MTSAN MA MED PA'I GNAS SU 'JUG PA DANG, RIM GYIS SA NAS SAR TING NGE 'DZIN GYI SPYOD YUL LA 'JUG PA DANG, KHAMS GSUM SGYU MA LTA BUR SHIN TU MOS SHING SO SOR RAB TU RTOG PAS SGYU MA LTA BU'I TING NGE 'DZIN RAB TU 'THOB PAR 'GYUR RO, ,RANG GI SEMS SNANG BA LAS 'DAS SHING SNANG BA MED PA LA 'JUG PAS SHES RAB KYI PHA ROL TU PHYIN PA LA GNAS PA RJES SU THOB PAR BYED PA DANG, DE DAG GI SBYOR BA SKYED PA RAB TU SPANGS PAS RDO RJE LTA BU'I TING NGE 'DZIN THOB NAS DE BZHIN GSHEGS PA'I SA LA 'JUG PAR 'GYUR RO, ,DE BZHIN NYID KYI RJES SU 'JUG PA'I SPRUL PA MNGON PAR SHES PA DANG, DBANG DANG, SNYING

321a

, ,RJE DANG, THABS KYIS RAB TU BRGYAN PA, SANGS RGYAS KYI ZHING THAMS CAD DU CIG CAR 'JUG PA, MU STEGS CAN GYI GNAS SU NYE BAR 'GRO BA, SEMS DANG YID DANG, RNAM PAR SHES PA DANG BRAL BAS BYANG CHUB SEMS DPA' DE GNAS GYUR PA'I RIM GYIS DE BZHIN GSHEGS PA'I SKU 'THOB PAR 'GYUR RO, ,BLO GROS CHEN PO, DE BAS NA DE BZHIN GSHEGS PA'I RJES SU 'JUG PA'I SKU'ANG 'THOB PAR 'DOD PA RNAMS KYIS PHUNG PO DANG, KHAMS DANG, SKYE MCHED DANG, SEMS DANG, RGYU DANG, RKYEN DANG, BYA BA DANG, SBYOR BA DANG, SKYE BA DANG, GNAS PA DANG, 'JIG PA DANG, RNAM PAR RTOG PA'I SPROS PA RNAMS YONGS SU SPANG PAR BYA'O, ,SEMS TZAM GYI DRANG POR RTZOL BAS THOG MA MED PA'I DUS KYI SPROS PA'I NYES PA LA SO SOR RTOG CING, RNAM PAR RTOG PA'I BAG CHAGS KYI RGYU DANG, SRID PA GSUM PO DAG SNANG BA MED PA DANG, SANGS RGYAS KYI SA SKYE BA MED PAR MJAL BAS RANG GIS RIG PA 'PHAGS PA'I BGROD PAR PHYIN PA DANG, RANG GI SEMS LA DBANG SGYUR ZHING RTZOL BA MED PA'I SPYOD PA RTOGS PAR KHONG DU CHUD PA, GZUGS SNA TSOGS KYI RJES SU 'JUG PA'I NOR BU DANG MTSUNGS PA DANG, SEMS CAN GYI SEMS SHIN TU PHRA BA'I RJES SU 'JUG CING SPRUL PA'I LUS KYIS

321b

SEMS KYI MOS PA JI LTA BA BZHIN DU YONGS SU DGROL BAR BYED PAS SA RNAMS RIM GYIS MTSAMS SBYOR BA RNAM PAR GZHAG PAR 'GYUR RO, ,DE LTA BAS NA, BLO GROS CHEN PO, RANG GI GRUB PA'I MTHA' LA MKHAS PA RAB TU BSGRUB PAR BYA'O, ,DE NAS BYANG CHUB SEMS DPA' BLO GROS CHEN POS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS, SEMS DANG, YID DANG, RNAM PAR SHES PA DANG, CHOS LNGA DANG, RANG BZHIN GYI MTSAN NYID BSHAD DU GSOL, 'DI NI SANGS RGYAS DANG BYANG CHUB SEMS DPA' THAMS CAD KYIS BGROD PAR BGYI BA, RANG GI SEMS KYIS MTHONG BA LA SOGS PAS DMIGS PAR BGYI BA'I SPYOD YUL DANG 'PHROD PA MA LAGS PA, BRJOD PA'AM, RIGS PA DANG, DE KHO NA NYID KYI MTSAN NYID THAMS CAD RAB TU STON PA, SANGS RGYAS THAMS CAD KYI GSUNG GI SNYING PO'O, ,BCOM LDAN 'DAS, LANGKA'I GRONG RDAL DANG, MA LA YA'I RI DANG, RGYA MTSO LA GNAS PA'I BYANG CHUB SEMS DPA' SEMS DPA' CHEN PO RNAMS KYI SLAD DU DE BZHIN GSHEGS PA RNAMS KYIS RAB TU BSNGAGS PA, RGYA MTSO'I DBA' RLABS LTA BU'I KUN GZHI RNAM PAR SHES PA'I SPYOD YUL DANG, CHOS KYI SKU BSHAD DU GSOL, DE NAS BCOM LDAN 'DAS KYIS BYANG CHUB SEMS DPA' BLO GROS CHEN PO LA 'DI SKAD CES BKA' STZAL TO, ,BLO GROS CHEN

322a

, ,PO; RKYEN RNAM PA BZHI'I PHYIR MIG GI RNAM PAR SHES PA 'JUG STE, BZHI GANG ZHE NA, 'DI LTA STE, RANG GI SEMS SNANG BA 'DZIN PAR KHONG DU MA CHUD PA DANG, THOG MA MED PA'I DUS NAS SPROS PA'I GNAS NGAN LEN GYI GZUGS KYI BAG CHAGS LA MNGON PAR ZHEN PA DANG, RNAM PAR SHES PA'I RANG BZHIN GYI NGO BO NYID DANG, GZUGS RNAM PA SNA TSOGS KYIS MTSAN NYID MTHONG BAR 'DUN PA'O, ,BLO GROS CHEN PO, 'DI NI RGYU RKYEN BZHI PO CHU KLUNG GI GNAS DANG, KUN GZHI RNAM PAR SHES PA LAS 'JUG PA'I RNAM PAR SHES PA'I RLABS 'BYUNG BA ZHES BYA'O, ,BLO GROS CHEN PO, MIG GI RNAM PAR SHES PA JI LTA BA BZHIN DU DBANG PO THAMS CAD KYI RDUL PHRA RAB DANG, SPU'I KHUNG BU LHAN CIG SKYE BA DANG, RIM GYIS YUL GYI RJES SU SKYE BA'ANG DE BZHIN TE, JI LTAR ME LONG RAB TU GSAL BA'I NANG DU GZUGS BRNYAN SNANG BA BZHIN NO, ,BLO GROS CHEN PO, DPER NA, RLUNG RAB TU DRAG POS RGYA MTSO CHEN PO'I CHU RAB TU SKYOD PAR BYED PA DE BZHIN DU, PHYI ROL GYI YUL GYI RLUNG GIS KYANG SEMS KYI RGYA MTSO BSGUL BAS RNAM PAR SHES PA'I RLABS RNAMS RGYUN MI 'CHAD DE, RGYU DANG BYA BA'I MTSAN NYID THA DAD PA DANG, THA DAD MA YIN PA GCIG TU 'DRES PA, LAS DANG SKYE BA'I MTSAN NYID LA SHIN TU MNGON PAR ZHEN PA DANG,

322b

GZUGS LA SOGS PA'I RANG GI NGO BO NYID MI RTOGS PAS DE'I PHYIR RNAM PAR SHES PA'I TSOGS LNGA 'JUG GO ,BLO GROS CHEN PO, RNAM PAR SHES PA'I TSOGS LNGA PO DE DAG DANG LHAN CIG PA'I RGYU LA BYE BRAG GIS RNAM PA'I MTSAN NYID KHONG DU CHUD PAR BYED PAS YID KYI RNAM PAR SHES PA'I RGYU NI DE'I LUS KYI RJES SU 'JUG PA YIN PAR RIG PAR BYA'O, ,DE DAG 'DI SNYAM DU BDAG CAG NI PHAN TSUN GCIG GI RGYU GCIG BYED DO SNYAM DU MI SEMS TE, 'ON KYANG RANG GI SEMS SNANG BA LA RNAM PAR RTOG PAS MNGON PAR ZHEN PA 'JUG CING DE DAG SO SO NAS 'JIG PA'I MTSAN NYID DANG LHAN CIG TU 'JUG GO ,YUL GYI RNAM PA'I BYE BRAG 'BYED PA NI 'DI LTA STE, ,DE DAG 'JUG PA'O, ,BLO GROS CHEN PO, JI LTAR RNAL 'BYOR BA DAG BSAM GTAN DANG TING NGE 'DZIN LA MNYAM PAR BZHAG PA BAG CHAGS SHIN TU PHRA RAB 'JUG PA RNAMS MI SHES PA DE DAG 'DI SNYAM DU, BDAG CAG RNAM PAR SHES PA BKAG NAS SNYOMS PAR ZHUGS SO SNYAM DU SEMS KYANG YANG DAG PAR RNAM PAR SHES PA BKAG NAS SNYOMS PAR ZHUGS PA MA YIN TE, 'DI LTAR BAG CHAGS KYI SA BON SHIN TU PHRA BA MA 'GAGS PA'I PHYIR MA 'GAGS PA'O, ,YUL LA 'JUG CING 'DZIN PA DANG MI LDAN PA'I PHYIR NI 'GAG PA'O, ,BLO GROS CHEN PO, DE LTAR SHIN TU PHRA BA'I KUN GZHI RNAM PAR SHES

323a

, ,PA DE MTHAR THUG PAR RTOGS PA NI DE BZHIN GSHEGS PA DANG, SA LA RAB TU GNAS PA'I BYANG CHUB SEMS DPA' RNAMS MA GTOGS PAR GZHAN NYAN THOS DANG, RANG SANGS RGYAS DANG, MU STEGS CAN GYI RNAL 'BYOR PA RNAMS KYIS THOB PA'I TING NGE 'DZIN DANG, SHES RAB KYI STOBS KYIS KYANG RTOGS PAR MI NUS SO, ,GZHAN DUN SA'I MTSAN NYID DANG, SHES RAB DANG, YE SHES DANG, THABS LA MKHAS PA RNAM PAR 'BYED PA DAG TSIG GI DON RAB TU DBYE BA LA RNAM PAR GDON MI ZA BA RGYAL BA MTHA' YAS PA RNAMS LAS DGE BA'I RTZA BA YONGS SU BSAGS PA DANG, RANG GI SEMS SNANG BA LA RNAM PAR RTOG PA'I SPROS PA DANG BRAL BA RI DANG NAGS TSAL STUG PO DANG, SHING KHROD NA GNAS SHING RNAL 'BYOR THA MA DANG, 'BRING DANG, RAB TU BSGOMS PA RNAMS KYIS RANG GI SEMS KYI RNAM PAR RTOG PA'I RGYUD MTHONG BA DANG, ZHING TSAD MED PA'I SANGS RGYAS RNAMS KYIS DBANG BSKUR BA DANG, DBANG DANG, STOBS DANG, MNGON PAR SHES PA DANG, TING NGE 'DZIN DANG, DGE BA'I BSHES GNYEN SANGS RGYAS KYI SRAS KYI 'KHOR RNAMS KYANG 'THOB PAR 'GYUR TE, DES SEMS DANG, YID DANG, RNAM PAR SHES PA DANG, RANG GI SEMS SNANG BA'I RANG BZHIN GYI SPYOD YUL SPROS PA'I MTSAN NYID

323b

RIG CING 'KHOR BA SRID PA'I RGYA MTSO DANG, LAS DANG, SRED PA DANG, MI SHES PA LA SOGS PA'I RGYU LAS RGYAL BAR NUS SO, ,DE LTA BAS NA, BLO GROS CHEN PO, RNAL 'BYOR PA RNAMS KYIS DGE BA'I BSHES GNYEN RGYAL BA RNAMS LA BSTEN PAR BYA'O, ,DE NAS BCOM LDAN 'DAS KYIS DON DE NYID YANG BSTAN PA'I PHYIR, TSIGS SU BCAD PA 'DI DAG GSUNGS SO, ,DPER NA RGYA MTSO'I DBA' RLABS RNAMS, ,DE DAG RLUNG DRAG DBANG GIS BYUNG, ,RLABS CHEN RGYA MTSO RAB BSKYOD PAS, ,RGYUN NI RNAM PAR CHAD PA MED, KUN GZHI RGYA MTSO RTAG GNAS PA, ,YUL GYI RLUNG GIS RAB BSKYOD NAS, ,SNA TSOGS RNAM SHES DBA' RLABS RNAMS, ,GAR CING RAB TU 'JUG PAR 'GYUR, ,SNGON PO DMAR PO SNA TSOGS GZUGS, ,DUNG DANG 'O MA KHA RA DANG, ,BSKA BA ME TOG 'BRAS BU DANG, ,NYI ZLA DANG NI 'OD ZER DANG, ,GCIG PA MA YIN THA DAD MIN, ,RGYA MTSO RLABS RNAMS RAB TU BSKYED, ,DE BZHIN RNAM SHES BDUN PO YANG, ,SEMS DANG LHAN CIG RAB TU SKYE; ;JI LTAR RGYA MTSO YONGS GYUR NAS, ,DBA' RLABS SNA TSOGS 'JUG PA LTAR, ,RNAM SHES BDUN PO DE BZHIN TE, ,SEMS DANG LHAN CIG RAB TU SKYE, ,KUN GZHI RNAM SHES GNAS LAS NI, ,RNAM SHES SNA TSOGS RAB 'JUG STE, ,'DI LTAR YID DANG RNAM SHES DES, ,MTSAN NYID DON LA RAB TU SEMS, ,MI 'JIGS MTSAN NYID BRGYAD YOD DE, ,MTSAN MA

324a

, ,MED PA'ANG MTSAN MA MED, ,RGYA MTSO DANG NI DBA' RLABS RNAMS, ,JI LTAR BYE BRAG MED PA BZHIN, ,RNAM SHES SEMS DANG DE BZHIN DU, ,THA DAD PA YANG MI DMIGS SO, ,SEMS NI LAS GSOG BYED CES BYA, ,YID KYI RGYA CHER GSOG PA STE, ,RNAM SHES DAG NI RNAM PAR RIGS, ,SNANG BA'I YUL LTOS SNGAR BSHAD DO, ,DE NAS BYANG CHUB SEMS DPA' BLO GROS CHEN POS TSIGS SU BCAD PAS ZHU BA ZHUS PA, SNGON PO DMAR PO'I GZUGS RNAMS NI, ,SEMS CAN RNAM SHES SKYED PAR BGYID, ,RLABS DANG MTSUNGS PA'I SNA TSOGS CHOS, ,CI SLAD BDAG LA BSHAD DU GSOL, ,DE NAS BCOM LDAN 'DAS KYIS TSIGS SU BCAD DE BKA' STZAL PA, SNGON PO DMAR PO SNA TSOGS GZUGS, ,DBA' RLABS DAG NI YOD MA YIN, ,LAS GSOG SEMS SU BSHAD PA YANG, ,SKYE BO RTOGS PAR BYA PHYIR RO, ,LAS DE YANG NI YOD MA YIN, ,RANG GI SEMS NI GZUNG DANG BRAL, ,GZUNG BA MED PAS 'DZIN PA'ANG MED, ,DBA' RLABS DE DANG RAB TU MTSUNGS, ,LONGS SPYOD LUS DAG RNAM GZHAG PA, , SEMS CAN SNANG BA'I RNAM SHES YIN, ,DE LAS LAS RNAMS SNANG BAR BYED, ,DPER NA RGYA MTSO'I RLABS DANG MTSUNGS, ,DE NAS BYANG CHUB SEMS DPA' BLO GROS CHEN POS

324b

YANG TSIGS SU BCAD DE GSOL PA, RGYA MTSO'I DBA' RLABS DNGOS PO NI, ,GAR BGYID G-YO BAS RIG 'GYUR LA, ,KUN GZHI LAS KYANG DE LTAR NA, ,CI YI SLAD DU BLOS MI RIG, DE NAS BCOM LDAN 'DAS KYIS TSIGS SU BCAD DE BKA' STZAL PA, BYIS PA BLO DANG MI LDAN PAS, ,KUN GZHI RGYA MTSO 'DRA BA DANG, ,LAS KYI MTSAN NYID RLABS LTA BU'I, ,DPE LA BRTEN NAS RTOGS PAR 'GYUR, ,DE NAS BYANG CHUB SEMS DPA' BLO GROS CHEN POS YANG TSIGS SU BCAD DE GSOL PA, SKYE BO BZANG NGAN PAR MA LA, ,GDUGS NI MNYAM PAR SHAR BA BZHIN, ,BDE GSHEGS 'JIG RTEN SNANG MDZAD PA'ANG, ,BYIS PA RNAMS LA YANG DAG CHOS, ,RAB TU RNAM 'BYED GSUNG RIGS NA, ,CI SLAD YANG DAG GSUNG MI MDZAD, ,DE NAS BCOM LDAN 'DAS KYIS TSIGS SU BCAD DE BKA' STZAL PA, CI STE YANG DAG BSHAD DU NI, ,DE YI SEMS LA YANG DAG MED, ,JI LTAR RGYA MTSO'I DBA' RLABS DANG, ,ME LONG GZUGS BRNYAN RMI LAM DAG ,DE DAG THAMS CAD CIG CAR SNANG, ,SEMS KYI SPYOD YUL DE BZHIN NO, ,YUL RNAMS DANG NI MI LDAN PHYIR, ,RIM GYIS LAS DAG 'JUG CING SKYE, ,RNAM PAR SHES PAS RNAM PAR RIG ,YID NI DE BZHIN SEMS PAR BYED, ,LNGA PO DAG NI SNANG BAR 'GYUR, ,DE LA GO RIMS NGES PA MED, ,JI

325a

, ,LTAR RI MO'I MKHAN PO DANG, ,RI MO MKHAN GYI SLOB MA DAG ,RI MO'I DON DU TSON 'GYED LTAR, ,NGA YI BSHAD PA'ANG DE BZHIN NO, ,TSON LA RI MO YOD MA YIN, ,SMYIG GU DANG NI GZHI LA MED, ,SEMS CAN DGA' BA BSKYED PA'I PHYIR, ,TSON GYIS RI MO MNGON PAR BSGRUBS, ,BSHAD PA DAG NI GZHAN PHYIR SPYOD, ,YANG DAG NYID NI YI GE SPANGS, ,RNAM 'BYED LAS NI DANG PO BA, ,RNAL 'BYOR PA LA YANG DAG BSTAN, ,SO SO RANG RIG YANG DAG NI, ,RTOG DANG RTAG PAR RAB TU SPANGS, ,RGYAL BA'I SRAS LA 'DI BSTAN GYI, ,BYIS PA LA NI GZHAN RAB 'BYED, ,JI LTAR SGYU MA SNA TSOGS DAG ,SNANG YANG YANG DAG MA YIN TE, ,DE BZHIN BSHAD PA SNA TSOGS KYANG, ,BYA BA'I RJES SU GZHAG PA YIN, ,BSHAD PA MTHUN PAR MA GYUR PA, ,DE LA BSHAD PA MA YIN 'GYUR, ,JI LTAR NAD PA SO SO LA, ,SMAN MKHAS DPYAD RNAMS BSTAN PA LTAR, ,DE BZHIN GSHEGS PAS SEMS CAN LA, ,MOS PA JI BZHIN RAB TU STON, ,BRTZE BAS RAB TU GSUNGS PA YI, ,SO SO RANG GI SPYOD YUL NI, ,RTOG GE PA YI YUL MA YIN, ,NYAN THOS RNAMS KYANG SKAL YOD MIN, ,GZHAN YANG, BLO GROS CHEN PO, BYANG CHUB SEMS DPA' SEMS DPA' CHEN PO GANG GIS RANG GI SEMS SNANG BA'I GZUNG BA DANG, 'DZIN PA RNAM PAR RTOG PA'I SPYOD

325b

YUL YONGS SU SHES PAR 'DOD PAS 'DU BA DANG, 'DU 'DZI DANG, GNYID YONGS SU SPANG BAR BYA'O, ,SROD DANG, THOR NGAS DANG, NAM GYI GUNG THUN LA BDAG NYID RTAG TU DRAN PA DANG LDAN ZHING MI NYAL BAR SBYOR BA LA RAB TU BRTZON PAR BYA'O, ,LTA BA NGAN PA RNAMS KYI BSTAN BCOS DANG, GTAM DANG, NYAN THOS DANG, RANG SANGS RGYAS KYI THEG PA'I MTSAN MA YONGS SU SPANG BAR BYA'O, ,RANG GI SEMS SNANG BA'I RNAM PAR RTOG PA'I MTSAN NYID KHONG DU CHUD PAR RTOGS PAR BYA'O, ,GZHAN YANG, BLO GROS CHEN PO, BYANG CHUB SEMS DPA' SEMS DPA' CHEN POS YE SHES DANG, SHES RAB KYI MTSAN NYID DGOD PA LA GNAS NAS, GONG DU 'PHAGS PA'I YE SHES KYI MTSAN NYID GSUM LA RAB TU BRTZON PAS BSGRUB PAR BYA'O, , GONG DU BRTZON ZHING BSGRUB PAR BYA BA'I YE SHES KYI MTSAN NYID GSUM PO DE'ANG GANG ZHE NA, 'DI LTA STE, SNANG BA MED PA'I MTSAN NYID DANG, SANGS RGYAS THAMS CAD KYI RANG GI SMON LAM GYI GNAS KYI MTSAN NYID DANG, 'PHAGS PA SO SO RANG GIS RIG PA'I YE SHES MTHAR THUG PA'I MTSAN NYID DE, RNAL 'BYOR PAS DE DAG KHONG DU CHUD PAS BONG DU THENG PO LTA BU'I SEMS DANG, SHES RAB DANG, YE SHES KYI MTSAN NYID SPANGS TE, RGYAL BA'I SRAS KYI SA BRGYAD PA THOB NAS, DE'I GONG DU MTSAN NYID GSUM LA RAB TU BRTZON PAR BYED DO,,

326a

, ,DE LA, BLO GROS CHEN PO, SNANG BA MED PA'I MTSAN NYID NI 'DI LTA STE, NYAN THOS DANG, RANG SANGS RGYAS DANG, MU STEGS CAN GYI MTSAN NYID DE DAG YONGS SU 'DRIS PA LAS SKYE'O, ,BLO GROS CHEN PO, RANG GI SMON LAM GYI GNAS KYI MTSAN NYID NI 'DI LTA STE, SNGON GYI SANGS RGYAS RNAMS KYI RANG GI SMON LAM GYI GNAS LA MNGON PAR BRTZON PA LAS 'BYUNG NGO, ,BLO GROS CHEN PO, 'PHAGS PA SO SO RANG GIS RIG PA'I YE SHES MTHAR THUG PA'I MTSAN NYID NI CHOS THAMS CAD KYI MTSAN NYID LA MNGON PAR ZHEN PA MED PA DANG, SGYU MA LTA BU'I TING NGE 'DZIN GYI LUS RAB TU THOB PAS, SANGS RGYAS RNAMS KYI SA'I GNAS LA BRTZON ZHING 'JUG PA'I SPYOD PA LAS SKYE STE, BLO GROS CHEN PO, 'DI NI 'PHAGS PA'I YE SHES KYI MTSAN NYID GSUM ZHES BYA'O, ,GAL TE 'PHAGS PA'I YE SHES KYIS MTSAN NYID 'DI GSUM DANG LDAN NA RANG GIS RIG PA 'PHAGS PA'I YE SHES MTHAR THUG PA'I SPYOD YUL KHONG DU CHUD PAR 'GYUR RO, ,DE LTA BAS NA, BLO GROS CHEN PO, 'PHAGS PA'I YE SHES KYI MTSAN NYID GSUM PO DAG LA RAB TU BRTZON PAR BYA'O,, ,,'PHAGS PA LANGKAR GSHEGS PA RIN PO CHE'I MDO LAS, BAM PO GNYIS PA, DE NAS BYANG CHUB SEMS

326b

DPA' SEMS DPA' CHEN PO BLO GROS CHEN POS BYANG CHUB SEMS DPA'I 'KHOR DE DAG GI SEMS KYI BSAM PA RAB TU SHES PAS 'PHAGS PA'I YE SHES KYI DNGOS PO DANG, RANG BZHIN RAB TU 'BYED PA ZHES BYA BA'I CHOS KYI RNAM GRANGS 'DI SANGS RGYAS THAMS CAD KYI BYIN GYI RLABS KYI MTHUS BCOM LDAN 'DAS LA ZHUS PA, BCOM LDAN 'DAS, 'PHAGS PA'I YE SHES KYI DNGOS PO DANG, RANG BZHIN RAB TU 'BYED PA ZHES BYA BA'I CHOS KYI RNAM GRANGS BDAG LA BSHAD DU GSOL, TSIG BRGYA RTZA BRGYAD SHIN TU RNAM PAR 'BYED PA'I GNAS GANG 'DI LA BRTEN NAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYIS RAB TU PHYE STE, BSTAN PAS BYANG CHUB SEMS DPA' SEMS DPA' CHEN PO RNAMS RANG DANG SPYI'I MTSAN NYID DU GTOGS PA'I RNAM PAR RTOG PA'I RANG BZHIN LA RAB TU 'JUG STE, RAB TU PHYE BA'I TSUL GYIS RNAM PAR RTOG PA'I RANG BZHIN STON PA'I PHYIR SO SOR RAB TU RTOG PA LA MKHAS SHING GANG ZAG DANG CHOS LA BDAG MED PAR RTOGS PA DANG, RNAM PAR RTOG PA RAB TU SEL ZHING SA RNAMS LA SHIN TU GSAL BA DANG, NYAN THOS DANG, RANG SANGS RGYAS DANG, MU STEGS CAN THAMS CAD KYI BSAM GTAN DANG, TING NGE 'DZIN GYI BDE BA LAS SHIN TU 'DA' BA DANG, DE BZHIN GSHEGS

327a

, ,PA'I BSAM GYIS MI KHYAB PA'I SPYOD YUL LA SO SOR RAB TU RTOG PA DANG, GDON MI ZA BA'I CHOS LNGA DANG, RANG BZHIN YONGS SU SPONG BAR 'GYUR BA DANG; DE BZHIN GSHEGS PA RNAMS KYI CHOS KYI SKU'I YE SHES KYI BDAG NYID RAB TU BRGYAN PA DANG, SGYU MA'I SPYOD YUL BSKYED NAS SANGS RGYAS KYI ZHING THAMS CAD DANG, DGA' LDAN GYI PHO BRANG DANG, 'OG MIN GYI BAR DU 'JUG PA DANG, DE BZHIN GSHEGS PA'I CHOS KYI SKU RTAG TU GNAS PA'ANG 'THOB PAR 'GYUR LAGS SO, ,BCOM LDAN 'DAS KYIS BKA' STZAL PA, BLO GROS CHEN PO, 'DI LA MU STEGS CAN KHA CIG MED PAR RNAM PAR RTOG PA LA MNGON PAR ZHEN PA DAG RNAM PAR RTOG PA'I BLO RGYU ZAD PAS RI BOD LA RVA MED DO SNYAM DU RNAM PAR RTOG STE, JI LTAR RI BONG LA RVA MED PA DE BZHIN DU, CHOS THAMS CAD KYANG DE BZHIN NO ZHES ZER RO, ,BLO GROS CHEN PO, GZHAN YANG MU STEGS CAN KHA CIG 'BYUNG BA DANG, YON TAN DANG, RDUL DANG, RDZAS DANG, DBYIBS DANG, GNAS BRTAGS PA'I CHOS SO SO THA DAD PAR MTHONG NAS RI BONG LA RVA MED PAR MNGON PAR ZHEN CING KUN TU RTOG PAS BA LANG GI RVA NI YOD DO ZHES RNAM PAR RTOG GO ,BLO GROS CHEN PO, DE DAG LTA BA GNYIS SU LHUNG ZHING SEMS TZAM DU MA SHES

327b

PAS; RANG GI SEMS KYI SPYOD YUL DANG RNAM PAR RTOG PA 'PHEL BA NAS LUS DANG LONGS SPYOD RNAM PAR BZHAG PA'I RNAM PAR RTOG PA SNANG NGO, ,BLO GROS CHEN PO, CHOS THAMS CAD KYI DNGOS PO'ANG DE BZHIN TE, YOD PA DANG, MED PA DANG BRAL BA YIN PAS RNAM PAR BRTAG PAR MI BYA'O, ,BLO GROS CHEN PO, GAL TE'ANG YOD PA DANG MED PA DANG BRAL BAS RI BONG GI RVA LTAR MED DO SNYAM DU RTOG NA LOG PAR RTOG PA ZHES BYA STE, DE DAG PHAN TSUN DU LTOS PA'I RGYU'I PHYIR RI BONG GI RVA MED DO SNYAM DU BRTAG PAR MI BYA'O, ,RDUL PHRA RAB KYI BAR DU BRTAGS NA'ANG DNGOS PO MI DMIGS PAS, BLO GROS CHEN PO, 'PHAGS PA'I SPYOD YUL DANG BRAL BA BA LANG GI RVA YOD PAR BRTAGS PAR MI BYA'O, ,DE NAS BYANG CHUB SEMS DPA' SEMS DPA' CHEN PO BLO GROS CHEN POS, BCOM LDAN 'DAS LA 'DI SKAD CES GSOL TO, ,BCOM LDAN 'DAS, GANG RNAM PAR MI RTOG PA THOB PA DES, MI SKYE BA'I MTSAN NYID MTHONG NAS, RJES SU DPAG PAS SHIN TU BSAMS NAS, RNAM PAR RTOG PA MI SKYE BA SO SOR RAB TU RTOG PA LA MA MCHIS PA ZHES BGYI BA LAGS SAM, BCOM LDAN 'DAS KYIS BKA' STZAL PA, BLO GROS CHEN PO, RNAM PAR RTOG PA MI SKYE BAR SO SOR RAB TU RTOG PA LA MED PA ZHES BYA BA NI MA YIN NO, ,DE CI'I PHYIR ZHE NA, RNAM PAR RTOG

328a

, ,PA NI RGYU DES SKYE BA'I PHYIR DE LA BRTEN NAS RNAM PAR RTOG PA SKYE'O, ,'DI LTAR RVA LA BRTEN NAS RNAM PAR RTOG PA SKYE BAS DE'I PHYIR BRTEN PA'I RGYU ZHES BYA BA'I PHYIR DANG, THA DAD PA DANG, THA DAD PA MA YIN PA RNAM PAR SPANGS PA'I PHYIR RNAM PAR RTOG PA MI SKYE BAR SO SOR RAB TU RTOG PA LA RVA MED CES BYA BA NI MA YIN NO, ,BLO GROS CHEN PO, GAL TE RNAM PAR RTOG PA DANG THA DAD NA NI RVA'I RGYU LAS BYUNG BA MA YIN PAR 'GYUR RO, ,CI STE THA DAD PA YIN NA NI DE'I RGYU LAS BYUNG BA'I PHYIR RDUL PHRA RAB KYI BAR DU BRTAGS NA MI DMIGS TE, RVA DANG THA DAD PA MA YIN PA'I PHYIR DE'ANG DNGOS POR MA YIN NO, ,DE GNYIS KA'ANG DNGOS PO MED NA CHOS GANG GIS CI'I PHYIR MED CES BRJOD, BLO GROS CHEN PO, GAL TE MED PA'I PHYIR RI BONG GI RVA MED NA YOD PA LA LTOS PA'I PHYIR RI BONG RVA MED CES BRTAG PAR MI BYA'O, ,BLO GROS CHEN PO, YANG DAG PA'I RGYU MA YIN PA'I PHYIR YOD PA DANG, MED PAR SMRA BA GNYIS KA 'GRUB PAR MI 'GYUR RO, ,BLO GROS CHEN PO, GZHAN YANG MU STEGS KYI LTA BA CAN GZUGS KYI DNGOS PO DANG, DBYIBS DANG, GNAS SU BRTAGS PA'I CHOS LA MNGON PAR ZHEN PA NAM MKHA'I CHA RIS LEGS PAR KHONG DU MA CHUD PA RNAMS 'DI SKAD DU, NAM

328b

MKHA' NI GZUGS DANG BRAL BA'O ZHES CHA RIS SU LTA BA'I RNAM PAR RTOG PA SKYED PAR BYED DE, BLO GROS CHEN PO, NAM MKHA' NI GZUGS YIN TE, GZUGS KYI 'BYUNG BA'I RJES SU ZHUGS PA'O, ,BLO GROS CHEN PO, GZUGS NI NAM MKHA'I 'DZIN PA DANG, 'DZIN PAR BYA BA'I GNAS KYIS RNAM PAR BZHAG PA'I DNGOS POR GZUGS DANG, NAM MKHA'I DNGOS PO RAB TU 'BYED PAR SHES PAR BYA'O, ,BLO GROS CHEN PO, 'BYUNG BA CHEN PO RNAMS SKYE BA NA RANG GI MTSAN NYID SO SO THA DAD DE, NAM MKHA' LA'ANG MI GNAS SO; ;DE DAG LA'ANG NAM MKHA' MED PA'ANG MA YIN NO, ,DE BZHIN DU, BLO GROS CHEN PO, BA LANG GI RVA YOD PA LA LTOS PA'I PHYIR RI BONG GI RVA MED PA YIN TE, BLO GROS CHEN PO; BA LANG GI RVA'ANG RDUL PHRA MOR RNAM PAR PHYE STE, RDUL PHRA MO'ANG RAB TU BSHIG NA SKAD CIG TZAM DU'ANG MI GNAS NA DE CI LAS LTOS TE MED CES BRJOD, GAL TE GZHAN LAS LTOS PA'I RDZAS SHIG GO ZHE NA, DE'ANG DE LTA BU'I CHOS CAN NO, ,DE NAS BCOM LDAN 'DAS KYIS BYANG CHUB SEMS DPA' SEMS DPA' CHEN PO BLO GROS CHEN PO LA 'DI SKAD CES BKA' STZAL TO, ,BLO GROS CHEN PO, RI BONG GI RVA DANG, BA LANG GI RVA DANG, NAM MKHA' DANG, DBYIBS DANG, GZUGS THA DAD PAR LTA BA'I RNAM PAR RTOG PA YONGS SU

329a

, ,SPANGS NAS, KHYOD LA SOGS PA BYANG CHUB SEMS DPA' SEMS DPA' CHEN PO RNAMS KYI RANG GI SEMS SNANG BA'I RNAM PAR RTOG PA YID LA SEMS SHING SANGS RGYAS KYI ZHING THAMS CAD DU 'JUG PA DANG, RGYAL BA'I SRAS RNAMS LA RANG GI SEMS SNANG BA LA RAB TU RTOG PA'I SBYOR BA BSTAN PAR BYA'O, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,GZUGS SOGS SEMS NI MED PA DANG, ,GZUGS SOGS SEMS NI RAB 'PHEL DANG, , LUS DANG LONGS SPYOD RNAM GZHAG PA, ,KUN GZHI SEMS CAN SNANG YIN TE, ,SEMS DANG YID DANG RNAM PAR SHES, ,RANG BZHIN DANG NI CHOS LNGA DANG, ,BDAG MED YONGS SU DAG GNYIS NI, ,RNAM PAR 'DREN PAS RAB TU GSUNGS, ,RING THUNG YOD MED LA SOGS PA, ,PHAN TSUN LTOS NAS RAB TU SKYE, ,MED PA'I PHYIR NI YOD PA GRUB, ,YOD PA'I PHYIR NI MED PA GRUB, ,DNGOS PO RDUL DU RNAM PHYE STE, ,GZUGS KYI RNAM RTOG MI BSKYED DO, ,SEMS TZAM RNAM PAR BZHAG PA'I GNAS, ,LTA BA NGAN PAS MOS MI 'GYUR, ,'JIG RTEN MGON POS GSUNGS PA YI, ,RANG GI SPYOD YUL GANG YIN PA, ,RTOG PA CAN GYI YUL MA YIN, ,DE BZHIN NYAN THOS KYI YANG MIN, ,DE NAS BYANG CHUB SEMS DPA' BLO

329b

GROS CHEN POS RANG GI SEMS SNANG BA'I RGYUD RNAM PAR DAG PAR BYA BA'I PHYIR BCOM LDAN 'DAS LA 'DI SKAD CES GSOL TO, ,BCOM LDAN 'DAS, RANG GI SEMS SNANG BA'I RGYUD JI LTAR RNAM PAR DAG PAR BGYI, CIG CAR RAM, 'ON TE RIM GYIS LAGS, BCOM LDAN 'DAS KYIS BKA' STZAL PA, BLO GROS CHEN PO, RIM GYIS RNAM PAR 'DAG GI CIG CAR NI MA YIN TE, DPER NA, SHING AA MRA'I 'BRAS BU NI RIM GYIS SMIN PAR 'GYUR GYI, CIG CAR MA YIN NO, ,DE BZHIN DU DE BZHIN GSHEGS PAS SEMS CAN RNAMS KYI RANG GI SEMS SNANG BA'I RGYUD YONGS SU SBYONG BA'ANG RIM GYIS RNAM PAR 'DAG GI CIG CAR MA YIN NO, ,DPER NA, RDZA MKHAN SNOD RNAMS BYED PA NI RIM GYIS BYED DE, CIG CAR MA YIN NO, ,DE BZHIN DU DE BZHIN GSHEGS PA SEMS CAN RNAMS KYIS RANG GI SEMS SNANG BA'I RGYUD YONGS SU SPYOD PA'ANG RIM GYIS RNAM PAR 'DAG GI, CIG CAR MA YIN NO, ,DPER NA, SA CHEN PO LAS RDZAS RNAMS RIM GYIS SKYE'I, CIG CAR SKYE BA MA YIN NO, ,DE BZHIN DU DE BZHIN GSHEGS PAS SEMS CAN RNAMS KYI RANG GI SEMS SNANG BA'I RGYUD YONGS SU SBYONG BA'ANG RIM GYIS RNAM PAR 'DAG GI, CIG CAR MA YIN NO, ,DPER NA, MI LA LA ROL MO DANG, YI GE DANG, RI MO DANG, BZO SNA TSOGS SLOB PA RIM GYIS

330a

, ,MNGON PAR 'GRUB PAR 'GYUR GYI, CIG CAR MA YIN NO, ,DE BZHIN DU DE BZHIN GSHEGS PAS SEMS CAN RNAMS KYI RANG GI SEMS SNANG BA'I RGYUD YONGS SU SBYONG BA'ANG RIM GYIS RNAM PAR 'DAG GI, CIG CAR MA YIN NO, ,DPER NA, ME LONG RAB TU PHYIS PA NI MTSAN MA MED PAR GZUGS BRNYAN THAMS CAD CIG CAR SNANG BAR BYED DO, ,DE BZHIN GSHEGS PAS SEMS CAN THAMS CAD KYI RANG GI SEMS SNANG BA'I RGYUD YONGS SU SNANG BA'ANG DE BZHIN TE, MTSAN MA MED CING SNANG BA MED PA RNAM PAR DAG PA'I SPYOD YUL CIG CAR STON TO, ,DPER NA, NYI MA DANG, ZLA BA'I DKYIL 'KHOR NI 'OD ZER GYIS GZUGS SU SNANG BA THAMS CAD CIG CAR MNGON PAR BYED DO,, DE BZHIN GSHEGS PA'ANG RANG GI SEMS SNANG BA DANG, GNAS NGAN LEN GYI BAG CHAGS DANG BRAL BA'I SEMS CAN RNAMS LA DE BZHIN DU BSAM GYIS MI KHYAB PA'I YE SHES RGYAL BA RNAMS KYI SPYOD YUL CIG CAR STON TO, ,DPER NA, KUN GZHI RNAM PAR SHES PA NI RANG GI SEMS SNANG BA'I LUS DANG, GNAS DANG, LONGS SPYOD PAR BZHAG PA'I LUS CIG CAR RNAM PAR RIG CING SHES SO, ,RTEN GYI SANGS RGYAS DE DAG KYANG DE BZHIN TE, CIG CAR SEMS CAN YONGS SU SMIN PAR MDZAD CING GNAS PAR BYA BA'I SPYOD

330b

YUL LA RNAL 'BYOR PA DE DAG 'OG MIN DU GNAS PAR MDZAD DE, ,DPER NA, CHOS NYID KYI SANGS RGYAS KYI RTEN GYI SANGS RGYAS STON CING 'OD ZER GYIS RNAM PAR MDZES SO, ,RANG GIS RIG PA 'PHAGS PA'I TSUL YANG DE BZHIN TE, DES CHOS KYI MTSAN NYID LA DNGOS PO YOD PA DANG, DNGOS PO MED PA'I LTA BA NGAN PA'I RNAM PAR RTOG PA RAB TU SEL BAS RNAM PAR MDZES SO, ,GZHAN YANG, BLO GROS CHEN PO, CHOS NYID LA BRTEN PA'I SANGS RGYAS NI, CHOS THAMS CAD RANG DANG SPYI'I MTSAN NYID DU GTOGS SHING RANG GI SEMS SNANG BA'I BAG CHAGS KYI RGYU DANG 'BREL BA KUN TU BRTAGS PA'I RANG BZHIN LA MNGON PAR ZHEN PA'I RGYU LAS BYUNG BAR STON TO, ,YANG DAG PA MA YIN PA SGYU MA SNA TSOGS LA SNA TSOGS SU MNGON PAR ZHEN PA DAG MI DMIGS SO, ,GZHAN YANG, BLO GROS CHEN PO, GZHAN GYI DBANG GI RANG BZHIN LA MNGON PAR ZHEN PA LAS KUN TU BRTAGS PA'I RANG BZHIN GYI MTSAN NYID SKYE'O, ,BLO GROS CHEN PO, DPER NA, SGYU MA MKHAN GYIS RTZVA DANG SHING DANG GYO MO LA BRTEN TE, SGYU MA SNA TSOGS KYIS SEMS CAN RNAMS KYI DBYIBS DANG, GZUGS THA DAD PA BYAS PA LA RNAM PAR RTOG PA SNA TSOGS SKYED PAR BYED DE, ,RNAM PAR RTOG PA DE DAG NI YANG DAG PA MA YIN NO, ,DE BZHIN DU, BLO GROS CHEN PO, GZHAN GYI DBANG GI RANG BZHIN LA BRTEN

331a

, ,NAS KUN TU BRTAGS PA'I RANG BZHIN 'BYUNG NGO, ,RNAM PAR RTOG PA'I SEMS SNA TSOGS DANG, RNAM PA MANG PO'I MTSAN NYID DANG, DNGOS POR RNAM PAR RTOG PAS MNGON PAR ZHEN PA'I BAG CHAGS LA YONGS SU RTOGS PAS, BLO GROS CHEN PO, 'DI NI KUN TU BRTAGS PA'I RANG BZHIN RNAM PAR RTOG PA LAS SKYES PA ZHES BYA STE, BLO GROS CHEN PO, 'DI NI RTEN GYI SANGS RGYAS KYIS BSHAD PA'O, ,BLO GROS CHEN PO, CHOS NYID KYI SANGS RGYAS NI SEMS KYI RANG BZHIN GYI MTSAN NYID DANG BRAL BA RANG GIS RIG PA 'PHAGS PAS DMIGS PAR BYA BA'I SPYOD YUL RNAM PAR GZHAG GO ,BLO GROS CHEN PO, SPRUL PAS SPRUL PA'I SANGS RGYAS NI SBYIN PA DANG, TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SEMS DANG, YE SHES DANG, SHES RAB DANG, PHUNG PO DANG, KHAMS DANG, SKYE MCHED DANG BRAL BA DANG, RNAM PAR THAR PA DANG, RNAM PAR SHES PA'I MTSAN NYID DANG, RNAM PAR 'BYED CING SO SOR RAB TU RTOG PA RNAM PAR BZHAG PA DANG, MU STEGS CAN GYI LTA BA DANG, GZUGS MED PA'I LTA BA LAS SHIN TU 'DAS PA'I MTSAN NYID STON TO, ,BLO GROS CHEN PO, GZHAN YANG CHOS NYID KYI SANGS RGYAS NI DMIGS PA MED CING DMIGS PA DANG BRAL BA, BYA BA DANG, DBANG PO DANG,

331b

TSAD MA'I MTSAN NYID THAMS CAD LAS RNAM PAR LDOG PA, BYIS PA SO SO'I SKYE BO DANG, NYAN THOS DANG, RANG SANGS RGYAS DANG, MU STEGS CAN DAG GIS MTSAN NYID LA MNGON PAR ZHEN PA DANG, MNGON PAR CHAGS PA RNAMS KYI SPYOD YUL MA YIN PA, 'PHAGS PA RANG GIS RIG PA'I SPYOD YUL GYI MTSAN NYID KYIS RNAM PAR BZHAG PA STON TO, ,DE LTA BAS NA, BLO GROS CHEN PO, 'PHAGS PA SO SO RANG GIS RIG PA'I KHYAD PAR GYI MTSAN NYID RAB TU BRTZON PAR BYA ZHING RANG GI SEMS SNANG BA'I LTA BA YONGS SU SPANG BAR BYA'O, ,GZHAN YANG, BLO GROS CHEN PO, NYAN THOS KYI THEG PA'I TSUL RAB TU DBYE BA'I MTSAN NYID NI RNAM PA GNYIS TE, 'DI LTA STE, 'PHAGS PA SO SO RANG GIS RIG PA'I KHYAD PAR GYI MTSAN NYID THOB PA'I DANG; DNGOS POR RTOG PA'I RANG BZHIN LA MNGON PAR ZHEN PA'I MTSAN NYID DO, ,DE LA 'PHAGS PA'I SO SOR RANG GIS RIG PA'I KHYAD PAR GYI MTSAN NYID THOB PA'I NYAN THOS GANG ZHE NA, 'DI LTA STE, MI RTAG PA DANG, SDUG BSNGAL BA DANG, STONG PA DANG, BDAG MED PA'I LUS KYI YANG DAG PA'I BDEN PA DANG, 'DONG PA SPANGS SHING RAB TU DBEN PA DANG, PHUNG PO DANG, KHAMS DANG, SKYE MCHED RNAMS GTAN DU ZHI BA DANG, RANG DANG SPYI'I MTSAN NYID LA 'JUG CING PHYI ROL GYIS MI 'JIGS PA'I MTSAN NYID DANG, YANG DAG PA

332a

, ,JI LTA BA BZHIN DU YONGS SU SHES NAS, SEMS RAB TU ZHI BA 'THOB BO, ,SEMS RAB TU ZHI BAR GYUR NAS BSAM GTAN DANG, RNAM PAR THAR PA DANG, TING NGE 'DZIN DANG, LAM DANG, 'BRAS BU DANG, SNYOMS PAR 'JUG PA DANG, RNAM PAR GROL BA DANG, BAG CHAGS DANG, BSAM GYIS MI KHYAB PA'I RNAM PAR 'GYUR BA'I SHI 'PHO DANG MA BRAL BA, 'PHAGS PA SO SO RANG GIS RIG PA'I BDE BA LA GNAS PA THOB PA'I NYAN THOS DE NI 'PHAGS PA SO SO RANG GIS RIG PA'I KHYAD PAR GYI MTSAN NYID THOB PA'I NYAN THOS ZHES BYA'O, ,BLO GROS CHEN PO, 'PHAGS PA SO SO RANG GIS RIG PA'I KHYAD PAR GYI BDE BA LA GNAS PA THOB PA'I BYANG CHUB SEMS DPA' SEMS DPA' CHEN PO RNAMS NI 'GOG PA'I SGO'I BDE BA DANG, MA NYAM PAR BZHAG PA'I BDE BA LA GNAS PAR MI BYED DE, SEMS CAN LA SNYING BRTZE BAR BLTA BA DANG, SNGON GYI SMON LAM GYIS MNGON DU MI BYED DO, ,BLO GROS CHEN PO, 'DI NI NYAN THOS KYI 'PHAGS PA SO SO RANG GIS RIG PA'I KHYAD PAR GYI MTSAN NYID KYI BDE BA THOB PA ZHES BYA STE, BYANG CHUB SEMS DPA' SEMS DPA' CHEN POS, DE DAG GIS THOB PA'I 'PHAGS PA SO SO RANG GIS RIG PA'I KHYAD PAR GYI MTSAN NYID KYI BDE BA LA BSLAB PAR

332b

MI BYA'O, ,BLO GROS CHEN PO, DNGOS POR RNAM PAR RTOG PA'I RANG BZHIN LA MNGON PAR ZHEN PA'I MTSAN NYID KYI NYAN THOS GANG ZHE NA, 'DI LTA STE, 'BYUNG BA CHEN PO DANG, SNGON PO DANG; SER PO DANG, DMAR PO DANG, DKAR PO DANG, SRA BA DANG, GSHER BA DANG, DRO BA DANG, G-YO BA RNAMS BYED PA MED PAR SKYE BA DANG, RANG DANG SPYI'I MTSAN NYID KYI SNGON GYI RGYAL BA RNAMS KYIS LEGS PAR GSUNGS PA MTHONG NAS DE DAG LA RANG BZHIN GYI RNAM PAR RTOG PA 'BYUNG STE, BYANG CHUB SEMS DPA' SEMS DPA' CHEN POS DE DAG KHONG DU CHUD PAR BYAS NAS YONGS SU SPANG BAR BYA'O, ,CHOS LA BDAG MED PA'I MTSAN NYID KYI RJES SU ZHUGS PAS GANG ZAG LA BDAG MED PA'I MTSAN NYID DU LTA BA BZLOG NAS SA RNAMS RIM GYIS MTSAMS SBYOR BA RNAM PAR BZHAG PA LA GNAS, BLO GROS CHEN PO, 'DI NI NYAN THOS RNAMS KYI DNGOS POR RNAM PAR RTOG PA'I RANG BZHIN LA MNGON PAR ZHEN PA'I MTSAN NYID CES BYA'O, ,DE NAS BYANG CHUB SEMS DPA' SEMS DPA' CHEN PO BLO GROS CHEN POS BCOM LDAN 'DAS LA 'DI SKAD CES GSOL TO, ,BCOM LDAN 'DAS KYIS RTAG PA DANG BSAM GYIS MI KHYAB PA, SO SO RANG GIS RIG PA 'PHAGS PA'I SPYOD YUL DANG, DON DAM PA'I SPYOD YUL BKA' STZAL PA DE, BCOM LDAN 'DAS, MU STEGS CAN GYIS

333a

, ,SMRA BA'I RTAG PA DANG, BSAM GYIS MI KHYAB PA'I RGYU DANG RKYEN ZHIG MA LAGS SAM, BCOM LDAN 'DAS KYIS BKA' STZAL PA, ,BLO GROS CHEN PO, MU STEGS CAN RNAMS KYI RGYU DANG RKYEN GYIS RTAG PA DANG, BSAM GYIS MI KHYAB PA 'THOB PAR MI 'GYUR RO, ,DE CI'I PHYIR ZHE NA, MU STEGS CAN RNAMS KYIS RTAG PA DANG, BSAM GYIS MI KHYAB PA NI RGYU'I RANG GI MTSAN NYID LAS GRUB PA MA YIN TE, GAL TE RTAG PA DANG, BSAM GYIS MI KHYAB PA'I RGYU RANG GI MTSAN NYID LAS GRUB PA MA YIN NA, RGYU GANG GIS RTAG PA DANG, BSAM GYIS MI KHYAB PA MNGON PAR BYED, GZHAN YANG, BLO GROS CHEN PO, CI STE RTAG PA DANG, BSAM GYIS MI KHYAB PA RGYU'I RANG GI MTSAN NYID LAS GRUB PA ZHIG YIN NA NI DES RTAG PA NYID DU 'GYUR BA ZHIG NA, 'DI LTAR BYED PA'I RGYU'I MTSAN NYID KYI PHYIR RTAG PA DANG, BSAM GYIS MI KHYAB PAR MI 'GRUB PO, ,BLO GROS CHEN PO, NGA'I DON DAM PA RTAG PA DANG, BSAM GYIS MI KHYAB PA NI DON DAM PA'I RGYU'I MTSAN NYID LAS GRUB PA YIN TE, DNGOS PO DANG DNGOS PO MED PA DANG BRAL BA RANG GIS RIG PA'I MTSAN NYID THOB PA'I PHYIR MTSAN NYID DANG LDAN PA'O, ,DON DAM PA'I YE SHES KYI RGYUR GYUR PA'I PHYIR RGYU DANG LDAN PA'O, ,DNGOS PO DANG DNGOS PO MED PA DANG

333b

BRAL BA'I PHYIR, DPER NA, MA BYAS PA NAM MKHA' DANG, MYA NGAN LAS 'DAS PA DANG, 'GOG PA DANG 'DRA BA'I PHYIR RTAG PA STE, DE'I PHYIR, BLO GROS CHEN PO, 'DI NI MU STEGS CAN GYI RTAG PA DANG, BSAM GYIS MI KHYAB PAR SMRA BA DANG, MTSUNGS PA MA YIN NO, ,BLO GROS CHEN PO, RTAG PA DANG, BSAM GYIS MI KHYAB PA 'DI NI DE BZHIN GSHEGS PA RNAMS KYI SO SO RANG GIS RIG PA 'PHAGS PA'I YE SHES KYIS THUGS SU CHUD PAR BYA'O, ,DE BAS NA RTAG PA DANG, BSAM GYIS MI KHYAB PA SO SO RANG GIS RIG PA 'PHAGS PA'I YE SHES KHONG DU CHUD PAR BYA BA LA RAB TU BRTZON PAR BYA'O, ,GZHAN YANG, BLO GROS CHEN PO, MU STEGS CAN GYI RTAG PA DANG, BSAM GYIS MI KHYAB PA NI MI RTAG PA NYID DE, THA DAD BA'I MTSAN NYID KYI RGYU'I PHYIR DANG, BDAG GIS BYAS PA'I RGYU'I MTSAN NYID KYI STOBS KYI PHYIR RTAG PA MA YIN NO, ,GZHAN YANG, BLO GROS CHEN PO, MU STEGS CAN RNAMS KYI RTAG PA DANG, BSAM GYIS MI KHYAB PA NI BYAS PA'I DNGOS PO DNGOS PO MED PAS MI RTAG PA NYID DU MTHONG NAS RTAG PA YIN NO SNYAM DU RTOG GO ,BLO GROS CHEN PO, DA'ANG DE BZHIN DU RGYU DANG RKYEN GYIS BYAS PA'I DNGOS PO DNGOS PO MED PAS MI RTAG PA NYID DU MTHONG NAS SO SO RANG GIS RIG PA'I 'PHAGS PA'I YE SHES KYIS DE LA RTAG PA'I RGYU MED PAR STON TO, ,

334a

, ,BLO GROS CHEN PO, GAL TE'ANG MU STEGS CAN RNAMS KYI RGYU'I MTSAN NYID DU GRUB PA ZHIG YIN NA NI, RTAG PA DANG, BSAM GYIS MI KHYAB PA'I RGYU'I RANG GI MTSAN NYID KYI DNGOS PO DNGOS PO MED PAS RI BONG GI RVA DANG MTSUNGS SHING RTAG PA DANG, BSAM GYIS MI KHYAB PA DE NI TSIG GI RNAM PAR RTOG PA TZAM DU 'GYUR TE, MU STEGS CAN RNAMS LA NYES PA DE LTA BU DAG YOD DO, ,DE CI'I PHYIR ZHE NA, 'DI LTA STE, TSIG RNAM PAR RTOG PA'ANG RI BONG GI RVA DANG 'DRA BAS RANG GI RGYU'I MTSAN NYID KYI DNGOS PO YOD PA MA YIN NO, ,BLO GROS CHEN PO, NGA'I RTAG PA DANG, BSAM GYIS MI KHYAB PA'I RGYU NI SO SO RANG GIS RIG PA 'PHAGS PA'I YE SHES KHONG DU CHUD PA'I MTSAN NYID KYI PHYIR BYAS PA'I DNGOS PO DANG, DNGOS PO MED PA RNAM PAR SPANGS PAS RTAG PA YIN GYI, PHYI ROL GYI DNGOS PO RNAMS DNGOS PO MED CING MI RTAG PAR GYUR NAS RJES SU DPAG PAS RTOG PA NYID DU BRTAGS PA NI MA YIN NO, ,BLO GROS CHEN PO, GAL TE YANG PHYI ROL GYI DNGOS PO RNAMS DNGOS PO MED CING MI RTAG PA LAS RJES SU DPAG PAS RTAG PA DANG BSAM GYIS MI KHYAB PA NYID DU RTAG PAR BYED NA, BSAM GYIS MI KHYAB PA'I RANG GI RGYU'I MTSAN NYID MI SHES SO, ,BLO GROS CHEN PO, DE DAG NI SO SO RANG GIS RIG PA 'PHAGS PA'I YE

334b

SHES KHONG DU CHUD PA'I SPYOD YUL LAS SHIN TU THAG RING POR GYUR PA STE, DE DAG LA BSHAD PAR MI BYA'O, ,GZHAN YANG, BLO GROS CHEN PO, 'KHOR BA'I RNAM PAR RTOG PA'I SDUG BSNGAL GYI 'JIGS PAS MYA NGAN LAS 'DAS PA YONGS SU 'TSOL TE, 'KHOR BA DANG MYA NGAN LAS 'DAS PA'I KHYAD PAR MI SHES PAS DNGOS PO THAMS CAD LAS RNAM PAR RTOG PA DNGOS PO MED PA DANG, MA 'ONGS PA'I DBANG PO RNAMS KYI YUL CHAD PA LA MYA NGAN LAS 'DAS PAR 'DU SHES TE, SO SO RANG GIS RIG PA 'PHAGS PA'I YE SHES KUN GZHI GYUR PA SNGON DU BTANG BA MA YIN NO, ,DE'I PHYIR BLUN PO DE DAG THEG PA GSUM DU SMRA BA YIN TE, SEMS TZAM DU SNANG BA RNAMS SNANG BA MED PAR NI MI SMRA'O, ,DE LTA BAS NA, BLO GROS CHEN PO, DE DAG NI 'DAS PA DANG, MA 'ONGS PA DANG, DA LTAR BYUNG BA'I DE BZHIN GSHEGS PA RNAMS KYIS GSUNGS PA'I RANG GI SEMS SNANG BA'I SPYOD YUL MNGON PAR MI SHES SHING, SEMS NYID PHYI ROL GYI SPYOD YUL DU SNANG BA LA MNGON PAR ZHEN PAS 'KHOR BA'I 'KHOR LO RTAG TU 'KHOR RO, ,GZHAN YANG, BLO GROS CHEN PO, CHOS THAMS CAD MI SKYE BAR NI 'DAS PA DANG, MA 'ONGS PA DANG, DA LTAR BYUNG BA'I DE BZHIN GSHEGS PA RNAMS KYIS BSHAD DO, ,DE CI'I PHYIR ZHE NA, 'DI LTA STE, RANG GI SEMS SNANG BA'I DNGOS

335a

, ,PO RNAMS DNGOS PO MED PA DANG, YOD PA DANG, YOD PA MA YIN PA'I SKYE BA DANG BRAL BA'I PHYIR, BLO GROS CHEN PO, CHOS THAMS CAD MA SKYES PA YIN TE, CHOS THAMS CAD NI RI BONG DANG, RTA LA SOGS PA'I RVA DANG MTSUNGS PA'O, ,BYIS PA SO SO'I SKYE BO RNAMS YANG DAG PA MA YIN PA'I YONGS SU RTOG PA'I RANG BZHIN LA RNAM PAR BRTAGS PA'I PHYIR, BLO GROS CHEN PO, CHOS THAMS CAD MA SKYES PA YIN TE, SO SO RANG GIS RIG PA 'PHAGS PA'I YE SHES KYI SPYOD YUL LA NI DNGOS PO THAMS CAD KYI RANG BZHIN GYI MTSAN NYID MI SKYE BAS, DE NI BYIS PA SO SO'I SKYE BO RNAM PAR RTOG PA GNYIS KYI SPYOD YUL GYI RANG BZHIN LUS DANG LONGS SPYOD RNAM PAR BZHAG PA'I RANG BZHIN GYI TSUL GYIS MTSAN NYID MA YIN NO, ,BLO GROS CHEN PO, KUN GZHI RNAM PAR SHES PA GZUNG BA DANG, 'DZIN PA'I MTSAN NYID DU 'JUG PA LA BYIS PA SO SO'I SKYE BO SKYE BA DANG, GNAS PA DANG, 'JIG PA'I LTA BA GNYIS SU LHUNG BA'I BSAM PA CAN RNAMS DNGOS PO THAMS CAD SKYE BA NI YOD PA DANG, MED PA LAS SKYE BAR RNAM PAR RTOG GI ,'PHAGS PA RNAMS NI MA YIN TE, BLO GROS CHEN PO, 'DI LA RAB TU BRTZON PAR BYA'O, ,GZHAN YANG, BLO GROS CHEN PO, MNGON PAR RTOGS PAR 'GYUR BA'I

335b

RIGS NI LNGA YOD DE, LNGA GANG ZHE NA, 'DI LTA STE, NYAN THOS KYI THEG PA MNGON PAR RTOGS PAR 'GYUR BA'I RIGS DANG, RANG SANGS RGYAS KYI THEG PA MNGON PAR RTOGS PAR 'GYUR BA'I RIGS DANG, DE BZHIN GSHEGS PA'I THEG PA MNGON PAR RTOGS PAR 'GYUR BA'I RIGS DANG, GANG DU'ANG MA NGES PA'I RIGS DANG, RIGS SO SO THA DAD PA'O, ,DE LA NYAN THOS KYI THEG PA MNGON PAR RTOGS PAR 'GYUR BA'I RIGS JI LTAR KHONG DU CHUD PAR BYA ZHE NA, GANG GIS PHUNG PO DANG, KHAMS DANG, SKYE MCHED KYI RANG DANG SPYI'I MTSAN NYID DANG, YONGS SU SPANG BA DANG, SHES PAR 'GYUR BA BSTAN PA THOS PA NA, LUS KYI SPU LDANG ZHING RAB TU DGA' BA DANG, YONGS SU 'DRIS PAR BYA BA'I MTSAN NYID KYI SHES PA LA MOS SHING, RTEN CING 'BREL PAR 'BYUNG BA KHONG DU CHUD PAR BYA BA'I MTSAN NYID LA YONGS SU 'DRIS PAR MI BYED PA 'DI NI, NYAN THOS KYI THEG PA MNGON PAR RTOGS PAR 'GYUR BA'I RIGS SO, ,NYAN THOS KYI MNGON PAR RTOGS PAS SA BRGYAD PA MTHONG BAR 'GYUR TE, KUN NAS LDANG BA'I NYON MONGS PA RAB TU SPANGS SHING, BAG CHAGS KYI NYON MONGS PA RAB TU SPANGS PA, BSAM GYIS MI KHYAB PA'I RNAM PAR 'GYUR BA'I SHI 'PHO LAS MA 'DAS SHING, DNGOS PO'I 'CHI 'PHO LAS SHIN TU 'DAS PAS, BDAG

336a

, ,GI SKYE BA NI ZAD DO, ,TSANGS PAR SPYOD PA LA GNAS SO, ,YANG SRID PA PHYI MA MI LEN TO, ,ZHES YANG DAG PAR SENG GE'I SGRA SGROGS TE, YANG DAG PAR JI LTA BA BZHIN DU RAB TU SHES SHING, GANG ZAG LA BDAG MED PAR SGOM PA DANG, MYA NGAN LAS 'DAS PA THOB PA'I BAR GYI BLOR 'GYUR RO, ,BLO GROS CHEN PO, SO SO THA DAD PA'I MNGON PAR RTOGS PA NI 'DI LTA STE, BDAG DANG, GANG ZAG DANG, SEMS CAN DANG, 'TSO BA DANG, SROG DANG, GSO BA DANG, SKYES BU ZHES SEMS CAN DE DAG DE LTA BU'I BLOS MYA NGAN LAS 'DAS PA 'TSOL LO, ,GZHAN YANG MU STEGS CAN THA DAD PA KHA CIG NI DNGOS PO THAMS CAD BYED PA PO LA RAG LAS PAR MTHONG NAS 'DI SKAD DU 'DI NI MYA NGAN LAS 'DAS PA'O ZHES DE LTA BU'I BLOR 'GYUR TE, CHOS BDAG MED PAR MTHONG BA'I SKAL BA MED PAS DE DAG LA THAR BA MED DO, ,BLO GROS CHEN PO, NYAN THOS KYI THEG PA MNGON PAR RTOGS PAR 'GYUR BA DANG, MU STEGS KYI RIGS DE DAG NI NGES PAR 'BYUNG BA MA YIN PA LA NGES PAR 'BYUNG BA'I BLO CAN DAG YIN TE, LTA BA NGAN PA DE DAG RNAM PAR BZLOG PA'I PHYIR RAB TU BRTZON PAR BYA'O, ,BLO GROS CHEN PO, DE LA RANG SANGS RGYAS KYI THEG PA MNGON PAR RTOGS PAR 'GYUR BA'I RIGS NI GANG GIS RKYEN THA DAD PA'I MNGON PAR RTOGS PA

336b

THOS NA, LUS KYI SPU LDANG ZHING MCHI MA 'BYUNG BA DANG, 'DU 'DZI'I RKYEN LA MNGON PAR ZHEN PA MED PA DANG, RANG GI LUS SNA TSOGS DANG, 'DU BA DANG 'BRAL BA'I RDZU 'PHRUL SNA TSOGS KYIS SNA TSOGS SPRUL CING STON PA RAB TU BSHAD PA THOS PA NA, DE'I RJES SU SEMS 'JUG PAR 'GYUR BA YIN TE, DE RANG SANGS RGYAS KYI THEG PA MNGON PAR RTOGS PAR 'GYUR BA'I RIGS CAN DU SHES PAR GYUR NAS, RANG SANGS RGYAS KYI THEG PA DANG RJES SU MTHUN PA'I GTAM BRJOD PAR BYA'O, ,BLO GROS CHEN PO, 'DI NI RANG SANGS RGYAS KYI THEG PA MNGON PAR RTOGS PAR 'GYUR BA'I RIGS CAN GYI MTSAN NYID DO, ,BLO GROS CHEN PO, DE LA DE BZHIN GSHEGS PA'I THEG PA MNGON PAR RTOGS PAR 'GYUR BA'I RIGS DE NI RNAM PA BZHI YOD DE, 'DI LTA STE, RANG BZHIN GYI CHOS MNGON PAR RTOGS PAR 'GYUR BA'I RIGS DANG, RANG BZHIN MED PA'I CHOS MNGON PAR RTOGS PAR 'GYUR BA'I RIGS DANG, SO SO RANG GIS RIG PA 'PHAGS PA'I YE SHES MNGON PAR RTOGS PAR 'GYUR BA'I RIGS DANG, SANGS RGYAS KYI ZHING PHYI ROL KHYAD PAR CAN MNGON PAR RTOGS PAR 'GYUR BA'I RIGS SO, ,BLO GROS CHEN PO, NAM DNGOS PO 'DI BZHI LAS GANG YANG RUNG BA ZHIG BSTAN PA DANG, RANG GI SEMS SNANG BA'I LUS DANG, LONGS SPYOD RNAM PAR BZHAG PA DANG, BSAM GYIS

337a

, ,MI KHYAB PA'I YUL BSHAD PA THOB PA NA, MI SKRAG MI 'JIGS PA DE NI DE BZHIN GSHEGS PA'I THEG PA MNGON PAR RTOGS PAR 'GYUR BA'I RIGS CAN DU SHES PAR BYA STE, 'DI NI DE BZHIN GSHEGS PA'I THEG PA MNGON PAR RTOGS PAR 'GYUR BA'I RIGS CAN GYI MTSAN NYID DO, ,BLO GROS CHEN PO, MA NGES PA'I RIGS CAN NI 'DI LTA STE, GSUM PO DE DAG LAS GANG BSHAD PA NA, GANG BSHAD PA DE LA 'JUG CING DE'I RJES SU SGRUB PA'O, ,BLO GROS CHEN PO, 'DI DAG NI DANG PO SA YONGS SU SBYANG BA YIN TE, 'DI LTA STE, RIGS RNAM PAR DGOD PA'O, ,SNANG BA MED PA'I SA 'JUG PA'I PHYIR, RNAM PAR DGOD PA BYAS SO, ,SO SO RANG GIS RIG PA LA GNAS PA DE DAG KUN GZHI LA RANG GI NYON MONGS PA'I BAG CHAGS YONGS SU DAG NAS, CHOS BDAG MED PAR MTHONG ZHING, TING NGE 'DZIN GYI BDE BA LA GNAS PA THOB PA'I NYAN THOS RNAMS KYANG, DE BZHIN GSHEGS PA'I SKU MCHOG TU GYUR PA NYID THOB PAR 'GYUR RO, ,DE NAS BCOM LDAN 'DAS KYIS DON DE NYID YANG BSTAN PA'I PHYIR, TSIGS SU BCAD PA 'DI DAG GSUNGS SO, ,RGYUN DU ZHUGS PA'I 'BRAS BU DANG, ,LAN GCIG PHYIR 'ONG PHYIR MI 'ONG, ,DE BZHIN DU NI DGRA BCOM PA, ,DE DAG SEMS

337b

NI BSLAD PA'O, ,THEG PA GSUM DANG THEG PA GCIG ,THEG PA MA YIN NGAS BSHAD DE, ,BYIS PA BLO GZHAN RNAMS DANG NI, ,'PHAGS PA RAB DBEN MOS LA BSHAD, ,DON DAM CHOS KYI SGO MO NI, ,BSTAN PA GNYIS PO RNAM SPANGS SHING, ,SNANG BA MED LA RAB GNAS NAS, ,THEG PA GSUM DU JI LTAR DGOD, ,BSAM GTAN RNAMS DANG TSAD MED DANG, , GZUGS MED PA YI TING 'DZIN DANG, TSOR DANG 'DU SHES RAB DBEN PAS, ,SEMS TZAM YANG NI YOD MA YIN, ,BLO GROS CHEN PO, 'DOD CHEN PA 'DI DAG NI 'DOD CHEN PA MA YIN TE; 'JIG RTEN NA SU ZHIG THAR PA LA 'JUG PAR 'GYUR, BLO GROS CHEN PO, 'DOD CHEN PA NI RNAM PA GNYIS YOD DE, DGE BA'I RTZA BA THAMS CAD SPANGS PA DANG, THOG MA MED PA'I DUS KYI SEMS CAN GYI PHYIR SMON LAM BTAB PA'O, ,DE LA DGE BA'I RTZA BA THAMS CAD SPANGS PA GANG ZHE NA, 'DI LTA STE, BYANG CHUB SEMS DPA'I SDE SNOD LA SKUR PA 'DEBS SHING TSIG NGAN PA 'DI SKAD DU, 'DI NI MDO SDE DANG, GDUL BA DANG, THAR PA DANG MTHUN PAR SMRA BA MA YIN NO ZHES ZER BA STE, DGE BA'I RTZA BA THAMS CAD SPANGS PA'I PHYIR MYA NGAN LAS MI 'DA'O, ,GNYIS PA NI, BYANG CHUB SEMS DPA' RNAMS SNGON GYI RANG GI SMON LAM DANG, THABS SNGON DU BTANG BA'I PHYIR YONGS SU MYA NGAN LAS MI 'DA' BA'ANG MA YIN TE,

338a

, ,SEMS CAN THAMS CAD MYA NGAN LAS 'DA' BAR BYED DO, ,BLO GROS CHEN PO, DE'I MYA NGAN LAS 'DA' BA 'DI NI MYA NGAN LAS MI 'DA' BA'I CHOS CAN GYI MTSAN NYID DE, 'DI'ANG 'DOD CHEN PA RNAMS KYI TSUL RAB TU THOB PAR 'GYUR RO, ,BLO GROS CHEN POS BCOM LDAN 'DAS LA GSOL PA, BCOM LDAN 'DAS, 'DI LA GTAN DU MYA NGAN LAS MI 'DA' BA'ANG GANG LAGS, BCOM LDAN 'DAS KYIS BKA' STZAL PA, BLO GROS CHEN PO, DE LA BYANG CHUB SEMS DPA' 'DOD CHEN PA NI, CHOS THAMS CAD GZOD MA NAS MYA NGAN LAS 'DAS PAR SHES NAS GTAN DU MYA NGAN LAS MI 'DA' STE, DGE BA'I RTZA BA THAMS CAD SPANGS PA'I 'DOD CHEN PA NI MA YIN NO, ,BLO GROS CHEN PO; DGE BA'I RTZA BA THAMS CAD SPANGS PA'I 'DOD CHEN PA'ANG DE BZHIN GSHEGS PA'I BYIN GYI RLABS KYIS BRGYA LA GAL TE NA DGE BA'I RTZA BA SKYE BAR 'GYUR RO, ,DE CI'I PHYIR ZHE NA, 'DI LTAR DE BZHIN GSHEGS PA RNAMS NI SEMS CAN THAMS CAD YONGS SU MI GTONG BA'I PHYIR RO, ,DE LTAR DE'I PHYIR BYANG CHUB SEMS DPA'I 'DOD CHEN PA RNAMS YONGS SU MYA NGAN LAS MI 'DA'O, ,GZHAN YANG, BLO GROS CHEN PO, BYANG CHUB SEMS DPA' SEMS DPA' CHEN POS RANG BZHIN GYI MTSAN NYID GSUM LA MKHAS

338b

PAR BYA'O, ,RANG BZHIN GSUM PO DE DAG GANG ZHE NA, 'DI LTA STE, KUN BRTAGS PA'I RANG BZHIN DANG, GZHAN GYI DBANG GI RANG BZHIN DANG, YONGS SU GRUB PA'I RANG BZHIN NO; ;BLO GROS CHEN PO, DE LA KUN BRTAGS PA'I RANG BZHIN NI MTSAN MA LAS 'BYUNG NGO, ,BLO GROS CHEN POS BCOM LDAN 'DAS LA GSOL PA, BCOM LDAN 'DAS, JI LTAR KUN BRTAGS PA'I RANG BZHIN MTSAN MA LAS 'BYUNG BA LAGS, BCOM LDAN 'DAS KYIS BKA' STZAL PA, BLO GROS CHEN PO, GZHAN GYI DBANG GI RANG BZHIN GYI DNGOS PO'I MTSAN NYID NI 'DU BYED KYI DNGOS PO'I MTSAN MA'I MTSAN NYID LTA BUR SNANG STE, MNGON PAR ZHEN PA'I KUN BRTAGS PA'I RANG BZHIN NI RNAM PA GNYIS YOD PAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYIS RNAM PAR 'JOG STE, 'DI LTA STE, MING GI MTSAN MA LA MNGON PAR ZHEN PA'I MTSAN NYID DANG, DNGOS PO'I MTSAN MA LA MNGON PAR ZHEN PA'I MTSAN NYID DO, ,DE LA MING GI MTSAN MA LA MNGON PAR ZHEN PA'I MTSAN NYID NI 'DI LTA STE, NANG DANG PHYI'I CHOS LA MNGON PAR ZHEN PA'O,, DNGOS PO'I MTSAN MA LA MNGON PAR ZHEN PA'I MTSAN NYID NI 'DI LTA STE, NANG DANG PHYI ROL GYI CHOS DE DAG NYID KYI RANG DANG SPYI'I MTSAN NYID LA MNGON PAR ZHEN PA'O, ,BLO GROS CHEN

339a

, ,PO; 'DI NI KUN BRTAGS PA'I RANG BZHIN RNAM PA GNYIS KYI MTSAN YID CES BYA'O, ,GANG LA GNAS SHING GANG LA DMIGS PA LAS 'BYUNG BA DE NI GZHAN GYI DBANG ZHES BYA'O, ,DE LA YONGS SU GRUB PA'I RANG BZHIN JI LTA BU ZHE NA, 'DI LTA STE, MING DANG RGYU MTSAN GYI DNGOS PO'I MTSAN NYID KYI RNAM PAR RTOG PA DANG BRAL BA, 'PHAGS PA'I YE SHES KYIS THOB PAR BYA BA, SO SOR RANG GIS RIG PA 'PHAGS PA'I YE SHES KYI BGROD PAR BYA BA'I SPYOD YUL TE, 'DI NI YONGS SU GRUB PA'I RANG BZHIN DE BZHIN GSHEGS PA RNAMS KYI SNYING PO'I THUGS ZHES BYA'O, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI GSUNGS PA; MING DANG RGYU MTSAN KUN RTOG PA, ,RANG BZHIN GNYIS KYIS MTSAN NYID DE, ,YANG DAG SHES DANG DE BZHIN NYID, ,YONGS SU GRUB PA'I MTSAN NYID DO, ,BLO GROS CHEN PO; 'DI NI CHOS LNGA DANG, RANG BZHIN GYI MTSAN NYID RAB TU RNAM PAR 'BYED PA ZHES BYA BA'I CHOS KYI RNAM GRANGS SO SO RANG GIS RIG PA 'PHAGS PA'I YE SHES KYIS BGROD PAR BYA BA'I SPYOD YUL YIN TE, DE LA KHYOD DANG, BYANG CHUB SEMS DPA' SEMS DPA' CHEN PO RNAMS KYIS BSLAB PAR BYA'O, ,GZHAN YANG, BLO GROS CHEN PO,

339b

BYANG CHUB SEMS DPA' SEMS DPA' CHEN POS BDAG MED PA GNYIS KYI MTSAN NYID RAB TU DBYE BA LA MKHAS PAR BYA'O, ,DE LA BDAG MED PA GNYIS KYI MTSAN NYID GANG ZHE NA 'DI LTA STE, GANG ZAG LA BDAG MED PA DANG, CHOS LA BDAG MED PA'O, ,GANG ZAG LA BDAG MED PA GANG ZHE NA, 'DI LTA STE, BDAG DANG BDAG GI DANG BRAL BA, PHUNG PO DANG, KHAMS DANG, SKYE MCHED 'DUS PA MI SHES PA DANG, LAS DANG SRED PA LAS SKYES PA, MING DANG GZUGS LA SOGS PAR 'DZIN PA LA MNGON PAR ZHEN PA LAS RNAM PAR SHES PA SKYE BA, 'DI LTAR DBANG PO THAMS CAD DANG, RANG GI SEMS SNANG BA'I SNOD DANG, LUS DANG, GZHI NI RANG GI RNAM PAR RTOG PAS BRTAGS PAS RAB TU PHYE BA, 'BAB CHU DANG, SA BON DANG; MAR ME DANG, RLUNG DANG, SPRIN DANG MTSUNGS PAR SKAD CIG MA GCIG NAS GCIG TU 'JIG PAR 'GYUR PA, SPRE'U LTAR RAB TU G-YO BA, SBRANG MA LTAR MI GTZANG BA'I GNAS LA RAB TU MOS PA, RAB TU 'BAR BA'I ME LTAR CHOG MI SHES PA, THOG MA MED PA'I DUS NAS SPROS PA'I GNAS NGAN LEN GYI BAG CHAGS RGYUR GYUR BA, ZO CHUN GYI 'KHOR LO LTAR 'KHOR PAR 'GRO BA'I SRID PA'I 'KHOR LOR GYUR PA, LUS RNAM PA SNA TSOGS KYI GZUGS 'CHANG BA, SGYU MA DANG, RIG SNGAGS DANG, 'KHRUL 'KHOR LTA BUR 'JUG CING 'BYUNG

340a

, ,STE; GANG MTSAN NYID 'DI LA MKHAS PA'I SHES PA DE NI GANG ZAG LA BDAG MED PAR SHES PA ZHES BYA'O, ,DE LA CHOS LA BDAG MED PAR SHES PA GANG ZHE NA, 'DI LTA STE, PHUNG PO DANG, KHAMS DANG, SKYE MCHED RNAMS KYI KUN BRTAGS PA'I MTSAN NYID KYIS RANG BZHIN TSOGS PA STE, JI LTAR PHUNG PO DANG, KHAMS DANG; SKYE MCHED RNAMS BDAG DANG, BDAG GI DANG BRAL ZHING, PHUNG PO DANG, KHAMS DANG, SKYE MCHED 'DUS PA, RGYU DANG, LAS DANG, SRID PA'I SRAD BUS SPREL BA, PHAN TSUN KUN TU GYUR PA LAS SKYE ZHING G-YO BA MED PA, DE BZHIN DU CHOS RNAMS KYANG DE BZHIN TE, RANG DANG SPYI'I MTSAN NYID DANG BRAL BA, YANG DAG PA MA YIN PA, KUN TU RTOG PA'I MTSAN NYID DE, KUN TU RTOG PA'I STOBS KYANG BYIS PA RNAMS KYIS SKYED PAR BYED KYI, 'PHAGS PA RNAMS KYIS NI MA YIN TE, SEMS DANG, YID DANG, YID KYI RNAM PAR SHES PA DANG, CHOS LNGA DANG, RANG BZHIN DANG BRAL BA'I PHYIR RO, ,BLO GROS CHEN PO, BYANG CHUB SEMS DPA' SEMS DPA' CHEN POS CHOS THAMS CAD BDAG MED PAR RAB TU DBYE BA LA MKHAS PAR BYA'O, ,BLO GROS CHEN PO, CHOS BDAG MED PA LA MKHAS PA'I BYANG CHUB SEMS DPA' SEMS DPA' CHEN PO NI RING PO MI THOGS PAR BYANG CHUB

340b

SEMS DPA'I SA DANG PO 'THOB STE, SNANG BA MED PAR SGOM PA'I SA'I MTSAN NYID RAB TU DBYE BA KHONG DU CHUD PAS RAB TU DGA' ZHING, RIM GYIS GONG NAS GONG DU KHYAD PAR DU GYUR PAS SA DGU'I MTSAN NYID KYI RIG PA LAS 'DAS TE, CHOS KYI SPRIN RAB TU 'THOB BO, ,DER RIN PO CHE CHEN PO'I PADMA'I RGYAL PO DANG, RIN PO CHE CHEN PO'I GZHAL MED KHANG RIN PO CHE TSAD MED PAS RAB TU BRGYAN PAS RNAM PAR BKOD PA, SGYU MA'I RANG BZHIN GYI SPYOD YUL YONGS SU BSGOMS PA LAS BYUNG BA DE LA 'JUG STE, 'KHOR RGYAL BA'I SRAS SKAL BA MTHUN PA RNAMS KYIS YONGS SU BSKOR CING, SANGS RGYAS KYI ZHING THAMS CAD NAS BYON PA'I SANGS RGYAS KYI PHYAG GIS SPYI BO NAS DBANG BSKUR BAS 'KHOR LOS BSGYUR BA'I RGYAL PO'I BU BZHIN DU MNGON PAR DBANG BSKUR RO, ,SANGS RGYAS KYI SRAS KYI SA LA 'DAS NAS 'PHAGS PA SO SO RANG GIS RIG PA'I CHOS KYI TSUL KHONG DU CHUD PA'I PHYIR, DE BZHIN GSHEGS PA'I MNGA' BRNYES PA'I CHOS KYI SKU 'THOB PAR 'GYUR TE, CHOS BDAG MED PAR MTHONG BA'I PHYIR RO, ,'DI NI CHOS BDAG MED PA'I MTSAN NYID CES BYA STE, DE LA KHYOD DANG BYANG CHUB SEMS DPA' RNAMS KYIS BSLAB PAR BYA'O, ,DE NAS BYANG CHUB SEMS DPA' SEMS DPA' CHEN PO BLO GROS CHEN POS YANG BCOM LDAN 'DAS LA 'DI SKAD CES

341a

, ,GSOL TO, ,BCOM LDAN 'DAS, SGRO 'DOGS PA DANG, SKUR PA 'DEBS PA'I MTSAN NYID BSHAD DU GSOL, BDAG DANG, BYANG CHUB SEMS DPA' SEMS DPA' CHEN PO RNAMS SGRO 'DOGS PA DANG, SKUR BA 'DEBS PA'I MTHA' GNYIS KYI LTA BA NGAN PA YONGS SU SPANGS NAS, MYUR DU BLA NA MED PA YANG DAG PAR RDZOGS PA'I BYANG CHUB MNGON PAR 'TSANG RGYA ZHING, MNGON PAR RDZOGS PAR SANGS RGYAS NAS KYANG RTAG PAR SGRO 'DOGS PA DANG, CHAD PAR SKUR PA 'DEBS PA'I LTA BA RNAM PAR SPANGS NAS YANG DAG PA'I CHOS KYI SKUR PA 'DEBS PAR MI 'GYUR RO, ,DE NAS BCOM LDAN 'DAS KYIS BYANG CHUB SEMS DPA' BLO GROS CHEN POS GSOL PA BTAB PA THUGS SU CHUD NAS TSIGS SU BCAD PA 'DI DAG GSUNGS SO, ,SGRO 'DOGS PA DANG SKUR BA DANG, ,YOD MIN DE NI SEMS TZAM MO, ,LUS DANG LONGS SPYOD RNAM GZHAG DANG, ,SEMS KYANG RAB TU MI SHES PA'I, ,BYIS PA BLO DANG MI LDAN PA, ,SGRO 'DOGS SKUR PA 'DEBS PAR BYED, ,DE NAS BCOM LDAN 'DAS KYIS TSIGS SU BCAD PA DE NYID KYI DON BSTAN PA'I PHYIR 'DI SKAD CES BKA' STZAL TO, ,BLO GROS CHEN PO, YOD PA MA YIN PA LA SGRO 'DOGS PA NI RNAM PA BZHI YOD DE, RNAM PA BZHI GANG ZHE NA, 'DI LTA STE, YOD PA MA YIN PA MTSAN

341b

NYID DU SGRO 'DOGS PA DANG, YOD PA MA YIN PA MTHONG BAR SGRO 'DOGS PA DANG, YOD PA MA YIN PA RGYUR SGRO 'DOGS PA DANG, YOD PA MA YIN PA DNGOS POR SGRO 'DOGS PA STE 'DI NI SGRO 'DOGS PA RNAM PA BZHI ZHES BYA'O, ,SKUR PA 'DEBS PA 'DI LTA STE, SGRO 'DOGS PA DE DAG NYID MI DMIGS PAR RAB TU 'BYED PA'I CHA MA YIN PAS SKUR PA 'DEBS PA SKYED PAR BYED PA STE, 'DI NI SGRO 'DOGS PA DANG, SKUR BA'I MTSAN NYID DO, ,GZHAN YANG, BLO GROS CHEN PO, YOD PA MA YIN PA LA MTSAN NYID DU SGRO 'DOGS PA'I MTSAN NYID GANG ZHE NA, 'DI LTA STE, PHUNG PO DANG, KHAMS DANG, SKYE MCHED RNAMS KYI RANG DANG SPYI'I MTSAN NYID YOD PA MA YIN PA LA MNGON PAR ZHEN PA SKYED CING, 'DI NI DE BZHIN DU YIN GYI GZHAN DU MA YIN NO ZHES ZER BA STE, 'DI NI YOD PA MA YIN PA LA MTSAN NYID DU SGRO 'DOGS PA'I MTSAN NYID DO, ,YOD PA MA YIN PA LA MTSAN NYID DU SGRO 'DOGS PA'I RNAM PAR RTOG PA 'DI NI THOG MA MED PA'I DUS KYI SPROS PA'I GNAS NGAN LEN GYI BAG CHAGS SNA TSOGS LA MNGON PAR ZHEN PA LAS 'BYUNG NGO, ,BLO GROS CHEN PO, YOD PA MA YIN PA MTHONG BAR SGRO 'DOGS PA'I MTSAN NYID NI, GANG PHUNG PO DANG, KHAMS DANG, SKYE MCHED DE DAG NYID LA BDAG DANG, GANG ZAG DANG, SEMS CAN DANG, SROG DANG,

342a

, ,GSO BA DANG, SKYES BUR LTA ZHING SGRO 'DOGS PA YIN TE, 'DI NI YOD PA MA YIN PA MTHONG BAR SGRO 'DOGS PA'I MTSAN NYID CES BYA'O, ,BLO GROS CHEN PO, YOD PA MA YIN PA RGYUR SGRO 'DOGS PA'I MTSAN NYID NI 'DI LTA STE, RNAM PAR SHES PA DANG PO RGYU MED PA LAS SKYE LA, PHYIS YANG DAG PA MA YIN PA SGYU MA LTA BU SNGON MA BYUNG ZHING MED PA LAS MIG DANG, GZUGS DANG, SNANG BA DANG, KHAMS DANG, DRAN PA SNGON DU 'JUG PA LAS 'BYUNG ZHING BYUNG NAS KYANG 'JIG PAR 'GYUR RO ZHES ZER BA STE, 'DI NI YOD PA MA YIN PA RGYUR SGRO 'DOGS PA'I MTSAN NYID DO, ,BLO GROS CHEN PO, YOD PA MA YIN PA DNGOS POR SGRO 'DOGS PA'I MTSAN NYID NI 'DI LTA STE; NAM MKHA' DANG, 'GOG PA DANG, MYA NGAN LAS 'DAS PA BYAS PA MA YIN PA'I DNGOS POR MNGON PAR ZHEN CING SGRO 'DOGS PA'O, ,'DI DAG NI DNGOS PO DANG DNGOS PO MA YIN PA DANG BRAL BA CHOS THAMS CAD NI RI BONG DANG, RTA LA SOGS PA'I RVA DANG, SKRA SHAD 'DZINGS PA LTA BUR SNANG BA, YOD PA DANG MED PA DANG BRAL BA LA BYIS PA'I RNAM PAR RTOG PAS RANG GI SEMS SNANG BA TZAM DU MA RTOGS PA'I BLO CAN RNAMS SGRO 'DOGS SHING SKUR PA 'DEBS PAR BYED KYI, 'PHAGS PA RNAMS KYIS NI MA YIN TE,

342b

'DI NI YOD PA MA YIN PA DNGOS POR SGRO 'DOGS PA'I MTSAN NYID DO, ,DE BAS NA SGRO 'DOGS PA DANG, SKUR BA'I LTA BA NGAN PA YONGS SU SPANG BA LA RAB TU BRTZON PAR BYA'O, , GZHAN YANG, BLO GROS CHEN PO, BYANG CHUB SEMS DPA' SEMS DPA' CHEN PO RNAMS KYIS SEMS DANG, YID DANG, YID KYI RNAM PAR SHES PA DANG, CHOS LNGA DANG, RANG BZHIN DANG BDAG MED PA GNYIS KYI MTSAN NYID KYI TSUL LA MKHAS SHING RTOGS PAR KHONG DU CHUD PAS SEMS CAN LA PHAN PAR BA BA'I PHYIR GZUGS SNA TSOGS STON PA NI JI LTAR KUN BRTAGS PA'I RANG BZHIN GNAS GZHAN GYI DBANG LA BRTEN PA BZHIN TE, DPER NA, GZUGS SNA TSOGS PA'I YID BZHIN GYI NOR BU RIN PO CHE LTAR SANGS RGYAS KYI ZHING DU KUN TU DE BZHIN GSHEGS PA'I 'KHOR 'DUS PA THAMS CAD 'GRO ZHING DE DAG THAMS CAD DU'ANG CHOS STON PA DAG NYAN PAR BYED DE, 'DI LTA STE, CHOS THAMS CAD SGYU MA DANG, RMI LAM DANG; 'OD DANG, GZUGS BRNYAN DANG, CHU'I ZLA BA LTA BU DANG, CHOS THAMS CAD SKYE BA DANG, 'GAG PA DANG, RTAG PA DANG, CHAD PA DANG BRAL BA DANG, NYAN THOS DANG, RANG SANGS RGYAS KYI THEG PA DANG BRAL BA'I CHOS SO, ,TING NGE 'DZIN BRGYA STONG RAB TU 'THOB NAS TING NGE 'DZIN BYE BA KHRAG KHRIG BRGYA STONG GI BAR DAG KYANG RAB TU 'THOB STE, TING NGE 'DZIN

343a

, ,THOB NAS KYANG SANGS RGYAS KYI ZHING THAMS CAD DU 'GRO ZHING SANGS RGYAS RNAMS LA MCHOD PA BYED DO, ,LHA'I GNAS THAMS CAD DU SKYE ZHING DKON MCHOG GSUM GYI BSNGAGS PA BRJOD PA DANG, SANGS RGYAS KYI SKU RAB TU STON CING NYAN THOS DANG, BYANG CHUB SEMS DPA'I TSOGS KYIS YONGS SU BSKOR BA DANG, RANG GI SEMS RAB TU SNANG BA TZAM GYIS SEMS CAN YONGS SU ZLO ZHING RNAM PAR GROL BAR BYED LA, PHYI ROL GYI DNGOS PO DNGOS PO MED PAR RNAM PAR PHYE STE BSTAN NAS YOD PA DANG MED PA'I LTA BA YONGS SU SPONG BAR BYED DO, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,'JIG RTEN DAG NI SEMS TZAM DU, ,RGYAL BA'I SRAS KYIS RAB BRTAGS NA, ,RNAM PA SNA TSOGS GZUGS SPRIN LA, ,MNGON PAR 'DU BYED PA DANG BRAL, ,STOBS DANG MNGON PAR SHES DANG DBANG, ,DE DAG THAMS CAD 'GRUB PAR 'GYUR, ,DE NAS BYANG CHUB SEMS DPA' SEMS DPA' CHEN PO BLO GROS CHEN POS YANG BCOM LDAN 'DAS LA GSOL BA BTAB PA, BCOM LDAN 'DAS, BDAG LA SOGS PA'I SLAD DU CHOS THAMS CAD KYI STONG PA NYID DANG, SKYE BA MA MCHIS PA DANG, GNYIS SU MA MCHIS PA DANG, RANG BZHIN DANG BRAL BA'I

343b

MTSAN NYID BSHAD DU GSOL, DES BDAG DANG BYANG CHUB SEMS DPA' GZHAN RNAMS KYANG STONG BA NYID DANG, SKYE BA MA MCHIS PA DANG, GNYIS SU MA MCHIS PA DANG, RANG BZHIN DANG BRAL BA'I MTSAN NYID RTOGS PAR KHONG DU CHUD CING, MCHIS PA DANG MA MCHIS PA'I RNAM PAR RTOG PA YONGS SU SPANGS NAS MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR RO, ,DE NAS BCOM LDAN 'DAS KYIS BYANG CHUB SEMS DPA' SEMS DPA' CHEN PO BLO GROS CHEN PO LA 'DI SKAD CES BKA' STZAL TO, ,BLO GROS CHEN PO, DE'I PHYIR SHIN TU LEGS PAR NYON LA YID LA ZUNGS SHIG DANG, KHYOD LA RGYA CHER RAB TU DBYE ZHING BSHAD PAR BYA'O, ,BLO GROS CHEN POS BCOM LDAN 'DAS LA GSOL PA, LEGS SO, ,BCOM LDAN 'DAS, DE BZHIN DU 'TSAL LO ZHES BKA' MNYAN PA DANG, BCOM LDAN 'DAS KYIS BKA' STZAL PA, ,BLO GROS CHEN PO, STONG PA NYID STONG PA NYID CES BYA BA 'DI NI KUN BRTAGS PA'I RANG BZHIN GYI GNAS TE, BLO GROS CHEN PO, KUN BRTAGS PA'I RANG BZHIN LA MNGON PAR ZHEN PA RNAMS LA STONG PA NYID DANG, SKYE BA MED PA DANG, GNYIS SU MED PA DANG, RANG BZHIN DANG BRAL BA'I MTSAN NYID BSHAD DO, ,BLO GROS CHEN PO, DE LA MDOR BSHAD NA STONG PA NYID

344a

, ,NI RNAM PAR BDUN TE, 'DI LTA STE, MTSAN NYID STONG PA NYID DANG, DNGOS PO'I RANG BZHIN STONG PA NYID DANG, 'DU BYED STONG PA NYID DANG, 'DU BYED MED PA STONG BA NYID DANG, CHOS THAMS CAD BRJOD PA DANG BRAL BA'I STONG BA NYID DANG, DON DAM PA 'PHAGS PA'I YE SHES CHEN PO STONG NYID DANG, GCIG GIS GCIG STONG PA'I STONG PA NYID DO, ,DE LA MTSAN NYID STONG PA NYID GANG ZHE NA, 'DI LTAR DNGOS PO THAMS CAD RANG DANG SPYI'I MTSAN NYID KYIS STONG PA STE, PHAN TSUN 'DUS PA LAS SO SOR RAB TU RTOG PA'I PHYIR DNGOS PO MED PAR RAB TU DBYE BAS RANG DANG SPYI'I MTSAN NYID MI SKYE BA DANG, BDAG DANG GZHAN DANG GNYIS KA'I DNGOS PO MED PA'I PHYIR MTSAN NYID MI GNAS TE, DE'I PHYIR DNGOS PO THAMS CAD MTSAN NYID STONG PA ZHES BSHAD DE, 'DI NI MTSAN NYID STONG PA NYID CES BYA'O, ,DNGOS PO'I RANG BZHIN STONG PA NYID GANG ZHE NA 'DI LTA STE, BDAG NYID KYIS DNGOS PO'I RANG BZHIN MI SKYE BAS CHOS THAMS CAD KYI DNGOS PO'I RANG BZHIN STONG PA NYID CES BYA STE, DE'I PHYIR DNGOS PO'I RANG BZHIN STONG PA NYID CES BSHAD DO, ,'DU BYED STONG PA NYID GANG ZHE NA, 'DI LTA STE, PHUNG PO RNAMS BDAG DANG BDAG GI DANG BRAL ZHING RGYU DANG, 'GRUB PAR BYED PA DANG, BYA BA DANG, LAS

344b

DANG; SBYOR BA LAS SKYE BA STE, 'DI NI 'DU BYED STONG PA NYID CES BYA'O, ,BLO GROS CHEN PO, 'DI LTAR 'DU BYED STONG PA NYID DES NA PHAN TSUN GYI RKYEN GYIS 'BYUNG GI RANG BZHIN GYI DNGOS PO MED PAS 'DU BYED MED PA STONG PA NYID CES BYA'O, ,CHOS THAMS CAD BRJOD PA DANG BRAL BA'I STONG BA NYID GANG ZHE NA, 'DI LTA STE, KUN BRTAGS PA'I RANG BZHIN BRJOD DU MED PA'I PHYIR CHOS THAMS CAD BRJOD PA DANG BRAL BA STE, 'DI NI CHOS THAMS CAD BRJOD PA DANG BRAL BA'I STONG PA NYID CES BYA'O, ,TSES THAMS CAD KYI DON DAM PA 'PHAGS PA'I YE SHES CHEN PO STONG PA NYID GANG ZHE NA, 'DI LTA STE, SO SO RANG GIS RIG PA 'PHAGS PA'I YE SHES THOB PA NI LTA BA DANG NYES PA THAMS CAD KYI BAG CHAGS KYIS STONG STE, 'DI NI CHOS THAMS CAD KYI DON DAM PA 'PHAGS PA'I YE SHES CHEN PO STONG PA NYID CES BYA'O, ,GCIG GIS GCIG STONG PA NYID GANG ZHE NA, 'DI LTA STE, GANG LA GANG MED PAS STONG PA NI GCIG GIS GCIG STONG PA NYID CES BYA'O, ,BLO GROS CHEN PO, DPER NA, MRi GA LA'I MA'I KHANG PA NA GLANG PO CHE DANG, RTA DANG, BA LANG DANG, LUG LA SOGS PA MED KYANG DGE SLONG GI DGE 'DUN MED PA NI MA YIN NO, ,DE NI DE DAG GIS STONG NGO ZHES BYA BA'ANG KHANG PA KHANG PA'I DNGOS POS STONG PA MA YIN, DGE SLONG DGE SLONG GI DNGOS POS STONG

345a

, ,PA MA YIN LA, GNAS GZHAN NA GLANG PO CHE DANG RTA LA SOGS PA MED PA'ANG MA YIN NO, ,DE NI CHOS THAMS CAD KYI RANG GI MTSAN NYID DE, GANG LA GANG MED PA DE NI GCIG GIS GCIG STONG PA NYID CES BYA'O, ,'DI NI STONG PA NYID RNAM PA BDUN TE, GCIG GIS GCIG STONG PA NYID 'DI NI STONG PA NYID KYI NANG NA DMAN PA YIN TE, KHYOD KYIS YONGS SU SPANG BAR BYA'O, ,BLO GROS CHEN PO, RANG YANG MI SKYE LA MI SKYE BA'ANG MA YIN TE, TING NGE 'DZIN LA GNAS PA MA GTOGS PA NI SKYE BA BA MED PA ZHES BYA'O, ,RANG BZHIN DANG BRAL BA ZHES BYA BA'ANG SKYE BA MED PA DE NYID RANG BZHIN DANG BRAL BA ZHES BYA'O, ,SKAD CIG MA'I RGYUD KYI RGYUN MED PA DANG, THA DAD PA'I DNGOS POR SNANG BAR DNGOS PO THAMS CAD RANG BZHIN DANG BRAL BA STE, DE'I PHYIR DNGOS PO THAMS CAD RANG BZHIN DANG BRAL BA ZHES BYA'O, ,GNYIS SU MED PA GANG ZHE NA, 'DI LTA STE, CHOS THAMS CAD NI GRIB MA DANG, TSA BA DANG, RING PO DANG, THUNG DU DANG, NAG PO DANG, DKAR PO LTA BU DAG STE, BLO GROS CHEN PO, CHOS THAMS CAD NI GNYIS SU MED PAS MYA NGAN LAS 'DAS PA LAS GZHAN MA YIN LA, 'KHOR BA LAS KYANG MYA NGAN LAS 'DAS PA GZHAN MA YIN NA THA DAD PA'I MTSAN NYID KYI RGYUS DNGOS PO YOD

345b

PA'I PHYIR GNYIS SU MED PA ZHES BYA STE, MYA NGAN LAS 'DAS PA DANG, 'KHOR BA JI LTA BAR CHOS THAMS CAD KYANG DE BZHIN NO, ,DE BAS NA STONG PA NYID DANG, SKYE BA MED PA DANG, GNYIS SU MED PA DANG, RANG BZHIN DANG BRAL BA'I MTSAN NYID LA RAB TU BRTZON PAR BYA'O, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,NGAS NI RTAG TU STONG NYID CHOS, ,RTAG CHAD YONGS SPANGS 'KHOR BA NI, ,SGYU MA RMI LAM 'DRAR BSHAD KYANG, ,LAS NI 'JIG PAR MI 'GYUR RO, ,NAM MKHA' MYA NGAN 'DAS PA DANG, ,'GOG PA GNYIS KYANG DE BZHIN TE, ,BYIS PA DAG GIS RNAM PAR BRTAGS, ,'PHAGS PA RNAMS NI YOD MED SPANGS, ,DE NAS BCOM LDAN 'DAS KYIS BYANG CHUB SEMS DPA' SEMS DPA' CHEN PO BLO GROS CHEN PO LA BKA' STZAL PA, BLO GROS CHEN PO, STONG PA NYID DANG, SKYE BA MED PA DANG, GNYIS SU MED PA DANG, RANG BZHIN DANG BRAL BA'I MTSAN NYID NI SANGS RGYAS RNAMS KYI MDO SDE THAMS CAD KYI NANG DU 'JUG STE, MDO SDE GANG DU'ANG DON 'DI DAG STON TO, MDO SDE RNAMS NI SEMS CAN GYI BSAM PA BZHIN DU RNAM PAR PHYE STE, DON RAB TU BSTAN PA'I PHYIR DE KHO NA NYID NI BRJOD PA LA YOD PA MA YIN NO, ,DPER NA, RI DVAGS SKOM PA'I RNAM PAR RTOG PAS

346a

, ,SMIG RGYU RI DVAGS SLU BAR BYED PA DE'I MTSAN NYID LA CHU'I DNGOS POR MNGON PAR ZHEN PAR BYED KYANG DE LA CHU MED DO, ,DE BZHIN DU MDO SDE THAMS CAD LAS CHOS RNAMS BSTAN PA'ANG BYIS PA SO SO'I SKYE BO RNAMS MGU BA RAB TU BSKYED PAR BYA BA YIN PA'I PHYIR DE KHO NA DANG, 'PHAGS PA'I YE SHES NI GTAM LA YOD PA MA YIN NO; ;DE BAS NA DON GYI RJES SU 'BRANG BAR BYA'I, BRJOD PA LA MNGON PAR CHAGS PAR MI BYA'O,, ,,'PHAGS PA LANGKAR GSHES PA RIN PO CHE'I MDO, BAM PO GSUM PA, DE NAS BYANG CHUB SEMS DPA' SEMS DPA' CHEN PO BLO GROS CHEN POS BCOM LDAN 'DAS LA 'DI SKAD CES GSOL TO, ,BCOM LDAN 'DAS KYIS GSUNGS PA'I MDO SDE LAS DE BZHIN GSHEGS PA'I SNYING PO NI RANG BZHIN GYIS RNAM PAR DAG PA, MTSAN SUM CU RTZA GNYIS KYI RJES SU 'JUG PA, SEMS CAN THAMS CAD KYI LUS LA MCHIS PAR BRJOD DE, DPER NA, RIN PO CHE RIN THANG CHEN PO GOS DRI MA CAN GYIS YONGS SU DKRIS PA LTAR DE BZHIN GSHEGS PA'I SNYING PO RTAG CING RNAM PAR 'GYUR BA MED PA'ANG DE BZHIN DU PHUNG PO DANG, KHAMS DANG, SKYE MCHED RNAMS KYI GOS DRI MA CAN GYIS YONGS SU DKRIS SHING, 'DOD CHAGS DANG, ZHE SDANG DANG, GTI MUG DANG,

346b

YANG DAG PA MA YIN PA YONGS SU RTOG PA'I RDUL GYIS GOS PAR SANGS RGYAS THAMS CAD KYIS RAB TU GSUNGS ZHES CI'I SLAD DU BCOM LDAN 'DAS KYIS MU STEGS CAN GYI BDAG TU SMRA BA DANG MTSUNGS PAR DE BZHIN GSHEGS PA'I SNYING PO MCHIS PAR BKA' STZAL, BCOM LDAN 'DAS, MU STEGS CAN RNAMS KYANG RTAG BA DANG, BYED PA MCHIS PAR SMRA ZHING YON TAN DANG BRAL BA DANG, KUN TU KHYAB PA DANG, MI 'JIGS PA'O ZHES, BCOM LDAN 'DAS, DE DAG BDAG TU SMRA BAR BGYID DO, ,BCOM LDAN 'DAS KYIS BKA' STZAL PA, BLO GROS CHEN PO, NGAS BSHAD PA'I DE BZHIN GSHEGS PA'I SNYING PO NI MU STEGS CAN DAG SMRA BA'I BDAG DANG MTSUNGS PA MA YIN TE, BLO GROS CHEN PO, CHED 'GA' NI STONG PA NYID DANG, MTSAN MA MED PA DANG, SMON PA MED PA DANG, DE BZHIN NYID DANG, YANG DAG PA'I MTHA' DANG, CHOS NYID DANG, CHOS KYI SKU DANG, MYA NGAN LAS 'DAS PA DANG; RANG BZHIN DANG BRAL BA DANG, SKYE BA MED PA DANG, 'GAG PA MED PA DANG, GZOD MA NAS RAB TU DBEN ZHING ZHI BA DANG, RANG BZHIN GYIS MYA NGAN LAS 'DAS PA ZHES BYA BA LA SOGS PA'I TSIG GIS DE BZHIN GSHEGS PA'I SNYING PO STON PAR BYED DE, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS NI BYIS

347a

, ,PA GANG DAG BDAG MED PA'I TSIG GIS 'JIGS PAR 'GYUR BA YONGS SU SPONG BA'I PHYIR RNAM PAR RTOG PA DANG BRAL BA SNANG BA MED PA'I SPYOD YUL DE BZHIN GSHEGS PA'I SNYING PO'I SGO RAB TU BSTAN TO, ,BLO GROS CHEN PO, MA 'ONGS PA DANG, DA LTAR BYUNG BA'I BYANG CHUB SEMS DPA' SEMS DPA' CHEN PO RNAMS KYIS BDAG TU LTA BA LA MNGON PAR ZHEN PAR MI BYA'O, ,DPER NA, RDZA MKHAN NI 'JIM PA'I LUNG PO ZHIG LAS MI'I BZO DANG, CHU DANG, THAL ZHAR DANG, 'KHOR LO DANG, SRAD BU'I SBYOR BA RNAMS KYIS SNOD RNAM PA SNA TSOGS BYED DO, ,DE BZHIN GSHEGS PA RNAMS KYANG DE BZHIN DU CHOS BDAG MED PA, RNAM PAR RTOG PA'I MTSAN NYID THAMS CAD DANG BRAL BA, SHES RAB DANG, THABS LA MKHAS PA RNAM PA SNA TSOGS KYIS DE BZHIN GSHEGS PA'I SNYING PO BSTAN PA'AM, YANG NA BDAG MED PAR STON PAS RGYU DANG RKYEN DE'I PHYIR DE BZHIN GSHEGS PA'I SNYING PO BSTAN PAS NI MU STEGS CAN GYI BDAG TU SMRA BA DANG MI 'DRA STE, 'DI NI DE BZHIN GSHEGS PA'I SNYING PO BSTAN PA ZHES BYA'O, ,BDAG TU SMRA BA LA MNGON PAR ZHEN PA'I MU STEGS CAN RNAMS DRANG BA'I PHYIR DE BZHIN GSHEGS PA'I SNYING PO BSTAN PAS, YANG DAG PA MA YIN PA'I BDAG

347b

TU LTA BA'I RNAM PAR RTOG PA DANG BRAL BA, RNAM PAR THAR PA'I SGO GSUM GYI SPYOD YUL LA 'JUG PA'I BSAM PA DANG LDAN ZHING, MYUR DU BLA NA MED PA YANG DAG PAR RDZOGS PA'I BYANG CHUB THOB PAR BYA BA DE'I PHYIR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS DE BZHIN GSHEGS PA'I SNYING PO DE SKAD DU STON PAR MDZAD DE, DE LTA MA YIN NA NI MU STEGS CAN DAG DANG MTSUNGS PAR 'GYUR RO, ,DE LTA BAS NA, BLO GROS CHEN PO, MU STEGS CAN GYI BDAG TU SMRA BA YONGS SU SPANG BA'I PHYIR DE BZHIN GSHEGS PA'I SNYING PO BDAG MED PA LA GNAS PAR BYA'O, ,DE NAS BCOM LDAN 'DAS KYIS DON DE NYID YANG BSTAN PA'I PHYIR, TSIGS SU BCAD PA 'DI GSUNGS SO, ,GANG ZAG RGYUN DANG PHUNG PO DANG, , RKYEN RNAMS DANG NI RDUL DAG DANG, ,GTZO BO DBANG PHYUG BYED PA DAG ,SEMS TZAM LA NI RNAM PAR BRTAGS, ,DE NAS BYANG CHUB SEMS DPA' SEMS DPA' CHEN PO BLO GROS CHEN POS MA 'ONGS PA'I SKYE BO'I TSOGS LA RNAM PAR BLTAS NAS, YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS, JI LTAR BYANG CHUB SEMS DPA' SEMS DPA' CHEN PO RNAMS KYI RNAL 'BYOR GYI THABS CHEN PO MNGON PAR RTOGS PA BDAG LA BSHAD DU GSOL, ,BCOM LDAN 'DAS KYIS BKA' STZAL PA, BLO GROS CHEN PO, BYANG CHUB SEMS

348a

, ,DPA' SEMS DPA' CHEN PO CHOS BZHI DANG LDAN NA RNAL 'BYOR GYI THABS CHEN PO 'THOB PAR 'GYUR RO, ,BZHI GANG ZHE NA, 'DI LTA STE, RANG GI SEMS SNANG BA'I RNAM PAR 'BYED PA LA MKHAS PA DANG, PHYI ROL GYI DNGOS PO DNGOS PO MED PAR RAB TU RTOG PA DANG, SKYE BA DANG, GNAS PA DANG, 'JIG PA'I LTA BA RNAM PAR SPONG BA DANG, SO SO RANG GIS RIG PA 'PHAGS PA'I YE SHES KYI BDE BA GYA NOM PA THOB STE, 'DI NI BYANG CHUB SEMS DPA' SEMS DPA' CHEN PO CHOS BZHI DANG LDAN NA, RNAL 'BYOR GYI THABS CHEN PO THOB PA ZHES BYA'O, ,DE LA JI LTAR NA BYANG CHUB SEMS DPA' SEMS DPA' CHEN PO RANG GI SNANG BA RNAM PAR 'BYED PA LA MKHAS PA YIN ZHE NA, 'DI LTA STE, DES 'DI LTAR KHAMS GSUM PA 'DI NI SEMS TZAM GYI CHA STE, BDAG DANG BDAG GI DANG BRAL BA, G-YO BA MED PA, 'GRO BA DANG 'ONG BA DANG BRAL BA, THOG MA MED PA'I DUS KYI SPROS PA'I BAG CHAGS KYIS YONGS SU BSGOS PA, KHAMS GSUM GYI GZUGS RNAM BA SNA TSOGS LA NYE BAR SPYOD PAS RAB TU BCINGS PA, LUS DANG LONGS SPYOD RNAM PAR BZHAG PA'I RNAM PAR RTOG PA'I RJES SU 'JUG PAR SNANG NGO ZHES RAB TU RTOG STE, 'DI NI BYANG CHUB SEMS DPA' SEMS DPA' CHEN PO RANG GI SEMS SNANG BA RNAM PAR 'BYED PA LA MKHAS PA ZHES BYA'O, ,JI

348b

LTAR NA BYANG CHUB SEMS DPA' SEMS DPA' CHEN PO PHYI ROL GYI DNGOS PO DNGOS PO MED PAR RAB TU RTOG PA LA MKHAS PA YIN ZHE NA, 'DI LTA STE, DNGOS PO THAMS CAD NI SMIG RGYU DANG, RMI LAM LA SOGS PA LTA BU STE, THOG MA MED PA'I DUS KYI SPROS PA'I GNAS NGAN LEN RNAM PAR RTOG PA'I BAG CHAGS KYI RGYU LAS BYUNG BA'O ZHES DNGOS PO THAMS CAD KYI RANG BZHIN LA RAB TU RTOG PA STE, BYANG CHUB SEMS DPA' SEMS DPA' CHEN PO RNAMS DE LTAR PHYI ROL GYI DNGOS PO LA DNGOS PO MED PAR RAB TU RTOG PA NI BYANG CHUB SEMS DPA' SEMS DPA' CHEN PO PHYI ROL GYI DNGOS PO DNGOS PO MED PAR RAB TU RTOG PA LA MKHAS PA ZHES BYA'O, ,JI LTAR NA BYANG CHUB SEMS DPA' SEMS DPA' CHEN PO SKYE BA DANG, GNAS PA DANG, 'JIG PA'I LTA BA RNAM PAR SPONG BA LA MKHAS PA YIN ZHE NA, 'DI LTA STE, DNGOS PO THAMS CAD NI SGYU MA DANG, RMI LAM LA SOGS PA DANG MTSUNGS PAS BDAG DANG GZHAN DANG GNYIS KA LAS DNGOS PO RNAMS MI SKYE STE, RANG GI SEMS SNANG BA TZAM GYI RJES SU 'JUG PA'I PHYIR PHYI ROL GYI DNGOS PO DNGOS PO MED PAR MTHONG BA DANG, RNAM PAR SHES PA RNAMS 'JUG PA MED PA DANG, RKYEN RNAMS SPUNGS PA MED PAR MTHONG BA DANG, RNAM PAR RTOG PA'I RKYEN LAS KHAMS GSUM BYUNG BAR MTHONG BAS PHYI NANG GI CHOS THAMS CAD

349a

, ,MI DMIGS PA DANG, RANG BZHIN DANG BRAL BAR MTHONG BAS SKYE BAR LTA BA RNAM PAR LOG PA DANG, SGYU MA LA SOGS PA'I CHOS KYI RANG BZHIN KHONG DU CHUD PAS MI SKYE BA'I CHOS LA BZOD PA RAB TU THOB NAS, SKYE BA DANG, GNAS PA DANG, 'JIG PA'I LTA BA YONGS SU SPONG BA STE, 'DI NI BYANG CHUB SEMS DPA' SEMS DPA' CHEN PO SKYE BA DANG, GNAS PA DANG, 'JIG PA'I LTA BA RNAM PAR SPONG BA LA MKHAS PA ZHES BYA'O, ,JI LTAR NA BYANG CHUB SEMS DPA' SEMS DPA' CHEN PO SO SO RANG GIS RIG PA 'PHAGS PA'I YE SHES KYI BDE BA GYA NOM PA THOB PA YIN ZHE NA, 'DI LTA STE, MI SKYE BA'I CHOS LA BZOD PA RAB TU THOB NAS BYANG CHUB SEMS DPA' SA BRGYAD PA LA GNAS TE, SEMS DANG, YID DANG, YID KYI RNAM PAR SHES PA DANG BRAL BA DANG, CHOS LNGA DANG, RANG BZHIN DANG, BDAG MED PA GNYIS KYI MTSAN NYID YID LAS BYUNG BA'I LUS KYANG RAB TU THOB PA'O, ,BCOM LDAN 'DAS, CI'I SLAD DU YID LAS BYUNG BA'I LUS ZHES BGYI, BCOM LDAN 'DAS KYIS BKA' STZAL PA, BLO GROS CHEN PO; YID LAS BYUNG BA'I LUS ZHES BYA BA NI YID LTAR MGYOGS SHING THOGS PA MED PA'I PHYIR YID KYI LUS ZHES BYA STE, DPER NA, YID NI RI DANG, RTZIG PA LA SOGS PA LA

349b

THOGS PA MED PAR PHYOGS THA DAD PA DPAG CHAD BRGYA STONG DU MA DE DAG TU SNGON MTHONG BA RJES SU DRAN PA'I RGYUS MI BRJED PA'I RANG GI SEMS KYI RGYUN MA CHAD PA'I LUS THOGS PA MED PAS 'JUG GO ,BLO GROS CHEN PO, DE BZHIN DU YID LAS BYUNG BA'I LUS KYANG DUS GCIG TU LHAN CIG PA THOB PA STE, BYANG CHUB SEMS DPA' SEMS DPA' CHEN PO'I YID LAS BYUNG BA'I LUS NI SGYU MA LTA BU'I TING NGE 'DZIN GYI STOBS DANG, DBANG DANG MNGON PAR SHES PA DANG, MTSAN BZANG POS BRGYAN PA, 'PHAGS PA'I RIGS KYI LUS DUS CIG TU LHAN CIG SKYES PA, YID BZHIN DU 'JUG CING THOGS PA MED PA, SNGON GYI SMON LAM GYI YUL RJES SU DRAN PAS SEMS CAN YONGS SU SMIN PAR BYED PA'I PHYIR SO SO RANG GIS RIG PA 'PHAGS PA'I YE SHES KYI BDE BA GYA NOM PA 'THOB STE, DE LTAR NA BYANG CHUB SEMS DPA' SEMS DPA' CHEN PO MI SKYE BA'I CHOS LA BZOD PA RAB TU THOB NAS BYANG CHUB SEMS DPA'I SA BRGYAD PA LA GNAS TE, SEMS DANG, YID DANG, YID KYI RNAM PAR SHES PA DANG BRAL BA DANG, CHOS LNGA DANG, RANG BZHIN DANG, BDAG MED PA GNYIS KYI MTSAN NYID KYI LUS DANG, YID LAS BYUNG BA'I LUS DANG, SO SO RANG GIS RIG PA 'PHAGS PA'I YE SHES KYI BDE BA GYA NOM PA THOB PA YIN NO, ,'DI NI BYANG CHUB SEMS DPA' SEMS DPA' CHEN

350a

, ,PO'I CHOS BZHI DANG LDAN PA'I RNAL 'BYOR GYI THABS CHEN PO YIN TE, DE KHYOD KYIS BSLAB PAR BYA'O, ,DE NAS BYANG CHUB SEMS DPA' SEMS DPA' CHEN PO BLO GROS CHEN POS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS, CHOS RNAMS KYI RGYU DANG RKYEN GYI MTSAN NYID BSHAD DU GSOL, 'DI LTAR RGYU DANG RKYEN GYI MTSAN NYID RTOGS PAS BDAG DANG, BYANG CHUB SEMS DPA' RNAMS DNGOS PO THAMS CAD LA MCHIS PA DANG MA MCHIS PAR LTA BA'I RNAM PAR RTOG PA DANG BRAL ZHING RIM DANG CIG CAR SKYE BAR RNAM PAR RTOG PA'I LTA BA MA MCHIS PAR 'GYUR RO, ,BCOM LDAN 'DAS KYIS BKA' STZAL PA, BLO GROS CHEN PO, CHOS THAMS CAD KYI RKYEN GYI MTSAN NYID NI RNAM PA GNYIS TE, 'DI LTA STE, PHYI'I DANG, NANG GI'O, ,DE LA PHYI ROL GYI RKYEN NI 'DI LTA STE, 'JIM PA'I GONG BU DANG, THAR ZHAR DANG, 'KHOR LO DANG; SRAD BU DANG, CHU DANG, MI'I BZO DANG, SBYOR BA'I RKYEN RNAMS LAS RDZA MA 'BYUNG BA'O, ,JI LTAR 'JIM PA'I GONG BU LAS RDZA MA 'BYUNG BA DE BZHIN DU, SKUD PA LAS SNAM BU DANG, RTZVA LAS STAN DANG, SA BON LAS MYU GU DANG, ZHO LAS MAR 'BYUNG BA LA SOGS PA SBYOR BA'I RKYEN LAS SKYE BA RNAMS KYANG DE BZHIN TE, 'DI NI PHYI ROL GYI

350b

RKYEN SNGA PHYI 'GYUR ZHING SKYE BA ZHES BYA'O, ,DE LA NANG GI RKYEN GANG ZHE NA, 'DI LTA STE, MA RIG PA DANG, SRED PA DANG, LAS LA SOGS PA'I CHOS NI RKYEN CES BYA BA'I MING THOB PAS 'DI DAG LAS SKYES PA'I PHUNG PO DANG, KHAMS DANG, SKYE MCHED CES BYA BA'I CHOS DE DAG KYANG RTEN CING 'BREL BAR 'BYUNG BA ZHES BYA BA'I MING 'THOB BO, ,DE DAG NI KHYAD PAR MED PA LAS BYIS PA RNAMS KYIS BRTAGS PA STE, 'DI NI NANG GI RKYEN GYI CHOS ZHES BYA'O, ,BLO GROS CHEN PO, DE LA RGYU NI RNAM PA DRUG STE, 'DI LTA STE, 'BYUNG BAR 'GYUR BA'I RGYU DANG, 'PHREL BA'I RGYU DANG, MTSAN NYID KYI RGYU DANG, BYED PA'I RGYU DANG, SNANG BAR BYED PA'I RGYU DANG, LTOS PA'I RGYU'O, ,DE LA 'BYUNG BAR 'GYUR BA'I RGYU NI PHYI NANG GI CHOS RNAMS SKYED PAR RGYU'I BYA BA BYED PA'O, ,'BREL PA'I RGYU NI PHYI NANG GI CHOS PHUNG PO DANG, SA BON LA SOGS PA SKYED PAR DMIGS PA'I BYA BA BYED PA'O, ,MTSAN NYID KYI RGYU NI DE MA THAG PA'I MTSAN NYID BYED PAS RGYUN MI 'CHAD PAR SKYED PA'O, ,BYED PA'I RGYU NI DBANG GI BYA BA BYED PA STE, 'KHOR LOS BSGYRU BA'I RGYAL PO BZHIN NO, ,SNANG BAR BYED PA'I RGYU NI RNAM PAR RTOG PA'I DNGOS PO SKYES PAS MTSAN NYID SNANG BA'I BYA BA BYED PA STE, MAR MES GZUGS LA SOGS PA SNANG BAR BYED PA BZHIN NO, ,LTOS PA'I RGYU NI 'GAGS PA'I DUS NA BYA BA'I RGYUN CHAD DE RNAM

351a

, ,PAR MI RTOG PA'I DNGOS BOR SKYE BA'O, ,BLO GROS CHEN PO, 'DI DAG NI BYIS PA SO SO'I SKYE BO RNAMS KYI RANG GI RNAM PAR RTOG PA'I MTSAN NYID PAS RIM GYIS KYANG MI SKYE LA CIG CAR YANG MI SKYE'O, ,DE CI'I PHYIR ZHE NA, GAL TE CIG CAR SKYE NA NI BYED PA DANG, BYA BA BYE BRAG MED PAS RGYU'I MTSAN NYID DU MI 'GYUR BA'I PHYIR RO,, CI STE RIM GYIS SKYE NA NI BDAG GI MTSAN NYID MA THOB PA'I PHYIR RIM GYI SKYE BAS MI SKYE STE, JI LTAR BU MA SKYES PAR PHA ZHES BYA BA'I MING MED PA BZHIN NO, ,BLO GROS CHEN PO, RIM GYIS SKYE BAS 'BRAL BA'I SBYOR BA'ANG MI RUNG STE, DE NI RNAM PAR RTOG PA'O, ,RGYU DANG, DMIGS PA DANG, MTSUNGS PA DE MA THAG PA DANG, BDAG PO'I RKYEN LA SOGS PAS BSKYED PAR BYA BA SKYED PA'I PHYIR, BLO GROS CHEN PO, RIM GYIS SKYE BAS MI SKYE STE, KUN BRTAGS PA'I RANG BZHIN LA MNGON PAR ZHEN PA'I MTSAN NYID KYI PHYIR RO, ,RIM GYIS SA MA CIG CAR MI SKYE STE, RANG GI SEMS SNANG BA'I LUS DANG LONGS SPYOD YIN BA'I PHYIR RO, ,RANG DANG SPYI'I MTSAN NYID DANG, PHYI ROL GYI DNGOS PO DNGOS PO MED PAS, BLO GROS CHEN PO, RIM GYIS SA MA CIG CAR MI SKYE STE, GZHAN DU RANG GI SEMS SNANG BA LA RNAM PAR RTOG PA TZAM DU KHONG DU MA CHUD PA'I PHYIR MTSAN MA SKYE'O, ,DE LTA BAS NA RGYU

351b

DANG; RKYEN DANG, BYA BA'I DNGOS PO DANG, SBYOR BA'I MTSAN NYID RIM GYIS DANG, CIG CAR GYI LTA BA YONGS SU SPANG BAR BYA'O, ,DE NAS BCOM LDAN 'DAS KYIS DON DE NYID YANG BSTAN PA'I PHYIR, TSIGS SU BCAD PA 'DI DAG GSUNGS SO, ,CHOS RNAMS THAMS CAD MI SKYE STE, ,RGYU RKYEN 'GAG PA'ANG YOD MA YIN, ,SKYE DANG 'GAG PA DE DAG LA, ,RGYU DANG RKYEN DU RTOG PA SKYED, ,'GAGS PA LAS NI YANG SKYE DANG, ,'BRAL PA'I RGYU RKYEN BKAG MIN TE, ,BYIS PA SHIN TU RMONGS PA YIS, ,RKYEN DU RTOG PA RAB SPANG PHYIR, ,YOD DANG MED PA RTEN 'BREL CHOS, ,DE DAG SKYE BA YOD MA YIN, ,BAG CHAGS RMONGS PAS RAB TU 'JUG ,DE LAS SRID GSUM SNANG BA YIN, ,YANG DAG RKYEN LAS SKYE BA MED, ,'GAG PA'ANG YOD PAR MI 'GYUR TE, ,'DUS BYAS THAMS CAD RAB BRTAGS NA, ,NAM MKHA'I ME TOG JI BZHIN NO, ,GZUNG BA DANG NI 'DZIN PA YI, ,NOR PAR MTHONG BA RAB TU SPONGS, ,SKYES DANG SKYE BA MA YIN TE, ,RGYU RKYEN DAG KYANG YOD MA YIN, ,THAMS CAD SNANG BA MED PAS NA, ,DE DAG KUN NI BRJOD PA YIN, ,DE NAS BYANG CHUB SEMS DPA' SEMS DPA' CHEN POS BLO GROS CHEN POS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS, TSIG GI RNAM PAR RTOG PA'I MTSAN NYID KYI SNYING PO ZHES BGYI BA'I CHOS KYI

352a

, ,RNAM GRANGS BSHAD DU GSOL, BCOM LDAN 'DAS, BDAG DANG, BYANG CHUB SEMS DPA' SEMS DPA' CHEN PO GZHAN RNAMS TSIG RNAM PAR RTOG PA'I MTSAN GYI SNYING PO ZHES BGYI BA'I CHOS KYI RNAM GRANGS SHIN TU RTOGS PA DES, BRJOD PA DANG, BRJOD PA RNAM PA GNYIS KYI DON RTOGS PAR KHONG DU CHUD DE, MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS NAS, BRJOD PA RNAM PA GNYIS KYI TSUL GYIS SEMS CAN THAMS CAD YONGS SU DAG PAR BGYID PAR 'GYUR RO, ,BCOM LDAN 'DAS KYIS BKA' STZAL PA, BLO GROS CHEN PO, DE'I PHYIR SHIN TU LEGS PAR NYON LA YID LA ZUNGS SHIG DANG NGAS KHYOD LA BSHAD PAR BYA'O, ,BLO GROS CHEN POS BCOM LDAN 'DAS LA GSOL PA, LEGS SO, ,BCOM LDAN 'DAS ZHES BKA' MNYAN PA DANG, BCOM LDAN 'DAS KYIS 'DI SKAD CES BKA' STZAL TO, ,BLO GROS CHEN PO, TSIG GI RNAM PAR RTOG PA'I MTSAN NYID NI RNAM PA BZHI YOD DE, 'DI LTA STE, MTSAN NYID KYI TSIG DANG, RMI LAM GYI TSIG DANG, GNAS NGAN LEN GYI RNAM PAR RTOG PA LA MNGON PAR ZHEN PA'I TSIG DANG, THOG MA MED PA'I DUS KYI RNAM PAR RTOG PA'I TSIG GO ,DE LA MTSAN NYID KYI TSIG NI RANG GI RNAM PAR

352b

RTOG PA'I GZUGS KYI MTSAN NYID LA MNGON PAR ZHEN PA LAS 'BYUNG NGO, ,RMI LAM GYI TSIG NI SNGON MYONG BA'I YUL RJES SU DRAN PA DANG, SAD NAS YUL DNGOS PO MED PA LAS 'BYUNG NGO, ,GNAS NGAN LEN GYI RNAM PAR RTOG PA LAS MNGON PAR ZHEN PA'I TSIG NI SNGON DGRAS BYAS PA'I LAS RJES SU DRAN PA LAS 'BYUNG NGO, ,THOG MA MED PA'I DUS KYI RNAM PAR RTOG PA'I TSIG NI THOG MA MED PA'I DUS KYI RNAM PAR SPROS PA LA MNGON PAR ZHEN PA'I GNAS NGAN LEN GYI RANG GI SA BON GYI BAG CHAG LAS 'BYUNG STE, 'DI NI TSIG GI RNAM PAR RTOG PA'I MTSAN NYID RNAM PA BZHI ZHES BYA'O, ,DE NAS YANG BYANG CHUB SEMS DPA' SEMS DPA' CHEN PO BLO GROS CHEN POS DON DE NYID KYI PHYIR BCOM LDAN 'DAS LA GSOL BA BTAB PA, ,BCOM LDAN 'DAS, DA DUNG YANG RNAM PAR RTOG PA MNGON PA'I SPYOD YUL BSHAD DU GSOL, BCOM LDAN 'DAS, GANG NAS CI SLAD, JI LTAR RGYU GANG GIS SEMS CAN RNAMS KYI RNAM PAR RTOG PA'I TSIG 'BYUNG BA LAGS, BCOM LDAN 'DAS KYIS BKA' STZAL PA, BLO GROS CHEN PO MGO DANG, BRANG DANG, MGUL PA DANG, SNA DANG, MCHU DANG, LCE DANG, RKAN DANG, SO RNAMS 'DUS PA LAS SGRA SKAD 'BYUNG NGO, ,BLO GROS CHEN POS BCOM LDAN 'DAS LA GSOL PA, BCOM LDAN

353a

, ,'DAS, TSIG DANG, RNAM PAR RTOG PA THA DAD PA'AM, 'ON TE GCIG PA ZHIG LAGS, BCOM LDAN 'DAS KYIS BKA' STZAL PA, BLO GROS CHEN PO; TSIG DANG, RNAM PAR RTOG PA NI THA DAD PA'ANG MA YIN, THA MI DAD PA'ANG MA YIN NO, ,DE CI'I PHYIR ZHE NA, 'DI LTA STE, DE'I RGYU LAS BYUNG BA'I MTSAN NYID KYI PHYIR RO, ,BLO GROS CHEN PO, GAL TE TSIG DANG, RNAM PAR RTOG PA THA DAD PA ZHIG YIN NA NI RNAM PAR RTOG PA RGYU YIN PAR MI 'GYUR RO, ,CI STE THA MI DAD PA ZHIG YIN NA NI TSIG GI DON GSAL BAR BYED PAR YANG MI 'GYUR BA ZHIG NA, GSAL BAR YANG BYED DE, DE BAS NA THA DAD PA'ANG MA YIN, THA MI DAD PA'ANG MA YIN NO, ,BLO GROS CHEN POS YANG BCOM LDAN 'DAS LA GSOL PA, BCOM LDAN 'DAS, TSIG NYID DON DAM PA LAGS SAM, 'ON TE TSIG GIS BRJOD PAR BGYI BA DE DON DAM PA LAGS, BCOM LDAN 'DAS KYIS BKA' STZAL PA, BLO GROS CHEN PO, TSIG KYANG DON DAM PA MA YIN LA, TSIG GIS GANG BRJOD PAR BYA BA DE'ANG DON DAM PA MA YIN NO, ,DE CI'I PHYIR ZHE NA, 'DI LTAR DON DAM PA NI 'PHAGS PA'I BDEN PA YIN TE, TSIG GIS DON DAM PA LA 'JUG KYANG TSIG 'DI NYID NI DON DAM PA MA YIN NO, ,DON DAM PA NI 'PHAGS PA SO SO

353b

RANG GIS RIG PA'I YE SHES KYIS RTOGS PAR BYA BA YIN GYI, TSIG GI RNAM PAR RTOG PA'I BLO'I SPYOD YUL NI MA YIN PAS, DE'I PHYIR TSIG GI RNAM PAR RTOG PAS DON DAM PA GSAL BAR MI BYED DO, ,DE LA TSIG NI SKYE BA DANG 'JIG PA DAG GIS RAB TU G-YO BA, PHAN TSUN GYI RGYU DANG RKYEN LAS BYUNG BA'O, ,GAL TE PHAN TSUN GYI RGYU DANG RKYEN LAS BYUNG BA YIN NA, DES NI DON DAM PA GSAL BAR MI BYED DO, ,BLO GROS CHEN PO, BDAG DANG, GZHAN DANG, GNYIS KA'I DNGOS PO MED PA'I PHYIR TSIG GI MTSAN NYID KYIS DON DAM PA GSAL BAR MI BYED DO, ,GZHAN YANG, BLO GROS CHEN PO, RANG GI SEMS SNANG BA TZAM GYI RJES SU 'JUG PA'I PHYIR MTSAN MA RNAM PA SNA TSOGS DANG, PHYI ROL GYI DNGOS PO DNGOS PO MED PAS TSIG GI RNAM PAR RTOG PAS NI, DON DAM PA GSAL BAR MI BYED DO, ,DE LTA BAS NA, BLO GROS CHEN PO, TSIG GI RNAM PAR RTOG PA RNAMS KYI MTSAN NYID YONGS SU SPANG BAR BYA'O, ,DE NAS BCOM LDAN 'DAS KYIS DON DE NYID YANG BSTAN PA'I PHYIR, TSIGS SU BCAD PA 'DI DAG GSUNGS SO, ,DNGOS PO KUN GYI RANG BZHIN MED, ,TSIG KYANG YOD PA MA YIN TE, ,ZAB MO STONG NYID STONG PA'I DON, ,BYIS PA RNAMS KYIS RTOGS MI NUS, ,DNGOS PO THAMS CAD RANG BZHIN DANG, ,TSIG GI CHOS NI MIG YOR 'DRA, ,RANG RIG YE

354a

, ,SHES YANG DAG MTHA', ,BU RNAMS LA NI NGAS BSHAD DO, ,DE NAS BYANG CHUB SEMS DPA' SEMS DPA' CHEN PO BLO GROS CHEN POS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS, MCHIS PA DANG, MA MCHIS PA DANG, GCIG PA DANG, THA DAD PA DANG, GNYIS KA DANG, GNYIS KA MA LAGS PA DANG, MCHIS PA'ANG MA LAGS, MA MCHIS PA'ANG MA LAGS PA DANG, RTAG PA DANG, MI RTAG PA SPANGS PA, MU STEGS CAN THAMS CAD KYIS GROD PAR BGYI BA MA LAGS PA; SO SO RANG GIS RIG PA 'PHAGS PA'I YE SHES KYIS BGROD PAR BGYI BA, KUN BRTAGS PA'I RANG DANG SPYI'I MTSAN NYID DANG BRAL BA, DON DAM PA DE KHO NA'I DON LA 'JUG PA; SA RNAMS KYI MTSAMS SBYOR ZHING, RIM GYIS GONG NAS GONG DU KHYAD PAR CAN DU 'GYUR BA RNAM PAR DAG PA'I MTSAN NYID DANG, DE BZHIN GSHEGS PA'I SA LA RJES SU 'JUG PA'I MTSAN NYID LA RTZOL BA MA MCHIS PAR SNGON GYI SMON LAM GYIS GZUGS SNA TSOGS KYI YID BZHIN GYI NOR BU LTAR SPYOD YUL MTHA' YAS PA'I MTSAN NYID KYI RNAM PA, RANG GI SEMS SNANG BA'I TSUL BYE BRAG GI MTSAN NYID KYI CHOS THAMS CAD DANG, CI NAS KYANG BDAG DANG, BYANG CHUB SEMS DPA' SEMS DPA' CHEN PO GZHAN

354b

RNAMS 'DI LTA BU LA SOGS PA KUN BRTAGS PA'I RANG BZHIN DANG, RANG DANG SPYI'I MTSAN NYID KYI LTA BA RNAMS SPANGS TE, MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS NAS, SEMS CAN THAMS CAD KYI BDE BA PHUN SUM TSOGS PA YONGS SU RDZOGS PAR BGYI BA BSHAD DU GSOL, BCOM LDAN 'DAS KYIS BKA' STZAL PA, BLO GROS CHEN PO, LEGS SO, ,LEGS SO, ,KHYOD NGA LA DON 'DI 'DRI BA NI SKYE BO MANG PO LA BDE BA DANG, SKYE BO MANG PO LA PHAN PA DANG, LHA DANG MI'I 'JIG RTEN THAMS CAD LA SNYING BRTZE BA'I PHYIR ZHUGS PA STE, BLO GROS CHEN PO, DE'I PHYIR SHIN TU LEGS PAR NYON LA YID LA ZUNGS SHIG DANG, NGAS KHYOD LA RAB TU DBYE ZHING BSHAD PAR BYA'O, ,BLO GROS CHEN POS BCOM LDAN 'DAS LA, BCOM LDAN 'DAS, LEGS SO ZHES GSOL NAS BKA' MNYAN PA DANG, BCOM LDAN 'DAS KYIS 'DI SKAD CES BKA' STZAL TO, ,BLO GROS CHEN PO, BYIS PA SO SO'I SKYE BO RANG GI SEMS SNANG BA TZAM DU KHOD DU MA CHUD PA DANG, NANG DANG PHYI ROL GYI DNGOS POR 'DZIN PAS, GCIG PA DANG, THA DAD PA DANG, GNYIS KA DANG, GNYIS KA MA YIN PA DANG, YOD PA DANG, MED PA DANG, YOD PA'ANG MA YIN, MED PA'ANG MA YIN PA DANG, RTAG PA DANG, MI RTAG PA'I RANG BZHIN GYI BAG CHAGS KYIS RGYU LA BRTEN NAS MNGON

355a

, ,PAR ZHEN PAS RNAM PAR RTOG GO ,DPER NA, RI DVAGS SKOM PAS RAB TU GDUNGS PA RNAMS DPYID KYI SMIG RGYU LA CHU NYID DU RNAM PAR RTOG PA'I NOR PAS RAB TU RGYUG STE, CHU MA YIN PAR YONGS SU MI SHES SO, ,DE BZHIN DU BYIS PA SO SO'I SKYE BO THOG MA MED PA'I DUS KYIS SPROS PA'I RNAM PAR RTOG PAS YONGS SU BSGOS PA'I DUG GSUM GYI MES SEMS RAB TU GDUNGS PA, GZUGS KYI YUL LA SHIN TU MOS PA, SKYE BA DANG, GNAS PA DANG, 'JIG PAR LTA BA, PHYI NANG GI DNGOS POR YONGS SU 'DZIN PA DAG KYANG, GCIG PA DANG, THA DAD PA DANG, GNYIS KA DANG, GNYIS KA MA YIN PA DANG, YOD PA DANG, MED PA DANG, YOD PA'ANG MA YIN, MED PA'ANG MA YIN PA DANG, RTAG PA DANG, MI RTAG PA NYID DU 'DU SHES SHING, RNAM PAR RTOG PA'I LTA BA 'DZIN PAR RAB TU LTUNG BAR 'GYUR RO, ,DPER NA, DRI ZA'I GRONG KHYER LA BYIS PA SO SO'I SKYE BO BLO DANG MI LDAN PA RNAMS GRONG KHYER GYI 'DU SHES 'BYUNG STE, THOG MA MED PA'I DUS NAS BAG CHAGS LA MNGON BAR ZHEN PA'I 'DU SHES KYIS SNANG YANG, DE NI GRONG KHYER YANG MA YIN, GRONG KHYER MA YIN PA'ANG MA YIN NO, ,DE BZHIN DU MU STEGS CAN THOG MA MED PA'I DUS NAS SPROS PA'I BAG CHAGS LA MNGON PAR ZHEN PA RNAMS GCIG PA DANG, THA

355b

DAD PA DANG, GNYIS KA DANG, GNYIS KA MA YIN PA DANG, YOD PA DANG, MED PA DANG, YOD PA'ANG MA YIN, MED PA'ANG MA YIN PA DANG, RTAG PA DANG, MI RTAG PA'I LTA BA LA GNAS PAS RANG GI SEMS SNANG BA TZAM DU MI CHUD DO, ,DPER NA, MI LA LA ZHIG RMI LAM NA SKYES PA DANG, BUD MED DANG, GLANG PO CHE DANG, RTA DANG, SHIN RTAG DANG, RKANG THANG DANG, GRONG DANG; GRONG KHYER DANG, SKYED MOS TSAL DANG, NAGS TSAL DANG, RI DANG, 'BAB CHU DANG, RDZING RNAM PA SNA TSOGS KYIS MDZES PAR BYAS PAR BDAG NYID ZHUGS PA SNYAM PA LAS SAD NAS DE NYID RJES SU DRAN NA, BLO GROS CHEN PO, JI SNYAM DU SEMS, SKYES BU DES SNGAR RMIS PA RNAMS RJES SU DRAN PAR BYED CING, YONGS SU GTONG BAR MI BYED NA, CI MKHAS PA'I RANG BZHIN CAN YIN NAM, BLO GROS CHEN POS BCOM LDAN 'DAS LA GSOL PA, BCOM LDAN 'DAS, MA LAGS SO, ,BCOM LDAN 'DAS KYIS BLO GROS CHEN PO LA BKA' STZAL PA, DE BZHIN DU BYIS PA SO SO'I SKYE BO LTA BA NGAN PAS RAB TU ZIN PA, MU STEGS KYI BLO CAN DAG RANG GI SEMS SNANG BA'I DNGOS PO RMI LAM LTA BUR MA SHES PAS; GCIG PA DANG, THA DAD PA DANG, GNYIS KA DANG, GNYIS KA MA YIN PA DANG, YOD PA DANG, MED PA DANG, YOD PA'ANG MA YIN, MED PA'ANG MA YIN PA DANG, RTAG

356a

, ,PA DANG, MI RTAG PAR LTA BA LA RAB TU BRTEN TO, ,DPER NA, RI MO BRIS PA LA MTHO DMAN MED KYANG, BYIS PA DE DAG MTHO DMAN DU RNAM PAR RTOG GO ;DE BZHIN DU MA 'ONGS PA'I DUS NA MU STEGS CAN GYI LTA BA NGAN PA'I BAG CHAGS SHIN TU RGYAS PAS, DE DAG GCIG PA DANG, THA DAD PA DANG, GNYIS KA DANG, GNYIS KA MA YIN PA DANG, YOD PA DANG, MED PA DANG, YOD PA'ANG MA YIN, MED PA'ANG MA YIN PA DANG, RTAG PA DANG, MI RTAG PAR LTA BA LA BRTEN NAS BDAG DANG GZHAN YANG BRLAG PAR BYED LA, YOD PA DANG, MED PA SPANGS PA, SKYE BA MED PAR SMRA BA GZHAN DAG LA'ANG MED PA ZHES ZER BA DAG 'BYUNG STE, 'DI DAG NI RGYU DANG 'BRAS BUR LTA BA LA SKUR PA 'DEBS SHING, DGE BA'I RTZA BA 'DON PAR BYED LA, RNAM PAR DAG PA'I RGYU 'JIG PAR BYED PA YIN PAS, MCHOG 'TSOL BA RNAMS KYIS RING DU SPANG BAR BYA'O, ,DE SKAD DU SMRA BA DE DAG NI, BDAG DANG GZHAN DANG, GNYIS KA'I LTA BAR LHUNG BA, YOD PA DANG, MED PAR RNAM PAR BRTAGS NAS, SGRO 'DOGS PA DANG, SKUR PA'I LTA BA NGAN PAR LHUNG BA YIN PAS, SEMS CAN DMYAL BAR LHUNG BAR 'GYUR RO, ,DPER NA, MIG LA RAB RIB YOD PA DE DAG GIS SKRA SHAD 'DZINGS PA

356b

MTHONG NAS, SKYE BO MANG PO'I TSOGS RNAMS LA 'DI SKAD DU, KYE GROGS PO DAG ,'DI LTOS SHIG CES ZER YANG, SKRA SHAD 'DZINGS PA DE NI MTHAR DNGOS PO YOD PA'ANG MA YIN; DNGOS PO MED PA'ANG MA YIN TE, MTHONG BA DANG, MI MTHONG BA'I PHYIR RO, ,DE BZHIN DU MU STEGS CAN LTA BA NGAN PA'I BSAM PA CAN DAG KYANG, GCIG PA DANG, THA DAD PA DANG, GNYIS KA DANG, GNYIS KA MA YIN PA DANG, YOD PA DANG, MED PA DANG, YOD PA'ANG MA YIN, MED PA'ANG MA YIN PA DANG, RTAG PA DANG, MI RTAG PA'I LTA BA LA RAB TU BRTEN CING, DAM PA'I CHOS LA SKUR PA 'DEBS PAS, BDAG KYANG LHUNG BAR BYED LA GZHAN DAG KYANG LHUNG BAR BYED DO, ,DPER NA, MGAL ME'I 'KHOR LO NI, 'KHOR LO MA YIN YANG, BYIS PA RNAMS KYIS 'KHOR LO NYID DU YONGS SU RTOG STE, MKHAS PA RNAMS NI MA YIN NO, ,DE BZHIN DU MU STEGS CAN LTA BA NGAN PA'I BAS MA BA CAN DAG KYANG GCIG PA DANG, THA DAD PA DANG, GNYIS KA DANG, GNYIS KA MA YIN PA DANG, YOD PA DANG, MED PA DANG, YOD PA'ANG MA YIN, MED PA'ANG MA YIN PA DANG, RTAG PA DANG, MI RTAG PAR YONGS SU RTOG PA LA BRTEN NAS, DNGOS PO THAMS CAD SKYED DO, ,DPER NA, CHU BUR NOR BU 'DRA BA LA BYIS PA BLO DANG MI LDAN PA RNAMS KYIS NOR BU NYID DU 'DU

357a

, ,SHES SHING, MNGON PAR ZHEN NAS RAB TU RGYUG CING LEN KYANG, CHU BUR DE DAG NI NOR BU'ANG MA YIN, NOR BU MA YIN PA'ANG MA YIN TE, LEN PA DANG, MI LEN PA'I PHYIR RO, ,DE BZHIN DU MU STEGS CAN LTA BA NGAN PA'I RNAM PAR RTOG PA'I BAG CHAGS KYIS YONGS SU BSGOS PA RNAMS KYANG, YOD PA MA YIN PA LA SKYE BA YOD PAR SMRA BA DANG, RKYEN GYIS YOD PA'ANG 'JIG PAR SMRA BAR 'GYUR RO, ,GZHAN YANG, BLO GROS CHEN PO, TSAD MA RNAM PA GSUM PA DANG, SMRA BA'I YAN LAG LNGA YOD DO,, DE DAG SO SOR RNAM PAR BZHAG PAR BYAS NAS, 'PHAGS PA'I YE SHES SO SO RANG GIS RIG PAR BYA BA, RANG BZHIN GNYIS KYIS DNGOS PO DANG BRAL BA RTOGS PAR 'GYUR ZHES DNGOS PO YOD PA NYID DU RNAM PAR RTOG CING MNGON PAR ZHEN PAR BYED DO, BLO GROS CHEN PO, SEMS DANG, YID DANG, YID KYI RNAM PAR SHES PA DANG, LUS DANG ,SEMS GNAS SHIN TU GYUR PA, RANG GI SEMS SNANG BA'I GZUNG BA DANG, 'DZIN PA'I RNAM PAR RTOG PA RAB TU SPANGS PA, DE BZHIN GSHEGS PA'I SA, SO SO RANG GIS RIG PA 'PHAGS PA'I YE SHES THOB PA'I RNAL 'BYOR PAS DE LA DNGOS PO DANG, DNGOS PO MED PA'I 'DU SHES SU MI BYA'O, ,GAL TE YANG RNAL 'BYOR PAS DE LTA BU'I SPYOD YUL

357b

RNAMS LA DNGOS PO DANG DNGOS PO MED PA 'DZIN PA'I MTSAN MA SKYED PAR BYED NA, DE NI GSO BAR 'DZIN PA DANG, BDAG TU 'DZIN PA DANG, GANG ZAG TU 'DZIN PAR 'GYUR RO, ,BLO GROS CHEN PO, GANG 'DI LTAR DNGOS PO DE DAG GI RANG BZHIN DANG, RANG DANG SPYI'I MTSAN NYID BSTAN PA DE DAG THAMS CAD NI SPRUL PA'I SANGS RGYAS KYIS BSTAN PA YIN GYI, CHOS NYID KYI SANGS RGYAS KYIS BSTAN PA NI MA YIN NO, ,GZHAN YANG BSTAN PA RNAMS NI BYIS PA SO SO'I SKYE BO LTA BA'I BSAM PA CAN GYI DBANG GIS BYUNG BA YIN GYI, LOGS SHIG RNAM PAR 'JOG PA'I TSUL RANG BZHIN GYI CHOS, 'PHAGS PA'I YE SHES SO SO RANG GIS RIG PA'I TING NGE 'DZIN GYI BDE BA LA GNAS PA THOS PA RAB TU DBYE ZHING STON PAR MI BYED DO, ,DPER NA, CHU'I NANG DU SHING GI GRIB MA SNANG YANG DE NI GRIB MA YANG MA YIN, GRIB MA MA YIN PA'ANG MA YIN, SHING GI DBYIBS KYANG MA YIN, SHING GI DBYIBS MA YIN PA'ANG MA YIN NO, ,DE BZHIN DU MA STEGS CAN GYI LTA BA'I BAG CHAGS KYIS YONGS SU BSGOS PA'I RNAM PAR RTOG PA LA MNGON PAR ZHEN PA RNAMS KYANG GCIG PA DANG, THA DAD PA DANG, GNYIS KA DANG, GNYIS KA MA YIN PA DANG, YOD PA DANG, MED PA DANG, YOD PA'ANG MA YIN, MED PA'ANG MA YIN PA DANG, RTAG PA DANG, MI RTAG PAR 'DU SHES PA LA BRTEN PAS RANG GI SEMS

358a

, ,SNANG BA TZAM DU KHONG DU MI CHUD DO, ,DPER NA, ME LONG RAB TU PHYIS PA'I NANG DU RKYEN JI LTA BA BZHIN DU RNAM PAR RTOG PA MED PAR GZUGS BRNYAN THAMS CAD SNANG STE, DE DAG NI GZUGS KYANG MA YIN, GZUGS MA YIN PA'ANG MA YIN YANG GZUGS DANG GZUGS MA YIN PAR MTHONG BAR RNAM PAR RTOG PA'I BYIS PA RNAMS GZUGS KYI 'DU SHES SU BYED DO, ,DE BZHIN DU MU STEGS CAN LTA BA NGAN PA PA RANG GI SEMS SNANG BA'I GZUGS LA RNAM PAR RTOG PAS MNGON PAR ZHEN PA RNAMS KYANG GCIG PA DANG, THA DAD PA DANG, GNYIS KA DANG, GNYIS KA MA YIN PA DANG, YOD PA DANG, MED PA DANG, YOD PA'ANG MA YIN, MED PA'ANG MA YIN, RTAG PA DANG, MI RTAG PAR LTA BA LA RAB TU BRTEN TO, ,DPER NA, RLUNG DANG 'BAB CHU PHRAD PA LAS SGRA 'BYUNG YANG DE NI DNGOS PO'ANG MA YIN, DNGOS PO MA YIN PA'ANG MA YIN NO, ,DE BZHIN DU MU STEGS CAN GYI LTA BA NGAN PA'I RTOG GE PA RNAMS KYANG, GCIG PA DANG, THA DAD PA DANG, GNYIS KA DANG, GNYIS KA MA YIN PA DANG, YOD PA DANG, MED PA DANG, YOD PA'ANG MA YIN, MED PA'ANG MA YIN PA DANG, RTAG PA DANG, MI RTAG PAR LTA BA LA RAB TU BRTEN TO, ,DPER NA, RTZVA DANG, SHING MED PA'I SA PHYOGS CHEN POR NYI MA SHIN TU TSA BA'I 'OD KYIS SMIG

358b

RGYU'I DPA' RLABS RAB TU G-YO 'ANG DE NI DNGOS PO'ANG MA YIN, DNGOS PO MED PA'ANG MA YIN TE, CHAGS PA DANG, CHAGS PA MED PA'I PHYIR RO, ,DE BZHIN DU BYIS PA SO SO'I SKYE BO THOG MA MED PA'I DUS KYIS RNAM PAR SPROS PA'I BAG CHAGS KYIS BSGOS PA, RNAM PAR RTOG PAS SKYE BA DANG, GNAS PA DANG, 'JIG PA LA MNGON PAR ZHEN PA RNAMS KYANG GCIG PA DANG, THA DAD PA DANG, GNYIS KA DANG, GNYIS KA MA YIN PA DANG, YOD PA DANG, MED PA DANG, YOD PA'ANG MA YIN, MED PA'ANG MA YIN PA DANG, RTAG PA DANG, MI RTAG PA LA RAB TU BRTEN PAS SO SO RANG GIS RIG PAR BYA BA'I DNGOS PO'I SGO LA DMIGS PA'ANG SMIG RGYU'I DPA' RLABS DE DAG JI LTA BA BZHIN NO, ,DPER NA, LA LA ZHIG GIS SNGAGS DANG, 'KHRUL 'KHOR GYIS SEMS CAN DU BGRANG BA MA YIN PA STON PA 'DRE DANG SBYOR BAR LDAN NA G-YO BA'I LAS BYED DE, BYIS PA RNAMS KYIS RNAM PAR RTOG PAS 'GRO BA DANG, 'ONG BA NYID DU MNGON PAR ZHEN TO, ,DE BZHIN DU MU STEGS BYED LTA BA NGAN PA'I BSAM PA CAN DAG KYANG GCIG PA DANG, THA DAD PA DANG, GNYIS KA DANG, GNYIS KA MA YIN PA DANG, YOD PA DANG, MED PA DANG, YOD PA'ANG MA YIN, MED PA'ANG MA YIN PA DANG, RTAG PA DANG, MI RTAG PA'I LTA BA LA BRTEN CING SPROS PA LA MNGON PAR ZHEN PAS YANG DAG PA MA

359a

, ,YIN PAR SGRO 'DOGS SO, ,BLO GROS CHEN PO, DE BAS NA SO SO RANG GI RIG PA 'PHAGS PA'I YE SHES KYI DNGOS PO 'DOD PA DAG GIS SKYE BA DANG, GNAS PA DANG, 'JIG PA DANG, GCIG PA DANG, THA DAD PA DANG, GNYIS KA DANG, GNYIS KA MA YIN PA DANG, YOD PA DANG, MED PA DANG, YOD PA'ANG MA YIN, MED PA'ANG MA YIN PA DANG, RTAG PA DANG, MI RTAG PA LA SOGS PA'I LTA BA NGAN PA'I RNAM PAR RTOG PA RNAMS YONGS SU SPANG BAR BYA'O, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,SGYU MA RMI LAM CHU GRIB SHING, ,SKRA SHAD 'DZINGS DANG SMIG RGYU LTAR, ,SRID GSUM DAG NI RAB RTOG NA, ,MTHAR NI RNAM PAR GROL BAR 'GYUR; ;RI DVAGS SKOM PA'I 'DU SHES KYI, ,G-YO BAS SEMS NI BSLUS PAS NA, ,SMIG RGYU LA NI CHUR RTOG KYANG, ,CHU YI DNGOS PO YANG DAG MED, ,DE BZHIN RNAM SHES SA BON PA; ;G-YO ZHING GYUR PAS YUL DU SNANG, ,BYIS PA RNAM RTOG GANG SKYES PA, ,RAB RIB CAN GYI RAB RIB BZHIN, ,THOG MA MED PA'I 'KHOR BA LA, ,DNGOS POR 'DZIN CING MNGON ZHEN PA; ;MI MTHUN KHYE'US KHYE'U DBYUNG BZHIN, ,'DOD PA'I 'DZIN PA RAB TU SPONGS, ,SGYU MA RO LANGS 'KHRUL 'KHOR DANG, ,SPRIN DANG RMI LAM GLOG LTA BUR, ,RAB TU RTOG NA

359b

RNAM GROL ZHING, ,RGYUN GSUM DAG NI GTAN DU SPONG, ,'DI LA BYED PA GANG YANG MED, ,SMIG RGYUN MA MKHA' JI BZHIN TE, ,DE LTAR CHOS RNAMS RAB SHES NA, ,SHES PAR BYA BA CI YANG MED, ,BSTAN PA DAG NI MING TZAM STE, ,DE LA MTSAN NYID YOD MA YIN, ,GANG LA RNAM RTOG SKYED PA YI, ,PHUNG PO'I 'DU BYED SKRA SHAD 'DRA, ,RI MO SKRA SHAD 'DZINGS PA DANG, SGYU MA RMI LAM DRI ZA'I GRONG, ,MAG LA ME'I 'KHOR LO SMIG RGYU DAG ,MED KYANG SEMS CAN RNAMS LA SNANG, ,RTAG DANG MI RTAG GCIG THA DAD, ,GNYIS KA GNYIS MIN DE BZHIN TE, THOG MA MED KYI NYES 'BREL BAS, ,BYIS PA MOS PAS RAB TU RTOG ,ME LONG CHU DANG MIG RNAMS DANG, ,YID BZHIN NOR BU RIN PO CHE, ,DE NA GZUGS BRNYAN SNANG MOD KYI, ,DE NI YANG DAG YOD PA MIN, ,DNGOS POR SNANG BA THAMS CAD NI, ,RI MO DANG NI SMIG RGYU BZHIN, ,RNAM PA SNA TSOGS GZUGS SNANG YANG, ,RMI LAM 'DRA STE YOD MA YIN, ,GZHAN YANG BLO GROS CHEN PO, DE BZHIN GSHEGS PA RNAMS KYI BSTAN PA'I CHOS NI MU BZHI DANG BRAL BA YIN TE, 'DI LTA STE, GCIG DANG, THA DAD PA DANG, GNYIS KA DANG, GNYIS KA MA YIN PA DANG, YOD PA DANG, MED PA DANG, YOD PA'ANG MA YIN, MED PA'ANG MA YIN PA DANG, RTAG PA DANG, MI RTAG PA SPANGS PA, YOD PA DANG MED PA'I SGRO 'DOGS PA DANG, SKUR

360a

, ,PA LAS RNAM PAR GROL BA'O, ,DE BZHIN GSHEGS PA'I CHOS BSTAN PA NI YANG DAG PA'I BDEN PA DANG, RTEN CING 'BREL PAR 'BYUNG BA DANG, LAM DANG, 'GOG PA DANG, RNAM PAR THAR PA RAB TU 'BYED CING SDUD PAR BYED PAS DE DAG SNGON DU BTANG BA YIN GYI, NGO BO NYID DANG, DBANG PHYUG DANG, RGYU MED PA DANG, RDUL PHRA MO DANG, DUS DANG, RANG BZHIN DANG 'BREL BAR CHOS STON PA NI MA YIN NO; ,GZHAN YANG, BLO GROS CHEN PO, NYON MONGS PA DANG, SHES BYA'I SGRIB PA RNAM PAR DAG PAR BYA BA'I PHYIR DED DPON LTAR TSIG BRGYA RTZA BRGYAD DANG, SNANG BA MED PA DANG, THEG PA DANG, SA RNAMS SHIN TU RNAM PAR 'BYED PA'I MTSAN NYID LA MTHAR GYIS RAB TU 'JUG GO ,GZHAN YANG, BLO GROS CHEN PO, BSAM GTAN RNAM PA BZHI YOD DE, RNAM PA BZHI GANG ZHE NA, 'DI LTA STE, BYIS PA NYE BAR SPYOD PA'I BSAM GTAN DANG, DON RAB TU 'BYED PA'I BSAM GTAN DANG, DE BZHIN NYID DMIGS PA'I BSAM GTAN DANG, DE BZHIN GSHEGS PA'I BSAM GTAN NO, ,DE LA BYIS PA NYE BAR SPYOD PA'I BSAM GTAN GANG ZHE NA, 'DI LTA STE, NYAN THOS DANG, RANG SANGS RGYAS DANG, MU STEGS CAN GYI RNAL 'BYOR PA RNAMS GANG ZAG LA BDAG MED PA DANG, DNGOS PO'I RANG

360b

DANG SPYI'I MTSAN NYID KENG RUS DANG, MI RTAG PA DANG, SDUG BSNGAL BA DANG, MI SDUG PA'I MTSAN NYID LA MNGON PAR ZHEN PA SNGON DU BTANG STE, 'DI NI MTSAN NYID 'DI LTA BU YIN TE, GZHAN DU MA YIN NO ZHES BRTAGS NAS SNGA MA LAS GONG NAS GONG DU KHYAD PAR CAN DU 'GYUR TE, 'DU SHES MI 'GOG PA GANG YIN PA DE NI BYIS PA NYE BAR SPYOD PA'I BSAM GTAN ZHES BYA'O; ;DON RAB TU 'BYED PA'I BSAM GTAN GANG ZHE NA, 'DI LTA STE, GANG ZAG LA BDAG MED PA DANG, RANG DANG SPYI'I MTSAN NYID DANG, MU STEGS CAN GYI BDAG DANG, GZHAN DANG, GNYIS KA DNGOS PO MED PAR GYUR PA LA CHOS BDAG MED PAR BRTAGS NAS, SA DE DAG GI MTSAN NYID KYI DON GONG NAS GONG DU KHYAD PAR CAN DU 'GYUR BA NI DON RAB TU 'BYED PA'I BSAM GTAN ZHES BYA'O, ,DE BZHIN NYID LA DMIGS PA'I BSAM GTAN GANG ZHE NA, 'DI LTA STE, RNAM PAR RTOG PAS BDAG MED PA GNYIS SU RNAM PAR RTOG PA YANG DAG PA JI LTA BA BZHIN GYI GNAS LA RNAM PAR RTOG PA MI SKYED PA NI DE BZHIN NYID LA DMIGS PA'I BSAM GTAN ZHES BYA'O, ,DE BZHIN GSHEGS PA'I BSAM GTAN GANG ZHE NA, 'DI LTA STE, DE BZHIN GSHEGS PA'I SA'I RNAM PA LA 'JUG PA SO SO RANG GIS RIG PA 'PHAGS PA'I YE SHES KYI MTSAN NYID GSUM GYI BDE BA LA GNAS NAS, SEMS CAN GYI DON BSAM GYIS MI KHYAB

361a

, ,PA'I BYA BA BYED PA NI DE BZHIN GSHEGS PA'I BSAM GTAN ZHES BYA'O, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIG SU BCAD PA 'DI DAG GSUNGS SO, ,BYIS PA NYE SPYOD BSAM GTAN DANG, ,DON GYI MTSAN NYID 'BYED BSAM GTAN, ,DE BZHIN NYID DMIGS BSAM GTAN DANG, ,DE BZHIN GSHEGS PA'I DAG BSAM GTAN; ;RNAL 'BYOR CAN GYIS BRTZON BYAS NA, ,NYI MA ZLA BA'I DBYIBS 'DRA DANG, ,PADMA DANG NI G-YANGS DANG, ,NAM MKHA' DANG NI ME ZAD LTAR, ,RNAL 'BYOR PAS NI GANG RTOG PA,, MTSAN MA SNA TSOGS DE DAG NI, ,MU STEGS LAM 'BYED BSAM GTAN TE, ,NYAN THOS DANG NI RANG RGYAL GYI, ,SPYOD YUL DU YANG LTUNG BAR BYED, ,'DI DAG THAMS CAD RAB SPANGS NA, ,DE NI SNANG BA MED PA YIN, ,ZHING RNAMS KUN GYI SANGS RGYAS KYI, ,BSAM GYIS MI KHYAB PHYAG GIS NI, ,DE YI MGO LA NYUG MDZAD DE, ,DE BZHIN NYID KYI RJES ZHUGS BRTAGS, ,DE NAS BYANG CHUB SEMS DPA' SEMS DPA' CHEN PO BLO GROS CHEN POS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS, MYA NGAN LAS 'DAS PA ZHES BGYI BA CHOS JI LTA BU ZHIG LA MYA NGAN LAS 'DAS PA ZHES BGYI LAGS, BCOM LDAN 'DAS KYIS BKA' STZAL PA, BLO GROS CHEN PO, RANG BZHIN THAMS CAD KYI BAG CHAGS KYI KUN GZHI

361b

DANG, YID DANG, YID KYI RNAM PAR SHES PA DANG, LTA BA'I BAG CHAGS RAB TU GYUR BA NI MYA NGAN LAS 'DAS PA ZHES BYA STE, SANGS RGYAS RNAMS DANG, NGA'I MYA NGAN LAS 'DAS PA RANG BZHIN STONG PA NYID KYI DNGOS PO'I SPYOD YUL LO, ,GZHAN YANG, BLO GROS CHEN PO, MYA NGAN LAS 'DAS PA NI 'PHAGS PA SO SO RANG GIS RIG PA'I YE SHES KYI SBYOD YUL TE, RTAG PA DANG, CHAD PAR RNAM PAR RTOG PA DANG, DNGOS PO DANG, DNGOS PO MED PAR RNAM PAR SPANGS PA'O, ,JI LTAR RTAG PA MA YIN ZHE NA, 'DI LTA STE, RANG DANG SPYI'I MTSAN NYID DU RNAM PAR RTOG PA SPANGS PA'I PHYIR RTAG PA MA YIN NO, ,JI LTAR CHAD PA MA YIN ZHE NA, 'DI LTA STE, 'DAS PA DANG, MA 'ONGS PA DANG, DA LTAR BYUNG BA'I 'PHAGS PA THAMS CAD KYIS SO SO RANG GIS RIG PA THOB PA'I PHYIR CHAD PA MA YIN NO, ,BLO GROS CHEN PO, MYA NGAN LAS 'DAS PA NI MI 'JIG MI 'CHI STE, GAL TE MYA NGAN LAS 'DAS PA 'CHI BA ZHIG YIN NA NI YANG SKYE BA'I RGYUN LEN PAR 'GYUR RO, ,CI STE 'JIG PA ZHIG YIN NA NI 'DUS BYAS KYI MTSAN NYID DU LTUNG BAR 'GYUR TE, DE'I PHYIR MYA NGAN LAS 'DAS PA NI 'JIG PA DANG, 'CHI BA DANG BRAL BAS NA RNAL 'BYOR PA RNAMS SKABS SU 'GRO BA YIN NO, ,GZHAN YANG, BLO GROS CHEN PO, MYA NGAN LAS 'DAS PA NI SPANGS PA MA YIN PA DANG, THOB PA MA YIN PA DANG, CHAD

362a

, ,BA MA YIN PA DANG, RTAG PA MA YIN PA DANG, DON GCIG PA MA YIN PA DANG, DON SNA TSOGS MA YIN PA NI MYA NGAN LAS 'DAS PA ZHES BYA'O, ,GZHAN YANG, BLO GROS CHEN PO, NYAN THOS DANG, RANG SANGS RGYAS KYI MYA NGAN LAS 'DAS PA NI RANG DANG SPYI'I MTSAN NYID KHONG DU CHUD PA DANG, YUL GYI 'DU 'DZI MED PA DANG, PHYIN CI LOG PAR MTHONG BAS RNAM PAR RTOG PA MI SKYE BA STE, DE DAG GIS DE LA MYA NGAN LAS 'DAS PA'I BLOR 'GYUR RO, ,GZHAN YANG, BLO GROS CHEN PO, RANG BZHIN GYI MTSAN NYID NI RNAM PA GNYIS TE, GNYIS GANG ZHE NA, 'DI LTA STE, BRJOD PA'I RANG BZHIN GYI MTSAN NYID LA MNGON PAR ZHEN PA DANG, DNGOS PO'I RANG BZHIN GYI MTSAN NYID LA MNGON PAR ZHEN PA'O, ,DE LA BRJOD PA'I RANG BZHIN GYI MTSAN NYID LA MNGON PAR ZHEN PA NI THOG MA MED PA'I DUS KYI TSIG TU SPROS PA'I BAG CHAGS LA MNGON PAR ZHEN PA LAS BYUNG NGO, , DNGOS PO'I RANG BZHIN GYI MTSAN NYID LA MNGON PAR ZHEN PA NI RANG GI SEMS SNANG BA TZAM DU KHONG DU MA CHUD PA LAS 'BYUNG NGO, ,GZHAN YANG, BLO GROS CHEN PO, DE BZHIN GSHEGS PA RNAMS NI BYIN GYI RLABS RNAM PA GNYIS RNAM PAR BZHAG PAS BYANG CHUB SEMS DPA' SEMS DPA' CHEN PO RNAMS SANGS RGYAS RNAMS KYI ZHABS LA MGO BOS

362b

GTUG CING DRI BA YONGS SU 'DRI'O, ,BYIN GYI RLABS RNAM PA GNYIS RNAM PAR BZHAG PA GANG ZHE NA, 'DI LTA STE, TING NGE 'DZIN LA SNYOMS PAR 'JUG PA DANG, SKU DANG, ZHAL DANG, GSUNG THAMS CAD RAB TU STON PA'I BYIN GYI RLABS DANG, PHYAG GIS DBANG BSKUR BA'I BYIN GYI RLABS SO, ,DE LA, BLO GROS CHEN PO, BYANG CHUB SEMS DPA' SEMS DPA' CHEN PO RNAMS NI BYANG CHUB SEMS DPA'I SA DANG PO LA SANGS RGYAS KYI BYIN GYI RLABS LA RAB TU GNAS TE, 'DI LTAR BYANG CHUB SEMS DPA' THEG PA CHEN PO RAB TU SNANG BA ZHES BYA BA'I TING NGE 'DZIN LA SNYOMS PAR 'JUG CING, TING NGE 'DZIN DE LA SNYOMS PAR ZHUGS MA THAG TU PHYOGS BCU'I 'JIG RTEN NA BZHUGS PA'I SANGS RGYAS RNAMS KYI BYIN GYI RLABS KYI MTHUS KUN TU SKU DANG, ZHAL DANG, GSUNG THAMS CAD RAB TU STON TE, BYANG CHUB SEMS DPA' SEMS DPA' CHEN PO RDO RJE'I SNYING PO DANG, YON TAN DE LTA BU'I MTSAN NYID DANG LDAN PA'I BYANG CHUB SEMS DPA' SEMS DPA' CHEN PO GZHAN DAG LA JI LTA BA BZHIN NO, ,BLO GROS CHEN PO, 'DI NI BYANG CHUB SEMS DPA'I SA DANG PO LA BYANG CHUB SEMS DPA' SEMS DPA' CHEN PO DAG TING NGE 'DZIN LA SNYOMS PAR 'JUG PAR BYIN GYIS BRLAB PA RAB TU THOB PA ZHES BYA STE, BSKAL PA BRGYA STONG DU DGE BA'I RTZA BA BSAGS PA LAS MNGON PAR GRUB PA'O,

363a

, ,RIM GYIS SA RNAMS KYI GNYEN PO DANG, MI MTHUN PA'I PHYOGS KYI MTSAN NYID RTOGS PAR KHONG DU CHUD PAS SA CHOS KYI SPRIN LA 'JUG STE, PADMA CHEN PO'I GZHAL MED KHANG KHYAD PAR CAN NA GNAS SHING PADMA CHEN PO RIN PO CHE'I SENG GE'I STAN LA 'DUG NAS, SKAL PA MNYAM PA'I BYANG CHUB SEMS DPA' CHEN PO'I 'KHOR GYIS YONGS SU BSKOR BA LA RIN PO CHE SNA TSOGS KYI PHRENG BAS LUS RAB TU BRGYAN PAS GSER BTZO MA DANG, ME TOG TZAM PA KA DANG, NYI MA DANG, ZLA BA'I 'OD ZER JI LTA BA BZHIN NO, ,PHYOGS BCU NAS GSHEGS PA'I RGYAL BA RNAMS PADMA CHEN PO'I GZHAL MED KHANG NA STAN LA 'DUG PA DE LA SPYI BO NAS DBANG BSKUR BAR MDZAD DE, JI LTAR DBANG PHYUG DANG, 'KHOR LOS BSGYUR BA'I RGYAL PO DANG, LHA'I DBANG PO'I BU BZHIN DU SPYI BOR DBANG BSKUR BA MDZAD PAS 'DI NI BYANG CHUB SEMS DPA' RNAMS KYI PHYAG GIS DBANG BSKUR BA'I BYIN GYI RLABS ZHES BYA'O, ,BLO GROS CHEN PO, 'DI NI BYANG CHUB SEMS DPA' SEMS DPA' CHEN PO RNAMS KYI BYIN GYI RLABS RNAM PA GNYIS ZHES BYA STE, BYANG CHUB SEMS DPA' SEMS DPA' CHEN PO GAL TE BYIN GYI RLABS RNAM PA GNYIS LA GNAS NA SANGS RGYAS THAMS CAD MTHONG BAR NUS KYI, DE LTA MA YIN NA NI MTHONG BAR MI

363b

NUS SO, ,GZHAN YANG, BLO GROS CHEN PO, BYANG CHUB SEMS DPA' SEMS DPA' CHEN PO RNAMS JI TZAM DU TING NGE 'DZIN DANG, RDZU 'PHRUL DANG, CHOS STON PA'I SPYOD PA RAB TU DBYE BA LA SOGS PA DE DAG THAMS CAD NI DE BZHIN GSHEGS PA'I BYIN GYI RLABS RNAM PA GNYIS LA GNAS PAS SO, ,BLO GROS CHEN PO, BYANG CHUB SEMS DPA' SEMS DPA' CHEN PO RNAMS GAL TE SANGS RGYAS KYI BYIN GYI RLABS DANG YONGS SU BRAL BAS KYANG SPOBS PAS CHOS STON PAR NUS NA NI BYIS PA SO SO'I SKYE BO THAMS CAD KYIS KYANG CHOS STON NUS PAR 'GYUR RO, ,DE CI'I PHYIR ZHE NA; 'DI LTAR BYIN GYIS BRLABS LA MI GNAS PA'I PHYIR RO, ,BLO GROS CHEN PO, RI DANG, RDO DANG, SHING LJON PA DANG, SHING DANG, ROL MO'I CHA BYAD RNAM PA SNA TSOGS DANG, GRONG KHYER DANG; GRONG RDAL DANG, KHANG PA DANG, GZHAL MED KHANG DAG KYANG DE BZHIN GSHEGS PA GRONG KHYER DU BYON PA'I BYIN GYI RLABS KYIS DE DAG THAMS CAD LAS ROL MO'I SGRA RANG BYUNG NA SEMS YOD PA DAG LTA CI SMOS, 'ON PA DANG, LONG BA DANG, LKUGS PA DAG KYANG SDUG BSNGAL RNAM PA SNA TSOGS LAS RNAM PAR 'GROL TE, DE BZHIN GSHEGS PA NI 'DI LTA BU LA SOGS PA'I BYIN GYI RLABS TSAD MED PAS SEMS CAN RNAMS LA PHAN 'DOGS SO, ,BYANG CHUB SEMS DPA' BLO GROS CHEN POS YANG BCOM LDAN 'DAS LA GSOL PA, BCOM LDAN 'DAS, CI'I RGYU DANG RKYEN

364a

, ,GYIS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS BYANG CHUB SEMS DPA' SEMS DPA' CHEN PO TING NGE 'DZIN LA SNYOMS PAR 'JUG PA'I DUS DANG, KHYAD PAR GYI DBANG BSKUR BA'I DUS LA GNAS PA DAG LA BYIN GYIS RLOB PA MDZAD, BCOM LDAN 'DAS KYIS BKA' STZAL PA, BLO GROS CHEN PO; BDUD KYI LAS DANG NYON MONGS PA SPANG PA'I PHYIR DANG, NYAN THOS KYI SA DANG BSAM GTAN DU MI LTUNG ZHING DE BZHIN GSHEGS PA SO SO RANG GIS RIG PA'I SA THOB PAR BYA BA'I PHYIR DANG; THOB PAR BYA BA'I CHOS RNAM PAR 'PHEL ZHING KHYAD PAR CAN DU BYA BA'I PHYIR TE, DES NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS BYIN GYI RLABS RNAM PAR BZHAG PAS BYANG CHUB SEMS DPA' SEMS DPA' CHEN PO RNAMS LA BYIN GYIS RLOB PAR MDZAD DO, ,GAL TE BYIN GYI RLABS KYIS BYIN GYIS MA BRLABS NA MU STEGS CAN GYI LTA BA NGAN PA'I RNAM PAR RTOG PA DANG, NYAN THOS DANG, BDUD KYI BSAM PAR LTUNG ZHING BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG MI RGYA STE, DE LTAR DE'I PHYIR DE BZHIN GSHEGS PA RNAMS BYIN GYIS RLABS KYIS BYANG CHUB SEMS DPA' SEMS DPA' CHEN PO RNAMS RJES SU BZUNG BA YIN NO, ,DE NAS

364b

BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,BYIN RLABS LDAN PA MI YI GTZO, ,SMON LAM CHEN PO RNAM DAG PA, ,TING NGE 'DZIN DANG DBANG BSKUR DAG, DANG POR DANG NI SA BCUR 'BYUNG,, ,,'PHAGS PA LANGKAR GSHEGS PA RIN PO CHE'I MDO LAS, BAM PO BZHI PA, DE NAS YANG BCOM LDAN 'DAS LA BYANG CHUB SEMS DPA' SEMS DPA' CHEN PO BLO GROS CHEN POS 'DI SKAD CES GSOL TO, ,BCOM LDAN 'DAS KYIS RTEN CING 'BREL PAR 'BYUNG BA BKA' STZAL PAS, RGYU DANG RKYEN RNAM PAR BRJOD PA NYID MDZAD KYI, RANG GI TSUL GYI GTAM NI MA GSUNGS SO, ,BCOM LDAN 'DAS, MU STEGS CAN RNAMS KYANG RTEN CING 'BREL PAR 'BYUNG BA BSHAD DE, 'DI LTA STE, GTZO BO DANG, DBANG PHYUG DANG, DUS DANG, RDUL PHRA MO LAS DNGOS PO RNAMS SKYE BAR BRJOD DO, ,BCOM LDAN 'DAS KYIS RGYU DANG RKYEN LAS DNGOS PO RNAMS SKYE BAR GSUNGS SHING BRJOD PA LA'ANG BAR DU CHOD PA DANG BCAS PA'I GRUB PA'I MTHA' DANG, BAR DU CHOD PA MA MCHIS PA'I GRUB PA'I MTHA' MCHIS SO, ,BCOM LDAN 'DAS, MU STEGS CAN DAG KYANG MCHIS PA DANG MA MCHIS PA LAS SKYE BAR BRJOD, BCOM LDAN 'DAS KYIS KYANG MA MCHIS PA LAS 'BYUNG LA BYUNG NAS KYANG 'JIG PAR GSUNGS TE, JI LTAR BCOM LDAN 'DAS KYIS MA RIG PA'I

365a

, ,RKYEN GYIS 'DU BYED NAS RGA SHI'I BAR DU GSUNGS PA 'DI'ANG BCOM LDAN 'DAS KYIS RGYU MA MCHIS PAR SMRA BA RNAM PAR BRJOD PA GSUNGS KYI, RGYUR SMRA BA GSUNGS PA MA LAGS SO, ,BCOM LDAN 'DAS KYIS 'DI YOD PAS 'DI BYUNG NGO ZHES RNAM PAR BZHAG PA GSUM PA 'DI NI RIM GYIS 'BYUNG BAR GZHAG PA MA LAGS PAR MU STEGS CAN GYIS RNAM PAR BRJOD PA NYID BZUNG GI ,DE BZHIN GSHEGS PA'I NI DE DE LTA MA LAGS SO, ,DE CI'I SLAD DU ZHE NA, BCOM LDAN 'DAS, MU STEGS CAN RNAMS KYIS NI RTEN CING 'BREL PAR 'BYUNG PA MA LAGS PA'I RGYUS 'BRAS BU MNGON PAR BSGRUB BO, ,BCOM LDAN 'DAS KYIS NI RGYU'ANG DNGOS PO LA LTOS, DNGOS PO'ANG RGYU LA LTOS PAS RGYU DANG RKYEN YANG 'CHOL PAR 'GYUR ZHING DE BZHIN DU PHAN TSUN DU THUG PA MA MCHIS PAR YANG 'GYUR RO, ,BCOM LDAN 'DAS KYIS BKA' STZAL PA, BLO GROS CHEN PO, NGA NI RGYU MED PAR SMRA BA DANG, RGYU DANG RKYEN TSOL PAR SMRA BA MA YIN TE, 'DI YOD PAS 'DI 'BYUNG NGO, ,ZHES BRJOD PA NI GZUNG BA DANG 'DZIN PA NGO BO NYID MED PA DANG, RANG GI SEMS SNANG PA TZAM DU KHONG DU CHUD PA'I PHYIR RO, ,BLO GROS CHEN PO, GANG GZUNG BA DANG 'DZIN PA LA MNGON PAR ZHEN PA DANG, PHYI ROL GYI YUL GYI DNGOS PO DNGOS PO MED PA DANG, RANG GI

365b

SEMS SNANG BA TZAM KHONG DU MA CHUD PA DE DAG LA NI 'DI LTA BU'I NYES PAR 'GYUR GYI, NGA'I RTEN CING 'BREL BA'I 'BYUNG BA LA NI MA YIN NO, ,BLO GROS CHEN POS YANG GSOL PA, BCOM LDAN 'DAS, BRJOD PA DNGOS PO MA MCHIS PA LAGS NA DNGOS PO THAMS CAD KYANG MCHIS PA MA LAGS SAM, BCOM LDAN 'DAS, DNGOS PO DAG MA MCHIS SU LAGS NA NI BRJOD PA'ANG 'BYUNG BAR MI 'GYUR NA, BCOM LDAN 'DAS, DE'I SLAD DU BRJOD PA DNGOS PO MCHIS PAS DNGOS PO THAMS CAD KYANG MCHIS SO, ,BCOM LDAN 'DAS KYIS BKA' STZAL PA; BLO GROS CHEN PO, DNGOS PO MED PA DAG KYANG BRJOD PA YOD DE, 'DI LTA STE, RI BONG GI RVA DANG, RUS SBAL GYI SPU LA SOGS PA 'JIG RTEN NA BRJOD PAR SNANG MOD KYI, BLO GROS CHEN PO; DE DAG NI DNGOS PO'ANG MA YIN, DNGOS PO MED PA MA YIN TE, BRJOD PA TZAM DU ZAD DO, ,JI LTAR KHYOD KYIS SMRAS PA LTAR BRJOD PA RANG BZHIN YOD PAS DNGOS PO THAMS CAD KYANG YOD NA NI DE LTA NA KHYOD KYI SMRA BA DE NI NYAMS PAR 'GYUR RO, ,BLO GROS CHEN PO, BRJOD PA NI SANGS RGYAS RNAMS KYI ZHING THAMS CAD NA YOD PA MA YIN TE, ,BRJOD PA NI BYAS PA'O; ;BLO GROS CHEN PO, SANGS RGYAS KYI ZHING LA LA NA MIG MI 'DZUM PAS, LA LA NA MTSAN MA BSTAN PAS, LA LA NA SMIN MA BSKYOD PAS, LA LA NA MIG RIG RIG BYAS PAS, LA LA

366a

, ,NA DGOD PAS, LA LA NA GLAL BAS, LA LA NA SE GOL GYI SGRAS, LA LA NA ZHING DRAN PAS, LA LA NA BSKYOD PAS CHOS STON TE, BLO GROS CHEN PO, DPER NA; 'JIG RTEN GYI KHAMS MIG MI 'DZUM PA DANG, SPOS BRTZEGS DANG, DE BZHIN GSHEGS PA KUN TU BZANG PO'I ZHING KHAMS NA SPYAN MI 'DZUM PAR GZIGS PA TZAM GYIS BYANG CHUB SEMS DPA' DAG MI SKYE BA'I CHOS LA BZOD PA DANG, KHYAD PAR GYI TING 'DZIN GZHAN DAG KYANG RAB TU 'THOB PAR MDZAD DO, ,BLO GROS CHEN PO, DE'I PHYIR BRJOD PA YOD PAS DNGOS PO THAMS CAD YOD PA NI MA YIN NO, ,BLO GROS CHEN PO, DE NI 'JIG RTEN 'DI NA'ANG SNANG STE, SRIN BU DANG, SBRANG MA LA SOGS PA'I SEMS CAN DAG KYANG BRJOD PA MED PAR RANG GI BYA BA BYED DO, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,NAM MKHA' RI BONG RVA DAG DANG, ,MO GSHAM GYI NI BU DAG KYANG, ,MED KYANG TSIG TU BRJOD PA LTAR, ,DNGOS LA RTOG PA'ANG DE BZHIN NO, ,RGYU RKYEN 'DUS PA'I CHOS DAG LA, ,SKYE BAR BYIS PA RNAM RTOG STE; ;TSUL 'DI RAB TU MI SHES PAS, ,SRID GSUM GNAS NA RAB TU 'KHYAM, ,DE NAS YANG BYANG CHUB SEMS DPA' SEMS DPA' CHEN PO BLO GROS CHEN POS BCOM

366b

LDAN 'DAS LA 'DI SKAD CIS GSOL TO, ,BCOM LDAN 'DAS KYIS GANG LA RTAG PA'I SGRAR GSUNGS, BCOM LDAN 'DAS KYIS BKA' STZAL PA, BLO GROS CHEN PO, NOR PA'I PHYIR TE; NOR PA 'DI NI 'PHAGS PA RNAMS LA'ANG SNANG MOD KYI, PHYIN CI LOG TU NI MA YIN NO, ,BLO GROS CHEN PO, 'DI LTAR 'JIG RTEN NA MI MKHAS PA DAG GIS SMIG SGYU DANG, MGAL ME'I 'KHOR LO DANG, SKRA SHAD 'DZINGS PA DANG, DRI ZA'I GRONG KHYER DANG, SGYU MA DANG, RMI LAM DANG, GZUGS BRNYAN DAG LA PHYIN CI LOG TU 'DZIN GYI, MKHAS PA RNAMS KYIS NI MA YIN TE, MI SNANG BA'ANG MA YIN NO, ,BLO GROS CHEN PO, NOR PA DE DAG NI RNAM PA DU MAR SNANG YANG NOR PAS MI RTAG PAR BYED PA MA YIN NO, ,DE CI'I PHYIR ZHE NA, 'DI LTA STE, DNGOS PO DANG DNGOS PO MED PA RNAM PAR SPANGS PA'I PHYIR RO, ,BLO GROS CHEN PO, JI LTAR NA NOR PA DNGOS PO DANG DNGOS PO MED PA RNAM PAR SPANGS SHE NA, 'DI LTA STE, BYIS PA THAMS CAD KYI SPYOD YUL SNA TSOGS PA'I PHYIR RO, ,JI LTAR GANGG'A'I KLUNG DE YI DVAGS RNAMS KYIS MTHONG BA DANG MI MTHONG BA'I PHYIR NOR PA NI DNGOS PO YOD PA MA YIN NO, ,GZHAN DAG LA SNANG BAS NA DE'I PHYIR DNGOS PO MED PA'ANG MA YIN TE, DE LTAR NA NOR PA NI 'PHAGS PA RNAMS PHYIN CI LOG DANG PHYIN CI LOG MA YIN PA RNAM PAR SPANGS PAS DE'I PHYIR NOR PA NI RTAG PA STE, 'DI LTA

367a

, ,STE; MTSAN MA'I MTSAN NYID MI 'JIG PA'I PHYIR RO, ,BLO GROS CHEN PO, NOR PA NI MTSAN MA SNA TSOGS MA YIN TE, RNAM PAR RTOG PA'I MTSAN MA 'JIGS PAS DE'I PHYIR NOR PA NI RTAG PA'O, ,BLO GROS CHEN PO, JI LTAR NA NOR PA DE KHO NA YIN ZHE NA, GAL TE YANG RGYU DANG RKYEN GYI NOR PA 'DI LA 'PHAGS PA RNAMS PHYIN CI LOG GI BLO DANG, PHYIN CI LOG MA YIN PA'I BLO'ANG MI SKYE NA'O, ,BLO GROS CHEN PO, 'PHAGS PA RNAMS MA GTOGS PAR NOR PA 'DI LA CUNG ZAD TZAM DU 'DU SHES YOD PA NI 'PHAGS PA'I YE SHES KYI DNGOS PO'I MTSAN NYID MA YIN NO, ,BLO GROS CHEN PO, CUNG ZAD TZAM ZHES BYA BA DE NI BYIS PA RNAMS KYI RNAM PAR BRTAGS PAS BRJOD PA YIN TE, 'PHAGS PAS BRJOD PA NI MA YIN NO, ,NOR PA DE'ANG PHYIN CI LOG DANG PHYIN CI LOG MA YIN PAR RNAM PAR BRTAGS PAS RIGS RNAM PA GNYIS SKYED DE, 'DI LTA STE, 'PHAGS PA'I RIGS DANG, BYIS PA SO SO'I SKYE BO'I RIGS SO, ,'PHAGS PA'I RIGS KYANG RNAM PA GSUM DU DBYE BAS 'DI LTA STE, NYAN THOS KYI THEG PA DANG, RANG SANGS RGYAS KYI THEG PA DANG, SANGS RGYAS KYI THEG PA'O, ,JI LTAR NA BYIS PA SO SO'I SKYE BO RNAMS RNAM PAR BRTAGS PAS NYAN THOS KYI THEG PA'I RIGS SKYED CE NA, 'DI LTA STE, RANG DANG SPYI'I MTSAN NYID LA MNGON

367b

PAR ZHE NA PAS NYAN THOS KYI RIGS SU 'GYUR TE, DE LTAR NA RNAM PAR DAG PAS NYAN THOS KYI THEG PA'I RIGS SKYED PAR BYED PA YIN NO, ,BLO GROS CHEN PO, NOR PA DE NYID RNAM PAR BRTAGS PAS RANG SANGS RGYAS KYI THEG PA'I RIGS SKYED PAR BYED DE, 'DI LTA STE, NOR PA DE NYID KYI RANG DANG SPYI'I MTSAN NYID DU SGOM PA NA MNGON PAR ZHEN PA MED PAS RANG SANGS RGYAS KYI THEG PA'I RIGS SKYED PAR BYED PA YIN NO, ,JI LTAR NA MKHAS PA RNAMS KYIS NOR PA DE NYID LA RNAM PAR BRTAGS PAS SANGS RGYAS KYI THEG PA'I RIGS SKYED PAR BYED PA YIN ZHE NA, 'DI LTA STE, RANG GI SEMS SNANG BA TZAM DU KHONG DU CHUD PAS PHYI ROL GYI DNGOS PO DANG, DNGOS PO MED PAR RNAM PAR MI RTOG NA SANGS RGYAS KYI THEG PA'I RIGS SKYED PAR BYED PA YIN TE, 'DI NI NOR PA DE NYID LAS SANGS RGYAS KYI THEG PA'I RIGS SKYED PAR BYED PA ZHES BYA'O, ,GZHAN YANG DNGOS PO SNA TSOGS KYI RANG BZHIN DU NOR PA LA BYIS PA RNAMS KYIS RNAM PAR BRTAGS PAS NA BYIS PA SO SO'I SKYE BO'I RIGS SKYED PAR BYED DE, DE NI DNGOS PO'ANG MA YIN, DNGOS PO MED PA'ANG MA YIN PA NI RIGS KYI DON CES BYA'O, ,BLO GROS CHEN PO, NOR PA DE NYID LA RNAM PAR MI RTOG PAS 'PHAGS PA RNAMS SEMS DANG, YID DANG, YID KYI RNAM PAR SHES PA LAS 'DAS PA'I PHYIR BAG CHAGS KYI RANG BZHIN GYI CHOS LA GZHAN DU GYUR PA'I

368a

, ,DNGOS PO NI DE BZHIN NYID CES BYA STE, DE'I PHYIR DE BZHIN NYID NI SEMS LAS GROL BA'O ZHES TSIG 'DI NGAS SMRAS TE, MTSAN MA RNAM PAR SPANGS PA BSTAN PA'I PHYIR MTSAN MA THAMS CAD DANG BRAL BA'O ZHES SMRAS PA YIN NO, ,BLO GROS CHEN POS BCOM LDAN 'DAS LA GSOL PA, BCOM LDAN 'DAS, NOR PA MCHIS PA'AM; MA MCHIS PA ZHIG LAGS, BCOM LDAN 'DAS KYIS BKA' STZAL PA, BLO GROS CHEN PO, JI LTAR SGYU MA BZHIN DU MNGON PAR ZHEN PA'I MTSAN NYID MED DE, GAL TE NOR PA LA MNGON PAR ZHEN PA'I MTSAN NYID YOD NA NI MNGON PAR ZHEN PA'I DNGOS PO ZLOG PAR MI 'GYUR LA, RTEN CING 'BREL BAR 'BYUNG BA 'DI YANG MU STEGS CAN GYI RGYU LAS SKYE BA BZHIN DU 'GYUR RO, ,BLO GROS CHEN POS BCOM LDAN 'DAS LA GSOL BA, BCOM LDAN 'DAS, GAL TE NOR PA DE SGYU MA DANG MTSUNGS PA ZHIG LAGS NA NI DE LTAR NA NYON MONGS PA GZHAN GYI RGYU BGYID PAR 'GYUR RO, ,BCOM LDAN 'DAS KYIS BKA' STZAL PA, BLO GROS CHEN PO, SGYU MA NI NOR PA'I RGYU MA YIN TE, GNAS NGAN LEN GYI NYES PA MI SKYED PA'I PHYIR RO, ,BLO GROS CHEN PO, SGYU MA NI GNAS NGAN LEN GYI NYES PA MI SKYED DE, RNAM PAR RTOG PA MED PA'I PHYIR RO, ,BLO GROS CHEN PO, SGYU MA NI GZHAN

368b

GYI RIG SNGAGS KYI MTHU LAS 'BYUNG GI ,RANG GI RNAM PAR RTOG PA'I GNAS NGAN LEN GYI BAG CHAGS LAS SKYES PA MA YIN PAS DE'I PHYIR NYES PA SKYED PA BYED PA MA YIN NO, ,BLO GROS CHEN PO; BYIS PA SO SO'I SKYE BO RNAMS KYI NOR PA'I SEMS KYI MNGON PAR ZHEN PA YIN GYI 'PHAGS PA RNAMS NI MA YIN NO, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI GSUNGS SO, ,'PHAGS PAS NOR PA MI MTHONG STE, ,DBUS NA'ANG YANG DAG YOD MA YIN, ,GAL TE DBUS DE YANG DAG NA, NOR PA'ANG YANG DAG NYID DU 'GYUR, ,NOR PA THAMS CAD SPANGS NAS KYANG, ,GAL TE MTSAN MA YANG SKYED NA, ,DE NYID KYANG NI NOR PA STE, ,RAB RIB YONGS SU MA DAG BZHIN, ,GZHAN YANG, BLO GROS CHEN PO; SGYU MA MA YIN PA CHOS DANG MTSUNGS PA YOD PA MA YIN PAS CHOS THAMS CAD SGYU MA LTA BUR MTHONG NGO, ,BCOM LDAN 'DAS LA BLO GROS CHEN POS GSOL PA, BCOM LDAN 'DAS NI SGYU MA SNA TSOGS KYI MTSAN NYID LA MNGON PAR ZHEN PAS CHOS THAMS CAD SGYU MA LTA BU LAGS SAM, 'ON TE THA DAD PA'I MTSAN NYID LA MNGON PAR ZHEN PAS LAGS GAL TE SGYU MA RNAM PA SNA TSOGS KYI MTSAN NYID LA MNGON PAR ZHEN PAS DNGOS PO THAMS CAD SGYU MA LTA BU LAGS NA NI, BCOM LDAN 'DAS, DNGOS PO RNAMS SGYU MA LTA BU LAGS PAR

369a

, ,'GYUR RO, ,DE CI'I SLAD DU ZHE NA, 'DI LTAR GZUGS SNA TSOGS KYI MTSAN NYID NI RGYU MA MCHIS PA MA LAGS LA, BCOM LDAN 'DAS, RGYU GANG YANG GZUGS SNA TSOGS KYI MTSAN NYID SGYU MA LTA BUR SNANG BAR BGYID PA MA MCHIS SO, ,BCOM LDAN 'DAS, DE'I SLAD DU SGYU MA SNA TSOGS KYI MTSAN NYID LA MNGON PAR ZHEN PA DANG CHOS MTHUN PA MA MCHIS PAS DNGOS PO RNAMS SGYU MA LTA BU MA LAGS SO, ,BCOM LDAN 'DAS KYIS BKA' STZAL PA, BLO GROS CHEN PO, SGYU MA SNA TSOGS KYI MTSAN NYID LA MNGON PAR ZHEN PA DANG CHOS MTHUN PAS CHOS THAMS CAD SGYU MA LTA BU MA YIN MOD KYI, 'ON KYANG, BLO GROS CHEN PO, CHOS THAMS CAD NI YANG DAG PA MA YIN TE, MYUR DU 'JUG PA GLOG DANG 'DRA BAS NA SGYU MA LTA BU ZHES BYA'O, ,BLO GROS CHEN PO, DPER NA, GLOG 'GYUR BA SKAD CIG TU 'BYUNG LA, BYUNG NAS 'JIG PA NI BYIS BA SO SO'I SKYE BO RNAMS LA MI SNANG STE, DE BZHIN DU CHOS THAMS CAD KYANG RANG GI RNAM PAR RTOG PA'I RANG DANG SPYI'I MTSAN NYID LA DNGOS PO MED PAR RAB TU RNAM PAR 'BYED PA MED PA DANG, GZUGS KYI MTSAN NYID LA MNGON PAR MA CHAGS PA MED PA LAS SNANG NGO, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI GSUNGS SO, ,SGYU

369b

MAR MED MIN CHOS MTHUN PAS, ,DNGOS PO RNAMS NI SGYU MAR BRJOD, ,YANG DAG MA YIN GLOG 'DRA BAS, ,DE PHYIR SGYU MA LTA BUR BSHAD, ,BLO GROS CHEN POS YANG BCOM LDAN 'DAS LA GSOL BA, 'DI LTAR BCOM LDAN 'DAS KYIS DNGOS PO THAMS CAD NI MA SKYES PA DANG, SGYU MA LTA BU ZHES GSUNGS PAS, BCOM LDAN 'DAS KYIS DE SKAD DU BKA' STZAL PA'I TSIG SNGA MA DANG, SLAD MA 'GAL BA NONGS PAR MI 'GYUR RAM CI NA DNGOS PO RNAMS SKYE BA MA MCHIS PA DANG, SGYU MA LTA BU ZHES GSUNGS, BCOM LDAN 'DAS KYIS BKA' STZAL PA, BLO GROS CHEN PO, NGAS DNGOS PO RNAMS SKYE BA MED PA DANG, SGYU MA LTA BUR BRJOD KYANG TSIG SNGA PHYI 'GAL BA'I NYES PAR MI 'GYUR RO, ,DE CI'I PHYIR ZHE NA, 'DI LTA STE, SKYE BA RNAMS SKYE BA MED PA DANG, RANG GI SEMS SNANG BA TZAM DU RTOGS PA DANG, PHYI ROL GYI DNGOS PO DANG DNGOS PO MED PA YOD PA DANG MED PA LAS MI SKYE BAR MTHONG BAS NA, BLO GROS CHEN PO, NGA'I TSIG SNGA PHYI 'GAL BA'I NYES PAR MI 'GYUR TE, 'ON KYANG MU STEGS CAN GYI RGYU LAS SKYE BA GZHIG PA'I PHYIR NGAS DNGOS PO THAMS CAD MA SKYES PA ZHES BSHAD DO, ,BLO GROS CHEN PO, MU STEGS CAN GLEN PA'I TSOGS MANG PO RNAMS NI DNGOS PO RNAMS YOD PA DANG, MED PA LAS SKYE BAR 'DOD DE, RANG GI RNAM PAR RTOG PA SNA TSOGS LA MNYON PAR ZHEN PA'I RKYEN GYIS NI MA

370a

, ,YIN NO, ,BLO GROS CHEN PO, NGA NI YOD NA'ANG MA YIN, MED NA'ANG MI SKYE STE, DE'I PHYIR NGA NI SKYE BA MED PA'I TSIG NYID DU BRJOD DE, BLO GROS CHEN PO, DNGOS POR BSTAN PA NI 'KHOR BAR YONGS SU 'DZIN PA'I PHYIR DANG, MED DO ZHES CHAD PAR LTA BA RNAM PAR BZLOG PA'I PHYIR DANG, NGA'I SLOB MA RNAMS LAS SNA TSOGS KYIS SKYE BA'I GNAS YONGS SU 'DZIN PAR BSTAN PA'I PHYIR DNGOS PO'I SGRAS 'KHOR BA YONGS SU 'DZIN PAR BYED DO ZHES BSHAD DO, ,BLO GROS CHEN PO, SGYU MA LTA BU'I RANG BZHIN DANG MTSAN NYID BSTAN PA NI DNGOS PO'I RANG BZHIN DANG MTSAN NYID YONGS SU SPANG BA'I PHYIR TE, BYIS PA SO SO'I SKYE BO LTA BA NGAN PA'I MTSAN NYID DU LHUNG BA'I BSAM PA CAN RANG GI SEMS SNANG BA TZAM DU MA GTOGS PAS, RGYU DANG RKYEN DANG BYED PA'I RANG GI MTSAN NYID DU MNGON PAR ZHEN PA RNAMS RNAM PAR BZHAG PA'I PHYIR CHOS THAMS CAD SGYU MA DANG RMI LAM GYI RANG BZHIN DANG MTSAN NYID DU BSTAN TO, ,CI NAS KYANG BYIS PA SO SO'I SKYE BO LTA BA NGAN PA'I BSAM PA CAN, BDAG DANG GZHAN DANG, CHOS THAMS CAD LA MNGON PAR ZHEN PA, YANG DAG PA JI LTA BA BZHIN GYI GNAS SU MTHONG BA DAG LOG PAR SMRA BAR MI BYA BA'I PHYIR TE, BLO GROS CHEN PO, CHOS THAMS CAD KYI YANG DAG PAR GNAS PA

370b

JI LTA BA BZHIN DU MTHONG BA NI 'DI LTA STE, RANG GI SEMS SNANG BA TZAM LAS 'DAS PA'O, ,DE NAS BCOM LDAN 'DAS KYIS DON DE NYID BSTAN PA'I PHYIR TSIGS SU BCAD PA 'DI GSUNGS SO, ,SKYE MED BYED PA DNGOS MA YIN, ,DNGOS POS 'KHOR BA KUN SDUD DE, ,SGYU MA LA SOGS 'DRA MTHONG NA, ,MTSAN NYID LA NI RNAM MI RTOG ,GZHAN YANG, BLO GROS CHEN PO, MING DANG, TSIG DANG, YI GE'I TSOGS KYI MTSAN NYID DU RAB TU BSHAD PAR BYA STE, MING DANG, TSIG DANG, YI GE'I TSOGS RAB TU RTOGS PA'I BYANG CHUB SEMS DPA' SEMS DPA' CHEN PO GANG GIS DON DANG, TSIG DANG, YI GE'I TSOGS KYI RJES SU ZHUGS PA NI MYUR DU BLA NA MED PA YANG DAG PAR RDZOGS PA'I BYANG CHUB MNGON PAR 'TSANG RGYA STE, MNGON PAR RDZOGS PAR SANGS RGYAS NAS SEMS CAN THAMS CAD KYANG DE BZHIN DU KHONG DU CHUD PAR BYED DO, ,BLO GROS CHEN PO, DE LA MING GI TSOGS ZHES BYA BA NI 'DI LTA STE, DNGOS PO GANG LA BRTEN NAS MING DU GDAGS PA NI MING GI TSOGS ZHES BYA'O, ,BLO GROS CHEN PO, TSIGS GI TSOGS NI 'DI LTA STE, TSIG GANG DON GYI TSOGS DANG LDAN PA DANG, RANG GI NGO BO NYID GDON MI ZA BA DANG, MTHAR THUG PA DE NI TSIG GI TSOGS ZHES BYA'O, ,BLO GROS CHEN PO, YI GE'I TSOGS NI 'DI LTA STE, GANG GIS MING DANG TSIG GSAL BAR BYED PA DE NI YI GE'I TSOGS ZHES BYA'O, ,YANG

371a

, ,YI GE'I TSOGS NI 'DI LTA STE, RING PO DANG, THUNG DU DANG, MTHOB DANG, DMA' BA'O, ,YANG TSIG GI TSIGS NI 'GRO BA'I RJES LTA BU STE, 'DI LTAR GLANG PO CHE DANG, RTA DANG, MI DANG, RI DVAGS LA SOGS PA LA GANG SA LA 'GRO BA'I RJES RNAMS NI TSIG GI TSOGS ZHES BYA BA'I MING 'THOB BO, ,BLO GROS CHEN PO, MING DANG GYI GE NI 'DI LTA STE, MING GIS PHUNG PO GZUGS MED PA BZHI BRJOD PA'I PHYIR RO, ,RANG GI MTSAN NYID SNANG BAR BYED PAS NI YI GE STE, DE NI MING DANG, YI GE'I TSOGS ZHES BYA'O, ,'DI NI MING DANG, TSIGS DANG, YI GE'I TSOGS RNAM BRJOD PA'I MTSAN NYID DE, DE LA KHYOD KYIS NAN TAN DU BSLAB PAR BYA'O, ,DE NAS BCOM LDAN 'DAS KYIS DE NA DE NYID YANG BSTAN PA'I PHYIR TSIGS SU BCAD PA 'DI GSUNGS SO, ,MING DANG TSIG GI TSOGS RNAMS DANG, ,YI GE'I TSOGS LA BYE BRAG TU, ,MI SHES BYIS PA CHAGS PA NI, ,JI LTAR GLANG CHEN RDZAB BYING BZHIN, ,GZHAN YANG, BLO GROS CHEN PO, MA 'ONGS PA'I DUS NA MKHAS PA DAG GIS GCIG PA DANG, THA DAD PA DANG, GNYIS KA DANG, GNYIS KA MA YIN PAR LTA BA'I MTSAN NYID LAS RNAM PAR GROL BA, NGAS RTOGS PA'I DON RNAMS MI MKHAS PA DE DAG LA DRIS PAS NA, DE DAG 'DI SKAD DU 'DI NI TSUL BZHIN 'DRA'I BA MA YIN NO ZHES ZER ZHING 'DI LTA STE,

371b

GZUGS LA SOGS PA DANG, MI RTAG PA GCIG GA MA THA DAD CES BYA BA DANG, DE BZHIN DU MYA NGAN LAS 'DAS PA LAS 'DU BYED DANG, MTSAN NYID LAS MTSAN NYID KYI GZHI DANG, YON TAN LAS YON TAN CAN DANG, 'BYUNG BA LAS 'BYUNG BA LAS GYUR PA DANG, MTHONG BA LAS MTHONG BAR BYA BA DANG, RDUL LAS RDUL PHRA MO DANG, SGRUB PA LAS RNAL 'BYOR PA DANG, DE BZHIN DU GCIG LA GCIG PHAN TSUN DPAG PA'I MTSAN NYID KYI TSUL GYIS DE DAG LA SOGS PA DRIS PA RNAMS BCOM LDAN 'DAS KYIS LUNG BSTAN TO, ,ZHES ZER RO, ,DE LA BZHAG PA'I LUNG BSTAN PA NI SKYES BU GTI MUG CAN DE DAG GIS SHES PAR 'GYUR BA MA YIN TE, 'DI LTAR NYAN PA'I BLO DANG MI LDAN PA'I PHYIR, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS DE DAG SKRAG PA'I GNAS SPANG PA'I PHYIR LUNG MI BSTAN PA RNAMS LUNG MI STON TO, ,GZHAN YANG MUS TEGS CAN GYI LTA BAR SMRA BA GZHIG PA'I PHYIR MA BSHAD DO, ,BLO GROS CHEN PO, MU STEGS CAN NI 'DI SKAD DU SMRA STE, 'DI LTAR SROG DE NYID NI LUS YIN NO ZHES BYA BA LA SOGS PA LUNG DU MI STON PA SMRA BA, BLO GROS CHEN PO, MU STEGS CAN RGYU LA RNAM PAR RMONGS PA RNAMS NI LUNG MI STON PA SMRA'O, ,NGA'I GSUNG RAB LA NI MA YIN NO, ,BLO GROS CHEN PO, NGA'I GSUNG RAB NI GZUNG BA DANG,

372a

, ,'DZIN PA RNAM PAR SPANGS SHING RNAM PAR RTOG PA MI SKYE'O, ,JI LTAR DE DAG BZLOG CE NA, BLO GROS CHEN PO, GANG GZUNG BA DANG, 'DZIN PA LA MNGON PAR ZHEN CING RANG GI SEMS SNANG BA TZAM DU MI SHES PA DE DAG LA NI RNAM PAR BZLOG PA YOD DO, ,BLO GROS CHEN PO, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS NI LUNG BSTAN PA RNAM PA BZHIS SEMS CAN RNAMS LA CHOS STON TO, ,BLO GROS CHEN PO, GZHAG PA'I LUNG BSTAN PA DE NI NGAS SKABS SKABS SU DBANG PO YONGS SU MA SMIN PA RNAMS LA BSHAD PA YIN GYI, DBANG PO YONGS SU SMIN PA LA NI MA YIN NO, ,GZHAN YANG, BLO GROS CHEN PO, CHOS THAMS CAD NI BYA BA'I RGYU RKYEN DANG BRAL BA'I PHYIR MI SKYE LA, BYED PA MED PA'I PHYIR YANG CHOS THAMS CAD MI SKYE'O, ,BLO GROS CHEN PO, JI LTA NA DNGOS PO THAMS CAD NGO BO NYID MED PA YIN ZHE NA, 'DI LTAR RANG GI BLOS RNAM PAR DPYAD PA'I TSE RANG DANG SPYI'I MTSAN NYID KYI DNGOS PO MI DMIGS PAS NA, DE'I PHYIR CHOS THAMS CAD MI SKYE BAR BSHAD DO, ,BLO GROS CHEN PO, JI LTAR NA CHOS THAMS CAD 'ONG BA DANG, 'GRO BA MED PA YIN ZHE NA, 'DI LTAR RANG DANG SPYI'I MTSAN NYID BLANG BAR 'DOD NA'ANG 'ONG BA'I GNAS MED LA, DOR BAR 'DOD NA'ANG 'GRO

372b

BA'I GNAS MED PAS DE'I PHYIR CHOS THAMS CAD 'ONG BA DANG, 'GRO BA DANG BRAL BA YIN NO, ,BLO GROS CHEN PO, CI'I PHYIR CHOS THAMS CAD MI 'GAG PA YIN ZHE NA, 'DI LTAR DNGOS PO'I RANG BZHIN GYI MTSAN NYID MED PA'I PHYIR DANG, CHOS THAMS CAD DMIGS SU MED PA'I PHYIR, CHOS THAMS CAD MI 'GAG PA YIN NO, ,BLO GROS CHEN PO, JI LTAR NA CHOS THAMS CAD MI RTAG PA YIN ZHE NA, 'DI LTA STE, MTSAN NYID SKYE BA MI RTAG PA YOD PAS, DE'I PHYIR CHOS THAMS CAD MI RTAG PA ZHES BSHAD DO, ,BLO GROS CHEN PO, JI LTAR CHOS THAMS CAD RTAG PA YIN ZHE NA, 'DI LTA STE, MTSAN NYID SKYE BA MI SKYE BA'I DNGOS PO MI RTAG PAS RTAG STE, DE'I PHYIR CHOS THAMS CAD RTAG PA ZHES BSHAD DO, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,LUNG BSTAN PA NI RNAM BZHI STE, ,MGO GCIG DANG NI DRI BA DANG, ,RNAM PAR DBYE DANG GZHAG PA RNAMS, ,MU STEGS SMRA BA BZLOG PA'O, ,YOD DANG MED LAS SKYE BAR NI, GRANGS CAN DANG NI KHYAD PAR SHES, ,LUNG DU MI STON THAMS CAD KYANG, ,DE DAG NYID KYIS RAB TU BSTAN, ,BLO YIS RNAM PAR GZHIGS NA YANG, ,RANG BZHIN DAG NI MI DMIGS TE, ,BRJOD PA DAG DANG BRAL BA'I PHYIR, ,RANG BZHIN BRAL BA RAB TU BSTAN, ,DE NAS

373a

, ,YANG BYANG CHUB SEMS DPA' SEMS DPA' CHEN PO BLO GROS CHEN POS BCOM LDAN 'DAS LA 'DI SKAD CES GSOL TO, ,BCOM LDAN 'DAS RGYUN DU ZHUGS PA RNAMS KYI RGYUN DU ZHUGS PA'I 'GO BA RAB TU DBYE BA'I TSUL GYI MTSAN NYID BSHAD DU GSOL, BYANG CHUB SEMS DPA' SEMS DPA' CHEN PO GANG GIS RGYUN DU ZHUGS PA RNAMS KYI 'GRO BA RAB TU DBYE BA'I TSUL GYI MTSAN NYID LA MKHAS NA, LAN GCIG PHYIR 'ONG BA DANG, PHYIR MI 'ONG BA DANG, DGRA BCOM PAR 'GYUR BA'I THABS KYI MTSAN NYID RNAM PAR DBYE BA RIG NAS SEMS CAN RNAMS LA DE LTA DE LTA BUR CHOS BSTAN PA DANG, 'DI LTA STE, CI NAS BDAG MA MCHIS PA GNYIS KYI MTSAN NYID DANG, SGRIB PA GNYIS YONGS SU SBYANGS TE, SA RNAMS KYI SA'I MTSAN NYID LAS 'DA' BA RTOGS PAR 'KHONG CHUD DE, DE BZHIN GSHEGS PA'I BSAM GYIS MI KHYAB PA MTHAR THUG PA'I SPYOD YUL RAB TU RNYED NAS, JI LTAR GZUGS SNA TSOGS KYI NOR BU DANG 'DRA BAR SEMS CAN THAMS CAD LA SHIN TU PHAN 'DOGS SHING, CHOS THAMS CAD KYI SPYOD YUL DANG, BSAM PA 'TSAL BA'I LUS DANG, LONGS SPYOD KYIS THAMS CAD NYE BAR 'TSO BAR 'GYUR RO, ,BCOM LDAN 'DAS KYIS BKA' STZAL PA, BLO GROS CHEN PO, LEGS PAR NYON LA YID

373b

LA GZUNG ZHIG DANG NGAS KHYOD LA BSHAD DO, ,BCOM LDAN 'DAS LA BLO GROS CHEN POS GSOL PA, LEGS SO, ,BCOM LDAN 'DAS, DE BZHIN DU 'TSAL LO ZHES BKA' MNYAN PA DANG, BCOM LDAN 'DAS KYIS 'DI SKAD CES BKA' STZAL TO, ,BLO GROS CHEN PO, RGYUN DU ZHUGS PA DAG GIS RGYUN DU ZHUGS PA'I 'BRAS BU RAB TU DBYE BA NI RNAM PA GSUM YOD DE, GSUM GANG ZHE NA, 'DI LTA STE, THA MA DANG, BAR MA DANG, MCHOG GO ,DE LA THA MA NI DE LTAR THOGS NA TSE'I SRID PA BDUN NO, ,BAR MA NI SRID PA GSUM DANG LDAS YONGS SU MYA NGAN LAS 'DA' BAR 'GYUR BA'O, ,MCHOG NI TSE DE NYID LA YONGS SU MYA NGAN LAS 'DA' BAR 'GYUR BA'O, ,GSUM PO DE DAG LA KUN TU SBYOR BA GSUM YOD DE, CHUNG DU DANG, 'BRING DANG, CHEN PO DAG YIN NO, ,DE LA KUN TU SBYOR BA GSUM GANG ZHE NA, 'DI LTA STE, 'JIG TSOGS LA LTA BA DANG, THE TSOM DANG, TSUL KHRIMS DANG, BRTUL ZHUGS MCHOG TU 'DZIN PA STE, KUN TU SBYOR BA DE GSUM GYI BYE BRAG GIS GONG NAS GONG DU KHYAD PAR CAN DU GYUR NAS DGRA BCOM PA'I 'BRAS BU 'THOB PAR 'GYUR RO, ,BLO GROS CHEN PO, 'JIG TSOGS LA LTA BA'ANG RNAM PA GNYIS YOD DE, 'DI LTA STE, LHAN CIG SKYES PA DANG, KUN TU BRTAGS PA LTAR GZHAN GYI DBANG LA KUN BRTAGS

374a

, ,PA'I RANG BZHIN GYI RNAM PAR RTOG PA BZHIN NO, ,DPER NA, GZHAN GYI DBANG GI RANG BZHIN LA BRTEN NAS KUN TU BRTAGS PA'I RANG BZHIN LA MNGON PAR ZHEN PA SNA TSOGS 'BYUNG STE, DE YOD PA'ANG MA YIN, MED PA'ANG MA YIN, DE GNYIS KA'ANG MA YIN TE, YANG DAG PA MA YIN PA KUN BRTAGS PA'I MTSAN NYID KYI PHYIR TE, BYIS PA SO SO'I SKYE BO RNAMS KYIS RNAM PAR RTOG PAS, SNA TSOGS KYI RANG BZHIN GYI MTSAN NYID LA MNGON PAR ZHEN PA NI, DPER NA, SMIG RGYU LA RI DVAGS SKOM PA RNAMS KYI CHU'I 'DU SHES 'BYUNG BA LTA BU STE, DE NI RGYUN DU ZHUGS PA'I KUN TU BRTAGS PA'I 'JIG TSOGS LA LTA BA'O, ,DE'ANG GANG ZAG LA BDAG MED PAS DNGOS PO MED PAR GZUNG BA'I PHYIR YUN RING PO NAS MI SHES PA DANG, MNGON PAR SHES PA RNAMS SPONG BAR 'GYUR RO, ,BLO GROS CHEN PO, LHAN CIG SKYES PA NI RGYUN DU ZHUGS PAS BDAG DANG, GZHAN GYI LUS MNYAM PA NYID DU MTHONG BA DANG, PHUNG PO BZHI LA GZUGS KYI MTSAN NYID MED PA'I PHYIR DANG, GZUGS SKYE BA 'BYUNG BA DANG, 'BYUNG BA LAS GYUR PA'I PHYIR DANG, PHAN TSUN RGYU BA'I MTSAN NYID KYI PHYIR DANG, 'BYUNG BA DANG, GZUGS RNAMS BSAGS PA MA YIN PA'I PHYIR DANG, RGYUN DU ZHUGS

374b

PAS YOD PA DANG MED PA'I PHYOGS BRTAGS NA MI SNANG BAS 'JIG TSOGS LA LTA BA SPANGS PAR 'GYUR RO, ,DE LTAR 'JIG TSOGS LA LTA BA SPANGS PAS 'DOD CHAGS MI 'BYUNG STE; 'DI NI 'JIG TSOGS LA LTA BA'I MTSAN NYID DO, ,BLO GROS CHEN PO, THE TSOM GYI MTSAN NYID NI 'DI LTA STE, CHOS THOB PA LEGS PAR MTHONG BA'I MTSAN NYID KYI PHYIR DANG, SNGA MA'I 'JIG TSOGS LA LTA BA RNAM PA GNYIS KYI RNAM PAR RTOG PA SPANGS PA'I PHYIR CHOS RNAMS LA THE TSOM MI SKYE BAS GZHAN LA STON PA'AM, DAG PA'AM, MA DAG PA'I LTA BSKYED PAR MI BYED DE, 'DI NI RGYUN DU ZHUGS PA'I THE TSOM SPANGS PA'I MTSAN NYID DO, ,BLO GROS CHEN PO, CI'I PHYIR RGYUN DU ZHUGS PA'I TSUL KHRIMS MI SNYEMS SHE NA, 'DI LTA STE, SKYE BA'I GNAS KYI SDUG BSNGAL GYI MTSAN NYID RAB TU MTHONG BAS NA DE'I PHYIR MI SNYEMS SO, ,BLO GROS CHEN PO, SNYEMS PA NI 'DI LTA STE, BYIS PA SO SO'I SKYE BO DAG MI 'GYUR BAR DKA' THUB LEN CING SBYOR BA DAG GIS LONGS SPYOD DANG, BDE BA 'DOD PA'I PHYIR SKYE BA GNYER BAR BYED DO, ,DE DE LTAR MI SNYEMS PA'ANG GZHAN DU NA 'DI LTAR YONGS SU BSNGO BAR BYED DE, SO SO RANG GIS RIG PA'I KHYAD PAR RNAM PAR RTOG PA DANG BRAL BA ZAG PA MED PA'I CHOS KYI MTSAN NYID LA RAB TU SBYOR BA'I PHYIR TSUL KHRIMS KYI YAN LAG YANG DAG PAR LEN CING SRUNG BA

375a

, ,BYED DE, 'DI NI RGYUN DU ZHUGS PA'I TSUL KHRIMS DANG, BRTUL ZHUGS SPANGS PA'I MTSAN NYID YIN NO, ,RGYUN DU ZHUGS PAS KUN TU SBYOR PA GSUM SPANGS PA LA NI 'DOD CHAGS DANG, GTI MUG MI 'BYUNG STE, GAL TE RGYUN DU ZHUGS PA 'DI SNYAM DU KUN TU SBYOR BA 'DI RNAMS NI BDAG LA MNGON PAR MA GRUB BO SNYAM DU SEMS PA NI NYES PA RNAM GNYIS YOD PAR 'GYUR TE, 'JIG TSOGS LA LTA BAR SONG BA DANG, KUN TU SBYOR BA RNAMS MA SPANGS PA'O, ,BLO GROS CHEN POS BCOM LDAN 'DAS LA GSOL PA, BCOM LDAN 'DAS KYIS NI 'DOD CHAGS KYI RNAM PA MANG DU GSUNGS NA, DES 'DOD CHAGS GANG ZHIG SPANGS PA LAGS, BCOM LDAN 'DAS KYIS BKA' STZAL PA, BLO GROS CHEN PO, BUD MED LA SRED CING 'DOD PA DANG, MNGON PAR CHAGS SHING ZHEN PA'I THABS RNAM PA SNA TSOGS LAS BYUNG BA, LUS DANG NGAG GI LAS KHA NA MTHO BA DANG BCAS PA DES DA LTAR GYI BDE BA LA SRED CING MA 'ONGS PA NA SDUG BSNGAL SKYE BAR 'GYUR BA DE DAG DE LA MI 'BYUNG NGO, ,DE CI'I PHYIR ZHE NA, TING NGE 'DZIN GYI BDE BA LA GNAS PA THOB PAS DE'I PHYIR DE SPANGS PA YIN TE, MYA NGAN LAS 'DAS PA RTOGS PAR BYA BA'I 'DOD CHAGS SPANGS PA NI MA YIN NO, ,BLO GROS CHEN PO, LAN GCIG PHYIR 'ONG BA'I MTSAN NYID GANG

375b

ZHE NA, 'DI LTA STE, GZUGS KYI MTSAN NYID CIG SNANG ZHING RNAM PAR RTOG PA SKYE BA'I MTSAN NYID DU MTHONG BA'I MTSAN NYID MI SKYE BA DANG, BSAM GTAN GYI MTSAN NYID RAB TU MTHONG BA'I PHYIR 'JIG RTEN 'DIR 'ONGS NAS CIG CAR SDUG BSNGAL MTHAR BYAS TE MYA NGAN LAS 'DAS PA 'THOB PAR BYED PAS DE'I PHYIR LAN GCIG PHYIR 'ONG BA ZHES BYA'O, ,BLO GROS CHEN PO; JI LTAR NA PHYIR MI 'ONG BA YIN ZHE NA, 'DI LTA STE, 'DAS PA DANG, MA 'ONGS PA DANG, DA LTAR BYUNG BA'I GZUGS KYI MTSAN NYID KYI DNGOS PO RNAMS DNGOS PO MED PA DANG, LTA BA'I NYES PA SKYES PA'I NYON MONGS PA'I RNAM PAR RTOG PA MI SKYE BA'I PHYIR DANG, KUN TU SBYOR BA SPANGS PA'I PHYIR PHYIR MI 'ONG BA ZHES BYA'O, ,BLO GROS CHEN PO, DGRA BCOM PA NI 'DI LTA STE, BSAM GTAN DANG, TING NGE 'DZIN DANG, RNAM PAR THAR PA DANG, STOBS DANG, RIG PA DANG, NYON MONGS PA DANG, SDUG BSNGAL RNAM PAR RTOG PA'I DNGOS PO MED PAS DE'I PHYIR DGRA BCOM PA ZHES BYA'O, ,BLO GROS CHEN POS BCOM LDAN 'DAS LA GSOL PA, BCOM LDAN 'DAS KYIS DGRA BCOM PA RNAM PA GSUM DU BKA' STZAL NA, 'DIR DGRA BCOM PA GANG DAG LA BGYI BAR BKA' STZAL, CI BCOM LDAN 'DAS, ZHI BA PHYOGS GCIG PA THEG PA GCIG GIS LAM RAB TU THOB PA'AM, 'ON TE BYANG CHUB SEMS DPA'

376a

, ,SEMS DPA' CHEN PO THABS KYIS DE LTAR STON PA'I DGRA BCOM PA'AM, DE STE SANGS RGYAS KYI 'PHRUL PAS SPRUL PA ZHIG LAGS, BCOM LDAN 'DAS KYIS BKA' STZAL PA, BLO GROS CHEN PO, ZHI BA PHYOGS GCIG PA THEG PA GCIG GI LAM DU THOB PA'I NYAN THOS YIN GYI, GZHAN DAG NI MA YIN NO, ,GZHAN NI BYANG CHUB SEMS DPA'I SPYAD PA SPYOD PA DANG, SANGS RGYAS KYI 'PHRUL PAS SPRUL PA RNAMS TE, THABS LA MKHAS PA DANG, SNGON GYI SMON LAM GYI DBANG GIS 'KHOR GYI DKYIL 'KHOR DU SKYE BA STON TE, SANGS RGYAS 'KHOR GYI DKYIL 'KHOR MDZES PAR BYA BA'I PHYIR RO, ,BLO GROS CHEN PO, RNAM PAR RTOG PA 'JUG PA'I GNAS SU RNAM PA SNA TSOGS KYI CHOS BSTAN PA NI 'DI LTA STE, 'BRAS BU 'THOB PAR BYA BA DANG, BSAM GTAN 'THOB PAR BYA BA'O, ,DE LA BSAM GTAN NI BSAM GTAN LA ZHUGS PA NA, RAB TU DBEN PA'I PHYIR DANG, RANG GI SEMS SNANG BAR STON PAS 'BRAS BU 'THOB PA'I MTSAN NYID NI 'BRAS BU THOB PA ZHES BYA'O, ,GZHAN YANG, BLO GROS CHEN PO, BSAM GTAN DANG, TSAD MED PA DANG, GZUGS MED PA'I KHAMS LAS SHIN TU 'DA' BAR 'DOD NA, RANG GI SEMS SNANG BA'I MTSAN NYID LAS LDOG PAR BYA'O, ,BLO GROS CHEN PO, 'DU

376b

SHES DANG TSOR BA 'GOG PA'I SNYOMS PAR 'JUG PA NI RANG GI SEMS SNANG BA LAS 'DAS ZHES BYAR MI RUNG STE, DE CI'I PHYIR ZHE NA, SEMS SNANG BA YOD PA'I PHYIR RO, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,BSAM GTAN RNAMS DANG TSAD MED BZHI, ,GZUGS MED PA YI TING 'DZIN DANG, ,TSOR BA 'DU SHES 'GOG PA RNAMS, ,SEMS TZAM LA NI DE YOD MIN, ,RGYUN DU ZHUGS PA'I 'BRAS BU DANG, ,LAN GCIG PHYIR 'ONG PHYIR MI 'ONG, ,DGRA BCOM PA YI 'BRAS BU RNAMS, ,DE DAG THAMS CAD SEMS 'KHRUL BA, ,BSAM GTAN DANG NI BSAM GTAN RKYEN, ,SPONG SHES BDEN PA YANG DAG MTHONG, ,DE DAG RTOG PA TZAM YIN PAR, ,GANG GIS RTOGS PA DE 'GROL LO, ,GZHAN YANG, BLO GROS CHEN PO, BLO RNAM PA GNYIS YOD DE, 'DI LTA STE, RAB TU RNAM PAR 'BYED PA'I BLO DANG, RNAM PAR RTOG PA'I MTSAN NYID 'DZIN PA LA MNGON PAR ZHEN PAS RNAM PAR BZHAG PA'I BLO'O, ,DE LA, BLO GROS CHEN PO, RAB TU RNAM PAR 'BYED PA'I BLO NI 'DI LTA STE, BLO GANG GIS DNGOS PO'I RANG BZHIN GYI MTSAN NYID RAB TU GZHIGS NA MTHA' BZHI DANG BRAL BAS MI DMIGS PA 'DI NI RAB TU RNAM PAR 'BYED PA'I BLO ZHES BYA'O, ,DE

377a

, ,LA; BLO GROS CHEN PO, MTHA' BZHI NI 'DI LTA STE, GCIG PA DANG, THA DAD PA DANG, GNYIS KA DANG, GNYIS KA MA YIN PA DANG, YOD PA DANG; MED PA DANG, YOD PA'ANG MA YIN, MED PA'ANG MA YIN PA DANG, RTAG PA DANG, MI RTAG PA NI MTHA' BZHI ZHES BSHAD DE, BLO GROS CHEN PO, MTHA' BZHI PO DE DAG DANG BRAL BA NI CHOS THAMS CAD CES BYA'O, ,BLO GROS CHEN PO, MTHA' BZHI PO 'DIS CHOS THAMS CAD YONGS SU BRTAGS PA LA RAB TU BSLAB PAR BYA'O, ,DE LA; BLO GROS CHEN PO, RNAM PAR RTOG PA'I MTSAN NYID 'DZIN PA LA MNGON PAR ZHEN PAS RNAM PAR BZHAG PA'I BLO GANG ZHE NA, 'DI LTA STE, RNAM PAR RTOG PA'I MTSAN NYID 'DZIN PA LA MNGON PAR ZHEN PA GANG GIS SRA BA DANG, GSHER BA DANG, TSA BA DANG, G-YO BA YANG DAG PA MA YIN PA RNAM PAR RTOG PA'I MTSAN NYID 'BYUNG BA CHEN PO RNAMS SU DAM 'CHA' BA DANG, RGYU MTSAN DANG, DPE LA MNGON PAR ZHEN PAS YANG DAG PA MA YIN PA RNAM PAR BZHAG PAS RNAM PAR BZHAG PA STE, DE NI RNAM PAR RTOG PA'I MTSAN NYID 'DZIN PA LA MNGON PAR ZHEN PAS RNAM PAR BZHAG PA'I BLO ZHES BYA STE, DE NI BLO RNAM PA GNYIS KYI MTSAN NYID DO, ,BYANG CHUB SEMS

377b

DPA' SEMS DPA' CHEN PO GANG BLO 'DI GNYIS KYI MTSAN NYID DANG LDAN NA GANG ZAG DANG CHOS BDAG MED PA'I MTSAN NYID RTOGS PAR KHONG DU CHUD CING SNANG BA MED PA'I BLO LA MKHAS PA DANG, SPYOD PA'I SA LA SO SOR RAB TU RTOG PAS SA DANG PO RAB TU 'THOB STE, TING NGE 'DZIN BRGYA LA SNYOMS PAR 'JUG ,BYE BRAG MED PA'I TING NGE 'DZIN KYANG RAB TU 'THOB, SANGS RGYAS DANG, BYANG CHUB SEMS DPA' BRGYA'ANG MTHONG, BSKAL PA BRGYAR SNGON GYI MTHA' DANG, PHYI MA'I MTHA'I DNGOS PO LA 'JUG ,'OD KYIS ZHING BRGYA'ANG SNANG BAR BYED DO, ,GONG NAS GONG DU SA'I MTSAN NYID SHES TE, SMON LAM CHEN PO KHYAD PAR CAN GYIS RNAM PAR 'PHRUL PA LA DBANG ZHING CHOS KYI SPRIN GYI DBANG BSKUR BAS DBANG BSKUR TE, DE BZHIN GSHEGS PA'I SO SO RANG GIS THUGS SU CHUD PA'I SA THOB NAS MTHAR THUG PA'I GNAS BCU DANG RAB TU LDAN PA'I CHOS SU 'GYUR TE, SEMS CAN YONGS SU SMIN PAR BYA BA'I PHYIR SPRUL PA'I 'OD ZER SNA TSOGS KYIS RNAM PAR MDZES SHING SO SO RANG GIS RIG PA'I BDE BAS MNYAM PAR BZHAG PA'ANG THOB BO, ,GZHAN YANG, BLO GROS CHEN PO, BYANG CHUB SEMS DPA' SEMS DPA' CHEN POS 'BYUNG BA CHEN PO DANG, 'BYUNG BA LAS GYUR PA LA MKHAS PAR BYA'O, ,JI LTAR NA BYANG CHUB SEMS DPA' 'BYUNG BA CHEN PO DANG, 'BYUNG BA

378a

, ,LAS GYUR PA LA MKHAS PA YIN ZHE NA, BLO GROS CHEN PO, DE LA BYANG CHUB SEMS DPA' SEMS DPA' CHEN PO 'DI LTAR YANG DAG PAR RAB TU RTOG STE, DE DON DAM PA'I BDEN PAR NI 'BYUNG BA CHEN PO DAG SKYE BA MED DO, ,'BYUNG BA CHEN PO DAG LA SKYE BA MED PAR DE LTAR RAB TU RTOG PAR BYED DE, DE LTAR RAB TU BRTAGS NAS MING DANG RGYU MTSAN RNAMS NI RNAM PAR RTOG PA TZAM DANG, RANG GI SEMS SNANG BA TZAM DANG, PHYI ROL GYI DNGOS PO RNAMS DNGOS PO MED PAR RTOGS PA NI RANG GI SEMS SNANG BA RNAM PAR RTOG PA TZAM ZHES BYA'O; ;'DI LTA STE, KHAMS GSUM PA'I 'BYUNG BA DANG, 'BYUNG BA LAS GYUR PA DE DAG LA RAB TU BRTAGS NA, NGO BO NYID KYIS MTHA' BZHI DANG BRAL BAS TSUL RNAM PAR DAG PA BDAG DANG BDAG GI BRAL BA, YANG DAG PA'I MTSAN NYID RANG GI MTSAN NYID KYI DBYIBS SU GNAS PA, MA SKYES PA'I MTSAN NYID DU 'GRUB PAR MTHONG NGO, ,BLO GROS CHEN PO, JI LTAR NA 'BYUNG BA CHEN PO BZHI PO DE DAG GIS RGYUR BYAS PA'I GZUGS RNAMS SKYED CE NA, 'DI LTA STE, GSHER BAR RNAM PAR RTOG PA'I 'BYUNG BA CHEN POS NI PHYI NANG GI CHU'I KHAMS SKYED DO, BYA BA NUS PA'I RNAM PAR RTOG PA'I 'BYUNG BA CHEN POS NI PHYI NANG GI ME'I KHAMS SKYED DO, ,G-YO BAR RNAM PAR RTOG PA'I 'BYUNG BA CHEN POS NI

378b

PHYI NANG GI RLUNG GI KHAMS SKYED DO, ,GZUGS GCAD DU RUNG BAR RNAM PAR RTOG PA'I 'BYUNG BA CHEN POS NI PHYI NANG GI SA'I KHAMS SKYED DO; ,GZUGS DANG NAM MKHA' GNYIS KA'ANG LOG PA'I BDEN PA LA MNGON PAR ZHEN PAS PHUNG PO LNGA 'DUS PA DANG, 'BYUNG BA CHEN PO DANG, 'BYUNG BA LAS GYUR PA SKYE'O, ,BLO GROS CHEN PO, RNAM PAR SHES PA NI GNAS RNAM PA SNA TSOGS DANG, YUL LA MNGON PAR CHAGS PA'I RGYUS 'GRO BA GZHAN DU MTSAMS SBYOR BAR 'GYUR RO, ,BLO GROS CHEN PO, SA LA SOGS PA CHEN PO BZHI DANG, 'BYUNG BA LAS GYUR PA RNAMS LA NI 'BYUNG BA CHEN PO BZHI'I RTEN YOD KYI, 'BYUNG BA CHEN PO BZHI PO DAG GI RKYEN NI MA YIN NO, DE CI'I PHYIR ZHE NA, 'DI LTA STE, DNGOS PO DANG, DBYIBS DANG; MTSAN NYID DANG, GNAS DANG, BYA BA DANG, SBYOR BA RNAMS DNGOS PO MED PAS 'BYUNG BA CHEN PO RNAMS MI SKYE'O, ,BLO GROS CHEN PO, DNGOS PO DANG, DBYIBS DANG, MTSAN NYID DANG, GNAS DANG, BYA BA DANG, SBYOR BA RNAMS 'DUS PA LAS SKYE BAS, DBYIBS MED PA MA YIN NO, ,DE LTA BAS NA, BLO GROS CHEN PO, 'BYUNG BA CHEN PO DANG, 'BYUNG BA LAS GYUR PA'I MTSAN NYID NI MU STEGS CAN RNAMS KYIS RNAM PAR BRTAGS PA YIN GYI, NGAS NI MA YIN NO, ,GZHAN YANG, BLO GROS CHEN PO, PHUNG PO RNAMS KYI RANG

379a

, ,GI NGO BO'I MTSAN NYID RAB TU BSTAN PAR BYA'O, ,PHUNG PO RNAMS KYI RANG GI NGO BO'I MTSAN NYID JI LTA BU ZHE NA, 'DI LTA STE, PHUNG PO LNGA RNAMS SO,, PHUNG PO LNGA GANG ZHE NA, 'DI LTA STE, GZUGS DANG, TSOR BA DANG, 'DU SHES DANG, 'DU BYED DANG, RNAM PAR SHES PA RNAMS SO, ,DE LA PHUNG PO BZHI RNAMS NI GZUGS MED DE; TSOR BA DANG, 'DU SHES DANG, 'DU BYED DANG, RNAM PAR SHES PA RNAMS SO, ,BLO GROS CHEN PO, GZUGS NI 'BYUNG BA CHEN PO BZHI DANG, 'BYUNG BA LAS GYUR PA PHAN TSUN DU MI MTHUN PA'I MTSAN NYID DO, ,BLO GROS CHEN PO, GZUGS MED PA LA BZHIR BGRANG DU MED DE, NAM MKHA' BZHIN NO, ,DPER NA, NAM MKHA' NI GRANGS KYI MTSAN NYID LAS 'DAS TE, BGRANG BA DANG BRAL MOD KYI, RNAM PAR RTOG PAS NAM MKHA' ZHES BRJOD DO, ,BLO GROS CHEN PO, DE BZHIN DU PHUNG PO RNAMS KYANG GRANGS KYI MTSAN NYID LAS 'DAS TE, BGRANG BA DANG BRAL BAS DNGOS PO DANG, DNGOS PO MED PA RNAM PAR SPANGS PA, MTHA' BZHI DANG BRAL BA'O, ,GRANGS DANG, BGRANG BA'I MTSAN NYID NI BYIS PAS RAB TU BRJOD PA YIN GYI, 'PHAGS PA RNAMS KYIS NI MA YIN NO, ,BLO GROS CHEN POS, 'PHAGS PA RNAMS KYIS NI SGYU MA LTA BUR GZUGS RNAM PA SNA

379b

TSOGS GCIG PA DANG, THA DAD PA RNAM PAR SPANGS PAR NYE BAR 'DOGS SO, ,YANG RMI LAM DANG, GZUGS BRNYAN GYI SKYES BU LTAR GCIG PA DANG, THA DAD PA RNAM PAR SPANGS PA'I PHYIR RO, ,BLO GROS CHEN PO, 'PHAGS PA'I YE SHES KYI TSUL NI PHUNG PO DANG 'DRA BAR RTOG PAS SNANG NGO, ,DE NI PHUNG PO RNAMS KYI RANG BZHIN GYI MTSAN NYID DE, KHYOD KYIS BZLOG PAR BYA'O, ,RNAM PAR BZLOG NAS RAB TU DBEN PA'I CHOS BSTAN PAS SANGS RGYAS KYI ZHING THAMS CAD DU MU STEGS CAN GYI LTA BA RNAMS BZLOG PAR BYA'O, ,BLO GROS CHEN PO; RAB TU DBEN PA'I CHOS BSTAN PA'I TSE CHOS BDAG MED PA MTHONG BA RNAM PAR DAG PAR 'GYUR, MI G-YO BA'I SA LA'ANG RAB TU 'JUG PAR 'GYUR RO, ,DE MI G-YO BA'I SAR RAB TU ZHUGS NAS, TING NGE 'DZIN TSAD MED PA LA DBANG BYED PAR 'GYUR RO, ,YID KYI LUS THOB PAS SGYU MA LTA BU'I TING NGE 'DZIN RAB TU 'THOB BO, ,STOBS DANG, MNGON PAR SHES PA DANG, DBANG RNAMS RTOGS PAR KHONG DU CHUD PAS SEMS CAN THAMS CAD SDUD CING PHAN 'DOGS PAR 'GYUR RO, ,DPER NA, SA CHEN PO NI SEMS CAN RNAMS 'DEGS SHING PHAN 'DOGS PAR BYED PA DE BZHIN DU BYANG CHUB SEMS DPA' SEMS DPA' CHEN PO'ANG SEMS CAN THAMS CAD LA PHAN 'DOGS PA YIN NO, GZHAN YANG, BLO

380a

, ,GROS CHEN PO, MU STEGS CAN RNAMS LA MYA NGAN LAS 'DAS PA RNAM PA BZHI YOD DE, BZHI GANG ZHE NA, 'DI LTA STE, DNGOS PO'I RANG BZHIN DNGOS PO MED PA'I MYA NGAN LAS 'DAS PA DANG, MTSAN NYID SNA TSOGS KYI DNGOS PO DNGOS PO MED PA'I MYA NGAN LAS 'DAS PA DANG, RANG GI MTSAN NYID KYI RANG BZHIN DNGOS PO MED PAR RTOGS PA'I MYA NGAN LAS 'DAS PA DANG, PHUNG PO RNAMS KYI RANG DANG SPYI'I MTSAN NYID KYI RGYUD KYI RGYUN CHAD PA'I MYA NGAN LAS 'DAS PA'O, ,DE DAG NI MU STEGS CAN RNAMS KYI MYA NGAN LAS 'DAS PA YIN TE, NGA'I GSUNG RAB LA MA YIN NO, ,BLO GROS CHEN PO, NGA'I GSUNG RAB LA NI RNAM PAR RTOG PA DANG BCAS PA'I RNAM PAR SHES PA BZLOG PA NI MYA NGAN LAS 'DAS PA ZHES BYA'O, ,BLO GROS CHEN POS GSOL PA, BCOM LDAN 'DAS KYIS RNAM PAR SHES PA BRGYAD DU RNAM PAR MA BZHAG PA LAGS SAM, BCOM LDAN 'DAS KYIS BKA' STZAL PA, RNAM PAR BZHAG GO ,BLO GROS CHEN POS GSOL PA, BCOM LDAN 'DAS, GAL TE RNAM PAR BZHAG NA JI LTAR YID KYI RNAM PAR SHES PA LOG PAS GSAL, RNAM PAR SHES PA BDUN RNAMS NI MA LAGS, BCOM LDAN 'DAS KYIS BLO GROS CHEN PO LA BKA' STZAL PA, DE DAG GI RGYU

380b

DANG; DE DAG GIS DMIGS PA RKYEN YIN PA'I PHYIR RNAM PAR SHES PA BDUN RNAMS 'BYUNG BAR MI 'GYUR RO, ,DE LA YID KYI RNAM PAR SHES PA NI YUL RNAMS BYE BRAG 'BYED CING MNGON PAR ZHEN PAS BAG CHAGS RNAMS BSKYED NAS KUN GZHI RNAM PAR SHES PA RGYAS PAR BYED DE, YID DANG LHAN CIG TU BDAG DANG BDAG GIS 'DZIN PA LA MNGON PAR ZHEN CING, NGAR SEMS PA'I RKYEN GYIS SKYE BAS LUS KYI MTSAN NYID RNAM PAR MI 'JIG GO ,KUN GZHI RNAM PAR SHES PA'I RGYUR GYUR CING DE LA DMIGS PA RANG GI SEMS SNANG BA'I YUL LA MNGON PAR ZHEN PAS SEMS 'DUS PA GCIG GI RGYUR GCIG 'BYUNG STE, DPER NA, RGYA MTSO'I RLABS LTA BUR RANG GI SNANG BA'I SPYOD YUL GYI RLUNG GIS BSKYOD PAS 'JUG CING LOG PA'ANG DE BZHIN TE, DE LTA BAS NA YID KYI RNAM PAR SHES PA BZLOG PAS RNAM PAR SHES PA BDUN RNAMS KYANG LDOG PAR 'GYUR RO, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,BYA BA DANG NI MTSAN NYID DANG, ,DNGOS POR MYA NGAN DANG MI 'DA', ,RNAM RTOG CES BYA RNAM SHES TE, ,BZLOG PAS MYA NGAN NGA 'DAS SO, ,DE RGYU DE LA DMIGS PA STE, ,YID KYIS 'GRO SOGS LUS MNGON 'GRUB, ,RGYU 'BYIN DE NI SEMS YIN TE, ,RNAM SHES

381a

, ,GNAS NI RAB TU BYED, ,JI LTAR CHU CHEN ZAD NAS NI, ,RLABS RNAMS RGYUN DU MI 'BYUNG LTAR, ,DE BZHIN YID NI 'GAG PA NA, ,RNAM SHES SNA TSOGS SKYE MI 'GYUR, ,GZHAN YANG, BLO GROS CHEN PO, KUN BRTAGS PA'I RANG BZHIN RAB TU DBYE BA DANG, RTOGS PA'I TSUL GYI MTSAN NYID BSHAD PAR BYA STE, KUN BRTAGS PA'I RANG BZHIN RAB TU DBYE BA DANG, RTOGS PA'I TSUL GYI MTSAN NYID LA MKHAS PA GANG GIS KHYOD DANG BYANG CHUB SEMS DPA' SEMS DPA' CHEN PO GZHAN RNAMS KUN TU RTOG PA SPANGS SHING 'PHAGS PA SO SO RANG GIS RIG PA LA GNAS PA DANG, MU STEGS CAN GYI TSUL RTOGS PA DANG, SHIN TU MTHONG BA'I BLOS GZUNG BA DANG; 'DZIN PA'I RNAM PAR RTOG PA SPANGS NAS GZHAN GYI DBANG GI MTSAN NYID SNA TSOGS LA KUN BRTAGS PA'I RANG BZHIN GYI 'DU BYED DU RTOG PAR MI 'GYUR RO, , DE LA; BLO GROS CHEN PO, KUN BRTAGS PA'I RANG BZHIN RAB TU DBYE BA'I TSUL GYI MTSAN NYID GANG ZHE NA, 'DI LTA STE, BRJOD PA'I RNAM PAR RTOG PA DANG, SMRA BAR BYA BA'I RNAM PAR RTOG PA DANG, MTSAN NYID KYI RNAM PAR RTOG PA DANG, NOR GYI RNAM PAR RTOG PA DANG, RANG BZHIN GYI RNAM PAR RTOG PA DANG, RGYU'I RNAM PAR RTOG PA DANG,

381b

LTA BA'I RNAM PAR RTOG PA DANG, RIGS PA'I RNAM PAR RTOG PA DANG, SKYE BAR RNAM PAR RTOG PA DANG, MI SKYE BAR RNAM PAR RTOG PA DANG, 'BREL PAR RNAM PAR RTOG PA DANG; BCINGS PA DANG MA BCINGS PAR RNAM PAR RTOG PA YIN TE, 'DI NI KUN BRTAGS PA'I RANG BZHIN RAB TU DBYE BA'I TSUL GYI MTSAN NYID DO, ,DE LA, BLO GROS CHEN PO, BRJOD PA'I RNAM PAR RTOG PA GANG ZHE NA, 'DI LTA STE, DBYANGS DANG, GLU SNYAN PA SNA TSOGS LA MNGON PAR ZHEN PA YIN TE, 'DI NI BRJOD PA'I RNAM PAR RTOG PA ZHES BYA'O, ,BLO GROS CHEN PO, SMRA BAR BYA BA'I RNAM PAR RTOG PA GANG ZHE NA, 'DI LTA STE, GANG CI'ANG RUNG BA SMRA BAR BYA BA'I DNGOS PO'I RANG BZHIN 'PHAGS PA'I YE SHES KYIS SHES PAR BYA BA DE LA GNAS NAS BRJOD PA'I RNAM PA 'BYUNG BA DE NI SMRA BAR BYA BA'I RNAM PAR RTOG PA ZHES BYA'O, ,BLO GROS CHEN PO, MTSAN NYID KYI RNAM PAR RTOG PA GANG ZHE NA, 'DI LTA STE, SMRA BAR BYA BA'I DNGOS PO DE DAG NYID SMIG RGYU LTA BU LA MTSAN NYID SNA TSOGS SU MNGON PAR ZHEN PAS MNGON PAR ZHEN TE, 'DI LTA STE, SRA BA DANG, GSHER BA DANG, TSA BA DANG, G-YO BA'I MTSAN NYID DU DNGOS PO THAMS CAD LA RNAM PAR RTOG PA DE NI MTSAN NYID KYI RNAM PAR RTOG PA ZHES BYA'O, ,BLO GROS CHEN PO, ,NOR GYI RNAM PAR RTOG

382a

, ,BA GANG ZHE NA, GSER DANG, DNGUL DANG, NOR RIN PO CHE RNAM PA SNA TSOGS LA MNGON PAR CHAGS PA DE NI NOR GYI RNAM PAR RTOG PA ZHES BYA'O, , BLO GROS CHEN PO, RANG BZHIN GYI RNAM PAR RTOG PA GANG ZHE NA, 'DI LTA STE, DNGOS PO'I NGO BO NYID DU 'DZIN CING 'DI NI 'DI BZHIN GYI, GZHAN DU MA YIN NO ZHES LOG PAR LTA BA'I RNAM PAR RTOG PA DANG THA MI DAD PA DE NI RANG BZHIN GYI RNAM PAR RTOG PA ZHES BYA'O, ,BLO GROS CHEN PO, RGYU'I RNAM PAR RTOG PA GANG ZHE NA, 'DI LTA STE, RGYU DANG RKYEN GANG GIS YOD PA DANG, MED PA'I RNAM PAR RTOG PA'I RGYU'I MTSAN NYID SKYED PA DE NI RGYU'I RNAM PAR RTOG PA ZHES BYA'O, ,BLO GROS CHEN PO, LTA BA'I RNAM PAR RTOG PA GANG ZHE NA, 'DI LTA STE, YOD PA DANG, MED PA DANG, GCIG PA DANG, THA DAD PA DANG, GNYIS KA DANG, GNYIS KA MA YIN PAR LOG PAR LTA BA'I MU STEGS CAN GYI RNAM PAR RTOG PA LA MNGON PAR ZHEN PA'I RNAM PAR RTOG PA DE NI LTA BA'I RNAM PAR RTOG PA ZHES BYA'O, ,BLO GROS CHEN PO, RIGS PA'I RNAM PAR RTOG PA GANG ZHE NA, 'DI LTA STE, BDAG DANG BDAG GI MTSAN NYID RIGS PAS BRTZAD DE SMRA BA NI RIGS PA'I RNAM PAR RTOG PA ZHES BYA'O, ,BLO GROS CHEN PO, SKYE BAR RNAM PAR RTOG PA GANG ZHE NA, 'DI LTA STE, RKYEN RNAMS

382b

KYIS YOD PA DANG, MED PA'I DNGOS PO SKYE BAR MNGON PAR ZHEN PA DE NI SKYE BAR RNAM PAR RTOG PA ZHES BYA'O, ,BLO GROS CHEN PO, MI SKYE BAR RNAM PAR RTOG PA GANG ZHE NA, 'DI LTA STE; DNGOS PO THAMS CAD NI SNGA NAS SKYE BA MED DE, SA BON MED PA LA RGYU DANG RKYEN GYIS RGYU MED PA'I LUS BSKYED PA'O ZHES 'DZIN PA DE NI MI SKYE BAR RNAM PAR RTOG PA ZHES BYA'O, ,BLO GROS CHEN PO, 'BREL PA'I RNAM PAR RTOG PA GANG ZHE NA, 'DI LTA STE, GSER DANG, SKUD PA JI LTA BA BZHIN DU DE DANG LHAN CIG PA'I MTSAN NYID DU 'BREL PA DE NI 'BREL PA'I RNAM PAR RTOG PA ZHES BYA'O, ,BLO GROS CHEN PO, BCINGS PA DANG, MA BCINGS PA'I RNAM PAR RTOG PA GANG ZHE NA, 'DI LTA STE, 'CHING BA'I RGYU DANG, BCING BAR BYA BA LA MNGON PAR ZHEN PA STE, JI LTAR SKYES BU THAMS CAD DANG LDAN PAS LAG PA LA MDUD PA 'DOR BA DANG 'GROL BA LTA BU NI BCINGS PA DANG, MA BCINGS PA'I RNAM PAR RTOG PA ZHES BYA'O, , BLO GROS CHEN PO, KUN BRTAGS PA'I RANG BZHIN RAB TU DBYE BA'I TSUL GYI MTSAN NYID DE LA BYIS PA SO SO'I SKYE BO THAMS CAD YOD PA DANG MED PAR MNGON PAR ZHEN TO, ,BLO GROS CHEN PO; GZHAN GYI DBANG LA MNGON PAR ZHEN PAS MNGON PAR ZHEN PAR GYUR PA DAG YONGS SU BRTAGS PA'I RANG BZHIN SNA TSOGS LA MNGON PAR ZHEN PAS SGYU MA BZHIN DU

383a

, ,LUS SNA TSOGS STON PA LA BYIS PA RNAMS KYIS RNAM PAR RTOG PAS SGYU MA LAS GZHAN DU RNAM PA SNA TSOGS SU MTHONG STE, BLO GROS CHEN PO, SGYU MA DANG SNA TSOGS NI THA DAD PA'ANG MA YIN, THA MI DAD PA'ANG MA YIN NO, ,GAL TE THA DAD NA NI SGYU MA NI SNA TSOGS KYI RGYU MA YIN PAR 'GYUR RO, ,CI STE THA MI DAD NA NI SGYU MA DANG SNA TSOGS BYE BRAG MED PAR 'GYUR TE, DE'I BYE BRAG MTHONG BAS NA DE'I PHYIR GCIG PA'ANG MA YIN, THA DAD PA'ANG MA YIN NO, ,DE LTA BAS NA BLO GROS CHEN PO KHYOD DANG, BYANG CHUB SEMS DPA' SEMS DPA' CHEN PO GZHAN DAG GIS SGYU MA LTA BU'I GZHAN GYI DBANG DANG, KUN BRTAGS PA'I RANG BZHIN LA THA DAD PA DANG, THA DAD PA MA YIN PA DANG; YOD PA DANG MED PAR MNGON PAR ZHEN PAR MI BYA'O, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, , SEMS NI YUL GYIS KUN TU BCINGS, ,RTOG PA RIG LAS YE SHES 'JUG ,SNANG BA MED DANG KHYAD PAR LAS, ,SHES RAB MNYAM PAR RAB TU BSKYED, ,BRTAGS PA'I RANG BZHIN GYIS YOD DE, ,GZHAN DBANG LA NI DE MED DO, ,KUN BRTAGS DAG NI NOR PAS BSDUS, ,GZHAN DBANG DE NI KUN BRTAGS MIN, ,YAN LAG THA DAD 'BYUNG BA

383b

YANG; SGYU MA JI BZHIN MI 'GRUB STE, ,DE YI MTSAN MA SNA TSOGS YOD, ,KUN BRTAGS DE NI 'GRUB MI 'GYUR, ,DE YI MTSAN MA GNAS NGAN LEN, ,SEMS KYI 'CHING LAS SKYES PA STE, ,RNAM RTOG SHES PA MED PA RNAMS, ,GZHAN GYI DBANG LAS RNAM PAR RTOG ,BRTAGS PA'I DNGOS PO 'DI DAG NI, ,DE NYID GZHAN GYI DBANG YIN TE, BRTAGS PA DAG NI SNA TSOGS YOD, ,GZHAN GYI DBANG LA RTOG PAR BYED, ,KUN RDZOB DANG NI DON DAM STE, ,GSUM PA RGYU LAS SKYE BA MED, ,BRTAGS PA DAG NI KUN RDZOB BSHAD, ,DE 'CHAD 'PHAGS PA'I SPYOD YUL LO, ,RNAL 'BYOR CAN GYI DNGOS PO LTAR, ,GCIG LA SNA TSOGS STON BYED KYANG, ,DE LA SNA TSOGS YOD MA YIN, ,KUN BRTAGS MTSAN NYID DE BZHIN NO, ,JI LTAR RAB RIB CAN DAG GI ,RNAM RTOG SNA TSOGS GZUGS SU SNANG, ,RAB RIB GZUGS DANG GZUGS MIN MED, ,GZHAN DBANG MA RTOGS DE BZHIN NO, ,JI LTAR GSER NI RAB SBYANGS PA, ,DRI MA DAG NI SPANGS GYUR DANG, ,NAM MKHA' DAG NI SPRIN MED LTAR, ,KUN BRTAGS PA YANG DE BZHIN NO, , KUN BRTAGS PA YI DNGOS PO DANG, ,DE BZHIN GZHAN DBANG YOD MIN LA, ,SGRO 'DOGS SKUR PA 'DEBS BYED DE, ,RNAM BRTAGS DBANG GIS 'JIG PA YIN, ,GAL

384a

, ,TE BRTAGS PA DNGOS MED LA, ,GZHAN GYI DBANG NI YID GYUR NA, ,DNGOS MED DNGOS PO YOD PAS NA, ,DNGOS PO YOD DNGOS PO MED LAS 'BYUNG,, KUN BRTAGS PA LA BRTEN PA'I RGYUS, ,GZHAN DBANG DE NI NYE BAR DMIGS, ,RGYU MTSAN MING DANG 'BREL PA LAS, ,KUN BRTAGS RNAMS NI SKYE BAR 'GYUR, ,SHIN TU MA GRUB RTOGS PA'I TSE, ,KUN BRTAGS LAS NI 'DA' BAR 'GYUR, ,DE NAS YONGS SU DAG RIG PA, ,DE NI DON DAM ZHES BYA'O, ,KUN BRTAGS RNAM PA BCU GNYIS TE, , GZHAN GYI DBANG NI RNAM PA DRUG ,SO SO RANG RIG YE SHES KYIS, ,SHES BYA DE LA BYE BRAG MED, ,CHOS LNGA YANG DAG NYID YIN TE, ,RANG BZHIN LA NI RNAM GSUM YOD, , RNAL 'BYOR CAN GYIS DE BSGOMS NA, ,DE BZHIN NYID LAS MI 'DA'O, ,MTSAN MA DAG DANG GZHAN GYI DBANG, ,MING DES KUN TU BRTAGS PA SKYED, ,KUN BRTAGS MTSAN MA DE DAG NI, ,GZHAN DBANG DE LAS BYUNG BA'O, ,BLO YIS SO SOR RAB BRTAGS NA, ,GZHAN DBANG MED CING BRTAGS PA'ANG MED, ,YONGS GRUB LA NI DNGOS MED NA, ,BLO YIS CI ZHIG RNAM PAR BRTAGS, ,KUN BRTAGS RANG BZHIN DE DAG LA, ,RANG BZHIN GNYIS NI RNAM PAR BZHAG ,BRTAGS PA DAG NI SNA

384b

TSOGS SNANG, ,RNAM DAG 'PHAGS PA'I SPYOD YUL LO, ,KUN BRTAGS RI MO'I RNAM PA BZHIN, ,GZHAN GYI DBANG LAS BRTAGS PA STE, ,RNAM PA GZHAN DU BRTAGS NA NI, ,MU STEGS SMRA LA GNAS PAR 'GYUR, ,RTOGS PAS BRTAGS ZHES BRJOD PA STE, ,'DUS LAS SKYE BAR MTHONG BA'I RGYUS, ,RNAM RTOG GNYIS LAS GROL BA NI, ,DE NYID YONGS SU GRUB PA YIN, ,DE NAS BYANG CHUB SEMS DPA' SEMS DPA' CHEN PO BLO GROS CHEN POS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS, 'PHAGS PA SO SO RANG GIS RIG PA'I YE SHES DANG, THEG PA GCIG GI MTSAN NYID BSHAD DU GSOL, 'PHAGS PA SO SO RANG GIS RIG PA'I YE SHES KYI MTSAN NYID DANG, THEG PA GCIG RTOGS PA'I MTSAN NYID DES BDAG DANG BYANG CHUB SEMS DPA' SEMS DPA' CHEN PO GZHAN RNAMS 'PHAGS PA SO SO RANG GIS RIG PA'I YE SHES KYI MTSAN NYID DANG, THEG PA GCIG LA MKHAS SHING GZHAN GYI DRING LA MI 'JOG PAR SANGS RGYAS KYI CHOS THAMS CAD RTOGS PAR 'GYUR RO, , BCOM LDAN 'DAS KYIS BKA' STZAL PA, BLO GROS CHEN PO, DE'I PHYIR SHIN TU LEGS PAR NYON LA YID LA ZUNGS SHIG DANG, NGAS KHYOD LA BSHAD DO, ,BLO GROS

385a

, ,CHEN POS BCOM LDAN 'DAS LA GSOL PA, DE BZHIN 'TSAL LO ZHES BKA' MNYAN PA DANG, BCOM LDAN 'DAS KYIS 'DI SKAD CES BKA' STZAL TO, ,BLO GROS CHEN PO, ,DE LA 'PHAGS PA SNGA MA RNAMS KYIS KHONG DU CHUD NAS GCIG NAS GCIG TU BRGYUD DE, KUN BRTAGS PA DNGOS PO MED PAR BSTAN PA LA BRTEN NAS, BYANG CHUB SEMS DPA' SEMS DPA' CHEN PO GANG GIS GCIG PU DBEN PAR SONG NAS, RANG GIS BLOS RNAM PAR DPYOD PA, GZHAN GYI DRING LA MI 'JOG CING LTA BA DANG, RNAM PAR RTOG PA SPANGS TE, GONG NAS GONG DU KHYAD PAR CAN DU GYUR NAS, DE BZHIN GSHEGS PA'I SA LA RAB TU 'JUG PA NI SO SO RANG GIS RIG PA 'PHAGS PA'I YE SHES KYI MTSAN NYID CES BYA'O, ,DE LA, BLO GROS CHEN PO, THEG PA GCIG GI MTSAN NYID GANG ZHE NA, 'DI LTA STE, THEG PA GCIG GI LAM RIG PA NI NGAS THEG PA GCIG CES BSHAD DO, ,THEG PA GCIG GI LAM KHONG DU CHUD PA GANG ZHE NA, 'DI LTA STE, GZUNG BA DANG, 'DZIN PA'I RNAM PAR RTOG PA YANG DAG PA JI LTA BA BZHIN GYI GNAS LA RNAM PAR RTOG PA MI SKYE BA NI THEG PA GCIG KHONG DU CHUD PA

385b

ZHES BYA'O, ,BLO GROS CHEN PO, THEG PA GCIG KHONG DU CHUD PA 'DI NI DE BZHIN GSHEGS PA MA GTOGS PAR GZHAN MU STEGS CAN DANG, NYAN THOS DANG, RANG SANGS RGYAS DANG, TSANGS PA LA SOGS PAS THOB PA MA YIN NO, ,DE'I PHYIR THEG PA GCIG CES BYA'O, ,BCOM LDAN 'DAS LA BLO GROS CHEN POS GSOL PA, BCOM LDAN 'DAS KYIS CI'I SLAD DU THEG PA GSUM DU BKA' STZAL LA, THEG PA GCIG TU MA GSUNGS, BCOM LDAN 'DAS KYIS BKA' STZAL PA BLO GROS CHEN PO, BDAG NYID YONGS SU MYA NGAN LAS MI 'DA' BA'I CHOS CAN YIN PA'I PHYIR NYAN THOS DANG, RANG SANGS RGYAS THAMS CAD LA THEG PA GCIG TU MA BSHAD DE, 'DI LTAR NYAN THOS DANG, RANG SANGS RGYAS THAMS CAD NI DE BZHIN GSHEGS PA'I 'DUL BA DANG, RAB TU DPEN PA'I SBYOR BAS RNAM PAR GROL BA 'THOB KYI, BDAG NYID KYI MTHUS NI MA YIN PA'I PHYIR THEG PA GCIG TU MA BSHAD DO, ,GZHAN YANG, BLO GROS CHEN PO, NYON MONGS PA'I SGRIB PA DANG, LAS KYI BAG CHAGS MA SPANGS PA'I PHYIR NYAN THOS DANG, RANG SANGS RGYAS THAMS CAD LA THEG PA GCIG TU MA BSHAD DO, ,CHOS BDAG MED PAR MA RTOGS SHING DNGOS PO DANG BCAS PA'I 'CHI

386a

, ,'PHO MA SPANGS PA'I PHYIR THEG PA GSUM DU BSTAN TE, BLO GROS CHEN PO, DE DAG NAM NYES PA'I BAG CHAGS THAMS CAD SPANGS SHING CHOS BDAG MED PAR RTOGS PA DE NA DE DAG NYON MONGS PA'I NYES PA THAMS CAD SKYED PA'I BAG CHAGS SPANGS TE, TING NGE 'DZIN GYI BDE BA LA RO MYONG BA'I DNGOS PO MED PAR GYUR NAS ZAG PA MED PA'I DBYINGS LAS SAD DE, SAD NAS KYANG 'JIG RTEN LAS 'DAS PAR ZHUGS TE, GONG NAS GONG DU ZAG PA MED PA'I DBYINGS SU TSOGS RNAMS YONGS SU BSKANGS NAS, DE BZHIN GSHEGS PA'I CHOS KYI SKU BSAM GYIS MI KHYAB LA DBANG BYED PA RAB TU 'THOB BAR 'GYUR RO, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,LHA RNAMS DANG NI TSAN PA'I THEG ,NYAN THOS RANG RGYAL THEG PA DANG, ,DE BZHIN GSHEGS PA RNAMS KYI THEG ,NGA YIS THEG PA DE DAG NI, ,JI SRID SEMS RNAMS 'JUG PA'I BAR, ,DE DAG MTHAR PHYIN MIN PAR BSHAD, ,GAL TE SEMS DE ZAD GYUR NA, , THEG PA MED CING GDEG PA MED, ,THEG PA RNAM PAR BZHAG MED PAS, ,THEG PA GCIG TU NGAS BSTAN TO, ,SEMS CAN RNAMS NI DRANG BA'I PHYIR, ,THEG PA THA DAD

386b

NGAS BSHAD DE, ,RNAM PAR GROL BA RNAM GSUM YOD, ,CHOS LA BDAG MED DE NYID DANG, ,NYON MONGS SHES RAB LA SOGS PAS, ,RNAM PAR GROL NA STONG PAR 'GYUR, ,RGYA MTSO LA NI SHING 'PHYO BA, ,RTAG TU RLABS KYIS G-YENG BA LTAR, ,NYAN THOS RMONGS PA'ANG DE BZHIN TE, ,MTSAN NYID RLUNG GIS RNAM PAR G-YENGS, ,KUN NAS LDANG LAS DE LOG KYANG; ;NYON MONGS BAG CHAGS GZHAN GYIS RMONGS, ,TING NGE 'DZIN GYI BDE BAS MYOS, ,ZAG PA MED PA'I DBYINGS LA GNAS, ,MTHAR PHYIN TSUL NI DE LA MED, ,PHYIR YANG DE LAS MI LDOG STE, ,TING 'DZIN RNAMS KYI LUS THOB NAS, ,BSKAL PA'I BAR DU DE MI SAD, ,CHANG GIS MYOS PA'I SKYES BU DAG ,MYOS BYED ZAD NAS SANGS 'GYUR LTAR,, DE DAG CHOS RTOGS DE BZHIN TE, ,BLA MED SANGS RGYAS SKU 'THOB 'GYUR,, ,,'PHAGS PA LANGKAR GSHEGS PA RIN PO CHE'I MDO LAS, BAM PO LNGA PA, DE NAS YANG BCOM LDAN 'DAS KYIS BYANG CHUB SEMS DPA' SEMS DPA' CHEN PO BLO GROS CHEN PO LA 'DI SKAD CES BKA' STZAL TO, ,BLO GROS CHEN PO, YID LAS BYUNG BA'I LUS RAB TU DBYE BA RTOGS PA'I MTSAN NYID BSTAN GYI, DE SHIN TU LEGS PAR NYON LA YID LA ZUNGS SHIG DANG, NGAS KHYOD LA BSHAD DO, ,BLO GROS CHEN POS BCOM

387a

, ,LDAN 'DAS LA GSOL PA, LEGS SO, ,BCOM LDAN 'DAS, DE BZHIN DU 'TSAL LO ZHES BKA' MNYAN PA DANG, DE LA BCOM LDAN 'DAS KYIS 'DI SKAD CES BKA' STZAL TO, ,BLO GROS CHEN PO, YID LAS BYUNG BA'I LUS NI RNAM PA GSUM STE, GSUM GANG ZHE NA, 'DI LTA STE, TING NGE 'DZIN GYI BDE BA LA SNYOMS PAR ZHUGS PA'I YID LAS BYUNG BA'I LUS DANG, CHOS KYI NGO BO NYID RTOG PA'I YID LAS BYUNG BA'I LUS DANG, RIS SU LHAN CIG SKYES PA MNGON PAR 'DU BYA BA MED PAS YID LAS BYUNG BA'I LUS TE, RNAL 'BYOR PA RNAMS KYIS SA DANG PO NAS GONG NAS GONG DU SA'I MTSAN NYID YONGS SU SHES PAS LUS RNAM PA GSUM PO 'THOB PAR 'GYUR RO, ,DE LA, BLO GROS CHEN PO, TING NGE 'DZIN GYI BDE BA LA SNYOMS PAR ZHUGS PA'I YID LAS BYUNG BA'I LUS GANG ZHE NA, 'DI LTA STE, SA GSUM PA DANG, BZHI PA DANG, LNGA PA LA TING NGE 'DZIN GYI BDE BA LA SNYOMS PAR ZHUGS PA'I PHYIR RANG GI SEMS RNAM PA MANG PO DPEN PAR SPYOD PAS SEMS KYI RGYA MTSO LA GNAS TE, RNAM PAR SHES PA'I RLABS KYIS MTSAN NYID MI 'BYUNG BAS RANG GI SEMS SNANG BA'I YUL DNGOS PO YOD PA DANG, DNGOS PO MED PA YONGS SU SHES PA NI TING NGE 'DZIN GYI

387b

BDE BA LA SNYOMS PAR ZHUGS PA'I YID LAS BYUNG BA'I LUS ZHES BYA'O, ,BLO GROS CHEN PO, CHOS KYI NGO BO NYID RTOGS PA'I YID LAS BYUNG BA'I LUS GANG ZHE NA, 'DI LTA STE; SA BRGYAD PA LA SGYU MA LTA BU LA SOGS PA'I CHOS LA SNANG BA MED PAR RNAM PAR KHONG DU CHUD PAS LUS DANG SEMS GNAS SHIN TU GYUR TE, SGYU MA LTA BU'I TING NGE 'DZIN RAB TU 'THOB PA DANG, GZHAN YANG TING NGE 'DZIN GYI SGO DANG, MTSAN MA DANG, STOBS DANG, DBANG DANG, MNGON PAR SHES PA DPAG TU MED PA 'THOB STE, ME TOG LTAR RGYAS SHING YID BZHIN DU MGYOGS PA DANG, SGYU MA DANG, RMI LAM DANG, CHU ZLA DANG, GZUGS BRNYAN LTA BU 'BYUNG BA LAS GYUR PA MA YIN YANG 'BYUNG BA LAS GYUR PA DANG 'DRA BA, GZUGS RNAM PA SNA TSOGS THAMS CAD KYIS YAN LAG PHUN SUM TSOGS PAR BRGYAN PA, SANGS RGYAS KYI ZHING THAMS CAD DU 'KHOR GYI DKYIL 'KHOR GYI RJES SU 'JUG PA, CHOS KYI NGO BO NYID RTOGS PAR KHONG DU CHUD PA'I PHYIR DE NI CHOS KYI NGO BO NYID RTOGS PA LAS BYUNG BA'I LUS ZHES BYA'O, ,BLO GROS CHEN PO, DE LA RIS SU LHAN CIG SKYES PA MNGON PAR 'DU BYA BA MED PA'I YID LAS BYUNG BA'I LUS GANG ZHE NA, 'DI LTA STE, SANGS RGYAS KYI CHOS THAMS CAD RTOGS SHING RANG GIS THOB PA'I BDE BA'I

388a

, ,MTSAN NYID LA DMIGS PA DE NI RIS SU LHAN CIG SKYES PA MNGON PAR 'DU BYA BA MED PA'I YID LAS BYUNG BA'I LUS ZHES BYA STE, BLO GROS CHEN PO, LUS GSUM PO DE DAG GIS MTSAN NYID RAB TU DBYE BA RTOGS PA 'DI LA RAB TU BRTZON PAR BYA'O, ,DE NAS BCOM LDAN 'DAS KYIS DON DE NYID YANG DAG PAR BSTAN PA'I PHYIR TSIGS SU BCAD PA 'DI DAG GSUNGS SO, ,NGA YIS THEG PA THEG CHEN MIN, ,BSHAD PA MED CING YI GE MED, ,BDEN PA MA YIN RNAM GROL MIN; ;SPYOD YUL MED PA'ANG MA YIN TE, 'ON KYANG THEG CHEN THEG PA NI, ,TING NGE 'DZIN LA DBANG BYED CING, ,YID LAS BYUNG LUS SNA TSOGS LA, ,DBANG GI ME TOG DAG GIS BRGYAN, ,DE NAS BYANG CHUB SEMS DPA' BLO GROS CHEN POS BCOM LDAN 'DAS LA 'DI SKAD CES GSOL TO, ,BCOM LDAN 'DAS KYIS JI SKAD DU RIGS KYI BU'AM, RIGS KYI BU MO GANG LA LA ZHIG GIS MTSAMS MED PA LNGA'I LAS SPYOD KYANG MNAR MED PA'I DMYAL BAR LHUNG BAR MI 'GYUR BA'I PHYIR DANG, SPRO BA RAB TU BSKYED PA'I PHYIR BYIN GYI RLABS KYIS SPRUL PA DAG MNGON PAR RTOGS PAR RAB TU STON TO, ,MTSAMS MED PA'I DNGOS PO BYAS PA RNAMS MNGON PAR RTOG

388b

PA MI 'THOB PAR GCIG TU NGES PA'ANG MED DE, RANG GI SEMS SNANG BA TZAM DU KHONG DU CHUD PA DANG, LUS DANG LONGS SPYOD DU RNAM PAR RTOG BA DANG, BDAG DANG BDAG GIR 'DZIN PA DANG BRAL BA DANG, GAL TE BRGYA LAM NA DGE BA'I BSHES GNYEN DANG PHRAD NAS 'GRO BA GZHAN DU MTSAMS SBYOR BA'I RNAM PAR RTOG PA LAS GROL BAR 'GYUR BA NI MA GTOGS SO, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,'DOD PA'I SRID PA MA ZHES BYA, ,MA RIG PA NI PHA YIN NO, ,YUL RIG RNAM SHES SANGS RGYAS TE, BAG LA NYAL NI DGRA BCOM PA, ,PHUNG PO 'DUS PA DGE 'DUN YIN, ,MTSAMS MED RIM GYIS BCAD PAS NA, ,DE NI MTSAMS MED LNGA YIN TE, ,MNAR MED DMYAL BAR LTUNG MI 'GYUR, ,DE NAS BYANG CHUB SEMS DPA' BLO GROS CHEN POS BCOM LDAN 'DAS LA 'DI SKAD CES GSOL TO; ;BCOM LDAN 'DAS, SANGS RGYAS RNAMS KYI SANGS RGYAS PA NYID BDAG LA BKA' STZAL DU GSOL, BCOM LDAN 'DAS, JI LTAR NA SANGS RGYAS RNAMS KYI SANGS RGYAS PA NYID LAGS, BCOM LDAN 'DAS KYIS BKA' STZAL PA, BLO GROS CHEN PO, GANG ZAG DANG CHOS LA BDAG MED PAR RTOGS PA DANG, SGRIB

389a

, ,PA GNYIS YONGS SU SHES SHING KHONG DU CHUD PA DANG, SHI 'PHO RNAM PA GNYIS DANG BRAL BA DANG, NYON MONGS PA RNAM PA GNYIG SPANGS PA DE NI SANGS RGYAS RNAMS KYI SANGS RGYAS PA NYID CES BYA'O, ,BLO GROS CHEN PO, NYAN THOS DANG, RANG SANGS RGYAS RNAMS KYI CHOS DE DAG NYID KHONG DU CHUD NA DE'ANG SANGS RGYAS PA NYID CES BYA STE, DES NA DE'I PHYIR NGAS THEG PA GCIG TU BSHAD DO, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI GSUNGS SO, ,BDAG MED RNAM GNYIS MKHAS PA DANG; ,SGRIB GNYIS NYON MONGS RAB SPANGS DANG, ,SHI 'PHO GNYIS DANG GTAN BRAL BA, ,DE NI SANGS RGYAS NYID CES BYA, ,DE NAS YANG BYANG CHUB SEMS DPA' BLO GROS CHEN POS BCOM LDAN 'DAS LA 'DI SKAD CES GSOL TO, ,CI'I SLAD DU BCOM LDAN 'DAS KYIS 'KHOR GYI NANG DU 'DI SKAD CES NGA NI GANG 'DAS PA'I SANGS RGYAS THAMS CAD NYID DO, ,SKYES PA'I RABS SNA TSOGS SU'ANG NGA NYID DE'I TSE 'KHOR LOS BSGYUR BA'I RGYAL PO'I SPYI BO SKYES DANG, GLANG PO CHE SO DRUG PA DANG, NE TZO DANG, DBANG PO DANG, DRANG SRONG MIG BZANG LA SOGS PA'O ZHES SKYES PA'I

389b

RABS BRGYA STONG GSUNGS, BCOM LDAN 'DAS KYIS BKA' STZAL PA, BLO GROS CHEN PO, MTSUNGS PA RNAM PA BZHI'I PHYIR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS 'KHOR GYI NANG DU 'DI SKAD CES NGA NYID DE'I TSE DE'I DUS NA SANGS RGYAS 'KHOR BA 'JIG DANG, GSER THUB DANG, 'OD SRUNG DU GYUR TO ZHES GSUNG NGO, ,MTSUNGS PA RNAM PA BZHI GANG ZHE NA, 'DI LTA STE, YI GE MTSUNGS PA DANG, GSUNG MTSUNGS PA DANG, CHOS MTSUNGS PA DANG, SKU MTSUNGS PA NI MTSUNGS PA RNAMS PA BZHI ZHES BYA STE, 'DI LTAR MTSUNGS PA RNAM PA 'DI BZHI'I PHYIR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE SKAD DU GSUNG STE, DE LA YI GE MTSUNGS PA GANG ZHE NA, YI GE GANG GIS NGA'I MING SANGS RGYAS ZHES BRJOD PA'I YI GE DES SANGS RGYAS THAMS CAD KYANG BRJOD PAS; YI GE DE DAG GI RANG BZHIN BYE BRAG MED PAS NA DE NI YI GE MTSUNGS PA ZHES BYA'O, ,DE LA GSUNG MTSUNGS PA GANG ZHE NA, 'DI LTA STE, NGA'I GSUNG RNAM PA DRUG CU RTZA BZHI TSANGS PA'I SGRA SKAD KYI DBYANGS KYI MTSAN NYID DU 'BYUNG NGO, ,DE BZHIN GSHEGS PA DGRA BCOM YANG DAG PAR RDZOGS PA'I SANGS RGYAS DE DAG GI

390a

, ,GSUNG YANG DE BZHIN DU RNAM PA DRUG CU RTZA BZHI TSANGS PA'I SGRA SKAD KYI DBYANGS KYI MTSAN NYID DU 'BYUNG STE, KA LA PINGKA DANG, TSANGS PA'I SGRA SKAD KYI DBYANGS KYI RANG BZHIN DU BYE BRAG MED CING LHAG CHAD MED DE, DE LA SKU MTSUNGS PA GANG ZHE NA, 'DI LTA STE, NGA DANG SANGS RGYAS THAMS CAD NI CHOS KYI SKU DANG, GZUGS DANG, MTSAN DANG, DPE BYAD BZANG PO'I SKUR MTSUNGS SHING BYE BRAG MED DE, 'GRO BA'I BYE BRAG SEMS CAN DE DANG DE DAG GDUL BA'I PHYIR GZUGS THA DAD PA SNA TSOGS STON PA NI MA GTOGS TE, DE NI SKU MTSUNGS PA ZHES BYA'O, ,DE LA CHOS MTSUNGS PA GANG ZHE NA, 'DI LTA STE, NGA DANG SANGS RGYAS DE DAG BYANG CHUB KYI PHYOGS KYI CHOS SUM CU RTZA BDUN THUGS SU CHUD DE, SANGS RGYAS KYI CHOS RNAMS DANG, SGRIB PA MED PA'I YE SHES MDOR BSDUS TE BSTAN PA DE NI MTSUNGS PA RNAM PA BZHI ZHES BYA STE, DE LTA BAS NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS 'KHOR GYI NANG DU DE SKAD CES GSUNG NGO, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI GSUNGS SO, ,'OD SRUNG DANG NI 'KHOR BA 'JIG ,GSER THUB KYANG NI NGA YIN ZHES, ,

390b

MTSUNGS PA BZHI NI MNYAM GYUR PAS, ,RGYAL BA'I SRAS LA NGAS BSHAD DO, ,BLO GROS CHEN POS YANG BCOM LDAN 'DAS LA GSOL PA, JI SKAD DU BCOM LDAN 'DAS KYIS NGA NI GANG GI NUB MO MNGON PAR RDZOGS PAR SANGS RGYAS PA NAS GANG GI NUB MO YONGS SU MYA NGAN LAS 'DA' BAR 'GYUR BA DE'I BAR DU YI GE GCIG KYANG MA BSHAD, MI 'CHAD, 'CHAD PAR MI 'GYUR TE, BSHAD PA MED PA NI SANGS RGYAS KYIS BSHAD PA'O ZHES GSUNGS NA, BCOM LDAN 'DAS, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS CI'I RGYUS BSHAD PA MED PA NI SANGS RGYAS KYI BSHAD PA'O ZHES GSUNGS, BCOM LDAN 'DAS KYIS BKA' STZAL BA, BLO GROS CHEN PO, NGAS CHOS RNAM PA GNYIS LA DGONGS NAS DE SKAD CES SMRAS SO, ,CHOS GNYIS GANG ZHE NA, 'DI LTA STE, RANG GIS MNGON PAR RTOGS PA'I CHOS DANG, NGO BO NYID KYIS GNAS PA'I CHOS TE, 'DI NI CHOS GNYIS ZHES BYA'O, ,CHOS GNYIS PO DE LAS DGONGS NAS DE'I PHYIR NGAS DE SKAD CES BSHAD DO, ,DE LA RANG GIS MNGON PAR RTOGS PA'I CHOS GANG ZHE NA, DE BZHIN GSHEGS PA DE DAG GI GANG THUGS SU CHUD PA DE BZHIN DU NGAS KYANG RANG GIS MNGON PAR RTOGS PA'I CHOS MTHAR PHYIN PA'I SPYOD YUL TSIG

391a

, ,GI RNAM PAR RTOG PA DANG BRAL BA, YI GE'I TSUL RNAM PA GNYIS LAS RNAM PAR GROL BA, LHAG CHAD MED PAR THUGS SU CHUD PA'O, ,DE LA NGO BO NYID KYIS GNAS PA'I CHOS GANG ZHE NA, 'DI LTA STE, SNGON GYI 'PHAGS PA'I LAM RNYING PA GSER DANG, DNGUL LA SOGS PA'I NGO BO NYID BZHIN DU CHOS KYI DBYINGS RTAG PAR GNAS PA'ANG DE BZHIN GSHEGS PA RNAMS 'JIG RTEN DU BYUNG YANG RUNG, 'JIG RTEN DU MA BYUNG YANG RUNG STE, CHOS KYI DBYINGS RTAG PAR GNAS PA NI JI LTAR GRONG KHYER DE DAG TU 'GRO BA'I LAM BZHIN DU 'DUG PA'O, ,BLO GROS CHEN PO, DPER NA, SKYES BU LA LA ZHIG 'BROG DGON PA NA 'KHYAM PA LAS GRONG KHYER RNYING PAR 'GRO BA'I LAM MNYAM ZHING MA GROL BA ZHIG MTHONG NAS, GRONG KHYER DER ZHUGS TE YID BZHIN GYI BDE BA RJES SU MYONG NA, BLO GROS CHEN PO, DE JI SNYAM DU SEMS, LAM DE DANG, GRONG KHYER NA YOD PA'I BDE BA SNA TSOGS DE DAG DES BYAS PA YIN NAM, GSOL PA, DE MA LAGS SO, ,BCOM LDAN 'DAS KYIS BKA' STZAL PA, BLO GROS CHEN PO, NGA DANG 'DAS PA'I DE BZHIN GSHEGS PA DAG GIS THUGS SU CHUD PA'I CHOS KYI DBYINGS MI 'GYUR BAR GNAS PA'ANG DE BZHIN TE, DES NA DE'I PHYIR NGAS

391b

'DI SKAD DU GANG GI NUB MO NGAS MNGON PAR RDZOGS PAR SANGS RGYAS PA NAS GANG GI NUB MO YONGS SU MYA NGAN LAS 'DA' BAR 'GYUR BA DE'I BAR DU YI GE GCIG KYANG MA BSHAD, MI 'CHAD, 'CHAD PAR MI 'GYUR RO ZHES SMRAS SO, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,GANG GI NUB MO MNGON SANGS RGYAS, ,GANG GI NUB MO MYA NGAN 'DAS, ,DE DAG GNYIS KYI BAR DU YANG, ,NGA YIS CUNG ZAD BSHAD PA MED, ,RANG GIS MNGON RTOGS CHOS GNAS PAS, ,DE PHYIR NGAS NI 'DI SKAD BSHAD, ,NGA DANG SANGS RGYAS DE DAG LA, ,BYE BRAG GYUR PA CI YANG MED, ,DE NAS YANG BYANG CHUB SEMS DPA' BLO GROS CHEN POS BCOM LDAN 'DAS LA GSOL PA BTAB PA, BCOM LDAN 'DAS, CHOS THAMS CAD KYI MCHIS PA DANG, MA MCHIS PA'I MTSAN NYID BSHAD DU GSOL, DE NA BDAG DANG BYANG CHUB SEMS DPA' SEMS DPA' CHEN PO GZHAN RNAMS MCHIS PA DANG MCHIS PA SPANGS NAS MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR RO, , BCOM LDAN 'DAS KYIS BKA' STZAL PA, BLO GROS CHEN PO, DE'I PHYIR SHIN TU LEGS PAR NYON LA YID LA GZUNG ZHIG DANG NGAS KHYOD LA BSHAD DO, ,BLO GROS CHEN POS

392a

, ,BCOM LDAN 'DAS LA LEGS SO ZHES GSOL NAS BKA' MNYAN PA DANG, BCOM LDAN 'DAS KYIS BKA' STZAL PA, BLO GROS CHEN PO, 'JIG RTEN 'DI DAG NI GNYIS LA GNAS SO, ,'DI LTA STE, YOD PA LA GNAS PA DANG, DNGOS PO RNAMS DNGOS PO MED PA LA MOS PA'I LTA BAR LTUNG BA STE, 'BYUNG BA MA YIN PA LA 'BYUNG BAR 'DU SHES PA'O, ,DE LA BLO GROS CHEN PO, JI LTAR NA 'JIG RTEN PA DAG YOD PA LA GNAS PA YIN ZHE NA, 'DI LTA STE, 'JIG RTEN NI RGYU DANG RKYEN RNAMS YOD NA SKYE'I MED PA LAS MA YIN PAS, YOD PA LAS SKYE STE, MED PA LAS SKYE BA NI MA YIN NO ZHES, BLO GROS CHEN PO, DES DE SKAD DU SMRA NA, 'JIG RTEN RGYU MED PAR SMRA BA YIN NO, ,BLO GROS CHEN PO, JI LTAR NA 'JIG RTEN MED PA LAS GNAS PA YIN ZHE NA, 'DI LTA STE, 'DOD CHAGS DANG, ZHE SDANG DANG, GTI MUG GI DNGOS POR KHAS BLANG BA BYAS LA, DE'I 'OG TU 'DOD CHAGS DANG, ZHE SDANG DANG, GTI MUG GI DNGOS PO MED PAR RNAM PAR RTOG CING MNGON PAR ZHEN PA'O, ,BLO GROS CHEN PO, DNGOS PO YOD PAR KHAS MI LEN PA NI DNGOS PO'I MTSAN NYID RAB TU DBEN PA'I PHYIR 'DI LTAR DE BZHIN GSHEGS PA DANG, NYAN THOS DANG, RANG SANGS RGYAS RNAMS 'DOD CHAGS DANG, ZHE SDANG DANG, GTI MUG GI DNGOS PO LA YOD CES

392b

BYA BA DANG, MED CES BYA BAR KHAS LEN PAR MI BYED DO, ,BLO GROS CHEN PO, DE LA JI LTAR NA RNAM PAR 'JIG PAR BYED PA YIN, BLO GROS CHEN POS BCOM LDAN 'DAS LA GSOL PA, BCOM LDAN 'DAS, GANG DES 'DOD CHAGS DANG, ZHE SDANG DANG, GTI MUG GI DNGOS PO KHAS BLANGS LA SLAD KYIS NI KHAS MI LEN PA DAG LAGS SO, ,BCOM LDAN 'DAS KYIS BKA' STZAL PA, BLO GROS CHEN PO, LEGS SO, ,LEGS SO, ,GANG KHYOD KYIS DE LTAR GO BA NI LEGS SO, ,BLO GROS CHEN PO, DE NI 'DOD CHAGS DANG, ZHE SDANG DANG, GTI MUG GI DNGOS PO DNGOS PO MED PA 'BA' ZHIG RNAM PAR 'JIG PAR BYED PA MA YIN GYI, NYAN THOS DANG, RANG SANGS RGYAS RNAMS KYANG RNAM PAR 'JIG PA YIN NO, ,DE CI'I PHYIR ZHE NA, 'DI LTA STE, NANG DANG PHYI ROL MI DMIGS PA'I PHYIR DANG NYON MONGS PA RNAMS THA DAD PA DANG, THA DAD PA MA YIN PA'I PHYIR RO, ,BLO GROS CHEN PO, 'DOD CHAGS DANG, ZHE SDANG DANG, GTI MUG RNAMS NI NANG DANG PHYI ROL NA'ANG MI DMIGS TE, 'DOD CHAGS DANG, ZHE SDANG DANG, GTI MUG GI DNGOS PO LUS MED PA'I PHYIR DANG, KHAS LEN PA MED PA'I PHYIR RO, , SANGS RGYAS DANG, NYAN THOS DANG, RANG SANGS RGYAS RNAMS NI RNAM PAR 'JIG PAR BYED PA MA YIN TE, SANGS RGYAS DANG, NYAN THOS DANG, RANG SANGS RGYAS DE DAG NI RANG BZHIN

393a

, ,GYIS RNAM PAR GROL BA'I PHYIR DANG, 'CHING BA DANG BCING BA'I RGYU DNGOS PO MED PA'I PHYIR RO, ,BLO GROS CHEN PO, BCING BAR BYA BA YOD NA BCING BA'ANG YOD DE, BCING BA'I RGYU YIN PA'I PHYIR RO, ,BLO GROS CHEN PO, DE SKAD DU RNAM PAR 'JIG PAR BYED PA SMRA BA 'DI'ANG MED PA'I MTSAN NYID CES BYA'O, ,BLO GROS CHEN PO, NGAS DE LA DGONGS NAS GANG ZAG TU LTA BA RI RAB TZAM YOD PA NI BLA'I, MNGON PA'I NGA RGYAL CAN GYI STONG PA NYID DU LTA BA NI MA YIN NO ZHES BSHAD DE, BLO GROS CHEN PO, MED PA'I MNGON PA'I NGA RGYAL CAN NI RNAM PAR 'JIG PAR BYED PA YIN NO, ,RANG DANG SPYI'I MTSAN NYID DU LTUNG BA'I BSAM PA CAN DAG RANG GI SEMS SNANG BA TZAM DU MI SHES PAS PHYI ROL GYI DNGOS PO RNAMS MI RTAG CING SKAD CIG MA GCIG NAS GCIG TU RNAM PAR 'JIG PAR MTHONG NAS, PHUNG PO DANG, KHAMS DANG, SKYE MCHED RNAMS NI RGYUN MI 'CHAD CING RNAM PAR 'GYUR BA DANG, YI GE'I MTSAN NYID DANG BRAL BAR RNAM PAR RTOG NA'ANG RNAM PAR 'JIG PAR BYED PA YIN NO, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,YOD DANG MED PA MTHA' GNYIS TE, ,CI TZAM SEMS KYI SPYOD YUL RNAMS, ,SPYOD YUL DE DAG RAB SPANGS NA, ,SEMS

393b

MNYAM RAB DBEN ZHI BAR 'GYUR, ,YUL GYI DNGOS LA 'DZIN MED PAS, ,'GOG PA MED PA MA YIN TE, ,YOD PA'I DNGOS RNAMS DE BZHIN NYID, ,'PHAGS PA'I SPYOD YUL JI BZHIN NO, ,RGYU MED PA LAS SKYE 'GYUR ZHING, ,BYUNG NAS DE NI 'GAG PAR 'GYUR, ,RGYU RKYEN YOD DANG MED CES PA, ,NGA YI BSTAN LA DE MI GNAS, ,MU STEGS CAN DANG SANGS RGYAS DANG, , NGA DANG GZHAN GYIS BYAS MIN TE, ,RGYU RKYEN 'DUS LAS 'BYUNG YIN NA, ,JI LTA BUR NA MED PAR 'GYUR, ,RGYU RKYEN YOD PA SUS BSAGS NA, ,MED PA ZHES NI RJOD PAR BYED, ,LOG LTA SMRA BA CHOS SKYE BA, ,RNAM PAR RTOG PAS YOD MED BRTAGS, ,GANG GIS CUNG ZAD SKYE MED DANG, ,'GAG PA MED PAR RAB SHES PA, ,'JIG RTEN DBEN PAR MTHONG BAS NA, ,YOD MED GNYIS LAS RNAM PAR 'GROL, ,DE NAS YANG BYANG CHUB SEMS DPA' SEMS DPA' CHEN PO BLO GROS CHEN POS BCOM LDAN 'DAS LA 'DI SKAD CES GSOL TO, ,BCOM LDAN 'DAS, BDAG DANG BYANG CHUB SEMS DPA' GZHAN RNAMS LA GRUB PA'I MTHA'I TSUL GYI MTSAN NYID BSHAD DU GSOL, GRUB PA'I MTHA'I TSUL GYI MTSAN NYID RAB TU DBYE BA LA MKHAS PAR GYUR NA BDAG DANG BYANG CHUB SEMS DPA' RNAMS DE'I MTSAN NYID RTOGS PAR 'GYUR TE, DE'I MTSAN NYID RTOGS NAS KYANG MYUR DU BLA NA MED PA YANG DAG PAR RDZOGS PA'I BYANG CHUB

394a

, ,MNGON PAR RDZOGS PAR 'TSANG RGYA ZHING RTOG PA'I MTSAN NYID DANG, BDUD DANG MU STEGS CAN GYI RJES SU 'BRANG BAR MI 'GYUR RO, ,BCOM LDAN 'DAS KYIS BKA' STZAL PA, BLO GROS CHEN PO, DE'I PHYIR SHIN TU LEGS PAR NYON LA YID LA GZUNG ZHIG DANG, NGAS KHYOD LA BSHAD DO, ,BLO GROS CHEN POS BCOM LDAN 'DAS LA DE BZHIN 'TSAL LO ZHES BKA' MNYAN PA DANG, BCOM LDAN 'DAS KYIS BKA' STZAL PA, BLO GROS CHEN PO, NYAN THOS DANG, RANG SANGS RGYAS DANG, BYANG CHUB SEMS DPA' THAMS CAD KYI GRUB PA'I MTHA'I TSUL GYI MTSAN NYID NI RNAM PA GNYIS TE, 'DI LTA STE, GRUB PA'I MTHA'I TSUL DANG, BSHAD PA'I TSUL LO, ,DE LA, BLO GROS CHEN PO, GRUB PA'I MTHA'I TSUL NI 'DI LTA STE, SO SO RANG GIS RIG PA'I BYE BRAG GI MTSAN NYID THOB PA LA DMIGS PA, TSIG DANG YI GE'I RNAM PAR RTOG PA DANG BRAL BA, ZAG PA MED PA'I DBYINGS SU 'JUG PA; RANG GIS RTOGS PA'I SA'I RANG GI MTSAN NYID YANG DAG PA MA YIN PA, RTOG PA CAN GYI 'DU SHES THAMS CAD SPANGS PA, MU STEGS CAN DANG, BDUD THAMS CAD BTUL NAS SO SO RANG GIS RIG PA'I TSUL LA DMIGS PA'I 'OD KYIS RNAM PAR MDZES PA DE NI, GRUB PA'I MTHA'I TSUL GYI MTSAN NYID CES BYA'O, ,DE LA BSHAD PA'I TSUL GYI MTSAN NYID

394b

GANG ZHE NA, 'DI LTA STE, GSUNG RAB YAN LAG RNAM PA DGU SNA TSOGS SU BSHAD PA YIN TE, THA DAD PA DANG, THA DAD PA MA YIN PA DANG, YOD PA DANG, MED PA LA SOGS PA'I MTSAN NYID SPANGS PA THABS MKHAS PAS SEMS CAN GYI MOS PA JI LTA BA BZHIN DU CHOS BSTAN NAS RNAM PAR GROL BA 'THOB PAR BYED PA DE NI BSHAD PA'I TSUL GYI MTSAN NYID CES BYA'O, ,BLO GROS CHEN PO, DE LTA BAS NA KHYOD DANG BYANG CHUB SEMS DPA' GZHAN DAG GIS DE LA BRTZON PAR BYA'O, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,GRUB PA'I MTHA' DANG BSHAD TSUL NI, ,SO SO RANG RIG BSTAN PA STE, ,GANG GIS MTHONG ZHING RAB 'BYED NA, ,DE DAG RTOG PA'I DBANG MI 'GRO ,JI LTAR BYIS PA RTOG PA BZHIN, ,YANG DAG DNGOS PO YOD MIN NA, ,CI PHYIR RTOG PA CAN RNAMS KYIS, ,DNGOS PO MED LA THAR PAR 'DOD, ,'DUS BYAS SO SOR RTOG PA'I TSE, ,SKYE 'JIG LA SOGS 'BREL MTHONG BA, ,LTA BA GNYIS PO RGYAS PAR BYED, ,PHYIN LOG SHES PA MED PA YIN, ,GCIG PA DE NI YANG DAG BDEN, ,NYES MED DE NI MYA NGAN 'DAS, ,'JIG RTEN RNAM RTOG RAB BRTAGS NA, ,SGYU MA RMI LAM CHU SHING BZHIN, ,'DOD SDANG GTI MUG YOD KYANG NI, ,YANG DAG GANG ZAG YOD PA MIN, ,SRED PA LAS NI PHUNG PO 'BYUNG, ,SRID PA SGYU MA RMI

395a

, ,LAM 'DRA, ,DE NAS BYANG CHUB SEMS DPA' BLO GROS CHEN POS BCOM LDAN 'DAS LA 'DI SKAD CES GSOL TO, ,BCOM LDAN 'DAS, YANG DAG PA MA LAGS PA YONGS SU RTOG PA'I MTSAN NYID BDAG LA BSHAD DU GSOL, YANG DAG PA MA LAGS PA'I YONGS SU RTOG PA RNAMS JI LTAR 'BYUNG BAR 'GYUR, JI LTA BU LA YANG DAG PA MA LAGS PA'I YONGS SU RTOG PA ZHES BGYI, CHOS GANG ZHIG LA YANG DAG PA MA LAGS PA YONGS SU RTOG LAGS, BCOM LDAN 'DAS KYIS BKA' STZAL PA, BLO GROS CHEN PO, LEGS SO, ,LEGS SO, ,DE BZHIN GSHEGS PA LA DE LTA BU'I DON 'DRI BAR SEMS PA NI SKYE BO MANG PO LA PHAN PA DANG, SKYE BO MANG PO LA BDE BA DANG, 'JIG RTEN LA SNYING BRTZE BA DANG, LHA DANG, MI PHAL PO CHE'I DON DANG, PHAN PA DANG BDE BA'I PHYIR ZHUGS PA YIN TE, DE'I PHYIR SHIN TU LEGS PAR NYON LA YID LA GZUNG ZHIG DANG, NGAS KHYOD LA BSHAD DO, ,BLO GROS CHEN POS BCOM LDAN 'DAS LA GSOL PA, LEGS SO, ,LEGS SO, ,BCOM LDAN 'DAS, DE BZHIN DU 'TSAL LO ZHES BKA' MNYAN PA DANG, BCOM LDAN 'DAS KYIS BKA' STZAL PA, BLO GROS CHEN PO, DON RNAM PA THA DAD PA SNA TSOGS DANG, YANG DAG PA MA YIN PA'I RNAM PAR RTOG PA SNA TSOGS LAS MNGON PAR ZHEN PA'I RNAM

395b

PAR RTOG PA 'BYUNG STE, BLO GROS CHEN PO, GZUNG BA DANG, 'DZIN PA LA MNGON PAR ZHEN PA DANG, RANG GI SEMS SNANG BA TZAM DU MA RTOGS PA DANG, YOD PA DANG MED PA'I LTA BAR LTUNG BA; MU STEGS CAN GYI LTA BA SHIN TU RGYAS PAR BYED PA DANG, RNAM PAR RTOG PA'I BAG CHAGS KYIS PHYI ROL GYI DON SNA TSOGS LA MNGON PAR ZHEN PA DANG, SEMS DANG SEMS LAS BYUNG BA'I RNAM PAR RTOG PA NI BDAG DANG BDAG GIR MNGON PAR ZHEN PA LAS 'BYUNG NGO, ,BLO GROS CHEN POS BCOM LDAN 'DAS LA GSOL PA, BCOM LDAN 'DAS, GAL TE DON RNAM PA THA DAD PA SNA TSOGS DANG, YANG DAG PA MA LAGS PA'I RNAM PAR RTOG PA SNA TSOGS LAS MNGON PAR ZHEN PA'I RNAM PAR RTOG PA 'BYUNG STE, GZUNG BA DANG, 'DZIN PA LA MNGON PAR ZHEN PA DANG, RANG GI SEMS SNANG BA TZAM DU RTOGS PA DANG, MCHIS PA DANG MA MCHIS PA'I LTA BAR LHUNG BA, MU STEGS CAN GYI LTA BA RGYAS PAR BGYID PA DANG, RNAM PAR RTOG PA'I BAG CHAGS KYIS PHYI ROL GYI DON SNA TSOGS LA MNGON PAR ZHEN PA DANG, SEMS DANG SEMS LAS BYUNG BA'I RNAM PAR RTOG PA DAG ,BDAG DANG BDAG GIR MNGON PAR ZHEN PA LAS 'BYUNG BA ZHIG LAGS NA, BCOM LDAN 'DAS, DE LTA NA NI PHYI ROL GYI DON SNA TSOGS KYI MTSAN NYID DANG, MCHIS PA DANG MA MCHIS PAR LHUNG BA'I MTSAN NYID DNGOS PO

396a

, ,DANG, DNGOS PO MA MCHIS PA DANG BRAL BA DANG, LTA BA DANG BRAL BA'I MTSAN NYID LAS JI LTAR BZLOG PA DE BZHIN DU, BCOM LDAN 'DAS, DON DAM PA'I GNAS SU'ANG TSAD MA DANG, DBANG PO DANG, YAN LAG DANG, DPE DANG, RGYU'I MTSAN NYID LAS KYANG BZLOG PAR 'GYUR RO, ,BCOM LDAN 'DAS, CI'I SLAD DU GCIG LA NI YANG DAG PA MA LAGS PA'I DON SNA TSOGS KYI DNGOS POR MNGON PAR ZHEN PA'I RNAM PAR RTOG PA 'BYUNG LA, DON DAM PA'I MTSAN NYID LA NI MNGON PAR ZHEN PA'I RNAM PAR RTOG PA MI 'BYUNG, CI BCOM LDAN 'DAS, MI MTSUNGS PA RGYUR GSUNG BAR MI 'GYUR RAM ZHE NA, GCIG LAS NI 'BYUNG, GCIG LAS NI MI 'BYUNG ZHES BKA' STZAL, BCOM LDAN 'DAS KYIS BKA' STZAL PA, BLO GROS CHEN PO, RNAM PAR RTOG PA NI GCIG LAS 'BYUNG BA'AM, GCIG LAS MI 'BYUNG BA MA YIN TE, DE CI'I PHYIR ZHE NA; 'DI LTA STE, YOD PA DANG MED PA'I RNAM PAR RTOG PA MI 'BYUNG BA'I PHYIR DANG, PHYI ROL NA SNANG BA'I DNGOS PO DNGOS PO MED PA'I PHYIR DANG, RANG GI SEMS SNANG BA TZAM DU RTOGS PA'I PHYIR RNAM PAR RTOG PA MI SKYE'O, ,BLO GROS CHEN PO, NGAS NI GZHAN BYIS PA SO SO'I SKYE BO RANG GI SEMS SNA TSOGS KYI RNAM PAR RTOG PA'I MTSAN NYID KYI PHYIR LAS KYI DNGOS

396b

PO MNGON DU GYUR PAS RNAM PAR RTOG PA SNA TSOGS KYI DNGOS PO'I MTSAN NYID LA MNGON PAR ZHEN PA 'BYUNG BAR BSHAD DE, JI LTAR NA BYIS PA SO SO'I SKYE BO 'DI DAG BDAG DANG BDAG GIR MNGON PAR ZHEN PAR LTA BA RNAM PAR SPANGS TE, BYED PA DANG, BYA BA'I RGYU RKYEN DANG, 'BRAS BU LAS BZLOG CING RNAM PAR RTOG PA, RANG GI SEMS SNANG BA TZAM DU RTOGS PAS LUS DANG SEMS SHIN TU GYUR TE, SA THAMS CAD LA MTHAR PHYIN PAR MKHAS SHING DE BZHIN GSHEGS PA DAG GI SO SO RANG GIS RIG PA'I SPYOD YUL LA 'JUG PA DANG, CHOS LNGA DANG, RANG BZHIN DANG, DNGOS POR LTA BA'I RNAM PAR RTOG PA LAS LDOG PA 'THOB PAR 'GYUR SNYAM NAS, RGYU DE DANG RKYEN DE'I PHYIR NGAS RNAM PAR RTOG PA RNAMS NI YANG DAG PA MA YIN PA'I DON SNA TSOGS LA MNGON PAR ZHEN PA LAS 'BYUNG NGO ZHES BSHAD PA YIN TE, YANG DAG PA'I DON JI LTA BA BZHIN DU YONGS SU SHES PAS NA RNAM PAR GROL BA 'THOB STE; RNAM PAR RTOG PA SNA TSOGS 'BYUNG BAR MI 'GYUR RO, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,RGYU RNAMS DANG NI RKYEN RNAMS KYIS, ,GANG RNAMS 'JIG RTEN 'BYUNG ZHES PA, ,RNAM RTOG MTHA' BZHIR ZHEN PA STE, ,DE DAG NGA YI TSUL MI SHES, ,'JIG RTEN YOD LAS MI SKYE STE, ,DE

397a

, ,BZHIN MED LAS SKYE BA'ANG MIN, ,YOD MED LAS KYANG MI SKYE ZHING, ,YOD MIN MED MIN LAS MIN NA, ,RGYU DAG DANG NI RKYEN RNAMS SU, ,BYIS PA RNAMS NI CI PHYIR RTOG ,YOD PA MA YIN MED PA'ANG MIN, ,DE BZHIN YOD MED GNYIS KA MIN, ,DE LTAR 'JIG RTEN RAB MTHONG NA, ,SEMS GYUR BDAG MED PA YANG 'THOB, ,DNGOS PO THAMS CAD MI SKYE STE, ,RKYEN RNAMS LAS NI BYUNG BA'I PHYIR, ,THAMS CAD RKYEN GYIS BYAS PA YIN, ,BYAS PA RNAMS NI BDAG YOD MIN, ,DNGOS POS DNGOS PO MI SKYED DE; ;DNGOS PO GNYIS YOD SKYON PHYIR DANG, ,DNGOS PO GNYIS MED SKYON GYI PHYIR, ,DNGOS PO RNAMS NI GNYIS SU MED, ,'DUS BYAS CHOS RNAMS RAB BRTAGS TE, ,DMIGS BYED DMIGS BYA YONGS SPANGS NA, ,DE NI SEMS MED SEMS TZAM STE, ,SEMS TZAM DU YANG NGAS BSHAD DO, ,TZAM NI NGO BO NYID KYI GNAS, ,RKYEN DNGOS GNYIS KA SPANGS PA STE; ;DNGOS PO MTHAR THUG DAG GI MCHOG ,SEMS TZAM ZHES NI NGAS BSHAD DO, ,KUN RDZOB BDAG CES NYER BRTAG PA, ,DE NI RDZAS SU YOD MA YIN, ,PHUNG PO PHUNG PO ZHES BTAGS PA; ;DNGOS MED PA YANG DE BZHIN NO, ,MNYAM PA NYID NI RNAM BZHI STE, ,MTSAN NYID DANG RGYU DNGOS LAS BYUNG, ,GSUM PA BDAG MED MNYAM PA STE, ,BZHI PA RNAL 'BYOR RNAL

397b

'BYOR PA, ,RNAM RTOG BAG CHAGS G-YOS PAS NA, ,SEMS NI RNAM PA SNA TSOGS SKYES, ,YUL RNAMS PHYI ROL SNANG BAR GYUR, ,DE NI 'JIG RTEN SEMS TZAM MO, ,PHYI ROL SNANG BA YOD MIN TE, ,SEMS NI SNA TSOGS RNAMS SU SNANG, ,LUS DANG LONGS SPYOD RNAMS GZHAG PA, ,SEMS TZAM DU NI NGAS BSHAD DO, ,LTA BA THAMS CAD YONGS SPANGS SHING,, RTOG DANG BRTAG BYA BRAL BA STE, ,DMIGS MED SKYE BA MED PA NI, ,SEMS TZAM DU YANG NGAS BSHAD DO, ,DNGOS MED DNGOS MED MA YIN PA, ,DNGOS DANG DNGOS MED SPANGS PAS NA, , SEMS DE RNAM PAR GROL ZHES PA, ,SEMS TZAM DU YANG NGAS BSHAD DO, ,DE BZHIN NYID DANG YANG DAG MTHA', ,MYA NGAN 'DAS DANG CHOS KYI DBYINGS, ,SNA TSOGS YID KYI LUS RNAMS NI, ,SEMS TZAM DU YANG NGAS BSHAD DO, ,DE NAS BYANG CHUB SEMS DPA' BLO GROS CHEN POS BCOM LDAN 'DAS LA 'DI SKAD CES GSOL TO, ,'DI LTAR BCOM LDAN 'DAS KYIS BYANG CHUB SEMS DPA' SEMS DPA' CHEN PO RNAMS NGAG DANG DON LA MKHAS PAR BYA'O ZHES GSUNGS NA, JI LTAR NA BYANG CHUB SEMS DPA' NGAG DANG DON LA MKHAS PA LAGS, DE LA NGAG NI JI LTA BU, DON NI JI LTA BU LAGS, BCOM LDAN 'DAS KYIS BKA' STZAL PA, BLO GROS CHEN PO, DE'I PHYIR SHIN TU LEGS PAR NYON LA YID LA

398a

, ,GZUNG ZHIG DANG NGAS KHYOD LA BSHAD DO, ,BLO GROS CHEN POS BCOM LDAN 'DAS LA GSOL PA, LEGS SO, ,BCOM LDAN 'DAS, DE BZHIN DU 'TSAL LO ZHES BKA' MNYAN PA DANG, BCOM LDAN 'DAS KYIS BKA' STZAL PA, DE LA, BLO GROS CHEN PO, NGAG GANG ZHE NA, 'DI LTA STE, TSIG DANG YI GE'I RNAM PAR RTOG PA PHRAD PA YIN TE; MGRIN PA DANG, MID PA DANG, MCHU DANG, LCE DANG, SO DANG, RKAN DANG, 'GRAM PA LA BRTEN NAS NGAG TU BRJOD PA'I RNAM PAR RTOG PA'I BAG CHAGS KYI RGYU DE LAS BYUNG BA DE NI NGAG CES BYA'O, ,BLO GROS CHEN PO, DON GANG ZHE NA, 'DI LTA STE, RNAM PAR RTOG PA'I MTSAN NYID THAMS CAD DANG, BRJOD PA'I MTSAN NYID YONGS SU SPANGS PA DE NI DON CES BYA'O, ,BLO GROS CHEN PO, BYANG CHUB SEMS DPA' SEMS DPA' CHEN POS DON 'DI LTA BU'I PHYIR GCIG PU DBEN PAR SONG NAS THOS PA DANG, BSAMS PA DANG, BSGOMS PA'I SHES RAB KYIS RANG GIS RIG PA LA DMIGS SHING MYA NGAN LAS 'DA' BA'I GRONG KHYER DU 'GRO BA, BAG CHAGS KYI LUS RAB TU GYUR NAS SO SO RANG GIS RIG PA'I SPYOD YUL SONG [?] BA'I GNAS GZHAN GYI BYE BRAG GI DON GYI MTSAN NYID LA RAB TU SPYOD PA DE NI BYANG CHUB SEMS DPA' SEMS DPA' CHEN PO RNAMS KYI DON LA MKHAS PA YIN NO,,

398b

GZHAN YANG, BLO GROS CHEN PO, NGAG GI DON LA MKHAS PA'I BYANG CHUB SEMS DPA' SEMS DPA' CHEN PO NI NGAG DANG DON THA DAD PA'ANG MA YIN, THA MI DAD PAR YANG MA YIN PAR SO SOR RAB TU RTOG STE, DON DANG NGAG LA SO SOR RTOG PA'ANG DE BZHIN NO, ,GAL TE NGAG DANG DON THA DAD NA NI DON GSAL BAR BYED PA'I RGYU DAG MA YIN PAR 'GYUR PA ZHIG NA, NGAG GI DON GYI RJES SU 'JUG STE, JI LTAR MAR MES GZUGS LA SOGS PA GSEL BAR BYED PA BZHIN NO, ,GZHAN YANG, BLO GROS CHEN PO, MA SKYES PA DANG, MA 'GAGS PA DANG, RANG BZHIN GYIS YONGS SU MYA NGAN LAS 'DAS PA DANG, THEG PA GSUM DANG, THEG PA GCIG DANG, SEMS DANG RANG BZHIN LA SOGS PA LA SGRA JI BZHIN DU MNGON PAR ZHEN PA LA BRTEN NAS MNGON PAR ZHEN PA NI SGRO 'DOGS PA DANG, SKUR PA'I MTHAR LHUNG BA YIN NO, ,LTA BA RNAM PA GZHAN DU GNAS LA RNAM PAR BZHAG PA GZHAN DU RNAM PAR RTOG PA NI SGYU MA LTA BU'I RNAM PAR RTOG PA SNA TSOGS SU SNANG STE, JI LTAR SGYU MA SNA TSOGS SU SNANG BA DE BZHIN DU BYIS PA SO SO'I SKYE BO RNAMS RNAM PA GZHAN DU SO SOR RNAM PAR RTOG GI ,'PHAGS PA RNAMS NI MA YIN NO, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,SGRA BZHIN RNAM

399a

, ,RTOG DE DAG GIS, ,CHOS RNAMS GANG DAG RNAM GZHAG PA, ,DE LTAR DE DAG SGRO BTAGS PAS, ,SHI 'PHOS DMYAL BA'I GNAS SU LHUNG, ,PHUNG PO RNAMS LA BDAG MED DE, ,PHUNG PO NYID KYANG BDAG MA YIN, ,DE DAG BTAGS PA BZHIN DU MED, ,MED PA NYID KYANG MA YIN NO, ,DNGOS PO THAMS CAD YOD GYUR LA, ,JI LTAR BYIS PAS BRTAGS PA LTAR, ,DE STE MTHONG BZHIN DE YOD NA, ,THAMS CAD BDEN PA MTHONG BAR 'GYUR, ,CHOS RNAMS DNGOS PO MED NA NI, ,RNAM DAG MA DAG YOD MA YIN, ,JI LTAR MTHONG BA BZHIN MIN TE, ,DE DAG MED PA'ANG MA YIN NO, ,GZHAN YANG, BLO GROS CHEN PO, YE SHES DANG RNAM PAR SHES PA'I MTSAN NYID BSHAD PAR BYA STE, GAL TE YE SHES DANG RNAM PAR SHES PA'I MTSAN NYID RAB TU DBYE BA LA MKHAS PAR GYUR NA, KHYOD DANG BYANG CHUB SEMS DPA' RNAMS YE SHES DANG, RNAM PAR SHES PA'I MTSAN NYID RTOGS PAR KHONG DU CHUD CING MYUR DU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR RO, ,DE LA, BLO GROS CHEN PO, YE SHES DE NI RNAM PA GSUM YOD DE, 'DI LTA STE, 'JIG RTEN PA DANG, 'JIG RTEN LAS 'DAS PA DANG, 'JIG RTEN LAS 'DAS PA'I MCHOG GO ,DE LA 'JIG RTEN PA'I

399b

YE SHES GANG ZHE NA, 'DI LTA STE, MU STEGS CAN DANG, BYIS PA SO SO'I SKYE BO RNAMS YOD PA DANG, MED PA LA MNGON PAR ZHEN PA'O, ,'JIG RTEN LAS 'DAS PA'I YE SHES GANG ZHE NA, 'DI LTA STE, NYAN THOS DANG, RANG SANGS RGYAS THAMS CAD RANG DANG SPYI'I MTSAN NYID DU LHUNG BA'I BSAM PA LA MNGON PAR ZHEN PA'O, ,'JIG RTEN LAS 'DAS PA MCHOG GI YE SHES GANG ZHE NA, 'DI LTA STE, SANGS RGYAS DANG BYANG CHUB SEMS DPA' RNAMS KYI SNANG BA MED PA'I CHOS LA RAB TU RNAM PAR 'BYED PA DANG, SKYE BA MED PA DANG, 'GAG PA MED PAR MTHONG BA DANG, YOD PA DANG, MED PA'I PHYOGS DANG BRAL BA, DE BZHIN GSHEGS PA'I SA, GANG ZAG DANG, CHOS BDAG TU MED PA SO SO RANG GIS RIG PA LAS BYUNG BA'O, ,GZHAN YANG YE SHES NI RNAM PA GSUM YOD DE, 'DI LTA STE, SKYE BA DANG 'JIG PA RTOGS PA'I YE SHES DANG, RANG DANG SPYI'I MTSAN NYID RTOGS PA'I YE SHES DANG, SKYE BA MED PA DANG 'GAG PA MED PA RTOGS PA'I YE SHES SO, ,BLO GROS CHEN PO, DE LA SKYE ZHING 'JIG PA NI RNAM PAR SHES PA'O, ,MI SKYE MI 'JIG PA NI YE SHES SO, ,MTSAN MA DANG MTSAN MA MED PAR LHUNG BA DANG, YOD PA DANG MED PAR LHUNG BA DANG, MTSAN NYID SNA TSOGS KYI RGYU LAS SKYES PA NI RNAM PAR SHES PA'O, ,YOD PA DANG MED PA'I MTSAN NYID LAS SHIN TU

400a

, ,'DAS PA NI YE SHES SO, ,GZHAN YANG SKYE BA DANG LDAN PA'I MTSAN NYID NI RNAM PAR SHES PA'O, ,SKYE BA MED PA DANG LDAN PA'I MTSAN NYID NI YE SHES SO, ,GZHAN YANG THOGS PA MED PA'I MTSAN NYID NI YE SHES SO, ,YUL SNA TSOGS LA THOGS PA DANG BCAS PA'I MTSAN NYID NI RNAM PAR SHES PA'O, ,GZHAN YANG DNGOS PO GSUM 'DUS PA LAS SKYE BA'I THABS KYI MTSAN NYID NI RNAM PAR SHES PA'O, ,DNGOS PO DANG THABS MED PA'I RANG BZHIN GYI MTSAN NYID NI YE SHES SO, ,GZHAN YANG THOB PA'I MTSAN NYID NI RNAM PAR SHES PA'O, ,THOB PA MED PA'I MTSAN NYID NI YE SHES TE, RANG NYID 'PHAGS PA'I SO SO RANG GIS RIG PA'I YE SHES KYI SPYOD YUL RTOGS PAS NA MI 'JUG MI 'BYUNG BA'I PHYIR CHU'I ZLA BA BZHIN NO, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,LAS RNAMS GSOG PA RNAMS SHES TE, ,MI GSOG DE NI YE SHES SO, ,CHOS RNAMS SO SOR RAB BRTAGS TE, ,SNANG BA MED PAR RTOGS PA DANG, ,DBANG DANG STOBS KYANG THOB GYUR NA, ,DE NI SHES RAB CES BYA'O, ,YUL DANG 'BREL PA SEMS YIN TE, ,RNAM RTOG RIG PA YE SHES YIN, ,SNANG BA MED DANG KHYAD PAR LAS, ,SHES RAB DAG NI SKYE BAR 'GYUR, ,SEMS DANG YID DANG

400b

RNAM SHES DANG, RTOGS PA'I 'DU SHES SPANGS PA DANG, ,RNAM RTOG MED PA'I CHOS THOB PA, ,RGYAL SRAS YIN TE NYAN THOS MIN, ,RANG ZHI KHYAD PAR BZOD PA DANG, ,DE BZHIN GSHEGS PA RNAM DAG GI ,YE SHES LAS NI DON DGE SKYE, ,KUN TU SPYOD PA RNAM PAR SPANGS, ,NGA YI YE SHES RNAM GSUM STE, ,'PHAGS PAS YANG DAG RAB TU PHYE, ,MTSAN NYID DE LA RTOG PA NI, ,DNGOS PO RNAMS DANG 'BREL BA'O, ,THEG PA GNYIS NI LDAN PA MIN, ,YE SHES SNANG BA RNAM PAR SPANGS, ,DNGOS PO YOD PAR ZHEN PA NI, ,NYAN THOS RNAMS LAS BYUNG BA YIN, ,SEMS TZAM LAS NI 'DAS PA NA, ,BDE GSHEGS YE SHES DRI MA MED, ,GZHAN YANG, BLO GROS CHEN PO, MU STEGS CAN RNAMS LA RNAM PAR 'GYUR BAR SMRA BA RNAM PA DGU YOD PAS MU STEGS CAN RNAMS KYI 'GYUR BAR LTA BA SKYE'O, ,'DI LTA STE, DBYIBS 'GYUR BA DANG, MTSAN NYID 'GYUR BA DANG, RGYU 'GYUR BA DANG, RIGS 'GYUR BA DANG, LTA BA 'GYUR BA DANG, NGO BO NYID 'GYUR BA DANG, RKYEN SNANG BAR BYED PA 'GYUR BA DANG, BYA BA SNANG BAR BYED PA 'GYUR BA DANG, DNGOS PO 'GYUR BA'O, ,BLO GROS CHEN PO, 'DI NI RNAM PAR 'GYUR BA'I LTA BA RNAM PA DGU ZHES BYA STE, DE'I RGYUS MU STEGS CAN THAMS CAD YOD PA DANG MED PA LAS SKYE BA'I RNAM PAR 'GYUR BA SMRA BAR 'GYUR BA YIN NO, ,DE LA DBYIBS 'GYUR

401a

, ,BA GANG ZHE NA, 'DI LTAR DBYIBS GZHAN DU 'GYUR BAR MTHONG BA STE, DPER NA, GSER LAS SNOD DANG, RGYAN SNA TSOGS SU BYAS PAS DBYIBS SNA TSOGS SU GYUR PAR SNANG YANG GSER GYI NGO BO NYID LA 'GYUR BA MED PA DE BZHIN DU DNGOS PO THAMS CAD 'GYUR BA'ANG DE BZHIN NA ZHES RTOG PA'O, ,MU STEGS CAN KHA CIG NI 'DI LTAR RTOG STE, DNGOS PO 'GYUR GYI RNAM PAR RTOG PA DE DAG NI DE BZHIN DU'ANG MA YIN, GZHAN DU'ANG MA YIN PAR RNAM PAR RTOG PA'I PHYIR DE LTAR DNGOS PO THAMS CAD 'GYUR BA DANG, 'O MA DANG, ZHO DANG, CHANG DANG, 'BRAS BU SMIN PA LTA BUR SHES PAR BYA STE, MU STEGS CAN DAG GIS RNAM PAR 'GYUR BAR BRTAGS PA'I RNAM PAR 'GYUR BA DE DAG MED PAS NA YOD PA'AM MED PA NI RANG GI SEMS SNANG BA TZAM DU ZAD DE, PHYI ROL GYI DNGOS PO NI DNGOS PO MED PA'O, ,BLO GROS CHEN PO, DE BZHIN DU BYIS PA SO SO'I SKYE BO RNAMS RANG GI RNAM PAR RTOG PA LA GOMS PAS NA, BLO GROS CHEN PO, CHOS GANG YANG SKYE BA'AM, 'JIG PA MED DE, JI LTAR SGYU MA DANG, RMI LAM GYI GZUGS SKYE BAR MTHONG BA BZHIN NO, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,DBYIBS GNAS DUS NI 'GYUR

401b

BA LAS, ,'BYUNG BA CHEN PO'I DBANG PO DANG, ,SRID PA BAR MA RIM SKYE BAR, ,RTOG PA YIN TE MKHAS PA MIN, ,RGYAL BAS RTEN CING 'BREL 'BYUNG LA, ,DE DAG LTAR NI RTOG MA YIN, , 'ON KYANG 'JIG RTEN RTEN 'BREL NI, ,DRI ZA'I GRONG KHYER JI BZHIN NO, ,BYANG CHUB SEMS DPA' BLO GROS CHEN POS BCOM LDAN 'DAS LA 'DI SKAD CES GSOL TO, ,BCOM LDAN 'DAS CHOS THAMS CAD KYI MTSAMS SBYOR BA'I DON DANG, RNAM PAR GROL BA'I DON BSHAD DU GSOL, GAL TE MTSAMS SBYOR BA DANG, MTSAMS SBYOR BA MA LAGS PA'I MTSAN NYID RAB TU 'BYED PA LA MKHAS PAR GYUR NA, BDAG DANG BYANG CHUB SEMS DPA' RNAMS MTSAMS SBYOR BA THAMS CAD KYI THABS LA MKHAS PAS SGRA JI BZHIN GYI DON LA MNGON PAR ZHEN PA'I MTSAMS SBYOR BAR MI LTUNG BA DANG, CHOS THAMS CAD KYI MTSAMS SBYOR BA DANG, MTSAMS SBYOR BA MA LAGS PA'I MTSAN NYID LA MKHAS PAS TSIG DANG YI GE LA RNAM PAR RTOG PA'I BLO YONGS SU SPANGS TE, SANGS RGYAS KYI ZHING THAMS CAD BGROD CING 'KHOR GYI DKYIL 'KHOR DPAG TU MA MCHIS PAR MCHI BA DANG, STOBS DANG, DBANG BA DANG, MNGON PAR SHES PA DANG, GZUNGS KYI PHYAG RGYA DANG, SPRUL PA SNA TSOGS DANG, 'OD ZER GYIS KUN TU GSAL BAR BGYID CING RIG PA'I BLOS MTHAR THUG PA'I

402a

, ,GNAS BCU LA RAB TU 'JUG PA DANG, SBYOR BA MNGON PAR 'DU BGYID PA MA MCHIS PAS NYI MA DANG, ZLA BA DANG, NOR BU DANG, 'BYUNG BA CHEN PO BZHI DANG MTSUNGS PA DANG, SA THAMS CAD LA RANG GI SEMS RNAM PAR RTOG PA'I MTSAN NYID DU LTA BA SPANGS SHING CHOS THAMS CAD SGYU MA DANG, RMI LAM LA SOGS PA LTA BUR MTHONG BAS SANGS RGYAS KYI SA DANG SKU LA 'JUG PA DANG, SEMS CAN GYI KHAMS THAMS CAD LA CI RIGS PAR CHOS STON PAS DRANGS TE, CHOS THAMS CAD SGYU MA DANG, RMI LAM LA SOGS PA LTA BUR KHONG DU CHUD PAR BGYI BA DANG, MCHIS PA DANG MA MCHIS PA'I PHYOGS DANG, SKYE BA DANG 'JIG PA'I RNAM PAR RTOG PA SPONG BAR BRJOD PA DANG, THA DAD PA'I DON LA RAB TU 'GOD PAS LUS KHYAD PAR CAN DU'ANG 'GYUR RO, ,BCOM LDAN 'DAS KYIS BKA' STZAL PA, BLO GROS CHEN PO, LEGS SO, ,LEGS SO, ,DE'I PHYIR SHIN TU LEGS PAR NYON LA YID LA ZUNGS SHIG DANG, NGAS KHYOD LA BSHAD DO, ,BLO GROS CHEN POS BCOM LDAN 'DAS LA GSOL PA, DE BZHIN DU 'TSAL LO ZHES BKA' MNYAN PA DANG, BCOM LDAN 'DAS KYIS BKA' STZAL PA, BLO GROS CHEN PO, CHOS THAMS CAD LA SGRA JI BZHIN DU MNGON

402b

MNGON PAR ZHAN PA'I MTSAMS SBYOR BA NI TSAD MED DE, 'DI LTA STE, MTSAN NYID LA MNGON BAR ZHEN PA'I MTSAMS SBYOR BA DANG, RKYEN LA MNGON BAR ZHEN PA'I MTSAMS SBYOR BA DANG, DNGOS PO DANG DNGOS PO MED PA LA MNGON PAR ZHEN PA'I MTSAMS SBYOR BA DANG, SKYE BA DANG MI SKYE BAR RNAM PAR RTOG PA LA MNGON PAR ZHEN PA'I MTSAMS SBYOR BA DANG, 'GOG PA MA YIN PAR RNAM PAR RTOG PA MNGON PAR ZHEN PA'I MTSAMS SBYOR BA DANG, THEG PA DANG THEG PA MA YIN PAR RNAM PAR RTOG PA MNGON PAR ZHEN PA'I MTSAMS SBYOR BA DANG, 'DUS BYAS DANG 'DUS MA BYAS SU RNAM PAR RTOG PA MNGON PAR ZHEN PA'I MTSAMS SBYOR BA DANG, SA DANG SA'I RANG GI MTSAN NYID LA RNAM PAR RTOG PA MNGON PAR ZHEN PA'I MTSAMS SBYOR BA DANG, RANG GI RNAM PAR RTOG PA LA BAR CHAD MED PA YOD PAR RNAM PAR RTOG PA MNGON PAR ZHEN PA'I MTSAMS SBYOR BA DANG, YOD PA DANG MED PA'I PHYOGS MU STEGS CAN GYI GNAS LA RNAM PAR RTOG PA MNGON PAR ZHEN PA'I MTSAMS SBYOR BA DANG, THEG PA GSUM DANG, THEG PA GCIG LA BAR CHAD MED PA YOD PAR RNAM PAR RTOG PA MNGON PAR ZHEN PA'I MTSAMS SBYOR BA'O, ,BLO GROS CHEN PO, DE DAG DANG GZHAN RNAMS KYANG BYIS PA SO SO'I SKYE BO RNAMS KYIS RANG GI

403a

, ,RNAM PAR RTOG PAS MTSAMS SBYOR BA YIN TE, DE LTAR MTSAMS SBYOR BA'I PHYIR BYIS PA SO SO'I SKYE BO RNAMS RNAM PAR RTOG PAR BYED PAS JI LTAR DAR GYI SRIN BU SKON PAR BYED PA BZHIN DU RNAM PAR RTOG PA'I DAR SKUD KYIS BDAG DANG GZHAN LA YONGS SU DKRI ZHING YOD PA DANG MED PAR MTSAMS SBYOR BA'I MTSAN NYID LA MNGON PAR ZHEN TO, ,BLO GROS CHEN PO, 'DI LA MTSAMS SBYOR BA DANG, MTSAMS MI SBYOR BA'I MTSAN NYID GANG YANG MED DE, CHOS THAMS CAD RAB TU DBEN PAR MTHONG BAS RNAM PAR RTOG PA MI 'BYUNG BA'I PHYIR BYANG CHUB SEMS DPA' SEMS DPA' CHEN PO RNAMS CHOS THAMS CAD RAB TU DBEN PAR MTHONG NGO,, GZHAN YANG, BLO GROS CHEN PO, PHYI ROL GYI DNGOS PO RNAMS DNGOS PO MED PA DANG, RANG GI SEMS SNANG BA'I MTSAN NYID DU KHONG DU CHUD CING SNANG BA MED PA DANG, RANG GI SEMS SNANG BA TZAM DU SO SOR RTOG PA'I RJES SU 'BRANG BA DANG, YOD PA DANG MED PA'I DNGOS PO THAMS CAD KYI MTSAN MA MED PA DANG, RNAM PAR RTOG PA'I MTSAMS SBYOR BA RAB TU DBEN PAR MTHONG BA'I PHYIR CHOS THAMS CAD LA MTSAMS SBYOR BA'ANG MED, MTSAMS SBYOR BA MA YIN PA'I MTSAN NYID KYANG MED DO, ,BLO GROS CHEN PO,

403b

'DI LA GANG YANG 'CHING BA'AM GROL BA MED DE, GZHAN DU NA YANG DAG PA MA YIN PAR LHUNG BA'I BLO CAN DAG GIS BCINGS PA DANG GROL BA YOD PAR SHES SO, ,DE CI'I PHYIR ZHE NA, 'DI LTA STE, CHOS THAMS CAD LA YOD PA DANG, MED PA DANG, SEMS CAN MI DMIGS PA'I PHYIR RO, ,GZHAN YANG, BLO GROS CHEN PO, BYIS PA SO SO'I SKYE BO RNAMS KYI MTSAMS SBYOR BA NI RNAM PA GSUM YOD DE, 'DI LTA STE, 'DOD CHAGS DANG, ZHE SDANG DANG, GTI MUG YIN TE, MA 'ONGS PA LA SRED PA'ANG SRID PA LA DGA' BA'I 'DOD CHAGS DANG LDAN PA DES MTSAMS SBYOR BA'I PHYIR, SRID PA'I 'GRO BA RNAMS SU MTSAMS SBYOR BAR 'GYUR RO, ,DE'I MTSAMS SBYOR BA NI 'GRO BA LNGA PO RNAMS SU MTSAMS SBYOR BA YIN TE, BLO GROS CHEN PO, MTSAMS SBYOR BA BCAD PA LA NI MTSAMS SBYOR BA DANG, MTSAMS SBYOR BA MA YIN PA'I MTSAN NYID GANG YANG MED DO, ,GZHAN YANG BLO GROS CHEN PO, GSUM 'DUS PA'I RKYEN DANG, BYA BA'I SBYOR BA LA MNGON PAR ZHEN PA RNAM PAR SHES PA RNAMS KYI MTSAMS SBYOR BA BAR CHAD MED PAR 'BYUNG NGO, ,SBYOR BA LA MNGON PAR ZHEN PAS SRID PA'I MTSAMS SBYOR BAR 'GYUR TE, GSUM 'DUS PA'I RKYEN GYIS RNAM PAR SHES PA SPANGS SHING RNAM PAR THAR PA GSUM MTHONG NA, MTSAMS

404a

, ,SBYOR BA THAMS CAD MI 'BYUNG NGO, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,YANG DAG MA YIN RNAM RTOG NI, ,MTSAMS SBYOR MTSAN NYID CES BYA STE, ,DE DAG YANG DAG YONGS SHES NA, ,MTSAMS SBYOR DRA BA CHOD PAR 'GYUR, ,DNGOS PO RNAMS NI MA SHES PAS, ,SGRA YI RJES SU 'DZIN PAR BYED, ,JI LTAR DAR GYI SRIN BU BZHIN, ,MTSAMS SBYOR DRA BAS RANG LA 'CHING, ,BYIS PA RNAM RTOG RAB BCINGS PAS, ,MTSAMS SBYOR SO SOR RTOG MI BYED,, ,,'PHAGS PA LANGKAR GSHEGS PA RIN PO CHE'I MDO LAS, BAM PO DRUG PA, YANG BLO GROS CHEN POS BCOM LDAN 'DAS LA GSOL PA, BCOM LDAN 'DAS KYIS JI SKAD DU RNAM PAR RTOG PA GANG DANG GANG GIS DNGOS PO GANG DANG GANG BRTAGS PA DE DANG DE DAG NI KUN BRTAGS PA NYID DE, DE DAG LA RANG BZHIN MED PAS KUN BRTAGS PA'I RANG BZHIN KHO NA'O ZHES GANG GSUNGS PA, BCOM LDAN 'DAS, GAL TE KUN BRTAGS PA'I RANG BZHIN TZAM KHO NA STE, DNGOS PO'I RANG BZHIN GYI MTSAN NYID LA LTOS PA ZHIG MA LAGS NA, BCOM LDAN 'DAS, KUN NAS NYON MONGS PA DANG, NAM BAR BYANG BA DNGOS PO MA MCHIS PAR BKA' STZAL PA'I SKYON DU MI 'GYUR BA LAGS SA MA, CHOS THAMS

404b

CAD NI KUN BRTAGS PA'I RANG BZHIN NYID DE DNGOS PO MA MCHIS PA'I SLAD DU'O, ,BCOM LDAN 'DAS KYIS BKA' STZAL PA, BLO GROS CHEN PO, DE DE BZHIN TE, KHYOD KYIS JI SKAD SMRAS PA BZHIN NO, ,BLO GROS CHEN PO, JI LTAR BYIS PA SO SO'I SKYE BO RNAMS KYIS DNGOS PO'I RANG BZHIN DU RNAM PAR BRTAGS PA LTAR YANG DAG PA NYID NI DE LTA MA YIN PAS KUN BRTAGS PA'I RANG BZHIN DE NI DNGOS PO'I RANG BZHIN GYI MTSAN NYID DU YOD PA MA YIN TE, 'ON KYANG, BLO GROS CHEN PO, 'PHAGS PA RNAMS KYI YE SHES KYIS DNGOS PO YOD PA'I RANG BZHIN JI LTA BA BZHIN DU 'PHAGS PA'I YE SHES DANG, 'PHAGS PA'I MTHONG BA DANG, 'PHAGS PA'I SHES RAB KYI MIG GIS DNGOS PO'I RANG BZHIN DE BZHIN DU RTOGS SO, ,BLO GROS CHEN POS GSOL PA, BCOM LDAN 'DAS, GAL TE 'PHAGS PA RNAMS KYI 'PHAGS PA'I YE SHES DANG, 'PHAGS PA'I MTHONG BA DANG, 'PHAGS PA'I SHES RAB KYI MIG GIS LAGS KYI, LHA'I MIG DANG, SHA'I MIG GI DNGOS PO'I RANG BZHIN DE BZHIN DU RTOGS PAR MI 'GYUR TE, BYIS PA SO SO'I SKYE BO DAG GIS JI LTAR BRTAGS PA DE LTAR MA LAGS NA, BCOM LDAN 'DAS, JI LTAR GYIS PA SO SO'I SKYE BO RNAMS KYI RNAM PAR RTOG PA LDOG PAR 'GYUR TE, 'PHAGS PA'I NGO BO NYID KYI DNGOS PO KHONG DU MA CHUD PA'I SLAD DU'O, ,BCOM

405a

, ,LDAN 'DAS, DE DAG NI PHYIN CI LOG KYANG MA LAGS, PHYIN CI MA LOG PA'ANG MA LAGS SO, ,DE CI'I SLAD DU ZHE NA, 'DI LTA STE, 'PHAGS PA'I DNGOS PO'I NGO BO'I RANG BZHIN KHONG DU MA CHUD PA DANG, MCHIS PA DANG, MA MCHIS PA DANG BRAL BA'I MTSAN NYID MA MTHONG BA'I SLAD DU'O, ,BCOM LDAN 'DAS, 'PHAGS PA RNAMS NI 'DI LTA BU'I MTHONG BAS DE LTA BU'I DNGOS PO LTAR RNAM PAR BRTAGS PA BZHIN DU MTHONG BAR MI 'GYUR TE, RANG GI MTSAN NYID KYI YUL LA SPYOD YUL DU MI BGYID PA'I SLAD DU'O, , BCOM LDAN 'DAS, DE DAG LA'ANG DNGOS PO'I RANG BZHIN GYI MTSAN NYID RNAMS KUN BRTAGS PA'I RANG BZHIN NYID BZHIN DU SNANG STE, RGYU MA BSTAN PAS RGYU MA MCHIS PA'I SLAD DU 'DI LTA STE, DNGOS PO'I MTSAN NYID KYI LTA BAR LHUNG BAS SPYOD YUL THA DAD PAR 'GYUR TE, DE DAG JI LTA BA BZHIN DU MA LAGS PAS 'DI LTAR THUG PA MA MCHIS PA'I NONGS PAR 'GYUR TE, BCOM LDAN 'DAS, DNGOS PO'I RANG BZHIN GYI MTSAN NYID KHONG DU MA CHUD PA'I SLAD DU'O, ,BCOM LDAN 'DAS, RNAM PAR RTOG PA'I RANG BZHIN GYI RGYUS DNGOS PO'I RANG BZHIN GYI MTSAN NYID MA LAGS NA, JI LTAR KUN TU RTOG PA DE DAG KUN TU RTOG PAR MI 'GYUR ZHING, YANG DAG PA JI LTA BA BZHIN DU KUN BRTAGS LAGS PAR KHONG DU CHUD PAR 'GYUR, BCOM

405b

LDAN 'DAS, SO SOR RNAM PAR RTOG PA'I MTSAN NYID KYANG GZHAN, RANG BZHIN GYI MTSAN NYID KYANG GZHAN TE, BCOM LDAN 'DAS, RGYU MI MTSUNGS NA RNAM PAR RTOG PA DANG, RANG BZHIN GYI MTSAN NYID LA DE DAG CI'I SLAD DU SO SOR RNAM PAR RTOG PAR MI BGYID, GZHAN YANG CI'I SLAD DU BYIS PA SO SO'I SKYE BO RNAMS NI YANG DAG PA JI LTA BA BZHIN SU MI RIG STE, 'ON KYANG SEMS CAN RNAMS KYI RNAM PAR RTOG PA YONGS SU SPANG PA'I PHYIR KUN BRTAGS PA'I MTSAN NYID BZHIN NO ZHES BSTAN KYANG YANG DAG PA YOD PA MA YIN NO ZHES GSUNGS, BCOM LDAN 'DAS; CI'I SLAD DU SEMS CAN RNAMS KYIS MCHIS PA DANG MA MCHIS PA DANG MCHIS PA'I LTA BA'I DNGOS PO'I RANG BZHIN DANG, 'PHAGS PA'I YE SHES KYI SPYOD YUL LA MNGON PAR ZHEN PA DANG, MCHIS PA'I LTA BAR LHUNG BA LA MNGON PAR ZHEN PA BZLOG NAS STONG PA'I CHOS NI DNGOS PO MED NGO ZHES GSUNGS SHING 'PHAGS PA'I RANG BZHIN GYI DNGOS PO BKA' STZAL, BCOM LDAN 'DAS KYIS BKA' STZAL PA, BLO GROS CHEN PO, NGA NI STONG PA'I CHOS DNGOS PO MED PAR BSHAD PA'ANG MA YIN, YOD PA'I LTA BAR LHUNG BAS 'PHAGS PA'I YE SHES KYI RANG BZHIN GYI DNGOS PO BSTAN PA'ANG MA YIN TE, 'ON KYANG SEMS CAN RNAMS KYI SGRAG PA'I GNAS YONGS SU SPANG BA'I PHYIR SEMS CAN GANG DAG THOG MA MED PA'I DUS NAS DNGOS PO'I RANG

406a

, ,BZHIN GYI MTSAN NYID LA MNGON PAR ZHEN PA, 'PHAGS PA'I YE SHES KYI DNGOS PO'I RANG BZHIN LA MTSAN NYID DU LTA ZHING MNGON PAR ZHEN PA DAG LA STONG PA NYID KYI CHOS BSHAD DO, ,BLO GROS CHEN PO, NGAS DNGOS PO'I RANG BZHIN BSTAN PA NI MED MOD KYI, BLO GROS CHEN PO, 'ON KYANG NGA NI RANG NYID KYIS YANG DAG PA JI LTA BA BZHIN DU KHONG DU CHUD PA, STONG PA NYID KYI CHOS LA RAB TU GNAS SHING NOR PA'I MTSAN NYID DU LTA BA YONGS SU SPANGS PAS RANG GI SEMS SNANG BA DANG, DNGOS PO DANG, DNGOS PO MED PAR LTA BA DANG BRAL BA RNAM PAR THAR PA GSUM GYIS YANG DAG PA JI LTA BA BZHIN DU KHONG DU CHUD PA'I PHYAG RGYAS SHIN TU BTAB CING DNGOS PO'I RANG BZHIN RNAMS LA SO SO RANG GIS RIG PA'I BLOS SO SOR RAB TU RTOG CING GNAS PAS YOD PA DANG, MED PA'I DNGOS POR LTA BA'I MTSAN NYID YONGS SU SPANGS PA YIN NO, ,GZHAN YANG, BLO GROS CHEN PO, BYANG CHUB SEMS DPA' SEMS DPA' CHEN POS CHOS THAMS CAD MA SKYES PA'O ZHES DAM BCA' BAR MI BYA'O, ,DE CI'I PHYIR ZHE NA, 'DI LTA STE, DAM BCA' BA'I DNGOS PO THAMS CAD DNGOS PO MED PA'I PHYIR DANG, DE'I RGYU LAS SKYE BA'I MTSAN NYID KYI PHYIR CHOS THAMS CAD MA SKYES PA'O ZHES DAM BCAS TE SMRAS NA, DAM BCAS PA DE NYAMS PAR 'GYUR RO, ,GANG DAM BCAS PA DES

406b

CHOS THAMS CAD MA SKYES PA'O ZHES DAM BCAS PA DE NYAMS PAR 'GYUR BA NI 'DI LTAR DAM BCA' BA'ANG LTOS PA YOD PA LAS SKYES PA'I PHYIR RO, ,YANG MA SKYES PA ZHES DAM BCA' PA DE NI CHOS THAMS CAD KYI NANG DU GTOGS PA'I PHYIR RO, ,MA NYAMS PA'I MTSAN NYID NI MI SKYE BA'I PHYIR CHOS THAMS CAD MA SKYES PA ZHES DAM BCAS NA SMRA BA DE NYAMS PAR 'GYUR RO, ,BLO GROS CHEN PO, YOD PA DANG MED PA MA SKYES PAR DAM BCAS PA'I DAM BCAS PA DE NI DNGOS PO THAMS CAD KYI NANG DU GTOGS PA YOD PA DANG MED PA'I MTSAN NYID MI DMIGS SO, ,BLO GROS CHEN PO, GAL TE DAM BCAS PA MA SKYES PA DES DNGOS PO THAMS CAD MA SKYES PA'O ZHES DAM BCA' BAR BYED NA, DE LTA NA'ANG DAM BCAS PA LAS NYAMS PAR 'GYUR TE, 'DI LTAR YOD PA DANG MED PA'I DNGOS PO'I MTSAN NYID NI MI SKYE BA'I PHYIR DAM BCA' BAR MI BYA'O, ,YAN LAG LNGA DANG LDAN PA'I SMRA BA NI NYES PA MANG PO'I PHYIR DANG, PHAN TSUN RGYU THA DAD PA'I MTSAN NYID KYI PHYIR DANG, BYAS PA'I PHYIR YAN LAG RNAMS DAM BCA' BAR MI BYA'O, ,'DI LTA STE, CHOS THAMS CAD MA SKYES PA DANG, DE BZHIN DU CHOS THAMS CAD STONG PA DANG, RANG BZHIN MED PA'O ZHES DAM BCA' BAR MI BYA MOD KYI, BLO GROS CHEN PO, 'ON KYANG BYANG CHUB SEMS DPA' SEMS DPA' CHEN POS CHOS THAMS

407a

, ,CAD SGYU MA DANG, RMI LAM LTA BU BSTAN PAR BYA STE, SNANG BA DANG, MI SNANG BA'I MTSAN NYID KYI PHYIR LTA BA DANG, BLO SLU BAR BYED PA'I PHYIR CHOS THAMS CAD SGYU MA DANG, RMI LAM LTA BU'I NGO BO NYID DU BSTAN PAR BYA'O, ,GZHAN DU NA BYIS PA SO SO'I SKYE BO RNAMS SKRAG PA'I GNAS SPANGS BAR BYA BA'I PHYIR DANG, BLO GROS CHEN PO, BYIS PA SO SO'I SKYE BO RNAMS YOD PA DANG, MED PA'I LTA BAR LHUNG BA DE DAG SKRAG PAR MI 'GYUR ZHING THEG PA CHEN PO LAS RING DU MI 'GYUR BAR BYA BA'I PHYIR RO, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,RANG BZHIN MED PAS BRJOD DU MED, ,DNGOS PO MED CING MTSAMS SBYOR MED, ,'DI DAG RO BZHIN GYIS PA YI, ,LOG PA'I BLO YIS RNAM PAR BRTAGS, ,CHOS RNAMS THAMS CAD MA SKYES PA, ,DE NI MU STEGS GZHUNG MA YIN, ,MTHAR NI SKYE BA GANG YANG MED, ,DNGOS PO RKYEN GYIS BSGRUBS PA'O, ,CHOS RNAMS THAMS CAD MA SKYES PAS, ,BLO LDAN MTSAN MAR 'DZIN MI BYED, ,DAM BCAS RGYU LAS SKYES PA'I PHYIR, ,MKHAS PA DAG GIS YONGS SU SPONG, ,JI LTAR RAB RIB MIG CAN GYIS, ,SKRA SHAD MTSAN NYID LOG PAR MTHONG, ,DE BZHIN DNGOS POR MNGON ZHEN PA'ANG, ,BYIS PAS LOG PAR RNAM PAR BRTAGS,,

407b

JI TZAM SRID GSUM NYER 'DOGS PA, ,DNGOS PO'I RANG BZHIN YOD MA YIN, ,DNGOS PO'I RANG BZHIN NYER BTAGS PAS, ,RTOG PA CAN RNAMS RTOG PAR BYED, ,MTSAN DNGOS CHOG NI RNAM BZHAG PAS, ,YID 'KHRUG RAB TU G-YOS PAR 'GYUR, ,RGYAL SRAS RNAM RTOG DE DAG LAS, ,SHIN TU 'DAS SHING YONGS SU SPANGS, ,CHU MA YIN LA CHUR 'DZIN PA; ;DE NI SKOM GYI SRED LAS SKYES, ,BYIS PA DE BZHIN NOR BAR 'GYUR, ,'PHAGS PAS MTHONG BA DE LTA MIN, ,'PHAGS PA'I MTHONG BA YONGS DAG STE, ,RNAM THAR TING NGE 'DZIN LAS SKYES, ,SKYE DANG 'JIG PA RAB SPANGS TE, ,SNANG BA MED LA RAB TU SPYOD, ,SNANG BA MED LA RNAL 'BYOR PAS, ,DNGOS DANG DNGOS MED PA YANG MED, ,DNGOS DANG DNGOS MED MNYAM PA NA, ,DE LA 'PHAGS PA'I 'BRAS BU SKYE, ,JI LTAR DNGOS PO DNGOS MED DANG, ,MNYAM PA NYID DU JI LTAR 'GYUR, ,SEMS KYIS DE NI MA SHES PAS, ,PHYI DANG NANG NI RAB TU G-YOS, ,NAM ZHIG DE NI 'JIG BYED NA, ,SEMS KYIS MNYAM PA NYID KYANG MTHONG, ,DE NAS BLO GROS CHEN POS BCOM LDAN 'DAS LA 'DI SKAD CES GSOL TO, ,BCOM LDAN 'DAS, BCOM LDAN 'DAS KYIS JI SKAD DU NAM DMIGS PAR BYA BA'I DNGOS PO SHES PAS MI DMIGS PA DE NA BTAGS PA TZAM DU RNAM PAR BZHAG PA YIN TE, RNAM

408a

, ,PAR BZHAG PA'I GZUNG BA MED PAS 'DZIN PA'ANG MED PA YIN NO, ,'DZIN PA MED PA'I PHYIR SHES PA'ANG MI 'JUG STE, BTAGS PA'I MING TZAM MO ZHES GSUNGS NA, BCOM LDAN 'DAS, CI DNGOS PO RNAMS KYI RANG DANG SPYI'I MTSAN NYID THA DAD PA DANG THA DAD PA MA LAGS PAR KHONG DU MA CHUD PA'I SLAD DU SHES PAS MI DMIGS LAGS SAM, 'ON TE RANG DANG SPYI'I MTSAN NYID SNA TSOGS KYIS DNGOS PO'I NGO BO NYID ZIL DU GLAG PA'I SLAD DU SHES PAS MI DMIGS LAGS SAM, DE STE RI BRAG DANG, RTZIG PA DANG, SA DANG, CHU DANG, ME DANG, RLUNG GIS BAR DU CHOD PA'I SLAD DU SHES PAS MI DMIGS LAGS SAM, HA CANG THAG RING BA DANG, NYE BA NYID DU SHES PAS MI DMIGS LAGS SAM, 'ON TE RGAN PO DANG, BYIS PA DANG, LONG BA RNAMS DBANG PO DANG MI LDAN PA'I SLAD DU SHES PAS MI DMIGS LAGS, BCOM LDAN 'DAS, GAL TE RANG DANG SPYI'I MTSAN NYID THA DAD PA DANG, THA DAD PA MA LAGS PA KHONG DU CHUD PA'I SLAD DU SHES PAS MI DMIGS PA ZHIG LAGS NA NI DE SHES PAS ZHES MI BRJOD KYI, MI SHES PA ZHES BGYI STE, DON MCHIS KYANG MI DMIGS PA'I SLAD DU'O, ,DE STE RANG DANG SPYI'I MTSAN NYID SNA TSOGS KYIS DNGOS PO'I NGO BO NYID ZIL DU RLAG PA'I SLAD DU SHES PAS MI DMIGS PA ZHIG LAGS NA NI DE'ANG MI SHES PA

408b

STE, SHES PA MA LAGS SO, ,BCOM LDAN 'DAS, SHES BYA MCHIS PA'I SLAD DU SHES PA 'BYUNG GI ,DNGOS PO MA MCHIS PA LAS NI MA LAGS TE, SHES BYA DANG LDAN PA'I SLAD DU SHES PA ZHES BGYI'O, ,DE STE RI BRAG DANG, RTZIG PA DANG, SA DANG, CHU DANG, ME DANG, RLUNG GIS CHOD PA RNAMS DANG, RGYANG RING PO DANG, NYE BA DANG, RGAN PO DANG, BYIS PA DANG, LONG PAR GYUR PAS DBANG PO RNAMS MA TSANG BAR GYUR PA'I SLAD DU SHES PAS MI DMIGS PA LAGS NA NI, DE'ANG SHES PA ZHES MI BGYI BAS MI SHES PA LAGS TE, DNGOS PO MCHIS KYANG MI DMIGS PA'I SLAD DU'O, ,BCOM LDAN 'DAS KYIS BKA' STZAL PA, BLO GROS CHEN PO, DE NI DE LTAR MI SHES PA MA YIN TE, SHES PA YIN PAS MI SHES PA MA YIN NO, ,NGAS DE LA LDEM POR DGONGS TE, NAM DMIGS PA'I DNGOS PO SHES PAS MI DMIGS PA DE NA BTAGS PA TZAM DU RNAM PAR BZHAG PA YIN NO ZHES MA BSHAD DE, RANG GI SEMS SNANG BA TZAM DU KHONG DU MA CHUD PAS YOD PA DANG MED PA LAS PHYI ROL GYI DNGOS PO DANG DNGOS PO MED PA SRID PAR SHES PAS DNGOS PO MI DMIGS PA'I PHYIR SHES PA SHES BYA LA MI 'JUG GO ,RNAM PAR THAR PA GSUM GYI RJES SU SHES PA'ANG MI DMIGS TE, RTOG PA CAN THOG MA MED PA'I DUS NAS DNGOS PO DANG DNGOS PO MED PAR SPROS PA'I BAG CHAGS KYIS BSGOS PA'I BLO CAN RNAMS KYIS DE LTAR

409a

, ,SHES PA MA YIN NO, ,SHES PA DES DE DAG MA SHES PA'I PHYIR PHYI ROL GYI DNGOS PO RNAMS KYI MTSAN NYID KYI RANG BZHIN LA DNGOS PO MED DO ZHES RNAM PAR RTOG PA MI SPONG GI ,RANG GI SEMS SNANG BA TZAM RNAM PAR 'JOG PAS BDAG DANG BDAG GI MTSAN NYID DU 'DZIN PA LA MNGON PAR ZHEN TE, RANG GI SEMS SNANG BA TZAM DU MA CHUD PAS SHES PA DANG SHES BYA LA SO SOR RNAM PAR RTOG STE, RNAM PAR RTOG PA'I PHYIR PHYI ROL GYI DNGOS PO DNGOS PO MED PAR SO SOR RNAM PAR BRTAGS KYANG MI DMIGS PAS CHAD PAR LTA BAR RAB TU RTEN TO, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,DMIGS BYA DAG NI YOD BZHIN DU, , SHES PA SO SOR MI RTOG PA, ,DE NI SHES MIN MI SHES PAR, ,RTOG GE PA YIS BSHAD PA YIN, ,THA DAD MIN PA'I MTSAN NYID DANG, ,CHOD PA DANG NI NYE RING DAG, CI STE SHES PAS MI RTOG NA, ,DE NI LOG PA'I SHES PA YIN, ,RGAN PO BYIS PA LDONGS GYUR DAG ,SHES BYA YANG DAG YOD BZHIN DU, ,SHES PA RNAMS NI MI SKYE BA, ,DE YANG LOG PA'I SHES LA YIN, ,GZHAN YANG, BLO GROS CHEN PO, BYIS PA SO SO'I SKYE BO RNAMS THOG MA MED PA'I DUS KYI YANG DAG PA MA YIN PA'I GNAS NGAN LEN GYI LOG PA'I RNAM PAR RTOG PAS

409b

YONGS SU BSGYUR ZHING, YONGS SU BSGYUR BA'I TSE RANG GI GRUB PA'I MTHA'I TSUL DANG, BSHAD PA'I TSUL LA MI MKHAS PAS RANG GI SEMS SNANG BA LA PHYI ROL GYI DNGOS PO'I MTSAN NYID DU MNGON PAR ZHEN PA'I PHYIR THABS KYIS BRJOD PA LA MNGON PAR ZHEN CING, RANG GI GRUB PA'I MTHA'I MTHA' BZHI RNAM PAR DAG PA'I TSUL GYI MTSAN NYID RNAM PAR 'BYED PA LA MI MKHAS SO, ,BLO GROS CHEN POS BCOM LDAN 'DAS LA GSOL BA, JI LTAR BCOM LDAN 'DAS KYIS BKA' STZAL PA BZHIN NO, ,BCOM LDAN 'DAS, CI NAS KYANG BDAG DANG BYANG CHUB SEMS DPA' SEMS DPA' CHEN PO GZHAN RNAMS TSUL RNAM PA GNYIS LA MKHAS PAS MA 'ONGS PA'I DUS NA SO SO'I SKYE BO DANG, NYAN THOS DANG, RANG SANGS RGYAS KYI THEG PA RNAMS KYIS GLAGS RNYED PAR MI 'GYUR BA'I BSHAD PA'I TSUL DANG, GRUB PA'I TSUL BDAG LA BSHAD DU GSOL, ,BCOM LDAN 'DAS KYIS BKA' STZAL PA, BLO GROS CHEN PO, LEGS SO, ,LEGS SO, ,DE'I PHYIR LEGS PAR NYON LA YID LA GZUNG ZHIG DANG NGAS KHYOD LA BSHAD DO, ,BLO GROS CHEN POS BCOM LDAN 'DAS LA GSOL BA, DE BZHIN DU 'TSAL LO ZHES BKA' MNYAN PA DANG, BCOM LDAN 'DAS KYIS BLO GROS CHEN PO LA 'DI SKAD CES BKA' STZAL TO, ,DUS GSUM GYI DE BZHIN GSHEGS PA RNAMS KYI CHOS

410a

, ,KYI TSUL RNAM LA GNYIS YOD DE, 'DI LTA STE, BSTAN PA'I TSUL DANG, RANG GI GRUB PA'I MTHA'I TSUL LO, ,DE LA BSTAN PA'I TSUL NI 'DI LTA STE, SEMS CAN RNAMS KYI SEMS KYI MOS PA JI LTA BA BZHIN DU TSOGS SNA TSOGS KYI MDO SDE BSHAD PA STE, DE NI BSTAN PA'I TSUL ZHES BYA'O, ,DE LA RANG GI GRUB PA'I MTHA'I TSUL NI 'DI LTA STE, RNAL 'BYOR PA RNAMS RANG GI SEMS SNANG BA'I RNAM PAR RTOG PA SNA TSOGS YONGS SU SPANGS NAS, 'DI LTA STE, GCIG PA DANG, THA DAD PA DANG, GNYIS KA DANG, GNYIS KA MA YIN PA'I PHYOGS SU MA LHUNG BA, SEMS DANG, YID DANG, YID KYI RNAM PAR SHES PA THAMS CAD LAS SHIN TU 'DAS PA, SO SO RANG GIS RIG PA 'PHAGS PA'I SPYOD YUL, RGYU DANG, RIGS PA DANG, LTA BA'I MTSAN NYID DANG BRAL BA, MU STEGS CAN DANG, NYAN THOS DANG, RANG SANGS RGYAS KYI THEG PA MTHA' GNYIS SU LHUNG BA THAMS CAD KYIS MI SHES PA DE NI NGAS RANG GI GRUB PA'I MTHA'I TSUL GYI CHOS SO ZHES BSHAD DO, ,BLO GROS CHEN PO, DE NI RANG GI GRUB PA'I MTHA'I TSUL DANG, BSTAN PA'I TSUL GYI MTSAN NYID CES BYA STE, DE LA KHYOD DANG BYANG CHUB SEMS DPA' SEMS DPA' CHEN PO GZHAN DAG GIS BSGRUB CING BSLAB PAR BYA'O, ,DE NAS BCOM LDAN 'DAS KYIS

410b

DON DE NYID YANG BSTAN PA'I PHYIR TSIGS SU BCAD PA 'DI GSUNGS SO, ,NGA YI TSUL NI RNAM GNYIS TE, ,GRUB PA'I MTHA' DANG BSTAN PA'O, ,BYIS PA RNAMS LA BRJOD PA BSHAD, ,RNAL 'BYOR PA LA GRUB MTHA'O, ,DE NAS BYANG CHUB SEMS DPA' BLO GROS CHEN POS BCOM LDAN 'DAS LA 'DI SKAD CES GSOL TO, ,BCOM LDAN 'DAS, JI LTAR BCOM LDAN 'DAS KYIS DUS GCIG GI TSE 'DI SKAD DU 'JIG RTEN RGYANG PAN PA'I SMRA BA DANG, SPOBS PA CAN SNA TSOGS LA BSLAB CING BSNYEN PAR MI BYA'O, ,DE LA SLOB CING BSNYEN NAS ZANG ZING SDUD DE, CHOS SDUD PA MA YIN NO, ,ZHES GSUNGS NA, BCOM LDAN 'DAS CI'I SLAD DU DE SKAD CES BKA' STZAL, BCOM LDAN 'DAS KYIS BKA' STZAL PA, BLO GROS CHEN PO, 'JIG RTEN RGYANG PAN PA RNAMS NI SNA TSOGS PA'I TSIG GI TSOGS DANG, RGYU DANG RKYEN DANG, DPE RNAMS SDUD CING 'GOD PA DAG GIS BYIS PA SO SO'I SKYE BO RNAMS SLU ZHING RNAM PAR RMONGS PAR BYED PAS YANG DAG PA DE KHO NA'I RANG GI TSUL LA 'JUG PAR MI BYED LA CHOS THAMS CAD KHONG DU MI CHUD DE, PHYIN CI LOG TU RNAM PAR RTOG PAS MTHA' GNYIS SU LHUNG BA DANG, BYIS PA DAG SHIN TU RMONGS PAR BYED CING BDAG NYID KYIS YANG RNAM PAR 'JIG PAS 'GRO BA RNAMS SU MTSAMS SBYOR GYI, RNAM PAR GROL NI

411a

, ,MI 'THOB STE, RANG GI SEMS SNANG BA CAM DU KHONG DU MA CHUD CING PHYI ROL GYI DNGOS PO'I RANG BZHIN MA SPANGS PA DANG, RNAM PAR RTOG PA LA MNGON PAR ZHEN PAS SO, ,DE LTA BAS NA 'JIG RTEN RGYANG BAN PA SPOBS PA SNA TSOGS CAN NI SKYE BA DANG, RGA BA DANG, NA BA DANG, 'CHI BA DANG, MYA NGAN DANG, SMRE SNGAGS 'DON PA DANG, SDUG BSNGAL BA DANG, 'KHRUG PA LAS YONGS SU MI 'GROL TE, YONGS SU SLU ZHING SHIN TU RMONGS PAR BYED PA YIN NO, ,BLO GROS CHEN PO, BRGYA BYIN LHA'I DBANG PO BSTAN BCOS MANG PO LA MKHAS PAS BDAG NYID KYIS SGRA'I BSTAN BCOS BYAS PA LAS 'JIG RTEN RGYANG PAN PA DE'I SLOB MA KLU'I GZUGS DANG CHA BYAD 'DZIN PA ZHIG BRGYA BYIN LHA'I DBANG PO'I GNAS SU SONG NAS, 'DI SKAD DU DAM BCAS SO, ,BDAG KHYOD DANG CHOS SMRA BAR BYA STE, GAL TE KHYOD KYIS BDAG MA THUB PAR GYUR NA NI KHYOD KYI RTZIBS STONG DANG LDAN PA'I 'KHOR LO GZHIG PAR BYA'O, ,BDAG PHAM PAR GYUR NA NI MGO RE RE NAS BCAD DE PHAM PA'I NYES PA KHAS BLANG NGO ZHES DAM BCAS NAS CHOS SMRAS PA LAS BRGYA BYIN LHA'I DBANG PO PHAM PAR BYAS TE, 'KHOR LO RTZIBS STONG DANG LDAN PA BSHIG NAS SLAR MI'I 'JIG RTEN 'DIR 'ONGS SO, ,DE LTAR, BLO GROS CHEN PO, 'JIG

411b

RTEN RGYANG PAN PA RGYU DANG DPE SNA TSOGS BKOD PAS 'DI LTAR THA NA BYOL SONG DU GYUR PAS KYANG TSIG GI TSOGS RNAM PA SNA TSOGS KYIS LHA DANG LHA MA YIN RNAMS SHIN TU RMONGS PAR BYED CING, SKYE BA DANG, 'JIG PA'I LTA BA LA RAB TU 'GOD PAR BYED NA, MI RNAMS LTA SMOS KYANG CI DGOS, DE LTA BAS NA, BLO GROS CHEN PO, 'JIG RTEN RGYANG PAN PA RNAMS YONGS SU SPANG BAR BYA STE, SDUG BSNGAL SKYE BA'I RGYU 'THOB PAR BYED PAS BSLAB CING BSNYEN PAR MI BYA'O, ,BLO GROS CHEN PO, 'JIG RTEN RGYANG PAN PA RNAMS NI LUS DANG BLOS YUL DMIGS PA TZAM DU STON TO, ,BLO GROS CHEN PO, 'JIG RTEN RGYANG PAN PA DE DAG STONG PHRAG BRGYA YOD DE, PHYI MA'I DUS LNGA BRGYA THA MA LA BSTAN PA BSDUS PA RNAMS 'JIG PAR BYED CING RTOG GE NGAN PA'I RGYU DANG, LTA BA RNAMS RGYAS PAR 'GYUR BA NA SLOB MA NGAN PA RNAMS YONGS SU 'DZIN PAR BYED DO, ,'DI LTAR, BLO GROS CHEN PO, 'JIG RTEN RGYANG PAN PA BSDUS PA 'JIG PAR BYED PA RNAMS NI TSIG GI TSOGS DANG, RGYU DANG, DPE SNA TSOGS BKOD PAS MU STEGS KYI DNGOS PO BRJOD CING RANG GI RKYEN LA MNGON PAR ZHEN PAS RAB GI TSUL YOD PA MA YIN NO, ,BLO GROS CHEN PO, MU STEGS CAN DE DAG LA RANG GI TSUL GYI BSTAN BCOS MED PAS GZHAN DAG LA 'JIG RTEN RGYANG PAN PA RNAMS DNGOS PO'I

412a

, ,SGO BRGYA STONG DU MA TSAD MED PA RNAMS RGYA CHER STON PAR BYED DE, RANG GI TSUL YOD PA MA YIN PA DANG, BLUN ZHING GTI MUG PA 'JIG RTEN RGYANG PAN PA YIN PAR RANG GIS MI SHES SO, ,DE LA BLO GROS CHEN POS BCOM LDAN 'DAS LA 'DI SKAD CES GSOL TO, ,BCOM LDAN 'DAS ,GAL TE MU STEGS CAN 'JIG RTEN RGYANG PAN PA RNAMS TSIG GI TSOGS DANG, RGYU DANG, DPE SNA TSOGS SU 'BREL BAS RANG GI TSUL MA MCHIS TE, RANG GI DNGOS PO LA MNGON PAR ZHEN PA LAGS NA NI, BCOM LDAN 'DAS KYANG 'JIG RTEN RGYANG PAN PA NYID STON TE, 'DI LTAR PHYOGS THA DAD PA SNA TSOGS NAS 'DUS PA'I 'KHOR LHA DANG, MI DANG, LHA MA YIN RNAMS LA TSIG GI TSOGS RNAM PA SNA TSOGS TSAD MA MCHIS PA RNAMS KYIS RGYA CHER GSUNG BAS, DE'ANG RANG GI TSUL MA MCHIS PA MA LAGS SAM, MU STEGS CAN GYI SHES PA DANG, THA SNYAD BRJOD PA'I GRANGS SU MCHI BA MA LAGS SAM, BCOM LDAN 'DAS KYIS BKA' STZAL PA, BLO GROS CHEN PO, NGA NI 'JIG RTEN RGYANG PA NA MI 'CHAD DE, 'ONG BA DANG 'GRO BA MED PAS 'ONG BA MED PA DANG, 'GRO BA MED PA 'BA' ZHIG TU STON TE, BLO GROS CHEN PO, 'ONG BA ZHES BYA BA NI 'GRO BA RNAMS 'DUS PA LAS SKYE BA'O, ,'GRO BA ZHES BYA BA NI RNAM PAR 'JIG PA STE, 'GRO

412b

BA MED PA DANG, 'ONG BA MED PA NI MI SKYE MI 'JIG PA YIN NO, ,BLO GROS CHEN PO, NGAS BSHAD PA'I CHOS RNAMS NI 'JIG RTEN RGYANG PAN BAR LHUNG BA DANG, RNAM PAR RTOG PA'I GRANGS SU GTOGS PA MA YIN TE, DE CI'I PHYIR ZHE NA, 'DI LTA STE, PHYI ROL GYI DNGOS PO DANG, DNGOS PO MED PA LA MNGON PAR MA ZHEN CING RANG GI SEMS SNANG BA TZAM LA GNAS PAS MTHA' GNYIS KYI RNAM PAR RTOG PAS MI G-YOS LA MTSAN MA'I SPYOD YUL DNGOS PO MED PA DANG, RANG GI SEMS SNANG BA TZAM DU KHONG DU CHUD PAS RANG GI SEMS SNANG BA'I RNAM PAR RTOG PA MI SKYE STE, RNAM PAR RTOG PA MI SKYE BA NI STONG PA DANG, MTSAN MA MED PA DANG, MNGON PAR 'DU BYA BA MED PA'I RNAM PAR THAR PA GSUM LA ZHUGS PAS RNAM PAR GROL BA ZHES BYA'O, , BLO GROS CHEN PO, NGAS MNGON PAR DRAN PA DUS GCIG GI TSES PHYOGS SHIG NA 'DUG PA NA BRAM ZE'I 'JIG RTEN RGYANG PAN PA ZHIG NGA GA LA BA DER 'ONGS NAS RAB TU DBEN PA MA 'DI BAR NGA LA 'DI SKAD CES ZER RO, ,KYE GOO TA MA, THAMS CAD BYAS PA YIN NAM, NGAS DE'I TSE 'DI SKAD DU, KYE BRAM ZE THAMS CAD BYAS PA ZHES ZER BA 'DI NI 'JIG RTEN RGYANG PAN PA DANG PO'O, ,DES YANG DRIS PA, THAMS CAD MA BYAS PA YIN NAM, NGAS YANG 'DI SKAD DU THAMS CAD BYAS PA MA YIN PA 'DI NI 'JIG RTEN RGYANG PAN PA GNYIS PA YIN NO ZHES

413a

, ,SMRAS SO, ,DES YANG DRIS PA, THAMS CAD RTAG PA'AM, THAMS CAD MI RTAG PA'AM, THAMS CAD SKYE BA'AM, THAMS CAD MI SKYE BA'AM, NGAS DE'I TSE 'DI SKAD DU DE DAG NI 'JIG RTEN RGYANG PAN PA DRUG PA'O ZHES SMRAS SO, ,BLO GROS CHEN PO, DES YANG 'DI SKAD DU THAMS CAD GCIG PA'AM, THAMS CAD THA DAD PA'AM, THAMS CAD GNYIS KA'AM, THAMS CAD GNYIS KA MA YIN PA'AM, THAMS CAD RGYU SNA TSOGS LAS SKYE BA SNANG BAR GYUR PA'AM ZHES DRIS PA DANG, NGAS DE'I TSE 'DI SKAD DU DE DAG NI 'JIG RTEN RGYANG PAN PA BCU GCIG PA'O ZHES SMRAS SO, ,BLO GROS CHEN PO, DES YANG 'DI SKAD DU, KYE THAMS CAD LUNG DU MA BSTAN PA ZHIG YIN NAM, THAMS CAD LUNG DU BSTAN PA ZHIG YIN NAM, BDAG YOD PA ZHIG GAM, BDAG MED PA ZHIG GAM, 'JIG RTEN 'DI MED PA ZHIG GAM, 'JIG RTEN PHA ROL YOD PA ZHIG GAM, 'JIG RTEN PHA ROL MED PA ZHIG GAM, RNAM PAR GROL BA YOD PA ZHIG GAM, RNAM PAR GROL BA MED PA ZHIG GAM, THAMS CAD SKAD CIG PA'AM, THAMS CAD SKAD CIG PA MA YIN PA'AM, NAM MKHA'AM, SO SOR BRTAGS PA MA YIN PA'I 'GOG PA'AM, MYA NGAN LAS 'DAS PA'AM, KYE GOO TA MA, BYAS PA'AM, MA BYAS PA'AM, BAR MA DE'I SRID PA YOD PA ZHIG

413b

GAM; BAR MA DO'I SRID PA MED PA ZHIG GAM DRIS PA DANG, BLO GROS CHEN PO, NGAS DE'I TSE 'DI SKAD CES, KYE BRAM ZE, DE SKAD DU SMRA BA DE DAG THAMS CAD NI 'JIG RTEN RGYANG PAN PA YIN PAS NGAS BSTAN PA MA YIN GYI, KHYOD KYI 'JIG RTEN RGYANG PAN PA YIN NO ZHES SMRAS SO, ,BRAM ZE, NGA NI THOG MA MED PA'I DUS NAS YANG DAG PA MA YIN PA RNAM PAR RTOG PA'I BAG CHAGS SNA TSOGS KYI GNAS NGAN LEN RNAMS SRID PA GSUM GYI RGYU YIN PA DANG, RANG GI SEMS SNANG BA TZAM DU KHONG DU MA CHUD PAS RNAM PAR RTOG PA BYUNG NAS PHYI ROL GYI DNGOS PO LA DMIGS PAR BYED PA 'BA' ZHIG STON GYI, JI LTAR MU STEGS CAN DAG BDAG DANG, DBANG PO RNAMS DANG, DON GSUM 'DUS PA LAS SHES PA SKYE BA LTA BUR NGA NI DE LTA BU MA YIN NO, ,BRAM ZE, NGA NI RGYUR SMRA BA'ANG MA YIN, RGYU MED PAR SMRA BA'ANG MA YIN GYI, RNAM PAR RTOG PA GZUNG BA DANG, 'DZIN PA'I DNGOS PO TZAM LA RTEN CING 'BREL BAR 'BYUNG BA ZHES NYE BAR 'DOGS TE, KHYOD DANG GANG DAG BDAG TU 'DZIN PAR LHUNG BA'I RGYUN CHAD DAG GIS SHES PAR BYA BA MA YIN NO, ,BLO GROS CHEN PO, MYA NGAN LAS 'DAS PA DANG, NAM MKHA' DANG, 'GOG PA DAG RNAM PA GSUM DU YOD PA MA YIN GYI, GRANGS TZAM DU GSUM YOD PAR ZAD DO, ,GZHAN YANG, BLO GROS CHEN PO, DE'I TSE BRAM ZE 'JIG RTEN RGYANG PAN

414a

, ,PA NGA LA 'DI SKAD CES ZER RO, ,KYE MI SHES PA DANG, SRED PA DANG, LAS KYI RGYU'I PHYIR SRID PA GSUM YOD PAR GYUR PA'AM, 'ON KYANG RGYU MED PA LAS YIN, NGAS DE'I TSE 'DI SKAD CES 'DI GNYIS KA'ANG 'JIG RTEN RGYANG PAN PA'O ZHES SMRAS SO, ,DES YANG 'DI SKAD DU, KYE DNGOS PO THAMS CAD RANG DANG SPYI'I MTSAN NYID DU GTOGS PA ZHIG YIN NAM ZHES DRIS PA DANG, NGA YANG 'DI SKAD DU 'DI'ANG 'JIG RTEN RGYANG PAN PA NYID YIN TE, BRAM ZE, JI TZAM DU YID RNAM PAR G-YOS PA DANG, PHYI ROL GYI DON LA MNGON PAR ZHEN CING RNAM PAR RTOG PA DE DAG THAMS CAD KYANG 'JIG RTEN RGYANG PAN PA'O ZHES SMRAS SO, ,GZHAN YANG, BLO GROS CHEN PO, DE'I TSE BRAM ZE 'JIG RTEN RGYANG PAN PAS NGA LA YANG DRIS PA, KYE 'JIG RTEN RGYANG PAN PA MA YIN PA 'GA' LTA YOD DAM, BDAG NI MU STEGS CAN THAMS CAD KYI GTZO BO YIN TE, TSIG GI TSOGS DANG, RGYU DANG, DPE SNA TSOGS KYI BKOD PA DAG STON PA'O, ,NGAS YANG 'DI SKAD DU, KYE BRAM ZE, YOD DE, KHYOD LA YOD PA NI MA YIN NO, ,GRUB PA'I MTHA' MED PA'ANG MA YIN, STON PA'ANG MA YIN, SNA TSOGS KYI TSIG GI TSOGS MI STON PA'ANG MA YIN, RGYU DANG DPE MI 'GOD PA'ANG MA YIN NO ZHES SMRAS SO, ,BRAM ZHES SMRAS PA, 'JIG RTEN RGYANG PAN MA YIN PA DANG, GRUB

414b

PA'I MTHA' MED PA'ANG MA YIN PA DANG, MI STON PA'ANG MA YIN PA DE LTA BU YIN, NGAS DE'I TSE 'DI SKAD DU, BRAM ZE, 'JIG RTEN RGYANG PAN MA YIN PA YOD DE, MU STEGS CAN KHYED RNAMS KYIS SHES PAR MI NUS TE, 'DI LTAR PHA ROL GYI DNGOS PO LA YANG DAG PA MA YIN PA RNAM PAR RTOG PA'I SPROS PAS MNGON PAR ZHEN PA'I PHYIR RO, ,'DI LTA STE, RNAM PAR RTOG PA MI SKYE ZHING YOD PA DANG MED PA RANG GI SEMS SNANG BA TZAM DU KHONG DU CHUD PAR RNAM PAR RTOG PA MI SKYE BA DANG, PHYI ROL GYI YUL LA 'DZIN PA MED CING RNAM PAR RTOG PA RAB TU ZHI BA DE NI 'JIG RTEN RGYANG PA NAM YIN PA ZHES BYA STE, 'DI NI NGA'I CHOS YIN PAS KHYOD LA YOD PA MA YIN NO, ,KYE BRAM ZE, MDOR BSDUS TE BSTAN NA RNAM PAR SHES PA DE 'ONG BA DANG, 'GRO BA DANG, SHI 'PHO BA DANG, SKYE BA DANG, BDE BA DANG, SDUG BSNGAL BA DANG, BYA BA DANG, LTA BA DANG, REG PA DANG, MTSAN NYID SNA TSOGS LA MNGON PAR ZHEN PA DANG, 'DUS TE MTSAMS SBYOR BA DANG, SRED PA DANG, RGYU LA MNGON PAR ZHEN PA STE, KYE BRAM ZE, 'DI LTA BU LA SOGS PA DE DAG THAMS CAD NI KHYOD LA SOGS PA'I 'JIG RTEN RGYANG PAN YIN TE, NGA LA YOD PA NI MA YIN NO, ,BLO GROS CHEN PO, BRAM ZE 'JIG RTEN RGYANG PAN PAS DRIS PA LA NGAS DE SKAD DU LAN BTAB PA DANG, DE CANG MI

415a

, ,SMRA BAR GYUR TE, LAN MED PAS SLAR SONG NGO, ,DE RANG GI TSUL GYI GNAS LA SEMS SHING 'DI SKAD DU DGE SBYONG SH'AKYA'I BU NI TSUL LAS SHIN TU 'DAS PAS NA SKYE BA MED PA DANG, MTSAN MA MED PA DANG, RGYU MED PA DANG, RANG GI RNAM PAR RTOG PA SNANG BA'I MTSAN NYID KHONG DU CHUD PAS RNAM PAR RTOG PA MI SKYE BAR SMRA'O SNYAM MO, ,BLO GROS CHEN PO, 'DI NI KHYOD KYIS SNGAR NGA LA CI'I SLAD DU 'JIG RTEN RGYANG PAN PA SPOBS PA SNA TSOGS CAN LA SLOB CING BSTEN LA ZANG ZING SDUD DE, CHOS SDUD PA MA YIN NO ZHES BKA' STZAL CES DRIS PA'I 'O, ,BLO GROS CHEN POS BCOM LDAN 'DAS LA GSOL PA, BCOM LDAN 'DAS, ZANG ZING SDUD PA DANG, CHOS ZHES BGYI BA'I TSIG GI DON JI LTA BU LAGS, BCOM LDAN 'DAS KYIS BKA' STZAL PA, BLO GROS CHEN PO KHYOD KYI MA 'ONGS PA'I SEMS CAN RNAMS KYI PHYIR TSIG GI DON 'DI LTA BU SEMS SHING 'DRI BA LEGS SO, ,LEGS SO, ,DE'I PHYIR SHIN TU LEGS PAR NYON LA YID LA GZUNG ZHIG DANG NGAS KHYOD LA BSHAD DO, ,BLO GROS CHEN POS BCOM LDAN 'DAS LA GSOL PA, DE BZHIN DU 'TSAL LO ZHES BKA' MNYAN PA DANG, BCOM LDAN 'DAS KYIS BKA' STZAL PA, BLO GROS CHEN PO, 'DI LTA STE, ZANG ZING ZHES BYA BA NI LEN PA DANG, GTONG BA DANG, REG PA DANG, MYANG BA DANG, PHYI ROL GYI

415b

YUL LA MNGON PAR ZHEN PA DANG, MTHA' GNYIS KYI LTA BAR LTUNG BA DANG, YANG SDUG BSNGAL GYI PHUNG PO BSKYED PA DANG, SKYE BA DANG, RGA BA DANG, NA BA DANG, 'CHI BA DANG, MYA NGAN DANG, SMRE SNGAGS 'DON PA DANG, 'KHRUG PA RNAMS TE, DE LTA BU'I SGYU MA RNAMS NI SRED PA LAS BYUNG BAS, DE'I PHYIR 'JIG RTEN RGYANG PAN SLOB CING STEN PA RNAMS DANG, 'JIG RTEN RGYANG PAN PA RNAMS NI NGA DANG SANGS RGYAS GZHAN DAG GIS KYANG ZANG ZING ZHES BRJOD DE, 'DI NI ZANG ZING SDUD CING CHOS SDUD PA MA YIN PA ZHES BYA'O, ,BLO GROS CHEN PO, CHOS SDUD PA GANG ZHE NA, 'DI LTA STE, RANG GI SEMS SNANG BA TZAM DU LEGS PAR RTOGS SHING KHONG DU CHUD PA DANG, GANG ZAG DANG CHOS BDAG MED PA'I MTSAN NYID THOB PAS RNAM PAR RTOG PA MI SKYE BA DANG, SA RNAMS LA GONG NAS GONG DU SHIN TU MKHAS PAS SEMS DANG, YID DANG, YID KYI RNAM PAR SHES PA LDOG PA DANG, SANGS RGYAS THAMS CAD KYI YE SHES DANG, DBANG BSKUR BA PHUN SUM TSOGS PA DANG, MTHAR THUG PA MED PA'I GNAS BCU YONGS SU GZUNG BA DANG, CHOS THAMS CAD LA RTZOL BA MED PAR DBANG BYED PA NI CHOS ZHES BYA STE, DE NI 'DI LTA STE, LTA BA THAMS CAD DANG, SPROS PA THAMS CAD DANG, RNAM PAR RTOG PA THAMS CAD DANG, DNGOS PO THAMS CAD DANG, MTHA' GNYIS THAMS

416a

, ,CAD DU MI LTUNG NGO, ,BLO GROS CHEN PO, MU STEGS CAN BYIS PA RNAMS NI PHAL CHER RTAG PA DANG, CHAD PA'I MTHA' GNYIS SU LTUNG GI MKHAS PA RNAMS NI MA YIN NO, ,DE LA RGYU MED PAR SMRA BA YONGS SU BZUNG BAS NI RTAG PAR LTA BA 'BYUNG NGO, ,PHYI ROL GYI RGYU 'JIG CING RGYU DANG RKYEN DNGOS PO MED PAR MTHONG BA LAS NI CHAD PAR LTA BA 'BYUNG STE, BLO GROS CHEN PO, DE NI SKYE BA DANG, GNAS PA DANG, 'JIG PA MI MTHONG BA'I PHYIR CHOS ZHES BYA'O, ,BLO GROS CHEN PO, DE NI ZANG ZING DANG CHOS ZHES BYA STE, DE LA KHYOD DANG BYANG CHUB SEMS DPA' SEMS DPA' CHEN PO GZHAN DAG GIS BSLAB PAR BYA'O, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,'JIG RTEN RGYANG PAN THAMS CAD NI, ,MU STEGS CAN GYIS BSHAD DE RDZUN, ,RNAM RTOG BYED DANG BYA BAR MTHONG, ,DE LA RANG GI GRUB MTHA' MED, ,NGA YI GRUB MTHA' 'DI 'BA' ZHIG ,BYED DANG BYA BA YONGS SU SPANGS, ,'JIG RTEN RGYANG PAN RNAM BRAL BA, ,SLOB MA RNAMS LA RAB TU BSHAD, ,SEMS TZAM DE NI MI DMIGS PAS, ,SEMS GNYIS SO SOR RTOG MI BYED, ,GZUNG DANG 'DZIN PA DNGOS MED DE, ,RTAG CHAD GNYIS KA YONGS SU SPANGS, ,JI SRID SEMS NI 'JUG PA'I

416b

BAR, ,DE SRID 'JIG RTEN RGYANG PAN YIN, ,RNAM PAR RTOG PA MI 'JUG NA, ,DES NI RANG GI SEMS MTHONG NGO, ,'ONG TSE DNGOS PO SKYE ZHES BYA, ,'GRO TSE DNGOS PO YONG MI SNANG, 'GRO 'ONG LEGS PAR GSAL RTOGS NA, ,RNAM PAR RTOG PA YANG MI SKYE, ,RTAG PA DANG NI MI RTAG PA, ,BYAS PA DANG NI MA BYAS PA, ,'JIG RTEN 'DI DANG 'JIG RTEN GZHAN,, THAMS CAD 'JIG RTEN RGYANG PAN TSUL, ,DE NAS YANG BLO GROS CHEN POS BCOM LDAN 'DAS LA 'DI SKAD CES GSOL TO, ,BCOM LDAN 'DAS, MYA NGAN LAS 'DAS PA ZHES BGYI BA, CHOS JI LTA BU ZHIG LA MYA NGAN LAS 'DAS PA ZHES BGYI NA, MU STEGS CAN RNAMS SO SO NAS RNAM PAR RTOG PA SKYED PAR BGYID, BCOM LDAN 'DAS KYIS BKA' STZAL PA, BLO GROS CHEN PO, DE'I PHYIR SHIN TU LEGS PAR NYON LA YID LA GZUNG ZHIG DANG, NGAS KHYOD LA JI LTAR MU STEGS CAN RNAMS MYA NGAN LAS 'DAS PAR RNAM PAR RTOG PA DANG, DE DAG GI RNAM PAR RTOG PA MYA NGAN LAS 'DAS PA'I RJES SU MTHUN PAR 'GYUR BA MA YIN PA BSHAD PAR BYA'O, ,BLO GROS CHEN POS BCOM LDAN 'DAS LA GSOL PA, DE BZHIN DU 'TSAL LO ZHES BKA' MNYAN PA DANG, BCOM LDAN 'DAS KYIS 'DI SKAD CES BKA' STZAL TO, ,BLO GROS CHEN PO, MU STEGS CAN KHA CIG NI

417a

, ,PHUNG PO DANG, KHAMS DANG, SKYE MCHED RNAMS 'GAGS PA DANG, YUL 'DOD CHAGS DANG BRAL BA DANG, CHOS RNAMS MI RTAG PAR MTHONG BA DANG, SEMS DANG SEMS LAS BYUNG BA'I CHOS KYI PHYOGS MI SKYE BA DANG, 'DAS PA DANG, MA 'ONGS PA DANG, DE LTAR GYI YUL MI DRAN PA DANG, NYE BAR LEN PA PHUNG PO ZAD PA MAR ME BZHIN 'GAGS PA DANG, SA BON LTAR ZHIG PAS RNAM PAR RTOG PA MI SKYE'O ZHES DE DAG GIS 'DI DAG LA MYA NGAN LAS 'DAS PAR 'DU SHES TE, BLO GROS CHEN PO, 'JIG PAR LTA BA LA MYA NGAN LAS 'DAS PA ZHES BYA BA NI MA YIN NO, ,KHA CIG NI PHYOGS NAS PHYOGS SU SONG NA THAR PA ZHES BRJOD DO, ,KHA CIG NI YUL GYI RTOG PA 'GAGS TE; JI LTAR RLUNG ZHI BA BZHIN DU GYUR NA THAR PA ZHES BRJOD DO, ,KHA CIG NI BLO DANG RIG PAR BYA BA MTHONG BA RNAM PAR ZHIG PA LA THAR PA ZHES BRJOD DO, ,KHA CIG NI RTAG PA DANG, MI RTAG PAR MTHONG BA LA THAR PA'O ZHES 'DU SHES SO, ,KHA CIG NI MTSAN MAR 'DU SHES PA MANG PO NI SDUG BSNGAL BSKYED PA'I RGYU 'THOB PAR 'GYUR RO SNYAM DU BSAMS NAS, RANG GI SEMS SNANG BA TZAM LA MI MKHAS PAS MTSAN MA RNAMS KYIS 'JIGS SHING SKRAG STE, MTSAN MA MED PAR MTHONG BA LA RAB TU MOS SHING

417b

'DOD NAS MYA NGAN LAS 'DAS PAR 'DU SHES SO, ,KHA CIG NI NANG DANG PHYI'I CHOS THAMS CAD KYI RANG DANG SPYI'I MTSAN NYID KHONG DU CHUD PA DANG, 'DAS PA DANG, MA 'ONGS PA DANG, DA LTAR BYUNG BA NI DNGOS POR YOD DE, MI 'JIGS PA'O ZHES MYA NGAN LAS 'DAS PAR SHES SO, ,KHA CIG NI BDAG DANG GANG ZAG DANG, SEMS CAN DANG, SROG DANG, CHOS THAMS CAD MI 'JIG PA LA MYA NGAN LAS 'DAS PAR 'DU SHES SO, ,MU STEGS CAN KHA CIG NI LOG PA'I MES SHES RAB BSREG PA DANG, RANG BZHIN DANG SKYES BU MTHONG ZHING, DE GNYIS KYI YOD PA LAS SKYES BUS 'BYIN PA RNAMS NI RANG BZHIN ZHES BYA STE, JI LTAR DANG PO'I MUN PA BZHIN DU YON TAN RNAM PAR 'GYUR BA DANG, YON TAN GYI BYED PA PO LA MYA NGAN LAS 'DAS PAR 'DU SHES SO, ,KHA CIG NI BSOD NAMS DANG, BSOD NAMS MA YIN PA ZAD PAS, KHA CIG NI NYON MONGS PA ZAD CING SHES PAS, KHA CIG NI 'KHOR BA RNAMS DBANG PHYUG GIS YANG DAG PAR BYAS PAR MTHONG BA LA MYA NGAN LAS 'DAS PAR 'DU SHES SO, ,KHA CIG 'KHOR BA RNAMS NI GCIG GIS GCIG BSKYED PAS RGYU GZHAN CI'ANG MED DE, 'DI LTAR RGYU LA MNGON PAR ZHEN CING DE GTI MUG PAS KHONG DU MI CHUD DE, KHONG DU MA CHUD PA'I PHYIR MYA

418a

, ,NGAN LAS 'DAS PA'O ZHES 'DU SHES SO, ,MU STEGS CAN KHA CIG NI YANG DAG PA'I BDEN PA'I LAM THOB PA LA MYA NGAN LAS 'DAS PAR 'DU SHES SO, ,KHA CIG NI YON TAN CAN DANG, YON TAN GYIS BSKYED PA LA TSOGS PA DANG, GCIG PA DANG, THA DAD PA DANG, GNYIS KA DANG, GNYIS KA MA YIN PAR MTHONG BA BA LA MYA NGAN LAS 'DAS PAR 'DU SHES SO, ,KHA CIG NI RANG BZHIN LAS BYUNG BAS RMA BYA'I RNAM PAR BKRA BA DANG, RIN PO CHE SNA TSOGS KYI 'BYUNG GNAS DANG, TSER MA RNO BA LA SOGS PA LTA BUR DNGOS PO RNAMS KYI RANG BZHIN MTHONG NAS MYA NGAN LAS 'DAS PAR 'DU SHES SO, ,BLO GROS CHEN PO, KHA CIG NI SRID PA NYI SHU RTZA LNGA DE KHO NA NYID YIN PAR KHONG DU CHUD PAS, KHA CIG NI RGYAL PO'I YUL SKYONG BA DANG, YON TAN DRUG GI BSTAN PA 'DZIN PAS MYA NGAN LAS 'DAS PAR 'DU SHES SO, ,KHA CIG NI BYED PA PO DUS YIN PAR MTHONG NAS, 'JIG RTEN 'BYUNG BA NI DUS LA RAG LAS SO ZHES DE LTAR KHONG DU CHUD PA LAS MYA NGAN LAS 'DAS PAR 'DU SHES SO, ,KHA CIG NI DNGOS POS SO, ,KHA CIG NI DNGOS PO MED PAS SO, ,KHA CIG NI DNGOS PO DANG DNGOS PO MED PA YONGS SU SHES PAS SO, ,KHA CIG NI DNGOS PO'I RTOG PA DANG, MYA NGAN

418b

LAS 'DAS PA BYE BRAG YOD PAR MTHONG BAS MYA NGAN LAS 'DAS PAR 'DU SHES TE, DE LTAR DE LTA BU'I RNAM PAR RTOG PA SNA TSOGS MU STEGS CAN DAG GIS BSTAN PA YOD KYANG RIGS PA DANG MI LDAN PAS MKHAS PA RNAMS KYIS SPANGS PA YIN NO, ,BLO GROS CHEN PO, DE DAG THAMS CAD MTHA' GNYIS SU LHUNG BA'I BSAM PAS MYA NGAN LAS 'DAS PAR 'DU SHES TE, DE LTA BU LA SOGS PA'I RNAM PAR RTOG PAS MU STEGS CAN DAG MYA NGAN LAS 'DAS PAR YONGS SU RTOGS KYANG, 'DI LA GANG YANG SKYE BA 'AM, 'GAG PA MED DO,, BLO GROS CHEN PO, MU STEGS CAN SO SO'I MYA NGAN LAS 'DAS PA DE DAG NI DE DAG RANG GI BSTAN BCOS DANG SHES PAS SO SOR BRTAGS PAS NA RNAM PAR BZHAG PA CI'ANG MED DE; JI LTAR DE DAG GI RNAM PAR RTOG PA'I SEMS DANG, YID BZHIN DU 'ONG BA DANG, 'GRO BA DANG, RAB TU G-YO BAS THAMS CAD GANG YANG MYA NGAN LAS 'DAS PA THONG BA MED DO; ;BLO GROS CHEN PO, NGAS JI SKAD DU BSTAN PA'I MYA NGAN LAS 'DAS PA NI 'DI LTA STE, RANG GI SEMS SNANG BA TZAM DU MKHAS SHING KHONG DU CHUD PA DANG, PHYI ROL GYI DNGOS PO'I MNGON PAR CHAGS SHING MTHA' BZHI YONGS SU SPANGS PA DANG, YANG DAG PA JI LTAR GNAS PA BZHIN DU MTHONG BAS RANG GI SEMS SNANG BAR RNAM PAR RTOG PA'I MTHA' GNYIS

419a

, ,SU MA LHUNG BA DANG, GZUNG BA DANG, 'DZIN PA MI DMIGS PAS TSAD MA THAMS CAD KYIS GRUB PAR MI MTHONG BA DANG, DE KHO NA NYID LA RMONGS PA YIN PAS YONGS SU BSDU BAR MI BYA'O ZHES DE YONGS SU SPANGS NAS, BDAG GI 'PHAGS PA'I SO SO RANG GIS RIG PA'I CHOS THOB PA DANG, BDAG MED PA RNAM GNYIS RTOGS PA DANG, NYON MONGS PA GNYIS YONGS SU SPANGS PA DANG, SGRIB PA GNYIS RNAM PAR DAG PA DANG, 'CHI 'PHO GNYIS GTAN NAS SPANGS PA DANG, SA RNAMS GONG NAS GONG DU SBYANGS PAS DE BZHIN GSHEGS PA'I SA LA 'JUG CING GZUGS BRNYAN DANG, SGYU MA LA SOGS PA'I TING NGE 'DZIN ZAB MO THOB PA DANG, SEMS DANG, YID DANG, YID KYI RNAM PAR SHES PA YONGS SU SPANGS PA NI MYA NGAN LAS 'DAS PA ZHES BSTAN TO, ,BLO GROS CHEN PO, DE LA KHYOD DANG BYANG CHUB SEMS DPA' SEMS DPA' CHEN PO GZHAN DAG GIS BSLAB PAR BYA ZHING, MU STEGS CAN THAMS CAD KYI MYA NGAN LAS 'DAS PAR LTA BA RNAMS MYUR DU YONGS SU SPANG BAR BYA'O, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,MU STEGS MYA NGAN 'DAS LTA ZHING, ,SO SOR RNAM RTOG GANG BYUNG BA, ,DE DAG SEMS KYI

419b

RTOG LAS SKYES, ,THAR PA'I THABS NI YOD MA YIN, ,'CHING DANG BCING BYA LA RMONGS PA, ,THABS MKHAS YONGS SU SPANGS PAS NA, ,MU STEGS THAR PA 'DU SHES PA, ,THAR PA NAM YANG SKYE MI 'GYUR, ,SHES PA MANG POS THA DAD 'JUG ,MU STEGS CAN GYIS MTHONG BA'I TSUL, ,DE DAG THAR PA YOD MA YIN, ,BLUN ZHING GTI MUG RNAM RTOG PHYIR, ,MU STEGS BLUN POS THAMS CAD KUN, ,RNAM RTOG BYED DANG BYA BAR MTHONG, ,YOD MED PHYOGS SU SMRA BA RNAMS, ,DE DAG LA NI THAR PA MED, ,BYIS PA RNAM PAR RTOG LA MOS, ,YANG DAG BLO GROS THOS MI 'GYUR, ,SMRA BA SDUG BSNGAL GSUM GYI GNAS, ,YANG DAG SDUG BSNGAL 'JIG PA'I RGYU, ,JI LTAR ME LONG GZUGS BRNYAN DAG ,SNANG BA YOD PA MA YIN LTAR, , RNAM RTOG SEMS KYI ME LONG LA, ,BYIS PA DAG GIS GNYIS MOD MTHONG, ,SEMS DANG DMIGS PA MA SHES PA, ,RNAM PAR RTOG PA GNYIS SKYE STE, ,SEMS DANG YUL NI YONGS SHES NA, ,RNAM PAR RTOG PA SKYE MI 'GYUR, ,SEMS NI SNA TSOGS 'GYUR BA STE, ,MTSAN NYID MTSAN GZHI YONGS SPANGS PAS, ,BYA BA SNANG YANG SNANG BA MED, ,JI LTAR BYIS PAS RNAM BRTAGS BZHIN, ,SRID GSUM RNAM PAR RTOG TZAM PAS, ,PHYI ROL GYI NI DON MED DE, ,RNAM PAR RTOG PA SNA TSOGS SNANG, ,BYIS PA DAG GIS MI RTOGS SO, ,

420a

, ,MDO DANG MDO LAS RNAM RTOG BSHAD, ,NAM YANG MING LAS 'DA' MI 'GYUR, ,BRJOD PA DAG NI MA GTOGS PAR, ,BRJOD PAR BYA BA CI YANG MED,, ,,'PHAGS PA LANGKAR GSHEGS PA RIN PO CHE'I MDO LAS, BAM PO BDUN PA, DE NAS BYANG CHUB SEMS DPA' BLO GROS CHEN POS BCOM LDAN 'DAS LA 'DI SKAD CES GSOL TO, ,BCOM LDAN 'DAS, YANG DAG PAR RDZOGS PA'I SANGS RGYAS PA NYID BSHAD DU GSOL, DE NAS BDAG DANG BYANG CHUB SEMS DPA' SEMS DPA' CHEN PO GZHAN RNAMS DE BZHIN GSHEGS PA'I RANG BZHIN LA MKHAS SHING, BDAG DANG GZHAN RNAMS KHONG DU CHUD PAR BGYID PAR 'GYUR RO, ,BCOM LDAN 'DAS KYIS BKA' STZAL PA, BLO GROS CHEN PO KHYOD JI LTAR 'DOD PA BZHIN DU DRIS SHIG DANG, NGAS JI LTAR KHYOD KYIS DRIS PA DE BZHIN DU BSHAD PAR BYA'O, ,BLO GROS CHEN POS BCOM LDAN 'DAS LA GSOL BA, BCOM LDAN 'DAS, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BGYIS PA'AM, MA BGYIS PA'AM, DNGOS PO'AM, RGYU'AM, MTSAN NYID DAM, MTSAN NYID KYI GZHI'AM, BRJOD PA'AM, BRJOD PAR BGYI BA'AM, BLO'AM, RIG PAR BGYI BA'AM, DE LTA

420b

BU LA SOGS PA'I TSIG RNAMS DANG THA DAD PA'AM, THA DAD PA MA LAGS PA ZHES BGYI, BCOM LDAN 'DAS KYIS BKA' STZAL PA, BLO GROS CHEN PO, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS NI DE LTA BU LA SOGS PA'I TSIG GI DNGOS PO'ANG MA YIN, RGYU'ANG MA YIN TE, DE CI'I PHYIR ZHE NA, GNYIS KA'ANG NYES PAR 'GYUR BA'I PHYIR RO, ,BLO GROS CHEN PO, GAL TE DE BZHIN GSHEGS PA DNGOS PO YIN MIN BYAS PA'AM, MI RTAG PAR 'GYUR TE, MI RTAG PA'I PHYIR DNGOS PO THAMS CAD KYANG DE BZHIN GSHEGS PAR 'GYUR BAS NA, DE NI NGA DANG DE BZHIN GSHEGS PA THAMS CAD KYANG MI BZHED DO, ,CI STE BYAS PA MA YIN NA NI DMIGS SU MED PA'I PHYIR SBYOR BA RNAMS DON MED PAR 'GYUR TE, RI BONG GI RVA DANG, MO GSHAM GYI BU LTAR YOD PA MA YIN PA'I PHYIR RO, ,BLO GROS CHEN PO, GANG DNGOS PO'ANG MED, RGYU'ANG MED PA NI YOD PA'ANG MA YIN, MED PA'ANG MA YIN, GANG YOD PA'ANG MA YIN, MED PA'ANG MA YIN PA DE NI MTHA' BZHI LAS 'DAS PA'O, ,MTHA' BZHI GANG YIN PA DE NI 'JIG RTEN GYI BRJOD PA'O, ,GANG MTHA' BZHI LAS 'DAS BA DE NI MTHA' BZHIR MA LHUNG BA'O, ,MA LHUNG BA'I PHYIR MKHAS PA RNAMS KYIS LEN PAR BYED DE, DE BZHIN GSHEGS PA THAMS CAD KYIS

421a

, ,TSIG GI DON KYANG DE BZHIN DU RIG PAR BYA'O, ,BLO GROS CHEN PO, BLO DANG LDAN PA RNAMS KYIS JI LTAR NGAS CHOS THAMS CAD BDAG MED PA'O ZHES BSHAD PA DE'I DON KYANG KHONG DU CHUD PAR BYA'O, ,BDAG MED PA'I DNGOS PO NI BDAG MED PA NYID DE CHOS THAMS CAD NI RANG GI DNGOS POR YOD KYI GZHAN GYI DNGOS POR NI MED DO, ,JI LTAR PA LANG DANG RTA BZHIN TE, BLO GROS CHEN PO, DPER NA, BA LANG DANG RTA'I DNGOS PO MA YIN PA LA BA LANG DANG RTA'I DNGOS PO DE YANG DAG PAR YOD PA'ANG MA YIN, MED PA'ANG MA YIN, YANG DE RANG GI MTSAN NYID MED PA NI MA YIN NO, ,DE BZHIN DU, BLO GROS CHEN PO, CHOS THAMS CAD RANG GI MTSAN NYID MED PA'ANG MA YIN TE, RANG GI MTSAN NYID YOD KYANG BYIS PA SO SO'I SKYE BO RNAMS KYIS BDAG MED PA KHONG DU CHUD PAR NUS PA MA YIN TE, 'DI LTAR RNAM PAR RTOG PA'I PHYIR RO, , DE BZHIN DU CHOS THAMS CAD STONG PA DANG, SKYE BA MED PA DANG, RANG BZHIN MED PA'ANG DE BZHIN DU RIG PAR BYA'O, ,DE BZHIN DU DE BZHIN GSHEGS PA NI PHUNG PO RNAMS DANG THA DAD PA'ANG MA YIN, GCIG PA'ANG MA YIN TE, GAL TE PHUNG PO RNAMS DANG THA DAD PA MA YIN NA NI MI RTAG PA YIN PAR 'GYUR RO, ,CI STE THA DAD NA NI SBYOR BA RNAMS

421b

DON MED PAR 'GYUR RO, ,GAL TE GNYIS SU GYUR NA NI THA DAD PAR 'GYUR TE, JI LTAR BA LANG GI RVA BZHIN DU 'DRA BA'I PHYIR THA DAD PA'ANG MA YIN LA, RING THUNG BYE BRAG YOD PA'I PHYIR THA DAD PA'ANG MA YIN TE, CHOS THAMS CAD KYANG DE BZHIN NO, ,BLO GROS CHEN PO, JI LTAR BA LANG GI RVA G-YAS PA NI RVA G-YON PA LAS THA DAD LA, RVA G-YON PA NI RVA G-YAS PA LAS THA DAD PAS, DE'I PHYIR RVA GNYIS NI GDON MI ZA BAR THA DAD PA YIN PAR RIG PAR BYA STE, DE BZHIN DU RING PO DANG, THUNG DU DANG, GZUGS SNA TSOGS RNAMS KYANG PHAN TSUN THA DAD DO, , BLO GROS CHEN PO, DE BZHIN GSHEGS PA'ANG PHUNG PO DANG, KHAMS DANG, SKYE MCHED RNAMS DANG THA DAD PA'ANG MA YIN, THA MI DAD PA'ANG MA YIN NO, ,DE BZHIN DU DE BZHIN GSHEGS PA'ANG THAR PA DANG THA DAD PA'ANG MA YIN, THA MI DAD PA'ANG MA YIN PAS, 'DI LTAR DE BZHIN GSHEGS PA NI THAR PA'I MING GIS BSTAN TO, ,GAL TE DE BZHIN GSHEGS PA DANG THAR PA THA DAD NA NI GZUGS KYI MTSAN NYID LAS MNGON PAR 'GRUB PAR 'GYUR TE, GZUGS KYI MTSAN NYID LAS MNGON PAR 'GRUB PA'I PHYIR MI RTAG PAR 'GYUR RO, ,CI STE THA MI DAD NA NI RNAL 'BYOR PA RNAMS KYIS THOB PA'I MTSAN NYID BYE BRAG MED PAR 'GYUR TE, RNAL 'BYOR PA RNAMS KYIS BYE BRAG KYANG MTHONG BAS NA DE'I PHYIR THA DAD PA'ANG MA YIN, THA

422a

, ,MI DAD PA'ANG MA YIN NO, ,DE BZHIN DU SHES PA DANG, SHES BYA'ANG THA DAD PA'ANG MA YIN, THA MI DAD PA'ANG MA YIN NO, ,BLO GROS CHEN PO, SHES PA DANG, SHES BYA THA DAD PA'ANG MA YIN, THA MI DAD PA'ANG MA YIN PA NI RTAG PA'ANG MA YIN, MI RTAG PA'ANG MA YIN, BYED PA'ANG MA YIN, BYAS PA'ANG MA YIN, 'DUS BYAS KYANG MA YIN, 'DUS MA BYAS KYANG MA YIN, BLO'ANG MA YIN, RIG PAR BYA BA'ANG MA YIN, MTSAN NYID KYANG MA YIN, MTSAN NYID KYI GZHI'ANG MA YIN, PHUNG PO RNAMS KYANG MA YIN, PHUNG PO RNAMS THA DAD PA'ANG MA YIN, BSHAD PA'ANG MA YIN, BSHAD PAR BYA BA'ANG MA YIN, GCIG PA'ANG MA YIN, THA DAD PA'ANG MA YIN, GNYIS KA'ANG MA YIN ,GNYIS KA MA YIN PA'ANG MA YIN PA'I PHYIR TSAD MA THAMS CAD DANG BRAL BA'O, ,GANG TSAD MA THAMS CAD DANG BRAL BA DE NI TSIG MED PA'O, ,GANG TSIG MED PA DE NI SKYES BA'O, ,GANG MA SKYES PA DE NI MA 'GAGS PA'O, ,GANG MA 'GAGS PA DE NI RAB TU ZHI BA'O, ,GANG RAB TU ZHI BA DE NI RANG BZHIN GYIS MYA NGAN LAS 'DAS PA'O, ,GANG RANG BZHIN GYIS MYA NGAN LAS 'DAS PA DE NI DNGOS PO DANG RGYU MED PA'O, ,GANG DNGOS PO DANG RGYU MED PA DE NI DMIGS PA MED PA'O, ,GANG DMIGS

422b

PA MED PA DE NI SPROS PA THAMS CAD LAS 'DAS PA'O, ,GANG SPROS PA THAMS CAD LAS 'DAS PA DE NI DE BZHIN GSHEGS PA'O, ,DE BZHIN GSHEGS PA GANG YIN PA DE NI YANG DAG PAR RDZOGS PA'I SANGS RGYAS NYID DO, ,BLO GROS CHEN PO, DE NI YANG DAG PAR RDZOGS PA'I SANGS RGYAS PA NYID CES BYA STE, BLO GROS CHEN PO, YANG DAG PAR RDZOGS PA'I SANGS RGYAS PA NI DBANG PO DANG, TSAD MA THAMS CAD DANG BRAL BA'O, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,DBANG PO TSAD MA RAB BRAL ZHING, ,DNGOS PO MED CING RGYU YANG MED, ,BLO DANG RIG BYA YONGS SPANGS SHING, ,MTSAN NYID MTSAN NYID GZHI YANG SPANGS,, PHUNG PO RKYEN SOGS SANGS RGYAS PA, ,GCIG DANG THA DAD MTHONG MI NUS, ,GAL TE MTHONG BA YOD MIN NA, ,CI YI PHYIR NA RNAM PAR RTOG ,BYAS PA MA YIN MA BYAS MIN, , DNGOS PO MA YIN RGYU YANG MIN, ,PHUNG MIN PHUNG LA GNAS PA MIN, ,GZHAN YANG 'DRES PA YOD MA YIN, ,JI LTAR DE YIS BRTAGS PA LTAR, A,DNGOS PO RNAMS NI YOD MA YIN, ,MED PA'ANG MA YIN SHES PAR BYA, ,DE NI CHOS KYI CHOS NYID DO, ,YOD PAR GYUR PHYIR MED PA YOD, ,MED PAR GYUR GYIR YOD PA YOD, ,MED PAR YANG NI 'DZIN

423a

, ,MI BYA, ,YOD PAR YANG NI MI BRTAG GO ,BDAG DANG BDAG MED SLAD PAS NA, ,SGRA TZAM LA NI 'JUG PA DAG ,MTHA' GNYIS SU NI BYING BA STE, BDAG DANG 'JIG RTEN RLAG PAR BYED, ,NYES PA KUN LAS RNAM GROL ZHING, ,NGA YI TSUL NI RAB RTOG NA, ,DE NI YANG DAG RTOG PA STE, ,'DREN PA CHE LA DE MI SMOD, ,DE NAS BYANG CHUB SEMS DPA' BLO GROS CHEN POS BCOM LDAN 'DAS LA YANG 'DI SKAD CES GSOL TO, ,BCOM LDAN 'DAS, JI LTAR BCOM LDAN 'DAS KYIS MDO SDE GSUNGS PA LAS SKYE BA MA MCHIS PA DANG, 'GAG PA MA MCHIS PA ZHES SMOS PA'ANG MDZAD LA, GZHAN YANG BCOM LDAN 'DAS KYIS SKYE BA MA MCHIS PA DANG, 'GAG PA MA MCHIS PA DE NI DE BZHIN GSHEGS PA'I TSIGS BLA DVAGS SO ZHES KYANG GSUNGS NA, CI BCOM LDAN 'DAS KYIS DNGOS PO MA MCHIS PA'I SLAD DU SKYE PA MA MCHIS PA DANG, 'GAG PA MA MCHIS PA ZHES GSUNGS SAM, 'ON TE DE BZHIN GSHEGS PA'I RNAM GRANGS GZHAN ZHIG LAGS, BCOM LDAN 'DAS KYIS BKA' STZAL PA, BLO GROS CHEN PO, NGAS CHOS THAMS CAD MI SKYE BA DANG, MI 'GAG PA ZHES BSHAD KYANG YOD PA DANG MED PA'I PHYOGS NI MI SNANG NGO, ,BLO GROS CHEN POS BCOM LDAN 'DAS LA GSOL PA, BCOM LDAN 'DAS, GAL

423b

TE CHOS THAMS CAD MA SKYES PA ZHIG LAGS NA NI CHOS ZHES SMOS PA'ANG DMIGS PAR MI 'GYUR TE, CHOS THAMS CAD MA SKYES PA'I SLAD DU'O, ,CI STE MING LA CHOS MCHIS PA ZHIG LAGS NA NI BCOM LDAN 'DAS KYIS BSHAD DU GSOL, BCOM LDAN 'DAS KYIS BKA' STZAL PA, BLO GROS CHEN PO, LEGS SO, ,LEGS SO, ,SHIN TU LEGS PAR NYON LA YID LA GZUNG ZHIG DANG, NGAS KHYOD LA RAB TU DBYE ZHING BSHAD PAR BYA'O, ,BLO GROS CHEN POS BCOM LDAN 'DAS LA GSOL PA, DE BZHIN DU 'TSAL LO ZHES BKA' MNYAN PA DANG, BCOM LDAN 'DAS KYIS 'DI SKAD CES BKA' STZAL TO, ,BLO GROS CHEN PO, NGA NI DE BZHIN GSHEGS PA DNGOS PO MED PAR BSHAD PA'ANG MA YIN, SKYE BA MED PA DANG, 'GAG PA MED PAS CHOS THAMS CAD SMOS PA'ANG MA YIN, RKYEN LA LTOS PA'ANG MA YIN PA'I PHYIR SKYE BA MED PA DANG, 'GAG PA MED KYANG DON MED BA'ANG MA YIN NO, ,BLO GROS CHEN PO, NGAS YID LAS BYUNG BA'I CHOS KYI SKU'I DE BZHIN GSHEGS PA'I MING GI TSIG BLA DVAGS SU MA SKYES BA ZHES BSHAD PA DE NI MU STEGS CAN DANG, NYAN THOS DANG, RANG SANGS RGYAS DANG, SA BDUN LA RAB TU GNAS PA'I BYANG CHUB SEMS DPA' RNAMS KYI SPYOD YUL MA YIN PAS, BLO GROS CHEN PO, MA SKYES

424a

, ,PA DE NI DE BZHIN GSHEGS PA'I RNAM GRANGS KYI TSIG YIN NO, ,BLO GROS CHEN PO, DPER NA, DBANG PO DANG, BRGYA BYIN DANG, GRONG KHYER 'JIG DANG, DE LA SOGS PA DNGOS PO RE RE LA'ANG MING GI RNAM GRANGS MANG PO YOD DE, MING MANG BA'I PHYIR DNGOS PO MANG PO YOD PA'ANG MA YIN LA, RANG BZHIN MED PA'ANG MA YIN NO, ,DE BZHIN DU, BLO GROS CHEN PO, NGA'ANG MI MJED KYI 'JIG RTEN GYI KHAMS 'DI NA MING GRANGS MED PA BRGYA STONG PHRAG GSUM YOD PAR BYIS PA RNAMS KYI RNA LAM DU GRAGS TE, SO SO NAS NGA'I MING BRJOD KYANG DE DAG GIS NGA'I DE BZHIN GSHEGS PA'I MING GI RNAM GRANGS MI SHES SO, ,BLO GROS CHEN PO, SEMS CAN KHA CIG NI NGA LA DE BZHIN GSHEGS PA YIN PAR SHES SO, ,KHA CIG NI THAMS CAD MKHYEN PAR SHES PA'ANG YOD DO, ,SANGS RGYAS SU SHES PA'ANG YOD DO, ,'JIG RTEN SKYOB PAR SHES PA'ANG YOD DO, ,BDAG NYID RIG PAR SHES PA'ANG YOD DO, ,'DREN PAR SHES PA'ANG YOD DO, ,RNAM PAR 'DREN PAR SHES PA'ANG YOD DO, ,YONGS SU 'DREN PAR SHES PA'ANG YOD DO, ,DRANG SRONG DU SHES PA'ANG YOD DO, ,TSANGS PAR SHES PA'ANG YOD DO, ,KHYAB 'JUG TU SHES PA'ANG YOD DO, ,DBANG PHYUG TU SHES PA'ANG YOD

424b

DO; ;GTZO BOR SHES PA'ANG YOD DO, ,SER SKYA YIN PAR SHES PA'ANG YOD DO, ,YANG DAG PA'I MTHA' YIN PAR SHES PA'ANG YOD DO, ,ZLA BAR SHES PA'ANG YOD DO, ,NYI MAR SHES PA'ANG YOD DO, ,BDAG POR SHES PA'ANG YOD DO, ,SKYE BA MED PAR SHES PA'ANG YOD DO, ,'GAG PA MED PAR SHES PA'ANG YOD DO, ,STONG PA NYID DU SHES PA'ANG YOD DO, ,DE BZHIN NYID DU SHES PA'ANG YOD DO, ,BDEN PA NYID DU SHES PA'ANG YOD DO, ,DE KHO NA NYID DU SHES PA'ANG YOD DO, ,CHOS KYI NGO BO NYID DU SHES PA'ANG YOD DO, ,MYA NGAN LAS 'DAS PAR SHES PA'ANG YOD DO, ,RTAG PAR SHES PA'ANG YOD DO, ,MNYAM PA NYID DU SHES PA'ANG YOD DO, ,GNYIS SU MED PAR SHES PA'ANG YOD DO, ,MTSAN MA MED PAR SHES PA'ANG YOD DO, ,RNAM PAR THAR PAR SHES PA'ANG YOD DO, ,LAM YIN PAR SHES PA'ANG YOD DO, ,YID LA BYUNG BAR RAB TU SHES PA'ANG YOD DO, ,BLO GROS CHEN PO, DE LA SOGS PA MING GRANGS MED PA BRGYA STONG PHRAG GSUM LHAG CHAD MED PAR 'JIG RTEN GYI KHAMS 'DI DANG, GZHAN KUN GYI SANG LA CHU'I ZLA BA BZHIN DU 'BYUNG BA'ANG MED, 'JUG PA'ANG MED PAR RAB TU SHES SO, ,BYIS PA SO SO'I SKYE BO DAG GIS NI RAB TU MI SHES TE, MTHA' GNYIS SU LHUNG BA'I PHYIR RO, ,'ON KYANG NGA LA BKUR STI BYED,

425a

, ,MCHOD PAR BYED DE, TSIG GI DON GYI TSUL LA MI MKHAS PAS MING RNAM PAR 'BYED MI NUS SHING RANG GI TSUL MI SHES PAS, BRJOD PA'I TSIG SNA TSOGS LA MNGON PAR ZHEN NAS SKYE BA MED PA DANG, 'GAG PA MED PA LA DNGOS PO MED PAR 'DU SHES SO, ,DE BZHIN GSHEGS PA'I MING GI RNAM GRANGS THA DAD PA DBANG PO DANG, BRGYA BYIN DANG, GRONG KHYER 'JIG PA LTA BU MA SHES SHING, RANG GI TSUL MTHAR THUG PA LA RMONGS PAS, CHOS THAMS CAD LA SGRA JI BZHIN DU MNGON PAR ZHEN TO, ,BLO GROS CHEN PO, SKYES BU BLUN PO DE DAG 'DI SKAD DU DON NI JI BZHIN PA NYID DE, SGRA LAS DON GZHAN MA YIN NO, ,DE CI'I PHYIR ZHE NA, 'DI LTA STE, DON MA LUS PA MED PA'I PHYIR SGRA LAS GZHAN CI'ANG MED DO, ,SGRA 'BA' ZHIG GO ZHES ZER RO, ,BLO GROS CHEN PO, LOG PAS BSREGS PA'I BLO CAN DE DAG SGRA'I RANG BZHIN YONGS SU MI SHES PAS SGRA LA SKYE BA DANG, 'GAG PA YOD CING DON LA SKYE BA DANG, 'GAG PA MED PAR MI RIG GO ,BLO GROS CHEN PO, SGRA THAMS CAD NI YI GER LHUNG BA'O, , DON NI MA LHUNG BA STE, DNGOS PO DANG DNGOS PO MED PA SPANGS PA'I PHYIR DANG, SKYE BA LEN PA MED CING LUS MED PA'I PHYIR RO, ,BLO GROS CHEN PO, DE BZHIN GSHEGS PA NI YI

425b

GER LHUNG BA'I CHOS MI STON TE, YI GE RNAMS KYI YOD PA DANG, MED PA MI DMIGS PA'I PHYIR GZHAN DU NA YI GER MA LHUNG BAS CHOS STON TO, ,BLO GROS CHEN PO, GAL TE KHA CIG 'DI SKAD DU DE BZHIN GSHEGS PA NI YI GER LHUNG BA'I CHOS MI STON TO ZHES ZER BA NI BRDZUN DU SMRA BA STE, CHOS NYID NI YI GE DANG BRAL BA'I PHYIR RO, ,DE LTA BAS NA, BLO GROS CHEN PO, NGA LA SOGS PA SANGS RGYAS DANG, BYANG CHUB SEMS DPA' RNAMS NI YI GE GCIG KYANG MA BSHAD, 'CHAD PAR MI 'GYUR RO, ,DE CI'I PHYIR ZHE NA, CHOS RNAMS YI GE DANG BRAL BA'I PHYIR RO, ,DON DANG MI LDAN PAR 'CHAD PA'ANG MA YIN TE, BRJOD PA NI SEMS CAN GYI RNAM PAR RTOG PA YIN PA'I PHYIR RO, ,BLO GROS CHEN PO, GAL TE CHOS THAMS CAD MA BSHAD NA NI BSTAN PA'I CHOS RNAMS 'JIG PAR 'GYUR RO, ,BSTAN PA'I CHOS ZHIG NA NI SANGS RGYAS DANG, BYANG CHUB SEMS DPA' DANG, RANG SANGS RGYAS DANG, NYAN THOS RNAMS KYANG MED PAR 'GYUR RO, ,DE DAG MED NA NI GANG ZHIG SU LA CI ZHIG BSHAD DE, DE LTA BAS NA, BLO GROS CHEN PO, BYANG CHUB SEMS DPA' SEMS DPA' CHEN POS BSHAD PA BRJOD PA'I SGRA LA MNGON PAR CHAGS PAR MI BYA ZHING, BSAM PA JI LTA BA BZHIN DU MDO SDE'I CHOS RNAMS RGYA CHER BSHAD PAR BYA'O, ,'DI LTAR

426a

, ,SEMS CAN RNAMS KYI RE BA DANG, NYON MONGS PA NI GCIG PA MA YIN PA'I PHYIR, NGA DANG SANGS RGYAS GZHAN RNAMS KYIS MOS PA THA DAD PA SNA TSOGS KYI SEMS CAN RNAMS SEMS DANG, YID DANG, YID KYI RNAM PAR SHES PA BZLOG PA'I PHYIR CHOS BSTAN PAR BYA BA YIN GYI, SO SO RANG GIS RIG PA 'PHAGS PA'I YE SHES KYI GNAS THOB PA LA NI MA YIN NO, ,BLO GROS CHEN PO, CHOS THAMS CAD SNANG BA MED PA, RANG GI SEMS SNANG BA TZAM DU KHONG DU CHUD PA, RNAM PAR RTOG PA GNYIS SPANGS PA'I BYANG CHUB SEMS DPA' SEMS DPA' CHEN PO RNAMS KYIS DON LA RTON PAR BYA'I YI GE LA RTON PAR MI BYA'O, ,BLO GROS CHEN PO, GAL TE RIGS KYI BU'AM, RIGS KYI BU MO GANG LA LA YI GE LA RTON PA DE DAG NI BDAG KYANG DON DAM PA LAS NYAMS PAR BYED LA, GZHAN YANG RTOGS PAR BYED MI NUS TE, LTA BA NGAN PA'I RGYUD DU LHUNG BAR 'KHOR RNAMS LA SGROGS PAR BYED DE, CHOS THAMS CAD DANG, SA THAMS CAD DANG, MTSAN MA THAMS CAD LA MI MKHAS PAS TSIG GI RNAM GRANGS RTOGS PAS KHONG DU MI CHUD DO, ,GAL TE CHOS THAMS CAD DANG, SA THAMS CAD DANG, MTSAN MA THAMS CAD LA MKHAS PA DANG, TSIG GI RNAM GRANGS RTOGS PAR KHONG DU CHUD

426b

CING DNGOS PO'I DON DANG LDAN PAR GYUR NA, DE YANG DAG PA MTSAN MA MED PA'I BDE BAS BDAG NYID TSIM PAR BYED CING SEMS CAN RNAMS KYANG THEG PA CHEN PO MNYAM PA NYID LA 'GOD PAR BYED DO, ,BLO GROS CHEN PO, THEG PA CHEN PO YONGS SU BZUNG NA, SANGS RGYAS DANG, BYANG CHUB SEMS DPA' DANG, RANG SANGS RGYAS DANG, NYAN THOS RNAMS YONGS SU GZUNG BAR 'GYUR RO, ,SANGS RGYAS DANG, BYANG CHUB SEMS DPA' DANG, RANG SANGS RGYAS DANG, NYAN THOS RNAMS YONGS SU BZUNG BAS NI SEMS CAN THAMS CAD YONGS SU GZUNG BAR 'GYUR RO, ,SEMS CAN THAMS CAD YONGS SU BZUNG BAS NI DAM PA'I CHOS YONGS SU GZUNG BAR 'GYUR RO, ,DAM PA'I CHOS YONGS SU BZUNG BAS NI SANGS RGYAS KYI DUNG RGYUN MI GCOD PA YIN NO, ,SANGS RGYAS KYI GDUNG RGYUN MI GCOD PA NI GNAS KHYAD PAR CAN DU 'JUG PA'I SHES PA 'THOB PAR 'GYUR RO, ,GNAS KHYAD PAR CAN DU 'JUG PA'I SHES PA THOB PA'I BYANG CHUB SEMS DPA' SEMS DPA' CHEN PO RNAMS NI RTAG PAR BRDZUS TE SKYE ZHING THEG PA CHEN PO RAB TU 'JOG PAS DBANG BCU'I STOBS KYIS GZUGS SNA TSOGS YONGS SU STON PAR 'GYUR TE, SEMS CAN GYI CHA BYAD DANG, MOS PA DANG, NYON MONGS PA'I MTSAN NYID RNAMS RTOGS PAR KHONG DU CHUD PAS YANG

427a

, ,DAG PA JI LTA BA BZHIN DU CHOS STON TO, ,DE LA YANG DAG PA JI LTA BA BZHIN DU STON PA ZHES BYA BA NI DE KHO NA NYID PAS GZHAN MA YIN PA STE, 'ONG BA DANG, 'GRO BA MED PA'I MTSAN NYID DANG, SPROS PA THAMS CAD NYE BAR ZHI BA NI DE KHO NA NYID CES BYA'O, ,BLO GROS CHEN PO, RIGS KYI BU'AM, RIGS KYI BU MO RNAMS KYIS SGRA JI BZHIN DU GZUNG ZHING MNGON PAR ZHEN PAR MI BYA STE, DE KHO NA NYID NI MING DANG, YI GE DANG BRAL BA'I PHYIR RO, ,BLO GROS CHEN PO, JI LTAR BLUN PO KHA CIG LA SOR MO'I RTZE MOS DNGOS PO BSTAN NA BLUN PO DE SOR MO'I RTZE MO LA LTA BAS YANG DAG PA'I DON MI 'THOB BO, ,DE BZHIN DU BYIS PA SO SO'I SKYE BO RNAMS KYANG SGRA JI BZHIN GYI SOR MO'I RTZE MO 'DZIN CING MNGON PAR ZHEN TE, 'CHI BA LA THUG GI BAR DU YONGS SU MI GTONG BAS SGRA JI BZHIN GYI SOR MO'I RTZE MO SPANGS PA DON DAM PA'I DE KHO NA NYID 'THOB PAR MI NUS SO, ,BLO GROS CHEN PO, DPER NA, BYIS PA CHUNG DU RNAMS NI ZAS G-YOS SU BYAS PA RNAMS BZA' BA'I RIGS KYI, G-YOS SU MA BYAS PA RNAMS NI BZA' BA'I MI RIGS PA LAS, GAL TE G-YOS SU MA BYAS PA ZOS NA SMAD NAD SLONG BAR 'GYUR TE, KHA ZAS RIM GYIS G-YOS SU BYA BA MI SHES PA'I PHYIR RO, ,BLO GROS CHEN PO,

427b

DE BZHIN DU SKYE BA MED PA DANG, 'GAG PA MED PA'ANG THABS KYIS MNGON PAR MA BSGRUBS NA MDZES PAR MI 'GYUR RO, ,DE LTA BAS NA, BLO GROS CHEN PO, THABS KYIS MNGON PAR BSGRUB PA LA BRTZON PAR BYA ZHING SOR MO'I RTZE MO LA LTA BA LTAR SGRA'I RJES SU 'BRANG BAR MI BYA'O, ,DE'I PHYIR, BLO GROS CHEN PO, DE KHO NA'I DON LA THABS KYIS MNGON PAR BRTZON PAR BYA'O, ,DE LA DE KHO NA'I DON NI RAB TU DPEN PA STE, MYA NGAN LAS 'DAS PA'I RGYU'I, ,SGRA NI RNAM PAR RTOG PA DANG RJES SU MTHUN PA'O, ,RNAM PAR RTOG PA NI 'KHOR BA SDUD PA'O, ,BLO GROS CHEN PO, DE LA DE KHO NA NYID KYI DON NI MANG DU THOS PA LAS THOB PAR 'GYUR RO, ,BLO GROS CHEN PO, MANG DU THOS PA NI 'DI LTA STE, DON LA MKHAS PA YIN GYI SGRA LA MKHAS PA NI MA YIN NO, ,DON LA MKHAS PA NI MU STEGS CAN GYI SMRA BA THAMS CAD KYI RJES SU MI 'BRANG BAS BDAG NYID KYANG RJES SU 'BRANG BAR MI BYED LA GZHAN DAG KYANG RJES SU 'BRANG BAR BYED DU MI 'JUG STE, 'DI NI YON TAN CHEN PO MANG DU THOS PA DANG LDAN PA ZHES BYA'O, ,DE BAS NA DON 'DOD PA RNAMS KYIS MANG DU THOS PA LA BSTEN PAR BYA STE, 'DI LTA STE, DON LA MKHAS PA'O, ,'DI LAS BZLOG PA SGRA LA MNGON PAR ZHEN PA DE DAG NI YONGS SU SPANG BAR BYA'O, ,DE NAS YANG BYANG CHUB SEMS DPA' BLO

428a

, ,GROS CHEN PO SANGS RGYAS KYI BYIN GYI RLABS KYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS KYIS SKYE BA MA MCHIS PA DANG, 'GAG PA MA MCHIS PA ZHES RAB TU PHYE BA DE NI NGO MTSAR DU GYUR PA CI'ANG MA MCHIS SO, ,DE CI'I SLAD DU ZHE NA, MU STEGS CAN RNAMS KYIS RGYU'ANG MA SKYES MA 'GAGS PA'O, ,BCOM LDAN 'DAS KYIS KYANG NAM MKHA' DANG, SO SOR BRTAGS PA MA 'GAGS PA'I 'GOG PA DANG, MYA NGAN LAS 'DAS PA'I DBYINGS NI MA SKYES BA DANG, MA 'GAGS PA'O ZHES GSUNGS, BCOM LDAN 'DAS, MU STEGS CAN RNAMS KYANG RGYU LAS 'JIG RTEN RNAMS SKYE'O ZHES MCHI LA, BCOM LDAN 'DAS KYIS KYANG MA RIG PA DANG, SRED PA DANG, LAS DANG, RNAM PAR RTOG PA RNAMS KYIS RKYEN BYAS NAS 'JIG RTEN RNAMS SKYE BAR BKA' STZAL TE, RGYU DE DANG RKYEN 'DI MING LA BYE BRAG MCHIS PAR BAS SO, ,PHYI ROL GYI DNGOS PO'I RGYU DANG RKYEN RNAMS KYANG DE BZHIN TE, DE LTA BAS NA BCOM LDAN 'DAS KYIS YANG MU STEGS CAN GYI SMRA BA'ANG BYE BRAG MA MCHIS PAR 'GYUR RO, ,MU STEGS CAN YANG 'DI SKAD DU RDUL PHRA MO DANG, GTZO BO DANG, DBANG PHYUG DANG, SKYE DGU'I BDAG PO LA SOGS PA RDZAS DGU DANG BCAS PA MA SKYES MA 'GAGS

428b

PA'O ZHES MCHI LA, BCOM LDAN 'DAS KYIS KYANG DNGOS PO THAMS CAD MA SKYES PA DANG, MA 'GAGS PAS YOD PA DANG, MED PA MI DMIGS SO ZHES BKA' STZAL, MU STEGS CAN RNAMS KYANG 'BYUNG BA CHEN PO BZHI MI 'JIG PAS RANG GI MTSAN NYID MI SKYE MI 'GAG GO ,'BYUNG BA CHEN PO BZHI PO RNAMS NI RTAG PAR 'BYUNG BA CHEN PO NYID DE, 'GRO BA KUN LA KHYAB PAR 'JUG KYANG RANG BZHIN MI 'DOR RO ZHES MCHIS PAS NA, BCOM LDAN 'DAS KYIS BKA' STZAL PA'ANG DE BZHIN TE, DE'I SLAD DU BDAG 'DI SKAD DU NGO MTSAR CHE BA MA LAGS SO ZHES MCHI'O, ,BCOM LDAN 'DAS, NGO MTSAR CHE ZHING MU STEGS CAN RNAMS LAS KHYAD PAR DU GYUR BA'I BYE BRAG BSHAD DU GSOL, CI STE BYE BRAG MA MCHIS NA NI MU STEGS CAN RNAMS KYANG SANGS RGYAS LAGS PAR 'GYUR TE, 'DI LTAR SKYE BA MA MCHIS PA DANG, 'GAG PA MA MCHIS PA'I SLAD DU'O, ,BCOM LDAN 'DAS KYIS NI 'JIG RTEN KYI KHAMS GCIG TU SANGS RGYAS MANG PO 'BYUNG BA NI GNAS MED DO ZHES KYANG GSUNGS LA, 'DI LTAR JI SKAD BKA' STZAL BA DANG SBYAR NA NI 'JIG RTEN GYI KHAMS GCIG TU SANGS RGYAS MANG PO 'BYUG BAR 'GYUR TE, BYE BRAG MA MCHIS PA'I SLAD DU'O, ,BCOM LDAN 'DAS KYIS BLO GROS CHEN PO LA BKA' STZAL PA, NGAS BSHAD PA'I SKYE

429a

, ,BA MED PA DANG, 'GAG PA MED PA NI MU STEGS CAN RNAMS KYI SKYE BA MED PA DANG, 'GAG PA MED PA DANG MTSUNGS PA MA YIN TE, DE CI'I PHYIR ZHE NA, MU STEGS CAN DE DAG NI DNGOS PO'I RANG BZHIN YOD PAS MA SKYES PA DANG, MI 'GYUR BA'I MTSAN NYID MI 'THOB KYI NGA NI DE LTAR YOD PA DANG, MED PA'I PHYOGS SU LHUNG BA MA YIN NO, ,BLO GROS CHEN PO, NGA NI YOD PA DANG MED PA'I PHYOGS DANG BRAL BA, SKYE BA DANG 'JIG PA DANG BRAL BA, DNGOS PO'ANG MA YIN, DNGOS PO MED PA'ANG MA YIN TE, SGYU MA DANG, RMI LAM GYI GZUGS SNA TSOGS LTA BUR SNANG BA'I PHYIR DNGOS PO MED PA'ANG MA YIN NO, ,JI LTAR NA DNGOS PO MED PA YIN ZHE NA, 'DI LTA STE, GZUGS KYI RANG BZHIN GYI MTSAN NYID MED CING GZUNG BA RNAMS SNANG BA DANG MI SNANG BA'I PHYIR DANG, 'DZIN PAS YONGS SU MA BZUNG BA'I PHYIR DES NA DNGOS PO THAMS CAD NI DNGOS PO'ANG MA YIN, DNGOS PO MED PA'ANG MA YIN NO, ,'DI LTAR RANG GI SEMS SNANG BA TZAM DU KHONG DU CHUD PAS RNAM PAR RTOG PA MI SKYE ZHING SHIN TU BDE BAS 'JIG RTEN GYI BYA BA RNAMS RAB TU ZHI BA YIN NA, BYIS PA SO SO'I SKYE BO MI MKHAS PA RNAMS BYA BA YOD PAR RNAM PAR RTOG GI 'PHAGS PA RNAMS NI MA YIN NO, ,YANG DAG PA

429b

MA YIN PA'I RNAM PAR RTOG PA NI DRI ZA'I GRONG KHYER DANG, SGYU MA DANG, SPRUL PA'I SKYES BU LTA BU'O, ,BLO GROS CHEN PO, DPER NA, DRI ZA'I GRONG KHYER GYI NANG DU SGYU MA DANG, SPRUL PA'I SKYES BU'I 'DREN PA MANG PO SNA TSOGS 'BYUNG ZHING 'JUG PA LA, BYIS PA MI MKHAS PA'I RNAM PAR RTOG PAS BDEN PAR 'DI DAG 'BYUNG NGO, ,'JUG GO ZHES SMRA'ANG YANG DAG PAR 'BYUNG ZHES BYA BA'AM, 'JUG PA ZHES BYA BA MED DE, DE NI RNAM PAR RTOG PA TZAM DU ZAD PA'I PHYIR RO, ,DE BZHIN DU, BLO GROS CHEN PO, BYIS PA SO SO'I SKYE BO MI MKHAS PA RNAMS SKYE BA MED PA DANG, 'GAG PA MED PA'I NOR PA SKYED PAR BYED DE, DE DAG LA NI 'DUS BYAS SAM, 'DUS MA BYAS GANG YANG MED DO, ,SGYU MA'I SKYES BU LTAR SKYE'ANG YANG DAG PAR DE LA SKYE BA'AM 'GAG PA CI'ANG MED DE, DNGOS PO DANG DNGOS PO MED PA GANG YANG YOD PA MA YIN PA'I PHYIR RO, ,CHOS THAMS CAD KYANG DE BZHIN TE; SKYE BA DANG 'GAG PA SPANGS PA YIN NA, BYIS PA SO SO'I SKYE BO MI MKHAS PA RNAMS NI YANG DAG PA MA YIN PAR LHUNG BAS SKYE BA DANG 'GAG PA'I RNAM PAR RTOG PA 'BYUNG GI 'PHAGS PA RNAMS NI MA YIN NO, ,DE LA YANG DAG PA MA YIN PA ZHES BYA BA NI DNGOS PO'I RANG BZHIN BRTAGS PA DE BZHIN DU'ANG MA YIN, GZHAN DU'ANG MA YIN

430a

, ,NO; ;GAL TE GZHAN DU BRTAGS NA NI DNGOS PO THAMS CAD KYI RANG BZHIN LA MNGON PAR ZHEN PA NYID DU 'BYUNG BAS RAB TU DBEN PA MI MTHONG NGO,, RAB TU DBEN PA MI MTHONG NA RNAM PAR RTOG PA DANG BRAL BAR MI 'GYUR RO, ,DE'I PHYIR, BLO GROS CHEN PO, MTSAN MA MED PAS NI MCHOG MTHONG GI ,MTSAN MAS NI MA YIN TE, MTSAN MAR MTHONG BA NI SKYE BA LEN PA'I RGYU YIN PA'I PHYIR MCHOG MA YIN NO, ,BLO GROS CHEN PO, MTSAN MA MED PA NI RNAM PAR RTOG PA MI SKYE STE, MI 'BYUNG MI 'GAG PAS NGAS MYA NGAN LAS 'DAS PA ZHES BSHAD DE, BLO GROS CHEN PO, DE LA MYA NGAN LAS 'DAS PA NI YANG DAG PA'I DON JI LTA BA BZHIN DU MTHONG BAS SNGAR RNAM PAR RTOG PA'I SEMS DANG SEMS LAS BYUNG BA'I CHOS RNAMS SPANGS PA, DE BZHIN GSHEGS PA'I SO SO RANG GIS RIG PA 'PHAGS PA'I YE SHES THOB PA DE NI NGAS MYA NGAN LAS 'DAS PA YIN NO ZHES BSTAN TO, ,DE NAS BCOM LDAN 'DAS KYI SA DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,SKYE BAR SMRA BA DE BZLOG PHYIR, ,MI SKYE DON NI RNAM PAR BZHAG ,NGA YIS DE LTAR BSHAD PA'I CHOS, ,BYIS PA RNAMS KYIS RIG MI NUS, ,CHOS RNAMS THAMS CAD MI SKYE

430b

BAS, DNGOS PO MED CING SKYE BA MED, ,RMI LAM SGYU MA DRI ZA'I GRONG, ,DNGOS PO YOD KYANG RGYU NI MED, ,MA SKYES RANG BZHIN MED PA DANG, ,CI PHYIR STONG PA'ANG BSHAD PAR BYA, ,'DUS PA DAG NI YONGS SPANGS SHING, ,BLO GROS RIG NA DNGOS MI SNANG, ,DE PHYIR STONG NYID MA SKYES PA, ,RANG BZHIN MED PAR NGAS BSHAD DO, ,'DI LTAR RE RE 'DUS PAS NA, ,DNGOS PO SNANG YANG YOD MA YIN, ,RNAM PAR GZHIGS NA 'DUS PA MED, ,MU STEGS LTA BA LTAR YANG MIN, ,RMI LAM SGYU MA SKRA SHAD DANG, ,SMIG RGYU DRI ZA'I GRONG KHYER LTAR, ,'JIG RTEN DNGOS PO SNA TSOGS KUN, ,RGYU MED MTSAN NYID RAB TU SNANG, ,RGYU YOD SMRA BA GDUL BA'I PHYIR, ,MA SKYES DON NI RAB TU BSGRAGS, ,SKYE MED RAB TU BSGRAGS PAS NA; ;CHOS KYI TSUL NI RGYUN MI 'CHAD, ,RGYU MED RAB TU SMRA BA NI, ,'JIGS PA'I MU STEGS CAN RNAMS TE, ,JI LTAR CI YI PHYIR NA NI, ,DE YANG CI PHYIR SKYE BAR 'GYUR, ,GANG DAG TU NI 'DUS GYUR NA, ,RGYU MED PAR NI SMRA BAR BYED, ,'DUS BYAS CHOS RNAMS RAB BTAGS NA, ,RGYU MED RGYU YOD MA YIN TE, ,SKYE DANG 'JIG PAR SMRA BA YI, ,LTA BA DAG NI DE NAS LDOG ,DE NAS BYANG CHUB SEMS DPA' BLO GROS CHEN POS TSIGS SU BCAD DE ZHU BA ZHUS PA, CI YI SLAD DU SKYE MA MCHIS, ,'ON TE DNGOS PO MA MCHIS SAM, ,DE STE RKYEN

431a

, ,LA BTAGS PA'AM, ,CHOS MCHIS MI SKYE ZHES BGYI'AM, ,MING NI DON MA MCHIS MI RIGS, ,RNAM PAR DBYE ZHING BSHAD DU GSOL, ,DE NAS BCOM LDAN 'DAS KYIS TSIGS SU BCAD DE BKA' STZAL PA, DNGOS MED MI SKYE MA YIN TE, ,RKYEN LA BTAGS PA'ANG MA YIN NO, ,DNGOS PO YOD PAS MING YOD MIN, ,MING LA DON MED PA YANG MIN, ,MU STEGS CAN NI THAMS CAD DANG, ,NYAN THOS DANG NI RANG RGYAL DANG, ,SA BDUN SPYOD YUL MA YIN PA, ,DE NI MI SKYE MTSAN NYID DO, ,RGYU DANG RKYEN RNAMS YONGS SPANGS SHING, ,BYA BA THAMS CAD YONGS BRAL TE, ,SHIN TU PHRA BA'I SEMS CAN GNAS, ,MTSAN NYID MTSAN GZHI NYID SPANGS NAS, ,DE LUS RAB TU GYUR PA NI, ,SKYE BA MED PAR NGAS BSHAD DO, ,PHYI ROL DNGOS PO DNGOS MED MIN, ,SEMS CAN YONGS SU GZUNG BA MED, ,LTA BA THAMS CAD RAB SPANGS PA, ,SKYE BA MED PAR NGAS BSHAD DO, ,'DI LTAR RANG BZHIN MED PA DANG, ,STONG PA LA SOGS DBYE BAR BYA, ,STONG PHYIR STONG ZHES BSHAD PA MIN, ,SKYE BA MED PHYIR STONG ZHES BSHAD, ,RGYU RKYEN GRANGS NI 'DUS PA LAS, ,SKYE DANG 'JIG PA YOD PAR GYUR, ,RGYU RKYEN GRANGS LAS LOGS SHIG NA, ,SKYE BA DANG NI 'JIG PA MED, ,RGYU RKYEN GRANGS LAS LOGS SHIG NA, ,DNGOS PO THA DAD YOD MA YIN, ,

431b

GCIG DANG THA DAD CES BYA BA, ,MU STEGS RNAM PAR RTOG PA YIN, ,YOD MED DNGOS PO MI SKYE STE, ,YOD PA MA YIN MED PA'ANG MIN, ,GRANGS 'GYUR BA NI MA GTOGS PAR, ,GANG YANG DMIGS PAR MI 'GYUR RO, ,KUN RDZOB TZAM DU GRANGS YOD PAS, ,PHAN TSUN DU NI 'BREL PAR BYED, ,RGYU RKYEN 'BREL LAS LOGS SHIG NA, ,SKYE BA'I DON NI MI RIGS SO,, SKYE BA MED PAS DNGOS MI 'GYUR, ,MU STEGS CAN GYI SKYON RNAMS SPANGS, ,RKYEN GYI 'BREL PA TZAM BSHAD DE, ,BYIS PA RNAMS KYIS MI RIG GO ,RKYEN GYI 'BREL LAS LOGS SHIG NA, ,DNGOS PO SKYE BA YOD CES PA, ,DE NI RGYU MED SMRA BA STE, ,'BREL PA'I DON NI 'JIG PAR BYED, ,MAR ME'I GZUGS RNAMS SNANG BYED LTAR, ,'BREL PA SNANG BA'ANG DE BZHIN NA, ,DE NI 'BREL LAS LOGS SHIG NA, ,DNGOS PO RNAMS NI YOD PA'I RIGS, ,DNGOS PO MED PA SKYE MED PAS, ,NAM MKHA'I RANG BZHIN LTA BU'O, ,'BREL PA DAG LAS LOG GYUR NA, ,BLO YIS RTOG PAR BYA BA MED, ,GZHAN YANG SKYE BA MED YOD DE, ,'PHAGS PAS THOB PA'I CHOS NYID DO, ,GANG DE'I SKYE BA MI 'BYUNG BA, ,DE NI MI SKYE BZOD PA YIN, ,NAM ZHIG 'JIG RTEN 'DI DAG KUN, ,'BREL PA TZAM DU RAB RTOG NA, ,THAMS CAD 'BREL PA YONGS SPANGS NAS, ,DE NAS TING 'DZIN 'THOB PAR 'GYUR, ,MI SHES SRED PA LAS LA SOGS

432a

, ,DE NI NANG GI 'BREL PA YIN, ,MI SHES 'JIM GONG 'KHOR LO DANG, ,SA BON LA SOGS PHYI ROL YIN, ,GAL TE DNGOS PO GZHAN YOD DE, ,RGYU DANG RKYEN LAS SKYE ZHE NA, ,DE NI 'BREL PA'I DON MIN PAS, ,DE YANG 'GRUB PAR MI 'GYUR RO, ,GAL TE SKYE BA RANG BZHIN MED, ,DE NI SU YI 'BREL PAR 'GYUR, ,PHAN TSUN DU NI BSKYED PA'I PHYIR, ,RGYU RKYEN DON DU SHES PAR BYA, ,SRA GSHER DROD DANG G-YO BA'I CHOS, ,BYIS PAS RNAM PAR BRTAGS PA STE, ,GRANGS LAS MA GTOGS CHOS GZHAN MED, ,DE'I PHYIR DNGOS PO MED PAR BSHAD, ,SMAN PAS NAD RNAMS GSO BA DAG ,BSTAN BCOS THA DAD MED KYANG NI, ,NAD NI THA DAD BYE BRAG GIS, ,GNYEN PO SNA TSOGS BSHAD PA LTAR, ,NGA YANG SEMS CAN DE DAG GI ,NYON MONGS NAD RNAMS GZHIG PA'I PHYIR, ,DBANG PO DAG NI RAB SHES NAS, ,DE LA SGROL BA'I SGO BSHAD DO, ,NYON MONGS DBANG PO THA DAD PAS, ,CHOS NI SNA TSOGS YOD MA YIN, ,THEG GCIG 'BA' ZHIG CHOS STON PA, ,DE NI THEG PA CHEN PO YIN, ,DE NAS BYANG CHUB SEMS DPA' BLO GROS CHEN POS BCOM LDAN 'DAS LA 'DI SKAD CES GSOL TO, ,BCOM LDAN 'DAS, MU STEGS CAN THAMS CAD KYANG MI RTAG PA NYID DO ZHES RNAM PAR RTOG PAR BGYID,

432b

BCOM LDAN 'DAS KYIS KYANG, 'DU BYED THAMS CAD MI RTAG PAS, ,SKYE ZHING 'JIG PA'I CHOS CAN NO, ,ZHES BKA' STZAL NA, 'DI'I DON JI LTA BU LOG PA'AM, YANG DAG PA ZHIG LAGS, ,MI RTAG PA NYID LA NI RNAM PA DU MCHIS, BCOM LDAN 'DAS KYIS BKA' STZAL PA, BLO GROS CHEN PO, MU STEGS CAN RNAMS LA NI MI RTAG PA RNAM PA BDUN YOD KYI, NGA'I BSTAN PA LA NI MA YIN NO, ,RNAM PA BDUN GANG ZHE NA, DE DAG KHA CIG 'DI SKAD DU MNGON PAR 'DUS BYAS NAS, YONGS SU SPANGS PA NI MI RTAG PA NYID DO ZHES ZER RO, ,KHA CIG NI DBYIBS RNAM PAR 'JIG PA NI MI RTAG PA NYID DO ZHES ZER RO, ,KHA CIG NI GZUGS NYID MI RTAG PA NYID DO ZHES ZER RO, ,KHA CIG NI GZUGS RNAM PAR 'GYUR BA'I GNAS SKABS NI MI RTAG PA NYID CES BYA STE, BAR CHAD MED PAR RANG GI NGANG GIS 'BREL ZHING 'JIG PAS, JI LTAR 'O MA LAS ZHOR 'GYUR BA LA SOGS PA'I BYE BRAG THA DAD PA MTHONG BAR MI NUS PA DE BZHIN DU DNGOS PO THAMS CAD LA'ANG RNAM PAR 'JIG PA'I MI RTAG PA NYID DU 'JUG GO ZHES ZER RO, ,KHA CIG NI DNGOS PO MI RTAG PA NYID DO ZHES ZER RO, ,KHA CIG NI DNGOS PO'I DNGOS PO MED PA MI RTAG PA NYID DO ZHES ZER RO, ,KHA CIG NI CHOS THAMS CAD MI SKYE BAS MI RTAG PA NYID DE, CHOS THAMS CAD KYI NANG DU

433a

, ,'JUG PA'O ZHES ZER RO, ,DE LA, BLO GROS CHEN PO, DNGOS PO MED PA MI RTAG PA NYID CES BYA BA NI 'DI LTA STE, 'BYUNG BA CHEN PO BZHI DANG, 'BYUNG BA LAS GYUR PA'I RANG GI MTSAN NYID 'JIG CING 'BYUNG BA CHEN PO BZHI'I RANG BZHIN NI MI DMIGS PA DANG MI SKYE BA'O, ,DE LA MI SKYE BA'I MI RTAG PA ZHES BYA BA DE NI RTAG PA DANG, MI RTAG PA YIN PAS CHOS THAMS CAD YOD PA DANG MED PA MI SKYE BA DANG, RDUL PHRA MO'I BAR DU RAB TU BSHIG STE, MI MTHONG BA 'DI NI MI SKYE BA'I DON YIN GYI, SKYE BA NI MA YIN PAS 'DI NI MI SKYE BA'I MI RTAG PA NYID KYI MTSAN NYID YIN TE, 'DI KHONG DU MA CHUD PA NI MU STEGS CAN RNAMS KYI SKYE BA MI RTAG PA'I DON DU LHUNG BAR 'GYUR RO, ,BLO GROS CHEN PO, DNGOS PO MI RTAG PA NI RANG GIS BLOS RNAM PAR BRTAGS PA STE, RTAG PA DANG, MI RTAG PA'I DNGOS PO NI MA YIN NO, ,DE CI'I PHYIR ZHE NA, 'DI LTA STE, MI RTAG PA NI RANG GI NGO BO NYID KYIS MI 'JIG GO ,BLO GROS CHEN PO, 'DI NI DNGOS PO THAMS CAD KYI DNGOS PO MED PA'I PHYIR MI RTAG PA'I BYA BA'O, ,MI RTAG PA MA GTOGS PAR GZHAN GANG YANG CHOS THAMS CAD KYI DNGOS PO DNGOS PO MED PAR BYED PA MI DMIGS TE, JI LTAR DBYUG PA DANG, GYO MO DANG, RDO BAS DNGOS PO DAG BCOM PAR BYED PA BZHIN NO, ,MNGON

433b

SUM DU SO SOS THA MI DAD PAR MTHONG BAS MI RTAG PA NYID DNGOS PO'I BYA BA YIN GYI, BYED PA DANG BYA BA BYE BRAG YOD PA NI MA YIN TE, 'DI NI MI RTAG PA NYID DO, ,'DI NI BYA BA'O ZHES BYA BA'I BYE BRAG MED PA'I PHYIR RO, ,BYED PA DANG BYA BA THA MI DAD NA NI DNGOS PO THAMS CAD RTAG CING RGYU'I NGO BO NYID MED PAR 'GYUR RO, ,BLO GROS CHEN PO, DNGOS PO THAMS CAD KYI NGO BO NYID MED PA NI RGYU YOD DE, BYIS PA SO SO'I SKYE BO RNAMS KYIS SHES PAR BYA BA MA YIN NO, ,SGYU MA YIN NA MI 'DRA BA'I DNGOS PO SKYED PAR 'GYUR RO, ,CI STE SKYED NA NI DNGOS PO THAMS CAD MI RTAG PAR YANG 'GYUR ZHING, DNGOS PO MI 'DRA BA'ANG YIN PAS BYED PA DANG BYA BA'ANG BYE BRAG MED PAR YANG 'GYUR LA, THAMS CAD KYIS BYE BRAG YOD PAR YANG MTHONG BAR 'GYUR RO, ,GAL TE NGO BO NYID MI RTAG PA NYID YIN NA NI BYA BA'I RGYU'I NGO BO NYID KYI MTSAN NYID DU LHUNG BAR GYUR NA NI DNGOS PO THAMS CAD YONGS SU RDZOGS PAR MI 'GYUR RO, ,DNGOS PO THAMS CAD BYED PA'I RGYU'I MTSAN NYID DU LHUNG NA NI MI RTAG PA BDAG NYID MI RTAG PAR 'GYUR RO, ,MI RTAG PA NYID MI RTAG PA'I PHYIR DNGOS PO THAMS CAD MI RTAG PAR MI 'GYUR TE, RTAG PA NYID DU 'GYUR RO, ,GAL TE MI RTAG PA DNGOS PO THAMS CAD KYI NANG DU SONG BA YIN NA NI DUS GSUM DU LHUNG BAR 'GYUR TE, GANG 'DAS PA'I

434a

, ,GZUGS DE NI ZHIG PA DANG LDAN PA'O, ,GANG MA 'ONGS PA NI MA SKYES PA STE, GZUGS MA SKYES PA'I PHYIR RO, ,DA LTAR GYI GZUGS NI 'JIG PA'I MTSAN NYID DANG LDAN PA'O, ,DE LA GZUGS NI 'BYUNG BA CHEN PO RNAMS BSAGS PA'I BYE BRAG GO ,'BYUNG BA CHEN PO DAG DANG, 'BYUNG BA LAS GYUR PA'I GZUGS RNAMS KYI RANG BZHIN NI MI 'JIG STE, THA DAD PA DANG, THA DAD PA MA YIN PA SPANGS PA'I PHYIR RO ZHES MU STEGS CAN THAMS CAD 'BYUNG BA CHEN PO RNAMS MI 'JIG PAR RTOG GO ,BLO GROS CHEN PO, SRID PA GSUM PO THAMS CAD 'BYUNG BA DANG 'BYUNG BA LAS GYUR PA'I GZUGS GNAS PA RNAMS NI SKYE BA DANG 'JIG PA YOD PAR SHES NA, 'BYUNG BA CHEN PO DANG 'BYUNG BA LAS GYUR PA'I GZUGS LAS LOGS SHIG NA, MU STEGS CAN RNAMS KYIS GANG LA BSAMS NAS MI RTAG PA ZHES RTOG STE, 'BYUNG BA CHEN PO BZHI MI SKYE BA DANG, RANG BZHIN GYI MTSAN NYID MI 'JIG PA'I PHYIR RO, ,DE LA DANG PO RTZOM PA YONGS SU SPANGS PA'I MI RTAG PA NYID CES BYA BA NI 'BYUNG BA CHEN PO BZHI'ANG MA YIN PA DANG, GZHAN YANG THA DAD PA'I 'BYUNG BA CHEN PO BZHI DANG, SO SO THA DAD PA'I MTSAN NYID DANG, RANG GI MTSAN NYID KYI PHYIR RO, ,BYE BRAG MI DMIGS PA DANG, DE'I BYE BRAG

434b

MED PA DANG, DE LA SOGS PAS YANG MI RTZOM PA DANG, SBYOR BA RNAM PA GNYIS PA MI RTZOM PA NI MI RTAG PA NYID SHES PAR BYA'O, ,DE LA DBYIBS RNAM PAR 'JIG PA'I MI RTAG PA ZHES BYA BA NI 'DI LTA STE, 'BYUNG BA CHEN PO BZHI DANG, RGYUR BYAS PA'I GZUGS RNAMS KYI MI 'JIG PA NI MTHAR PHYIN PA'I BAR DU MI 'JIG GO ZHES ZER LA, BLO GROS CHEN PO, MTHAR PHYIN PA NI RDUL PHRA MO'I BAR DU RAB TU PHYE STE, 'JIG PA LAS SO SOR BRTAGS NA 'BYUNG BA CHEN PO BZHI DANG, RGYUR BYAS PA'I GZUGS RNAMS THA DAD PAR MTHONG BA'I DBYIBS DANG RING THUNG MI DMIGS TE, 'BYUNG BA CHEN PO BZHI NI MA YIN PAS 'BYUNG BA CHEN PO BZHI MI 'JIG GI ,DBYIBS RNAM PAR 'JIG PA LTA BAS GRANGS CAN GYI SMRA BAR LTUNG BA YIN NO, ,DE LA GZUGS NYID MI RTAG PA NYID CES BYA BA NI 'DI LTA STE, GZUGS NYID MI RTAG PA NYID YIN PAS DBYIBS DE DAG MI RTAG PA NYID DE, 'BYUNG BA CHEN PO RNAMS NI MA YIN NO, ,GAL TE 'BYUNG BA BZHI PO RNAMS MI RTAG PA NYID YIN NA NI 'JIG RTEN GYI GRANGS SU BRJOD PA MA YIN NO, ,'JIG RTEN GYI BRJOD PA'I DNGOS PO MED NA NI 'JIG RTEN RGYANG PAN PA'I LTA BAR LTUNG BAR 'GYUR TE, DNGOS PO THAMS CAD BRJOD PA'I TSIG TZAM DU MTHONG ZHING RANG GI MTSAN NYID SKYE BAR MI

435a

, ,MTHONG BA'I PHYIR RO, ,DE LA RNAM PAR 'GYUR BA'I MI RTAG PA ZHES BYA BA NI 'DI LTAR GZUGS DNGOS PO GZHAN DU 'GYUR BAR SNANG BA STE, 'BYUNG BA CHEN PO RNAMS NI MA YIN NO, ,JI LTAR GSER LAS RGYAN DU BYAS PA RNAMS 'GYUR BAR SNANG YANG GSER GYI RANG BZHIN 'JIG PA MA YIN GYI, RGYAN GYI DBYIBS LA 'JIG PA YOD PA DE BZHIN DU DNGOS PO GZHAN RNAM PAR 'GYUR BA LA SOGS PA'ANG DE BZHIN NO ZHES DE LA SOGS PA'I RNAM PAS MU STEGS CAN RNAMS MI RTAG PA'I LTA BAR RNAM PAR RTOG GO ,'DI LTAR MES 'BYUNG BA CHEN PO RNAMS BSREGS PA'I TSE RANG GI MTSAN NYID LA NI MI SREG GO ,CI STE SO SO NAS RANG GI MTSAN NYID GCIG GIS GCIG 'JIG PAR BYED NA NI 'BYUNG BA DAG RGYUR BYAS PA'I GZUGS RNAMS 'CHAD PAR 'GYUR BA'I RIGS SO, ,BLO GROS CHEN PO, NGA'I CHOS NI BYUNG BA NYID NA RTAG PA'ANG MA YIN, MI RTAG PA'ANG MA YIN NO, ,DE CI'I PHYIR ZHE NA, 'DI LTA STE, PHYI ROL GYI DNGOS PO MA NGES PA'I PHYIR SRID PA GSUM SEMS TZAM DU BSTAN GYI, MTSAN NYID SNA TSOGS DANG, SKYE BA DANG, 'JIG PA YOD PAR NI MA BSTAN TO, ,'BYUNG BA CHEN PO 'DUS PA'I BYE BRAG DANG, 'BYUNG BA DANG 'BYUNG BA LAS GYUR PA'I PHYIR RNAM

435b

PA GNYIS KYI DNGOS PO GZUNG BA DANG 'DZIN PAR RNAM PAR RTOG PAR 'GYUR BA DANG, RNAM PAR RTOG PA GNYIS YONGS SU SHES PA DANG, PHYI ROL GYI DNGOS PO DANG DNGOS PO MED PAR LTA BA GNYIS DANG BRAL BA DANG, RANG GI SEMS SNANG BA TZAM DU KHONG DU CHUD CING RNAM PAR RTOG PA'I BSAMS PA'I MNGON PAR 'DU BYED PA LAS SKYE'I, MNGON PAR 'DUS MA BYAS PA NI MA YIN NO ZHES SEMS DNGOS PO DANG DNGOS PO MED PA'I RNAM PAR RTOG PA DANG BRAL BAS NA 'JIG RTEN PA DANG, 'JIG RTEN LAS 'DAS PA DANG, 'JIG RTEN LAS 'DAS PA MCHOG GI CHOS THAMS CAD NI RTAG PA'ANG MA YIN, MI RTAG PA NYID KYANG MA YIN NO, ,RANG GI SEMS SNANG BA TZAM DU KHONG DU MA CHUD PAS MTHA' GNYIS KYI LTA BA NGAN PA'I RGYUN DU LHUNG BAR 'GYUR TE; MU STEGS CAN THAMS CAD KYIS RANG GI RNAM PAR RTOG PA KHONG DU MI CHUD DO, ,SO SO'I SKYE BO DE DAG LA GZHI CI'ANG MED PAS 'DI LTAR 'JIG RTEN PA DANG ,'JIG RTEN LAS 'DAS PA DANG, 'JIG RTEN LAS 'DAS PA MCHOG GI CHOS TSIG GI RNAM PAR RTOG PA LAS SKYE BAR BYIS PA SO SO'I SKYE BO RNAMS KYIS KHONG DU CHUD PA MA YIN NO, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,DANG PO BRTZAMS NAS RAB SPANGS SHING, ,DBYIBS DANG RNAM PA GZHAN 'GYUR DANG, ,

436a

, ,DNGOS PO GZUGS NI MI RTAG PA, ,MU STEGS BLUN POS RTOG PAR BYED, ,DNGOS PO RNAMS LA 'JIG PA MED, ,'BYUNG BA 'BYUNG BA'I RANG BZHIN GNAS, , MU STEGS MI RTAG 'DU SHES PA, ,LTA BA SNA TSOGS BYING BAR 'GYUR, ,MU STEGS CAN NI DE DAG LA, ,SKYE DANG 'JIG PA GANG YANG MED, ,'BYUNG BA 'BYUNG BA'I RANG BZHIN RTAG, JI SKAD MI RTAG NYID DU RTOG ,THAMS CAD SEMS TZAM SNANG BA STE, ,RNAM PA GNYIS SU SEMS KYANG 'JUG ,GZUNG BA DANG NI 'DZIN PA'O, ,BDAG DANG BDAG GI YOD MA YIN, , TSANGS PA SDONG PO RTZA BA YIN, ,YAL GA LO MA KUN TU KHYAB, ,'DI SKAD DU NI NGAS BSHAD DE, ,DE DAG GI NI SEMS TZAM YIN, ,DE NAS YANG BYANG CHUB SEMS DPA' BLO GROS CHEN POS BCOM LDAN 'DAS LA 'DI SKAD CES GSOL TO, ,BCOM LDAN 'DAS, BYANG CHUB SEMS DPA' DANG, NYAN THOS DANG, RANG SANGS RGYAS THAMS CAD KYIS 'GOG PA'I SNYOMS PAR 'JUG PA'I GO RIMS KYI MTSAMS SBYOR BA'I MTSAN NYID BSHAD DU GSOL, GAL TE 'GOG PA'I SNYOMS PAR 'JUG PA'I GO RIMS KYI MTSAMS SBYOR BA'I MTSAN NYID LA MKHAS PAR GYUR NA, BDAG DANG BYANG CHUB SEMS DPA' GZHAN RNAMS KYANG 'GOG PA'I SNYOMS PAR 'JUG PA'I BDE BA'I SGO SPONG BAR MI 'GYUR ZHING,

436b

NYAN THOS DANG, RANG SANGS RGYAS DANG, MU STEGS CAN GYI RMONGS PAR LTUNG BAR MI 'GYUR LAGS SO, ,BCOM LDAN 'DAS KYIS BKA' STZAL PA, BLO GROS CHEN PO, SHIN TU LEGS BAR NYON LA YID LA ZUNG SHIG DANG, NGAS KHYOD LA BSHAD PAR BYA'O, ,BLO GROS CHEN POS BCOM LDAN 'DAS LA, BCOM LDAN 'DAS, BSHAD DU GSOL ZHES GSOL PA DANG, BCOM LDAN 'DAS KYIS BKA' STZAL PA, BLO GROS CHEN PO, SA DRUG PA'I BYANG CHUB SEMS DPA' SEMS DPA' CHEN PO DANG, NYAN THOS DANG, RANG SANGS RGYAS RNAMS KYIS SNYOMS PAR 'JUG PAS SKYED PAR BYED LA, SA BDUN PA'I BYANG CHUB SEMS DPA' SEMS DPA' CHEN PO RNAMS NI SEMS KYI SKAD CIG RE RE LA SNYOMS PAR 'JUG STE, DNGOS PO THAMS CAD KYIS RANG BZHIN GYI MTSAN NYID YONGS SU SPANGS PAS SNYOMS PAR 'JUG GI ,NYAN THOS DANG, RANG SANGS RGYAS RNAMS NI MA YIN TE, NYAN THOS DANG, RANG SANGS RGYAS RNAMS NI MNGON PAR 'DU BYED PA'I BLO CAN GZUNG BA DANG, 'DZIN PA'I MTSAN NYID DU LHUNG BAS 'GOG PA'I SNYOMS PAR 'JUG GO ,DE BAS NA SA BDUN PA NI YID LA BYED PAS SNYOMS PAR 'JUG PA MA YIN TE, CHOS THAMS CAD BYE BRAG MED PA'I MTSAN NYID THOB PAS RIM GYIS MTSAN NYID KYI DNGOS PO SNA TSOGS THOB PA NI MA

437a

, ,YIN NO, ,DGE BA DANG MI DGE BA'I CHOS THAMS CAD KYI RANG GI MTSAN NYID KHONG DU CHUD DE, SNYOMS PAR 'JUG PAS DE'I PHYIR SA BDUN PA LA DGE BA'I SEMS KYIS SNYOMS PAR 'JUG PA MED DO, ,BLO GROS CHEN PO, SA BRGYAD PA'I BYANG CHUB SEMS DPA' DANG, NYAN THOS DANG, RANG SANGS RGYAS RNAMS KYI SEMS DANG, YID DANG, YID KYI RNAM PAR SHES PA'I RNAM PAR RTOG PA DANG, 'DU SHES LDOG PAR 'GYUR RO, ,SA DANG PO NAS SA BDUN PA'I BAR GYI BYANG CHUB SEMS DPA' DE DAG KHAMS GSUM PA 'DI NI SEMS DANG, YID DANG, YID KYI RNAM PAR SHES PA TZAM MO ZHES SO SOR RAB TU RTOG STE, BDAG DANG BDAG GI DANG BRAL BA, RANG GI RNAM PAR RTOG PA'I SPYOD PA CAN, PHYI ROL GYI DNGOS PO SNA TSOGS KYI MTSAN NYID DU LHUNG BA, BYIS PA SO SO'I SKYE BO RNAMS KYI RANG GI MTSAN NYID GZUNG BA DANG, 'DZIN PA'I DNGOS PO RNAM PA GNYIS SU GYUR PAS MI SHES PA'I RJES SU SONG BA, THOG MA MED PA'I DUS NAS RNAM PAR SPROS PA'I GNAS NGAN LEN GYI BAG CHAGS KYIS YONGS SU BSGOS PA [?] LAS KHONG DU MI CHUD DO, ,BLO GROS CHEN PO, SA BRGYAD PA'I BYANG CHUB SEMS DPA' SEMS DPA' CHEN PO DANG, NYAN THOS DANG, RANG SANGS RGYAS RNAMS KYIS MYA

437b

NGAN LAS 'DAS PA MTSUNGS KYANG BYANG CHUB SEMS DPA' NI TING NGE 'DZIN BLOS YONGS SU BZUNG BAS, DE'I PHYIR TING NGE 'DZIN GYI SGO'I BDE BAS YONGS SU MYA NGAN LAS MI 'DA'O, ,GAL TE YONGS SU MA BZUNG DU ZIN NA NI DE BZHIN GSHEGS PA'I SA YONGS SU RDZOGS PAR MI 'GYUR ZHING SEMS CAN GYI BYA BA THAMS CAD YONGS SU SPONG BAR 'GYUR LA, DE BZHIN GSHEGS PA'I RIGS KYI GDUNG YANG CHAD PAR 'GYUR BAS NA, SANGS RGYAS BCOM LDAN 'DAS RNAMS DE BZHIN GSHEGS PA'I BSAM GYIS MI KHYAB PA'I YON TAN DPAG TU MED PA STON TO, ,NYAN THOS DANG, RANG SANGS RGYAS RNAMS TING NGE 'DZIN GYI SGO'I BDE BAS PHROGS PAR GYUR PA'I PHYIR MYA NGAN LAS 'DAS PAR 'DU SHES SO, ,BLO GROS CHEN PO, NGAS SA BDUN PA'I SEMS DANG, YID DANG, YID KYI RNAM PAR SHES PA'I MTSAN NYID LA MKHAS SHING GOMS PAR BYA BA DANG, BDAG DANG BDAG GIR 'DZIN PA DANG, GANG ZAG DANG, CHOS BDAG MED PA BSDU BA DANG, SKYE BA DANG, 'JIG PA DANG, RANG DANG SPYI'I MTSAN NYID LA MKHAS SHING GOMS PAR BYA BA DANG, SO SO YANG DAG PAR RIG PA BZHI RNAM PAR GDON MI ZA BA'I STOBS LA MKHAS PA DANG, TING NGE 'DZIN GYI SGO DANG, SA'I GO RIMS KYI MTSAMS SBYAR BA DANG, BYANG

438a

, ,CHUB KYI PHYOGS KYI CHOS RNAM PAR DBYE BAR BYA'O, ,BYANG CHUB SEMS DPA' SEMS DPA' CHEN PO RNAMS RANG DANG SPYI'I MTSAN NYID MI SHES SHING SA BDUN LA MI MKHAS PA DANG, MU STEGS CAN GYI LOG PA'I LAM DU LHUNG BAR MI BYA BA'I PHYIR SA'I GO RIMS KYIS RNAM PAR BZHAG PA YIN TE, BLO GROS CHEN PO, 'DI LA YANG DAG PAR GANG YANG SKYE BA'AM, 'JIG PA ZHES BYA BA MED DO, ,GZHAN DU NA 'DI LTA STE, SA'I GO RIMS KYI MTSAMS SBYAR BA DANG, KHAMS GSUM SNA TSOGS KYI SPYOD PA 'DI NI SEMS SNANG BA TZAM STE, BYIS PA SO SO'I SKYE BO RNAMS KYIS KHONG DU MI CHUD DO, ,BYIS PA SO SO'I SKYE BO RNAMS KYIS KHONG DU MI CHUD PAS 'DI LTA STE, NGA DANG SANGS RGYAS DE DAG GIS SA'I GO RIMS KYI MTSAMS SBYAR BA DANG, KHAMS GSUM GYI SPYOD PA SNA TSOGS BSTAN TO, ,GZHAN YANG, BLO GROS CHEN PO, NYAN THOS DANG, RANG SANGS RGYAS RNAMS NI BYANG CHUB SEMS DPA'I SA BRGYAD LA 'GOG PA'I SNYOMS PAR 'JUG PA'I BDE BA'I MYOS PAS MYOS TE, RANG GI SEMS SNANG BA TZAM LA MI MKHAS PAS RANG DANG SPYI'I MTSAN NYID DU LHUNG BA, BAG CHAGS KYIS BSGRIBS PA, GANG ZAG DANG CHOS BDAG MED PAR LHUNG BA CHOS SU 'DZIN PAR LTA BA, RNAM PAR RTOG

438b

PAS MYA NGAN LAS 'DAS PAR RAB TU SHES PAR GYUR TE, RAB TU DBEN PA LA MOS PA'I BLO NI MA YIN NO, ,BLO GROS CHEN PO, BYANG CHUB SEMS DPA' NI SGO'I BDE BA MTHONG YANG SNGON GYI SMON LAM DANG, SNYING BRTZE BA DANG, SNYING RJE CHEN PO DANG LDAN ZHING MTHAR THUG PA'I GNAS BCU RNAM PAR DBYE BA SHES PAS RNAM PAR RTOG PAS MYA NGAN LAS 'DAS PAR 'DU SHES PAR MI 'GYUR TE, DE LTAR MYA NGAN LAS 'DAS PA'I RNAM PAR RTOG PA MI SKYE BA'I PHYIR, GZUNG BA DANG, 'DZIN PA'I RNAM PAR RTOG PA YONGS SU SPONG ZHING CHOS THAMS CAD RANG GI SEMS SNANG BA TZAM DU KHONG DU CHUD PAS RNAM PAR RTOG PA MI SKYE STE, SEMS DANG, YID DANG, YID KYI RNAM PAR SHES PA DANG, PHYI ROL GYI DNGOS PO'I RANG GI NGO BO'I MTSAN NYID LA MNGON PAR ZHEN PA'I RNAM PAR RTOG PAR YANG MI LTUNG LA, SANGS RGYAS KYI CHOS KYI RGYU MI SKYED PA'ANG MA YIN TE, YE SHES KYI RJES SU SKYE BAS DE BZHIN GSHEGS PA'I RANG GIS RIG PA'I SA 'THOB PAR 'GYUR TE, JI LTAR SKYES BU'I RMI LAM NA CHU BO RGAL BAR RTZOM PA PHA ROL TU MA PHYIN PAR SAD LA, SANG [?] NAS 'DI SNYAM DU CI 'DI YANG DAG PA'AM, 'ON TE YANG DAG PA MA YIN PA ZHES RTOG PAR BYED PA DE NI YANG DAG PA'ANG MA YIN, LOG PA'ANG MA YIN GYI, GZHAN DU NA THOG MA MED PA'I MTHONG BA DANG, THOS PA

439a

, ,DANG, BYE BRAG PHYED PA DANG, RNAM PAR RIG PA RGYU'I 'DU SHES SNA TSOGS KYI BAG CHAGS DANG, DBYIBS DANG, GNAS SNA TSOGS DANG, YOD PA DANG, MED PA'I MTSAN NYID DU LHUNG BA DANG, SEMS DANG, YID DANG, YID KYI RNAM PAR SHES PA'I RMI LAM LAS SNANG NGO, ,BLO GROS CHEN PO, DE BZHIN DU BYANG CHUB SEMS DPA' SEMS DPA' CHEN PO RNAMS KYANG BYANG CHUB SEMS DPA'I SA BRGYAD PA LA RNAM PAR RTOG PA'I MTSAN NYID SKYE BAR MTHONG BA DANG, SA DANG PO NAS BRTZAL BAS SA BDUN DU 'PHO BA DANG, CHOS THAMS CAD SGYU MA LA SOGS PA DANG MTSUNGS PAR MTHONG BA'I SBYOR BAS GZUNG BA DANG, 'DZIN PA'I SEMS RNAM PAR RTOG PA'I SPYOD PA LAS 'DAS TE, SANGS RGYAS KYI CHOS KYI SBYOR BA BYAS NAS DA DUNG MA THOB PA NI THOB PAR BYED DO, ,BLO GROS CHEN PO, 'DI NI BYANG CHUB SEMS DPA' RNAMS KYI MYA NGAN LAS 'DAS PA'I SBYOR BA RNAM PAR MI 'JIG PA YIN TE, SEMS DANG, YID DANG, YID KYI RNAM PAR SHES PA YONGS SU SPANGS NAS MI SKYE BA'I CHOS LA BZOD PA 'THOB PAR 'GYUR BA'O, ,BLO GROS CHEN PO, DON DAM PA LA NI GO RIMS DANG MTSAMS SBYAR BA MED DE, SNANG BA MED PA RNAM PAR RTOG PA LAS DBEN PA'I CHOS BSTAN PA'O, ,DE

439b

NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,SEMS TZAM DANG NI SNANG MED DANG, ,GNAS 'DI DANG NI SANGS RGYAS SA, ,'DAS DANG MA 'ONGS DA LTAR GYI, ,DUS GSUM SANGS RGYAS RNAMS KYIS BSHAD, ,SEMS TZAM SA NI BDUN PA YIN, ,SNANG BA MED NI SA BRGYAD PA, ,SA GNYIS DAG NI GNAS ZHES BYA, ,SANGS RGYAS SA NI MCHOG YIN NO, ,RANG RIG YE SHES RNAM PAR DAG ,DE NI NGA YI SA YIN NO, ,DBANG PHYUG DANG NI MCHOG GI GNAS, ,RNAM PAR BRTAG CING RAB BKOD PA, ,GSAL BYED 'BAR BA'I ME LTA BUR, ,'OD ZER KUN TU KHYAB PAR SNANG, ,'OD ZER 'BAR BAS MIG MI NYAMS, ,SRID GSUM KUN TU 'DUL BAR BYED, ,SPRUL PAS SRID GSUM GNAS PAR STON, ,KHA CIG SNGA NAS SPRUL PA STE, ,DER NI THEG PA RNAMS STON PA, ,THAMS CAD DE BZHIN GSHEGS KYI SA, ,SA BCU DE NI DANG PO YIN, ,DANG PO PA NI BRGYAD PA YIN, ,DGU PA YANG NI BDUN PA STE, ,BDUN PA DE YANG BRGYAD PA YIN, ,GNYIS PA DE NI GSUM PA YIN, ,BZHI PA YANG NI LNGA PA YIN, ,GSUM PA YANG NI DRUG YIN TE, ,SNANG BA MED LA RIM CI YOD,, ,,'PHAGS PA LANGKAR GSHEGS PA RIN PO CHE'I MDO LAS, BAM PO BRGYAD PA STE THA MA, DE NAS

440a

, ,BYANG CHUB SEMS DPA' BLO GROS CHEN POS BCOM LDAN 'DAS LA 'DI SKAD CES GSOL TO, ,BCOM LDAN 'DAS, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS NI RTAG PA ZHIG GAM, 'ON TE MI RTAG PA ZHIG LAGS, BCOM LDAN 'DAS KYIS BKA' STZAL PA, BLO GROS CHEN PO, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS NI RTAG PA'ANG MA YIN, MI RTAG PA'ANG MA YIN TE, 'DI LTAR GNYIS KA'ANG NYES PA YOD PA'I PHYIR RO, ,GAL TE RTAG PAR GYUR NA NI BYED PA'I BDAG PO YOD PA'I NYES PAR 'GYUR RO, ,MU STEGS CAN DAG RTAG PA NI BYED PA POS BYAS PA MA YIN PA'O ZHES ZER TE, DE BAS NA DE BZHIN GSHEGS PA NI RTAG KYANG RTAG PA MA YIN TE, BYAS PA MA YIN PA RTAG PA'I NYES PAR 'GYUR BA'I PHYIR RO, ,CI STE DE BZHIN GSHEGS PA MI RTAG PA YIN NA NI BYAS PA YOD PA'I MI RTAG PA'I NYES PAR 'GYUR TE, PHUNG PO'I MTSAN NYID DANG, MTSAN NYID GYI GZHI'I DNGOS PO MED PAS PHUNG PO ZHIG PA LTAR CHAD PAR 'GYUR BA'I RIGS NA, DE BZHIN GSHEGS PA NI CHAD PAR MI 'GYUR RO, ,BLO GROS CHEN PO, BYAS PA THAMS CAD MI RTAG NA NI BUM PA DANG SNAM BU LA SOGS PA BZHIN DU THAMS CAD KYANG MI RTAG PA'I NYES PAR 'GYUR BAS, THAMS CAD

440b

MKHYEN PA'I TSOGS DANG, SBYOR BA RNAMS DON MED PAR 'GYUR TE, 'DI LTAR BYAS PA'I PHYIR RO, ,BYAS PA THAMS CAD KYANG DE BZHIN GSHEGS PA YIN PAR 'GYUR TE, BYE BRAG GI RGYU'I DNGOS PO MED PA'I PHYIR RO, ,DE LTA BAS NA DE BZHIN GSHEGS PA NI RTAG PA'ANG MA YIN, MI RTAG PA'ANG MA YIN NO, ,GZHAN YANG, BLO GROS CHEN PO, DE BZHIN GSHEGS PA NI NAM MKHA' LTAR RTAG PA MA YIN TE, ,NAM MKHA' LTAR RTAG PA YIN NA NI SO SO RANG GIS RIG PA 'PHAGS PA'I YE SHES KYI TSOGS RNAMS DON MED PA'I NYES PAR 'GYUR RO, ,BLO GROS CHEN PO; DPER NA, NAM MKHA' NI RTAG PA'ANG MA YIN, MI RTAG PA'ANG MA YIN ZHING, RTAG PA DANG, MI RTAG PA DANG, GCIG PA DANG, THA DAD PA DANG, GNYIS KA DANG, GNYIS KA MA YIN PA DANG, RTAG PA DANG, MI RTAG PA'I NYES PA SPANGS PA'I PHYIR BRJOD PAR BYA BA MA YIN NO, ,DE'I PHYIR DE BZHIN GSHEGS PA NI RTAG PA MA YIN NO, ,GZHAN YANG BLO GROS CHEN PO, GAL TE DE BZHIN GSHEGS PA SKYE BA MED PA'I RTAG PA YIN NA NI RI BONG DANG RTA LA SOGS PA'I RVA DANG MTSUNGS SHING SKYE BA MED PA'I RTAG PAR 'GYUR BA'I PHYIR, BSGRUBS PA RNAMS DON MED PAR 'GYUR TE, SKYE BA MED PA'I RTAG PA'I NYES PAR 'GYUR BAS NA, DE BZHIN GSHEGS PA NI RTAG PA MA YIN NO, ,GZHAN YANG, BLO GROS CHEN PO, DNGOS PO GZHAN GYIS DE BZHIN

441a

, ,GSHEGS PA RTAG PA YIN PAR SHES PAR 'GYUR BA'ANG YOD DO, ,DE CI'I PHYIR ZHE NA, 'DI LTA STE, BAR CHAD MED PAS MNGON PAR RTOGS PA'I YE SHES RTAG PA'I PHYIR DE BZHIN GSHEGS PA RTAG PA'O, ,BLO GROS CHEN PO, DE BZHIN GSHEGS PA 'JIG RTEN DU BYUNG YANG RUNG, 'JIG RTEN DU MA BYUNG YANG RUNG, CHOS NYID NI NGES PAR GNAS PA NYID DE, NYAN THOS DANG, RANG SANGS RGYAS DANG, DE BZHIN GSHEGS PA RNAMS KYI BAR CHAD MED PA'I GNAS PA NI NAM MKHA' LA MI GNAS TE, BYIS PA SO SO'I SKYE BO RNAMS KYIS KHONG DU CHUD PAR BYA BA'ANG MA YIN NO, ,BLO GROS CHEN PO, DE BZHIN GSHEGS PA RNAMS KYI THUGS SU CHUD PA'I YE SHES NI SHES RAB KYIS YONGS SU BSGOS PA YIN GYI; BLO GROS CHEN PO, DE BZHIN GSHEGS PA NI SEMS DANG, YID DANG, YID KYI RNAM PAR SHES PA DANG, PHUNG PO DANG, KHAMS DANG, SKYE MCHED DE DAG GIS YONGS SU BSGOS PA MA YIN NO, ,BLO GROS CHEN PO, SRID PA GSUM PO THAMS CAD NI YANG DAG PA MA YIN PA RNAM PAR RTOG PA LAS BYUNG BA YIN GYI, DE BZHIN GSHEGS PA RNAMS NI YANG DAG PA MA YIN PA RNAM PAR RTOG PA LAS BYUNG BA MA YIN NO, ,BLO GROS CHEN PO, CHOS GNYIS YOD PAR GYUR PA'I PHYIR RTAG PA DANG MI RTAG PA YOD PAR 'GYUR GYI, GNYIS SU MED PA LA NI MA

441b

YIN NO, ,GNYIS SU MED PA NI RAB TU DBEN PA'O, ,CHOS THAMS CAD NI GNYIS SU MED PA DANG, MA SKYES PA'I MTSAN NYID YIN PA'I PHYIR, DE BAS NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS NI RTAG PA'ANG MA YIN, MI RTAG PA'ANG MA YIN NO, ,BLO GROS CHEN PO, JI TZAM DU TSIG GI RNAM PAR RTOG PA 'JUG PA DE TZAM DU RTAG PA DANG MI RTAG PA'I NYES PAR 'GYUR GYI, RNAM PAR RTOG PA'I BLO ZAD PAR 'GYUR NA NI BYIS PA SO SO'I SKYE BO RNAMS KYIS RTAG PA DANG MI RTAG PAR LTA BA RAB TU MA ZHI BA YONGS SU SPONG BAR 'GYUR BAS BLO DANG LDAN PA RNAMS KYIS RTAG PA DANG MI RTAG PA DANG, RTAG PA DANG, MI RTAG PA'ANG MA YIN PA'I YONGS SU BSGOS PA RNAMS SHIN TU SPANG BAR BYA'O, , DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,TSOGS RNAMS DON MED GYUR NA NI, ,RTAG DANG MI RTAG NYES PA SKYE, ,RNAM PAR RTOG PA'I BLO MED NA, ,RTAG DANG MI RTAG RAB TU SPONG, ,DAM NI RAB TU 'CHA' BA LAS, ,GUD NA 'DRES PA'I DON YOD GYUR, ,RANG SEMS TZAM DU MNYAM RTOG NA, ,TSIG GI BRJOD PA DMIGS SU MED, ,DE NAS BYANG CHUB SEMS DPA' BLO GROS CHEN POS YANG BCOM LDAN 'DAS LA GSOL PA, BCOM LDAN 'DAS KYIS YANG BDAG LA PHUNG PO DANG, KHAMS DANG, SKYE

442a

, ,MCHED RNAMS KYI SKYE BA DANG 'JIG PA BSHAD DU GSOL, DE DAG LA NI BDAG MA MCHIS NA SU ZHIG SKYE ZHING SU ZHIG LDOG PAR 'GYUR TE, BYIS PA SO SO'I SKYE BO RNAMS NI SKYE BA DANG 'JIG PA LA GNAS PAS SDUG BSNGAL ZAD PAR 'GYUR BA KHONG DU MI CHUD CING MYA NGAN LAS 'DAS PA RAB TU MI RTOG LAGS SO, ,BCOM LDAN 'DAS KYIS BKA' STZAL PA, LEGS SO, ,DE'I PHYIR LEGS PAR NYON CIG DANG KHYOD LA BSHAD PAR BYA'O, ,BLO GROS CHEN POS BCOM LDAN 'DAS LA GSOL PA, DE BZHIN DU 'TSAL LO ZHES BKA' MNYAN PA DANG, BCOM LDAN 'DAS KYIS BLO GROS CHEN PO LA 'DI SKAD CES BKA' STZAL TO, ,DE BZHIN GSHEGS PA'I SNYING PO DGE BA DANG, MI DGE BA'I RGYUR GYUR PA NI 'GRO BA'I SKYE BA THAMS CAD DU KHYAB PAR BYED PAS GAR MKHAN BZHIN DU 'GRO BA RNAMS RNAM PAR 'GYUR BA STON PAR BYED PA, BDAG DANG BDAG GI SPANGS PA DE KHONG DU MA CHUD PA'I PHYIR GSUM 'DUS PA'I RKYEN GYI SBYOR BA LAS SKYE BA DANG, MU STEGS CAN RNAMS KYIS KHONG DU MA CHUD PAS BYED PA POR MNGON PAR ZHEN TO, ,THOG MA MED PA'I DUS NAS RNAM PAR SPROS PA'I GNAS NGAN LEN GYI BAG CHAGS KYIS YONGS SU BSGOS PA NI KUN GZHI RNAM PAR SHES PA ZHES BYA STE, MA RIG PA GNAS PA'I SA RNAM PAR

442b

SHES PA BDUN DANG LHAN CIG BSKYED PA, RGYA MTSO'I RLABS BZHIN DU LUS RTAG TU SKYED CING RGYUN MI 'CHAD PA, RTAG PA DANG MI RTAG PA'I NYES PA DANG BRAL BA, BDAG TU SMRA BA YONGS SU SPANGS PA, RANG BZHIN GYIS DRI MA MED PA, MTHAR YONGS SU DAG PA'O, ,DE MA YIN PA'I RNAM PAR SHES PA RNAMS SKYE BA DANG, 'JIG PA YOD PA STE, YID DANG YID KYI RNAM PAR SHES PA LA SOGS PA SKAD CIG BDUN DANG BCAS PA YANG DAG PA MA YIN PA YONGS SU RTOG PA'I RGYUS YUL RNAMS KYI DBYIBS DANG GNAS SNA TSOGS LEN PA, MING DANG RGYU MTSAN LA MNGON PAR ZHEN PA, RANG GI SEMS SNANG BA'I GZUGS KYI MTSAN NYID KHONG DU MA CHUD PA, SDUG BSNGAL DANG BDE BA MA RTOGS PAS RNAM PAR GROL BA'I GNAS SU PHYIN PAR MI 'GYUR BA MING DANG RGYU MTSAN GYI KUN NAS DKRIS PA'I 'DOD CHAGS SKYE LA 'DOD CHAGS SKYES NAS RGYU DANG DMIGS PAR BYED DE, TSOR BA'I DBANG PO DE DAG 'GAG GAS [?] NA RIM GYIS MI SKYE'O ZHES GZHAN DU RANG GI SEMS KYI RNAM PAR RTOG PAS SDUG BSNGAL DANG, BDE BA MA SHES PAS TSOR BA DANG, 'DU SHES 'GOG PA'I SNYOMS PAR 'JUG PA LA SNYOMS PAR ZHUGS NAS BSAM GTAN BZHI PA THOB PA, YANG DAG PA'I BDEN PA DANG, RNAM PAR GROL BA LA MKHAS PA'I RNAL 'BYOR PA RNAMS RNAM PAR GROL BA'I 'DU SHES SU BYED DE, RAB

443a

, ,TU MA SPANGS SHING YONGS SU MA GYUR PA NI DE BZHIN GSHEGS PA'I SNYING PO KUN GZHI RNAM PAR SHES PA ZHES BYA'O, ,RNAM PAR SHES PA BDUN NI 'KHOR BAR 'JUG CING 'GAG PA MED DE, DE CI'I PHYIR ZHE NA, DE'I RGYU DANG DMIGS PA LAS RNAM PAR SHES PA RNAMS RAB TU SKYE BA'I PHYIR RO, ,NYAN THOS DANG, RANG SANGS RGYAS KYI RNAL 'BYOR PA RNAMS KYI SPYOD YUL MA YIN PA, BDAG MED PA MA RTOGS PAS RANG DANG SPYI'I MTSAN NYID KYIS BSDUS PA'I PHUNG PO DANG, KHAMS DANG, SKYE MCHED RNAMS SKYED PA, DE BZHIN GSHEGS PA'I SNYING PO MTHONG BAR GYUR PA NA, CHOS LNGA DANG, RANG BZHIN DANG, GANG ZAG DANG, CHOS BDAG MED PA RNAMS LDOG PAR GYUR TE; SA'I RIM PA'I MTSAMS SBYOR BA KHYAD PAR DU GYUR PAS GZHAN MU STEGS CAN GYI LTA BA RNAMS KYIS BSKYOD PAR MI NUS PA NI BYANG CHUB SEMS DPA'I SA MI G-YO BA LA RAB TU GNAS PA ZHES BYA'O, ,TING NGE 'DZIN GYI BDE BA'I SGO'I LAM BCU RAB TU 'THOB PAR 'GYUR TE, TING NGE 'DZIN BLOS YONGS SU BZUNG BAS SANGS RGYAS KYI CHOS BSAM GYIS MI KHYAB PA LA SO SOR RAB TU RTOG PA DANG, RANG GI SMON LAM GYIS TING NGE 'DZIN GYI SGO'I BDE BA MI LEN CING YANG DAG PA'I MTHA' LA MI GNAS PAR 'PHAGS

443b

PA'I SO SO RANG GIS RIG PAR 'GRO BA DANG, NYAN THOS DANG, RANG SANGS RGYAS DANG, MU STEGS CAN THAMS CAD DANG THUN MONG MA YIN PA'I RNAL 'BYOR GYI LAM 'PHAGS PA'I RIGS KYI LAM BCU DANG, SKU DANG, YE SHES DANG, YID LAS SKYES PA DANG, TING NGE 'DZIN MNGON PAR 'DU BYED PA MED PA RAB TU 'THOB PAR 'GYUR RO, ,DE LTA BAS NA, BLO GROS CHEN PO, BYANG CHUB SEMS DPA' SEMS DPA' CHEN PO KHYAD PAR 'DOD PA RNAMS KYIS DE BZHIN GSHEGS PA'I SNYING PO KUN GZHI RNAM PAR SHES PA ZHES BYA BA YONGS SU SBYANG BA BYA'O, ,BLO GROS CHEN PO, GAL TE KUN GZHI RNAM PAR SHES PA MED PA LA DE BZHIN GSHEGS PA'I SNYING PO ZHES BYA BA NI SKYE BA DANG, 'JIG PA'ANG MED PAR 'GYUR TE, BLO GROS CHEN PO, 'ON KYANG BYIS PA DANG 'PHAGS PA RNAMS LA SKYE BA DANG 'JIG PA YOD PAS RNAL 'BYOR PA RNAMS 'PHAGS PA'I SO SO RANG GIS RIG PA LA 'JUG CING MTHONG BA'I CHOS LA BDE BAR GNAS PA'I SBYOR BA MI GTONG NGO, ,BLO GROS CHEN PO, DE BZHIN GSHEGS PA'I SNYING PO KUN GZHI RNAM PAR SHES PA 'DI NI RANG BZHIN GYIS YONGS SU DAG PA YIN MOD KYI, NYAN THOS DANG, RANG SANGS RGYAS RTOG PA'I LTA BA CAN THAMS CAD GLO BUR GYI NYON MONGS PAS BSGRIBS PA'I PHYIR YONGS SU MA DAG PA MTHONG GI ,DE BZHIN

444a

, ,GSHEGS PA RNAMS NI MA YIN NO, ,BLO GROS CHEN PO, DE BZHIN GSHEGS PA NI MNGON SUM GYI SPYOD YUL CAN YIN PAS, DPER NA, LAG MTHIL GYI SKYU RU RA'I 'BRAS BU BZHIN DU GZIGS SO, ,BLO GROS CHEN PO, NGAS DON 'DI RDZU 'PHRUL GYI MTHU'I RNAM PAR BZHAG PAS BTZUN MO PHRENG LDAN MA DANG, GZHAN YANG SHES RAB RNO ZHING YONGS SU RDZOGS PA'I BYANG CHUB SEMS DPA' RNAMS KYI CHED DU DE BZHIN GSHEGS PA'I SNYING PO KUN GZHI RNAM PAR SHES PA ZHES BYA BA RNAM PAR SHES PA BDUN DANG LHAN CIG SKYE BAR BSTAN CING BSHAD DE, NYAN THOS RNAMS GANG ZAG LA BDAG MED PAR MTHONG BA LA MNGON PAR ZHEN PA'I PHYIR BTZUN MO PHRENG LDAN MA SANGS RGYAS KYI BYIN GYI RLABS KYI MTHUS DE BZHIN GSHEGS PA'I SPYOD YUL BSHAD DE, NYAN THOS DANG, RANG SANGS RGYAS DANG, MU STEGS CAN RNAMS KYI SPYOD YUL NI MA YIN NO, ,BLO GROS CHEN PO, DE BZHIN GSHEGS PA'I SNYING PO KUN GZHI RNAM PAR SHES PA NI DE BZHIN GSHEGS PA NYAG GCIG DANG, GZHAN YANG SHES RAB RNO ZHING DON LA RTON PA'I BYANG CHUB SEMS DPA' SHES RAB CAN RNAMS KYI SPYOD YUL YIN TE, DE LTA BAS NA BLO GROS CHEN PO KHYOD DANG, BYANG CHUB SEMS DPA' SEMS DPA' CHEN PO GZHAN DAG GIS DE BZHIN GSHEGS PA'I SNYING PO KUN GZHI RNAM

444b

PAR SHES PA 'DI LA RAB TU BRTZON ZHING BSLAB PAR BYA STE, THOS PA DANG, SHES PA TZAM GYIS CHOG PA'I 'DU SHES SU MI BYA'O, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,ZAB MO DE BZHIN GSHEGS PA YI, ,SNYING PO RNAM SHES BDUN DAG DANG, LHAN CIG 'DZIN GNYIS RAB TU 'JUG ,MKHAS PA DAG NI YONGS SU SPONG, ,ME LONG GZUGS BZHIN SEMS SNANG STE, ,THOG MA MED NAS BAG CHAGS BSGOS, ,YANG DAG JI BZHIN RAB RTOGS NA, ,DNGOS PO RNAMS NI DNGOS PO MED, ,JI LTAR BYIS PA SOR MO'I RTZER, ,'DZIN CING ZLA BA MI LTA BA, ,DE BZHIN YI GER ZHEN PA RNAMS, ,NGA YI YANG DAG MTHONG MI 'GYUR, ,SEMS NI GAR MKHAN BZHIN DU GNAS, , YID NI RAM BU THEG PA 'DRA, ,RNAM SHES LNGA NI GROGS LTA BU, ,RNAM RTOG GAR RNAMS RAB TU LTA, ,DE NAS BYANG CHUB SEMS DPA' BLO GROS CHEN POS BCOM LDAN 'DAS LA 'DI SKAD CES GSOL TO, ,BCOM LDAN 'DAS KYIS CHOS LNGA DANG, RANG BZHIN DANG, RNAM PAR SHES PA DANG, BDAG MA MCHIS PA GNYIS YONGS SU RTOGS PAR 'GYUR BA RNAM PAR DBYE BA'I MTSAN NYID BSHAD DU GSOL, DES BDAG DANG BYANG CHUB SEMS DPA' GZHAN RNAMS KYANG SA THAMS CAD KYI GO RIMS KYI MTSAMS SBYOR ZHING CHOS 'DI DAG

445a

, ,RNAM PAR DBYE BA DANG, SANGS RGYAS KYI CHOS THAMS CAD KYI RJES SU 'JUG PAR 'GYUR TE, SANGS RGYAS KYI CHOS THAMS CAD KYI RJES SU ZHUGS PA NI DE BZHIN GSHEGS PA'I RANG GIS RIG PA'I SA'I BAR DU 'JUG PAR 'GYUR RO, ,BCOM LDAN 'DAS KYIS BKA' STZAL PA, BLO GROS CHEN PO, LEGS PAR NYON LA YID LA ZUNGS SHIG BLO GROS CHEN POS BCOM LDAN 'DAS LA GSOL PA, DE BZHIN DU 'TSAL LO ZHES BKA' MNYAN PA DANG, BCOM LDAN 'DAS KYIS BKA' STZAL PA, BLO GROS CHEN PO, CHOS LNGA DANG, RANG BZHIN DANG, RNAM PAR SHES PA DANG, BDAG MED PA GNYIS RNAM PAR DBYE BA DANG, RAB TU 'JUG PA'I MTSAN NYID NI 'DI LTA STE, MING DANG, RGYU MTSAN DANG, RNAM PAR RTOG PA DANG, YANG DAG PA'I YE SHES DANG, DE BZHIN NYID DE, RNAL 'BYOR PA RNAMS KYIS BSGOMS NA, DE BZHIN GSHEGS PA'I RANG GIS RIG PA 'PHAGS PA'I TSUL LA RAB TU 'JUG CING RTAG PA DANG, CHAD PA DANG, YOD PA DANG, MED PA LA SOGS PA'I LTA BA SPANGS NAS MTHONG BA'I CHOS LA BDE BA'I SNYOMS PAR 'JUG PA LA GNAS PA MNGON SUM DU 'GYUR RO, ,BLO GROS CHEN PO, CHOS LNGA DANG, RANG BZHIN DANG, RNAM PAR SHES PA DANG, BDAG MED PA GNYIS DANG, RANG GI SEMS SNANG BA DANG, PHYI

445b

ROL GYI DNGOS PO DE DAG KHONG DU MA CHUD PA'I PHYIR SO SO'I SKYE BO RNAM PAR RTOG PAR BYED KYI, 'PHAGS PA RNAMS NI MA YIN NO, ,BLO GROS CHEN POS BCOM LDAN 'DAS LA GSOL PA, BCOM LDAN 'DAS, JI LTAR NA BYIS PA SO SO'I SKYE BO RNAMS RNAM PAR RTOG PA SKYE LA 'PHAGS PA RNAMS KYIS MA LAGS, BCOM LDAN 'DAS KYIS BKA' STZAL PA, BLO GROS CHEN PO, BYIS PA SO SO'I SKYE BO RNAMS KUN RDZOB KYI BRDA'I MING DANG RGYU MTSAN LA MNGON PAR ZHEN PAS SEMS KYI RJES SU 'BRANG NGO, ,RJES SU 'BRANGS NAS MTSAN MA'I KHA DOG SNA TSOGS 'DOD PAS BDAG DANG BDAG GIR LTA BAR LHUNG BA'I BSAM PA CAN RNAMS GZUGS BZANG PO LA MNGON PAR ZHEN PAR BYED DE, MNGON PAR ZHEN NAS MI SHES PAS BSGRIBS PA'I PHYIR MNGON PAR CHAGS PA SKYED DO, ,MNGON PAR CHAGS PAR GYUR NAS NI 'DOD CHAGS DANG, ZHE SDANG DANG, GTI MUG LAS BYUNG BA'I LAS BSAGS SO, ,MNGON PAR BSAGS NAS NI RNAM PAR RTOG PAS RANG LA 'CHING BAR BYED DE, JI LTAR DAR GYI SRIN BU SKON PA BYED PA BZHIN DU 'KHOR BA'I RGYA MTSOR 'GRO BA RNAMS KYI SKON PAR LHUNG BA NI ZO CHUN GYI 'KHRUL 'KHOR BZHIN TE, 'DI LTAR GTI MUG PA'I PHYIR SGYU MA DANG, SMIG RGYU DANG, CHU'I ZLA BA DANG MTSUNGS PAR RANG BZHIN GYIS BDAG DANG BDAG GI DANG BRAL BAR MA

446a

, ,SHES NAS YANG DAG PA MA YIN PA'I RNAM PAR RTOG PA THAMS CAD SKYED PAR BYED DO, ,MTSAN NYID DANG, MTSAN NYID KYI GZHI DANG, SKYE BA DANG, 'JIG PA DANG BRAL BA RANG GI SEMS KYI RNAM PAR RTOG PA LAS SKYES PA, DBANG PHYUG DANG, DUS DANG, RDUL PHRA MO DANG, GTZO BO LAS BYUNG BA MA YIN PAR MA SHES NAS BYIS PA SO SO'I SKYE BO RNAMS MING DANG, RGYU MTSAN GYI RJES SU 'BRANG NGO, ,DE LA, BLO GROS CHEN PO RGYU MTSAN, DE'ANG MIG GI RNAM PAR SHES PAS SNANG BAR BYA BA NI GZUGS ZHES BYA'O, ,DE BZHIN DU RNA BA DANG, SNA DANG, LCE DANG, LUS DANG, YID KYI RNAM PAR SHES PAS SNANG BAR BYA BA NI SGRA DANG, DRI DANG, RO DANG, REG BYA DANG, CHOS ZHES BYA STE, 'DI NI RGYU MTSAN ZHES BYA'O, ,BLO GROS CHEN PO, RNAM PAR RTOG PA DE NI GANG GIS MING MANG POR BTAGS NAS MTSAN MA RNAMS GSAL BAR BYED PA STE, 'DI NI DE BZHIN GYI GZHAN DU MA YIN NO ZHES GLANG PO CHE DANG, RTA DANG, SHING RTA DANG, RKANG THANG DANG, SKYES PA DANG, BUD MED LA SOGS PA'I MING GANG YIN PA DE NI RNAM PAR RTOG PA ZHES BYA'O, ,BLO GROS CHEN PO, YANG DAG PA'I YE SHES GANG GIS MING DANG, RGYU MTSAN DE DAG MI DMIGS SHING PHAN TSUN 'GRO BA'I MGRON PO DANG MTSUNGS TE, RNAM PAR SHES PA RNAMS MI SKYE

446b

BAS RTAG PA MED PA, CHAD PA MED PAS MU STEGS CAN DANG, NYAN THOS DANG, RANG SANGS RGYAS THAMS CAD KYI SAR MI LTUNG BA'O, ,GZHAN YANG, BLO GROS CHEN PO, BYANG CHUB SEMS DPA' SEMS DPA' CHEN PO RNAMS NI YANG DAG PA'I YE SHES DES MING DANG, RGYU MTSAN RNAM PAR 'JOG PAR YANG MI BYED LA, MING DANG RGYU MTSAN RNAM PAR MI GZHOG PA'ANG MA YIN PAS LTA BA GNYIS SU SGRO 'DOGS PA DANG, SKUR PA 'DEBS PA YONGS SU SPONG BAR BYED DO, MING DANG RGYU MTSAN MI SKYE BA NI DE BZHIN NYID CES BYA'O, , BLO GROS CHEN PO, BYANG CHUB SEMS DPA' SEMS DPA' CHEN PO DE BZHIN NYID LA GNAS PA NI SNANG BA MED PA'I SPYOD YUL THOB PA'I PHYIR BYANG CHUB SEMS DPA'I SA RAB TU DGA' BA 'THOB STE, BYANG CHUB SEMS DPA'I SA RAB TU DGA' BA THOB NAS MU STEGS CAN DANG, NGAN SONG GI 'GRO BA THAMS CAD LAS SHIN TU 'DAS SHING 'JIG RTEN LAS 'DAS PA'I TSUL LA YANG DAG PAR GNAS PA, CHOS KYI MTSAN NYID LA 'DRIS PA, SGYU MA LTA BU LA SOGS PA'I CHOS THAMS CAD RNAM PAR 'BYED PA RANG GIS RIG PA'I CHOS KYI TSUL GYI MTSAN NYID RTOG GE PA'I LTA BA YA MTSAN GYI MTSAN NYID DANG BRAL BAS RIM GYIS CHOS KYI SPRIN GYI BAR DU 'THOB PAR 'GYUR TE, BAR DE'ANG TING NGE 'DZIN DANG, STOBS DANG, DBANG DANG,

447a

, ,MNGON PAR SHES PA RGYAS SHING DE BZHIN GSHEGS PA'I SA'I BAR DU 'THOB PAR 'GYUR RO, ,DE THOB NAS CHU'I ZLA BA BZHIN DU SPRUL PA RNAM PA SNA TSOGS KUN TU STON CING SEMS CAN YONGS SU SMIN PAR BYED PA NI MTHAR THUG PA'I GNAS BCU YONGS SU RDZOGS NAS MOS PA SNA TSOGS PA'I SEMS CAN RNAMS LA RAB TU 'BYED CING CHOS STON KYANG CHOS KYI SKU NI YID KYI MNGON PAR 'DU BYED PA DANG BRAL BA'O, ,'DI NI BYANG CHUB SEMS DPA' RNAMS DE BZHIN NYID LA ZHUGS NAS THOB PA ZHES BYA'O, ,DE NAS BYANG CHUB SEMS DPA' BLO GROS CHEN POS BCOM LDAN 'DAS LA 'DI SKAD CES GSOL TO, ,BCOM LDAN 'DAS, CI RANG BZHIN GSUM PO RNAMS CHOS LNGA'I NANG DU 'DUS PA ZHIG LAGS SAM, 'ON TE SO SO NAS RANG GI MTSAN NYID DU GRUB PA ZHIG LAGS, BCOM LDAN 'DAS KYIS BKA' STZAL PA, BLO GROS CHEN PO, RANG BZHIN GSUM DANG, RNAM PAR SHES PA BRGYAD DANG, BDAG MED PA GNYIS KYANG CHOS LNGA'I NANG DU 'DUS SO, ,BLO GROS CHEN PO, MING DANG RGYU MTSAN DE DAG NI KUN TU BRTAGS PA'I RANG BZHIN YIN NO, ,BLO GROS CHEN PO, RNAM PAR RTOG PA DE LA BRTEN NAS SEMS DANG SEMS LAS BYUNG BA'I CHOS MING DANG LHAN CIG SKYE STE, JI LTAR NYI MA DANG 'OD ZER LHAN CIG 'BYUNG BA

447b

BZHIN DU SNA TSOGS KYI MTSAN NYID SO SOR RNAM PAR RTOG CING, 'DZIN PAR BYED PA DE NI GZHAN GYI DBANG GI RANG BZHIN ZHES BYA'O, ,BLO GROS CHEN PO, YANG DAG PA'I YE SHES DANG, DE BZHIN NYID NI MI 'JIG PA'I PHYIR YONGS SU GRUB PA'I NGO BO NYID CES BYA'O, ,GZHAN YANG, BLO GROS CHEN PO, RANG GI SEMS SNANG BA'I RNAM PAR RTOG PA LA RNAM PA BRGYAD DU DBYE STE; 'DI LTA STE, KUN GZHI RNAM PAR SHES PA DANG, YID DANG, YID KYI RNAM PAR SHES PA DANG, RNAM PAR SHES PA'I TSOGS LNGA'O, ,DE LA RGYU MTSAN NI YANG DAG PA MA YIN PA'I MTSAN NYID LA KUN TU BRTAGS PA'I PHYIR BDAG DANG BDAG GIR 'DZIN PA GNYIS 'GAGS NA BDAG MED PA GNYIS SKYE'O, ,DE LTA BAS NA, BLO GROS CHEN PO, CHOS LNGA PO 'DI'I NANG DU NYAN THOS DANG, RANG SANGS RGYAS DANG, BYANG CHUB SEMS DPA' DANG, DE BZHIN GSHEGS PA RNAMS KYI SO SO RANG GIS RIG PA 'PHAGS PA'I YE SHES DANG, SA RNAMS KYI MTSAMS SBYAR BA DANG, GO RIMS DANG, SANGS RGYAS KYI CHOS THAMS CAD KYANG 'DUS SO, ,GZHAN YANG, BLO GROS CHEN PO, CHOS LNGA NI RGYU MTSAN DANG, MING DANG, RNAM PAR RTOG PA DANG, DE BZHIN NYID DANG, YANG DAG PA'I YE SHES SO, ,BLO GROS CHEN PO, DE LA RGYU MTSAN NI GNAS PA DANG, DBYIBS KYI MTSAN NYID DANG, GZUGS LA SOGS PA'I

448a

, ,MTSAN NYID DU SNANG BA NI RGYU MTSAN ZHES BYA'O, ,GANG RGYU MTSAN DE NYID LA BUM PA ZHES BYA BA LA SOGS PA'I MING YOD PAS 'DI NI DE BZHIN GYI GZHAN DU MA YIN NO ZHES BYA BA DE NI MING ZHES BYA BA STE, MING MANG PO BTAGS NAS RGYU MTSAN RNAMS GSAL BAR BYED PA'O, ,BUM PA LA SOGS PA'I SEMS DANG SEMS LAS BYUNG BA'I CHOS DE NI RNAM PAR RTOG PA ZHES BYA'O, ,MING DE DANG RGYU MTSAN DE DAG MTHAR DMIGS SU MED PA DANG, THOG MA DANG, THA MAR RIG PAR BYA BA MED PA DANG, CHOS RNAMS LA PHAN TSUN MED PA DANG, YANG DAG PA MA YIN PA'I RNAM PAR RTOG PA DANG BRAL BA NI DE BZHIN NYID CES BYA'O, ,DE KHO NA NYID YANG DAG PAR NGES PA MTHAR THUG PAR YANG RANG BZHIN DMIGS SU MED PA DE NI DE BZHIN NYID KYI MTSAN NYID DU NGA DANG DE BZHIN GSHEGS PA RNAMS KYANG RJES SU ZHUGS SHING SEMS CAN THAMS CAD LA YANG DAG PA JI LTA BA BZHIN DU BSHAD DO, ,BTAGS SO, ,GSAL BAR BYAS SO, ,GANG DE'I RJES SU ZHUGS NAS YANG DAG PAR RTOGS SHING CHAD PA DANG RTAG PA MED PA, RNAM PAR RTOG PA MI 'BYUNG BA SO SO RANG GIS RIG PA 'PHAGS PA'I YE SHES KYI TSUL DANG RJES SU MTHUN PA, MU STEGS CAN DANG, NYAN THOS DANG, RANG SANGS RGYAS THAMS CAD KYIS MI DMIGS PA'I

448b

MTSAN NYID DE NI YANG DAG PA'I YE SHES ZHES BYA'O, ,BLO GROS CHEN PO, DE DAG NI CHOS LNGA ZHES BYA STE, RANG BZHIN RNAM PA GSUM DANG, RNAM PAR SHES PA BRGYAD DANG, BDAG MED PA GNYIS DANG, SANGS RGYAS KYI CHOS THAMS CAD KYANG DER 'DUS TE, DE LTA BAS NA, BLO GROS CHEN PO, DE LA BDAG NYID KYIS NAN TAN DU BSLAB PAR BYA ZHING GZHAN LA'ANG BSLAB PAR BYA STE, GZHAN GYI RJES SU 'BRANG BAR MI BYA'O, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,CHOS LNGA DANG NI RANG BZHIN GSUM, ,RNAM SHES BRGYAD PO NYID DAG DANG, ,BDAG MED DON NI RNAM GNYIS POR, ,THEG CHEN THAMS CAD BSDUS PA YIN, ,MING DANG RGYU MTSAN RNAM PAR RTOG ,RANG BZHIN GNYIS KYI MTSAN NYID DE, ,YANG DAG YE SHES DE BZHIN NYID, ,YONGS SU GRUB PA'I MTSAN NYID DO, ,DE NAS BYANG CHUB SEMS DPA' BLO GROS CHEN POS YANG BCOM LDAN 'DAS LA 'DI SKAD CES GSOL TO, ,JI LTAR BCOM LDAN 'DAS KYIS GSUNGS PA LTAR NA 'DAS PA'I SANGS RGYAS RNAMS NI GANGG'A'I KLUNG GI BYE MA SNYED DE, MA 'ONGS PA DANG, DA LTAR GYI'ANG DE BZHIN NO ZHES BKA' STZAL NA, BCOM LDAN 'DAS, 'DI LA SGRA JI BZHIN DU DON GZUNG BAR BGYI'AM, 'ON TE DON GZHAN ZHIG MCHIS LAGS, BCOM LDAN 'DAS, THUGS BRTZE BAR DGONGS

449a

, ,TE BSHAD DU GSOL, BCOM LDAN 'DAS KYIS BKA' STZAL PA, BLO GROS CHEN PO, SGRA JI BZHIN DU DON GZUNG BAR MI BYA STE, DUS GSUM GYI DE BZHIN GSHEGS PA RNAMS NI YANG DAG PAR GANGG'A'I KLUNG GI BYE MA SNYED DU MA YIN NO, ,DE CI'I PHYIR ZHE NA, 'JIG RTEN PA'I BSAM PA LAS 'DAS PAS DPE RNAMS KYIS DPER BYA BA MA YIN NO, ,'DI LTAR BYIS PA SO SO'I SKYE BO RTAG PA LA MNGON PAR ZHEN PA DANG, MU STEGS CAN GYI RNAM PAR BTAGS PA'I LTA BA NGAN PA 'PHEL NAS 'KHOR BA LA THUG PA MED PAR 'GYUR BA DAG 'KHOR BAR 'GRO BA'I 'KHOR LO LA YONGS SU SKYO BAR BYA BA DANG, BRTZON 'GRUS KHYAD PAR CAN RTZOM DU GZHUG PA'I PHYIR DE DAG LA 'DI SKAD DU DE BZHIN GSHEGS PA RNAMS NI MTHONG BAR SLA BAS AU DUMB'A RA'I ME TOG LTA BU MA YIN NO ZHES BSTAN TE MTHONG BAR DKA' ZHES RTZOM PA GTONG BAR 'GYUR BA'I PHYIR RO; ;RES 'GA' NI 'DUL BA'I SKYE BO RNAMS LA GZIGS NAS 'DI SKAD DU DE BZHIN GSHEGS PA RNAMS NI SHIN TU MTHONG BAR DKA' BAS AU DUMB'A RA'I ME TOG BZHIN NO ZHES BSHAD DE, AU DUMB'A RA'I ME TOG NI SUS KYANG MA MTHONG, MI MTHONG, MTHONG BAR MI 'GYUR NA, DE BZHIN GSHEGS PA NI 'JIG RTEN THAMS CAD KYIS MTHONG STE,

449b

RANG GI TSUL RNAM PAR GZHAG PA'I PHYIR 'DI SKAD DU DE BZHIN GSHEGS PA RNAMS 'BYUNG BA AU DUMB'A RA'I ME TOG BZHIN NO, ,ZHES BSHAD PA NI MA YIN NO, ,BLO GROS CHEN PO, RANG GI TSUL RNAM PAR GZHAG PA NI 'JIG RTEN PA'I BSAM PA LAS 'DAS PAS BYIS PA SO SO'I SKYE BO DE DAG YID CHES PAR MI 'GYUR TE, SO SO RANG GIS RIG PA'I 'PHAGS PA'I YE SHES KYI SPYOD YUL LA NI DPER BYA BA MED DO, ,DE KHO NA NYID KYI DE BZHIN GSHEGS PA NI SEMS DANG, YID DANG, YID KYI RNAM PAR SHES PA LAS 'DAS PAS MTHONG BAR BYA BA'I MTSAN MA RNAMS KYIS DPE BYAR MI RUNG NGO, ,BLO GROS CHEN PO, 'ON KYANG NGAS DE BZHIN GSHEGS PA RNAMS GANGG'A'I KLUNG GI BYE MA DANG MNYAM MO ZHES DPES BSTAN PA LA NYES PA MED DE, BLO GROS CHEN PO, DPER NA, GANGG'A'I GI BYE MA NI NYA DANG, RUS SBAL DANG, SHI SHU M'A RA DANG, SENGGE DANG, GLANG PO CHE DANG, RTA DANG, MI DANG, RI DVAGS RNAMS GYIS GTZES SHING DKRUGS KYANG BYE MA DE 'DI SNYAM DU 'DI DAG GIS BDAG LA GTZES SO ZHES RNAM PAR RTOG PAR MI BYED DE, RANG BZHIN GYIS YONGS SU DAG CING DRI MA RNAMS KYIS GOS BA MED PA'I PHYIR RO, ,DE BZHIN DU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYI SO SO RANG GIS RIG PA 'PHAGS PA'I YE SHES KYI

450a

, ,GANGG'A'I KLUNG CHEN PO LA YOD PA'I STOBS DANG, MNGON PAR SHES PA DANG, DBANG PO LA SOGS PA'I BYE MA RNAMS LA'ANG MU STEGS CAN THAMS CAD DANG, MI RNAMS DANG, RI DVAGS LA SOGS PA THAMS CAD KYIS GTZES SHING DKRUGS KYANG DE BZHIN GSHEGS PA LA DGONGS PA MI MNGA' BAS RNAM PAR RTOG PA MI SKYE STE, DE BZHIN GSHEGS PA RAB TU DBEN ZHING DGONGS PA'I 'DU SHES MED PA DANG, DE BZHIN GSHEGS PA'I SNGON GYI SMON LAM GYI DBANG GIS TING NGE 'DZIN GYI BDE BA LA SEMS CAN RNAMS DGOD PA'I PHYIR RNAM PAR GTZES SO SNYAM DU MI DGONGS PAS GANGG'A'I KLUNG GI BYE MA DANG MTSUNGS SHING BYE BRAG MED DO, ,GZHAN YANG 'DOD CHAGS DANG, KHONG KHRO BA DANG, GTI MUG YONGS SU SPANGS PA'I PHYIR RO, ,DPER NA, GANGG'A'I KLUNG GI BYE MA RNAMS NI SA'I MTSAN NYID KYI RANG BZHIN YIN PAS BSKAL PAS TSIG PA NAS THAMS CAD BSREGS KYANG SA'I 'BYUNG BA CHEN PO NI RANG BZHIN MI 'DOR TE, 'DI LTAR ME'I KHAMS DANG LHAN CIG SKYE BA'I PHYIR RO, ,GZHAN DU NA BYIS PA SO SO'I SKYE BO RNAMS TSIG PAR RTOG MOD KYI SA DE NI MI TSIG STE, 'DI LTAR ME'I KHAMS KYI RGYU'I PHYIR RO, ,DE BZHIN DU, BLO GROS CHEN PO, DE BZHIN GSHEGS PA'I CHOS KYI SKU'ANG GANGG'A'I KLUNG

450b

GI BYE MA LTAR MI 'JIG GO BLO GROS CHEN PO, DPER NA, GANGG'A'I KLUNG GI BYE MA RNAMS LA NI TSAD MED DO, ,DE BZHIN GSHEGS PA RNAMS KYI 'OD ZER RNAMS KYANG DE BZHIN DU TSAD MED DE, SEMS CAN YONGS SU SMIN PAR BYA BA'I PHYIR SANGS RGYAS THAMS CAD KYIS 'KHOR GYI DKYIL 'KHOR THAMS CAD KUN TU SNANG BAR BYED DO, ,BLO GROS CHEN PO, DPER NA; GANGG'A'I KLUNG GI BYE MA RNAMS LA NI BYE MA THA DAD PA GZHAN BTZAL NA NAM YANG MI RNYED DO, ,DE BZHIN DU, BLO GROS CHEN PO, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LA'ANG 'KHOR BA'ANG MED, SKYE BA DANG 'GAG PA MED DE, SRID PA'I RGYU DANG RKYEN CHAD PA'I PHYIR RO, ,BLO GROS CHEN PO, DPER NA, GANGG'A'I KLUNG GI BYE MA RNAMS NI 'PHEL BA DANG, 'GRIB PA SHES PAR MI NUS SO, ,DE BZHIN DU, BLO GROS CHEN PO, DE BZHIN GSHEGS PA'I YE SHES KYANG SEMS CAN YONGS SU SMIN PAR BYA BA MI 'PHEL MI 'GRIB STE, LUS KYI CHOS CAN MA YIN PA'I PHYIR RO, ,LUS KYI CHOS CAN LA NI 'JIG PA YOD KYI, DE BZHIN GSHEGS PA'I CHOS KYI SKU NI LUS KYI CHOS CAN MA YIN NO, ,DPER NA, GANGG'A'I KLUNG GI BYE MA RAB TU BTZIR KYANG MAR MI DMIGS SO, ,DE BZHIN DU SEMS CAN GYI RAB TU GNOD PA'I SDUG BSNGAL THAMS CAD KYIS DE BZHIN GSHEGS PA LA GNOD

451a

, ,PA BYAS KYANG, JI SRID DU SEMS CAN RNAMS YONGS SU MYA NGAN LAS MA 'DAS KYI BAR DU CHOS KYI DBYINGS MI 'DOR TE, RANG GI TING NGE 'DZIN DANG, SMON LAM GYI BDE BA DANG, THUGS RJE CHEN PO'I PHYIR RO, BLO GROS CHEN PO, DPER NA, GANGG'A'I KLUNG GI BYE MA RNAMS NI CHU'I RGYUN GYI RJES SU 'BAB STE, CHU MED PAR NI MA YIN NO; ;DE BZHIN DU, BLO GROS CHEN PO, DE BZHIN GSHEGS PA RNAMS KYIS BSTAN PA'I CHOS THAMS CAD KYANG MYA NGAN LAS 'DAS PA'I RGYUN GYI RJES SU 'BAB PAS DE'I PHYIR 'DI SKAD DU GANGG'A'I KLUNG GI BYE MA DANG MNYAM PA ZHES BSHAD DO, ,DE BZHIN GSHEGS PA NI 'GRO BA RNAMS KYI RJES SU MI 'JUG STE, RJES SU 'BAB CING 'GRO BA NI 'JIG PA'I DON YIN PA'I PHYIR RO, ,BLO GROS CHEN PO, 'KHOR BA'I THOG MA'I MTHA' SHES PAR MI NUS PA'I PHYIR, SHES PA MED NA JI LTAR 'GRO BA ZHES BSHAD, BLO GROS CHEN PO, 'GRO BA ZHES BYA BA NI CHAD PA'I DON YIN NA BYIS PA SO SO'I SKYE BO RNAMS KYIS MI SHES SO, ,BLO GROS CHEN POS BCOM LDAN 'DAS LA GSOL PA, BCOM LDAN 'DAS, GAL TE SEMS CAN RNAMS 'KHOR BA'I THOG MA'I MTHA' 'TSAL BA MA MCHIS NA JI LTAR RNAM PAR THAR PA KHONG DU CHUD PAR 'GYUR, BCOM LDAN 'DAS KYIS BKA' STZAL PA, BLO GROS CHEN PO,

451b

THOG MA MED PA'I DUS KYI RNAM PAR SPROS PA'I GNAS NGAN LEN RNAM PAR RTOG PA'I BAG CHAGS KYI RGYU 'GAG CING RANG GI SEMS SNANG BA TZAM DU MTHONG BA'I TSE SHES SO, ,PHYI ROL GYI DON DANG, RNAM PAR RTOG PA'I LUS GNAS GYUR PA LA THAR PA ZHES BYA'I, 'JIG PA NI MA YIN NO, ,DE BAS NA MTHA' MED PA ZHES BYA BA NI CI'ANG MED PA MA YIN TE, DE DAG RNAM PAR RTOG PA'I PHYIR MTHA' MED PA ZHES BYA BA LA SOGS PA'I MING GI RNAM GRANGS BYAS PA YIN NO, ,PHYI DANG NANG GNYIS KA RAB TU BRTAGS NA RNAM PAR RTOG PA LAS LOGS SHIG NA GZHAN THA DAD PA'I SEMS CAN GANG YANG MED PAS SHES PA DANG, SHES BYA DANG, CHOS THAMS CAD NI RAB TU DBEN PA YIN TE, RANG GI SEMS SNANG BA'I RNAM PAR RTOG PA YONGS SU MA SHES PA'I PHYIR RNAM PAR RTOG PA SKYE'I, GAL TE YONGS SU SHES PAR GYUR NA NI LDOG PAR 'GYUR RO, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,'DREN PA RNAMS NI RAB BRTAGS NA, ,GANGG'A'I KLUNG GI BYE MA BZHIN, ,'JIG PA MED CING 'GRO BA MED, ,MTHAR THUG MIN PA'ANG MA YIN TE, ,DE NI MNYAM PA NYID DAG GIS, ,DE BZHIN GSHEGS RNAMS BRTAGS PA YIN, ,GANGG'A'I BYE MA LA SOGS LTAR, ,NYES PA THAMS CAD RAB

452a

, ,SPANGS TE, ,RGYUN PHYOGS 'JUG CING RANG BZHIN RTAGS, ,DE NI SANGS RGYAS SANGS RGYAS NYID, ,DE NAS BYANG CHUB SEMS DPA' BLO GROS CHEN POS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS, CHOS THAMS CAD SKAD CIG MAR 'JIG PA'I MTSAN NYID BSHAD DU GSOL, ,BCOM LDAN 'DAS, JI LTAR NA CHOS THAMS CAD SKAD CIG MA LAGS, BCOM LDAN 'DAS KYIS BKA' STZAL PA, BLO GROS CHEN PO, DE'I PHYIR LEGS PAR NYON LA YID LA GZUNG ZHIG DANG, KHYOD LA BSHAD PAR BYA'O, ,BLO GROS CHEN POS BCOM LDAN 'DAS LA GSOL PA, BCOM LDAN 'DAS, DE BZHIN DU 'TSAL ZHES BKA' MNYAN PA DANG, BCOM LDAN 'DAS KYIS BKA' STZAL PA, BLO GROS CHEN PO, DE LA CHOS THAMS CAD CES BYA BA NI 'DI LTA STE, DGE BA DANG, MI DGE BA DANG, LUNG DU BSTAN PA DANG, LUNG DU MA BSTAN PA DANG, 'DUS BYAS DANG, 'DUS MA BYAS PA DANG, 'JIG RTEN PA DANG, 'JIG RTEN LAS 'DAS PA DANG, KHA NA MA THO BA DANG BCAS PA DANG, KHA NA MA THO BA MED PA DANG, ZAG PA DANG BCAS PA DANG, ZAG PA MED PA DANG, ZIN PA DANG, MA ZIN PA RNAMS YIN TE, BLO GROS CHEN PO, MDOR NA SEMS DANG, YID DANG, YID KYI RNAM PAR SHES PA DANG,

452b

BAG CHAGS RNAMS NI NYE BAR LEN PA'I PHUNG PO LNGA'I RGYU DANG, SEMS DANG, YID DANG, YID KYI RNAM PAR SHES PA'I BAG CHAGS RGYAS PAR BYED PA YIN TE, BYIS PA SO SO'I SKYE BO RNAMS KYIS DGE BA DANG, MI DGE BAR YONGS SU BRTAGS SO, ,BLO GROS CHEN PO, TING NGE 'DZIN GYI BDE BA DANG, SNYOMS PAR 'JUG PAS MTHONG BA'I CHOS LA BDE BAR GNAS PA NI 'PHAGS PA RNAMS KYI DGE BA ZAG PA MED PA ZHES BYA'O, ,BLO GROS CHEN PO, DE LA DGE BA DANG MI DGE BA ZHES BYA BA NI 'DI LTA STE, RNAM PAR SHES PA BRGYAD RNAMS SO, ,BRGYAD GANG ZHE NA, 'DI LTA STE, DE BZHIN GSHEGS PA'I SNYING PO KUN GZHI RNAM PAR SHES PA ZHES BSGRAGS PA DANG, SEMS DANG, YID DANG, YID KYI RNAM PAR SHES PA DANG, RNAM PAR SHES PA LNGA'I TSOGS RNAMS TE, MU STEGS CAN GYIS BRJOD PAR BYA BA MA YIN NO, ,BLO GROS CHEN PO, RNAM PAR SHES PA'I TSOGS LNGA NI SEMS DANG, YID DANG, YID KYI RNAM PAR SHES PA DANG LHAN CIG PA, DGE BA DANG, MI DGE BA'I MTSAN NYID PHAN TSUN DU RNAM PAR 'GYUR ZHING 'JIG PA, RGYUD KYI RGYUN GYIS 'JUG PAS RNAM PAR MI 'JIG PA, LUS BYUNG NAS SKYE ZHING 'JIG PAR YANG 'GYUR BA'O, ,RANG GI SEMS SNANG BA TZAM DU MA RTOGS PA'I PHYIR 'GAGS MA THAG TU RNAM PAR SHES PA GZHAN 'BYUNG STE,

453a

, ,DBYINGS KYI BYE BRAG 'DZIN PA'I YID KYI RNAM PAR SHES PA RNAM PAR SHES PA'I TSOGS LNGA DANG LDAN PAR 'BYUNG ZHING SKAD CIG GI DUS SU'ANG MI GNAS PA DE NI SKAD CIG MA ZHES BYA'O, ,BLO GROS CHEN PO, DE LA SKAD CIG MA ZHES BYA BA NI KUN GZHI RNAM PAR SHES PA ZHES BSGRAGS PA DE BZHIN GSHEGS PA'I SNYING PO YID DANG LHAN CIG SKYES PA'I RNAM PAR SHES PA'I BAG CHAGS KYIS SKAD CIG PA YIN GYI, ZAG PA MED PA'I BAG CHAGS KYIS SKAD CIG PA NI MA YIN NO, ,BYIS PA SO SO'I SKYE BO RNAMS KYIS RTOGS PAR MI 'GYUR TE, 'DI LTAR SKAD CIG MAR SMRA BA LA MNGON PAR ZHEN PA'I PHYIR CHOS THAMS CAD SKAD CIG PA DANG, SKAD CIG PA MA YIN PA 'DI MI RTOGS SO, ,DE CHAD PAR LTA BA'I PHYIR 'DUS MA BYAS PA'I CHOS RNAMS KYANG 'JIG PAR BYED DO, ,BLO GROS CHEN PO, RNAM PAR SHES PA BDUN PO RNAMS NI 'KHOR BAR 'JUG PA MA YIN TE, SDUG BSNGAL DANG BDE BA'ANG MI MYONG LA, MYA NGAN LAS 'DA' BA'I RGYU'ANG MA YIN NO, ,BLO GROS CHEN PO, DE BZHIN GSHEGS PA'I SNYING PO NI SDUG BSNGAL DANG BDE BA'ANG MYONG STE, RGYU DANG LHAN CIG TU 'JUG CING LDOG GO ,GNAS PA'I SA GZHI DANG, MA RIG PA'I GNAS KYIS RAB TU MYOS PAS BYIS PA SO SO'I SKYE BO DAG SKAD CIG

453b

MAR LTA BA MI RTOGS SHING, RNAM PAR RTOG PAS SEMS YONGS SU BSGOS PAR GYUR TO, ,GZHAN YANG, BLO GROS CHEN PO, DPER NA, GSER DANG, RDO RJE DANG, DE BZHIN GSHEGS PA'I RING BSREL DANG, KHYAD PAR THOB PA'I NGO BO NYID NI NAM YANG 'JIG PAR MI 'GYUR TE, BLO GROS CHEN PO, GAL TE MNGON PAR RTOGS PA THOB PA SKAD CIG PA YIN NA NI 'PHAGS PA RNAMS 'PHAGS PA MA YIN PAR 'GYUR BA ZHIG NA, 'PHAGS PA RNAMS NI 'PHAGS PA MA YIN PAR MI 'GYUR RO, ,DPER NA, GSER DANG, RDO RJE NI BSKAL PA SRID DU MI 'BRIN CI'I PHYIR BYIS PA SO SO'I SKYE BO NGA'I LDEM POR DGONGS TE BSHAD PA LA MI MKHAS PA DAG GIS PHYI NANG GI CHOS THAMS CAD LA SKAD CIG PA'I DON DU RTOG ,BYANG CHUB SEMS DPA' BLO GROS CHEN POS YANG BCOM LDAN 'DAS LA GSOL PA, BCOM LDAN 'DAS KYIS JI SKAD DU PHA ROL TU PHYIN PA DRUG YONGS SU RDZOGS PAR SPYAD NA BLA NA MED PA YANG DAG PAR RDZOGS PA'I BYANG CHUB MNGON PAR 'TSANG RGYA BAR 'GYUR RO ZHES BKA' STZAL NA, DRUG PO GANG LAGS, BCOM LDAN 'DAS KYIS BKA' STZAL PA, BLO GROS CHEN PO, PHA ROL TU PHYIN PA'I BYE BRAG NI RNAM PA GSUM YOD DE, 'DI LTA STE, 'JIG RTEN PA DANG, 'JIG RTEN LAS

454a

, ,'DAS PA DANG, 'JIG RTEN LAS 'DAS PA'I MCHOG GO ,BLO GROS CHEN PO, DE LA 'JIG RTEN PA'I PHA ROL TU PHYIN PA NI BDAG DANG BDAG GIR 'DZIN PA LA MNGON PAR ZHEN CING MTHA' GNYIS SU 'DZIN PA, SKYE BA'I GNAS SNA TSOGS BLANG BA DANG, GZUGS DANG, SGRA DANG, DRI DANG, RO DANG, REG BYA LA RAB TU MOS PA'I PHYIR SBYIN PA'I PHA ROL TU PHYIN PA YONGS SU RDZOGS PAR BYED DO, ,TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB KYANG DE BZHIN TE BYIS PA SO SO'I SKYE BO'I MNGON PAR SHES PA YONGS SU 'GRUB PA DANG, TSANGS PA'I 'JIG RTEN DU SKYE BAR 'GYUR RO, ,BLO GROS CHEN PO, 'JIG RTEN LAS 'DAS PA'I PHA ROL TU PHYIN PA NI NYAN THOS DANG, RANG SANGS RGYAS RNAMS MYA NGAN LAS 'DAS PA'I 'DZIN PAR LHUNG BA'I PHYIR PHA ROL TU PHYIN PA DRUG SPYOD CING RANG GI MYA NGAN LAS 'DAS PA'I BDE BA LA MOS PA'O, ,'JIG RTEN LAS 'DAS PA'I MCHOG PHA ROL TU PHYIN PA NI RANG GI SEMS SNANG BA RNAMS RTOG PA TZAM DU RTOGS PA DANG, RANG GI SEMS GNYIS SU 'DZIN PA'I PHYIR RNAM PAR RTOG PA MI SKYE BA DANG, 'GRO BA RNAMS LEN PA DANG, SKAL BA MTSUNGS PA MA YIN PA DANG, RANG

454b

GI SEMS DANG, GZUGS KYI MTSAN NYID LA MNGON PAR MA CHAGS PAS SEMS CAN THAMS CAD LA PHAN PA DANG, BDE BA'I PHYIR SBYIN PA'I PHA ROL TU PHYIN PA SKYED PAR BYED DO, ,SBYOR BA MCHOG BSKYED NAS DMIGS PA DE NYID LA RNAM PAR RTOG PA MI 'JUG PA NI TSUL KHRIMS TE, DE NI TSUL KHRIMS KYI PHA ROL TU PHYIN PA'O, ,DE NYID RNAM PAR RTOG PA MI SKYE BAR BZOD CING GZUNG BA DANG, 'DZIN PA YONGS SU SHES PA DE NI BZOD PA'I PHA ROL TU PHYIN PA'O, ,GANG GIS NAM GYI CHA STOD DANG, CHA SMAD LA SBYOR BA LA BRTZON PAR BYED CING RNAL 'BYOR DANG MTHUN PAR RNAM PAR RTOG PA MI 'JUG PA DE NI BRTZON 'GRUS KYI PHA ROL TU PHYIN PA'O, ,RNAM PAR RTOG PA RAB TU LDOG CING NYAN THOS KYI MYA NGAN LAS 'DAS PA'I 'DZIN PAR MI LTUNG BA DE NI BSAM GTAN GYI PHA ROL TU PHYIN PA'O, ,DE LA RANG GI SEMS KYI RNAM PAR RTOG PA DNGOS PO MED PAR SHES RAB KYIS SO SOR BRTAGS NAS MTHA' GNYIS SU LTUNG BA DANG, SNGON GYI LUS GNAS RAB TU GYUR PAS RNAM PAR MI 'JIG PA DANG, SO SO RANG GIS RIG PA 'PHAGS PA'I TSUL THOB PA DE NI SHES RAB KYI PHA ROL TU PHYIN PA'O, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,STONG PA MI RTAG SKAD CIG MAR, ,BYIS

455a

, ,PA RNAMS NI RNAM PAR RTOG ,'BAB CHU MAR ME SA BON LTAR, ,SKAD CIG PA YI DON DU RTOG ,SKAD CIG NYON MONGS 'KHRUG PA ZHI, ,RAB TU DBEN PA BYED PA SPANGS, ,CHOS RNAMS SKYE BA MED PA NI, ,SKAD CIG DON DU NGAS BSHAD DE, ,DNGOS PO SKYES NAS 'JIG PAR NI, ,BYIS PA RNAMS LA MI 'CHAD DO, ,BAR CHAD MED PAR RGYUN CHAGS DNGOS, ,RNAM PAR RTOG PAS YONGS SU BSGOS, ,MA RIG PA NI RGYU BYED DE, ,SEMS NI DE LAS RAB TU 'BYUNG, ,JI SRID GZUGS DAG MA SKYES PA, ,DE YI BAR DU PHYOGS CI YOD, ,ZHIG PAR GYUR MA THAG TU NI, ,SEMS GZHAN DE YI RJES SU SKYE, ,GZUGS NI DUS SU MI GNAS NA, ,CI LA DMIGS TE 'BYUNG BAR 'GYUR, ,DE DAG LAS NI RAB 'BYUNG PHYIR, ,YANG DAG MA YIN RGYU LAS SKYES, ,JI LTAR GRUB PA MED PA DES, ,SKAD CIG 'JIG PAR RAB TU SHES, ,RNAL 'BYOR CAN GYI SNYOMS 'JUG DANG,, RDO RJE SANGS RGYAS RING BSREL DANG, ,'OD GSAL GNAS KYI GZHAL MED KHANG, ,'JIG RTEN MI 'JIG DNGOS PO'O, ,YANG DAG CHOS THOB GNAS PA DANG, ,DE BZHIN GSHEGS MKHYEN PHUN SUM TSOGS, ,DGE SLONG MNYAM PA NYID THOB RNAMS, ,SKAD CIG MA NI JI LTAR MTHONG, ,DRI ZA SGYU MA LA SOGS PA'I, ,GZUGS RNAMS SKAD CIG YOD MA

455b

YIN, ,YANG DAG MA YIN GZUGS SOGS LA, ,YANG DAG NYID DU LTA BAR BYED, ,DE NAS BYANG CHUB SEMS DPA' BLO GROS CHEN POS YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS KYIS JI SKAD DU DGRA BCOM PA RNAMS KYANG BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR RO ZHES LUNG BSTAN PAS BYANG CHUB SEMS DPA' RNAMS DANG MTSUNGS SHING BYE BRAG MA MCHIS PAR 'GYUR RO, ,GAL TE SEMS CAN RNAMS MYA NGAN LAS 'DA' BA'I CHOS CAN LAGS NA SU ZHIG MNGON PAR RDZOGS PAR BYANG CHUB PAR 'GYUR, GZHAN YANG JI SRID DU DE BZHIN GSHEGS PA GANG GI NUB MO BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA NAS GANG GI NUB MO YONGS SU MYA NGAN LAS 'DAS PA DE'I BAR DU YI GE GCIG KYANG MA GSUNGS, LAN BTAB PA'ANG MED CES BKA' STZAL, GZHAN YANG DE BZHIN GSHEGS PA RNAMS NI RTAG TU MNYAM PAR BZHAG PA'I PHYIR RTOG PA'ANG MED, DPYOD PA'ANG MED DO, ,SPRUL PA'I DE BZHIN GSHEGS PAS SANGS RGYAS KYI MDZAD PA DAG SPRUL TO, ,GZHAN YANG CI'I SLAD DU RNAM PAR SHES PA RNAMS NI SKAD CIG MA GCIG NAS GCIG TU RNAM PAR 'JIG PA'I MTSAN NYID DO

456a

, ,ZHES GSUNGS, GZHAN YANG LAG NA RDO RJE MTHU BO CHE NI RTAG TU 'BRANG ZHING SRUNG BAR BYED DO, ,THOG MA'I MTHAR MI 'DOGS SO ZHES GSUNGS, GZHAN YANG BDUD DANG, BDUD KYI LAS DANG, KHA NA MA THO BA RNAMS KYI RNAM PAR SMIN PA DANG, BRAM ZE'I BU MO TZAN TZA DANG, MDZES MA KUN TU RGYU DANG, LHUNG BZED STONG PAR SLAR GSHEGS PA LA SOGS PA LAS KYI SGRIB PA DAG GDA' NA, CI'I SLAD DU BCOM LDAN 'DAS KYIS RNAM PA THAMS CAD MKHYEN PA'I YE SHES BRNYES KYANG NONGS PA RNAMS MA BRAL, BCOM LDAN 'DAS KYIS BKA' STZAL PA, BLO GROS CHEN PO, DE'I PHYIR LEGS PAR NYON LA YID LA GZUNG ZHIG DANG NGAS KHYOD LA BSHAD DO, ,BLO GROS CHEN POS BCOM LDAN 'DAS LA GSOL PA, BCOM LDAN 'DAS, DE BZHIN 'TSAL LO ZHES BKA' MNYAN PA DANG, BCOM LDAN 'DAS KYIS BKA' STZAL PA, BLO GROS CHEN PO, LHAG MA MED PA'I MYA NGAN LAS 'DAS PAR BYA BA'I PHYIR BSHAD DE, BYANG CHUB SEMS DPA'I SPYAD PA SPYOD PA RNAMS RAB TU SPRO BAR BYA BA'I PHYIR DANG, 'JIG RTEN 'DI DANG GZHAN DAG [?] NA BYANG CHUB SEMS DPA'I SPYAD PA SPYOD PA GANG DAG NYAN THOS KYI THEG PAS YONGS SU MYA NGAN LAS 'DA' BAR MOS PA DE DAG NYAN THOS KYI THEG PA LAS BZLOG NAS THEG

456b

PA CHEN PO LA RAB TU BRTZON PAR BYA BA'I PHYIR SPRUL PA'I SANGS RGYAS KYIS NYAN THOS RNAMS LA LUNG BSTAN PA YIN GYI, CHOS NYID KYI SANGS RGYAS KYIS NI MA YIN NO, ,BLO GROS CHEN PO, RGYU DES NA NYAN THOS RNAMS BYANG CHUB SEMS DPA' DAG DANG THA MI DAD PAR LUNG BSTAN TO, ,BLO GROS CHEN PO, DE LA THA MI DAD PA ZHES BYA BA NI NYAN THOS DANG, RANG SANGS RGYAS DANG, SANGS RGYAS BCOM LDAN 'DAS RNAMS NYON MONGS PA'I SGRIB PA SPANGS PA DANG, RNAM PAR GROL BA RO GCIG PA'I PHYIR YIN GYI, YE SHES KYI SGRIB PA SPANGS PA NI MA YIN NO, ,BLO GROS CHEN PO; YE SHES KYI SGRIB PA NI CHOS BDAG MED PAR MTHONG BA'I KHYAD PAR GYIS RNAM PAR DAG PAR 'GYUR LA, NYON MONGS PA'I SGRIB PA NI SNGAR GANG ZAG LA BDAG MED PAR MTHONG BA LA GOMS PAS SPONG BAR 'GYUR RO, ,DE LA RNAM PAR SHES PA BDUN 'GAGS PA DANG, CHOS KYI SGRIB PA LAS RNAM PAR GROL BA DANG, KUN GZHI RNAM PAR SHES PA'I BAG CHAGS 'GAGS PAS NI MTHAR THUG PA'I RNAM PAR DAG PAR 'GYUR RO, ,SNGON GYI CHOS GNAS PA NYID LA DGONGS PA'I PHYIR SNGA MA DANG PHYI MA DNGOS PO MED DO, ,MTHAR THUG PA'I SMON LAM GYI PHYIR DE BZHIN GSHEGS PA RTOG PA'ANG MED, DPYOD PA'ANG MED PAR CHOS 'CHAD DE, YANG DAG PA'I YE SHES KYIS SPRUL PA'I PHYIR DANG, DRAN PA NYAMS PA MED PA'I PHYIR RTOG

457a

, ,PA'ANG MED, DPYOD PA'ANG MED DO, ,GNAS PA'I SA GZHI DANG, MA RIG PA'I GNAS KYI SA'I BAG CHAGS SPANGS PA'I PHYIR NYON MONGS PA GNYIS SPANGS PA DANG, 'CHI 'PHO GNYIS DANG BRAL BA DANG, GANG ZAG DANG CHOS BDAG MED PAR KHONG DU CHUD PA DANG, SGRIB PA GNYIS SPANGS PA'O, ,BLO GROS CHEN PO, YID DANG, YID KYI RNAM PAR SHES PA DANG, MIG GI RNAM PAR SHES PA LA SOGS PA BDUN PO RNAMS NI SKAD CIG MA, BAG CHAGS KYI RGYU DGE BA ZAG PA MED PA'I PHYOGS DANG BRAL BA, YANG 'KHOR BAR MI 'GYUR BA DANG BRAL BA YIN NO, ,BLO GROS CHEN PO, DE BZHIN GSHEGS PA'I SNYING PO NI 'KHOR ZHING MYA NGAN LAS 'DAS PA DANG, BDE BA DANG, SDUG BSNGAL BA'I RGYU YIN TE, STONG PA NYID KYIS G-YENG BA'I BLO CAN DANG, BYIS PA SO SO'I SKYE BO DAG GIS KHONG DU MI CHUD DO, ,BLO GROS CHEN PO, LAG NA RDO RJE MTHU BO CHE RJES SU 'BRANG ZHING SRUNG BAR BYED PA NI SPRUL PA'I SANGS RGYAS YIN GYI, YANG DAG PA'I DE BZHIN GSHEGS PA NI MA YIN NO, ,BLO GROS CHEN PO, YANG DAG PA'I DE BZHIN GSHEGS PA NI DBANG PO DANG, TSAD MA THAMS DANG BRAL BAS BYIS PA SO SO'I SKYE BO DANG, NYAN THOS DANG, RANG SANGS RGYAS DANG, MU STEGS CAN THAMS CAD KYI DBANG PO DANG, TSAD MA RNAMS LAS

457b

RNAM PAR LOG PA YIN TE, MTHONG BA'I CHOS LA BDE BAR GNAS PA BAR CHAD MED PA'I CHOS SHES PA'I BZOD PA THOB PA'I PHYIR LAG NA RDO RJES BSRUNG BAR BYA BA MA YIN NO, ,SPRUL PA'I SANGS RGYAS THAMS CAD NI LAS LAS SKYES PA MA YIN NO, ,'PHRUL BAS SPRUL PA'I SANGS RGYAS NI SANGS RGYAS KYANG MA YIN, ,SANGS RGYAS LAS GZHAN PA'ANG MA YIN TE, DPER NA, RDZA MKHAN GYI 'KHOR LO LA SOGS PA'I RGYU LTA BUR SEMS CAN GYI BYA BA BYED CING MTSAN RNAMS DANG LDAN PAS CHOS STON KYANG RANG GI TSUL GYI GNAS SO SO RANG GIS RIG PA'I SPYOD YUL BSHAD PA NI MA YIN NO, ,GZHAN YANG, BLO GROS CHEN PO, BYIS PA SO SO'I SKYE BO RNAMS RNAM PAR SHES PA'I TSOGS BDUN 'GAGS PA'I PHYIR NI CHAD PAR LTA BA BSKYED DO,, KUN GZHI RNAM PAR SHES PA MA RTOGS PA'I PHYIR NI RTAG PAR LTA BA BSKYED DO, ,BDAG NYID RNAM PAR RTOG PA'I PHYIR NI THOG MA'I MTHA' MI SHES SO, ,RANG GI RNAM PAR RTOG PA'I BLO 'GAGS PA'I PHYIR NI RNAM PAR GROL BAR 'GYUR RO, ,GNAS PA'I SA GZHI DANG MA RIG PA GNAS KYI SA'I BAG CHAGS SPANGS PA'I PHYIR NYES PA THAMS CAD SPANGS PA YIN NO,, DE NAS BCOM LDAN 'DAS KYIS DON DE NYID YANG DAG PAR BSTAN PA'I PHYIR TSIGS SU BCAD PA 'DI DAG GSUNGS SO, ,THEG PA GSUM NI THEG MA YIN, ,DE BZHIN GSHEGS

458a

, ,PA ZAD MI 'GYUR, ,THAMS CAD SANGS RGYAS LUNG BSTAN CING, ,NYES PA RNAMS DANG BRAL BAR BSHAD, ,MNGON RTOGS YE SHES THOB BYA DANG, ,LHAG MED MYA NGAN 'DA' BA DANG, ,ZHUM PA RNAMS KYANG SPRO BYA'I PHYIR, ,DE PHYIR DGONGS TE BSHAD PA YIN, ,SANGS RGYAS BSKYED PA'I YE SHES DAG ,DE NYID RNAM 'BYED LAM DU BSHAD, , THEG PA RNAMS NI THEG MA YIN, ,DE NI MYA NGAN 'DA' BA MIN, ,'DOD GZUGS SRID DANG LTA BA RNAMS, ,GNAS BZHI'I SAR NI BSHAD PA YIN, ,YID KYI RNAM PAR SHES LAS 'BYUNG, ,RNAM SHES KHYIM DU YID NI GNAS, ,YID DANG MIG SOGS RNAM PAR SHES, ,'GAG PA LA NI MI RTAG BSHAD, ,YANG NA MYA NGAN 'DAS PAR LTA, ,RTAG PAR GNAS PA NYID DU 'DOD, ,DE NAS BYANG CHUB SEMS DPA' BLO GROS CHEN POS TSIGS SU BCAD PAS ZHU BA ZHUS PA, BYANG CHUB SEMS DPA' LA SOGS PA, ,BLA MED BYANG CHUB 'TSOL BDAG ,SHA DANG CHANG DANG SGOG BTZONG RNAMS, ,'TSAL ZHING BTUNG BAR BGYI MI BGYI, ,BLA NA MA MCHIS GTZO MCHOG GIS, ,THUGS RJES BDAG LA BSHAD DU GSOL, ,BYIS PA DE LA BRKAM PAR BGYID, ,DRI NGA GRAGS PA MA MCHIS 'GYUR, ,SHA NI GCAN GZAN RNAMS KYI ZAS, ,JI LTAR DE NI 'TSAL BAR RUNG, ,'TSAL NAS NONGS DMIGS CI MCHIS

458b

DANG, ,MA 'TSAL YON TAN GANG LAGS PA, ,'TSAL DANG MA 'TSAL DGE SDIG RNAMS, ,THUGS RJES BDAG LA BSHAD DU GSOL, ,BYANG CHUB SEMS DPA' BLO GROS CHEN POS TSIGS SU BCAD PA RNAMS KYIS ZHU BA ZHUS NAS, YANG BCOM LDAN 'DAS LA 'DI SKAD CES GSOL TO, ,BCOM LDAN 'DAS KYIS BDAG LA SOGS PA'I SLAD DU SHA 'TSAL BA DANG MI 'TSAL BA'I NONGS PA DANG YON TAN RNAMS BSHAD DU GSOL, BDAG DANG BYANG CHUB SEMS DPA' GZHAN RNAMS KYIS DA LTAR DANG MA 'ONGS PA NA SHA'I ZAS LA CHAGS SHING RE BA'I SEMS CAN SNA TSOGS LA RNAM PAR PHYE STE CHOS BSHAD PAS SEMS CAN DE DAG BYAMS PA'I SEMS KYIS PHAN TSUN GCIG LA GCIG LTA BA DANG, BYAMS PA'I SEMS THOB NAS KYANG SO SO'I SA LA GNAS SHING RNAM PAR DAG PA GSAL BAR RTOG STE MYUR DU MTHAR THUG PA'I BLA NA MED PA YANG DAG PAR RDZOGS PA'I BYANG CHUB MNGON PAR 'TSANG RGYA BA DANG, NYAN THOS DANG, RANG SANGS RGYAS DAG RANG GI SA LA BSTI ZHING, BSTIS NAS KYANG BLA NA MED PA'I BYANG CHUB 'THOB PAR 'GYUR RO, ,CHOS NGAN PA LOG PAR SMRA BA'I MU STEGS CAN GANG DAG LOG PAR LTA BA DANG, RTAG PA DANG CHAD PA LA MNGON PAR ZHEN PA RNAMS KYIS KYANG SHA 'TSAL BA BKAG STE SHA 'TSAL DU MI GNANG BA LAGS NA, DE BZHIN GSHEGS PA 'JIG RTEN GYI MGON

459a

, ,PO YANG DAG PA'I CHOS YONGS SU GRUB PAS SHA MI GSOL BA LTA CI SMOS, BCOM LDAN 'DAS KYIS BKA' STZAL PA, BLO GROS CHEN PO, LEGS SO, , LEGS SO, ,DE'I PHYIR SHIN TU LEGS PAR NYON LA YID LA GZUNG ZHIG DANG NGAS KHYOD LA BSHAD DO, ,BLO GROS CHEN POS BCOM LDAN 'DAS LA GSOL PA, DE BZHIN DU 'TSAL LO ZHES BKA' MNYAN PA DANG, BCOM LDAN 'DAS KYIS BKA' STZAL PA, BLO GROS CHEN PO, RGYU DANG RKYEN TSAD MED PA'I PHYIR SHA RNAMS BZA' BAR MI BYA STE, 'ON KYANG 'DIR KHYOD LA MDO TZAM ZHIG BSHAD PAR BYA'O, ,'DI LTA STE, SROG CHAGS RNAMS NI YUN RING PO NAS PHAN TSUN GYI RGYU RKYEN GYIS RTAG PAR GNYEN DU GYUR TE, 'DI LTAR GNYEN DU GYUR PA'I 'DU SHES KYI PHYIR SHA RNAMS BZA' BAR MI BYA'O, ,BONG BU DANG, DRE'U DANG, RNGA MO DANG, WA DANG, KHYI DANG, GLANG DANG, RTA DANG, MI DANG, GCAN GZAN GYI SHA LA SOGS PA NI BSHAN PA DAG 'DRES PAR 'TSONG BAR BYED PAS DE'I PHYIR SHA BZA' BAR MI BYA'O, ,SHA NI KHU CHU DANG KHRAG LAS BYUNG BA'I PHYIR SHA BZA' BAR MI BYA'O, ,SEMS CAN GYIS DE'I DRI TSOR NA'ANG THAMS CAD 'JIGS SHING SKRAG PAR 'GYUR TE, BSHAN PA DANG, GDOL PA LA SOGS PA BZHIN DU KHYI RNAMS KYIS MTHONG NA'ANG DE LA DNGANGS

459b

SHING 'JIGS PAS KHYIS ZUGS PA'I PHYIR SHA BZA' BAR MI BYA'O, ,GZHAN YANG RNAL 'BYOR PA RNAMS KYI BYAMS PA'I SEMS SKYE BAR MI BYED PA'I PHYIR SHA BZA' BAR MI RIGS SO,, 'PHAGS PA MA YIN PA'I SKYE BO DAG BRKAM ZHING DRI MI ZHIM PAR 'GYUR LA SNYAN PA'I GRAGS PA MED PA'I PHYIR SHA BZA' BAR MI BYA'O, ,RIG SNGAGS RNAMS SGRUB PA 'GRUB PAR MI 'GYUR BA'I PHYIR SHA BZA' BAR MI BYA'O, ,'DI LTAR SROG GCOD PA NI GZUGS MTHONG MA THAG TU MNGON PAR CHAGS PA'I SEMS SKYED PAR BYED PA'I PHYIR SHA BZA' BAR MI BYA'O, , GANG SHA BZA' BA DE DAG LA NI LHA RNAMS KYIS SPONG BAR BYED PA'I PHYIR SHA BZA' BAR MI BYA'O, ,KHA'I DRI MI ZHIM PAR 'GYUR BA'I PHYIR YANG SHA BZA' BAR MI BYA'O, ,RMI LAM NGAN PA MANG BA'I PHYIR SHA BZA' BAR MI BYA'O, ,DGON PA'I GNAS NAGS TSAL DAG NA GNAS PA'I TSE STAG DANG SPYANG KI LA SOGS PAS DRI TSOR BAR 'GYUR BA'I PHYIR SHA BZA' BAR MI BYA'O,, ZAS KYI TSOD MI ZIN PAR BYED PA'I PHYIR SHA BZA' BAR MI BYA'O, ,RNAL 'BYOR PA RNAMS YONGS SU SKYO BA'I SEMS SKYE BAR MI 'GYUR BA'I PHYIR SHA BZA' BAR MI BYA'O, ,NGAS RTAG TU JI TZAM DU BZA' BA DANG BTUNG BA RNAMS LA BU'I SHA'I 'DU SHES DANG, SMAN GYI 'DU SHES BYA'O ZHES BSHAD PA'I PHYIR SHA BZA' BAR MI BYA STE, NGAS SHA BZA' PAR GNANG NGO ZHES ZER

460a

, ,NA DE NI GNAS MED DO, ,GZHAN YANG, BLO GROS CHEN PO, SNGON 'DAS PA'I DUS NA RGYAL PO SENGGE 'BANGS BZANG ZHES BYA BA ZHIG BYUNG STE, SHA SNA TSOGS LA BZA' ZHING MI SHA'ANG ZOS PAR GYUR PAS BLON PO DANG, GNYEN DANG, GNYEN 'DAB KYI SKYE BO'I TSOGS RNAMS LOG NAS SNGON GYI DBANG THANG RNAMS KYANG BCAD PAS NYON MONGS PAR GYUR TO, ,DE LTA BAS NA SHA BZA' BA LA NYES DMIGS 'DI LTA BU YOD PA'I PHYIR SHA BZA' BAR MI BYA'O, ,GZHAN YANG, BLO GROS CHEN PO, DE LA SROG GCOD PA DAG NI KHE 'DOD PA'I PHYIR SROG BCAD NAS 'TSONG BAR BYED DO, ,GANG BLUN PO SHA BZA' BA DE DAG NI RIN GYIS SHA RNAMS NYO BAR BYED DO, ,SROG GCOD PAR BYED PA DE DAG KHE 'DOD PA'I PHYIR LCAGS KYU DANG RGYA RNAMS KYIS SROG CHAGS NAM MKHA' LA RGYU BA DANG, CHU LA GNAS PA DANG, SA LA 'GRO BA DAG RNAM PA DU MAS GSOD CING KHE 'TSOL BAR BYED DO,, BLO GROS CHEN PO, BYED DU MA BCUG PA DANG, MA BTZAL BA DANG, 'DU SHES MED PA ZHES BYA BA'I SHA GANG YANG MED PAS DE'I PHYIR SHA BZA' BAR MI BYA'O, ,BLO GROS CHEN PO, NGAS SNGAR SHA RNAM PA LNGA DANG BCU BKAG LA, MDO SDE 'DIR NI RNAM PA THAMS CAD DANG DUS THAMS CAD DU THABS KYIS GNANG BA THAMS CAD KYANG BKAG GO ,BLO GROS CHEN

460b

PO; DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LA NI BZA' BAR BYA BA'ANG MED NA NYA'I SHA BZA' BA LTA CI SMOS TE, GZHAN YANG BYED DU MI 'JUG GO ,THUGS RJE CHEN PO SNGON DU 'GRO BA'I PHYIR SEMS CAN THAMS CAD BU GCIG PA DANG 'DRA BAR GZIGS TE, DE'I PHYIR BU'I SHA BZA' BAR MI GNANG BA YIN NO, ,DE NAS BCOM LDAN 'DAS KYIS DON DE NYID YANG BSTAN PA'I PHYIR TSIGS SU BCAD PA 'DI DAG GSUNGS SO, ,SNGON CHAD GNYEN BSHES BYAS PHYIR DANG, ,NGAN PA MI GTZANG 'DRES PA DANG, KHU CHU KHRAG LAS BYUNG BA DANG, ,DRI TSOR THAMS CAD 'JIGS SKRAG PAS, ,SHA RNAMS DANG NI BTZONG DAG DANG, ,KE'U DANG BYIS KU LA SOGS DANG, ,BAG MED SNA TSOGS 'GYUR BA'I CHANG, ,RNAL 'BYOR PAS NI RTAG TU SPANG, ,'BRU MAR DAG KYANG SPANG BYA STE, ,BU GA PHUG PA'I KHRI YANG SPANG, ,SROG CHAGS DAG NI PHRA MO RNAMS, ,DE NA RAB TU 'JIGS PHYIR RO, , ZAS LAS BAG MED SKYE BAR 'GYUR, ,BAG MED PA LAS RTOG PA SKYE, ,RTOG PA LAS NI 'DOD CHAGS SKYE, ,DE YI PHYIR NA BZA' MI BYA, ,ZAS KYI DBANG GIS 'DOD CHAGS SKYE; ;'DOD CHAGS KYIS NI SEMS RMONGS BYED, ,RMONGS PAS SRID PA'I 'DOD PA SKYED, ,'KHOR BA LAS NI GROL MI 'GYUR, ,KHE YI PHYIR NI SEMS CAN GSOD, ,SHA YI PHYIR

461a

, ,NI NOR SBYIN BYED, ,GNYIS KA SDIG PA'I LAS CAN PAS, ,SHI NAS 'O 'DOD 'BOD PAR LTUNG, ,BCOL TSOL 'DU SHES DE MED NA, ,RNAM GSUM DAG PA'I SHA YANG MED, ,RGYU MED LAS NI YOD MIN PAS, ,DE YI PHYIR NA BZA' MI BYA, ,RNAL 'BYOR PA NI DE DAG GIS, ,DES NA THAMS CAD SPANG BYAR BYA, ,PHYOGS BCU SANGS RGYAS BCOM LDAN 'DAS, ,THAMS CAD RAB TU SMOD PAR 'GYUR, ,GCIG LA GCIG NI ZA BAR BYED, ,SHI NAS GCAN GZAN RIGS SU LTUNG, ,DRI MI ZHIM PA SMAD PA DANG, ,GLEN PA DAG TU SKYE BAR 'GYUR, ,PHAL CHER GDOL BA'I RIGS SU SKYE, ,RNGON PA SME SHA CAN RIGS DANG, ,YANG NA 'PHRA MEN RIGS SU SKYE, ,SHA BZA'I RIGS SU SKYE BAR 'GYUR, ,SRIN PO BYI LA LA SOGS PA'I, ,MNGAL KUN TU NI SKYE BAR 'GYUR, ,GLANG PO 'CHID DANG SPRIN CHEN DANG, ,SOR MO'I PHRENG BA'I MDO DAG DANG, ,LANGKAR GSHEGS PA'I MDO 'DI LAS, ,NGAS NI SHA RNAMS RAB TU BKAG ,SANGS RGYAS BYANG CHUB SEMS DPA' DANG, ,NYAN THOS RNAMS KYIS SMAD PA DANG, ,NGO MI TSA BAR ZA BA NI, ,RTAG TU GLEN PAR SKYE BAR 'GYUR, ,SNGAR YANG MTHONG THOS DOGS PA YI, ,SHA RNAMS THAMS CAD SPANG BAR BSHAD, ,RTOG GE RNAMS KYIS MA RTOGS PAS, ,DE PHYIR SHA ZAN GNAS SU SKYES, ,

461b

JI LTAR 'DOD CHAGS NYES PA YIS, ,'PHAGS PA'I RNAM GROL SGRIB 'GYUR ZHING, ,SHA CHANG SGOG BTZONG LA SOGS PA'ANG, ,'PHAGS PA'I LAM GYI BAR CHAD BYED, ,MA 'ONGS DUS KYI SKYE BO DAG ,SHA BZA' GTI MUG SMRA BA RNAMS, ,SHA NI SDIG MED RUNG BAS NA, ,SANGS RGYAS NGED LA GNANG ZHES ZER, ,ZAS LA SMAN STEN 'DU SHES DANG,, DE BZHIN BU SHA LTA BUR YANG, ,CHOS SHES SKYO BA BSKYED NAS NI, ,RNAL 'BYOR CAN GYIS BSOD SNYOMS SPYAD, ,SNYING RJE SEMS LA GANG GNAS PA, ,YONGS SU SKYO BAR NGA YIS BSHAD, ,STAG DANG SBYANG GI GCAN GZAN RNAMS, ,RTAG TU LHAN CIG 'GROGS SHING GNAS, ,GAL TE SHA RNAMS BZA' BYED NA, ,SEMS CAN DAG NI SKRAG 'GYUR BAS,, DE PHYIR RNAL 'BYOR BA DAG GIS, ,SNYING RJE'I SEMS KYIS SHA MI BZA', ,SHA BZA' SNYING RJE SHES RAB MED, ,RNAM PAR GROL LA RGYAB KYIS PHYOGS, ,'PHAGS PA'I RGYAL MTSAN DAG DANG 'GAL, ,DE YI PHYIR NA BZAR MI RIGS, ,BRAM ZE'I RIGS SU SKYE BAR 'GYUR, ,GZHAN YANG RNAL 'BYOR BA YI GNAS, ,SHES RAB PHYUG PO'I KHYIM DU SKYE, ,'DI NI SHA SPANGS DBANG GIS SO, ,'PHAGS PA LANG KAR GSHEGS PA RIN PO CHE'I MDO LAS, SANGS RGYAS THAMS CAD KYI GSUNG GI SNYING PO'I LE'U ZHES

462a

, ,BYA BA RDZOGS SO,, ,,DPAL LHA BTZAN PO'I BKA' LUNG GIS RGYA'I SLOB DPON WEN HVI YIS MDZAD PA'I 'GREL PA DANG SBYAR NAS, LO TZ'A BA DGE SLONG 'GOS CHOS GRUB KYIS BSGYUR CING ZHUS,,