1003 · GMLW-000005

'PHAGS PA RIG SNGAGS KYI RGYAL MO CHEN MO RGYAL BA CAN ZHES BYA BA (Ārya Jayavatī Nāma Mahā Vidyā Rājñī)

נושאי-מדףSubjects:

RGYUDSecret Teachings (Tantra)

נושאיםTopics:Secret Words

חיי היום-יוםDaily life:health and illness

נמצא בfound inSecret Teachings (Tantra)

מספר טוהוקוTohoku numberToh 1003 · Tantra (all)

מהדורהrecensionDerge

הפנדיטה ההודיIndian panditaDZI NA MI TRA

הלוצאווה הטיבטיTibetan lotsawaBANDHE YE SHES SDES

פוליוfolios185a–193a

צורהformmixed

מצב תרגוםtranslationno English of the text

כיסוי המילון לכותרתdictionary coverage of the title65%

מקום החיבורplace of compositionMount Videhathe Buddha is on the mountain of the Exalted Body when the spirits rise in turmoil

ישותdeityJayavatithe Victorious, named in both title lines

אנשים ומקומותpeople and places namedVaishravana · Jinamitra · Danashila · Yeshe Dethe great king Vaishravana is at the close; the colophon names the imperial team

רמת קושיlevelentry

לחיי היום־יוםfor daily lifehealth and illness

הכותרת אומתה מול הטקסטtitle verified against the textyeshead and closing agree on the Tibetan; the Sanskrit line is in the text but our record lost it — see the note

הקבציםThe files

KL01003_'PHAGS PA RIG SNGAGS KYI RGYAL MO CHEN MO RGYAL BA CAN ZHES BYA BA (Ārya Jayavatī Nāma Mahā Vidyā Rājñī).txt/12. RGYUD_Secret Teachings (Tantra)/VOL 12 (NA)

הטקסטThe text

טיבטיתTibetanKL01003_'PHAGS PA RIG SNGAGS KYI RGYAL MO CHEN MO RGYAL BA CAN ZHES BYA BA (Ārya Jayavatī Nāma Mahā Vidyā Rājñī).txt21,929 תוויםcharacters

185a

RGYA GAR SKAR DU, A'ARYA DZA YA PA TI N'A MA MA H'A BIDY'A R'A DZA, BOD SKAD DU, 'PHAGS PA RIG SNGAGS KYI RGYAL MO CHEN MO RGYAL BA CAN ZHES BYA BA SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS LUS 'PHAGS RI LA BZHUGS TE, DE'I TSE 'BYUNG PO RNAMS 'KHRUGS PAR GYUR NAS MA DAD PA'I LHA DANG, KLU DANG, GNOD SBYIN DANG, SRIN PO DANG, LHA MA YIN DANG, NAM MKHA' LDING DANG, MI 'AM CI DANG, LTO 'PHYE CHEN PO DANG, SRUL PO DANG, LUS SRUL PO DANG, GRUL BUM RNAMS 'KHRUGS SHING KHROS TE DGE SLONG RNAMS DANG, DGE SLONG MA RNAMS DANG, DGE BSNYEN RNAMS DANG, DGE BSNYEN MA RNAMS GANG DAG SANGS RGYAS DANG, CHOS DANG, DGE 'DUN LA MNGON PAR DAD PA DE DAG LA GNOD PAR BYED DE, DE'I TSE KU CO'I SGRA CHEN PO BYUNG BAR GYUR TO, ,DE NAS BCOM LDAN 'DAS THUGS RJE CHEN PO'I SHUGS KYI SA YANG DAG PAR ZIN NAS PHYOGS BZHIR RNAM PAR GZIGS TE, PHYOGS BZHI NAS GLOG LAS SER BA DANG, CHAR CHEN 'BAB PA DANG, SKAR MDA' LTUNG BA

185b

'ONG BA GZIGS SO, ,GZIGS NAS KYANG RDO RJE 'CHANG LA BRDA MDZAD DO, ,DE NAS RDO RJE 'CHANG GTUM PO KHROS TE STAN LAS LANGS NAS SHAR PHYOGS SU RDO RJE 'BAR BA STONG MNGON PAR SPRUL TE 'DI SKAD CES GSOL TO, ,'BYUNG PO'I TSOGS RNAMS NGA LA NYON CIG ,SANGS RGYAS BCOM LDAN 'DAS THAMS CAD KYI SPYAN SNGAR BDEN PA'I BYIN GYI RLABS 'DI BYA'O, ,DA LTAR DANG MA 'ONGS PA'I DUS NA 'BYUNG PO GTUM PO MI RNAMS LA RNAM PAR 'TSE BA DANG, LO TOG DAG KYANG MA RUNGS PAR BYED PA GANG DAG 'BYUNG BA DE DAG GI DON GYI PHYIR NGAS RIG PA'I GSANG SNGAGS KYI GZHI RNAMS BRJOD PAR BYA'O, ,TADYA TH'A, GI RI GI RI BADZRA, HA LA HA LA BADZRA, DZVA LA DZVA LA BADZRA, HA NA HA NA BADZRA, DA HA DA HA BADZRA, PA TZA PA TZA BADZRA, SARBA BHU T'A N'A MA, BHRA MA YA BHRA MA YA, BHO BHE BADZRA DHA RA BADZRE nA, P'A TA YA P'A TA YA, SH'I GHRAm SH'I GHRAm, MA THA MA THA, PRA MA THA PRA MA THA, H'Um H'Um H'Um, PHAt PHAt PHAt, DZVA LA YA, N'A GA BHA BA N'Am, BANDHA BANDHA, TIshthA TIshthA, SHAR PHYOGS BCING BAR BYA'O, ,RDO RJE SNYING PO 'DI BYIN GYIS BRLAB PAR BYA'O, ,SU ZHIG GSANG SNGAGS KYI GZHI 'DI DAG LAS 'GAL BAR BYED PA'I MGO BO 'GAS PAR 'GYUR RO,, SNYING 'GAS PAR 'GYUR RO, ,SNYING 'GRUM PAR 'GYUR RO, ,BADZR'A YA SV'AH'A, MA H'A BADZR'A YA SV'AH'A, BADZRA BHEE RA W'A YA SV'AH'A, AA PRA TI HA TA BA LA BA R'A KRA MO BADZRA DHA RA A'A DZNY'A PA YA TI SV'AH'A, DE

186a

, ,NAS RDO RJE KHRO BO STAN LAS LANGS TE LHO PHYOGS SU RNAM PAR BLTAS NAS KHROS TE GSANG BA PA'I BDAG PO LAG NA RDO RJE LA 'DI SKAD CES SMRAS SO, , GSANG BA PA'I BDAG PO, DENG NYID LHO PHYOGS KYI KLU THAMS CAD THAL BAR BRLAG BO, ,LUS SRUL PO THAMS CAD KYI BAR GYI GNAS RNAMS 'BAR BAR BYA'O, ,KLU THAMS CAD KYI GNAS RNAMS DKRUG PAR BYA'O, ,YANG SMRAS PA, GSANG PA PA'I BDAG PO, BDAG GIS RDO RJE LHA MA YIN DANG, KLU THAMS CAD NAS LUS SRUL PO'I BAR THAMS CAD DANG, MI DANG MI MA YIN GYI BAR THAMS CAD RMUGS PAR BYED PA'I RDO RJE, RENGS PAR BYED PA'I RDO RJE, RMONGS PAR BYED PA'I RDO RJE, LCE 'BAB PAR BYED PA'I RDO RJE, MGO 'GEMS PAR BYED PA'I RDO RJE; SNYING 'GAS PAR BYED PA'I RDO RJE 'DI LHO PHYOGS SU GZHAG PAR BYA'O, ,DA LTAR BYUNG BA DANG, MA 'ONGS PA'I DUS NA KLU GNOD PAR SEMS PA RNAMS 'DUL BAR 'GYUR RO; ;TADYA TH'A, SA RA SA RA, BI SA RA BI SA RA, A'A BARDH'A YA, SAm GO TZA LA, H'Um H'Um H'Um, DHO NA DHO NA DHO NA, DHU NA DHU NA DHU NA, BHANDHA BHANDHA BHANDHA, SARBA P'A SHE NA, MO HA YA, DZAMBHA YA, STAMBHA YA, HA SA HA SA HA SA, SAN TR'A SA YA, SARBA DUsht'A N'AN BADZRA DHA RA A'A DZNYA PA YA TI SV'AH'A, DE NAS RDO RJE PHO NYA MOS LAG NA RDO RJE LA 'DI SKAD CES SMRAS SO, ,GSANG BA PA'I BDAG PO, ,DA LTAR

186b

DANG MA 'ONGS PA'I DUS NA GANG DAG GSANG SNGAGS KYI GZHI 'DI DAG LAS 'GAL BAR BGYID NA, BDAG GIS KYANG NUB PHYOGS KYI KLU THAMS CAD NAS LUS SRUL PO'I BAR THAMS CAD KYI GNAS RNAMS RNAM PAR GTOR RO, ,SNYING RNAMS DGRUM MO, ,TDYA TH'A, KI LI KI LI, LI LI MI LI, TRA tA TRA tA, BHA tA BHA tA, SPHO tA YA SPHO tA YA, DZVA LA YA DZVA LA YA, DU TING YAN SHO shA YA GANG ZHIG GSANG SNGAGS KYI GZHI 'DI DAG LAS 'GAL BAR BYED NA, KYE MDUNG RTZE GSUM PA 'BAR BA 'DIS DE'I SNYING LA ME LCE 'BAR BAR BYED DO, ,H'Um H'Um H'Um, BADZRA DHA RI BADZRA nA, BHAm DZA BHAm DZA, BANDHA BANDHA, TIshthA TIshthA, BADZRA D'U TI R'A DZ'A PA YA TI SV'AH'A, DE NAS LHA MO CHEN MO RDO RJE LU GU RGYUD G-YOG NYI KHRI DANG LDAN PA STAN LAS LANGS NAS BYANG PHYOGS SU RNAM PAR BLTAS TE GSANG BA PA'I BDAG PO LAG NA RDO RJE LA 'DI SKAD CES SMRAS SA, ,GSANG BA PA'I BDAG PO G-YOG NYI KHRI DANG LDAN PA BDAG GIS KYANG BYANG PHYOGS KYI KLU GNOD PAR SEMS PA NAS LUS SRUL PO GNOD PAR SEMS PA'I BAR DAG LA ZLOG PAR BGYID DO, ,DA LTAR DANG MA 'ONGS PA'I DUS NA GANG DAG SEMS CAN RNAMS LA RNAM PAR 'TSE BA DANG, LO TOG KYANG MA RUNGS PAR BGYID PA DE DAG GI DON GYI SLAD DU GSANG SNGAGS KYI GZHI MI BZAD PA DAG KYANG BRJOD PAR BGYI'O, ,TADYA TH'A, HI LI HI LI, MI LI MI LI, TZI LI TZI LI, DHA KA DHA KA, DHU MA DHU MA, DHU NA DHU NA, MA THA

187a

, ,MA THA; HA NA HA NA, DA HA DA HA, PA TZA PA TZA, N'A SHA YA N'A SHA YA, HA HA HA HA HA, BADZRA D'U TI MO HA YA, DZAMBHA YA, STAm BHA YA, SARBBA N'A G'A N'Am, SARBA AA HI TE shA NO, BADZRA nI BUDDHA MEE TRI, DHARMA SA TYE NAm, AINDRA SA TYE NA, AINDRA BA LE NA, LO KA P'A LA, PRA DH'A BE NA, DZAMBHA YA MI, SARBA N'A GA NA STEMBHA Y'A MI, SARBA AI HA TE shA NO, BA RU nA P'A SHE NA, BHANDHA Y'A MI, SARBA N'A G'A NA AINDRA TZI LE NA, SARBA AI HE HE shI nA CHE GA LI KA RO MI, KA RA KA RA, KI RI KI RI, KU RU KU RU, BADZRA SHRIm KHA LE SV'AH'A, BA'I LCI BAS DKYIL 'KHOR BSKUS TE ME TOG BKRAM LA; AA GA RU DANG, TZANDAN GYI BDUG PAS BDUGS TE KHA SHAR PHYOGS SU BLTAS LA BZLAS BRJOD BRGYAD STONG BYA'O, ,DE LTAR 'GRUB PAR 'GYUR TE, DE'I 'OG TU LAS GANG 'DOD PA DE BYA'O, ,SKUD PA NAG POS NI, RIMS NAD SEL TO, ,SHING K'A RA B'I RA'I LCUG MAS NI, SPRIN ZLOG GO, ,CHU'I NANG DU 'DUG NA NI, DRAN PAR BYA'O, ,GCAN GZAN KHRO BO'I NANG NA 'DUG NA NI, GOS KYI MTHA' MAR MDUD PA BOR RO, ,LTO SPOS NA NI, TSVA CHUS ZHI BAR BYED DO, ,SO NA BA LA SKUD PAS ZHI BAR BYED DO, ,SNA MA'I ME TOG BRGYAD BRGYA ME TOG RE RE NAS BCOM LDAN 'DAS KYI ZHABS LA GTOR RO, ,NYI MA BDUN NA DE BZHIN GSHEGS PA MTHONG BAR 'GYUR RO, ,NA MO RATNA TRA Y'A YA, NA MASHTZAndA BADZRA P'A nA YE, MA H'A

187b

YAKshA SE N'A PA T'A YE, AA PRA TI HA TA PA LA PA R'A KRA MA YE, NA MA: SARBA BADZRA KU LA BIDY'A, DE NAS GSANG BA PA'I BDAG PO LAG NA RDO RJE RDO RJE'I RIGS LNGA BRGYAS YONGS SU BSKOR CING MDUN DU BDAR NAS BCOM LDAN 'DAS GA LA BA DER SONG STE BCOM LDAN 'DAS KYI ZHABS LA MGO POS PHYAG 'TSAL NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS; SEMS CAN THAMS CAD LA THUGS BRTZE BA NYE BAR BZUNG STE SEMS CAN THAMS CAD LA SMAN PA'I DON DANG, MI'I RGYAL PO RNAMS LA SMAN PA DANG BDE BAR BGYI BA'I SLAD DU DE BZHIN GSHEGS PAS RIG SNGAGS KYI RGYAL MO RGYAL BA CAN ZHES BGYI BA 'DI BKA' STZAL DU GSOL, DE NAS BCOM LDAN 'DAS KYIS GSANG BA BA'I BDAG PO LAG NA RDO RJE LA THUGS BRTZE BAR NYE BAR BZUNG STE RIG SNGAGS KYI RGYAL MO RGYAL BA CAN 'DI BKA' STZAL TO, ,LAG NA RDO RJE, RIG SNGAGS KYI RGYAL MO CHEN MO RGYAL BA CAN 'DI NI, SANGS RGYAS BYE BA KHRAG KHRIG BRGYA STONG PHRAG DU MAS GSUNGS SHING BYIN GYIS BRLABS PA STE, NGAS KYANG THUGS BRTZE BA NYE BAR BZUNG NAS SEMS CAN THAMS CAD KYI DON DANG, PHAN PA DANG, BDE BAR BYA BA'I PHYIR BSHAD KYI, KHYOD KYIS ZUNGS SHIG ,TADYA TH'A, DZA YE DZA YE DZA YE, MA H'A DZA YE, DZA YA P'A HA N'I YE BUDDHA AA DHI shthI TE, DHARMA AA BA BHA SE NI, BUDDHA AA DHI GA ME DZNY'A AA BA BHA SE SV'AH'A,

188a

, ,LAG NA RDO RJE, 'DI DAG NI, DE BZHIN GSHEGS PAS SPYI BO NAS DBANG BSKUR BA'I GSANG SNGAGS KYI GZHI RNAMS TE, LAG NA RDO RJE, DE BZHIN GSHEGS PAS SPYI BO NAS DBANG BSKUR BA'I GSANG SNGAGS KYI GZHI 'DI DAG GANG GI LUS LA YOD PA DANG, GLEGS BAM LA YOD PAR GYUR BA DE'I LUS LA PHYIR RGOL BA RNAMS KYIS DPAG TSAD BRGYA TSUN CHAD GNOD PAR BYAR MI CHUD DO, ,MTSON DANG, DUG DANG, DBYIG DUG DANG, BYAD KYIS MI TSUGS SO, ,MI'I BDAG PO DE'I YUL DER PHA ROL GYI DMAG TSOGS MI 'ONG NGO, ,YUL 'KHOR DE'I PHYIR RGOL BA'I DPUNG GIS MI CHUD PAR 'GYUR RO, ,LAG NA RDO RJE, RIGS KYI BU GANG LA ZHIG GIS RIG SNGAGS KYI RGYAL MO CHEN MO RGYAL BA CAN 'DI YI GER BRIS TE 'CHANG BA DE JI SRID 'TSO'I BAR DU DE'I LUS LA DUG DANG, MTSON DANG, CHU DANG, DBYIG DANG, SBYAR BA LAS BYUNG BA'I DUG GZHAN GYIS KYANG MI TSUGS SO, ,DGRA'I 'JIGS PA MI 'BYUNG NGO, ,DE LA RNAM PAR 'CHE BA DANG, MTHO 'TSAM PA MI 'BYUNG NGO, ,RGYAL PO'I 'JIGS PA DANG, CHOM RKUN GYI 'JIGS PA MI 'BYUNG NGO, ,G-YUL NGOR ZHUGS NA YANG LUS LA MTSON GYIS MI PHOG GO ,THAMS CAD DU RGYAL BA SMRA BAR 'GYUR RO, ,RIG SNGAGS KYI RGYAL MO CHEN MO RGYAL BA CAN 'DI'I GZI BRJID DANG, MTHU DANG, BYIN GYI RLABS

188b

KYIS THOGS PA MED CING MA SNAD MA RMAS PAR RGYAL BAR 'GYUR RO, ,TADYA TH'A, DZA YE DZA YE DZA YE, MA H'A DZA YE, DZA YOTTA ME, DHARMA AA BA BH'A SA NI, BUDDHA BUDDHA, DHA RA DHA RA, BO DHA NI BO DHA NI, TA TH'A GA TA AA DHIshthI TE, AA BA RO HA nI, AA BA RO HA nI, AA BA A'A BA RO SYA NI, DZA YA KU SU MA, SVA RE SVA RE BA TI, DRi dHE DRi dHE DRi dHE, DRi dHA P'A SHA NI DATTE, MA HA NI MO HA NI, DZAMBHA NI DZAMBHA NI, STAMBHA NI STAMBHA NI, DZAm BHI NI DZAm BHI NI, MO HA NI SARBA HI TEE shI N'AN, NA MO BHA GA BA TE, BUDDHA SYA MA H'A K'A RU nA, BI H'A RI nI, SIDDHYANTU MA MANTRA PA DA NI SV'AH'A, DE NAS BCOM LDAN 'DAS LA GSANG BA'I BDAG PO LAG NA RDO RJES 'DI SKAD CES GSOL TO, ,BCOM LDAN 'DAS, SANGS RGYAS KYI MTHU DANG, SANGS RGYAS KYI BYIN GYI RLABS DANG, BDAG GIS KYANG RIG SNGAGS KYI RGYAL MO CHEN MO RGYAL BA CAN GYI GZUNGS KYI GSANG SNGAGS KYI GZHI RNAMS BRJOD PAR BGYI'O, ,TADYA TH'A, DZA YA DZA YA DZA YA, PA tA PA tA PA tA, DZVA LA DZVA LA DZVA LA, BADZRI nI, PRA HA RA PRA HA RA; DHA RA DHA RA DHA RA, HA RA HA RA HA RA, BHA RA BHA RA, BHA RA BHA RA, TA RA TA RA, DZA YA KU SU ME, BA LA BA LA, TZKRA TZKRA, P'I dA YA P'I dA YA, AA KRA MA AA KRA MA, BI KRA ME, AA TZA LA, MA TZA LE; KHA GA TZ'A RI nI, N'I LA BHA SA NI, BADZRA PRA HA RA nI, BADZRA SAm BHA BE, BADZRA KI LI, BUDDHA AA DHIshthI TE, BUDDHA RASHMI, MA H'A PRA BHA BE, AUD TZA SKANDHE, MA H'A TE DZA BA TI, AA LE PA TZA LI, DHU NA DHU NA,

189a

, ,KAm KA KAm KA RAm, KA SI NI, SA AA HI TE, DHA RMA AA BA BH'A SA NI, TZA RA TZA RA TZA RA, GHU GHU TE, BADZRA M'A L'A DHA RI, SA RA SA RA SA RA, K'A LA TZ'A RA nI SV'AH'A, BCOM LDAN 'DAS GZUNGS KYI GSANG SNGAGS KYI GZHI 'DI DAG NI, SANGS RGYAS BYE BA PHRAG DGU BCU RTZA DGUS GZUNGS PA LAGS TE, GANG DAG RIG SNGAGS KYI RGYAL MO CHEN MO RGYAL BA CAN 'DI LAS 'GAL BAR BGYID PA DE DAG THAMS CAD NI, SANGS RGYAS BCOM LDAN 'DAS LA 'KHU BA LAGS SO, ,'DI LTA STE, LHA'AM, KLU'AM, GNOD SBYIN NAM, SRIN PO'AM, YI DVAGS SAM, SHA ZA'AM, GRUL BUM MAM, GRIB GNON DAM, BRJED BYED DAM, GSHED BYED DAM, BYAD DAM, RO LANGS SAM, BKRA MI SHIS PA'AM, MA MO'I GDON NAM, GONG DU YANG GDON GZHAN NAM, SKEM BYED KYI GDON NAM, GSHIN RJE'I GDON YANG RUNG STE, DE DAG THAMS CAD RMUGS PA DANG, RENGS PA DANG, RMONGS PAR GYUR CIG ,TADYA TH'A, BADZRE BADZRE BAJRE, HA NA BADZRI nI HA NA BADZRI nI, KH'A DA KH'A DA KH'A DA BADZRI nI, SPHO tA SPHO tA, SPHO tA YA SPHO tA YA, BADZRO nA AI DAm GA HA, H'Um H'Um H'Um, PHAt PHAt PHAt, GRA SA GRA SA GRA SA, P'A TA YA P'A TA YA P'A TA YA, DHA ME DHA ME, DHU DHU ME, 'JIGS PA DANG, GNOD PA THAMS CAD DANG, G-YUL DGYED PA DANG, KHRAG KHRUG DANG, 'THAB PA DANG, 'THAB MO DANG, RTZOD PA DANG,

189b

'GYED PA THAMS CAD LAS BDAG LA SRUNGS SHIG ,SRUNGS SHIG, RGYAL BAR MDZOD CIG ,TA RA TA RA, MA H'A BA TA RA nI, KU tE KU tE, MU KU tE, BADZRA KU tE SV'AH'A, DE NAS BCOM LDAN 'DAS KYIS GNOD SBYIN GYI SDE DPON CHEN PO LAG NA RDO RJE LA LEGS SO ZHES BYA BA BYIN TE, LAG NA RDO RJE, LEGS SO LEGS SO, ,SEMS CAN THAMS CAD KYI DON DANG, PHAN PA DANG, BDE BAR BYA BA DANG, SNYING BRTZE BA'I PHYIR ZHUGS TE RIG SNGAGS KYI RGYAL MO CHEN MO RGYAL BA CAN 'DI SMRAS PA NI, SEMS CAN CHEN PO LAG NA RDO RJE, KHYOD YANG LEGS SO, ,LAG NA RDO RJE; RIG SNGAGS KYI RGYAL MO RGYAL BA CAN 'DI SU'I LAG NA YOD PA DANG, LUS LA YOD PA DANG, GLEGS BAM LA YOD PA DANG, GRONG NGAM, GRONG KHYER RAM, GRONG RDAL LAM, LJONGS SAM; RGYAL PO'I PHO BRANG NGAM, GTZUG LAG KHANG NGAM, GNAS KHANG NGAM, 'CHAG SA'AM, DGON PA'I GNAS NA YOD PA DER RGYAL PO CHEN PO RNAM THOS KYI BU TSOGS KYI G-YOG DANG 'KHOR DU BCAS TE, GRONG DANG, GRONG KHYER DANG, YUL DE LA SRUNG BAR BYED BAR 'GYUR RO, ,YUL DER PHA ROL GYI DMAG TSOGS MI 'ONG NGO, ,MI NGAS MI 'ONG NGO, ,DGRA MI 'BYUNG NGO, ,SA PHYOGS DER RGYAL PO CHEN PO RNAM THOS KYI BU TSOGS KYI G-YOG DANG BCAS TE GRONG NGAM, GRONG KHYER DANG, YUL DE LA SRUNG BAR BYED PAR 'GYUR RO, ,YUL DER PHA ROL GYI

190a

, ,DMAG TSOGS MI 'ONG NGO, ,DGRA MI 'BYUNG NGO, ,SA PHYOGS DER RGYAL PO CHEN PO RNAM THOS KYI BU GNOD SBYIN BYE BA KHRAG KHRIG 'BUM PHRAG DU MA DANG LHAN CIG TU RGYU ZHING DER SRUNG BA DANG, YONGS SU SKYOB PA DANG, YONGS SU BSKYANG BA DANG, YONGS SU 'DZIN PA DANG, YONGS SU SKYONG BA DANG, ZHI BA DANG, BDE LEGS SU 'GYUR BA DANG, CHAD PA SPONG BA DANG, MTSON CHA SPONG BA DANG, DUG GZHIL BA DANG, DUG BSAD PA DANG, DUG GZHIG PA DANG, MI MDZA' BA ZLOG PA DANG, MTSAMS BCAD PA DANG, SA BCING BAR BYED PAR 'GYUR RO, ,TADYA TH'A, TA PA NE, TA PA NE, PRA TA PA NE, PRA TA PA NE, PRA TA PA NE, DHU RU ME, DHU RU ME, MAH'A DHU RU ME, BUDDHA AA DHIshthI TE, MU KHE MU KHE SU KHE, SVA LA PRA TE SA M'A DHI SA MA DI GARBHE, MA NA SI, PHU RU PHU RU, DHU RU DHU RU, BUDDHA MA NA SI KE SV'AH'A, LAG NA RDO RJE, 'DI DAG NI, DE BZHIN GSHEGS PAS SPYI BO NAS DBANG BSKUR BA'O, ,GSANG BA'I GNAS SO; ;DE BZHIN GSHEGS PA THAMS CAD KYI GSANG CHEN NO, ,DE BZHIN GSHEGS PA THAMS CAD KYIS BYIN GYIS BRLABS PA'O, ,LAG NA RDO RJE, MI'I RGYAL PO GANG LA LA ZHIG GIS RIG SNGAGS KYI RGYAL MO CHEN MO RGYAL BA CAN ZHES BYA BA 'DI GLEGS BAM LA LEGS PAR BRIS TE 'CHANG NGAM, LUS LA YOD PAR BYAS TE 'CHANG NGAM, SPOS DANG, PHRENG BA DANG,

190b

BYUG PA DANG, ME TOG SNA TSOGS KYI RGYAN RNAMS KYIS DE LA BSTI STANG DU BYED, BLA MAR BYED, RI MOR BYED CING MCHOD NA, RGYAL PO CHEN PO RNAM THOS KYI BU GNOD SBYIN BYE BA KHRAG KHRIG 'BUM PHRAG DU MA DANG LHAN CIG TU MI'I RGYAL PO DE'I PHYI BZHIN DU 'BRANG ZHING, PHYI ROL RGOL BA THAMS CAD LAS SRUNG BAR BYED PAR 'GYUR RO, ,MI'I BDAG PO DBANG PO DE LA DGRA DANG PHA ROL GYI DMAG TSOGS KYIS GLAGS MI RNYED DO, ,YUL DER PHA ROL GYI DPUNG MI 'JUG GO ,'JUG NA YANG DE DAG LA RGYAL PO CHEN PO RNAM THOS KYI BU BGEGS BYED PAR 'GYUR TE BGEGS SNA TSOGS BRGYA DAG DANG, BGEGS SNA TSOGS STONG DAG BYED PAR 'GYUR RO, ,MI'I RGYAL PO DE DAG GANG DANG GANG DU 'GRO BA DE DANG DER RIG SNGAGS KYI RGYAL MO CHEN MO RGYAL BA CAN ZHES BYA BA 'DI RGYAL MTSAN GYI RTZE MO LA BTAGS TE MDUN DU GZHAG PAR BYA'O, ,GANG DU G-YUL 'GYED DAM, ADGRA CHEN PO DANG 'THAB PA DER YANG RIG SNGAGS KYI RGYAL MO CHEN MO RGYAL BA CAN ZHES BYA BA 'DI MGUL DU BTAGS TE G-YUL NGOR ZHUGS NA, DER RGYAL PO CHEN PO RNAM THOS KYI BUS PHA ROL GYI DMAG TSOGS DE LA GNOD PA 'DIS GNOD PA BYED DO, ,DE PHAN PAR 'GYUR RO, ,RIG SNGAGS KYI RGYAL MO CHEN MO RGYAL BA CAN ZHES BYA BA 'DI SU'I MGUL DU THOGS PA DE NI, RGYAL BAR 'GYUR RO, ,LAG NA RDO RJE

191a

, ,GRONG NGAM, GRONG KHYER RAM, GRONG RDAL LAM, LJONGS SAM, RGYAL PO'I PHO BRANG NGAM, GTZUG LAG KHANG DU NAD 'GO BA SNA TSOGS DANG, MI NGAS MI BZAD PA CHEN PO BYUNG BA DER RIG SNGAGS KYI RGYAL MO RGYAL BA CAN 'DI LA ME TOG SNA TSOGS KYI BLA RE BRES LA GTOR MA'I CHO GA GZHONG KHUNG BZHI RO BRO BA SNA TSOGS KYIS BKANG STE PHYOGS BZHIR BZHAG LA, DE RIG SNGAGS KYI RGYAL MO CHEN MO RGYAL BA CAN 'DI BKLAGS NAS DER RGYAL PO CHEN PO RNAM THOS KYI BU TSOGS KYI G-YOG 'KHOR DANG BCAS TE GNOD SBYIN BYE BA KHRAG KHRIG 'BUM PHRAG DU MA DANG LHAN CIG TU NAD 'GO BA DANG, MI NGAS DE RAB TU ZHI BAR BYED DO, ,DE NAS BCOM LDAN 'DAS LA GSANG BA PA'I BDAG PO LAG NA RDO RJES 'DI SKAD CES GSOL TO, ,BCOM LDAN 'DAS, 'DI'I GOD NA RIG SNGAGS CHES STOBS DANG LDAN PA'AM, GZI BRJID CHE BA'AM, RDZU 'PHRUL CHE BA'AM, MTHU CHE BA NI, GANG YANG MA MCHIS TE, RIG SNGAGS KYI RGYAL MO CHEN MO RGYAL BA CAN 'DI NI, RIG SNGAGS THAMS CAD KYI MCHOG LAGS SO, ,YUL GANG DAG TU SPYOD PAR 'GYUR BA'I GNAS DAG TU SANGS RGYAS KYI MDZAD PA BGYID PAR 'GYUR RO, ,TADYA TH'A, BADZRE BADZRE, AA TI TA BADZRE, DZVA LI TA BADZRE, HU TA SHA NI, BHAm DZA BHAm DZA, BHANYDZA BHANYDZA, DZAMBHA DZAMBHA,

191b

STAMBHA YA STAMBHA YA, SARBA DUSHTA GRA H'A n'A MA, H'Um H'Um H'Um, PHAt PHAt PHAt, GRA SA GRA SA GRA SA, PA tA PA tA PA tA, TA tA TA tA TA tA, MU RU MU RU MU RU, DHA MA DHA MA DHA MA, DZVA LA DZVA LA, KHU KHU RE, KHU KHU RE, KHU KHU RE, KHU KHU ME, KHU KHU ME, KHU KHU ME, GHO RI, GHO RI, GHO RI, BADZRA M'A NA SI, BADZRA H'Um TI, PHU RU PHU RU PHU RU, GRA SA GRA SA GRA SA, SARBA AA HI TE SHI N'AN, SU RU ME, MU MU LE, BADZRA PRA TI PA TI, SARBA BA LE PHU SV'AH'A, AA LU PA LA NI TZU TZU RE SV'AH'A, DZA YE DZA YE, DZA YE SAMBHA PA SV'AH'A, DZA YOTTA ME SV'AH'A, DZA YA BA RE TE SV'AH'A, DZA YAm DHA RE SV'AH'A, DZA YA MA NI SV'AH'A, DZA YA BADZRA YA SV'AH'A, AA DZI TE BADZR'A YA SV'AH'A, MA H'A HU TA SHA N'A YA SV'AH'A, AA MO GHA BADZRA HA T'A YA SV'AH'A, DE NAS RGYAL PO CHEN PO RNAM THOS KYI BU BCOM LDAN 'DAS GA LA BA DER SONG STE BCOM LDAN 'DAS KYI ZHABS LA MGO BOS PHYAG 'TSAL NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS, BDAG GIS KYANG CHOS KYI RNAM GRANGS 'DI LA SRUNG BA STZAL BAR BGYI STE, YONGS SU BSKYAB PA DANG, YONGS SU GZUNG BA DANG, YONGS SU BSKYANG BA DANG, ZHI BA DANG, BDE LEGS SU 'GYUR BA DANG, CHAD PA SPANG BA DANG, MTSON CHA SPANG BA DANG, DUG GZHIL BA DANG, MI MDZA' BA BZLOG PA DANG, DUS MA LAGS PAR 'GUM PA THAMS CAD DGAG PA DANG, 'THAB PA DANG, 'THAB MO DANG, RTZOD PA DANG, 'GYED PA

192a

, ,DANG, G-YUL 'GYED PA DANG, KHRAG KHRUG THAMS CAD DANG, 'JIGS PA THAMS CAD DGAG PAR BGYI'O, ,MTSAMS GCAD PAR BYA'O, ,TADYA TH'A, DZA YI DZA YE DZA YE; MA H'A DZA YE, MI LI MI LI, MA NA SI, DZHU DZHU DZHU, DZHU RU MA, MU RU MU RU, TU tU TU tU TU tU, MU LU LE SV'AH'A, M'ARGA BA T'I DHU DHU ME BE GE ,BE GE DHA RI nI, TE DZA MA TI, 'JIGS PA DANG, GNOD PA THAMS CAD DANG, DUS MA YIN PA'I 'CHI BA'I 'JIGS PA THAMS CAD LAS BDAG LA SRUNGS SHIG ,SRUNGS SHIG SV'AH'A, BCOM LDAN 'DAS, GZUNGS KYI GSANG SNGAGS KYI GZHI 'DI DAG NI, SANGS RGYAS BYE BA PHRAG DGU BCU RTZA DGUS GSUNGS SHING BYIN GYIS BRLABS PA LAGS SO, ,TADYA TH'A, BUDDHE BUDDHE, BUDDHA BUDDHE BUDDHE, P'A TI, BUDDHA, AA BA BH'A SA NI, DHARMA BA T'I, SA MA HI TE, DHARM'A DHA GARBHA, BUDDHA BI HA RE, DHARM'A AA BA BHA SA NE SV'AH'A, GANG LA LA ZHIG RIG SNGAGS KYI RGYAL MO CHEN MO RGYAL BA CAN 'DI LAS 'GAL BAR BGYID NA, DE'I MGO SI TA KA BZHIN DU TSAL PA BDUN DU 'GAS PAR 'GYUR RO, ,SU ZHIG RIG SNGAGS KYI RGYAL MO CHEN MO RGYAL BA CAN ZHES BGYI BA 'DI 'CHANG BA DANG, KLOG PA DANG, KUN CHUB PAR BGYID PA DANG, MCHOD PA DANG, YI GER 'BRI BA DANG, GRONG NGAM, GRONG KHYER RAM, GRONG RDAL LAM, LJONGS SAM, RGYAL PO'I PHO BRANG NGAM, GTZUG LAG KHANG DU GLEGS

192b

BAM GNAS PAR BGYID NA, DER TSOGS KYI G-YOG 'KHOR DANG BCAS PA DANG, GNOD SBYIN BYE BA KHRAG KHRIG 'BUM PHRAG DU MA DANG LHAN CIG TU RIG SNGAGS 'CHANG DE'I SLAD BZHIN 'BRANG ZHING DPAG TSAD BRGYA STONG TSUN CHAD DU SLAR RGOL BA DANG, DGRA RNAMS LAS THAMS CAD DU BSRUNG BA DANG, MTSAMS GCAD PAR BGYI'O, ,G-YUL 'GYED PA DANG, KHRAG KHRUG DANG, 'THAB PA DANG, 'THAB MO DANG, RTZOD PA DANG, 'GYED PA THAMS CAD DANG, GNOD PA THAMS CAD BSAL BAR BGYI'O, ,SLAR LDOG PAR BGYI'O, ,DE NAS BCOM LDAN 'DAS KYIS RGYAL PO CHEN PO RNAM THOS KYI BU LA LEGS SO ZHES BYA BA BYIN TE, RGYAL PO CHEN PO, LEGS SO LEGS SO, ,SEMS CAN THAMS CAD LA PHAN PA DANG, BDE BA DANG, SNYING BRTZE BA DANG, BSTAN PA BSRUNG BA'I PHYIR ZHUGS PA NI, SEMS CAN CHEN PO SEMS CAN THAMS CAD LA PHAN PA BYED PA KHYOD YANG LEGS SO, ,RIG SNGAGS KYI RGYAL MO CHEN MO RGYAL BA CAN 'DIS SU LA SRUNG BA BYAS PA DANG, YONGS SU BSKYAB PA DANG, YONGS SU BSKYANG BA DANG, ZHI BA DANG, BDE LEGS SU 'GYUR BA BYAS PA DE'I LUS LA MTSON GYIS MI TSUGS SO,, DUG DANG, DBYIG DUG DANG, BYAD DANG, GSHED BYED DANG, RIMS NAD NAS GDON THAMS CAD KYI BAR GYIS DE LA MI TSUGS SO, ,PHA ROL GYI GNOD PAS 'CHI BA'I DUS BYED PAR MI

193a

, ,'GYUR RO, ,RIG SNGAGS KYI RGYAL MO CHEN MO RGYAL BA CAN 'DI NI, DE BZHIN GSHEGS PA'I PHYAG RGYAS BTAB PA YIN NO, ,LAG NA RDO RJE, KHYOD KYIS RIG SNGAGS KYI RGYAL MO CHEN MO RGYAL BA CAN ZHES BYA BA 'DI ZUNGS SHIG ,CHONGS SHIG ,LHOGS SHIG ,KUN CHUB PAR GYIS SHIG ,LAG NA RDO RJE, PHYI MA'I TSE PHYI MA'I DUS LNGA BRGYA PA THA MA DAM PA'I CHOS RNAM PAR 'JIG PA'I DUS KYI TSE GNOD SBYIN DANG, SRIN PO MDANGS 'PHROG PA DRAG SHUL GYI SEMS DANG LDAN PA SHIN TU MI BZAD PA DANG, CHOS MA YIN PA'I RGYAL PO TSE THUNG BA CHOS MA YIN PAS RGYAL SRID BYED PA DAG 'BYUNG BAR 'GYUR TE, ,DE'I TSE RIG SNGAGS KYI RGYAL MO CHEN MO RGYAL BA CAN 'DI SEMS KYI RGYUD MI MNYAM PA; MI BZAD PA'I SEMS DANG LDAN PA DE DAG DANG, SEMS CAN SDANG BA THAMS CAD KYI DON DANG, TSAR GCOD PAR 'GYUR RO, ,RIG SNGAGS KYI RGYAL MO CHEN MO RGYAL BA CAN BDUD KYI DKYIL 'KHOR THAMS CAD RNAM PAR 'JOMS PAR BYED PA 'DI NI, SANGS RGYAS BYE BA KHRAG KHRIG 'BUM PHRAG DU MAS BZUNG ZHING BYIN GYIS BRLABS TE PHYAG RGYAS BTAB PA YIN NO, ,RIG SNGAGS KYI RGYAL MO CHEN MO RGYAL BA CAN 'DI NI, LHA THAMS CAD KYIS PHYAG BYAS PA YIN NO, ,DE NAS BCOM LDAN 'DAS LA GSANG BA PA'I BDAG PO

193b

LAG NA RDO RJES 'DI SKAD GSOL TO, ,BCOM LDAN 'DAS, CHOS KYI RNAM GRANGS 'DI'I MING CI LAGS, 'DI JI LTAR GZUNG BAR BGYI, BCOM LDAN 'DAS KYIS BKA' STZAL PA, LAG NA RDO RJE, DE'I PHYIR KHYOD KYIS CHOS KYI RNAM GRANGS 'DI DE BZHIN GSHEGS PA'I SNYING PO DANG, PHYAG RGYA ZHES BYA BAR ZUNGS SHIG ,RIGS SNGAGS KYI RGYAL MO CHEN MO RGYAL BA CAN BDUD KYI DKYIL 'KHOR THAMS CAD RNAM PAR 'JOMS PAR BYED PA ZHES BYA BAR ZUNGS SHIG ,BCOM LDAN 'DAS KYIS DE SKAD CES BKA' STZAL NAS GSANG BA PA'I BDAG PO LAG NA RDO RJE DANG, RGYAL PO CHEN PO RNAM THOS KYI BU DANG, THAMS CAD DANG LDAN PA'I 'KHOR DE DAG DANG, LHA DANG, MI DANG, LHA MA YIN DANG, DRI ZAR BCAS PA'I 'JIG RTEN YID RANGS TE BCOM LDAN 'DAS KYIS GSUNGS PA LA MNGON PAR BSTOD DO, ,'PHAGS PA RIG SNGAGS KYI RGYAL MO CHEN MO RGYAL BA CAN ZHES BYA BA RDZOGS SO,, ,,RGYA GAR GYI MKHAN PO DZI NA MI TRA DANG, D'A NA SH'I LA DANG, ZHU CHEN GYI LOTZTSA BA BANDHE YE SHES SDES BSGYUR CING ZHUS TE GTAN LA PHAG PA,, ,,